Chapter 585

śrīnārāyaṇa uvāca |
śṛṇu lakṣmi tato vidyāpatiḥ prāha sabhāsthale |
divyatāṃ tasya kṣetrasya yathāvat kathayāmi te || 1 ||
[Analyze grammar]

vipraḥ prāha ca madhyāhne divyagandho vavau marut |
surā naivedyadānārthaṃ vyomamārgātsamāyayuḥ || 2 ||
[Analyze grammar]

vādanāni gāyanāni surastrīṇāṃ tadā'bhavan |
sahasramupacārāṇāṃ devaistasmai samarpitam || 3 ||
[Analyze grammar]

sampūjya jayapūrvāste yayuḥ svargaṃ surāstataḥ |
viśvāvasuḥ śabaro me mādhavasya prasādanam || 4 ||
[Analyze grammar]

bhojyaṃ mālyaṃ dadau pūtaṃ yadatrā'pahṛtaṃ mayā |
prasādaḥ śarkarātmā ca dīyatāṃ sadase nṛpa || 5 ||
[Analyze grammar]

samantād gahanākīrṇaṃ kṣetraṃ nīlādrināmikam |
tīrtharājasya velāyāṃ svarṇavālukayā vṛtam || 6 ||
[Analyze grammar]

vicitradṛśyaṃ devānāṃ mānavānāṃ tu kā kathā |
adreḥ śṛṃge kalpajīvī mahānucco vaṭo'sti ca || 7 ||
[Analyze grammar]

dīrghāyataḥ puṣpaphalavarjitaḥ pallavojjvalaḥ |
tatpaścād rauhiṇaṃ kuṇḍaṃ tatpūrve vedikāsthitaḥ || 8 ||
[Analyze grammar]

nyagrodhacchāyayā śītaścendranīlamayo hariḥ |
cakragadādharaścāste svarṇapadmopari prabhuḥ || 9 ||
[Analyze grammar]

ekāśītyaṅgulamito mandahāsyasphuranmukhaḥ |
rājīvasaumyanetraścā'mṛtapūrṇānanaḥ prabhuḥ || 10 ||
[Analyze grammar]

vapuṣo'śmamayatve'pi candrojjvalaḥ smitādharaḥ |
hāsasaṃphullagaṇḍābhyāṃ ruciraṃ cibukaṃ hanuḥ || 11 ||
[Analyze grammar]

karṇayoḥ kuṇḍalābhyāṃ ca rājad vakṣaśca mālayā |
graiveyakaiśca sauvarṇaiḥ ratnāñcitaiḥ samujjvalaiḥ || 12 ||
[Analyze grammar]

pīnāyataskandhayugajānudīrghacaturbhujaḥ |
ākarṇāntāyatakoṇavakranetrakaṭākṣakam || 13 ||
[Analyze grammar]

sakaustubhaṃ kaṃkaṇormikā'ṅgulīyakabhūṣitam |
nimnanābhidharaṃ cādhastanuromālimañjulam || 14 ||
[Analyze grammar]

suratnamekhalārājatkaṭikauśeyadhautrakam |
sakiṃkiṇīmañjirāḍhyaraktatalāśripatkajam || 15 ||
[Analyze grammar]

jaghanaṃ sundaraṃ divyaṃ kāmāśrayaṃ ca sundaram |
liṃgaṃ tejomayaṃ ramyaṃ sarvākarṣaṇabhājanam || 16 ||
[Analyze grammar]

sarvāśādyotako devo nīlādrerupari sthitaḥ |
vāmapārśvagatā lakṣmīrāśliṣṭā padmapālinā || 17 ||
[Analyze grammar]

vallakīvādanaparā bhagavanmukhalocanā |
sarvalāvaṇyaśobhāḍhyā sarvābharaṇabhūṣitā || 18 ||
[Analyze grammar]

