Chapter 2

śrīkṛṣṇa uvāca |
śṛṇu rādhe pravakṣyāmi śāntidaṃ māṇikīśvaram |
yataścāhaṃ tataśca tvaṃ tvatto hiraṇmayaḥ pumān || 1 ||
[Analyze grammar]

mahāviṣṇuḥ samutpannastato virāḍajāyata |
aṣṭāvṛttiyutāṇḍāni vairājāt saṃprajajñire || 2 ||
[Analyze grammar]

vairājasya nābhideśānnālaṃ viśvasṛjā yutam |
samutpannaṃ jale tatra brahmaṇe cāṇḍamarpitam || 3 ||
[Analyze grammar]

pañcāśatkoṭisaṃkhyākayojanaṃ tvekamaṇḍakam |
pīṭhayuk kānakaṃ tejovyāptaṃ śubhāspadaṃ bahiḥ || 4 ||
[Analyze grammar]

antarlokāṃstato brahmā kalpayāmāsa yogataḥ |
caturdaśaprasaṃkhyātān hyuparyupari saṃsthitān || 5 ||
[Analyze grammar]

madhye merurmahāśailaścādhārastaṃbha ityapi |
kṛtavāṃstaṃ svayaṃ brahmā yadādhārāstarā matāḥ || 6 ||
[Analyze grammar]

pṛṣṭhadaṇḍo yathā dehe brahmāṇḍe merurāṭ tathā |
vairājasya ca dehād yajjalaṃ tatra vyajāyata || 7 ||
[Analyze grammar]

tasmiṃstu kamalaṃ nābherjātaṃ brahmātra sā'ṇḍakaḥ |
vavṛte sarvathā pūrvaṃ divyavarṣasahasrakam || 8 ||
[Analyze grammar]

svotpanne ca jale śiṣye vairājo'bdasahasrakam |
atha yasmātsvayaṃ jāto vairājaḥ sa hiraṇmayāt || 9 ||
[Analyze grammar]

so'pi hiraṇmayaḥ kośo dvedhā madhyād vyajāyata |
dvau tau jātau kūrcabhāgau sthitau tau tu mahājale || 10 ||
[Analyze grammar]

yathā śakunibālaṃ ca pakvaṃ sampūrṇagātrakam |
aṇḍaṃ bhittvā bahiryāti bahistasmāttathā virāṭ || 11 ||
[Analyze grammar]

niryātyeva jale tatra vidyamānaḥ svapityayam |
tadā'ṇḍakośabhāgau dvau kūrcau sthitau tu yau jale || 12 ||
[Analyze grammar]

klidyamānau jalapakvau bahuvarṣasahasrakam |
kūrcābhyāṃ jalapakvābhyāmutpannāvasurau tadā || 13 ||
[Analyze grammar]

hiraṇyakūrcanāmā ca hiraṇyāṇḍābhidhaḥ paraḥ |
vairājatulyadehau tau brahmāṇḍā'dhikavarṣmaṇau || 14 ||
[Analyze grammar]

kṣudhitau balagavāḍhyau gadāvarmānvitau dṛḍhau |
nardantau sumahānādān bhrāmayantau gade nije || 15 ||
[Analyze grammar]

jalānyāloḍayantau ca sphoṭayantau sa sakthinī |
garjayantau diśaḥ sarvāstrāsayantau maheśvarān || 16 ||
[Analyze grammar]

hasantau tvaṭṭahāsāṃśca muñcantau līlayā'nvitau |
paśyantau cābhitastatra bhakṣyāṇi vāridhau tadā || 17 ||
[Analyze grammar]

dhāvamānau ca parito dṛṣṭvā chāyāṃ jalādiṣu |
bhrāntyā bhakṣyāṇi matvaivā'lābhe nirāśatāṃ gatau || 18 ||
[Analyze grammar]

mārgaṇe'pi na labdhvā tau bhakṣyaṃ jalasamudbhavam |
tadā suptaṃ tu vairājaṃ bhakṣayitumupāgatau || 19 ||
[Analyze grammar]

ekena saṃdhṛtaścāyaṃ vairājo mastake tadā |
apareṇa dhṛtaścāyaṃ pādayorjalamadhyataḥ || 20 ||
[Analyze grammar]

