Chapter 119

śrīkṛṣṇa uvāca |
śṛṇu cānyaṃ camatkāraṃ rādhe bhaktasya vai hareḥ |
nāmnā devāyatanasya saurāṣṭravāsinaḥ priye || 1 ||
[Analyze grammar]

grāme samādhiyānākhye bhakto'bhavacchubhāśrayaḥ |
ābhīrajātimūrdhanyo devāyatanasaṃjñakaḥ || 2 ||
[Analyze grammar]

nityasnānaparo'nādikṛṣṇanārāyaṇāśritaḥ |
hare kṛṣṇa hare svāmin hare nārāyaṇa prabho || 3 ||
[Analyze grammar]

śrīgopāla hare kṛṣṇa kambharāśri rame sati |
anādiśrīkṛṣṇanārāyaṇa śrīpuruṣottama || 4 ||
[Analyze grammar]

akṣareśa prabhārādhāmāṇikīpārvatīpate |
satpate muktadhāmeśa bālakṛṣṇa hare hare || 5 ||
[Analyze grammar]

evaṃ nityaṃ kīrtanaṃ sa karoti saritastaṭe |
vālukāsu jale cāpi vṛkṣāśraye ca bhūtale || 6 ||
[Analyze grammar]

gṛhe kṣetre vāṭikāsūdyāne'raṇye vane'pi ca |
sarvakarmasu kṛṣṇaṃ taṃ parameśaṃ smaratyatha || 7 ||
[Analyze grammar]

bhojane śayane yāne gamane cāsane sadā |
mroḍe kṣutau cāplavane śauce cālasyamandire || 8 ||
[Analyze grammar]

catvare ca sabhāyāṃ ca jātikuṭumbakotsave |
sūtake śokaviṣaye harṣasthāne'pi sarvadā || 9 ||
[Analyze grammar]

hare kṛṣṇa hare svāmin tālīvādanapūrvakam |
nāmasaṃkīrtanaṃ kṛṣṇanārāyaṇasya sarvadā || 10 ||
[Analyze grammar]

śraddhayā sa karotyeva snānottaraṃ ca pūjanam |
anādiśrīkṛṣṇanārāyaṇamūrteḥ karoti ca || 11 ||
[Analyze grammar]

ārārtrikaṃ ca naivedyaṃ phalānnajalaśobhitam |
dadātyeva bhagavate bhāvapremaprapūritaḥ || 12 ||
[Analyze grammar]

grāme deśe janāstaṃ tu devāyatarṣisaṃjñayā |
prāhurdevāyatarṣiścaikadā vṛkṣatale sthitaḥ || 13 ||
[Analyze grammar]

ṭimburuphalamādāya pakvaṃ miṣṭaṃ sukhapradam |
sasmāra śrīkṛṣṇanārāyaṇaṃ nivedanāya vai || 14 ||
[Analyze grammar]

anādiśrīkṛṣṇanārāyaṇo bhaktyā vaśaṃgataḥ |
āyayau tumburuvṛkṣasthale yatra sa bhaktarāṭ || 15 ||
[Analyze grammar]

bālagopālaveṣo vai samāgatya hasaṃstadā |
devāyatanahastābhyāṃ tumburudruphalāni tu || 16 ||
[Analyze grammar]

pakvamiṣṭāni saṃgṛhya bubhuje miṣṭatadrasam |
bhakto devāyatanarṣiścāruphalāni saṃdadau || 17 ||
[Analyze grammar]

prasādaṃ kṛṣṇadattaṃ ca bhuṃkte nṛtyati śaṃsati |
tallīno mūrtisaṃmagno divyadṛg divyadehavān || 18 ||
[Analyze grammar]

abhavad bandhanaśūnyo vyomākramaṇaśaktimān |
bālakṛṣṇaḥ phalānyattvā nadīṃ yāto jalāya tu || 19 ||
[Analyze grammar]

devāyano'pi tatpṛṣṭhe nadīṃ yāto jalāya vai |
kṛṣṇākṛṣṭendriyaprāṇavarṣmā vāṭaṃ yayāvanu || 20 ||
[Analyze grammar]

parvatān vanavṛkṣādīn samullaṃghya hariṃ tvanu |
jagāma vyomamārgeṇa nirāvaraṇadehavān || 21 ||
[Analyze grammar]