sarvālaṃkṛtitejaskā prodbhinnanavayauvanā |
chatrībhūtaphaṇāvṛndaḥ śeṣaḥ paścād vilokitaḥ || 19 ||
[Analyze grammar]

agre vyavasthitaṃ dṛṣṭaṃ vapurbibhratsudarśanam |
kṛtāñjalipuṭaṃ tasya paścād garuḍamāsthitam || 20 ||
[Analyze grammar]

sajīvā iva te bhaktānugrāhakā vilokitāḥ |
tatra ceto mama rājannatyantamabhidhāvati || 21 ||
[Analyze grammar]

anekajanmasāhasrapuṇyapāko hi paśyati |
sarvasādhanalabhyaṃ taddarśanātprāpyate'kṣaram || 22 ||
[Analyze grammar]

tena sarvaṃ kṛtaṃ mokṣasādhanaṃ yena vīkṣitaḥ |
tvaṃ ca rājaṃstvarayaiva vilokaya jagatprabhum || 23 ||
[Analyze grammar]

na jāne śvaḥ sūryadraṣṭā bhaviṣyasi na veti ca |
śvaḥ kāryamadya kartavyaṃ mokṣārthaṃ pārameśvaram || 24 ||
[Analyze grammar]

ityuktaścendradyumnastu harṣamavāpa puṣkalam |
kṛtakṛtyo'smīti cāha prasādamālikāgrahāt || 25 ||
[Analyze grammar]

tayā darśanapātratvaṃ prāptaṃ cādya mayā hareḥ |
sarvātmanā ca rājyena saha gantavyameva ca || 26 ||
[Analyze grammar]

tatrāvāsaṃ sadā kṛtvā kariṣye hayamedhakān |
sarvopacāraiḥ śrīnāthaṃ pūjayiṣye dine dine || 27 ||
[Analyze grammar]

dāsyena sevayā kṛṣṇaṃ prīṇayiṣye ramāpatim |
evaṃ rājā samuvāca tāvadāyāddhi nāradaḥ || 28 ||
[Analyze grammar]

pūjito vandito rājñā rājānaṃ samuvāca saḥ |
avatīrṇau naraṃ draṣṭuṃ badaryāṃ ca narāyaṇam || 29 ||
[Analyze grammar]

tava kīrtiṃ devatābhyaḥ śrutvā satye samāgataḥ |
śrījagannāthagamane vyavasāyaṃ viśeṣataḥ || 30 ||
[Analyze grammar]

tava jñātvā prasanno'smi jātastaṃ yāhi sevaya |
sahasrajanmābhyāsaiśca bhaktirbhavati mādhave || 31 ||
[Analyze grammar]

brahmā cārādhya taṃ nāthaṃ lebhe paitāmahaṃ padam |
tatputro'haṃ tadvaṃśastvaṃ bhaktyā śobhā sadā hi naḥ || 32 ||
[Analyze grammar]

anādyavidyānāśāya samarthā bhaktiruttamā |
tarirbhaktibhavābdhau sā janmarogasya bheṣajam || 33 ||
[Analyze grammar]

māṃteva rakṣati bhaktān santaḥ puṣyanti vai tayā |
brāhmyaṃ padaṃ tayā muktirlabhyate tadanugrahāt || 34 ||
[Analyze grammar]

bahvyānāṃ śalabhānāṃ dāvatulyā haripriyā |
sarvatīrthaphaladātrī tārayitrī nimajjatām || 35 ||
[Analyze grammar]

tapāṃsi yajñā dānāni vratāni dharmasatkriyāḥ |
eṣāṃ sāhasrakoṭyaśca na bhakterayutāṃśakaḥ || 36 ||
[Analyze grammar]

sā tridhā guṇabhedena turīyā nirguṇā matā |
svārthā'bhicārayuktā sā tāmasī bhaktirīritā || 37 ||
[Analyze grammar]

svārthaparārthasammiśrā rājasī bhogavāñcchayā |
parārthamātrasandheyā sāttvikī sukhabhājanā || 38 ||
[Analyze grammar]

