Chapter 138

śrīkṛṣṇa uvāca |
śṛṇu tvaṃ rādhike 'nādiśrīhariḥ puruṣottamaḥ |
devāyatanakaṃ bhaktaṃ tato yadāha vacmi te || 1 ||
[Analyze grammar]

prāsādasya pramāṇena kartavyo maṇḍapaḥ śubhaḥ |
prāsādamūlakarṇāptasūtreṇa kolikī yathā || 2 ||
[Analyze grammar]

catuṣkī maṇḍapaścā'pi kartavyāḥ śikharaṃ tathā |
gūḍho vā'nāvṛttaścaikadvāro vā'tha tridvārakaḥ || 3 ||
[Analyze grammar]

prāsādāgre sukartavyo maṇḍapo devatāgṛhe |
maṇḍapasyottare dakṣe pūrve rūpacatuṣkikāḥ || 4 ||
[Analyze grammar]

nṛtyamaṇḍapaḥ kartavyaḥ kartavyaśca balāṇakāḥ |
sārdhaikāyatabhāgo vai prāsādācchobhano mataḥ || 5 ||
[Analyze grammar]

catuṣkikāyutaḥ kāryo dviguṇaḥ sumahāniti |
maṇḍapopari ghūmmaṭaścāyatadīrghapramāṇavān || 6 ||
[Analyze grammar]

ucchrāyāḍhyaścārdhagolākāraḥ kartavya eva tu |
aṣṭāṃśo maṇḍapaḥ śreṣṭho bhittibhiścāpi vartitaḥ || 7 ||
[Analyze grammar]

sopānatoraṇāḍhyaśca makarāsyajalasravāḥ |
gavākṣā jālakayuktā yadvā nirjālakā matāḥ || 8 ||
[Analyze grammar]

mūlaprāsādake jaṃghāmekhalāpīṭhakādayaḥ |
yathā syurvai tathā kāryā maṇḍape caikasūtragāḥ || 9 ||
[Analyze grammar]

dalenārdhena pādena dalānāṃ nirgamā matāḥ |
maṇḍapaṃ navabhāgaṃ ca kṛtvā bhāgacatuṣṭayam || 10 ||
[Analyze grammar]

madhyaśālātmakaṃ grāhyaṃ padaṃ kartavyameva ca |
raṃgabhūmirvicitrā ca saśobhā vai padātmikā || 11 ||
[Analyze grammar]

catuṣṣaṣṭistaṃbhayukto maṇḍapo me priyaḥ sadā |
ekaviṃśatisopānāḥ kartavyā maṇḍapāgrataḥ || 12 ||
[Analyze grammar]

hastyaśvagāruḍarūpaiḥ śobhāḍhyā maṇibhistathā |
pārśve catuṣkikāḥ kāryāḥ śobhanā yogyavistarāḥ || 13 ||
[Analyze grammar]

nava catuṣkikāḥ kāryāḥ śobhanā api sarvataḥ |
bahuvitānaśobhāḍhyāścitraśobhānvitāḥ śubhāḥ || 14 ||
[Analyze grammar]

ākṣarabrahmanāmā vai maṇḍapo mama supriyaḥ |
yugmastaṃbhaḥ prakartavyo na tvekīsaṃkhyayā kvacit || 15 ||
[Analyze grammar]

kādambaḥ kamalākāraḥ sūryamukhākṛto'pi ca |
cāndro vā maṇḍapo bodhyaścendradhanuḥsamo'pi ca || 16 ||
[Analyze grammar]

jagatīmaṇḍapau bhadramānena nirgame matau |
pratolyā jagatī cāpi bhadravannirgame matā || 17 ||
[Analyze grammar]

agre kāryāḥ pratihārā mukhyamūrtestu pārśvayoḥ |
narapīṭhasya cordhvāttu yāvadbharaṇīmastakam || 18 ||
[Analyze grammar]

padāni daśasārdhāni kartavyāni tataḥ param |
ekabhāgaṃ rājasenaṃ dvibhāgā vedikā matā || 19 ||
[Analyze grammar]