uttolya ca tataḥ sthānād gantumudyamitāvubhau |
tau vilokya tu vairājaḥ svasadṛśau mahāsurau || 21 ||
[Analyze grammar]

apradhṛṣyau bhakṣaṇārthamudyantau tāmasāvubhau |
sasmāra svajanakaṃ ca mahāviṣṇuṃ śaraṇyakam || 22 ||
[Analyze grammar]

tuṣṭāva parayā bhaktyā karṣayadbhyāṃ prapīḍitaḥ |
vairājastau gadācakraistāḍayāmāsa vai tadā || 23 ||
[Analyze grammar]

pallatābhirmuṣṭibhiśca tāḍayāmāsa vegataḥ |
tathā'pyagaṇayantau tat jahratustaṃ jalāntare || 24 ||
[Analyze grammar]

tadā paravaśaḥ so'yaṃ vairājaḥ pitaraṃ nijam |
ekāgramānaso bhūtvā dadhyau rakṣārthameva ca || 25 ||
[Analyze grammar]

brahmaṇaḥ kamalaṃ nālaṃ brahmāṇḍaṃ sarvameva ca |
jale vilulitaṃ tatrā'bhavat pralayakālavat || 26 ||
[Analyze grammar]

brahmā'pi bhayamāpanno rakṣārthaṃ parameśvaram |
sasmāra prapitaraṃ svaṃ mahāviṣṇuṃ hiraṇmayam || 27 ||
[Analyze grammar]

kāvimau bhagavan daityau mahāvārṣu vināśakau |
rakṣa rakṣa mahāviṣṇo śīghraṃ nāśaya tāvubhau || 28 ||
[Analyze grammar]

evaṃ smṛto virājena brahmaṇā'pi muhurmuhuḥ |
mahāviṣṇuḥ śaṃkhacakragadāpadmā'siśaktimān || 29 ||
[Analyze grammar]

nārācamudgaraśūṇḍīśataghnīsahitaḥ prabhuḥ |
divyaṃ yānaṃ samāruhyopatasthe daityasannidhau || 30 ||
[Analyze grammar]

dṛṣṭau tena samutpannau śakalābhyāmubhau dṛḍhau |
hantuṃ samicchukau putraṃ vairājaṃ jalaśāyinam || 31 ||
[Analyze grammar]

śakhanādaḥ kṛtastena viṣṇunā prabhaviṣṇunā |
īśalokānabhivyāpya golokaṃ vyāptavān dhvaniḥ || 32 ||
[Analyze grammar]

vaikuṇṭhaṃ ca tadā vyāpto'vyākṛta dhāma sarvaśaḥ |
amṛtākhyaṃ tathā dhāma saṃvyāpto yuddhabodhakaḥ || 33 ||
[Analyze grammar]

dhvanistena mahārājaḥ saṃkarṣaṇaḥ pratāpavān |
yuddhaṃ jñātvā kṣaṇaṃ dhyātvā brahmāṇḍarakṣaṇāya saḥ || 34 ||
[Analyze grammar]

vairājasya mahāviṣṇorbrahmaṇo rakṣaṇāya ca |
smṛtamātraṃ divyadeho yayau divyagadānvitaḥ || 35 ||
[Analyze grammar]

yatra daityau mahāviṣṇurvirāḍapi jale sthitāḥ |
mahāviṣṇuḥ sṛṣṭipālaṃ saṃhārakaṃ durātmanām || 36 ||
[Analyze grammar]

tuṣṭāva namanaṃ kṛtvā'rthayāmāsa prarakṣaṇam |
saṃkarṣaṇastadā rūpaṃ vikarālaṃ samātanot || 27 ||
[Analyze grammar]

sahasradaśakaṃ yasya bāhūnāṃ vartate tadā |
śikhāḥ yasya tu vaikuṇṭhamabhivyāpyordhvamāgatāḥ || 38 ||
[Analyze grammar]

sahasradaśakaṃ tasya pādānāṃ tu mahājale |
kacchapasyā'pyadho yātaṃ madhye brahmāṇḍakoṭayaḥ || 39 ||
[Analyze grammar]

karakandukatulyāstāḥ śilāḥ śastrāṇi cā'bhavan |
kṣepayitvā karaistāni brahmāṇḍāni parasparam || 40 ||
[Analyze grammar]

