Chapter 137

śrīkṛṣṇa uvāca |
tato nārāyaṇaḥ prāha devāyatanakaṃ munim |
śṛṇu tvaṃ rādhike maṇḍovarādikaṃ yathāyatham || 1 ||
[Analyze grammar]

prāsādasya karṇarekhopari maṇḍovaraḥ smṛtaḥ |
maṇḍovara udayinī ubhiṇīti samārthakāḥ || 2 ||
[Analyze grammar]

hastādipañcahastasya prāsādasyodayaḥ khalu |
prāsādā''yatatā sāmyā kartavyā śubhadā hi sā || 3 ||
[Analyze grammar]

daśahastapraparyantaṃ caturdaśāṃ'gulocchrayaḥ |
pratihastaṃ prakartavyastatastriṃśadgajāvadhim || 4 ||
[Analyze grammar]

dvādaśāṃgulako maṇḍovaraḥ kāryastataḥ param |
pañcāśadgajaparyantaṃ navāṃgulobhiṇīṃ matā || 5 ||
[Analyze grammar]

maṇḍovarasya bhāgāstu kartavyāḥ śilpinā yathā |
catuścatvāriṃśadadhikaśataṃ maṇḍavārakaḥ || 6 ||
[Analyze grammar]

pīṭhasya mastakācchajjāmastakāntaṃ ca te matāḥ |
khurakaḥ pañcabhāgeṣu viṃśatiḥ kuṃbhakastathā || 7 ||
[Analyze grammar]

aṣṭabhāgeṣu kalaśo'ntarālaṃ sārdhakadvayam |
kapotikā'ṣṭabhāgeṣu mañcikā navabhāgikā || 8 ||
[Analyze grammar]

pañcatriṃśadbhāgajaṃghā pañcadaśasu tūdgamaḥ |
aṣṭabhāgā ca bharaṇī śirāvaṭṭī daśāṃśikā || 9 ||
[Analyze grammar]

kapotāliścāṣṭabhāgā sārdhadvayā'ntarālakam |
chādyaṃ trayodaśabhāgaṃ daśabhāgaśca nirgamaḥ || 10 ||
[Analyze grammar]

khurakaḥ pañcabhāgordhvo dvibhāgastasya nirgamaḥ |
bhāgārdhaṃ cāntarapatraṃ karṇakastu dvibhāgakaḥ || 11 ||
[Analyze grammar]

vāpīskandhaḥ sārdhabhāgo bhāgaikaḥ kaṇakottamaḥ |
kaṇakāgraṃ paṭṭikābhyāṃ śobhanīyaṃ sudarśanam || 12 ||
[Analyze grammar]

paṭṭike nirgame bhāgaike ca bodhye nacā'dhike |
kaṇako nirgame sapādaikabhāgo bhavediti || 13 ||
[Analyze grammar]

kuṃbhakasya mahāpaṃktāvapaskandhasya nirgamaḥ |
karṇakāvadhi kartavyastvatha vai kuṃbhakaṃ śṛṇu || 14 ||
[Analyze grammar]

viṃśatibhāgakotsedhaḥ kuṃbhakastatra khaṇḍaśaḥ |
bhāgārdhaḥ skandhapaṭṭo vai cippikā tvekabhāgataḥ || 15 ||
[Analyze grammar]

skandhapaṭṭaḥ sulalito vartulaścitrapallavaḥ |
kartavyaḥ śobhano yatra dṛśyaṃ vai sundaraṃ bhavet || 16 ||
[Analyze grammar]

cippikāṃ kamalaiḥ patraiḥ śobhanīyāṃ vidhāpayet |
prācyamadhyāvasāneṣu kuṃbhe brahmā harirharaḥ || 17 ||
[Analyze grammar]

pratimāḥ rūpataḥ sthāpyā darśanārhāḥ sahetayaḥ |
trisandhyābhadraśobhāṃ ca citrāṇi vividhāni ca || 18 ||
[Analyze grammar]

skandhapaṭṭe prakuryādvai yathādṛśyaṃ manoharam |
nāsikāḥ karṇanāmnyastu pratirathikāyā dale || 19 ||
[Analyze grammar]

