Chapter 238

śrīkṛṣṇa uvāca |
rādhike nūtane varṣe prabhurbrahmapriyāpatiḥ |
cakāra kuṃkumavāpīkṣetre'nnakūṭakotsavam || 1 ||
[Analyze grammar]

bhojayāmāsa sarvān sa kuṃkumavāpikājanān |
narānnārīrbālavargān yūno vṛddhān samastataḥ || 2 ||
[Analyze grammar]

paśūn cāgantukāṃścāpi pakṣiṇaśca jaleśayān |
bhūśayān cetanān sarvān bhojayāmāsa vai hariḥ || 3 ||
[Analyze grammar]

pratipaddivase śrīmadbālakṛṣṇo nijālaye |
lakṣmīṃ tathā'nnapūrṇāṃ ca prāha bhojanakāmyayā || 4 ||
[Analyze grammar]

adya me vartate vāñcchā sarveṣāṃ bhojanārthikīm |
madhyāhnottaravelāyāṃ yadi syāt kurutaṃ tathā || 5 ||
[Analyze grammar]

ājñāṃ prāpyā'nnapūrṇā ca prāha śrīparameśvaram |
bhagavan pakvabhāvārthaṃ ghaṭikāpañcakaṃ khalu || 6 ||
[Analyze grammar]

apekṣyate'dya samayo vartate ca tathāvidhaḥ |
kariṣyāmo'nnasāmastyaṃ śṛtaṃ nāstyatra saṃśayaḥ || 7 ||
[Analyze grammar]

ityuktvā sā cānnapūrṇā sasmāra svasakhīṃ bhuvam |
śriyaṃ sasmāra tūrṇaṃ ca vārkṣī sasmāra tatra ca || 8 ||
[Analyze grammar]

sudhāṃ sasmāra dhānyānāṃ lakṣmīṃ sasmāra vai drutam |
cullikāśca sakhīḥ sarvāḥ sasmāra samidhastathā || 9 ||
[Analyze grammar]

śākapatrāṇi sasmāra veśavārān samastakān |
nadīḥ sasmāra gaṃgādyā dhenūḥ sasmāra kāmadāḥ || 10 ||
[Analyze grammar]

pākalakṣmīḥ prasasmāra vahnīn sasmāra tatra ca |
pātrāṇyakṣayanāmāni tathā sasmāra sadrasān || 11 ||
[Analyze grammar]

brahmapriyāḥ samastāśca sasmāra cānnapūrṇikā |
āndhasikīḥ prasasmāra sasmāra pariveṣikāḥ || 12 ||
[Analyze grammar]

āranālādikartrīśca takrapeyavidhāyinīḥ |
prasasmāra tadā sarvā sakhīstāśca samāyayuḥ || 13 ||
[Analyze grammar]

bhuvaṃ cājñāpayāmāsa kuru śīghraṃ mahānasam |
krośārdhaṃ vartulaṃ śīghraṃ kṣaṇāt sā'pi tathā'karot || 14 ||
[Analyze grammar]

nadīḥ prāha jalārthaṃ ca tā jalāni samānayan |
cullikāḥ prāha yogye ca sthale sthātuṃ sthitāśca tāḥ || 15 ||
[Analyze grammar]

vahnīn prāha nivāsārthaṃ cullīṣu vahnayaḥ sthitāḥ |
kaṭāhān prāha cullīnāṃ mastake sthātumāsthitāḥ || 16 ||
[Analyze grammar]

darvyādyāstūrṇamevā''san svasvakāryaniyojitāḥ |
sasyāni cāpi dhānyāni rasādīnāha pātrake || 17 ||
[Analyze grammar]

cullīpātreṣu ca sthātuṃ ghṛtādyāśca tathā'bhavan |
āsamantāttato lakṣmyaścāndhasikyaḥ sthitāḥ puraḥ || 18 ||
[Analyze grammar]

brahmapriyāḥ samastāścopakāriṇyastadā'bhavan |
lakṣmīnāṃ vai samastānāmicchayā ca ghṛtādikam || 19 ||
[Analyze grammar]

kaṭāheṣu ca pātreṣu tvāyānti ca tapanti ca |
yathāpekṣaṃ kaṇādyāśca piṣṭādikāni tatra ca || 20 ||
[Analyze grammar]

pakvatārthaṃ samāgatya praviśanti samantataḥ |
śarkarādyāstathā pakvā veśavārādayo'pi ca || 21 ||
[Analyze grammar]

annapūrṇecchayā tūrṇaṃ samāgatya viśanti ca |
aṣṭa vai siddhayastatra sevante sarvataḥ sthitāḥ || 22 ||
[Analyze grammar]

ghaṭīdvayānte siddhāni pakvānnāni bahūnyapi |
āmantraṇāni śaṃbhośca pārṣadāḥ kṣetrapā daduḥ || 23 ||
[Analyze grammar]