yuyudhuste'surābhyāṃ vai saṃkarṣaṇādayastadā |
anekā'ṇḍāni naṣṭāni prakṣiptāni parasparam || 41 ||
[Analyze grammar]

gadābhistāḍyamānāni babhañjuścūrṇavattadā |
daityāvapi ca tānyeva samādāyā'ṇḍakāni vai || 42 ||
[Analyze grammar]

cikṣipāte mahāviṣṇau saṃkarṣaṇe dṛḍhau dṛḍhau |
saṃkarṣaṇastu gadayā nijaghāna ca tānyapi || 43 ||
[Analyze grammar]

vyomamārge tathā yuddhaṃ ghoraṃ tābhyāmajāyata |
hiraṇyakūrcenotplutya mahāviṣṇurlalāṭake || 44 ||
[Analyze grammar]

pratāḍito'gamanmūrchā hiraṇyāṇḍena mastake |
tāḍito gadayā roṣaṃ saṃkarṣaṇo jagāma ha || 45 ||
[Analyze grammar]

hiraṇyāṇḍakaṭinimne jaghāna gadayā ruṣā |
hiraṇyāṇḍaḥ kṣaṇaṃ mūrchāmavāpa punarutthitaḥ || 46 ||
[Analyze grammar]

svastho babhūva ca yāvat tāvatsaṃkarṣaṇaḥ prabhuḥ |
gadayā tāḍayāmāsa hiraṇyakūrcakaṃ hṛdi || 47 ||
[Analyze grammar]

bhagnaṃ vai hṛdayaṃ tasya mamāra gadayaikayā |
hiraṇyāṇḍastadā mūrdhni mahāviṣṇuṃ jaghāna ha || 48 ||
[Analyze grammar]

mahāviṣṇuḥ samutplutya hiraṇyāṇḍaṃ jaghāna ke |
utplutya sa vidudrāva saṃkarṣaṇaṃ tu pṛṣṭhake || 49 ||
[Analyze grammar]

tāḍayāmāsa gadayā saṃkarṣaṇastadā'suram |
gadayā tāḍayāmāsā'suro'pi gadayā tadā || 50 ||
[Analyze grammar]

tāḍanaṃ tat pratigṛhya cāṭṭahāsaṃ mumoca vai |
bhrāmayitvā gadāṃ vyomni daśabrahmāṇḍasadṛśīm || 51 ||
[Analyze grammar]

prāhiṇoddhastamuktāṃ tāṃ saṃkarṣaṇajighāṃsayā |
mahāviṣṇuḥ svagadayā madhye tatāḍa tāṃ gadām || 52 ||
[Analyze grammar]

babhañja sā gadā tatra jale vai śatadhā'bhavat |
saṃkarṣaṇo gadāyukto dudrāva cā'suraṃ prati || 53 ||
[Analyze grammar]

asuraḥ svasya rakṣārthaṃ jagrāhā'ṇḍaṃ mahattamam |
ṣaṭpaṃcāśatstarayuktaṃ cikṣepa karṣaṇaṃ prati || 54 ||
[Analyze grammar]

gadayā cūrṇatāṃ yātaṃ saṃkarṣaṇasya tattadā |
tataḥ paraṃdhāvamānojagrāhānyanmahāṇḍakam || 55 ||
[Analyze grammar]

mahāviṣṇośca gadayā hataṃ tacchatadhā'bhavat |
tataḥ paraṃ dhāvamānastṛtīyāṇḍaṃ kare tadā || 56 ||
[Analyze grammar]

gṛhītvā prākṣipattūrṇa saṃkarṣaṇasya vai hṛdi |
hṛdi lagnaṃ bibhedā'pi cūrṇatāṃ cāgamaddhi tat || 57 ||
[Analyze grammar]

atha saṃkarṣaṇo devaḥ kruddhaḥ sṛṣṭivināśakam |
hantuṃ vai prāṇatastatra samaicchad gadayā prabhuḥ || 58 ||
[Analyze grammar]

pṛṣṭhaṃ daityasya tu saṃkarṣaṇo'dhāvanmahājale |
daityo'pi ca pradudrāva gṛhītvā'ṇḍaṃ samīpagam || 59 ||
[Analyze grammar]