āyayau kuṃkumavāpīkṣetraṃ cāśvasarovaram |
śrīhariṃ dhyānavṛttyā vai lakṣyīkṛtya sarovare || 22 ||
[Analyze grammar]

sasnau śrīkṛṣṇayogena sopānaiśca jalāntare |
dehaṃ vismṛtya salile magno'bhūllīlayā kṣaṇāt || 23 ||
[Analyze grammar]

deho vai jalamadhye santiṣṭhanneva jalāvilaḥ |
jalaṃ pītvā''tmanā divyo bhūtvā vai sa jalopari || 24 ||
[Analyze grammar]

hare kṛṣṇa hare ravāminnevaṃ raṭan bahistaṭe |
nirgatya divyadehena kṣaṇaṃ tasthau ca yāvatā || 25 ||
[Analyze grammar]

tāvat tasya samāyāto vicāro jīvatārakaḥ |
yadyahaṃ divyadehena kārayāmi prajāsu tu || 26 ||
[Analyze grammar]

bhajanaṃ kīrtanaṃ viṣṇorjīvā yāsyanti mokṣaṇam |
ityevaṃ saṃvicāryaiva bhajanaṃ śrīhare hare || 27 ||
[Analyze grammar]

kurvan tvāraṇyakaṃ vyāghraṃ siṃhāraṇyaṃ tataḥ param |
tataḥ saṃyamanīṃ yāmyāṃ purīṃ gatvā'pyakīrtayat || 28 ||
[Analyze grammar]

hare kṛṣṇa hare svāmin hare nārāyaṇa prabho |
śrīgopāla hare kṛṣṇa kaṃbharāśri hare vibho || 19 ||
[Analyze grammar]

bālakṛṣṇa ramārādhālakṣmīpāravatīpate |
kamaleśa prabhāmāṇikīśa nārāyaṇa prabho || 30 ||
[Analyze grammar]

ityevaṃ bhajanaṃ cakre nāmakīrtanaghoṣaṇām |
śrutvā yāmyanigaḍasthā vipāśā bandhanacyutāḥ || 31 ||
[Analyze grammar]

babhūvuḥ sahasā śuddhāḥ pāpatāpavivarjitāḥ |
muktiyogyā divyadehā vaikuṇṭhayogyadehinaḥ || 32 ||
[Analyze grammar]

puṇyadehāśca te bhūtvā śrutvā nāma harermuhuḥ |
dharmarājaṃ namaskṛtya yayurbrahma sanātanam || 33 ||
[Analyze grammar]

devāyano'pi yāmyānā bhramitvā sarvabhūmiṣu |
bālakṛṣṇasya ca hareḥ śrāvayitvā'bhidhāṃ muhuḥ || 34 ||
[Analyze grammar]

prajvālya pāpipāpāni preṣayāmāsa dhāma ca |
yamadūtā vilokyaitanmahāścaryaṃ yamaṃ prati || 35 ||
[Analyze grammar]

tvaritāḥ prayayurvijñāpayāmāsuraniṣṭakam |
yamarāja mahābāho kārāgārāṇi pāpinām || 36 ||
[Analyze grammar]

kenacittu samāgatya saṃśrāvya nāma vai hareḥ |
vidhāpyante tu riktāni prayānti brahma pāpinaḥ || 37 ||
[Analyze grammar]

puṇyadehāḥ puṇyarūpāḥ puṇyātmāno vihāyasā |
divyayānena vai gantuṃ samarthāste prayānti hi || 38 ||
[Analyze grammar]

nā'smāṃste gaṇayatyatra yojitān daṇḍadāyinaḥ |
tiraskṛtya ca naḥ sarvān pradarśyāṅguṣṭhadantakān || 39 ||
[Analyze grammar]

vihasyā'smān prayāntyete paśya riktaṃ puraṃ tava |
ityukto yamarājo'sau yāvat paśyati pattanam || 40 ||
[Analyze grammar]

yāmyaṃ sarvaṃ daṇḍalokaṃ riktaṃ saṃdṛṣṭavāṃstataḥ |
taṃ dadarśa divyadehaṃ bhaktaṃ devāyanaṃ hareḥ || 41 ||
[Analyze grammar]

nāma gṛṇantaṃ tānena śrāvayantaṃ ca nārakān |
prakṣālayantaṃ pāpāni kurvantaṃ divyamuktatām || 42 ||
[Analyze grammar]