koṇeṣveva madhyagarbhe kāryāḥ sapratimāḥ śubhāḥ |
staṃbhikāsu prakartavyaṃ toraṇaṃ padmapatravat || 20 ||
[Analyze grammar]

tathā kamaladaṇḍādyaiḥ śobhitaṃ susvarūpavat |
vicitrākārarūpo'yaṃ kuṃbhakaḥ śreṣṭhako mataḥ || 21 ||
[Analyze grammar]

kuṃbhordhve kalaśaḥ kāryaścāṣṭabhāgaḥ suśobhanaḥ |
ṣaḍbhāgo madhyabhāgo'sya kartavyo vai suśobhitaḥ || 22 ||
[Analyze grammar]

vṛttarūpaḥ prakartavyastasyordhve cippikā śubhā |
ekabhāge prakartavyā paṭṭabandha'pi śobhanaḥ || 23 ||
[Analyze grammar]

ratnayuktaḥ prakartavyastathā sārdhadvayāṃ'śake |
antarālaṃ prakartavyaṃ divyapuṣpādiśobhitam || 24 ||
[Analyze grammar]

athā'ṣṭabhāgikā kāryā kapotālī śubhāvahā |
bhāgārdhā skandhapaṭṭī ca skandhaḥ sapādakadvayaḥ || 25 ||
[Analyze grammar]

mukhapaṭṭī pādabhāge dvibhāge karṇapaṭṭikā |
skandhasyanirgamaḥ sārdhabhāgadvayātmakaḥ śubhaḥ || 26 ||
[Analyze grammar]

bhāgārdhaḥ skandhapaṭṭaśca kartavyo galatāyutaḥ |
mukhapaṭṭī ca kartavyā tadadho'gre gagārakāḥ || 27 ||
[Analyze grammar]

sanmukhau caturaṃgulāḥ sadṛśāḥ śobhanā matāḥ |
ūrdhvaskandhastu kartavyo dalagarbhanikāsavān || 28 ||
[Analyze grammar]

kapotālyaṃgagarbhordhve kartavyā tu ṭhagārikā |
kapotālyupari kāryā mañcikā navabhāgikā || 29 ||
[Analyze grammar]

sapādabhāgaṃ cāntarapatrakaṃ ca tataḥ param |
kāmarūpaṃ ca pādonaṃ paṭṭikā pādabhāgikā || 30 ||
[Analyze grammar]

skandho dvibhāgaḥ pāde ca mukhapaṭṭī tataḥ param |
sapādāḥ karṇakastadvat skandho'pi ca sapādakaḥ || 31 ||
[Analyze grammar]

sapādāntarapatrī ca sārdhabhāgaḥ kaṇastathā |
nirvāṇaṭṭikā pāde kartavyā śobhanā śubhā || 32 ||
[Analyze grammar]

kapotālyāḥ sūtradārai kartavyāśca gagārakāḥ |
jaṃghāstaṃbhā nirgamāḍhyāstadadhovṛttalumbikāḥ || 33 ||
[Analyze grammar]

tadūrdhve jaṃghikāḥ kāryāḥ pañcatriṃśatsubhāgagāḥ |
golastaṃbhīyutā nāsāphalanāsahitāḥ śubhāḥ || 34 ||
[Analyze grammar]

sarvāsu mūlanāsāsu kāryāḥ staṃbhīcatuṣkikāḥ |
gajaiḥ siṃhairgaruḍaiśca makarairhesakairyutāḥ || 356 ||
[Analyze grammar]

karṇeṣu tvaṣṭadikpālāḥ pūrvākramāt pradakṣiṇe |
nṛtyan rudraḥ paścabhāge'ndhakahantā sa dakṣiṇe || 36 ||
[Analyze grammar]

caṇḍanāśakarī daṃṣṭrānanā devī tathottare |
pratirathe sūtradevāstathā diśādhipā api || 37 ||
[Analyze grammar]

munīndrā vārimārgeṣu kartavyāstapasi sthitāḥ |
gavākṣakāśca bhadreṣu kartavyā nirgamānvitāḥ || 38 ||
[Analyze grammar]

pañcārabhaṇakaiḥ staṃbhaiśchādyaiśca tilakairyutāḥ |
brahmaviṣṇumahādevaiḥ suśobhitāḥ sudarśanāḥ || 39 ||
[Analyze grammar]