ardhabhāgā''sannapaṭaḥ staṃbho bhāgacatuṣṭayaḥ |
ardhabhāgaṃ bharaṇaṃ ca carustvekāṃśakastathā || 20 ||
[Analyze grammar]

sārdhaikabhāgaḥ pāṭaśca chādyakaṃ tu tataḥ param |
kammānikāstathā kāryāstoraṇādisurūpikāḥ || 21 ||
[Analyze grammar]

raṃgamaṇḍapapūrve ca kāryā nṛtyasya maṇḍapāḥ |
kathāyā maṇḍapāḥ kāryā homasya maṇḍapāstathā || 22 ||
[Analyze grammar]

udyāpanasya ca kāryā maṇḍapā rāsamaṇḍapāḥ |
vāstuvedho na vai kāryaḥ staṃbhavedho'pi naiva ca || 23 ||
[Analyze grammar]

staṃbhasthaulyaṃ daśāṃśādvai caturdaśāṃ'śakā'vadhim |
prāsādasthaulyasāpekṣaṃ pāṣāṇadṛḍhatānugam || 24 ||
[Analyze grammar]

prāsāde tvekahaste tu stambhaḥ syāccaturaṃgulaḥ |
dvihaste cāṃgulāḥ sapta trihaste nava cāṃgulāḥ || 25 ||
[Analyze grammar]

tato dvādaśahaste ca pratihastaṃ dvayā'ṅgulau |
sapādā'ṅgulavṛddhiśca yāvatṣoḍaśahastake || 26 ||
[Analyze grammar]

aṃgulikābhivṛddhiśca catvāriṃśatkarāvadhim |
pañcāśatkaraparyantaṃ pādonāṃgulikā'dhikā || 27 ||
[Analyze grammar]

svastikā mastake bhadrayutā'ṣṭāsrāśca stambhakāḥ |
mūrtipatrasuvallyāḍhyā bhadrayukkaṃbhikāstathā || 28 ||
[Analyze grammar]

bharaṇe vallikāyuktāścaravaḥ kinnarānvitāḥ |
mama vai mandiraṃ saptaśikharaṃ kāryamuttamam || 29 ||
[Analyze grammar]

tadagre kolikā bodhyā tadagre gūḍhamaṇḍapaḥ |
tato nṛtyamaṇḍapaśca tataḥ sabhākhyamaṇḍapaḥ || 30 ||
[Analyze grammar]

tato vai rūpacokī ca tataḥ sopānakāni ca |
ṣaṭpañcāśaddakṣabhāro ṣaṭpaṃcāśacca vāmake || 31 ||
[Analyze grammar]

mandirāṇi ca kāryāṇi patnīnāṃ mama sarvataḥ |
madhyamandirake cā'haṃ pārśveṣu ṣaṭ prapatnikāḥ || 32 ||
[Analyze grammar]

maṇḍapeṣu ghūmmaṭeṣu bhūmikāḥ sapta sapta ca |
rāsatoraṇavedyādiyutāḥ kāryāḥ suśobhanāḥ || 33 ||
[Analyze grammar]

paścime rathaśālā ca dakṣiṇe maṭhaśālikāḥ |
uttare sūdaśālā ca pūrve cāyudhaśālikā || 34 ||
[Analyze grammar]

vāyau koṣṭhāgārakaṃ cāgnikoṇe tu mahānasaḥ |
īśāne puṣpaśālā ca nairṛtye pātraśālikā || 35 ||
[Analyze grammar]

paścime jalaśālā ca hyupari vācanālayaḥ |
kartavyā api sāpekṣā ālayā mandirā'bhitaḥ || 36 ||
[Analyze grammar]

dvārocchrāyasya tribhāge bhāgadvayaṃ tu jālakam |
gavākṣāśca tathā kāryā hrasvā vā samastakāḥ || 37 ||
[Analyze grammar]

maṇḍapopari cāṣṭāsraṃ tadūrdhve ṣoḍaśāsrakam |
tadūrdhve ghūmmaṭo golaścāyatā''rdhordhvamānataḥ || 38 ||
[Analyze grammar]

