Chapter 3

śrīkṛṣṇa uvāca |
śṛṇu rādhe pravakṣyāmi kathā divyā manoharāḥ |
anādiśrīkṛṣṇanārāyaṇasyā''nandasaṃbhṛtāḥ || 1 ||
[Analyze grammar]

sṛṣṭvā śrībhagavān kṛṣṇanārāyaṇapareśvaraḥ |
īśalokānagaṇitān vairājāṃścāpi koṭiśaḥ || 2 ||
[Analyze grammar]

bhūmnaśca koṭiśaḥ sadāśivāṃścāpi ca koṭiśaḥ |
brahmāṇḍānāṃ tu saṃkhyā vai vidyate naiva naiva ca || 3 ||
[Analyze grammar]

devān daityān rākṣasāṃśca munīn ṛṣīn sataḥ satīḥ |
sūryacandrān grahānnāgānnagānnadīḥ sarīsṛpān || 4 ||
[Analyze grammar]

sthāvarān jaṃgamāṃścāpi lokān lokaprarakṣakān |
dhāmāni dhāmapālāṃśca dhāmeśvarāṃśca dhāminaḥ || 5 ||
[Analyze grammar]

brahmāṇḍānāmīśvarāṃśca rakṣakān vāsabhūmikāḥ |
sarvaṃ sṛṣṭvā parabrahmāntaryāmī tatra yadyapi || 6 ||
[Analyze grammar]

vartate sarvathā devastathāpi dṛṣṭyagocaraḥ |
yāvannaiva vibhātyeṣāṃ tāvacchāntirna jāyate || 7 ||
[Analyze grammar]

evameva vicāryaivā'nādikṛṣṇanarāyaṇam |
prārthayāmāsurevaite'vatārā īśvarāḥ surāḥ || 8 ||
[Analyze grammar]

svasvadhāmasu lokeṣu naijeṣvapi ca bhūmiṣu |
pratyakṣadarśanārthāya tadā śrīpuruṣottamaḥ || 9 ||
[Analyze grammar]

pare dhāmni sthitaścāpi prārthito'kṣaradhāmibhiḥ |
akṣarādhipatirbhūtvā dvibāhuścākṣarādhipaḥ || 10 ||
[Analyze grammar]

akṣarākhye mahāsiṃhāsane dvitīyarūpavān |
vartate tvakṣare dhāmni cākṣareṇa prapūjitaḥ || 11 ||
[Analyze grammar]

akṣare vartamānānāṃ muktānāṃ bhāvanānugaḥ |
tatkṛtārcanabhojyādi gṛhṇāti tvakṣarādhipaḥ || 12 ||
[Analyze grammar]

divyarūpaḥ sa bhagavān rājate'kṣaradhāmani |
naijadvitīyarūpeṇā'kṣaravāsiprakāmyayā || 13 ||
[Analyze grammar]

bhaktānandapradānārthaṃ muktānugrahakāmyayā |
akṣareṣu ca mukteṣu rājate puruṣottamaḥ || 14 ||
[Analyze grammar]

atha rādhe mayā tvatrā'rthitaḥ sa bhagavān prabhuḥ |
goloke rājate kṛṣṇanārāyaṇo madicchayā || 15 ||
[Analyze grammar]

mayā prapūjyate nityamanādiśrīnarāyaṇaḥ |
mama devagṛhe rādhe paśya mūrti sanātanīm || 16 ||
[Analyze grammar]

oṃ namaḥ śrīkṛṣṇanārāyaṇāya svāmine svāhā |
itijāpaṃ karomyeva smarāmi puruṣottamam || 17 ||
[Analyze grammar]

madarthe ca tvadarthe ca gopyarthe puruṣottamaḥ |
gopārthaṃ mama dhāmārthaṃ tṛtīyarūpadhārakaḥ || 18 ||
[Analyze grammar]

anādiśrīkṛṣṇanārāyaṇastvatra hi vartate |
golokavāsibhaktānāṃ pūjāsaṃgrahaṇāya saḥ || 19 ||
[Analyze grammar]

darśanasya pradānārthaṃ virājate pareśvaraḥ |
eṣa śrībhagavān sākṣāccaturtharūpadhārakaḥ || 20 ||
[Analyze grammar]

vaikuṇṭhe rājate lakṣmīnārāyaṇasamarcitaḥ |
nārāyaṇena pūjārthaṃ prārthitaḥ puruṣottamaḥ || 21 ||
[Analyze grammar]