phalehārahitā sā nirguṇā śrīpuruṣottame |
nirguṇā muktaye proktā premasevātmikā hareḥ || 39 ||
[Analyze grammar]

sāttvikyā brahmaṇaḥ sthānaṃ rājasyā śakralokatām |
tāmasyā pitṛlokādīn yānti punaśca bhūjanum || 40 ||
[Analyze grammar]

uttamāmuttamāṃ kuryāt tena muktirbhavet kvacit |
kulācārādihīno'pi bhaktimān saṃpraśasyate || 41 ||
[Analyze grammar]

sarvavidyādhivāso'pi bhaktihīno vinindyate |
yayā vetti parabrahma parā vidyā tu sā matā || 42 ||
[Analyze grammar]

yena prīṇāti bhagavān satkriyā sā prakīrtitā |
tābhyāṃ yukto bhaved bhakto bhāgavatottamo hi saḥ || 43 ||
[Analyze grammar]

tatpādapāṃsunā viśvaṃ pūyate sacarācaram |
vāsudeve tathā bhakte sāmyaṃ sañjāyate sadā || 44 ||
[Analyze grammar]

tayoraiśvaryarūpādibhedo naiva ca naiva ca |
śāntacittastathā saumyo jitendriyo hyahiṃsakaḥ || 45 ||
[Analyze grammar]

adrogdhā kṛpayāyuktaścāste yaścā'vinindakaḥ |
guṇagrāhī sadācāraḥ parasaukhyasukhānvitaḥ || 46 ||
[Analyze grammar]

sarvatra śrīkṛṣṇanārāyaṇadraṣṭā vimatsaraḥ |
dīnānukampo hitakṛddharau koṭyadhipremavān || 47 ||
[Analyze grammar]

satāṃ sevāparo devapūjakaḥ pitṛtarpakaḥ |
sarvaṃ viṣṇumayaṃ jānan samaṣṭivyaṣṭimityapi || 48 ||
[Analyze grammar]

abhedenaiva paśyaṃśca dāsyaṃ karoti vai hareḥ |
svāmisevakabhāvena sevako vartate ca yaḥ || 49 ||
[Analyze grammar]

hariṃ bhāvayati kīrtayati namaḥkaroti ca |
bhajatyeva prabhuṃ nityaṃ nānye'vadhānamācaret || 50 ||
[Analyze grammar]

śilāsvarṇadravyaloṣṭastrīkūṭakaṇṭakādiṣu |
mitraśatrubandhubhinnādiṣu sāmyasamādhimān || 51 ||
[Analyze grammar]

nāmadhyānaparo viṣṇorjayavāṇīrataḥ sadā |
devacihnapriyaḥ khyāto bhakto bhāgavatottamaḥ || 52 ||
[Analyze grammar]

śaṃkhacakragadāpadmacandratilakaśobhitaḥ |
kaṇṭhīmālāyuto vṛndādalamālyavibhūṣitaḥ || 53 ||
[Analyze grammar]

rāgadveṣamadamānavihīnastṛṣṇikākṣayaḥ |
bhakto bhavati kāmādivarjito vāsanākṣayaḥ || 54 ||
[Analyze grammar]

ityuktaścendradyumnaśca prītimān nāradaṃ prati |
uvāca sādhusaṃgo me bhāgyādadya upasthitaḥ || 55 ||
[Analyze grammar]

tadāvāṃ yānamāsthāya paśyāvo nīlamādhavam |
evaṃ niścitya pañcamyāṃ budhe jyeṣṭhasya cārjune || 56 ||
[Analyze grammar]

pakṣe puṣye cendradyumnaḥ kārayāmāsa ghoṣaṇām |
yathāvibhavataḥ sainyaiḥ prajābhirbāndhavādibhiḥ || 57 ||
[Analyze grammar]

nīlādrigamanaṃ kāryaṃ yāvajjīvaṃ samarpya ca |
yā vṛttidīryate cātra tayā tatrāpi jīvatu || 58 ||
[Analyze grammar]

