Chapter 152

śrīkṛṣṇa uvāca |
tato yadāha bhagavān bhaktaṃ rādhe vadāmi te |
vedimadhye tu kamale tāmraghaṭaṃ nidhāpayet || 1 ||
[Analyze grammar]

oṃ bhūrasīti vai bhūmiṃ spṛṣṭvā prakṣipya tandulān |
yavān vā samiti tatra oṣadhīḥ sanniyujya ca || 2 ||
[Analyze grammar]

omājighreti kalaśaṃ sthāpayet tatra vai sthale |
oṃ varuṇasyetyudakaṃ kṣiptvā vastreṇa veṣṭayet || 3 ||
[Analyze grammar]

oṃ yāḥ phalinīti pūgīphalaṃ ca pañcaratnakam |
hiraṇyaṃ ca kṣipedgandhaṃ kṣipet sarvauṣadhīṃstathā || 4 ||
[Analyze grammar]

kṣipet saptamṛdaścāpi dūrvā ca pañcapallavān |
pavitrāṇi kṣipettandulasthālīṃ ca nidhāpayet || 5 ||
[Analyze grammar]

śrīphalaṃ sannidhāyai va pratiṣṭhāpya ca devatām |
oṃ bhūrbhuvaḥ svaḥ varuṇa ihāgaccha ca tiṣṭha ca || 6 ||
[Analyze grammar]

namāmi ṣoḍaśadravyaiḥ pūjayāmi ca te namaḥ |
samprārthya tanmukhe svarṇamūrtiṃ nārāyaṇīṃ nyaset || 7 ||
[Analyze grammar]

agnyuttāraṇapūrvāṃ cācchādya paṭṭāmbarādibhiḥ |
ehyehi bhagavan viṣṇo lokānugrahakāraka || 8 ||
[Analyze grammar]

yajñabhāgaṃ gṛhāṇemaṃ vāsudeva namo'stu te |
oṃ viṣṇave namo madhusūdanāya namo namaḥ || 9 ||
[Analyze grammar]

oṃ namastrivikramāya vāmanāya ca oṃ namaḥ |
śrīdharāya nama oṃ śrīhṛṣīkeśāya oṃ namaḥ || 10 ||
[Analyze grammar]

padmanābhāya ca namo dāmodarāya oṃ namaḥ |
anādiśrīkṛṣṇanārāyaṇāya oṃ namo namaḥ || 11 ||
[Analyze grammar]

śrīkṛṣṇāya nama oṃ ca nārāyaṇāya oṃ namaḥ |
naranārāyaṇāya oṃ namo vai haraye ca om || 12 ||
[Analyze grammar]

etaiśca nāmabhiḥ kṛṣṇaṃ sampūjya praṇametpunaḥ |
gururācamya ca dvārapālān gandhaiḥ samarcayet || 13 ||
[Analyze grammar]

paṭhadhvaṃ ca yajadhvaṃ ca viprān vai prerayettathā |
ācārya ṛtvijaḥ kuṇḍe'gniṃ smṛtvā kuryurāvidhim || 14 ||
[Analyze grammar]

pratikuṇḍaṃ kuṇḍadakṣe yajamāno niṣadya ca |
dhṛtvā kuśayavajalānyadya kālādike śubhe || 15 ||
[Analyze grammar]

etaddevapratiṣṭhārthayajñakarmasvidaṃ haviḥ |
dravyaṃ sarvagrahebhyo'dhidevatābhyaśca vai tathā || 16 ||
[Analyze grammar]

pratyadhidevatābhyaśca lokapālebhya ityapi |
dikpālebhyastridevebhyo gaṇeśāya tathā hyapi || 17 ||
[Analyze grammar]

ambikābhūtayūthebhyastathā ca viśvakarmaṇe |
varuṇāgnivāyusūryaprajāpatibhya ityapi || 18 ||
[Analyze grammar]

sviṣṭakṛdādidevebhyaḥ sarvebhyaśca namama om |
ityuccārya pratikuṇḍaṃ dravyatyāgaṃ samācaret || 19 ||
[Analyze grammar]

jāpakānāṃ jape jāyamāne homaṃ samācaret |
kraṇeṇa varaṇaṃ kuryād deśakālau prakīrtya vai || 20 ||
[Analyze grammar]

