Chapter 120

śrīkṛṣṇa uvāca |
śṛṇu tvaṃ rādhike paścād yāmyalokaiḥ prapūjitaḥ |
devāyatanabhaktastu pūjāṃ prāpya yamārpitām || 1 ||
[Analyze grammar]

vimānena yayau tasmānnairṛtāṃ diśamekalaḥ |
dadarśa nagarīṃ ramyāṃ svargatulyāṃ suvarṇajām || 2 ||
[Analyze grammar]

nirṛtānāṃ rākṣasānāṃ prāsādairabhiśobhitām |
lakṣayojanavistīrṇaprākārapariveṣṭitām || 3 ||
[Analyze grammar]

mṛṣāmāyendrajālānāṃ śālābhiḥ ṛddhisaṃbhṛtām |
arbudārbudapadmānāṃ rākṣasānāṃ kuṭumbakaiḥ || 4 ||
[Analyze grammar]

niṣevitāṃ mahāsvargopamāṃ cā'mbarasaṃsthitām |
sūryavad bhrājamānāṃ tāṃ vilokya bhaktarāṭ tadā || 5 ||
[Analyze grammar]

dīrghasvareṇa tālādyaiḥ sahitaṃ kīrtanaṃ hareḥ |
harekṛṣṇa haresvāmin harenārāyaṇa prabho || 6 ||
[Analyze grammar]

bālakṛṣṇa harekṛṣṇa parabrahma ramāpate |
lakṣmīpate māṇikīśa pāravatīprabhāpate || 7 ||
[Analyze grammar]

śrīgopāla satāṃpāla rādheśa kaṃbharātmaja |
akṣareśa ca gopeśa mukteśa kuṃkumādhipa || 8 ||
[Analyze grammar]

kṛṣṇanārāyaṇa viṣṇo parameśa janārdana |
muktinātha mahāviṣṇo śrīpate puruṣottama || 9 ||
[Analyze grammar]

evaṃ nairṛtapuryāṃ sa vicarannambare gṛṇan |
nāmāni śrāvayāmāsa nairṛtebhyo manuṃ tathā || 10 ||
[Analyze grammar]

nairṛtāśca prajālokāḥ śrutvā śrutvā śubhāṃ giram |
niṣpāpā abhavan rakṣogaṇāśca divyavigrahāḥ || 11 ||
[Analyze grammar]

rakṣobhāvavihīnāśca divyapārṣadadehinaḥ |
sambhūya muktarūpāśca vihāya nagarīṃ nijām || 12 ||
[Analyze grammar]

yayurbhaktabalenaiva kalpalatotthavāhanaiḥ |
gajayānairvimānaiśca devāyanārpitaistadā || 13 ||
[Analyze grammar]

akṣaraṃ brahmalokaṃ te tathā vaikuṇṭhamityapi |
tathā golokamevā'nye'mṛtaṃ vā'vyākṛtaṃ pare || 14 ||
[Analyze grammar]

yatheṣṭaṃ pārṣadā bhūtvā tattaddhāmasu te gatāḥ |
anādiśrīkṛṣṇanārāyaṇanāmaśraveṇa te || 15 ||
[Analyze grammar]

mahāpuṇyābdhayo bhūtvā yayurvai brahma śāśvatam |
atha tasmātpradeśāt sa vyomnā vai vāruṇīṃ purīm || 16 ||
[Analyze grammar]

paścimāyāṃ yayau kurvan nāmasaṃkīrtanaṃ hareḥ |
lakṣayojanavistīrṇaprākārāntaḥkṛtāśrayām || 17 ||
[Analyze grammar]

dadarśa tāṃ bhraman vyomnā vimānena samantataḥ |
śrāvayāmāsa janatāḥ prācetasīrmuhurmuhuḥ || 18 ||
[Analyze grammar]

tāḥ sarvāśca prajā divyā bhūtvā śrutvā'bhidhāṃ manum |
kalpavallīkṛtairyānairyayuste dhāma caiśvaram || 19 ||
[Analyze grammar]

narā nāryo divyadehāḥ sarvathā divyarūpiṇaḥ |
bhinnadhāmāni ca yayurdevāyanasamāgamāt || 20 ||
[Analyze grammar]

atha tasmātpradeśācca vyomnā vai vāyavīṃ purīm |
yayau devāyano bhakto gṛṇannāma harermuhuḥ || 21 ||
[Analyze grammar]