taddhāmavāsī bhavati sahānandapradāyakaḥ |
matsyadhāmni tathā kūrmadhāmni vārāhadhāmni ca || 22 ||
[Analyze grammar]

kapilasyāpi dhāmnyeṣo rājate pūjitaḥ svayam |
hareravyākṛte dhāmni vāsudevasya dhāmani || 23 ||
[Analyze grammar]

saṃkarṣaṇagṛhe pradyumnasya gṛhe virājate |
aniruddhagṛhe cāpi mahāpuruṣapattane || 24 ||
[Analyze grammar]

mahākālālaye māyādhāmni sadāśivālaye |
viṣṇoḥ samālaye svāmī mahāviṣṇostathā''laye || 25 ||
[Analyze grammar]

virājate ca prakṛtipūruṣasya gṛhe'pi ca |
pradhānapuruṣā''gāre bhūmno dhāmnyapi rājate || 26 ||
[Analyze grammar]

mahāviṣṇostathā dhāmni vairājadhāmni rājate |
taistaiḥ samprārthitaścāyaṃ pareśvaranarāyaṇaḥ || 27 ||
[Analyze grammar]

pūjito vanditastaiśca sevito harirasti saḥ |
brahmaviṣṇumaheśānāṃ lokeṣu bhavaneṣu ca || 28 ||
[Analyze grammar]

jaloparyapi vaikuṇṭhe rājate śrīhariḥ svayam |
prārthitaḥ sa tu bhagavān ṛṣibhiḥ pitṛbhistathā || 29 ||
[Analyze grammar]

dvibhujo rājate teṣāṃ lokeṣvapi gṛheṣvapi |
suraiścendrādibhiścāpi muhuḥ samprārthitaḥ prabhuḥ || 30 ||
[Analyze grammar]

pṛthordhāmni tathā dattātreyadhāmnyapi rājate |
haṃsadhāmni nṛsiṃhasya dhāmni ṛṣabhadhāmani || 31 ||
[Analyze grammar]

vāmanasyālaye parśurāmadhāmni virājate |
yajñadhāmni rāmadhāmni sanatkumāradhāmani || 32 ||
[Analyze grammar]

hayagrīvāśrame nāradasya loke virājate |
rājarājasya ca rājadhānyāṃ saṃrājate prabhuḥ || 33 ||
[Analyze grammar]

vyāsadhāmni buddhadhāmni ceśadhāmni virājate |
vāruṇe pattane vāse kaubere cendradhāmani || 34 ||
[Analyze grammar]

yamadhāmni ca nairṛte loke'nilasya dhāmani |
vahniloke sūryavāse cāndraloke virājate || 35 ||
[Analyze grammar]

dhruvadhāmni tathā śukrālaye ca maṃgalālaye |
budhālaye bṛhaspaterāśraye śanimaṇḍale || 36 ||
[Analyze grammar]

grahaistvārādhitastatra nakṣatrairarthitastathā |
tārābhirvanditaḥ kṛṣṇanārāyaṇo virājate || 37 ||
[Analyze grammar]

merau dvipeṣu sarveṣu sāmudradvīpakeṣu ca |
alokeṣu ca lokeṣvantarīkṣe vyomavāsiṣu || 38 ||
[Analyze grammar]

nagavāsiṣvapi kṛṣṇanārāyaṇo virājate |
tītheṃṣu toyapūrṇeṣu pārthiveṣu gṛheṣvapi || 39 ||
[Analyze grammar]

caityeṣvāyataneṣvīśaḥ sthānibhistvarthito muhuḥ |
āhūtaḥ pūjanārthaṃ darśanārthaṃ sadā gṛhe || 40 ||
[Analyze grammar]

vāsaṃ karoti bhagavān kṛṣṇanārāyaṇo hariḥ |
tattatsthānālayavāsapattanasthalabhūmiṣu || 41 ||
[Analyze grammar]

mūrtirūpo mahārājo dvibhujaścātisundaraḥ |
kiśorabhāvamāśritya prodbhinnayauvano'pi ca || 42 ||
[Analyze grammar]

yathābhaktāstathā bhūtvā''nandaprado virājate |
rājānaṃ ca lokeṣu tathā svargādidhāmasu || 43 ||
[Analyze grammar]