ucchraye ṣaṣṭhibhāgān vai kṛtvā tatrādimeṣu vai |
karṇadardarikāḥ saptabhāge samocchranirgamāḥ || 39 ||
[Analyze grammar]

caturbhāge rūpakaṇṭho dvyaṃśe nirgamavānmataḥ |
vidyādhrāḥ ṣoḍaśa kāryāścaturviṃśatihastinaḥ || 40 ||
[Analyze grammar]

vidyādharapṛthutvena saptāṃśe nirgamo mataḥ |
tadūrdhve citrarūpāśca nartikā rāsanartanāḥ || 41 ||
[Analyze grammar]

ādyāste sārdhaṣaḍbhāgā dvitīyāḥ ṣaḍvibhāgikāḥ |
pañcabhāgāstataḥ kolāḥ sārdhacaturgavālakam || 42 ||
[Analyze grammar]

madhyagolavitānaṃ tu kathācamatkṛtiprabhaiḥ |
saṃgītagītanṛtyādiputtalaireva śobhitam || 43 ||
[Analyze grammar]

jīvalokeśvaralokabrahmalokādicitrakaiḥ |
śobhitā ratnagarbhāśca sūryavarṇā vitānakāḥ || 44 ||
[Analyze grammar]

sābharaṇaṃ prakartavyaṃ prathamaṃ bhāgaṣaṭkake |
dvitīyādyāni tānyeva caturbhāgavivṛddhitaḥ || 45 ||
[Analyze grammar]

kartavyāni pañcaviṃśatisābharaṇāni kramāt |
prathame pañcaghaṇṭāśca kartavyāstvatiśobhanāḥ || 46 ||
[Analyze grammar]

dvitīyādau caturvṛddhyā kāraṇīyāstaduttare |
vāme dakṣe tu bhadrārdhe rakṣārdhe navaghaṇṭakam || 47 ||
[Analyze grammar]

rathikā''yatatā'rdhe ca bhāge tu rathikopari |
ghaṇṭāḥ kūṭāḥ prakartavyāstato vai kalaśo bhavet || 48 ||
[Analyze grammar]

prathamā ghaṇṭikā kāryā pañcakalaśaśobhanā |
evaṃ tvekīsaṃkhyayā'pi cāgre kāryāḥ sughaṇṭikāḥ || 49 ||
[Analyze grammar]

ekadvitricatuḥpañcaṣaṭkasaptapadāntare |
prāsādadevatāyāśca vāhanasya catuṣkikā || 50 ||
[Analyze grammar]

kartavyā vāhanasthānarūpā suśobhanā śubhā |
devamūrternavabhāgā āpādaśikhameva tu || 51 ||
[Analyze grammar]

kartavyāḥ pañcaṣaṭsaptabhāgānto vāhanocchrayaḥ |
yadvā vāhananetre ca guhyanābhistanocchraye || 52 ||
[Analyze grammar]

samarekhe bhavetāṃ ca tathocchrayaṃ tu vāhanam |
yadvā pādakaṭijānusamarekhaṃ tu vāhanam || 53 ||
[Analyze grammar]

śivaliṃgasya vāhastu jalādhārīsamucchrayaḥ |
sūryavāhaḥ skandharekhāsamau devasya vai mataḥ || 54 ||
[Analyze grammar]

mukhyaprāsādaparitaḥ prāsādā garbhasaṃkhyayā |
garbhaṃ dhṛtvā tataḥ kāryā nābhivedhaṃ na kārayet || 55 ||
[Analyze grammar]

brahmaviṣṇuśivasaudhaḥ pūrvapaścimakā''nanaḥ |
nagarābhimukhā devāḥ śubhāḥ kṣemakarāḥ sadā || 56 ||
[Analyze grammar]

parāṅmukhāḥ puraṃ ghnanti sarvāsyāstrisurāḥ śubhāḥ |
gaṇeśo bhairavaścaṇḍī nakulīśo navagrahāḥ || 57 ||
[Analyze grammar]

mātaraśca kuberaśca dakṣiṇābhimukhāḥ śubhāḥ |
nairṛtyadakṣiṇamukho hanumān nānyadevatā || 58 ||
[Analyze grammar]

prāsādagarbhatṛtīyabhāgena pratimottamā |
daśabhāgena hīnā yā madhyamā sā prakīrtitā || 59 ||
[Analyze grammar]

pañcabhāgena hīnā yā kaniṣṭhā svastikāsanā |
dvārocchrāyanavabhāge bhāgordhvaika vihāya ca || 60 ||
[Analyze grammar]