vāyūnāṃ devatāḥ sarvā marutāṃ sṛṣṭayastathā |
vāyavīyaśarīrāste śrutvā'bhidhāṃ manuṃ hareḥ || 22 ||
[Analyze grammar]

lakṣayojanamadhyasthāstadā purīprajājanāḥ |
divyadehadharā bhūtvā yayurdhāma hareḥ khalu || 23 ||
[Analyze grammar]

vimānaṃ tu bhramad vyomnā sarvāṃ prācetasīṃ purīm |
prajāstatra sthitāḥ saṃśrāvayāmāsa hare hare || 24 ||
[Analyze grammar]

devāyano'pi tāḥ saṃpreṣayāmāsa harergṛham |
tathā'nyānyapi dhāmāni kalpavallīvimānakaiḥ || 25 ||
[Analyze grammar]

athottarāṃ diśaṃ devāyanarṣiḥ prayayau tataḥ |
kauberīṃ supurīṃ lakṣayojanāyatadurgikām || 26 ||
[Analyze grammar]

dadarśā'mbaramārgeṇa gṛṇan nāma manuṃ hareḥ |
tāṃ bhraman savimānena tadgatāṃ yakṣakaprajām || 27 ||
[Analyze grammar]

śrāvayāmāsa nāmāni kṛṣṇanārāyaṇaprabho |
harebrahma parabrahma yakṣān muktān cakāra saḥ || 28 ||
[Analyze grammar]

kṣayaṃ yātāni pāpāni yakṣāṇāṃ puṇyaśālinām |
puṇyānyeṣāṃ vardhitāni nārāyaṇaśruterbalāt || 29 ||
[Analyze grammar]

divyadehāstato bhūtvā muktadehāḥ samantataḥ |
kalpavallīsamutpannavimānairakṣarābhigaiḥ || 30 ||
[Analyze grammar]

yayuste tāṃ purīṃ tyaktvā vaikuṇṭhaṃ ca gavāṃ sthalīm |
akṣaraṃ brahma paramaṃ prāpuste śrīharerbalāt || 31 ||
[Analyze grammar]

atha devāyano bhakto yayau ceśānapālitām |
diśaṃ vilokayāmāsa purīṃ tatreśapālitām || 32 ||
[Analyze grammar]

lakṣayojanadurgāntarvartinīṃ rudraśobhitām |
śatarudrāḥ koṭirudrāḥ śaṃkarā īśamūrtayaḥ || 33 ||
[Analyze grammar]

īśānyo rudrapatnyaśca yatrā'rbudā'bjakoṭayaḥ |
bhūtāḥ pretāḥ piśācāśca kūṣmāṇḍāśca vināyakāḥ || 34 ||
[Analyze grammar]

vetālāśca kumārāśca bhairavā gaṇakoṭayaḥ |
vīrāśca bhadradevāśca ḍākinyaḥ śākinīgaṇāḥ || 35 ||
[Analyze grammar]

yoginyo yoginaścāpi yatayaśca virāgiṇaḥ |
vetālanyaśca kūṣmāṇḍyaḥ kṛtyāśca pūtanāgaṇāḥ || 36 ||
[Analyze grammar]

durgāśca nandinaścāpi caṇḍāścaṇḍyaḥ satīgaṇāḥ |
ete yatrā'saṃkhyadāsadāsīgaṇāvasanti hi || 37 ||
[Analyze grammar]

īśānasya harasyaiva dṛṣṭā devāyanena hi |
tato vimānaṃ vyomni tad bhrāmayāmāsa bhaktarāṭ || 38 ||
[Analyze grammar]

jagādoccairharernāmā'nādikṛṣṇanarāyaṇa |
kambharānandana viṣṇo gopālabāla mādhava || 39 ||
[Analyze grammar]

bālakṛṣṇa harekṛṣṇa puruṣottama keśava |
antarātman prabhākānta śrīkānta parameśvara || 40 ||
[Analyze grammar]

harekṛṣṇa haresvāmin harenārāyaṇa prabho |
svāminnārāyaṇa nārāyaṇeśvara rameśvara || 41 ||
[Analyze grammar]

māṇikyeśvara māyeśa pārvatīśvara bhūpate |
līlāpate vibhūtīśa rādhāpate satāṃpate || 42 ||
[Analyze grammar]