brahmanālasthitaṃ yattat sāvaraṇaṃ samerukam |
sā'ṇḍakaṭāhakaṃ padme brahmaṇā saha yat sthitam || 60 ||
[Analyze grammar]

sarvāṃ pṛthvīṃ gṛhītvaiva saṃkarṣaṇabhayāt sa ca |
dudrāva vyomamārgeṇa saṃkarṣaṇo'nvagāttadā || 61 ||
[Analyze grammar]

athā'suraḥ praviveśa mahājalatale tadā |
saṃkarṣaṇo'pi ca pṛṣṭhalagno viveśa vai jalam || 62 ||
[Analyze grammar]

saṃkarṣaṇena ca dhṛto keśeṣu ca mahāsuraḥ |
tāvat sūkṣmaṃ tadā rūpaṃ dhṛtvā'suro mahājale || 63 ||
[Analyze grammar]

bhayād yuddhaśramāñcāpi sāhāyyarahitaḥ khalu |
aṣṭāvaraṇamāviśya brahmāṇḍasyodare'gamat || 64 ||
[Analyze grammar]

tatra saṃkarṣaṇo devaḥ sūkṣmarūpadharaḥ prabhuḥ |
brahmāṇaṃ saha nītvaiva kṣaṇamātre samāyayau || 65 ||
[Analyze grammar]

brahmāṇaṃ sthāpayāmāsa satyaloke parastare |
saṃkarṣaṇastadā raudraṃ rūpaṃ dadhāra līlayā || 66 ||
[Analyze grammar]

mahāviṣṇustadā sūkṣmaṃ viṣṇurūpaṃ dadhāra ha |
atha te ca trayastvatra brahmāṇḍāntarnivāsinaḥ || 67 ||
[Analyze grammar]

asuraṃ mārgayāmāsurmerāvadṛśyatāṃ gatam |
hiraṇyā'ṇḍo'ṇḍarūpaḥ sanmerukaṭyāṃ vyavasthitaḥ || 68 ||
[Analyze grammar]

dṛśyate naiva dehena mṛgyamāṇo'pi vai tadā |
yogaṃ cakāra vai viṣṇurdadarśa channavigraham || 69 ||
[Analyze grammar]

merukaṭyāṃ guptabhāge sthitaṃ bhītaṃ mahāśramam |
atha saṃkarṣaṇo rudro dhṛtvā sūkṣmāṇurūpakam || 70 ||
[Analyze grammar]

viveśa merukaṭyāṃ sa yogāstreṇa ca taṃ tadā |
prajagrāha mahādaityaṃ pracchannavāsakāriṇām || 71 ||
[Analyze grammar]

asuro māyayā tatra śīghraṃ sthūlo babhūva ca |
vinirgatya karāt tasya saṃkarṣaṇasya śūlinaḥ || 72 ||
[Analyze grammar]

meruṃ pradakṣiṇaṃ kṛtvā palāyanaṃ cakāra saḥ |
saṃkarṣaṇo'pi ca tasya pṛṣṭhe dudrāva vegataḥ || 73 ||
[Analyze grammar]

asurastvāśrayaṃ meruṃ matvā babhrāma cakravat |
śatottarāṇi ca tadā kṛtāni bhramaṇāni vai || 74 ||
[Analyze grammar]

tenā'tyatīva śrāntena martukāmena vai tadā |
saṃkarṣaṇaḥ parāvṛttya mudgalena pratāḍitaḥ || 75 ||
[Analyze grammar]

saṃkarṣaṇo'pi ca gadāṃ prāhiṇot karamuktagām |
hiraṇyāṇḍaṃ prati hantuṃ tāvad daityo balena vai || 76 ||
[Analyze grammar]

sākarṣaṇīṃ gadāṃ dhṛtvā saṃkarṣaṇamatāḍayat |
punardudrāva ca meruṃ babhrāma bhayatastathā || 77 ||
[Analyze grammar]

saṃkarṣaṇo yayau pṛṣṭe yatra yatra sa dhāvati |
saṃkarṣaṇo gadāṃ dhṛtvā tasya pṛṣṭhe'pyatāḍayat || 78 ||
[Analyze grammar]