gavākṣastambhikordhve'rdhagolatoraṇaśobhitāḥ |
jaṃghāsu dampatī vāpi patrayūthāni vā tathā || 40 ||
[Analyze grammar]

mañjaryo vā tathā paryyaḥ kartavyāḥ śobhanā yathā |
bharaṇī cāṣṭabhāgocchrā'dhaśchando golarūpavān || 41 ||
[Analyze grammar]

nirgamā grāsapaṭṭī ca bharaṇiskandhikāvaṭī |
vartulā sā na kartavyā nirgame samasaddalā || 42 ||
[Analyze grammar]

pādonaṃ kāmarūpaṃ ca pādā syāt skandhapaṭṭikā |
cippikā cārdhabhāgā ca sapādaṃ kaṇakaṃ tathā || 43 ||
[Analyze grammar]

paṭṭikā cāntarālaṃ ca pādaṃ pādaṃ smṛtaṃ sadā |
dvibhāgaḥ skandha ākāryo bhāgārdhaṃ karṇakotpalam || 44 ||
[Analyze grammar]

paṭṭikā cāntarālaṃ ca pādaṃ pādaṃ tathā matam |
bhāgārdhaśca tathā skandho bartnaṃ pādonabhāgakam || 45 ||
[Analyze grammar]

antaḥpatraṃ cārdhabhāgaṃ kartavyaṃ kāmanāpradam |
nāsopāṃgeṣu sarveṣu kartavyāḥ pallavāḥ śubhāḥ || 46 ||
[Analyze grammar]

aśokapallavāścāpi sarvakāmapradā hi te |
kaṇakeṣu skandhabandhāstamālapatrarūpiṇaḥ || 47 ||
[Analyze grammar]

kartavyāśca bharaṇyūrdhve golabhāge pralīninaḥ |
śirāvaṭṭirdaśabhāge kartavyā cocchrayā śubhā || 48 ||
[Analyze grammar]

tatra tribhāge kartavyā bhāraputtalikāḥ śubhāḥ |
pādonastu bhavet skandhaḥ pādonaḥ karṇakastathā || 49 ||
[Analyze grammar]

antarā cārdhabhāgaṃ tadantare paṭṭakastathā |
vṛttā śirāvaṭī pañcabhāge kāryā satantrakā || 50 ||
[Analyze grammar]

mauktikā'laṃkṛtiyuktā kartavyā hīrakānvitā |
tadūrdhve ca kapotālī pādabhāgasukalpitā || 51 ||
[Analyze grammar]

sārdhadvibhāgakaṃ cāntarālaṃ kartavyameva tu |
chādyaṃ trayodaśabhāge kartavyaṃ tatra vai yathā || 52 ||
[Analyze grammar]

ardhabhāgā skandhapaṭṭī tribhāgaḥ skandha eva ca |
ardhabhāgā mukhapaṭṭī caturbhāgaḥ chajodayaḥ || 53 ||
[Analyze grammar]

ekabhāgā daṇḍikā cāntarālaṃ caturaṃśakam |
sapādabhāgaḥ kaṇako dvibhāgaḥ skandha ityapi || 54 ||
[Analyze grammar]

pādabhāgā skandhapaṭṭī sarvakāmaprapūrikā |
kapotālpāśchādyanirgamastu daśāṃśako mataḥ || 55 ||
[Analyze grammar]

caturbhāgo hyadhaḥ skandhaḥ sārdhaiko maṇibandhakaḥ |
agrecippī tvardhabhāgā sarvakāmapradā bhavet || 56 ||
[Analyze grammar]

kāmarūpaṃ tvekabhāgaṃ pādaikāskandhapaṭṭikā |
cippikā cāpi bhāgārdhā pādaikā mukhapaṭṭikā || 57 ||
[Analyze grammar]

dvibhāgaḥ kaṇakaścāpi bhāgārdho daṇḍakastathā |
maṇibandhasya vai sthāne tribhāge sārilambanam || 58 ||
[Analyze grammar]

nikāro daśabhāgaśca praveśastu ṣaḍaṃśakaḥ |
vārimārga tu ṣaḍbhāgaḥ praveśo'pi ṣaḍaṃśakaḥ || 59 ||
[Analyze grammar]