ākṣarakṣetravāsebhyo bhojanārthaṃ samastataḥ |
pakvānnānāmabhavaiṃśca parvatā vai mahānase || 24 ||
[Analyze grammar]

aśārkarādipākāśca tato'jāyanta bhūriśaḥ |
bhakṣānyapi tato jātānyasaṃkhyarūpakāni ca || 25 ||
[Analyze grammar]

bhojyānyapi drutaṃ jātānyasaṃkhyarūpakāni ca |
lehyānyapi kṛtānyeva bahusaṃkhyāni tatra ca || 26 ||
[Analyze grammar]

cośyānyapi samastāni kṛtāni subahūnyapi |
peyānyapi samastāni racitāni tadā drutam || 27 ||
[Analyze grammar]

āranālādīni cāpi caṭanyo vividhāstathā |
kṣāracaṇakamāṣādyāstatra śṛtāstathāvidhāḥ || 28 ||
[Analyze grammar]

śākānyapi vividhāni bhājā bhājyastathāvidhāḥ |
murabbārasasārāśca rāyatāni bahūnyapi || 29 ||
[Analyze grammar]

dadhighṛtanavanītapāyasakṣīratakrakam |
sarvaṃ yathāpekṣakaṃ tu pakvāpakvaṃ vidhāpitam || 30 ||
[Analyze grammar]

sarvābhirbrahmayoṣidbhirlakṣmībhiḥ kanyakādibhiḥ |
satībhiḥ siddhibhiścāpi sarvaṃ kṛtvoparakṣitam || 31 ||
[Analyze grammar]

ghaṭikāpañcamadhye tu sarvaṃ sampāditaṃ hitam |
prārthayāmāsurīśvaryaḥ śrīpatiṃ puruṣottamam || 32 ||
[Analyze grammar]

vartate sarvamevā'tra siddhaṃ vibhinnajātikam |
vaiśvadevaṃ vidhehi tvaṃ ghaṇṭānādaṃ prakāraya || 33 ||
[Analyze grammar]

bhojanārthaṃ janānāṃ vai paṃktayaḥ santu sarvataḥ |
madhyāhne bhagavān kṛṣṇanārāyaṇo hi rādhike || 34 ||
[Analyze grammar]

snātvā kṛtvā vaiśvadevaṃ tarpitvā'gniṃ ca pitṛkān |
tarpitvā devatāḥ sarvā ghaṇṭānādamakārayat || 31 ||
[Analyze grammar]

āgacchantu mahābhāgā bhojanārthaṃ hi paṃktiṣu |
yathājñaṃ sarvapātrāṇi tadā'bhavan hi paṃktiṣu || 36 ||
[Analyze grammar]

brāhmaṇāḥ kṣatriyā vaiśyāḥ śūdrāścānye'pi mānavāḥ |
āyayustatra śīghraṃ vai bhojanārthaṃ samantataḥ || 37 ||
[Analyze grammar]

brāhmaṇebhyo brahmavargāḥ pariveṣaṇamācaran |
bhojayāmāsuratyarthaṃ naranārīḥ samastataḥ || 38 ||
[Analyze grammar]

dakṣiṇāḥ pradadau tebhyo bālakṛṣṇo hi mudrikāḥ |
laḍaḍu'kān śaṣkulīścāpi śatacchidrāṇi khājakān || 39 ||
[Analyze grammar]

meśubhān mohanasthālān parpikākhaṇḍakāṃstathā |
piṇḍakān guḍakān śreṣṭhān granthikān modakāṃstathā || 40 ||
[Analyze grammar]

kalikālaḍaḍu'kāṃścāpi mudgalaḍaḍūṃ'śca maṇḍakān |
sohilakāṃśca saṃyāvaṃ kaṃsāraṃ ghṛtapūrakān || 41 ||
[Analyze grammar]

sevikāḥ polikā miṣṭāḥ pūrikāḥ pāyasaṃ tathā |
virañjaṃ sukhadāṃ pheṇīṃ gundrapākamapūpakān || 42 ||
[Analyze grammar]

pūpāṃśca ghurghurāṃścāpi vaṭakān tilapiṣṭakān |
śāṭakān sthirakāṃścāpi rambhācūtaphalāni ca || 43 ||
[Analyze grammar]