śiṣṭāṣṭabhāgake caturbhāgocchrāyā śubhā matā |
caturbhāgāvaṣaṃ tu siṃhāsanaṃ mataṃ tathā || 61 ||
[Analyze grammar]

yadvā dvārocchrayasyaiva dvātriṃśadbhāgakeṣu tu |
ūrdhvaṃ catuṣṭayaṃ tyaktvā'ṣṭāviṃśatiprabhāgake || 62 ||
[Analyze grammar]

siṃhāsanaṃ ca pratimā caturdaśe caturdaśe |
siṃhāsanaṃ trayodaśe mūrtiḥ pañcadaśe smṛtā || 63 ||
[Analyze grammar]

siṃhāsanaṃ pañcadaśe mūrtistrayodaśe smṛtā |
siṃhāsanaṃ dvādaśe cet pratimā ṣoḍaśāṃ'śake || 64 ||
[Analyze grammar]

prāsāde ekahaste tu mūrtirekādaśāṃgulā |
daśāṃgulā vardhanīya yāvaddhastacatuṣṭayam || 65 ||
[Analyze grammar]

dvyaṃgulā vardhanīyā ca yāvadvai daśahastakam |
ardhāṃgulaṃ vardhanīyā pañcāśadaṃgulāvadhim || 66 ||
[Analyze grammar]

madhyā daśāṃśahīnā syāt kaniṣṭhā taddaśāṃśahā |
suptā mūrtirgarbhagehe saptabhāgeṣu pañcagā || 67 ||
[Analyze grammar]

dvau bhāgau varjanīyau ca śayanasthā sukhapradā |
prāsādagarbhakhaṇḍau dvau dvārakhaṇḍaṃ vihāya ca || 68 ||
[Analyze grammar]

śeṣakhaṇḍe paccabhāgāḥ kartavyā āsanārdhakāḥ |
bhittilagne prathame tu bhāge yakṣādikāsanam || 69 ||
[Analyze grammar]

dvitīye tu vibhāge syuḥ sarvadevāsanāni vai |
tṛtīye tu vibhāge vai brahmaviṣṇuharāsanam || 70 ||
[Analyze grammar]

pañcamāṃśe yavamātramīśānyāṃ tu śivāsanam |
prāsādānāṃ tu sarveṣāṃ vibhāgo garbhato mataḥ || 71 ||
[Analyze grammar]

garbhasya madhyabhāgāddhi kramād devāsanāni vai |
caturasrāṇyāyatānyāyatavṛttāni vai tathā || 72 ||
[Analyze grammar]

yathāyogyāni kuryācca vṛttānyaṣṭāsrakāṇyapi |
bhittigāni maṇḍalāni tvaṣṭāviṃśatireva vā || 73 ||
[Analyze grammar]

madhye śivo dvitīye tu maṇḍale viśvasṛḍ bhavet |
nakulīśastṛtīye sāvitrī caturthake matā || 74 ||
[Analyze grammar]

rudramūrtiḥ pañcame ca ṣaṣṭhe svāmī tu kārtikaḥ |
brahmā tu saptame vāsudevo'ṣṭame tu maṇḍale || 75 ||
[Analyze grammar]

janārdanastu navame daśame viśvadevatāḥ |
agnirekādaśe cāpi dvādaśe bhāskarastathā || 76 ||
[Analyze grammar]