preṣayantaṃ harerdhāma baliṣṭhaṃ sāttvataṃ sthitam |
yamarājo vilokyainaṃ bhaktaṃ nanāma bhāvataḥ || 43 ||
[Analyze grammar]

prāha svāgatamarghyaṃ ca madhuparkaṃ dadau tathā |
āsanaṃ pradadau tasmai upāviveśa bhaktarāṭ || 44 ||
[Analyze grammar]

papraccha kuśalaṃ sarvaṃ nirāmayaṃ ca nāma ca |
āgamaṃ ceti bhaktasya bhakto jagāda vai śubham || 45 ||
[Analyze grammar]

yamaḥ prāha harernāma pāpināṃ pāpanāśakam |
bhavān gṛhṇāti bhaktāgrya tadyogyaṃ vai vidhīyate || 46 ||
[Analyze grammar]

saṃsāro'yaṃ tu pāpiṣṭho duḥkhadaḥ karmabhirvṛtaḥ |
karmaṇā jāyate jantuḥ karmaṇaiva vilīyate || 47 ||
[Analyze grammar]

karmaṇā bhujyate duḥkhaṃ karmaṇā sukhamāpyate |
sādhukarmaprakartā vai svargaṃ prāpnoti caiśvaram || 48 ||
[Analyze grammar]

asādhukarmakartā vai nārakaṃ duḥkhamṛcchati |
adharmakṛtakāryāṇāṃ pāpināṃ daṇḍahetave || 49 ||
[Analyze grammar]

viṣṇunā daṇḍaśālā'tra nirmitā vidyate sadā |
tatrā'haṃ sūryaputro'smi niyukto dharmadehavān || 50 ||
[Analyze grammar]

dharmarūpasya me putro harirnārāyaṇaḥ svayam |
kṛṣṇo naraśca te putrāścatvāro mama vai purā || 51 ||
[Analyze grammar]

viśālāyāṃ badaryāṃ vai mānasā hyabhavaiṃśca me |
tannāmnā sarvadā pāpipāpāni prajvalanti hi || 52 ||
[Analyze grammar]

muktiṃ prayānti jīvāśca karmabhūmerbalāt khalu |
yamasya nagaraṃ tvetad dṇḍaśālā hi kevalā || 53 ||
[Analyze grammar]

naiṣā karmakṣitiścāste nā'tra bhaktapraveśanam |
antareṇa phalabhuktiṃ nā'smāt sthānānnivartanam || 54 ||
[Analyze grammar]

ityevaṃ śrīharerājñā manorājñā vidhestathā |
tāmanusṛtya caivā'tra phalaṃ dadāmi dehine || 55 ||
[Analyze grammar]

tanmadhye na kṣatiḥ kāryā yena kenāpi vai kvacit |
ityevaṃ niyamastvadya bhakta tvayā pradharṣitaḥ || 56 ||
[Analyze grammar]

avigaṇayya kṛṣṇasya niyamaṃ yad bhavāniha |
samāgato'sti pāpānāṃ vināśako vimuktidaḥ || 57 ||
[Analyze grammar]

tad yogyaṃ na kṛtaṃ bhakta mā hareḥ kīrtanaṃ kuru |
ityevaṃ cānunīto'pi na mene śrīharerbalāt || 58 ||
[Analyze grammar]

prāha bhakto yamaṃ tatra muñcedaṃ vyādhapattanam |
harernāmnā tu te dharma muktiṃ karomi te'pi ca || 59 ||
[Analyze grammar]

hare kṛṣṇa hare svāmin vada nārāyaṇeti ca |
bhajainaṃ śrībālakṛṣṇaṃ vācamanyāṃ vimuñca vai || 60 ||
[Analyze grammar]

taṃ viditvā cātimṛtyumupaiti netarā sṛtiḥ |
mokṣārthaṃ khalu jīvānāṃ muktidānaṃ paraṃ matam || 61 ||
[Analyze grammar]

dīnā'nāthadaridrāṇāmaśaktānāṃ pramokṣaṇam |
ajñānāṃ cā'pyasurāṇāṃ rakṣasāṃ mokṣaṇaṃ sadā || 62 ||
[Analyze grammar]