rājānaḥ sāvarodhāśca sāmātyāḥ saparicchadāḥ |
rathairgajaisturagaiśca koṣaiḥ saha padātibhiḥ || 59 ||
[Analyze grammar]

sajjā vrajantu vai tatra brāhmaṇāḥ sāgnihotriṇaḥ |
vaṇijaḥ sahabhāṇḍaiśca sapaṇyāḥ paṇyajīvinaḥ || 60 ||
[Analyze grammar]

nṛtyagāyanavāditrajyotirvidyāsubuddhayaḥ |
vaidyāśca kathakā bhaṭṭāḥ santaśca vārayoṣitaḥ || 61 ||
[Analyze grammar]

gāvaḥ śakuntapāścāpi śākunikāśca sevakāḥ |
dāsā dāsyastathā yāntu kṣetraṃ śrīpuruṣottamam || 62 ||
[Analyze grammar]

ṣaṣṭhyāṃ svayaṃ ca māṃgalyaṃ kārayāmāsa yātrikam |
snātvā tīrthajalaiḥ rājā nāndīmukhānakārayat || 63 ||
[Analyze grammar]

havanaṃ ca tataḥ kṛtvā cakre vahniṃ pradakṣiṇam |
tato māṃgalyanepathyavidhānamupacakrame || 64 ||
[Analyze grammar]

hemapīṭhe hariṃ prārcya tatprasādasya mālikām |
dadhāra prathamaṃ rājā dhyāyan śrīpuruṣottamam || 65 ||
[Analyze grammar]

yātrārthaṃ ca vinirdiśya dakṣiṇaṃ pādamuddadhau |
dakṣiṇāḥ pradadau viprebhyo vāme gaṇikeḍitaḥ || 66 ||
[Analyze grammar]

śvetāśvakuṃjarapārāvatahaṃsasumālikāḥ |
sacūtapallavaṃ pūrṇakuṃbhaṃ paśyan yayau nṛpaḥ || 67 ||
[Analyze grammar]

nṛsiṃhamandiraṃ gatvā pūjayitvā hariṃ satīm |
dvāramāgatya ca yānaṃ vaihāyasaṃ mahattamam || 68 ||
[Analyze grammar]

samāruroha samuniḥ sāntaḥpurastathā'pare |
anyaiḥ sahasrairyānaiśca pratasthire purīṃ prati || 69 ||
[Analyze grammar]

jayaśabdāstūryaśabdā babhūvuḥ puṣpavṛṣṭayaḥ |
nānāyānasamārūḍhāḥ koṭiśaśca janāstataḥ || 70 ||
[Analyze grammar]

sasaṃbhārāḥ sakuṭumbā yayuḥ śrīpuruṣottamam |
divasārdhena te sarve prāpurutkalabhūmikām || 71 ||
[Analyze grammar]

sīmni sthito carcikākhyāṃ devīṃ pupūjurīśvarīm |
citrotpalāṃ nadīṃ gatvā jalapānādi cācaran || 72 ||
[Analyze grammar]

svādubhojyāni ca bubhujire sarve yathārhataḥ |
viśaśramurnadītīre sainyā''vāsādi tatra ca || 73 ||
[Analyze grammar]

cakruḥ sāyaṃvidhiṃ cāpi rātrau vinodamādadhuḥ |
prātaḥ snātvā nityapūjāṃ jalāhārādikaṃ tathā || 74 ||
[Analyze grammar]

kṛtvā tasthustadā tāvadoḍhrarājasya sevakaḥ |
indradyumnaṃ samāyātaḥ samuvāca namo'nvitaḥ || 75 ||
[Analyze grammar]

utkaleśanṛpaścātra bhavantaṃ draṣṭumicchati |
vijñāya sārvabhaumaṃ ca devaṃ bhavantamāgatam || 76 ||
[Analyze grammar]