bhāgasya ṣoḍaśoṃ'śastu pāṇitārāyatātmakaḥ |
evaṃ sthite dṛḍhaḥ syādvai prāsādo dīrghajīvanaḥ || 60 ||
[Analyze grammar]

kuṃbhādayaḥ stharāḥ sarve nirgame samasūtriṇaḥ |
pīṭhasya nirgamo bāhye tathaivācchādakasya ca || 61 ||
[Analyze grammar]

kumbhastarapramāṇaṃ ca prāsādā''yatatā tathā |
boddhavyā mūlanāsābhiryathāyogyā tu śilpinā || 62 ||
[Analyze grammar]

tripañcasaptanavaka upāṃgaphālanodgamaḥ |
bahireva hi boddhavyaḥ śilpinā cārukarmaṇā || 63 ||
[Analyze grammar]

karṇaṃ pratirathaṃ caiva karṇikā caiva nandikā |
uparathaṃ ca bhadraṃ ca subhadraṃ ceti nirgame || 64 ||
[Analyze grammar]

yathā bahirmūlasīmno bhavettathā bhavediti |
saptanāsāḥ prakartavyā bhadrārdhe vai ṣaḍaṃśake || 65 ||
[Analyze grammar]

prathamā tvaṣṭabhāgaiśca dvitīyaikā daśāṃśikā |
tṛtīyā'pyaṣṭabhāgā ca prānte sārdhacatuṣṭayā || 66 ||
[Analyze grammar]

bhadrārdhaṃ syāddhi ṣaḍbhāgaṃ pūrṇaṃ tu dvādaśāṃśakam |
vāstukṣetraṃ cāṣṭakoṇaṃ kartavyaṃ devatālaye || 67 ||
[Analyze grammar]

dṛṣṭikānāṃ stare bhittiḥ pādasthūlā matā sadā |
pāṣāṇabhittikā bodhyā ṣaḍaṃśā'vadhiketi ca || 68 ||
[Analyze grammar]

kāṣṭhaprāsādabhittiśca saptamāṃ'śātmikā matā |
svarṇarūpyādibhittiśca māṇikyādyā daśāṃśikā || 69 ||
[Analyze grammar]

bhramaṇī cāpi kartavyā prāsādasya daśāṃśataḥ |
bhramaṇīmadhyakoṇādyā neyāścopari tatkramāt || 70 ||
[Analyze grammar]

pañcāśadgajasaudhe ca bhadravad bhramaṇordhvanā |
maṇḍapo'pi bhramayuktaḥ kartavyaḥ staṃbhasaṃdhṛtaḥ || 71 ||
[Analyze grammar]

dīpālayaṃ prakartavyaṃ prāsāde dakṣiṇeṃ'śake |
prāsādavyāsabhāgārdhā kartavyā kolikā tathā || 72 ||
[Analyze grammar]

tadūrdhvaṃ śukanāsaśca kartavyo vai suśobhanaḥ |
dvāraṃ pūrve paścime cottare kāryaṃ na dakṣiṇe || 73 ||
[Analyze grammar]

gajaprāsādake dvāraṃ ṣoḍaśāṃgulamucchritam |
caturgajapraparyantaṃ pratihastaṃ tu ṣoḍaśam || 74 ||
[Analyze grammar]

aṃgulānāṃ vardhanīyaṃ tryaṃgulaṃ cāṣṭahastake |
pañcāśadgajaparyante dvyaṃgulaṃ pratihastakam || 75 ||
[Analyze grammar]

dairghyā'rdhena pṛthutvaṃ ca dvārasya śobhanaṃ sadā |
ūrdhvatāyāḥ ṣoḍaśāṃ'śo'dhiko'rdhe nihito yadi || 76 ||
[Analyze grammar]

śreṣṭhaṃ dvāraṃ bhavet taddhi sarvasampatsukhapradam |
vimānapuṣpajātīnāṃ prāsāde nāgaraṃ śubham || 77 ||
[Analyze grammar]

navaśākhaṃ prakartavyaṃ dvāraṃ vai vaiṣṇavaṃ hi tat |
dhvajāyastu pradātavyo dvāraṃ prāsādasūtrataḥ || 78 ||
[Analyze grammar]

talacchandānusāreṇa dvāraśākhā vibhājayet |
navāṃge navaśākhā vai kartavyāstryaṃśake śubhāḥ || 79 ||
[Analyze grammar]