śrīvallabha śrīpadmeśa śrīkṛṣṇa śrīnarāyaṇa |
śrīrāma śrīkamaleśa maṃgalāyatana prabho || 43 ||
[Analyze grammar]

ityevaṃ sa gṛṇan kṛṣṇanāmāni ca manuṃ hareḥ |
śrāvayāmāsa sarvāṃśca mokṣayāmāsa karmataḥ || 44 ||
[Analyze grammar]

divyadehamayān kṛtvā dhāmayogyān gaṇān śubhān |
viṣṇutulyān śaṃbhudāsān dāsīḥ ramāsamāstathā || 42 ||
[Analyze grammar]

preṣayāmāsa vaikuṇṭhaṃ golokaṃ cākṣaraṃ tathā |
amṛtākhyaṃ divyadhāmā'vyākṛtaṃ ca kilāsakam || 46 ||
[Analyze grammar]

sāketaṃ cāpi ye yasya yogyāstāṃstatra cairayat |
muktiṃ kṛtvā tu vai teṣāṃ nāmakīrtanato hareḥ || 47 ||
[Analyze grammar]

vimānaiḥ preṣayitvaiva tataḥ pūrvāṃ diśaṃ yayau |
ujjvalāṃ koṭisūryābhāṃ dadarśendrapurīṃ śubhām || 48 ||
[Analyze grammar]

lakṣayojanaprākāravartinīṃ smṛddhisaṃbhṛtām |
rājadhānīṃ divo ramyāṃ lokapālālayāṃ parām || 49 ||
[Analyze grammar]

sarvasuvarṇaprāsādāṃ dikpālādyadhivāsitām |
grahanakṣatratārāṇāṃ prāsādairabhiśobhitām || 50 ||
[Analyze grammar]

ketūnāṃ suravargāṇāmālayairabhitaḥ kṛtām |
mandiraiḥ sarvasiddhīnāṃ vasūnāṃ ca sumandiraiḥ || 51 ||
[Analyze grammar]

nidhīnāṃ mandiraiścāpi saptarṣīṇāṃ nivāsanaiḥ |
kṛttikānāṃ mahāsaudhairdiśāṃ prāsādakairyutām || 52 ||
[Analyze grammar]

rudrāṇāṃ cāpi sūryāṇāṃ kāmānāṃ cālayairyutām |
manūnāṃ ca kalānāṃ ca tithīnāṃ mandirairyutām || 53 ||
[Analyze grammar]

marutāṃ vālakhilyānāṃ cāruṇānāṃ nivāsanaiḥ |
devīnāmapsarasāṃ brahmasarasāṃ tathālayaiḥ || 54 ||
[Analyze grammar]

tattvānāṃ susamudyānaiḥ kalpadrumaiḥ samantataḥ |
amṛtānāṃ ca kulyābhirbrahmavāṭyabhiśobhitām || 55 ||
[Analyze grammar]

sūtairmāgadhalokaiśca bandījanaiḥ prasevitām |
bhāṭacāraṇagandharvaiḥ kimpuruṣaiśca kinnaraiḥ || 56 ||
[Analyze grammar]

sādhyadevairviśvadevaiḥ siddhaiśca rājabhiryutām |
sarvaśreṣṭhāṃ rājadhānīṃ vilokya cātisaṃbhṛtām || 57 ||
[Analyze grammar]

vividhairdehibhiḥ ramyāṃ bhinnajātīyavāsibhiḥ |
harṣaṃ prāpyā'tivegena devāyanarṣirutsukaḥ || 58 ||
[Analyze grammar]

kīrtayāmāsa nāmāni bālakṛṣṇasya vai manum |
harekṛṣṇa haresvāmin harenārāyaṇa prabho || 59 ||
[Analyze grammar]

bālakṛṣṇa harekṛṣṇa rāmakṛṣṇa janārdana |
śrīgopāla satāṃpāla kaṃbharānandana prabho || 60 ||
[Analyze grammar]

brahmapriyāpate rādhāpate ramāpate vibho |
ātmapate prāṇapate parabrahma pareśvara || 61 ||
[Analyze grammar]

sarvalokapate kṛṣṇanārāyaṇa prabhāpate |
māṇikyeśvara māyeśa sureśvareśvareśvara || 62 ||
[Analyze grammar]