amukaṃ brāhmaṇaṃ brahmatvena tvāmahamāvṛṇe |
vṛto'smīti prativākyaṃ vihitaṃ karma cācara || 21 ||
[Analyze grammar]

yathājñānaṃ karavāṇi vahnerdakṣiṇatastataḥ |
tyaktvā paristaraṇārthabhuvaṃ datvā tu vedhase || 22 ||
[Analyze grammar]

vāraṇādidārurūpāsanaṃ prāgagragān kuśān |
āsane tu samāstīrya vahnipradakṣiṇakramāt || 23 ||
[Analyze grammar]

brahmāṇaṃ tu samānīya pratiṣṭhākarmaṇi svayam |
brahmā bhavetyabhidhāyā''sane samupaveśayet || 24 ||
[Analyze grammar]

tadabhāve tu pañcāśatkuśātmakaṃ prakalpayet |
agneruttarataḥ prāgagrakuśairāsanadvayam || 25 ||
[Analyze grammar]

kalpayitvā vāraṇaṃ dvādaśāṃgulasudīrghakam |
caturaṃgulavistāraṃ caturaṃgulakhātakam || 26 ||
[Analyze grammar]

camasaṃ purataḥ kṛtvā dakṣahastasthapātragam |
jalaṃ prapūrya ca kuśairācchādya brahmaṇo mukham || 27 ||
[Analyze grammar]

vīkṣyā'gneruttarataḥ paścimāsane kuśopari |
nidadhyādvai tataḥ paristaraṇaṃ syād yathā tu tat || 28 ||
[Analyze grammar]

barhiṣo vai caturthāṃśaṃ dhṛtvā prāgagrakaiḥ kuśaiḥ |
caturbhiśca caturbhiścā''gneyādīśānakāvadhim || 29 ||
[Analyze grammar]

brahmataścāgniparyantaṃ nairṛtyād vāyakāvadhim |
agnitaḥ praṇītakāntaṃ paristaraṇamiṣyate || 30 ||
[Analyze grammar]

kṛtvā tacca tato'gneruttarataḥ paścime khalu |
pavitracchedanārthaṃ tu kuśatrayaṃ samādadet || 31 ||
[Analyze grammar]

pavitrakaraṇārthaṃ ca dvau kuśastabakau nayet |
vāraṇaṃ prokṣaṇīpātra dvādaśāṃguladīrghakam || 32 ||
[Analyze grammar]

ājyasthālī taijasī dvādaśāṃgulaviśālikā |
prādeśoccā'tha carusthālī sammārgatridarbhikāḥ || 33 ||
[Analyze grammar]

upayamakuśāstriprabhṛtayaśca samit trayam |
pālāśyaḥ prādeśamātryaḥ sruvo hastaśca khādiraḥ || 34 ||
[Analyze grammar]

ājyaṃ gavyaṃ vrīhitandulakā dravyaṃ hiraṇyakam |
ṣaṭapaṃcāśattathā śatadvayaṃ taṇḍulamuṣṭikāḥ || 35 ||
[Analyze grammar]

tandulapūrṇapātra ca rakṣaṇīyāni maṇḍape |
āsādanaṃ pavitracchittidarbhānāṃ tu pūrvataḥ || 36 ||
[Analyze grammar]

tataḥ kuśaistribhiścāgre hitvā prādeśamātrakam |
dve kuśataruṇe pracchidya pavitravidhāpanam || 37 ||
[Analyze grammar]

sapavitrakareṇaiva prokṣaṇīpātrake tadā |
praṇītodakamākṣipyā'nāmikāṃ'guṣṭhacippyayā || 38 ||
[Analyze grammar]

uttarāgre pavitre gṛhītvā trirutyavaṃ tathā |
prokṣaṇīpātrasya vāme haste vidhāpanaṃ tathā || 39 ||
[Analyze grammar]

anāmikāṃguṣṭhacippyā pavitre prāpya vai tataḥ |
triruddiṃganamādheyaṃ tataḥ praṇītavāriṇā || 40 ||
[Analyze grammar]

prokṣaṇīprokṣaṇaṃ cātha prokṣaṇīvāriṇā tataḥ |
ājyasthālyādīni pūrṇapātraparyantakāni vai || 41 ||
[Analyze grammar]

krameṇaikaikaśaḥ prokṣya prokṣaṇīpātrakaṃ tataḥ |
asañcare praṇītāgnyorantarāle nidhāya ca || 42 ||
[Analyze grammar]

