Chapter 90

śrīkṛṣṇa uvāca |
śṛṇu rādhe camatkāraṃ kṛṣṇanārāyaṇasya vai |
anyaṃ te saṃkathayāmi lokarakṣākaraṃ param || 1 ||
[Analyze grammar]

naranārāyaṇau devau dharmaputrau himālaye |
badaryāṃ śrīkṛṣṇanārāyaṇaṃ sasmaratuḥ purā || 2 ||
[Analyze grammar]

ūrjakṛṣṇaikādaśyāṃ tau tāpasau svodbhavaṃ prabhum |
gaṃgātīre dadhyatuśca svāśrame darśanotsukau || 3 ||
[Analyze grammar]

pṛthivyāṃ paścime prānte saurāṣṭre cājanābhaje |
kṣetre kuṃkumavāpyākhye kambharāśrīgṛhe hariḥ || 4 ||
[Analyze grammar]

yastvāste bālarūpo'sau parabrahma paraḥ prabhuḥ |
sarvāvatārahetuḥ saḥ kadā dāsyati darśanam || 5 ||
[Analyze grammar]

ityevaṃ smaratorbhrātrornaranārāyaṇātmanoḥ |
saṃkalpaṃ sampūrayituṃ kṛṣṇanārāyaṇaḥ svayam || 6 ||
[Analyze grammar]

aśvapaṭṭasaraḥkṣetragatān bhaktān prabhāṣya ca |
yayau yānena dityena haimādribadarīvanam || 7 ||
[Analyze grammar]

lomaśaṃ saha nītvaiva śeṣān saṃsthāpya tatra ca |
rakṣaṇārthaṃ kathayitvā harāya kṣetrapāya ca || 8 ||
[Analyze grammar]

ekādaśyāṃ gataṃ kṛṣṇanārāyaṇaṃ tu bāndhavau |
pupūjaturjalaiḥ puṣpaiḥ phalaiḥ kārtikapakṣake || 9 ||
[Analyze grammar]

sevanaṃ tau cakratuśca dharmabhaktī tatharṣayaḥ |
tāpasā api cakruśca sevanaṃ pratyahaṃ prabhoḥ || 10 ||
[Analyze grammar]

mārgaśīrṣaṃ śreṣṭhamāsaṃ yajñīyaṃ vīkṣya tāpasāḥ |
pracakre vaiṣṇavaṃ yajñaṃ badaryāṃ te maharṣayaḥ || 11 ||
[Analyze grammar]

parṇaśālāṃ dadau nityaṃ nivāsārthaṃ yathocitām |
lomaśāya tathā bālakṛṣṇāya śrīnarāyaṇaḥ || 12 ||
[Analyze grammar]

mārgaśīrṣe babhūvā'yaṃ yajñotsavo mahān śubhaḥ |
tatra devo hariḥ sākṣātparamātmā pareśvaraḥ || 13 ||
[Analyze grammar]

yajñeśvaro'nale sthitvā havyāni vubhuje tadā |
sākṣād divyākṣaramuktāstathā golokavāsinaḥ || 14 ||
[Analyze grammar]

vaikuṇṭhavāsimuktāśca tathā'nyadhāmavāsinaḥ |
samāyayuḥ kratau tatra prasādalālasā hareḥ || 15 ||
[Analyze grammar]

surā maharṣayo devyastīrthāni pitarastathā |
siddhāścāraṇagandharvā bhūsurā vyomagāminaḥ || 16 ||
[Analyze grammar]

bhaktā daityā dānavāśca samāyayuḥ kratau tadā |
evaṃ hi bhagavāṃstatra rājate parameśvaraḥ || 17 ||
[Analyze grammar]

etasminneva samaye kārtike tu surāṣṭrake |
śaṃbhordūtī mahāmārī śaṃbhornideśato niśi || 18 ||
[Analyze grammar]

aśvapaṭṭasaraḥkṣetraṃ sīmni sthitā prarakṣati |
tadā vai siṃhaladvīpāt smṛtvā vai bhrātṛputrakam || 19 ||
[Analyze grammar]