kāryaṃ vijānatā nityaṃ saṃsāre pāpasaṃkule |
mayā tvatra samāgatya pāpināṃ pāpavārdhayaḥ || 63 ||
[Analyze grammar]

pradahyante harernāmnā tad yogyaṃ kriyate yama |
eko'pi mānavastvatra nāmnā ceduddhareditaḥ || 64 ||
[Analyze grammar]

tasya puṇyasya vai pāraṃ naiva paśyāmi sūryaja |
yamadūtāḥ kathaṃ nvete rakṣitā rākṣasā iva || 65 ||
[Analyze grammar]

dīyatāṃ vai tvayā tebhyaścādyadinādabhṛtyatām |
śravaṇādyāścitraguptāḥ pragacchantu ca mokṣaṇam || 66 ||
[Analyze grammar]

śrāvayāmi harernāma kurvantu nirjanāṃ purīm |
vasantu bhagavadbhaktāḥ sarve duḥkhavivarjitāḥ || 67 ||
[Analyze grammar]

prakṣālayantu yantrāṇi pāpināṃ mokṣaṇaṃ kuru |
vaiṣṇavāśca bhavantyeva sarve dayālusāttvatāḥ || 68 ||
[Analyze grammar]

harernāmabalāt sarvān mokṣayiṣye na saṃśayaḥ |
yāmyāpurī bhavatveṣā svargapurī sukhānvitā || 69 ||
[Analyze grammar]

pāpiriktāṃ karomyeṣo bhajanena hareriha |
yatheṣṭaṃ kuru yāmyeśa bhaja nārāyaṇaṃ harim || 70 ||
[Analyze grammar]

ityuktvā ca yamaṃ natvā bhajannārāyaṇaṃ harim |
bālakṛṣṇaṃ hṛdi dhṛtvā yayau kuṇḍeṣu pāpinām || 71 ||
[Analyze grammar]

harekṛṣṇa haresvāmin harenārāyaṇa prabho |
bālakṛṣṇa harekṛṣṇa śrīpate pārvatīpate || 72 ||
[Analyze grammar]

parabrahmā'kṣarātīta māṇikīśa ramāpate |
rādhālakṣmīpate kṛṣṇa prabhāpate'va pāpinaḥ || 73 ||
[Analyze grammar]

ityevaṃ karatālābhyāṃ śabdayan kaṇṭhatastathā |
purīṃ yāmyāṃ sukhayaṃśca pāpinaḥ parito yayau || 74 ||
[Analyze grammar]

asaṃkhyān pāpinastvevaṃ saṃśrāvya kīrtanaṃ manum |
pāpāni saṃpradāhyaiva preṣayāmāsa cākṣaram || 75 ||
[Analyze grammar]

yamarājo vihvalaḥ san yayau kuṃkumavāpikām |
akṣaraṃ paramaṃ kṣetraṃ divyaṃ cāśvasarovaram || 76 ||
[Analyze grammar]

akasmācchrīhareścāgre tvāgatya daṇḍavat bhuvi |
patitaḥ sāśrunetraśca maunamāsthāya saṃsthitaḥ || 77 ||
[Analyze grammar]

anādiśrīkṛṣṇanārāyaṇaḥ śrīpuruṣottamaḥ |
jānannapi nṛnāṭyena papracchainaṃ hi kāraṇam || 78 ||
[Analyze grammar]

jagāda yamarājo'pi bhaktaṃ yāmye samāgatam |
arpayantaṃ pramuktiṃ ca pāpibhyo nāmakīrtanāt || 72 ||
[Analyze grammar]

hariḥ prāha tu tacchrutvā bhaktā'dhīno'smyahaṃ yama |
bhaktecchāpūrakaścā'smi bhaktavaśyaḥ karomi kim || 80 ||
[Analyze grammar]

na niroddhumahaṃ śaktastvenaṃ brahmādayo'pi ca |
tasmācchṛṇu mamājñāṃ tvaṃ mā śucaścātra saṃbhave || 81 ||
[Analyze grammar]

ekavāraṃ yāmyalokaṃ riktaṃ kārayituṃ hi te |
madbhaktāya tu samayaṃ dehi paścāt gamiṣyati || 82 ||
[Analyze grammar]

riktāyāṃ yamapuryāṃ sa nā'valokya tu pāpinaḥ |
kṛtakāryaṃ tu matvā svaṃ svayaṃ gato bhaviṣyati || 83 ||
[Analyze grammar]

