Chapter 182

śrīkṛṣṇa uvāca |
śṛṇu tvaṃ rādhike'nādikṛṣṇanārāyaṇo hariḥ |
iṣṭalavarṣyupādiṣṭasthale nijavimānakam || 1 ||
[Analyze grammar]

avātārayadudyāne viśāle bhūtale śubhe |
trivarāyāścāpagāyāstaṭasthe sudrumākule || 1 ||
[Analyze grammar]

rāmapuryā nagaryāstu nikaṭe vādyanādite |
jinavarddhinṛpo'mātyaiḥ kumārairbāndhavaiḥ saha || 3 ||
[Analyze grammar]

prajābhiśca harestatra susvāgataṃ cakāra ha |
puṣpahārān hīrakāḍhyasvarṇahārān gale dadau || 4 ||
[Analyze grammar]

bahiścāvatarantaṃ śrīhariṃ vimānakāt prajāḥ |
sarvāścandanalājābhiścākṣataiḥ kusumādibhiḥ || 5 ||
[Analyze grammar]

jayaśabdairharṣanādairnamanairarhṛṇāṃ vyadhuḥ |
pitarau bāndhavān sarvān bhaginīṃ ca gurūnṛṣīn || 6 ||
[Analyze grammar]

brahmapriyāśca sarve te pupūjurhāracandanaiḥ |
atha sainyasahāye ca gajayāne suvarṇaje || 7 ||
[Analyze grammar]

harimārohayāmāsa rājā tu jinavardhakaḥ |
mahīmānān samastāṃścārohayāmāsa bhūriṣu || 8 ||
[Analyze grammar]

vāhaneṣu vimāneṣu gantrīṣu śakaṭīṣvapi |
vādyakīrtanasaṃhrādotsavaiḥ kṛṣṇanarāyaṇam || 9 ||
[Analyze grammar]

rāmapuryāṃ nagaryāṃ sambhrāmayāmāsa sarvaśaḥ |
rājamārgeṣu sarvatra prajābhiḥ pūjito hariḥ || 10 ||
[Analyze grammar]

phalapuṣpākṣataraupyasvarṇamudrāmbarādibhiḥ |
evaṃ vai darśanaṃ datvā rājasaudhaṃ samāyayau || 11 ||
[Analyze grammar]

vardhito janatābhiśca śuśubhe parameśvaraḥ |
ānandapūrṇahṛdayaḥ sāyaṃ sabhāmakārayat || 12 ||
[Analyze grammar]

lakṣāvadhimanuṣyāṇāṃ priyakāryārthahetave |
jalapānaṃ hariḥ kṛtvopādideśa prajāstadā || 13 ||
[Analyze grammar]

divye siṃhāsane tatrāsīnaḥ prasannabhāvanaḥ |
bhagavatkāryakartāro bhagavaccaraṇāśrayāḥ || 14 ||
[Analyze grammar]

bhagavaddhyānasampannāḥ prayānti paramāṃ gatim |
satāṃ sevāprakartāraḥ satāṃ vā caraṇāśrayāḥ || 15 ||
[Analyze grammar]

satāṃ mārge pragantāraḥ prayānti paramāṃ gatim |
smṛddhayo bhūmikājanyāścānte bhūmau viśanti hi || 16 ||
[Analyze grammar]

tā yadi syuḥ satāmarthe haryarthe mokṣadāśca tāḥ |
pṛthvī dadāti cānnāni meghā apo dadatyapi || 17 ||
[Analyze grammar]

vahniḥ pākaṃ karotyeva vāyuḥ karoti rūkṣatām |
saṃvidhāyaiva te sarve śayyābhogyadhanāni ca || 18 ||
[Analyze grammar]

mānavārthe dadatyeva mānavairarpyamīśvare |
vinā'rpaṇaṃ pareśe tu sampado vipado nanu || 19 ||
[Analyze grammar]

nārakiṇyo bhavantyevānte'pi nirayasampradāḥ |
tasmād bhūtaistu yā dattā vibhūtayo'tigauravāt || 20 ||
[Analyze grammar]

arpaṇīyā harau sarvāstāstadā mokṣadāḥ khalu |
samudro'pi kṛtastena pṛthivī tena nirmitā || 21 ||
[Analyze grammar]

sasyāni tena devena kṛtāni kaṇadāni tu |
dehastena kṛtaścāpi bījaṃ tena vinirmitam || 22 ||
[Analyze grammar]