kubhīnasī tathā śṛṃgī rākṣasyo'nyāḥ śatadvayam |
vyomagāḥ kāmarūpiṇyo māyājālaviśāradāḥ || 20 ||
[Analyze grammar]

jñātvā tvadharmajīvasya maraṇaṃ vai surāṣṭrake |
vairaṃ niryāpayituṃ śastrā'strayuktāḥ samāyayuḥ || 21 ||
[Analyze grammar]

siṃhāraṇyāni collaṃghya vyomnā saurāṣṭramāyayuḥ |
kṛṣṇāyāṃ tu caturdaśyāṃ kārtikasyā'site dale || 22 ||
[Analyze grammar]

dīpotsavāt pūrvarātryāṃ cāvaterustadā'mbarāt |
ulmukān darśayantyaśca vahnijvālāstathā mukhāt || 23 ||
[Analyze grammar]

mūrdhajebhyastriśūlāṃśca darśayantyo hi vahnimān |
mārayaitāḥ khādayaitāḥ śatroḥ priyāḥ kumārikāḥ || 24 ||
[Analyze grammar]

bhedayaitāścarvayaitā nayaitā rākṣasārthakam |
jvālayaitā dharṣayaitāḥ sarvāḥ kṛṣṇapriyā balāt || 25 ||
[Analyze grammar]

nāstyāsāṃ rakṣakaścā'tra samayo vijayasya naḥ |
ityevaṃ bhāṣamāṇāstā lomaśasyā''śrame drutam || 26 ||
[Analyze grammar]

nipeturdharṣaṇārthaṃ vai rākṣasyaḥ krūrayoṣitaḥ |
sīmarakṣākarī dūtī mahāmārī hi bhairavī || 27 ||
[Analyze grammar]

jñātvā''kasmikasaṃgharṣa yuddhopadravamityapi |
sahasrarūpiṇī bhūtvā saśastrā tvabhyadhāvata || 28 ||
[Analyze grammar]

kanyāvāseṣu sarvatra rātrāvākrośa ulbaṇaḥ |
abhavat trāsakṛt tatra rākṣasīnāmupadravāt || 29 ||
[Analyze grammar]

bhairavī pāśamādāya sammantrya nāgabandhanaiḥ |
mumoca rākṣasīsaṃghe rākṣasyo vandhanāntare || 30 ||
[Analyze grammar]

nāgairbaddhāścā'bhavaṃśca nigaḍaiścauravattadā |
hasteṣvapi tathā kaṭyāmudare ca galeṣvapi || 31 ||
[Analyze grammar]

sarvā eva tu nāgānāṃ pāśairnaddhā viceṣṭitāḥ |
abhavannyapatan bhūmau viṣadagdhāstathā'bhavan || 32 ||
[Analyze grammar]

atha sā bhairavī śaṃbhuṃ suptaṃ cāgatya saṃstavaiḥ |
bodhayāmāsa śīghraṃ cā''vedayāmāsa gharṣaṇam || 33 ||
[Analyze grammar]

śrutvopadravamīśāno lomaśāśramamāyayau |
dṛṣṭvā nāgāstrasannaddhā rākṣasīstuṣṭamānasaḥ || 34 ||
[Analyze grammar]

prāhaināṃ bhairavīṃ dūtīṃ kurvetā gatabandhanāḥ |
yuddhaṃ kṛtvā tu tāḥ sarvā vināśāya vilokaye || 35 ||
[Analyze grammar]

ityājñaptā bhairavī sā natvā śaṃkarapādayoḥ |
rākṣasīstā bandhahīnāścakāra śaṃkarājñayā || 36 ||
[Analyze grammar]

uvācaitā raṇaṃ kartuṃ rākṣasyo balagarvitāḥ |
yuddhaṃ cakruḥ śastradhartryo vividhairyuddhatarkaṭaiḥ || 37 ||
[Analyze grammar]