sopāyano nadītīre pratīkṣate nideśanam |
śrutvā tadvacanaṃ rājā''hvayāmāsoḍhabhūpatim || 77 ||
[Analyze grammar]

vaiṣṇavaiḥ sacivairyuktaṃ papraccha kuśalaṃ śubham |
oḍhrapatirnanāmainamupadāḥ purato nyadhāt || 78 ||
[Analyze grammar]

parasparaṃ sukuśalaṃ svāgataṃ cakratustataḥ |
praśaṃśaturvaiṣṇavau yajjanmasāphalyamityapi || 79 ||
[Analyze grammar]

athoḍhrarājastaṃ prāha dakṣiṇā'bdhitaṭe hariḥ |
nīlādrau kānane cāste lokasañcāravarjite || 80 ||
[Analyze grammar]

dvitīye'hni vātyayā vālukāchannaḥ sa parvataḥ |
channaśca rauhiṇakuṇḍaśchannaśca nīlamādhavaḥ || 81 ||
[Analyze grammar]

chinnabhinnāni jātāni śabarāṇāṃ gṛhāṇyapi |
kopo'yaṃ cintanādūrdhvaṃ jāto'parādhataḥ kvacit || 82 ||
[Analyze grammar]

mama rājyaṃ bhavato'sti yathājñāṃ prakaromyaham |
svāgataṃ bhojanādyaṃ ca preṣayāmi janādibhiḥ || 83 ||
[Analyze grammar]

ityuktvā cāśiṣo labdhvoḍhrapatirmaunamāsthitaḥ |
indradyumno nāradaṃ ca prāhā''gamastu niṣphalaḥ || 84 ||
[Analyze grammar]

nīvyādhavadevasya darśanaṃ naiva ced yadi |
kariṣye'naśanaṃ tvatra mariṣye mokṣaṇaṃ prati || 85 ||
[Analyze grammar]

nāradastaṃ tadā prāha vaiṣṇavecchāṃ na niṣphalām |
karoti bhagavāṃstaṃ tvaṃ prekṣase pārthivaṃ prabhum || 86 ||
[Analyze grammar]

dhairyamāvaha bhagavān svatantro'stīti viddhi bhoḥ |
kevalo bhaktivaśago bhaktyā te vaśameṣyati || 87 ||
[Analyze grammar]

vaiṣṇavastvaṃ padmayoneḥ pañcamaḥ puruṣo'si vai |
pitāmaho'pyatra kārye bhavato māṃ niyuktavān || 88 ||
[Analyze grammar]

sarvaṃ te kathayiṣyāmi nīlaparvatasannidhau |
śrutvā rājā prahṛṣṭaśca mene bhāgyaṃ pravardhitam || 89 ||
[Analyze grammar]

yanmāṃ pitāmahaścāpi sahāyaṃ pradadāti vai |
atha sarvān nīlaśailaṃ gantuṃ tvājñāṃ cakāra ha || 90 ||
[Analyze grammar]

oḍhradeśādhipo yāne niṣasāda ca bhūbhṛtā |
saha sarve vyomamārgairmahānadīṃ vihāya ca || 91 ||
[Analyze grammar]

ekāmravanakaṃ kṣetraṃ prāpuḥ kṣaṇāntare tataḥ |
gandhavahāṃ nadīṃ tyaktvā koṭiliṃgeśvaraṃ haram || 92 ||
[Analyze grammar]

pūjāvāditranirghoṣānvitaṃ dṛṣṭvā sa nāradam |
papracchā''raṇyakaṃ vīkṣya manyamāno hi mādhavam || 93 ||
[Analyze grammar]

nīlādriśikharāvāsaḥ prāptaḥ kiṃ parameśvaraḥ |
muniḥ prāha sa nīlādrirvartate yojanatraye || 94 ||
[Analyze grammar]

ayantu śaṃkarāvāsaḥ koṭiliṃgeśvarātmakaḥ |
śaṃbhurbhītaḥ śaraṇaṃ śrīhareḥ purā'tra cāgataḥ || 95 ||
[Analyze grammar]