adya me janidivasaścaturdaśasamākṛtaḥ |
pāpināṃ nigaḍānāṃ vai mokṣaṇaṃ bhavatād yama || 84 ||
[Analyze grammar]

ityukto yamarājo'pi kṛṣṇājñāṃ prāpya pūjanam |
hareścakāra vidhinā mumude sukhataḥ sthitaḥ || 85 ||
[Analyze grammar]

bhojayāmāsa bhagavān yamarājaṃ tataḥ param |
dadau ca mukuṭaṃ tasmai sauvarṇaṃ mastake hariḥ || 86 ||
[Analyze grammar]

kaṇṭhe hāraṃ ca sauvarṇaṃ ratnahīrakaśobhitam |
oṃnamaḥ śrīkṛṣṇanārāyaṇāya svāmine svāhā || 87 ||
[Analyze grammar]

mantraṃ dadau ca tulasīmālāṃ yameśvarāya vai |
pāritoṣyaṃ dadau mūrtiṃ pratimāṃ svāṃ suvarṇajām || 88 ||
[Analyze grammar]

tataśca bhagavān bālakṛṣṇo jagāda sūryajam |
bhaktaṃ devāyanaṃ brūhi jaya kṛṣṇanarāyaṇa || 89 ||
[Analyze grammar]

vimānaṃ sarvagāmyetad dehi tasmai sukhāspadam |
yātrārthaṃ sarvalokānāṃ kalpavallyādi saṃśritam || 90 ||
[Analyze grammar]

adhiruhya prayāhi tvaṃ yamarāja vimānakam |
prasādaṃ tu mama nītvā dehi sarvebhya eva ca || 91 ||
[Analyze grammar]

tvatpuraṃ pāvanaṃ cāstu cādyā'parādhivarjitam |
devāyane prayāte tu punaḥ pūrṇaṃ bhaviṣyati || 92 ||
[Analyze grammar]

ityukto yamarājaḥ sa rādhike śrīhariṃ tadā |
natvā kṛtvā daṇḍavacca bhūtvā vai vaiṣṇavo mahān || 93 ||
[Analyze grammar]

yayau vimānavaryeṇa yāmyaṃ naijaṃ puraṃ punaḥ |
śrāvayāmāsa sarvebhyo yadvṛttaṃ harisannidhau || 94 ||
[Analyze grammar]

devāyano'pi yacchrutvā mumude'ti nanarta ca |
nāmasaṃkīrtanaṃ cakre bhramitvā paritaḥ puram || 95 ||
[Analyze grammar]

riktaṃ yamapuraṃ cakre saṃśrāvya nāma vai hareḥ |
yamarājo dadau tasmai prasādaṃ ca vimānakam || 96 ||
[Analyze grammar]

yamadūtāḥ pāpināṃ ca pīḍanaṃ prajahustataḥ |
mocitā nigaḍebhyaśca bandhanebhyastathā tadā || 97 ||
[Analyze grammar]

gatāḥ sarve harernāmnā svargaṃ satyaṃ sukhāśrayam |
vaikuṇṭhaṃ cāpi golokaṃ cāvyākṛtaṃ tathā'mṛtam || 98 ||
[Analyze grammar]

akṣaraṃ dhāma paramaṃ nivartante na yadgatāḥ |
ityevaṃ sucamatkāro dṛṣṭo jāto janaistadā || 99 ||
[Analyze grammar]

caturdaśasthalokairvai tathā dhāmanivāsibhiḥ |
bhuktimuktipradaḥ kṛṣṇaḥ samartho na karoti kim || 100 ||
[Analyze grammar]

yasya sarvaṃ yatra sarvaṃ yadvaśe sarvameva ca |
yasmāt sarvaṃ sa vai śāstā kiṃ na karoti rādhike || 101 ||
[Analyze grammar]

iti śrīlakṣmīnārāyaṇīyasaṃhitāyāṃ dvitīye tretāsantāne devāyatanarṣibhakto yamapuryāṃ śrīharernāmasaṃkīrtanaṃ kṛtvā yāmyān sarvān mocayāmāsetyādinirūpaṇanāmā |
navadaśādhikaśatatamo'dhyāyaḥ || 119 ||
[Analyze grammar]