śākāni bhiṇḍakān svarṇadugdhāṃ kośātakīṃ tathā |
rājakośātakīṃ gavāhārāṃśca mārgarīṃ tathā || 44 ||
[Analyze grammar]

karkoṭikāṃ śimbikāṃ ca karkaṭīṃ cirbhaṭaṃ tathā |
raktāluṃ rājamāṣādīn śimbībimbīphalāni ca || 45 ||
[Analyze grammar]

śarkarākandamevāpi kharbūjaṃ kāravellakam |
kūṣmāṇḍaṃ sūraṇaṃ cāpi muniśimbīḥ paṭolakam || 46 ||
[Analyze grammar]

karkaṭīrmethikāścāpi pāravallaṃ ca mūlakam |
śatapuṣpāmamblaloṇīṃ jīvantīṃ syandikāṃ tathā || 47 ||
[Analyze grammar]

vṛntākaṃ bharjitaṃ cāpi rājikāktāni yāni ca |
drākṣākhārikasammiśrān dadhimiśravaṭīvaṭān || 48 ||
[Analyze grammar]

puṣpavaṭīśca bhojyāni saurabhodanamityapi |
sūpaḥ kvathikāstakrāṇi dadhimanthāni yāni ca || 49 ||
[Analyze grammar]

talitān harimanthāṃśca niṣpāvān parpaṭāṃstathā |
navanītaṃ cāranālaṃ caṭanīṃ dhānyakādijām || 50 ||
[Analyze grammar]

dugdhaṃ ca kvathitaṃ miṣṭaṃ dadhi ghṛtaṃ sakesaram |
marīcāni sutiktāni tathailākaṇakāni ca || 91 ||
[Analyze grammar]

bhūphalīśarkarābījānyapi vallān vaṭāṇakān |
kalikā miṣṭapolīśca ghārikā miṣṭajambukān || 52 ||
[Analyze grammar]

roṭakān mūśalīpākān vāsudevīṃ ca mallikām |
śrīkhaṇḍaṃ taralāṃ cāpi māṣalaḍaḍūn kalāvakam || 53 ||
[Analyze grammar]

ekottaraśataṃ tatra padārthān vāḍavādayaḥ |
bhuktvā tṛptiṃ parāṃ prāpya yayurgṛhāṇi vai tataḥ || 54 ||
[Analyze grammar]

kṣatriyā vaiśyavargāśca śūdrā bubhujire mudā |
dīnā anāthavargāśca bhikṣukāśca nirāśritāḥ || 55 ||
[Analyze grammar]

dāsavargā dāsikāśca sarvā bubhujire tadā |
kuṃkumavāpikākṣetrasthitā bubhujire'khilāḥ || 56 ||
[Analyze grammar]

tatra tatra padārtheṣu nyūnaṃ naiva prajāyate |
vardhate tvakṣaye pātre vastuni pariveṣite || 57 ||
[Analyze grammar]

akṣayaṃ cā'vyayaṃ sarvaṃ dīyamānaṃ prajāyate |
maharṣayastathā santaḥ sādhvyo bubhujire tathā || 58 ||
[Analyze grammar]

ābālavṛddhagopālāḥ sarve bubhujire tadā |
kṣetrapālā devatādyāḥ sarve bubhujire'pi ca || 59 ||
[Analyze grammar]

hareḥ sarvaṃ kuṭumbaṃ ca bubhuje śrīśavāñcchayā |
brahmapriyādyāḥ sarvāśca bhojayituṃ priyaṃ patim || 60 ||
[Analyze grammar]

sotsāhāścāyayurbālakṛṣṇasvāmipurastadā |
svarṇapaṭṭikasaṃsthāni pātrāṇi ca hareḥ kṛte || 61 ||
[Analyze grammar]

pakvānnapūrṇakānyeva nyadhurhareḥ puraśca tāḥ |
svarṇāsane hariḥ samyaṅniṣadyorṇosane prabhuḥ || 62 ||
[Analyze grammar]

bhoktuṃ cācamya ca samārebhe vyāhṛtipūrvakam |
ārcican śrīhariṃ tāścandanakuṃkumakesaraiḥ || 63 ||
[Analyze grammar]

bhojayāmāsuratyarthaṃ premālyaścātibhāvataḥ |
lakṣmīrviśālaṃ sthālaṃ ca kānakaṃ nidadhau puraḥ || 64 ||
[Analyze grammar]