sajātīyaṃ kṛtaṃ tena bhogyaṃ dattaṃ samānakam |
yena dattamidaṃ sarvaṃ tasmai deyaṃ parātmane || 23 ||
[Analyze grammar]

sa eva bhagavānatra bhūtale lokahetave |
dehināṃ śreyase cāste dṛggocaraḥ sukhapradaḥ || 24 ||
[Analyze grammar]

sevanīyastoṣaṇīyaḥ prayatnenā'vagatya ca |
evaṃ jñātvā mama sevāṃ kariṣyanti tu ye janāḥ || 25 ||
[Analyze grammar]

tānahaṃ tūddhariṣye vai janmasaṃsāravāridheḥ |
ahaṃ daṇḍapradātā'smi daṇḍo mayā vinirmitaḥ || 26 ||
[Analyze grammar]

yadāśrayaṃ vinā daṇḍapātrāṇi dehinaḥ khalu |
daṇḍadātāramevātra māmāśrayantu sarvathā || 27 ||
[Analyze grammar]

rājasu yo mayā kṣipto daṇḍo vaśyaḥ sa me sadā |
yame cāpi mayā nyasto daṇḍo vikarmiśāsakaḥ || 28 ||
[Analyze grammar]

daṇḍaḥ śāsti prajāḥ sarvā dharmadaṇḍaḥ prarakṣati |
daṇḍo jāgarti supteṣu dharmārthakāmamokṣakṛt || 29 ||
[Analyze grammar]

dhānyaṃ dhanaṃ striyaḥ putrā bhṛtyāḥ putryaśca vāṭikāḥ |
dharmo nyāyaśca maryādā rakṣyante daṇḍabhītitaḥ || 30 ||
[Analyze grammar]

mātṛdaṇḍabhayādbālā kalahaṃ na prakurvate |
rājadaṇḍabhayādeke pāpāḥ pāpaṃ na kurvate || 31 ||
[Analyze grammar]

devadaṇḍabhayād duṣṭā anyāyaṃ nāśrayanti hi |
yamadaṇḍabhayāścāpi paralokabhayādapi || 32 ||
[Analyze grammar]

parasparabhayāścāpi niyamyante prajā iha |
evaṃ sāṃsiddhiko loko bhayāddharme vyavasthitaḥ || 33 ||
[Analyze grammar]

daṇḍasyaiva bhayātsarve na khādanti parasparam |
rājadaṇḍo dharmadaṇḍo yamadaṇḍastathā'paraḥ || 34 ||
[Analyze grammar]

devadaṇḍaḥ pradhānāste rakṣanti vividhāḥ prajāḥ |
adaṇḍikāḥ prajāścetsyurnimajjeyurmahāndhasi || 35 ||
[Analyze grammar]

adāntānapyaśiṣṭāṃśca damayatyeva daṇḍakaḥ |
ājñādaṇḍo mamā'styeva mamājñā vaidikī hi sā || 36 ||
[Analyze grammar]

tāmanutsṛjya gantāro yānti daṇḍasya pāratām |
netā'haṃ sarvasṛṣṭīnāṃ śāsako rakṣakastathā || 37 ||
[Analyze grammar]

rājasvāviśya tiṣṭhāmi vartayāmi ca śāsane |
prajāḥ sarvāstathā sarvān nṛpān niyamarūpavān || 38 ||
[Analyze grammar]

yatra daṇḍo mama yāti carate sūdyataḥ sadā |
prajāstatra na muhyanti neyuḥ sanmārgabhraṃśatām || 39 ||
[Analyze grammar]

manuṣyāḥ paśavaḥ pakṣavanto'pi kīṭamakṣikāḥ |
daṇḍasyaiva bhayādete yathārthe vartmani sthitāḥ || 40 ||
[Analyze grammar]

nā'bhīto yajate kaścinnā'bhīto dātumicchati |
nā'bhītaśca janaḥ kaścit samaye sthātumicchati || 41 ||
[Analyze grammar]

rudraḥ skando mahendraśca vahniśca varuṇo yamaḥ |
kālo vāyuḥ kuberaśca ravirmṛtyuḥ śanistathā || 42 ||
[Analyze grammar]

vasavo marutaḥ sādhyā viśvedevāśca rākṣasāḥ |
ete'pi bhayamāpannā daṇḍasya niyame sthitāḥ || 43 ||
[Analyze grammar]