śrībhūpāravatīkānta svāminnārāyaṇa prabho |
akṣareśvara mukteśa mokṣaprada mahāprabho || 63 ||
[Analyze grammar]

bālakṛṣṇa harekṛṣṇa lakṣmīkānta divaspate |
anādiśrīkṛṣṇanārāyaṇa śrīpuruṣottama || 64 ||
[Analyze grammar]

nārāyaṇeśa kṛṣṇeśa kṛṣṇavallabhasatpate |
vidyāvyāsā'vatāreśa naranārāyaṇa prabho || 65 ||
[Analyze grammar]

evaṃ nāmāni bahudhā gṛṇan tālī pravādayan |
bhrāmayan svaṃ vimānaṃ cābhitaścaindrīṃ purīṃ tadā || 66 ||
[Analyze grammar]

rādhike bhaktarāṭ devāyatanaḥ sāttvatāgraṇīḥ |
mokṣayāmāsa devāṃśca mahendrapuravāsinaḥ || 67 ||
[Analyze grammar]

divyadehān muktadehān dhāmayogyān vidhāya saḥ |
preṣayāmāsa kalpadrulatotthaiśca vimānakaiḥ || 68 ||
[Analyze grammar]

vaikuṇṭhaṃ cāmṛtaṃ cāvyākṛtaṃ golokamakṣaram |
paramaṃ dhāma muktānāṃ vāsārhaṃ kārṣṇavāllabham || 69 ||
[Analyze grammar]

dharmabhaktiyutaṃ sarvasvāminā paramātmanā |
adhiṣṭhitaṃ paraṃdhāma parameśaniṣevitam || 70 ||
[Analyze grammar]

devā naikavidhā devyo divyadehāścaturbhujāḥ |
dvibhujāścā'ṣṭahastāśca tathā ṣoḍaśabāhavaḥ || 71 ||
[Analyze grammar]

bhūtvā bhūtvā ca nāmāni śrutvā dhāma yayurhareḥ |
evaṃ svargasthitān kṛtvā muktān nāmnāṃ prakīrtanaiḥ || 72 ||
[Analyze grammar]

devāyatanabhaktaśca yayāvagnipurīṃ tataḥ |
yatrā'gnayo vibhinnāśca vasanti koṭyasaṃkhyakāḥ || 73 ||
[Analyze grammar]

garbhāgnayaśca pākānāmagnayo jāṭharāgnayaḥ |
ūṣmāgnayastathā homāgnayaḥ kṣveḍāgnayastathā || 74 ||
[Analyze grammar]

cintāgnayastathā devāgnayaścitāgnayastathā |
dāvāgnayaḥ śītavahnigaṇāścāmāgnayastathā || 75 ||
[Analyze grammar]

pretāgnayaśca devānāṃ mukharūpāgnayastathā |
pāvakaḥ pavamānaśca paviḥ śmaśānajāstathā || 76 ||
[Analyze grammar]

ghaṭāgnayaḥ sarvabhakṣā havyabhakṣāgnayastathā |
vaḍavānalarūpāśca tathā meghānalādayaḥ || 77 ||
[Analyze grammar]

ārtavā agnayaścāpi krūrāḥ saumyā gaṇāstathā |
khanyagnayaśca bhūtānāmagnayo bhinnajātayaḥ || 78 ||
[Analyze grammar]

śvetā raktāstathā kṛṣṇā nīlā pītā haridguṇāḥ |
kapīśāḥ saptajihvāśca bahujihvāḥ pradāhakāḥ || 79 ||
[Analyze grammar]

tān sarvān vīkṣya bhakteśo'mbare vimānasaṃsthitaḥ |
kīrtayāmāsa bahudhoccakairnāmāni vai hareḥ || 80 ||
[Analyze grammar]

manuṃ saṃśrāvayāmāsa hare kṛṣṇa hare hare |
bālakṛṣṇa parabrahma māṇikīrādhikāpate || 81 ||
[Analyze grammar]

yajñanārāyaṇa kṛṣṇavallabha śrīsatīpate |
parameśvara deveśa muktadhāmapate hare || 82 ||
[Analyze grammar]

prabhākānta ramākānta kamalākānta mādhava |
śrībhūlīlāpate kṛṣṇanārāyaṇa satīpate || 83 ||
[Analyze grammar]

lakṣmīnātha ca dīnānāṃ pate brahmapriyāpate |
pārvatīlalitāsvāmin vṛndāvibhūtipālaka || 84 ||
[Analyze grammar]

sarvavahnipate viṣṇo mahāviṣṇo narāyaṇa |
sarvāvatāraheto śrīpate gopālanandana || 85 ||
[Analyze grammar]

ityevaṃ bhaktarāṭ devāyatano nāma vai hareḥ |
gṛṇan saṃśrāvayāmāsa tālavādanakaiḥ saha || 86 ||
[Analyze grammar]