rādhe tvayā samantācca sthāpitā laghuvāṭikāḥ |
māṇikyā kalaśaṃ pānapātraṃ jalayutaṃ nyadhāt || 65 ||
[Analyze grammar]

ramā ca vyajanaṃ dhṛtvā vāyudānaṃ karoti hi |
padmāvatī naktakaṃ ca dhṛtvā pārśve sthitā'bhavat || 66 ||
[Analyze grammar]

brahmapriyāstathā sarvāḥ sarvadeśodbhavāstadā |
vidadhurvai padārthānāṃ sarveṣāṃ pariveṣaṇam || 67 ||
[Analyze grammar]

annapūrṇādikā devyaḥ prāhuḥ śrīparameśvaram |
bhuṃkṣva nātha kṛpākānta didṛkṣāmo'tra bhāvitāḥ || 68 ||
[Analyze grammar]

atha kṛṣṇaḥ kare kṛtvā kavalaṃ bubhuje mudā |
aho miṣṭamaho bhojyaṃ kayedaṃ randhitaṃ śubham || 69 ||
[Analyze grammar]

pṛṣṭvā tatkartrīnāmāni praśaśaṃsa tu tā muhuḥ |
atisvādu kṛtaṃ cedaṃ praśaṃsya bubhuje punaḥ || 70 ||
[Analyze grammar]

brahmapriyādyāḥ sarvāśca bhuñjānaṃ dadṛśurharim |
vīkṣamāṇāḥ prāṇapatimāścaryaṃ lebhire striyaḥ || 71 ||
[Analyze grammar]

svalpaṃ bhuktvā samutthātuṃ samaihata yadā hariḥ |
śāradā taṃ sthāpayantī jagau bhuṃkṣveti kīrtanam || 72 ||
[Analyze grammar]

sarasvatī savāditrā prītaye śrīhareḥ puraḥ |
jagau bhojanapadyāni bhojayituṃ viśeṣataḥ || 73 ||
[Analyze grammar]

bhojanaṃ vidhehi nātha jīvana yogin |
prasādaṃ pradehi kānta hṛdayeśa yogin |
kavalaṃ gṛhāṇa kṛṣṇa miṣṭamiṣṭamenam |
prāsvādaya prakṛṣṭasaurabhānnakūṭam || 74 ||
[Analyze grammar]

pumarthadātṛ bhagavan prabhuṃkṣva kāmametat |
samastapakvametat re jīvana yogin |
bhojanaṃ vidhehi nātha jīvana yogin |
prasādaṃ pradehi kānta hṛdayeśa yogin || 75 ||
[Analyze grammar]

meśubhamohanasthālaṃ rasālapāyasānnaṃ |
suśaṣkulīṃ ca pheṇīṃ śrīkhaṇḍamiṣṭapolīm |
bhojanaṃ vidhehi nātha jīvana yogin |
prasādaṃ pradehi kāntajīvana yogin || 76 ||
[Analyze grammar]

suparpikāṃ rasāḍhyāṃ ca modakān virañjaṃ |
sugundrapākamiṣṭaṃ suśāṭakāṃśca ghurghurān |
bhojanaṃ vidhehi nātha jīvana yogin |
prasādaṃ pradehi kānta jīvana yogin || 77 ||
[Analyze grammar]

svādumiṣṭacaṇakān surājamāṣavaṭakān |
praśākabhājikādiprabhojyapuṣpavāṭīḥ |
bhojanaṃ vidhehi nātha jīvana yogin |
prasādaṃ pradehi kānta hṛdayeśa yogin || 78 ||
[Analyze grammar]

parparāṃśca caṭanīṃ śubhā''ranālakāni |
sutakradugdhakāni samastabhojanāni |
bhojanaṃ vidhehi nātha jīvana yogin |
prasādaṃ pradehi kānta hṛdayeśa yogin || 79 ||
[Analyze grammar]

sugandhi vāri miṣṭaṃ sūpaudanaṃ yadiṣṭaṃ |
praphullapūrikādiprapakvaghurghurādīn |
bhojanaṃ vidhehi nātha jīvana yogin |
prasādaṃ pradehi kānta hṛdayeśa yogin || 80 ||
[Analyze grammar]

elālavaṃgamiśraṃ tāmbūlakaṃ sudhāktaṃ |
cā''kaṇṭhapūrtamadyaṃ prabhuṃkṣva dehi śiṣṭam |
bhojanaṃ vidhehi nātha vallabha svāmin |
prasādaṃ pradehi kānta kāmaneśa bhogin || 81 ||
[Analyze grammar]