pārvatīṃ saṃvivāhyeśo haimavāsaṃ cakāra saḥ |
menakāṃ pārvatīṃ prāha bahukāle gate śubham || 96 ||
[Analyze grammar]

patiste nirguṇaḥ putri gṛhadvāravihīnakaḥ |
kiyanmama gṛhe vāsaṃ kariṣyati vinā gṛham || 97 ||
[Analyze grammar]

vinā bhūṣā samṛddhiṃ ca śobhase naiva putrike |
vada saudhaṃ tu nirmātuṃ pṛthak sthātuṃ svakālaye || 98 ||
[Analyze grammar]

ityuktā śaṃkaraṃ prāha pārvatī namramānasā |
bhagavaṃściravāso vai śvaśurasya gṛhe'guṇaḥ || 99 ||
[Analyze grammar]

parādhīnanivāsastu vivāsasadṛśastataḥ |
kṣaudrīyasāmapi tadvanmahatāmapi dukhadaḥ || 100 ||
[Analyze grammar]

ityuktaḥ śaṃkarastūrṇaṃ kāśīṃ vāsāya nirmame |
pūrvasāgaragāminyā gaṃgāyā uttare taṭe || 101 ||
[Analyze grammar]

vārāṇasyāṃ pañcakrośamitāyāṃ ratnamaṇḍape |
tayā reme paśupatirbahukālaṃ pure svake || 102 ||
[Analyze grammar]

atha rājā divodāsaḥ sarvān devān hi kāśitaḥ |
visarjayāmāsa rājyaṃ cakāra vaiṣṇaveṣu ca || 103 ||
[Analyze grammar]

koṭiliṃgāni saṃsthāpya śaṃbhuḥ kailāsakaṃ yayau |
rājāno bahavaḥ paścājjātā vārāṇasībhuvi || 104 ||
[Analyze grammar]

kāśīrājetināmā'pi śaṃkaropāsako'bhavat |
tapasā śaṃkarāllebhe varaṃ cā'saṃbhavaṃ purā || 105 ||
[Analyze grammar]

jetā'si kaṃsahartāraṃ saṃgrāme tvamarindama |
tavā'rthe'haṃ tadā yotsye viṣṇunā saha sarvathā || 106 ||
[Analyze grammar]

śrīharistadvaraṃ jñātvā cakraṃ sudarśanaṃ raṇe |
kāśīrājasūdanāya prāhiṇot tacca cakrakam || 107 ||
[Analyze grammar]

kāśīrājaśiraśchitvā purīṃ dadāha sarvathā |
tacchrutvā kupitaḥ śaṃbhuḥ pāśupatāstrakaṃ harau || 108 ||
[Analyze grammar]

mumoca niṣphalaṃ tacca cakāra bhagavān hariḥ |
tadā bhayaṃ samāpannastuṣṭāva śaṃkaro harim || 109 ||
[Analyze grammar]

aparādhaṃ kṣamasvā'dya te bhaktasya hare prabho |
sṛṣṭo'haṃ tāmaso nātha trāhi māṃ śaraṇāgatam || 110 ||
[Analyze grammar]

tadā cakraṃ nivṛttaṃ śaṃkarāt kṛṣṇo babhūva tat |
prasannavadanaḥ prāha lakṣmīyuto hasan hariḥ || 111 ||
[Analyze grammar]

kālenaitāvatā śaṃbho durbuddhiḥ kathamāgatā |
hetornṛpatikīṭasya mayā yoddhumupasthitaḥ || 112 ||
[Analyze grammar]

tvāṃ brahmāṇaṃ ca me cakraṃ nāśayet krodhamantritam |
dayāṃ karomi me bhakta yāhi śrīpuruṣottamam || 113 ||
[Analyze grammar]