śaktibhirmudgaraiścāpi yaṣṭibhiḥ prastaraistathā |
khaḍgairasibhiśchurikāmuṣṭyādyaiḥ pādatāḍanaiḥ || 38 ||
[Analyze grammar]

parvataprāyadehāśca vṛṣṭibhiścābhicārakaiḥ |
yuyudhustā vyomagā hi bhairavībhirnirantaram || 39 ||
[Analyze grammar]

bhairavyo rudrabalato vajradehāstadā'bhavan |
saṃkalpajā bahurūpā yuyudhustatra hetibhiḥ || 40 ||
[Analyze grammar]

kṛpāṇaiḥ paraśubhiśca kuṭhāraiśca triśūlakaiḥ |
cakrairbhallaistathā stambhairvajrairdaṇḍaiśca jālakaiḥ || 41 ||
[Analyze grammar]

śalākābhiḥ kṣepaṇaiśca sphoṭagolaiśca śākhibhiḥ |
nijaghnuścātiruṣṭāstā bhairavyo rākṣasīstvati || 42 ||
[Analyze grammar]

citkṛtyotplutya cākāśe nipetustāḥ parasparam |
rākṣasyo māyayā naikarūpiṇyo jaghnurīśvarīḥ || 43 ||
[Analyze grammar]

īśānyo jaghnurīśasya mantrayukśūlaśaktibhiḥ |
sītābhirbhallakairjaghnurbibhidurhṛdayāni hi || 44 ||
[Analyze grammar]

rākṣasīnāṃ mahāsainyaṃ kṛtrimaṃ samajāyata |
kṛtrimā bhairavīyoṣā vidyatpāśaistu tāstadā || 45 ||
[Analyze grammar]

babandhurjvālayāmāsuravacitya ca mūlinīm |
evaṃ yuddhe mahāghore jāyamāne sahasraśaḥ || 46 ||
[Analyze grammar]

nipetustatkabandhāśca śailaprāyā vihāyasaḥ |
kuṃbhīnasī tathā śṛṃgī dudruvaturbhayād bahiḥ || 47 ||
[Analyze grammar]

tadanyāḥ śatasaṃkhyāśca bhairavībhistu bhakṣitāḥ |
śatasaṃkhyāḥ parāstatra bhinnā mṛtāśca jīvataḥ || 48 ||
[Analyze grammar]

bhairavīnāṃ tadā jāto vijayaḥ śāṃkarād balāt |
śaṃbhustābhyaḥ prasanno'bhūt kṣetrarakṣā yataḥ kṛtā || 49 ||
[Analyze grammar]

lomaśasyāśramasyāpi kanyakānāṃ ca rakṣaṇam |
kṛtaṃ rātrau mahāyuddhaṃ kṛtvā vacaḥprapālanam || 50 ||
[Analyze grammar]

prasannaḥ sannuvācaitā mahāmārīrvarapradaḥ |
prasanno'smi varadānaṃ yācadhvaṃ pradadāmi vaḥ || 51 ||
[Analyze grammar]

mahāmāryastadā prāhurnatvā śrīśaṃkaraṃ tathā |
mūlāṃ tāṃ bhairavīṃ pūjyāṃ mātaraṃ jananīṃ parām || 52 ||
[Analyze grammar]

yadi śaṃbho prasanno'si yadi deyo varo'sti naḥ |
tadā kṣudhāsamavyāptā vayaṃ tṛṣā''kulāstathā || 53 ||
[Analyze grammar]

tannivṛttikaraṃ bhojyaṃ pariśramavināśakam |
puṣṭidaṃ baladaṃ peyaṃ tāmasaṃ dehi naḥ prabho || 54 ||
[Analyze grammar]

tamojanyā vayaṃ sarvāstāmasyo yuddhadurmadāḥ |
yuddhajaṃ māṃsaraktādi bhakṣayantyo'tipuṣṭidam || 55 ||
[Analyze grammar]