ājyamāsāditaṃ cājyasthālyāmagnestu paścake |
nihitāyāṃ samākṣipya carusthālyāṃ tataḥ param || 43 ||
[Analyze grammar]

praṇītodakamāsicyā''sāditān nyasya tandulān |
brahmā'dhiśrayati cājyaṃ taduttarataśca svayam || 44 ||
[Analyze grammar]

carumevaṃ ca yugapadagnāvāropya vai tataḥ |
īṣacchṛte carau jvaladulmukaṃ tu pradakṣiṇam || 45 ||
[Analyze grammar]

ājyacarvoḥ samantādvai bhrāmayecca tataḥ punaḥ |
dakṣiṇapāṇinā sruvamādāya prāñcameva ca || 46 ||
[Analyze grammar]

adhomukhaṃ tathā'gnau tāpayitvā savyahastake |
kṛtvā ca dakṣiṇenaiva sammārgāgraiśca mūlataḥ || 47 ||
[Analyze grammar]

agraparyantakaṃ mūlairagramārabhya cāpyadhaḥ |
saṃmṛjya mūlaparyantaṃ praṇītavāriṇā tataḥ || 48 ||
[Analyze grammar]

abhiṣicya punaḥ pūrvavatpratāpya ca dakṣataḥ |
nidadhyādvai tata ājyamutthāpya pūrvataścaroḥ || 49 ||
[Analyze grammar]

nītvā'gneruttarataśca sthāpayitvā caruṃ tataḥ |
utthāpyājyasya paścādvai nītvā''jyasyottarāttataḥ || 50 ||
[Analyze grammar]

sthāpayitvā cā''jyamagneḥ paścādānīya vai carum |
ānīyā''jyasyottarato nidhāya pūrvavat tataḥ || 51 ||
[Analyze grammar]

pavitrābhyāmājyamutpūyā'valokya ca vai tataḥ |
apadravyanirāsaśca punaḥ prokṣiṇikotpavaḥ || 52 ||
[Analyze grammar]

tataścopayamakuśāt dakṣahastena vāmake |
haste kṛtvā samuttiṣṭhan dhyātvā prajāpatiṃ hṛdi || 53 ||
[Analyze grammar]

tūṣṇīmagnau ghṛtāktāstrisamidhaḥ prakṣipenmakhī |
upaviśya prokṣaṇīvāriṇā pavitrayojinā || 54 ||
[Analyze grammar]

dakṣiṇena culukena gṛhītenāgnimeva ca |
īśānādyudagapavargaṃ pariṣicya vai tataḥ || 55 ||
[Analyze grammar]

dakṣiṇajānvavācyakuśāgreṇa brahmaṇā'pi ca |
anvārabdho yajamānenā'nvārabdhaśca vai tataḥ || 56 ||
[Analyze grammar]

samiddhe'gnau sruveṇā''jyāhutīśca juhuyānmakhī |
ādhārāttu samārabhya dvādaśāhutikāsu ca || 57 ||
[Analyze grammar]

tattadāhutiśeṣasya sruvalagnaghṛtasya tu |
prokṣaṇīpātrake kṣepaḥ kartavyo vidhirīdṛśaḥ || 58 ||
[Analyze grammar]

homastatra yathāyogyaḥ kartavyaḥ syād yadiṣṭakaḥ |
oṃ prajāpataye svāhedaṃ prajāpataye namama || 59 ||
[Analyze grammar]

omindrāya svāhedamindrāyāghārakau namama |
omagnaye svāhedamagnaye om oṃ namama || 60 ||
[Analyze grammar]

oṃ somāya svāhedaṃ somāyājyabhāgakau namama |
oṃ bhūḥ svāhedaṃ bhūḥ namama bhuvaḥ svāhā idaṃ bhuvaḥ || 61 ||
[Analyze grammar]

oṃ svaḥ svāhā idaṃ svaśca mahāvyāhṛtayastvimāḥ |
oṃ tvanno'gneityagnivaruṇābhyāṃ ca namama om || 62 ||
[Analyze grammar]