etān prajāstathā bhītāḥ praṇamanti muhurmuhuḥ |
bhayaṃ na ced bhavelloke vinaśyeyuḥ parasparam || 44 ||
[Analyze grammar]

daṇḍasyaiva bhayādbhīto dharme sarvaḥ pravartate |
cāturvarṇyapramodāya sunītirakṣaṇāya ca || 45 ||
[Analyze grammar]

daṇḍabhītistu vihitā dharmārthau rakṣituṃ sadā |
tābhyāṃ mokṣo bhavet paścād yo'sti manmūrtimāśritaḥ || 46 ||
[Analyze grammar]

yadi dharmānna bibhiyuḥ śvāpadādyā vijātayaḥ |
adyurjñātiṃ nijāṃ siṃhādayaḥ krūrā vanaśritāḥ || 47 ||
[Analyze grammar]

manuṣyāścāpi saṃbhūya cādyuḥ prasahya vai mithaḥ |
viśvak lopaḥ pravarteta bhidyerannītisetavaḥ || 48 ||
[Analyze grammar]

careyurnāśramaṃ karma kanyā nodvahanaṃ laṣet |
yuvatī nāśrayet kāntaṃ preṣyā tvājñāṃ na codvahet || 49 ||
[Analyze grammar]

narastiṣṭhenna niyame śīle dharmabhayaṃ vinā |
dharme svargo manuṣyāṇāṃ lokaścāyaṃ pratiṣṭhitaḥ || 50 ||
[Analyze grammar]

dharmo bhaktyāśca sahito nirguṇatvāya kalpate |
nātyantaṃ guṇavat kiñcinna cā'pyatyantanirguṇam || 51 ||
[Analyze grammar]

ubhayaṃ sarvalokeṣu dṛśyate sādhvasādhu vā |
sādhu vicārya kartavyaṃ tyaktavyaṃ yanna sādhu tat || 52 ||
[Analyze grammar]

satāṃ samāgamaḥ sādhuḥ śrīharerme sadāśrayaḥ |
sarvārpaṇavidhānena kartavyo me samāgamaḥ || 53 ||
[Analyze grammar]

avadhye śāsake kṛṣṇe mayi nyastā hi ye janāḥ |
na te vai kālamāyāderbhayena syuḥ prapīḍitāḥ || 54 ||
[Analyze grammar]

tasmād bhāgavataṃ dharmaṃ pālayantu prajājanāḥ |
mamā''jñā daṇḍarūpā'sti sukhadā bhayavarjitā || 55 ||
[Analyze grammar]

nirbhayāḥ santu sarve'tra mānavā iṣṭalīsthitāḥ |
svasti vo'stu jinavarddhe iṣṭalavāśrayasthite || 56 ||
[Analyze grammar]

ityuktvā virarāmā'sau bhagavān puruṣottamaḥ |
tato nīrājanaṃ cakruḥ pūjanaṃ śrīharestadā || 57 ||
[Analyze grammar]

pitrośca bāndhavānāṃ ca rājādyāḥ susamutsukāḥ |
rājñyādyāḥ pūjanaṃ cakrurbrahmapriyādiyoṣitām || 58 ||
[Analyze grammar]

upadāśca nyadhuḥ sarvāḥ svarṇarūpyakahīrakān |
ābhūṣaṇāni vastrāṇi maṇīn pātrāṇi mauktikān || 59 ||
[Analyze grammar]

ratnāni copakaraṇānyadhurvividhakāni ca |
mantrāṃśca jagṛhuḥ sarve narā nāryo'vaśeṣitāḥ || 60 ||
[Analyze grammar]

tataścakruḥ parihāraṃ sabhāyāḥ śrīharistataḥ |
bubhuje dugdhapurikādikaṃ cānyepi sarvaśaḥ || 61 ||
[Analyze grammar]

mahīmānā bubhujuśca prasādaṃ jagṛhuḥ prajāḥ |
rājādyāśca tato naijaṃ sthānaṃ yayustato hariḥ || 62 ||
[Analyze grammar]

nidrāṃ jagrāha rātrau ca prātarutthāya vai hṛdi |
dhyātvā rūpaṃ paraṃ naijaṃ śuśrāva maṃgalasvanān || 63 ||
[Analyze grammar]

nityavidhiṃ vidhāyaiva yāvatsvastho'bhavattadā |
rājā pakvānnapātrāṇi dugdhādīnyānināya ha || 64 ||
[Analyze grammar]