evaṃ pradhāvamānābhyāṃ merukampo vyajāyata |
pṛthivī saptalokāśca divaḥ pātālakānyapi || 79 ||
[Analyze grammar]

hyakampayan padanyāsairgadāśabdaiśca ghoṣaṇaiḥ |
saṃkarṣaṇasya sa gadā nītvā cakre palāyanam || 80 ||
[Analyze grammar]

saṃkarṣaṇo mahāviṣṇorgadāṃ jagrāha kānakīm |
meroḥ kaṭyāṃ gadābhyāṃ tau yuyudhāte parasparam || 81 ||
[Analyze grammar]

dvayorgadāprahananānmeruścukṣobha śailarāṭ |
meroḥ pārśvāni sarvāṇi cukṣubhire samantataḥ || 82 ||
[Analyze grammar]

bhūkampo merukampaśca śṛṃgakampo vyajāyata |
niṣphalaṃ hananaṃ meroḥ kaṭyāṃ yadā pravartate || 83 ||
[Analyze grammar]

tadā viśīryate khaṇḍo meroḥ kaṭyāḥ punaḥ punaḥ |
evaṃ viśīrṇabhāvena vahnistatra ca gharṣaṇāt || 84 ||
[Analyze grammar]

samutpanno lokadāvānalo jajvāla vai divam |
gadāhananasañjātā'nalapravāharaśmayaḥ || 85 ||
[Analyze grammar]

yāvatkaṭāhamāyānti brahmāṇḍaṃ paritastadā |
savimānaṃ ca devānāṃ prajajvāla samantataḥ || 86 ||
[Analyze grammar]

mahāviṣṇuścāmṛtena śamayāmāsa cānalam |
hāhākāro mahānāsīt sarvalokanivāsiṣu || 87 ||
[Analyze grammar]

gadāpātaistadā meroḥ pārśvakhaṇḍāḥ samantataḥ |
pṛthag vyomni nipetuśca tāḍitāśca viyojitāḥ || 88 ||
[Analyze grammar]

lakṣayojanadīrghāśca keciccā'yutayojanāḥ |
anye viṃśatisāhasrayojanā dviguṇāstataḥ || 89 ||
[Analyze grammar]

pañcaviṃśatisāhasratriṃśatsāhasrayojanāḥ |
catvāriṃśatsahasrayojanāḥ khaṇḍāstathā'pare || 90 ||
[Analyze grammar]

kecit ṣaṣṭisahasrayojanā''yatāstadā'bhavan |
kecid dīrghāśca pañcāśadsāhasrayojanāḥ pare || 91 ||
[Analyze grammar]

prasaptāśītisāhasrā babhūvurāyatā hi te |
evaṃ bhinnā grahāḥ kṛṣṇavarṇā meroḥ samantataḥ || 92 ||
[Analyze grammar]

svarlokasya nimnadeśe smoḍḍayante'ntarīkṣake |
kecit khaṇḍā jale kecid vāyau vartanta eva te || 93 ||
[Analyze grammar]

ākarṣaṇena vai sarve tūḍḍayante vyavasthayā |
tārakāvat grahāḥ sarve ketavaścā'bhavaṃstadā || 94 ||
[Analyze grammar]

merorvai dakṣiṇe bhāge hiraṇyāṇḍaṃ mahāsuram |
jaghāna vakṣasi pārśve mastake patitaṃ tadā || 95 ||
[Analyze grammar]

saṃkarṣaṇastu gadayā prāṇato hi jaghāna tam |
tadā gadāprahāraiśca gadāmārairanekadhā || 96 ||
[Analyze grammar]

prabhinno dakṣiṇo bhāgaḥ pṛthvyā meroravā'kṣarat |
lakṣakrośamitaḥ khaṇḍo yuto lāvaṇavāribhiḥ || 97 ||
[Analyze grammar]

yatra haimaśca māhendra uralaścāmrikācalaḥ |
abriktaśailarājo'pi cānye śailāḥ prasantyapi || 98 ||
[Analyze grammar]

dhruvākarṣaṇayogenā'ntarīkṣe tadadhaḥ sthitaḥ |
yatrottarāḥ kuravaśca kiṃpuruṣāḥ pradeśakāḥ || 99 ||
[Analyze grammar]