oṃ satvano'gna idamagnivaruṇābhyāṃ namaśca om |
omayāścāgne iti ca idamagnaye namaśca om || 63 ||
[Analyze grammar]

oṃ ye te śatamiti svāhā savitre viṣṇave idam |
idaṃ ca viśvadevebhyo marudbhyo'rkebhya omidam || 64 ||
[Analyze grammar]

oṃ uduttameti ca svāhedaṃ varuṇāya namama |
varmavad devavighnānāṃ vāraṇaṃ śāntirucyate || 65 ||
[Analyze grammar]

oṃ āpaḥ śivāḥ śivatamāḥ śāntāḥ |
śāntatamāstāste kṛṇvantu bheṣajam |
evaṃ kuryāt prokṣaṇaṃ sarvakuṇḍeṣva |
gniprokṣaṇāntakaṃ karma bhūsuraiḥ || 66 ||
[Analyze grammar]

athā''cāryo'gniṃ saṃpūjya grahahomaṃ samācaret |
arkaḥ palāśaḥ khadiraścāpāmārgo'tha pippalaḥ || 67 ||
[Analyze grammar]

audumbaraḥ śamī dūrvā kuśāśca samidhaḥ kramāt |
navagrahāṇāṃ boddhavyā dadhikṣīraghṛtā''ktakāḥ || 68 ||
[Analyze grammar]

samidhaḥ śākalyayutā juhuyādvai gṛṇan manūn |
aṣṭottaraśataṃ vā'ṣṭāviṃśatirvā'ṣṭavārakam || 69 ||
[Analyze grammar]

oṃ ākṛṣṇeneti vai svāhā idaṃ sūryāya vai namama |
o imaṃ deveti vai svāhā idaṃ candramase namama || 70 ||
[Analyze grammar]

oṃ agniritivai svāhā idaṃ bhaumāya vai namama |
o udvuddhyasveti svāhā idaṃ budhāya vai namama || 71 ||
[Analyze grammar]

oṃ bṛhaspate iti svāhā idaṃ bṛhaspataye namama |
oṃ annāditi vai svāhā idaṃ śukrāya vai namama || 72 ||
[Analyze grammar]

o śanna iti vai svāhā idaṃ śaniścarāya namama |
oṃ kayāna iti vai svāhā idaṃ vai rāhave namama || 73 ||
[Analyze grammar]

oṃ ketumiti vai svāhā idaṃ vai ketave namama |
atha haste jalaṃ dhṛtvā homena grahadevatāḥ || 74 ||
[Analyze grammar]

prīyantāṃ ca namameti jalaṃ bhūmāvavāsṛjet |
tato navagrahādhidevānāṃ homaṃ samācaret || 75 ||
[Analyze grammar]

pālāśya īśvarādibhyaḥ prādeśamātrikāḥ śubhāḥ |
sājyāḥ samidhaḥ pratyekaṃ cāṣṭau catasra eva vā || 76 ||
[Analyze grammar]

saghṛtāḥ sayavāstilā hotavyāśca vidhānataḥ |
oṃ tryambakaṃ yajāmahe svāhedamīśvarāya namama || 77 ||
[Analyze grammar]

oṃ śrīśca te lakṣmīśca svāhedaṃ hmumāyaiḥ namama |
oṃ yadakrandaḥ prathamaṃ svāhedaṃ skandāya namama || 78 ||
[Analyze grammar]

oṃ viṣṇorarāṭamasi svāhedaṃ viṣṇave namama |
oṃ brahmayajñānaṃ prathamaṃ svāhedaṃ brahmaṇe namama || 79 ||
[Analyze grammar]

oṃ trātāramindraṃ svāhedaṃ cendrāya namama |
oṃ yamāya tvā makhāya svāhedṃ yamāya namama || 80 ||
[Analyze grammar]

oṃ kārṣirasi svāhedaṃ kālāya oṃ namama |
oṃ citrāvaso svāhedaṃ citraguptāya namama || 81 ||
[Analyze grammar]

anena dravyahomena prīyantāṃ cādhidevatāḥ |
namameti samuccārya jalaṃ samutsṛjenmakhī || 82 ||
[Analyze grammar]