tadeva bhojanaṃ peyaṃ samicchāmo dadāsi cet |
ityuktaḥ śaṃkaraḥ prāha dharmakṣetre surāṣṭrake || 56 ||
[Analyze grammar]

parabrahmanivāse'tra taddānaṃ cātiduṣkaram |
kathaṃ kṛpālunāthasya deśe'tra taddhi saṃbhavet || 57 ||
[Analyze grammar]

tadā prāhustu tāḥ sarvā harerbhaktān vihāya vai |
tāmasān pāpinaḥ krūrānnāstikān bhaktivarjitān || 58 ||
[Analyze grammar]

anācārān durācārān pūjāpāṭhavivarjitān |
asnātān tīrthayātrādivarjitān dāṃbhikān śaṭhān || 59 ||
[Analyze grammar]

hareḥ prasādahīnāṃśca tulasīsragvivarjitān |
aśāṃbhavan sattvahīnān avaiṣṇavān parārtidān || 60 ||
[Analyze grammar]

paradravyādyapahārakārakān puṇyavarjitān |
yamayātrārthayogyāṃśca bhakṣayiṣyāma eva tān || 61 ||
[Analyze grammar]

tādṛśīśca malināśca nārīrdharmavivarjitāḥ |
upāsanāvihīnāśca bhakṣayiṣyāma eva tāḥ || 62 ||
[Analyze grammar]

evaṃ kṛte bhagavāṃstu na roṣaṃ samupeṣyati |
adhārmikāṇāṃ pāpānāṃ daṇḍārthaṃ yamapattanam || 63 ||
[Analyze grammar]

kṛtaṃ tenaiva sa kasmād duṣṭānāṃ bhakṣaṇe kṛte |
santuṣṭo na bhavennātho vayaṃ taṃ prabhumīśvaram || 64 ||
[Analyze grammar]

pratoṣitaṃ vidhāsyāmaḥ sevayā kiṃkarīstriyaḥ |
ityuktvā tā viremuśca śaṃbhuḥ kṛpāparastu tāḥ || 65 ||
[Analyze grammar]

prāha tathāsviti bhojyaṃ pānaṃ duṣṭaprajāsvadāt |
mahāmāryastu taṃ natvā natvā cāpi haripriyāḥ || 66 ||
[Analyze grammar]

natvā ca kuṃkumavāpīṃ natvā'śvapaṭṭasārasam |
natvā śrīkambharālakṣmīṃ natvā gopālakṛṣṇakam || 67 ||
[Analyze grammar]

smṛtvā gopālatanayaṃ śrīpatiṃ svāminaṃ prabhum |
daśayojanataḥ kṣetrād bahistāḥ prayayurmudā || 68 ||
[Analyze grammar]

mṛtānāṃ rākṣasīnāṃ tu dehān utthāpya paścime |
mahāgarte viniḥkṣipya mānaveṣu drutaṃ ca tāḥ || 69 ||
[Analyze grammar]

viviśuścā'vaiṣṇaveṣu śaivabhinneṣu vai drutam |
abhakteṣu ca duṣṭeṣu daṃbhiṣu nāstikeṣu ca || 70 ||
[Analyze grammar]

śaṭheṣu dharmahīneṣu bāhyataścihnadhāriṣu |
āntareṣu tu mālinyasaṃbhṛteṣu janeṣu ca || 71 ||
[Analyze grammar]

bhaktanibheṣu khyāteṣu bāhyato'ntaśca pāpiṣu |
nareṣu tādṛśīṣu strīṣvapi praviviśuśca tāḥ || 72 ||
[Analyze grammar]

mahāmārīsahasraṃ tat sahasrāṇāṃ sahasrakam |
saurāṣṭre gaurjare cāpi mahārāṣṭre ca dakṣiṇe || 73 ||
[Analyze grammar]

madhye pūrve cottare ca paścime sarvabhūmiṣu |
mahāmāryo'bhavan vyāptā adṛśyā vāyuvigrahāḥ || 74 ||
[Analyze grammar]