vasūnāmāśrameṣvevā''dityānāṃ maṇḍaleṣvapi |
rudrāṇāmāśrameṣvevā'śvinīkumāradhāmani || 44 ||
[Analyze grammar]

dhanvantarergṛhe cābdhau kṣīrasāgarake'pi ca |
śvetadvīpe badaryāṃ ca māhendre raivate girau || 45 ||
[Analyze grammar]

dvibhujaḥ sa sadā''ste śrībhagavān puruṣottamaḥ |
divyakṣetreṣvaraṇyeṣu vaneṣūpavaneṣvapi || 46 ||
[Analyze grammar]

bhaktaiḥ samprārthitaḥ so'yamavatīrya virājate |
pātāle sutale loke nāgeṣvapyasureṣvapi || 47 ||
[Analyze grammar]

atale vitale cāste talātale rasātale |
mahātale'pi tatratyaiḥ prārthyamāno virājate || 48 ||
[Analyze grammar]

bhuvarloke harikṛṣṇo bhūtapretapiśācakaiḥ |
yakṣarākṣasakūṣmāṇḍavināyakaiḥ samarthitaḥ || 49 ||
[Analyze grammar]

tathā'nyairvallikādyaiśca drumaiḥ stambaistṛṇādibhiḥ |
prārthitaḥ paramātmā'yaṃ rājate tadgṛhe hariḥ || 50 ||
[Analyze grammar]

śeṣagṛhe kamaṭhasya gṛhe dānavadaityayoḥ |
gṛhayoḥ rājate svāmikṛṣṇanārāyaṇo'rcitaḥ || 51 ||
[Analyze grammar]

bhaktānāṃ bhavane rādhe bhaktānāṃ hṛdayeṣu ca |
anādiśrīkṛṣṇanārāyaṇasvāmī virājate || 52 ||
[Analyze grammar]

muktānīnāṃ bhavaneṣu dāsīnāṃ bhavaneṣvapi |
īśanīnāṃ ca rājyeṣu devīnāṃ bhavaneṣu ca || 53 ||
[Analyze grammar]

pativratānāṃ saudheṣu sādhvīnāṃ cāśrāmeṣu ca |
ālayeṣu gṛhiṇāṃ ca gahvarā suṃdarīṣvapi || 54 ||
[Analyze grammar]

yogināṃ ca satāmāśrameṣu gṛheṣu rājate |
kumārīṇāṃ hṛdayeṣu yoginīnāṃ gṛheṣvapi || 55 ||
[Analyze grammar]

mātṝṇāṃ ca nivāseṣu sakhīnāṃ maṇḍapeṣvapi |
śayaneṣu priyāṇāṃ ca kāntaḥ svāmī virājate || 56 ||
[Analyze grammar]

tattallokīyavasatiprārthito bhagavān hariḥ |
anādiśrīkṛṣṇanārāyaṇasteṣāṃ samīhayā || 57 ||
[Analyze grammar]

teṣāmiṣṭaprapūrtyarthaṃ dvibhujaḥ parameśvaraḥ |
yathā bhaktābhilaṣitarūpaśīlaguṇāśrayaḥ || 58 ||
[Analyze grammar]

divyarūpadharo devo rājate śrīmahāprabhuḥ |
sarvairupāsyate so'yaṃ sarvairārādhyate ca saḥ || 59 ||
[Analyze grammar]

sarvaiḥ saṃsmaryate prātaḥ sarvaiḥ sampūjyate sadā |
sarvaiḥ samarthyate tasmin sarvaṃ naijaṃ yadarthitam || 60 ||
[Analyze grammar]

sarve tasmāt samicchanti ṛddhivibhūtisampadaḥ |
taṃ vinā nānyasaṃyattaṃ ceṣṭaṃ bhavati kasyacit || 61 ||
[Analyze grammar]

smṛtaḥ sa eva viṣame same samupatiṣṭhati |
sṛṣṭau sṛṣṭau samutpannā īśāḥ surāśca mānavāḥ || 62 ||
[Analyze grammar]

prārthayanti sma rakṣārthaṃ brahmāṇḍānāṃ mahāpadi |
teṣāmāpadvināśārthaṃ tadā tatrā'bhijāyate || 63 ||
[Analyze grammar]

kadācit kṛpayā loke bhaktādhīnaḥ prajāyate |
kṛpā tu kāraṇaṃ mukhyaṃ jīvānāṃ svasya yogadaḥ || 64 ||
[Analyze grammar]