durgā trayodaśe caturdaśe vighneśa ādṛtaḥ |
navagrahāḥ pañcadaśe ṣoḍaśe mātṛdevatāḥ || 77 ||
[Analyze grammar]

saptadaśe gaṇāścāpi bhairavo'ṣṭādaśe mataḥ |
kṣetrapālā navadaśe yakṣarājastu viṃśake || 78 ||
[Analyze grammar]

hanumānekaviṃśe ca bhago dvāviṃśake tathā |
trayoviṃśe'paradevāścaturviṃśe tu daityakaḥ || 79 ||
[Analyze grammar]

pañcaviṃśe rākṣasaśca ṣaḍviṃśe tu piśācakaḥ |
saptaviṃśe bhūtavargo'ṣṭāviṃśe riktameva ca || 80 ||
[Analyze grammar]

tattatpatnībhṛtyadāsīkuṭumbabhaktasevitāḥ |
yathāyogyaṃ sthāpanīyā devā svasvālaye sadā || 81 ||
[Analyze grammar]

gajāsanaṃ ca vā siṃhāsanaṃ haṃsāsanaṃ tathā |
vimānaṃ muktadhāryaṃ vā sachatraṃ cottamottamām || 82 ||
[Analyze grammar]

śaivaliṃgaṃ yādṛśaṃ tu tādṛśaṃ yonikāsanam |
yonistvaṣṭādaśabhāgā kartavyocchrayamānataḥ || 83 ||
[Analyze grammar]

kaṇaḥ syāt sārdhabhāgena paṭṭikā cārdhabhāgikā |
dvitīyā paṭṭikā tulyā skandhastribhāgakaḥ smṛtaḥ || 84 ||
[Analyze grammar]

ardhabhāgā paṭṭikānyā cāntarapatraṃ tu sārdhake |
ardhabhāgā paṭṭikānyā dvibhāgaḥ karṇakastathā || 85 ||
[Analyze grammar]

ardhabhāgā paṭṭikānyā sārdhabhāgaṃ tu patrakam |
ardhabhāgā paṭṭikānyā tribhāgaḥ skandha eva ca || 86 ||
[Analyze grammar]

paṭṭikādvayamevāpi tvardhadvayaprabhāgake |
sārdhabhāgaḥ karṇakaśca tato liṃgasya darśanam || 87 ||
[Analyze grammar]

yaddravyaṃ tu bhavelliṃgaṃ taddravyā yonikā matā |
caturasrā vartulā samekhalā bahukoṇikā || 88 ||
[Analyze grammar]

liṃgasthaulyaṃ māpanīyaṃ sūtreṇa paridhirhi saḥ |
sūtrāyatāyataṃ kāryaṃ pīṭhaṃ vai vistṛtaṃ tu tat || 89 ||
[Analyze grammar]

sūtraṃ bhāgatrayaṃ kāryaṃ dvibhāge yonikā matā |
bhāgaike śivaliṃgaṃ cocchraye bodhyaṃ sadā budhaiḥ || 90 ||
[Analyze grammar]

liṃgāt praṇālaṃ sūtreṇa pramītaṃ nirgame matam |
sūtradīrghaṃ dvayameva yoniliṃgaṃ tu nādhikam || 91 ||
[Analyze grammar]

apūrṇaapūrṇaśirasordhvādvai liṃgapraveśa iṣyate |
koṣṭhalādvā prapūrṇādvai liṃgapraveśa ūrdhvataḥ || 92 ||
[Analyze grammar]

praṇālaṃ cottare vāme guptaṃ caṇḍamukhe patet |
bahudeveṣu praṇālaṃ jagatyāṃ vai caturdiśi || 93 ||
[Analyze grammar]