yadi vāñcchasi rantuṃ vai ciraṃ satyā samaṃ tadā |
daśayojanavistīrṇe tatra virajamaṇḍale || 114 ||
[Analyze grammar]

citrotpalāṃ nadīmārabhya yāvaddakṣiṇodadhiḥ |
śreṣṭho nīlācalastatra caturdhā'haṃ vyavasthitaḥ || 115 ||
[Analyze grammar]

nīlamaṇipratimohaṃ taduttare vanaṃ mahat |
ekāmrakāhvayaṃ tatra nivāsaṃ nirbhayaṃ kuru || 116 ||
[Analyze grammar]

me puruṣottamakṣetraṃ tvameva paripālaya |
ityādiṣṭo yayau śaṃbhustatra vai vāsamācarat || 117 ||
[Analyze grammar]

brahmaṇā sthāpitaḥ koṭiliṃgeśvaro'yamasti saḥ |
śrutvā rājā vimānāccā'vātatāra haraṃ prati || 118 ||
[Analyze grammar]

pūjayāmāsa vidhinā dadau dānāni bhūriśaḥ |
bindutīrthe tatra snātvā śrīśaṃ sampūjya tatra ca || 119 ||
[Analyze grammar]

tasthau dadhyau ca taṃ śaṃbhuṃ śaṃbhuḥ sākṣāduvāca tam |
indradyumna mahābhāgavato na tvādṛśo bhuvi || 120 ||
[Analyze grammar]

durghaṭā'pi ca te vāñcchā śīghraṃ pūrṇā bhaviṣyati |
nārade punarādehaṃ yadādiṣṭaṃ svayaṃbhuvā || 121 ||
[Analyze grammar]

tat kalpaya pratiṣṭhānaṃ vājimedhapuraḥsaram |
antarhitaḥ khalvidānīṃ nīlaratnatanurhariḥ || 122 ||
[Analyze grammar]

tatra śrīnarasiṃhasya kṣetraṃ kuru ca sannidhau |
vājimedhasahasreṇa yajatāṃ bhūpatirdhruvam || 123 ||
[Analyze grammar]

tadante kalpanyagrodhaṃ pradarśayā'sya bhūpateḥ |
brahmarūpatarostasmāccatasraḥ pratimāḥ śubhāḥ || 124 ||
[Analyze grammar]

ghaṭiṣyate viśvakarmā'jaḥ pratiṣṭhāpayiṣyati |
brahmaṇo varadānācca prayāte'bdasahasrake || 125 ||
[Analyze grammar]

indradyumno hariṃ sākṣānmūrtau vilokayiṣyati |
dāravīṃ tanumāsthāya sthitaṃ divyaṃ narāyaṇam || 126 ||
[Analyze grammar]

bhaja nārada rājā'sau bhajatāṃ svāminaṃ harim |
ityuktvā'ntardadhe śaṃbhū rājā vināmago'bhavat || 127 ||
[Analyze grammar]

yayau puraḥ kapoteśasthalīmāsedivānnṛpaḥ |
senāniveśayogyāṃ ca dṛṣṭvā senāṃ nyaveśayat || 128 ||
[Analyze grammar]

bilveśvarakapoteśau pūjayitvā ca nāradam || 129 ||
[Analyze grammar]

papraccha tau kathaṃ jātau bilveśvarakapotakau |
vada naḥ śrīpatiprāptikarīṃ kathāṃ suśāntidām || 130 ||
[Analyze grammar]

iti śrīlakṣmīnārāyaṇāyasaṃhitāyāṃ prathame kṛtayugasantāne indradyumnasya vidyāpativarṇitaśravaṇottaraṃ jagannāthaṃ prati gamane nirṇayaḥ nāradāgamaḥ prayāṇam citrotpalātaṭe utkaleśābhigamaḥ ekāmrakavane koṭiliṃgeśapūjanam ityādinirūpaṇanāmā pañcāśītyadhika pañcaśatatamo'dhyāyaḥ || 585 ||
[Analyze grammar]