kṛpayā yāti bhātyeva sākṣād bhavati dehinām |
evaṃ kṛtvā kṛpā sarvabrahmāṇḍeṣu pumuttamaḥ || 65 ||
[Analyze grammar]

sṛṣṭyāraṃbhe samāyāti brahmāṇḍasthitasadṛśaḥ |
kvaciddeve kvacittvārṣe mānave ca kule kvacit || 66 ||
[Analyze grammar]

kvacit pāśavasañcāre kāmarūpadharaḥ kvacit |
sthale jale divi caitye'raṇye gṛhe nabhastale || 67 ||
[Analyze grammar]

bhavane ca raṇe vāpi yatheṣṭaṃ saḥ prajāyate |
vāsaṃ karoti kāryārthaṃ bhaktānāṃ bhāvanā yathā || 68 ||
[Analyze grammar]

rādhe yatra yamunā'sti yatra gaṃgā pravartate |
yatra raivataśailaśca naranārāyaṇāśramaḥ || 69 ||
[Analyze grammar]

yatra khaṇḍatrayaṃ cāste golake khaṇḍite purā |
tatrā'yaṃ kṛpayā svāmī kṛṣṇanārāyaṇo hariḥ || 70 ||
[Analyze grammar]

kuṃkumavāpikākṣetre cāśvapaṭṭasarovare |
ādye yuge janiṃ lebhe gopālakaṃbharāgṛhe || 71 ||
[Analyze grammar]

ahaṃ yatra samutpanno vasudevagṛhe tathā |
tvaṃ ca yatra samutpannā vṛṣabhānukalāgṛhe || 72 ||
[Analyze grammar]

śatasāhasrakrośātmā golakaḥ khaṇḍagolakaḥ |
pāvitaḥ śrīkṛṣṇanārāyaṇenā'nādinā hi saḥ || 73 ||
[Analyze grammar]

māsyūrje cādyapakṣe ca kṛṣṇāṣṭamīdine prabhuḥ |
prāstatra samutpannaḥ kaṃbharāśayane hariḥ || 74 ||
[Analyze grammar]

sarvarakṣaṇakāryārthaṃ sarvasaubhāgyasiddhaye |
yāvanmāṃgalyadānārthaṃ pāvanārthaṃ ca dehinām || 75 ||
[Analyze grammar]

yadeyeṣa haristatra kṛpayā gantumīśvaraḥ |
ānartaṃ pārṣadaṃ svasya preṣayāmāsa bhūtale || 76 ||
[Analyze grammar]

mahyaṃ cājñāpayāmāsa maṇerdānārthameva saḥ |
mayā'rpito maṇistasmāyānartāya mahātmane || 77 ||
[Analyze grammar]

tena divyaḥ kṛto lokaḥ saurāṣṭraḥ paścime bhuvaḥ |
patnīvrato dvijastatra kṛṣṇo'haṃ preṣitastadā || 78 ||
[Analyze grammar]

mahālakṣmīḥ preṣitā ca mahāviṣṇuśca vai tathā |
tvaṃ ca rādhā mahālakṣmīrūpiṇī saṃbabhūvitha || 79 ||
[Analyze grammar]

pativratā mahābhāgā bahuvarṣatapasvinī |
ahaṃ patnīvrataścāpi gopālakṛṣṇasaṃjñakaḥ || 80 ||
[Analyze grammar]

jātastatra divyavipro vedaśāstrapravartakaḥ |
mayā garbhaḥ pradattaste kambharāyai tadā priye || 81 ||
[Analyze grammar]

divyaṃ tadgarbhadānaṃ vai vāyupūraṇamātrakam |
dṛśyamātraṃ garbhavāsaṃ dadhāra kambharā tadā || 82 ||
[Analyze grammar]

saṃkalpamātrajā sṛṣṭistasmin yuge babhūva ha |
kā kathā garbhavāsasya rītivad varṇanaṃ mama || 83 ||
[Analyze grammar]

hariḥ saṃkalpitastatra tvājagāma sa sundari |
nivāsamācarat pitṛhṛdi mātṛprakukṣike || 84 ||
[Analyze grammar]

darśanaṃ prādadād bālo yathā janma samālabhet |
śayyā samujjvalā tatra jātā diśaḥ samujjvalāḥ || 85 ||
[Analyze grammar]