ityevaṃ rādhike sarvā bhojayāmāsa satpatim |
bhagavān vubhuje pūrṇaṃ tataḥ sarvā api striyaḥ || 82 ||
[Analyze grammar]

kavalāni kare kṛtvā bhojanāya nijaṃ patim |
viśvaṃbharaṃ prasahyaiva yatnaṃ tatra pracakrire || 83 ||
[Analyze grammar]

yogeśvaro haristāsāṃ tādṛṅmānasasiddhaye |
sarvapatnīsamasaṃkhyasvarūpo'bhūdasaṃkhyakaḥ || 84 ||
[Analyze grammar]

sarvāsāṃ brahmapatnīnāṃ karebhyaḥ kavalāni tu |
bubhuje samakālena snehena tāḥ prarañjayan || 85 ||
[Analyze grammar]

jalaṃ tāmbūlakaṃ cāpi pratyekakarato hariḥ |
papau prajagṛhe tatra pūrṇakāmāśca tāstataḥ || 86 ||
[Analyze grammar]

atha sarvasakhībhyaśca pakvānnāni muhurmuhuḥ |
bhojayāmāsa bhagavān prasādāni kareṇa vai || 87 ||
[Analyze grammar]

bhojayitvā ca tāmbūlarasaṃ tāmbūlakāni ca |
pāyayāmāsa tāḥ sarvāḥ koṭyarbudābjakanyakāḥ || 88 ||
[Analyze grammar]

kṛtakṛtyāśca tā jātā brahmapriyāstathā'parāḥ |
pariveṣaṇakartryaśca pākakartryastathā striyaḥ || 89 ||
[Analyze grammar]

pākasāhāyyakartryaśca vastuhāriṇya ityapi |
vastūdbhāvanakartryaśca rasadā yoṣitastathā || 90 ||
[Analyze grammar]

annapūrṇādibhistatra yā yāścākāritāstu tāḥ |
sarvāḥ śrīmadbālakṛṣṇaprasādaṃ durlabhaṃ hyapi || 91 ||
[Analyze grammar]

sulabhaṃ prāpya ca bubhujire tṛptiṃ gatāśca tāḥ |
evaṃ bhuktvā tvannakūṭaṃ pracakruḥ parihārakam || 92 ||
[Analyze grammar]

jalajantubhya evāpi dadau prasādamuttamam |
pakṣibhyaśca paśubhyaśca kīṭādibhyaḥ samantataḥ || 93 ||
[Analyze grammar]

pradadau bhagavāṃstatra prasādaṃ tvanivāritam |
vṛkṣebhyo vanavallībhyaḥ stabakebhyaḥ samantataḥ || 94 ||
[Analyze grammar]

dravatprāsādikaṃ khādyaṃ dadau mūleṣu vai hariḥ |
prasādagrahaṇārthaṃ vai devā maharṣayastathā || 95 ||
[Analyze grammar]

pitaraścāpi muktāśca divyadehāḥ samāyayuḥ |
yatra yatra prasādaḥ sa dṛṣṭastatra tathāvidhāḥ || 96 ||
[Analyze grammar]

bhūtvā te jagṛhuḥ sarve prasādaṃ tvaprakāśitāḥ |
evaṃ cānugrahaṃ prāpya svasvalokān yayurhi te || 97 ||
[Analyze grammar]

tāḥ sarvāḥ siddhayo bhuktvā labdhvā''jñāṃ pārameśvarīm |
mahānasapradeśasya tirobhāvaṃ vyadhustadā || 98 ||
[Analyze grammar]

sarvaṃ vai līnatāṃ yātaṃ nagarī tṛptimāgatā |
jayakāraṃ jagau kṛṣṇavallabhasya suharṣitā || 99 ||
[Analyze grammar]

tato nijālayaṃ gatvā viśrāntimāpureva tu |
evaṃ mahotsavaṃ cakre rādhike kṛṣṇavallabhaḥ || 100 ||
[Analyze grammar]

paṭhanācchravaṇādasya tvannakūṭaphalaṃ labhet |
bhuktiṃ muktiṃ labheccāpi bālakṛṣṇasya tarpaṇāt || 101 ||
[Analyze grammar]

iti śrīlakṣmīnārāyaṇīyasaṃhitāyāṃ dvitīye tretāsantāne śrīhariṇā'nnakūṭotsavo vihitaḥ sarvaprajābhojanādi kāritaṃ cetyādinirūpaṇanāmā'ṣṭātriṃśadadhikadviśatatamo'dhyāyaḥ || 238 ||
[Analyze grammar]