ārpayaddharaye praghūṇikebhyaste'danaṃ vyadhuḥ |
atha madhyāhnakāle ca bhuktvā viśrāntimāyayuḥ || 65 ||
[Analyze grammar]

hariṃ tu bhuktavantaṃ vai rājñī kanyāśca sapta vai |
sevituṃ tvāgatāḥ puṣpahārādyarpaṇamācaran || 66 ||
[Analyze grammar]

bhūṣaṇāni vicitrāṇi dhārayāmāsurīśvaram |
ābhūṣayitvā śrīkṛṣṇaṃ nārāyaṇaṃ surūpiṇam || 67 ||
[Analyze grammar]

kare ca jagṛhuḥ kanyāḥ sapta vivāhakarmaṇā |
kṛtakṛtyā babhūvuśca prāpya śrīkṛṣṇavallabham || 68 ||
[Analyze grammar]

brahmapriyāsu militā vaiṣṇavyaḥ sukhapūritāḥ |
atha rādhe tadā sarve pupūjuryugalāni vai || 69 ||
[Analyze grammar]

tataścaikaṃ mahāścaryamabhūcchṛṇu vadāmi te |
kaścid dīnajano'nātha ivā''yāto hareḥ puraḥ || 70 ||
[Analyze grammar]

ākrośannāha bhagavan mama bālaṃ kumārakam |
putrīṃ caikāṃ jahārātra rākṣasaḥ kaścideva ha || 71 ||
[Analyze grammar]

prajāputrān prajāputrīrharanti rākṣasāḥ pare |
mārayanti janāṃścāpi pṛṣṭhe gacchanti tānapi || 72 ||
[Analyze grammar]

dhṛtvā haranti cādrau tān vṛddhān yūno'pi rākṣasāḥ |
tasmād rakṣa mahārāja nārāyaṇa pareśvara || 73 ||
[Analyze grammar]

parvatīyaprajāḥ sarvāḥ kṛpānātha kṛpāṃ kuru |
ityuktaḥ śrīharistūrṇaṃ rādhe sajjo babhūva ha || 74 ||
[Analyze grammar]

dhṛtvā sudarśanaṃ sūkṣmaṃ cāṃgulyāṃ cormikāsamam |
gūḍhatejo'nvita śīghraṃ gantuṃ ceyeṣa tatsthalam || 75 ||
[Analyze grammar]

tāvad rājā jinavarddhiścāpi śastrasamanvitaḥ |
sajjo'bhavacca hariṇā sārdhaṃ dīnā'vanodyataḥ || 76 ||
[Analyze grammar]

tāvattatra samāyāto rājā nāmnā'lpaketukaḥ |
ālpaparvatarājyeśaḥ prāha natvā hariṃ tadā || 77 ||
[Analyze grammar]

mama rājyaṃ pāvanaṃ tvaṃ kuru śrīparameśvara |
āpyāyano maharṣiśca tathaivā''rthayadīśvaram || 78 ||
[Analyze grammar]

tathā'stviti hariḥ prāha jagādodantakaṃ tathā |
rākṣasasya krūrakarmā'nāthasya parirakṣaṇam || 79 ||
[Analyze grammar]

alpaketuśca tacchrutvā śastrasajjo vimānake |
niṣasāda vimāne'pi hantuṃ rākṣasapuṃgavam || 80 ||
[Analyze grammar]

vimānaiśca tadā sarvasainyānyapi ca satvaram |
śastrāstrayantrayuktāni yuddhārthaṃ cāmbare'bhavan || 81 ||
[Analyze grammar]

rājñā rājñyādibhiścāpi prajābhiḥ pūjitaḥ prabhuḥ |
alpaketorgṛhaṃ yāsyan haniṣyatīti rākṣasam || 82 ||
[Analyze grammar]

vijñāya ca śrīharaye dattānyupāyanānyapi |
gṛhītvā suvidāyaṃ sarvebhyo datvā śubhāśiṣaḥ || 83 ||
[Analyze grammar]

vidāyatūryaninadān yuddhabherīpragarjanāḥ |
śrutvā dhṛtvā puṣpahārān yānamadhyāruroha ca || 84 ||
[Analyze grammar]

anye prāghūṇikavargāḥ sārthāḥ sarve harestadā |
vimānāni samāruhya jayaśabdān pracakrire || 85 ||
[Analyze grammar]