avatārāḥ samāgatya yatpramukhyāḥ pravarṣaṇam |
puṣpāṇāṃ candanānāṃ ca lājānāṃ cakrurādarāt || 86 ||
[Analyze grammar]

dhāmadhāmanivāsinyaḥ sakhyastatra tadā''gatāḥ |
gītīścakrurmiṣṭakaṇṭhairgīyamānāḥ pramīlitāḥ || 87 ||
[Analyze grammar]

vardhayāmāsurīśeśaṃ pūrṇaṃ brahmapatiṃ prabhum |
devyaśca kanyakāḥ sṛṣṭeḥ sarvaśastatra cāgatāḥ || 88 ||
[Analyze grammar]

dṛṣṭvā mukhaṃ harestāśca prasannahṛdayā muhuḥ |
daduścāśiṣa evā'smai kṛṣṇanārāyaṇāya tāḥ || 89 ||
[Analyze grammar]

īśvarā lokapālāśca muktāḥ sureśvarāḥ surāḥ |
brahmasarasastathā cāpsarasaḥ sarvā āyayuḥ || 90 ||
[Analyze grammar]

namaskṛtya prabhuṃ kāntaṃ nartanaṃ cakrurādarāt |
gāndharvyo devagāndharvyaścāraṇyaḥ kinnarīgaṇāḥ || 91 ||
[Analyze grammar]

vidyādharyaḥ samāyātā gopyo muktānya ityapi |
vādyāni vādayāmāsurjahṛṣurvīkṣya taṃ prabhum || 92 ||
[Analyze grammar]

bhūvāsinyaḥ samāyātā mānavyaḥ kṛtamaṃgalāḥ |
dṛṣṭvā yuyujuḥ saumyābhirvāgbhistaṃ puruṣottamam || 93 ||
[Analyze grammar]

nāginyaścānyadevyaśca tiryaṅmānavayonijāḥ |
anyā divyā adivyāśca tṛṇādisthāḥ samāgatāḥ || 94 ||
[Analyze grammar]

vīkṣya kāntaṃ paraṃ kāntaṃ bālarūpaṃ mahāprabhum |
ānandaṃ lebhire sarvā vardhayāmāsurakṣataiḥ || 95 ||
[Analyze grammar]

pṛthvyāṃ tadutsavastatra sarvatrā'bhūnmahojjvalaḥ |
khyātaḥ sarvatra bhuvane brahmāṇḍe'nyāsu sṛṣṭiṣu || 96 ||
[Analyze grammar]

anantamastakā lakṣamastakāḥ koṭimastakāḥ |
śatāyutasahasrādimastakāḥ parameṣṭhinaḥ || 97 ||
[Analyze grammar]

viṣṇavaśca tathā rudrāstatpatnyaścāpi koṭiśaḥ |
vīkṣaṇārthaṃ cāyayurvai prabhoḥ kuṃkumavāpikām || 98 ||
[Analyze grammar]

kṛtvā te darśanaṃ prāpya cāśiṣaḥ sukhamāvrajan |
anādiśrīkṛṣṇanārāyaṇaḥ śrībhagavāṃstadā || 99 ||
[Analyze grammar]

paramākṣaradhāmasthaṃ darśayāmāsa vai janān |
divyarūpaṃ paradhāmasthitaṃ dvibhujamuttamam || 100 ||
[Analyze grammar]

koṭikṛṣṇasvarūpaṃ ca koṭinārāyaṇātmakam |
koṭivairājarūpaṃ ca mahāviṣṇusahasrakam || 101 ||
[Analyze grammar]

anantaśaktisāmarthyaguṇajuṣṭaṃ manoharam |
dvibhujaṃ ca kiśoraṃ ca darśayāmāsa ceśvarān || 102 ||
[Analyze grammar]

rādhe caivaṃ divyarūpaṃ pradarśya bālarūpatām |
punaśca darśayāmāsa pupūjustaṃ maheśvarāḥ || 103 ||
[Analyze grammar]

iti śrīlakṣmīnārāyaṇīyasaṃhitāyāṃ dvitīye tretāsantāne śrīpuruṣottamanārāyaṇasya sarvasṛṣṭiṣu samūrtatayā vartamānatā saurāṣṭre kuṃkumavāpikākṣetre kṛpayā prākaṭyaṃ cetyādinirūpaṇānāmā tṛtīyo'dhyāyaḥ || 3 ||
[Analyze grammar]