naranāmāstathā deśā dakṣiṇe lāvaṇe jale |
paścime tatra vai bhāge cābriktāśca pradeśakāḥ || 100 ||
[Analyze grammar]

dvīpā lāvaṇamadhyāśca daśasāhasrayojanāḥ |
sahasrayojanāścānye svalpāstvanye sahasraśaḥ || 101 ||
[Analyze grammar]

trayo dākṣiṇakhaṇḍāste puṣṭyā meroḥ pṛthaktatāḥ |
ṣaṣṭisāhasrakakrośāyato lāvaṇavāridhiḥ || 102 ||
[Analyze grammar]

catvāriṃśatsahasrakrośātmā bhūtalabhāgavān |
evaṃ lakṣakrośamāno graho'ntarīkṣake'bhavat || 103 ||
[Analyze grammar]

tatra kālena ca vāristhalayoḥ paryayānmuhuḥ |
madhyasāmudrakakhaṇḍāḥ paryāvartanta kālataḥ || 104 ||
[Analyze grammar]

jalaṃ sthalaṃ sthale vāri vane vāso gṛhe vanam |
evaṃ kālena jāyeran bhvāṃ parivartanāni vai || 105 ||
[Analyze grammar]

khaṇḍamadhye samudrāśca bhavanti kālayogataḥ |
jalamannaṃ cājanābhaṃ pṛthak karoti paścimam || 106 ||
[Analyze grammar]

siṃhāraṇyaṃ jalamagnaṃ cābriktaṃ viyunakti ca |
śukla kururjalamagnaścottaraṃ kinnarīyakam || 107 ||
[Analyze grammar]

vibhajate kiṃpuruṣaṃ rāśanīṃ jāpanīṃ bhuvam |
madhye nimnā'khātadeśā avāntarapradeśakān || 108 ||
[Analyze grammar]

vibhajante yatra loke haime pārthivagolake |
naranārāyaṇo yatra himādrau rājate priye || 109 ||
[Analyze grammar]

tadetasmin mama rādhe cānartamaṇibhūtale |
kuṃkumavāpikākṣetre saurāṣṭre puruṣottamaḥ || 110 ||
[Analyze grammar]

aśvapaṭṭasarastīre gopālakṛṣṇabālakaḥ |
prāvirbabhūva ca śrīkambharālakṣmīsamudbhavaḥ || 111 ||
[Analyze grammar]

anādiśrīkṛṣṇanārāyaṇaḥ śrīparameśvaraḥ |
tatra yāhi priye rādhe kṛṣṇanārāyaṇī bhava || 112 ||
[Analyze grammar]

yena dattā ca yasyā'si taṃ prasevya sukhaṃ labha |
punaryāsyasi me dhāma golokaṃ tadanujñayā || 113 ||
[Analyze grammar]

hiraṇyāṇḍo mṛto merau saṃkarṣaṇakareṇa vai |
hiraṇmayī tu sā bhūmiraṇḍamadhye vyajāyata || 114 ||
[Analyze grammar]

hiraṇyakūrcanāmā ca lokālokācalād bahiḥ |
jale mṛtaśca taddehājjātā bhūstatra kāñcanī || 115 ||
[Analyze grammar]

ityetat kathitaṃ rādhe prāgākhyānaṃ bhuvastava |
pratyayārthaṃ tathā'ṇḍasya paricayārthamatra vai || 116 ||
[Analyze grammar]

anādiśrīkṛṣṇanārāyaṇo yatra tu golake |
prāvirbabhūva bhagavānnaranārāyaṇāśraye || 117 ||
[Analyze grammar]

iti śrīlakṣmīnārāyaṇīyasaṃhitāyāṃ dvitīye tretāsantāne'kṣaraparadhāmādhipaterbahudhā vaṃśavistāre hiraṇyāṇḍakośakūrcajanyayorhiraṇyakūrcahiraṇyāṇḍayorasurayoḥ saṃkarṣaṇadvārā nāśaḥ pṛthvīgolakasya tu merordakṣiṇakhaṇḍātmakasyaivā'vaśeṣatayā rādhikāyaiśrīkṛṣṇasya paricayadānamityādinirūpaṇanāmā dvitīyo'dhyāyaḥ || 2 ||
[Analyze grammar]