anātho'pi janaḥ kṛṣṇavimāne darśako'bhavat |
tannidarśitamārgeṇa yānāni gatimācaran || 86 ||
[Analyze grammar]

kṣaṇamātreṇa śailaṃ tam apināyaṃ prapedire |
pūrvavārdhikhāḍikāyāḥ paścime cāyatādrikam || 87 ||
[Analyze grammar]

durgamaṃ kaṇṭakāraṇyaiḥ pāṣāṇairgaṇḍaśailakaiḥ |
hiṃsraprāṇinivāsaiśca rākṣasaiśca viśeṣataḥ || 88 ||
[Analyze grammar]

jvālamālāvṛtaśailarasavighnairviśeṣataḥ |
ākāśātparvate'dhityakāyāṃ tu gahvaraṃ mahat || 89 ||
[Analyze grammar]

yanmukhe rākṣasā āsan vṛkṣo'dhaḥkṛtaketanāḥ |
bhayaṃkarā vivastrāśca paśumāṃsāśanā api || 90 ||
[Analyze grammar]

naramāṃsādanāścāpi digambarā bhayaṃkarāḥ |
asthiśastrānvitā mantrajālaśastravidastathā || 91 ||
[Analyze grammar]

vimānastho'nāthabhakto darśayāmāsa tāṃ diśām |
harirvilokya bubudhe rākṣasānāṃ tadālayam || 92 ||
[Analyze grammar]

naranāṭyadharaḥ kṛṣṇo vetti sarvaṃ tathāpi vai |
tadā prāha mahāyuddhaṃ dāruṇaṃ saṃbhaviṣyati || 93 ||
[Analyze grammar]

ime tu rākṣasā ghorā vinā rudraṃ tu śaṃkaram |
aśakyā hantumevātretyuktveśānamuvāca ha || 94 ||
[Analyze grammar]

rudra rudra mahābāho mama bāho sureśvara |
yodhanārthaṃ prarakṣārthaṃ mayā tvamatra vai sadā || 95 ||
[Analyze grammar]

mama pārśve rakṣito'si kāryaṃ te samupasthitam |
dhārayograṃ mahadrūpaṃ saṃharaitān mahāsurān || 96 ||
[Analyze grammar]

mārayaitānīśasaṃjñeśānadevo'rthavān bhava |
ityevaṃ svavimānasthaṃ kṣetrapāleśvaraṃ haram || 97 ||
[Analyze grammar]

mahārudraṃ mahārājaḥ proktvā yuddhārthamairayat |
tāvad rudro maheśānastyaktvā śāntaṃ tu bhāvanam || 98 ||
[Analyze grammar]

vikarālaṃ svarūpaṃ sandadhāra śailasadṛśam |
ākāśe tu vimānāni hariṇā cakrasadṛśam || 99 ||
[Analyze grammar]

vyūhaṃ prakārayitvaiva sthirīkṛtāni sarvathā |
jinavarddhimahārājastathā'lpaketubhūpatiḥ || 100 ||
[Analyze grammar]

ājñāṃ cakraturvādyānāṃ yuddhāvedananardane |
yuddhavādyānyavādyanta śūrā raktadṛśo'bhavana || 101 ||
[Analyze grammar]

śaṃkhā bheryo bigulāni tadā'vādyanta sarvaśaḥ |
jayaśabdāśca vīrāṇāṃ yuddhārthamabhavaṃstadā || 102 ||
[Analyze grammar]

rākṣasā daśasāhasrā mārīśāyāṃ tadā'bhavan |
te ca śarve viditvaivākasmād yuddhaninādakān || 103 ||
[Analyze grammar]

sajjā bhūtvā niryayuśca mārīśānagarīmukhāt |
ākāśamārgagā sarve gahvaraṃ prāpya vismitāḥ || 104 ||
[Analyze grammar]

naṣṭabhānā iva cāsan mahāyuddhajayārthinaḥ |
rādhike tu tadā rudragomukhaṃ vyanadad bahu || 105 ||
[Analyze grammar]

iti śrīlakṣmīnārāyaṇīyasaṃhitāyāṃ dvitīye tretāsantāne jinavardhinṛparājye rāmapurīṃ pāvanīkṛtyopadiśya bhuktvā viśramya pūjāṃ prāpya janahārirākṣasavināśārthaṃ savidāyam |
apināyā'driṃ harirjagāmetyādinirūpaṇanāmā dvyaśītyadhikaśatatamo'dhyāyaḥ || 182 ||
[Analyze grammar]