tūrṇaṃ praviśya deheṣu tiṣṭhanti hṛdayeṣu ca |
māṃsaṃ raktaṃ drutaṃ hyuṣṇaṃ khādanti ca pibanti ca || 75 ||
[Analyze grammar]

narā nāryo bhavantyeva kṣaṇānte prāṇavarjitāḥ |
āsamudrāntamevaitā gatvā gatvā prajājanān || 76 ||
[Analyze grammar]

pāpiṣṭhānnaranāryādīn prabhakṣayanti lakṣaśaḥ |
grāme grāme narā nāryā mriyante pratyakṣaṃ tadā || 77 ||
[Analyze grammar]

viṃśatyaṃśāḥ prajānāṃ vai pratisāhasrameva ha |
mahāmāryastadā krūrā gaṇayanti na bālakān || 78 ||
[Analyze grammar]

kanyakā na vadhūṃścāpi yūno vṛddhānna garbhiṇīḥ |
anāthānnāpyatithīṃśca mahīmānānna deśikān || 79 ||
[Analyze grammar]

na rājño na tathā rājñīrna dhanāḍhyānna nirdhanān |
na kaṣāyadhṛgaścāpi na vā sūtakasaṃsthitān || 80 ||
[Analyze grammar]

na yajñahomakarmāḍhyān na pūjāpāṭhakāriṇaḥ |
pāpayuktān vilokyaiva bhakṣayanti narān striyaḥ || 81 ||
[Analyze grammar]

mriyante pratyahaṃ nāryo narāśca bhuvi lakṣaśaḥ |
ekaṃ dhṛtvā bahiryānti mṛtastāvatparo bhavet || 82 ||
[Analyze grammar]

paraṃ mṛtaṃ viniṣkāsya yāvadāyānti vai gṛham |
tāvadanye mṛtāḥ santi pañca sahaiva tatkṣaṇe || 83 ||
[Analyze grammar]

pañca niṣkāsya ca yāvadāyānti grāmagopuram |
tāvadanye daśa santi mṛtā vā ca tato'dhikāḥ || 84 ||
[Analyze grammar]

keṣāñcid gṛhavartyeva kuṭumbaṃ nidhanaṃ gatam |
keṣāñcittvardhabhāgena mānavā nidhanaṃ gatāḥ || 85 ||
[Analyze grammar]

kutracicchiṣyate bālaḥ kutracittu navā vadhūḥ |
kutracid vṛddhajaraṭhaḥ kutracitpaśumātrakam || 86 ||
[Analyze grammar]

kutracinnagare lakṣe sahasraṃ tvavaśeṣitam |
kutracid grāmabhāge tu grāmārdhaṃ sarvaśo mṛtam || 87 ||
[Analyze grammar]

kutracinmānavaiḥ śūnyā grāmā jātā bhayaṃkarāḥ |
mriyamāṇaprajānāṃ ca jaladātā na vidyate || 88 ||
[Analyze grammar]

kuto'nnadātā labhyeta yatra nāstyeva darśakaḥ |
evaṃ nāśo mahānāsīnmardanaṃ bahuśo'pyabhūt || 89 ||
[Analyze grammar]

māsamadhye tu lokānāmardhe pṛcchāṃ mṛtaṃ hyabhūt |
koṭiśastu mahāmāryo'bhakṣayan pāpino janān || 90 ||
[Analyze grammar]

rākṣasā api daityāṃśca dānavānāsurāṃstathā |
śaṭhānnaiṣkṛtikāṃścāpi nāstikān dharmavarjitān || 91 ||
[Analyze grammar]

abhakṣayan hi māsānte hāhākāro digantare |
abhavad vai tadā lokāstyaktvā grāmān gṛhāṇyapi || 92 ||
[Analyze grammar]

pattanāni nagarāṇi yayurbhayādaraṇyakam |
vaneṣu vanivad vāsān cakruḥ kālabhayārditāḥ || 93 ||
[Analyze grammar]