āyadoṣaviśuddhyarthaṃ hrasvavṛddhyāvapi mate |
madhyapeṭe dvārapālāḥ kartavyāḥ sumanoharāḥ || 80 ||
[Analyze grammar]

pārśvaśākhāsvapi sūkṣmā vallayaḥ śobhitā matāḥ |
śākhocchrayacaturthāṃ'śe dvārapālau matau śubhau || 81 ||
[Analyze grammar]

vāme ca yamunā dakṣe gaṃgā tathaiva cobhaye |
gāndharvyaścātha gandharvāḥ kartavyā vādyasaṃyutāḥ || 82 ||
[Analyze grammar]

gajāśca garuḍāścāpi haṃsā aśvāśca pārṣadāḥ |
devā vā yatra yogyāḥ syuḥ kartavyā navaśākhake || 83 ||
[Analyze grammar]

śākhāyāstatra kartavyā bhāgā ekādaśā''yatāḥ |
rūpastambhau ca dvau kāryau dvibhāgau koṇikāyutau || 84 ||
[Analyze grammar]

pādonadvayabhāgena nirgamastatra śobhanaḥ |
prathamā patraśākhā ca gandharvā ca dvitīyakā || 85 ||
[Analyze grammar]

rūpastaṃbhā tṛtīyā ca khalvaśākhā caturthikā |
gandharvā pañcamī cāpi rūpastaṃbhaśca ṣaṣṭhakaḥ || 86 ||
[Analyze grammar]

saptamī rūpaśākhā ca khalvaśākhā tathā'ṣṭamau |
navamī siṃhaśākhā ca yatheṣṭaśobhanā'thavā || 87 ||
[Analyze grammar]

śākhāpeṭakavistāraḥ praveśāyatapañcamaḥ |
sthāpyadevasya mūrtiścottaraṃge śākhidevayuk || 88 ||
[Analyze grammar]

yadvā gaṇeśako devo devāḥ saparivārakāḥ |
devyo brahmapriyāścāpi kartavyā uttaraṃgake || 89 ||
[Analyze grammar]

mūlakarṇasya sūtreṇa kuṃbhenodumbaraṃ samam |
kartavyaṃ pañcaratnāni nihitavyānyadhasstare || 90 ||
[Analyze grammar]

dvārā''yatyatṛtīyāṃ'śe madhye mandāriko mataḥ |
ardhacandrasamākāro mṛṇālapatrasaṃyutaḥ || 91 ||
[Analyze grammar]

mṛṇālā'dho jāḍyakuṃbhaḥ kaṇālī kaṇapīṭhakaḥ |
mṛṇālasya dvayapārśve koṇikā grāsayormukhe || 92 ||
[Analyze grammar]

udumbarasya pārśve ca śākhārūpatilāni ca |
udumbarocchrayaḥ kāryaḥ kuṃbhāt pādonakaḥ śubhaḥ || 93 ||
[Analyze grammar]

khurakeṇa samo bodhyo'rdhacandrasyocchrayaḥ sadā |
yathā dvārā''yatalambo nirgame tu tadardhakaḥ || 94 ||
[Analyze grammar]

bhāgadvayā'rdhacandre cā'rdhārdhabhāge gagārakau |
pārśvadvaye prakartavyau śobhanau ca surūpiṇau || 95 ||
[Analyze grammar]

candragagārayormadhye śaṃkhaḥ campakavalliyuk |
candre'pi kamalaṃ kāryaṃ śobhitaṃ smṛddhidaṃ hi tat || 96 ||
[Analyze grammar]

ityevaṃ rādhike sarvamāntarāgaṃ tavoditam |
devāyatanakaṃ prāha yacchrīkṛṣṇanarāyaṇaḥ || 97 ||
[Analyze grammar]

iti śrīlakṣmīnārāyaṇīyasaṃhitāyāṃ dvitīye tretāsantāne prāsādarūpe maṇḍovarakuṃbhīchajjunāsāmaṇḍapadvārodumbarādinirūpaṇanāmā saptatriṃśadadhikaśatatamo'dhyāyaḥ || 137 ||
[Analyze grammar]