atha pratyadhidevānāṃ homaḥ kramāt tataḥ param |
oṃ agniṃ dūtamiti svāhā idaṃ tu cāgnaye namama || 83 ||
[Analyze grammar]

auṃ apsvagne iti svāhā idamadbhyaśca oṃ namam |
oṃ syonāpṛthivīti svāhedaṃ dharaṇyai oṃ namama || 84 ||
[Analyze grammar]

oṃ viṣṇorarāṭamiti svāhedaṃ viṣṇave oṃ namama |
oṃ sajoṣā iti svāhedaṃ cendrāya oṃ namama || 85 ||
[Analyze grammar]

oṃ ādityaireti svāhedamindrāṇyai oṃ namama |
oṃ brahmayajñānamiti svāhedaṃ brahmaṇe oṃ namama || 86 ||
[Analyze grammar]

oṃ namo'stu iti svāhedaṃ sarpebhya oṃ namama |
oṃ prajāpate iti svāhedaṃ prajāpataye namama || 87 ||
[Analyze grammar]

anena dravyahomena prīyantāṃ pratyadhīśvarāḥ |
namameti samuccārya jalaṃ samutsṛjen makhī || 88 ||
[Analyze grammar]

atha homaḥ pañcalokapālānāṃ vidhinā tataḥ |
oṃ gaṇānāmitisvāhedaṃ gaṇeśāya oṃ namama || 89 ||
[Analyze grammar]

oṃ ambe'mbālike svāhedaṃ cāmbikāyai namama |
oṃ vāto vāmana svāhedaṃ vāyave oṃ namama || 90 ||
[Analyze grammar]

oṃ ghṛtaṃghṛteti svāhedaṃ ākāśāya ca oṃ namama |
oṃ yāvāṃkaśetisvāhedaṃ aśvibhyāṃ ca oṃ namama || 91 ||
[Analyze grammar]

anena dravyahomena prīyantāṃ lokapālakāḥ |
namameti samuccārya jalaṃ samutsṛjenmakhī || 92 ||
[Analyze grammar]

atha homo daśadikprapālānāṃ vidhinā tataḥ |
oṃ trātāramindraṃ svāhedaṃ cendrāya namama om || 93 ||
[Analyze grammar]

omagnidūtamiti svāhedaṃ cāgnaye namama om |
oṃ yamāya tveti svāhā idaṃ yamāya vai namama || 94 ||
[Analyze grammar]

oṃ asunvanteti svāhā idaṃ nirṛtaye namama |
oṃ varuṇasyeti svāhā idaṃ varuṇāya namama || 95 ||
[Analyze grammar]

oṃ vāyo ye te iti svāhā idaṃ ca vāyave namama |
oṃ kuvidaṃ ceti svāhā idaṃ kuberāya namama || 96 ||
[Analyze grammar]

oṃ tamīśānamitisvāhā idamīśānāya namama |
oṃ asmerudrā iti svāhā idaṃ vai brahmaṇe namama || 97 ||
[Analyze grammar]

oṃ syonā pṛthivīti svāhā idaṃ cānantāya namama |
anena dravyahomena prīyantāṃ dikprapālakāḥ || 98 ||
[Analyze grammar]

namameti samuccārya jalaṃ samutsṛjenmakhī |
gandhaṃ puṣpaṃ jalaṃ naivedyakaṃ dīpaṃ ca dhūpakam || 19 ||
[Analyze grammar]

arpayāmi ca tāmbūlaṃ prīyantāṃ parameśvarāḥ |
ityevaṃ vidhinā kuryātpūjanaṃ rādhike tathā || 100 ||
[Analyze grammar]

anādiśrīkṛṣṇanārāyaṇaḥ prāha vidhānataḥ |
devāyatanabhaktāya taduktaṃ ca mayāpi te || 101 ||
[Analyze grammar]

iti śrīlakṣmīnārāyaṇīyasaṃhitāyāṃ dvitīye tretāsantāne kalaśataddevadvārapālapūjanaṃ varaṇaṃ prokṣaṇīpātrādi caruḥ ājyāhutiḥ vāraṇaṃ grahahomam adhidevapratyadhi |
devānāṃ homaḥ lokapāladikpālānāṃ homa ityādinirūpaṇanāmā dvāpañcāśadadhikaśatatamo'dhyāyaḥ || 152 ||
[Analyze grammar]