araṇyāni nagarāṇi nagarāṇi vanāni tu |
vaiparītyena jātāni mahāmārībhayāttadā || 94 ||
[Analyze grammar]

aśvapaṭṭākṣarakṣetre daśayojanavistṛte |
mahāmārībhayaṃ nā'bhūd bhakteṣveva tadā priye || 95 ||
[Analyze grammar]

abhaktā ye'pi tatrasthāstattadbhāgyena deśitāḥ |
yayurbahirhi ye kṣetraṃ tyaktvā te nidhanaṃ gatāḥ || 96 ||
[Analyze grammar]

trāhi trāhi prajāścocuḥ sasmaruḥ parameśvaram |
rogasyā'sya vināśārthaṃ prajāścakrurhi mānatām || 97 ||
[Analyze grammar]

naivedyāni vividhāni dāsyāmo devatāgṛhe |
vastrabhūṣāmbarasvarṇaṃ dāsyāmo devasannidhau || 98 ||
[Analyze grammar]

kariṣyāmo'nnasatrāṇi pārāyaṇāni sanmakhān |
dharmakāryāṇi dharmāśca kariṣyāmaḥ prasevanam || 99 ||
[Analyze grammar]

harestadīyasādhūnāṃ pūjanaṃ devasevanam |
bhajanaṃ saṃkariṣyāmaḥ saṃtyakṣyāmo'ghapātakam || 100 ||
[Analyze grammar]

sūryaṃ śivaṃ satīṃ lakṣmīṃ pūjayiṣyāma īśinīm |
gaṇeśaṃ ca mahākālaṃ mātṛkāḥ pitṛdevatāḥ || 101 ||
[Analyze grammar]

tīrthayātrāṃ kariṣyāmaścāśvapaṭṭasarovare |
yatra nāsti mahāmārī bālakṛṣṇaprabhāvataḥ || 102 ||
[Analyze grammar]

prajāḥ sarvatra ca bhayānmaraṇasyātivihvalāḥ |
pratijñāṃ saṃpracakruśca kṛṣṇanārāyaṇaṃ prabhum || 103 ||
[Analyze grammar]

bhījaṣyāmo yadā jīvipprāṇāḥ sthāsyāma eva tu |
bhairavi te mahāmāri kṛṣṇanārāyaṇasya te || 104 ||
[Analyze grammar]

śapatho'sti yadi māṃ tvaṃ spṛśasi tatra mā spṛśa |
āṇaṃ daduḥ prajāstvevaṃ hāhākāro'bhavad bhuvi || 105 ||
[Analyze grammar]

śaṃkarasya śapathaste pitroste śapathastathā |
mā spṛśā'smān mahāmāri dadmaḥ saṃyāvamatra te || 106 ||
[Analyze grammar]

ityevaṃ rādhike lokā mānatāḥ saṃpracakrire |
satyaḥ sādhvyo dvijāḥ santo vyomnā śrībadarīṃ yayuḥ || 107 ||
[Analyze grammar]

sadyojātamahādevāya te cāstu namo muhuḥ |
mahākālāya ca kālabhairavāya ca te namaḥ || 108 ||
[Analyze grammar]

ajāpālāya ca vīrabhadrāya te namo muhuḥ |
mṛtyuṃjayāya ca mahākālyai cāṇḍyai namo muhu || 109 ||
[Analyze grammar]

durgāyai nama ityeva dīnaprajāstadocire |
śrīharirjñātavān sarvaṃ pūrvamenamupadravam || 110 ||
[Analyze grammar]

iti śrīlakṣmīnārāyaṇīyasaṃhitāyāṃ dvitīye tretāsantāne prabhorbadaryāṃ gamanaṃ rākṣasīnāṃ kuṃkumavāpyāmāgamanam mahāmāryā rākṣasīnāṃ nāśanam tataḥ pāpiprajāsu |
bhakṣaṇārthaṃ vyāpakatā cetyādinirūpaṇanāmā navatitamo'dhyāyaḥ || 90 ||
[Analyze grammar]