ṣaḍbhāgā dvāraśākhāyāḥ kāryā vai pañcame śubhe |
lakṣmīnārāyaṇādīnāṃ dṛṣṭiḥ kāryā śubhā sadā || 94 ||
[Analyze grammar]

tṛtīyāṃśe śivamūrteḥ śrīśeṣaśāyino'pi ca |
aṣṭabhāgāṃ dvāraśākhāṃ vibhajyaikaṃ tathā'ṣṭakaiḥ || 95 ||
[Analyze grammar]

catuḥṣaṣṭirbhavatyevaṃ bhāgānāṃ tatra sarvathā |
ekībhāge devadṛṣṭirna tu yugme vinirṇayaḥ || 96 ||
[Analyze grammar]

ekī dvātriṃśadaṃśeṣu devadṛṣṭirvidhīyate |
yugmāṃśā devadṛṣṭyarthaṃ niṣiddhā eva hānidāḥ || 97 ||
[Analyze grammar]

dṛṣṭidoṣavipākena sthānanāśo dhanakṣayaḥ |
dṛṣṭidoṣahataṃ yadyanna punaśca prarohati || 98 ||
[Analyze grammar]

ūrdhvadṛṣṭyā dravyanāśo bhogahāniradhaḥsthayā |
samadṛṣṭiḥ sukhadā'sti sarvakāle yathāyatham || 99 ||
[Analyze grammar]

catuḥṣaṣṭiprabhāgeṣu prathame tvāditattvakam |
sṛṣṭistṛtīye tattvaṃ ca pañcameṣṭistu saptame || 100 ||
[Analyze grammar]

āyustu navame caikādaśe lakṣaṃ mataṃ tathā |
vijñaṃ trayodaśe pañcadaśe prājñaṃ mataṃ tathā || 101 ||
[Analyze grammar]

śāntitattvaṃ saptadaśe'vyaktaṃ navadaśe tathā |
vyaktā'vyaktaṃ tvekaviṃśe trayoviṃśe tu vyaktakam || 102 ||
[Analyze grammar]

pañcaviṃśe śeṣanāgaḥ saptaviṃśe śayī hariḥ |
navaviṃśe tu garuḍastvekatriṃśe tu mātaraḥ || 103 ||
[Analyze grammar]

trayastriṃśe kuberaśca pañcatriṃśe varāhakaḥ |
saptatriṃśe hyumārudrau navatriṃśe tu buddhakaḥ || 104 ||
[Analyze grammar]

ekacatvāriṃśake'jastricatvāriṃśake tataḥ |
durvāsā nārado'gastyastrayaste'nye maharṣayaḥ || 105 ||
[Analyze grammar]

pañcacatvāriṃśake śrīlakṣmīnārāyaṇādayaḥ |
saptacatvāriṃśake ca dhātā tato'tha devatā || 106 ||
[Analyze grammar]

navacatvāriṃśake ca śāradā ca gaṇeśakaḥ |
ekapañcāśadaṃke ca brahmā padmāsane sthitaḥ || 107 ||
[Analyze grammar]

tripaṃcāśattame siddhirharasiddhistathā'parāḥ |
pañcapañcāśattame'jo viṣṇuḥ sūryo virāgiṇaḥ || 108 ||
[Analyze grammar]

saptapañcāśattame tu śukrācāryaḥ pare yathā |
navapañcāśattame caṇḍikā cānyāśca devikāḥ || 109 ||
[Analyze grammar]

ekaṣaṣṭitame devā bhairavādyāḥ prakīrtitāḥ |
triṣaṣṭyāṃ vetālakādyāstatparaṃ śūnyameva tu || 110 ||
[Analyze grammar]

arcāyāḥ pādayoḥ kaṭyāṃ vā dṛṣṭirvāhanasya tu |
evaṃ sthānapratiṣṭhānāt puruṣārthacatuṣṭayam || 111 ||
[Analyze grammar]

vaiparītye viparītaṃ phalaṃ vai rādhike bhavet |
kṣayakṛt śrīhariṃ prāha devāyatanakaṃ munim || 112 ||
[Analyze grammar]

iti śrīlakṣmīnārāyaṇīyasaṃhitāyāṃ dvitīye tretāsantāne prāsādarūpemaṇḍapaghūmmaṭasiṃhāsanataddevāditattadaṃśapramāpaṇādinirūpaṇanāmā'ṣṭatriṃśadadhikaśatatamo'dhyāyaḥ || 138 ||
[Analyze grammar]