bhramitvā parito vahneḥ purīṃ lakṣāyatāṃ śubhām |
vahnīn vahniprajāḥ sarvā divyā bhaktaścakāra ha || 87 ||
[Analyze grammar]

dvibhujān sucaturbāhūn bahubāhūn parān śubhān |
nāmakīrtanasāmarthyāt kṛtvā datvā manuṃ hareḥ || 88 ||
[Analyze grammar]

oṃ namaḥ śrīkṛṣṇanārāyaṇāya svāmine svāhā |
śaraṇaṃ śrīkṛṣṇanārāyaṇo'stu mama sarvadā || 89 ||
[Analyze grammar]

kālamāyāpāpakarmaśatruyāmyakuhṛdbhayāt |
śūlamīnadhvajadhanuścakrasvastikavānava || 90 ||
[Analyze grammar]

brahmā'haṃ śrīkṛṣṇanārāyaṇabhakto'smi śāśvataḥ |
anādiśrīkṛṣṇanārāyaṇaḥ svāmī patiśca me || 91 ||
[Analyze grammar]

kṛṣṇavallabhabhaktohaṃ śrīhariḥ śaraṇaṃ mama |
ityevaṃ tu manūn tebhyo datvā muktān vidhāpya ca || 92 ||
[Analyze grammar]

vaiṣṇavān dhāmayogyāṃśca vimāneṣu niṣādya ca |
preṣayāmāsa tān dhāma vaikuṇṭhaṃ cāmṛtaṃ tathā || 93 ||
[Analyze grammar]

avyākṛtaṃ ca golokaṃ paramā'kṣaradhāma ca |
jayaśabdān prakurvanto yayuste dhāma vai hareḥ || 94 ||
[Analyze grammar]

ityevaṃ rādhike bhakto devāyatanasaṃjñakaḥ |
śrīhareścātmavedī vai mokṣakartā'bhavatpurā || 95 ||
[Analyze grammar]

aṣṭānāṃ dikprapālānāṃ dhāmabhyastāḥ prajāḥ sa hi |
mokṣayāmāsa sarvāśca preṣayāmāsa mokṣaṇam || 96 ||
[Analyze grammar]

nāmakīrtanabhaktyaiva balena śrīharestathā |
manūn datvā sa sarvebhyo vidhāya vaiṣṇavān śubhān || 97 ||
[Analyze grammar]

riktān vai tatpradeśāṃśca kārayāmāsa nāmataḥ |
na bhūto vā na ca bhāvī devāyanasamo muniḥ || 98 ||
[Analyze grammar]

ādyasṛṣṭau hi bhakto'yaṃ sañjātaḥ kṛṣṇavigrahaḥ |
atha tasyā diśaścāyaṃ bhakto vimānamāsthitaḥ || 99 ||
[Analyze grammar]

āyayau kuṃkumavāpīkṣetre harṣasamanvitaḥ |
anādiśrīkṛṣṇanārāyaṇaṃ natvā puraḥ sthitaḥ || 100 ||
[Analyze grammar]

bālakṛṣṇaḥ samutthāya taṃ bhaktaṃ pariṣasvaje |
dadau hṛdaye caraṇau hastau ca mastake tathā || 101 ||
[Analyze grammar]

prasādaṃ bhojayāmāsa gale hāraṃ dadau hariḥ |
ūrje dhavalapratipaddine tasmai hariḥ prabhuḥ || 102 ||
[Analyze grammar]

dadau pāritoṣikaṃ ca tathā''vāsaṃ nijālaye |
sa viśrāntiṃ tataścakre kārtike pūrṇimā'vadhim || 103 ||
[Analyze grammar]

rādhike paṭhanādasyā madbhaktasya camatkṛteḥ |
pāṭhanācchrāvaṇādvāpi śravaṇānmuktibhāgbhavet || 104 ||
[Analyze grammar]

iti śrīlakṣmīnārāyaṇīyasaṃhitāyāṃ dvitīye tretāsantāne devāyatanarṣerbhaktyā prasanno bālakṛṣṇastadvaśībhūto jalāttaṃ rarakṣa aṣṭadikpālaprajābhyaḥ śrīharernāma śrāvayitvā |
taddvārā tāsāṃ muktiṃ cakāretyādinirūpaṇanāmā viṃśatyadhikaśatatamo'dhyāyaḥ || 120 ||
[Analyze grammar]