Chapter 584

śrīnārāyaṇa uvāca |
śṛṇu lakṣmi kathāṃ mama purātanīṃ yathodbhavām |
pūrve kṛte babhūvā'sāvindradyumno mahānṛpaḥ || 1 ||
[Analyze grammar]

mārkaṇḍeyo na jānāti taṃ kālaṃ yatra cāsa saḥ |
na bakarṣirna gṛdhrarṣirna cendrādyā vidurhi tam || 2 ||
[Analyze grammar]

kintu kūrmo mānasastho jānāti taṃ purātanam |
lomaśo'pi vijānāti cendradyumnaṃ purābhavam || 3 ||
[Analyze grammar]

sraṣṭuḥ sa pañcamo vaṃśo vaiṣṇavāścā''sa bhūtale |
adhyātmavidbhāgavataḥ sarveṣu brahmadarśanaḥ || 4 ||
[Analyze grammar]

sarvavidyaḥ suśīlaśca yaṣṭā brahmaṇya ityapi |
rājasūyaṃ vājimedhasahasrakamiyāja saḥ || 5 ||
[Analyze grammar]

mahākālavane'vantīrājadhānīsthito'bhavat |
manovākkarmabhiḥ kṛṣṇasvāmibhaktiṃ cakāra saḥ || 6 ||
[Analyze grammar]

kuṃkumavāpikātīrthasthitaḥ śrībhagavān svayam |
śrīsvāmiśrīkṛṣṇanārāyaṇaḥ sākṣānnṛpasya tu || 7 ||
[Analyze grammar]

pūjāvasaramāsādya gatvā gṛhṇāti pūjanam |
naivedyaṃ samprabhuktvā ca nṛpaṃ bodhayati svayam || 8 ||
[Analyze grammar]

yāhi rājanmama kṣetraṃ puruṣottamasaṃjñakam |
tatra kāraya me saudhaṃ prāsādaṃ raivatopamam || 9 ||
[Analyze grammar]

ityuktaḥ sa ca bhūpo'pi omityāha narāyaṇam |
haristasyā'rpitāṃ pūjāṃ prāpyā'dṛśyo bhavatyapi || 158410 ||
[Analyze grammar]

atha rājñā sabhāyāṃ svapurohito niveditaḥ |
yatra sākṣājjagannāthaḥ kṣetraṃ didṛkṣurasmi tat || 11 ||
[Analyze grammar]

vimānena ca yāsyāmo vidvadbhiḥ kavibhiḥ saha |
daivajñaiḥ śrotriyaiḥ sārdhaṃ dāsadāsyādibhistathā || 12 ||
[Analyze grammar]

ityabhideśamādāya purohitasya pārśvagaḥ |
tairthiko brāhmaṇastatra rājānaṃ pratyabhāṣata || 13 ||
[Analyze grammar]

yo'bhūt patnīvratākhyo vai nāmnā brahmāṇḍagocaraḥ |
sa prāha rājan jānāmi paśyāmi karagaṃ yathā || 14 ||
[Analyze grammar]

kṣetra tadvai jagannāthāśrayamoḍhrapradeśake |
utkale nīlaśailasyābhito dakṣiṇasāgare || 15 ||
[Analyze grammar]

jale sthale ca tatkṣetraṃ nāmnā śrīpuruṣottamam |
yatrāste kalpakavaṭo yatra rauhiṇakuṇḍakam || 16 ||
[Analyze grammar]

tatrāste prāgdiśi harernīlendramaṇinirmitā |
tanuḥ kṛṣṇasya divyā sā sārūpyamuktidāyinī || 17 ||
[Analyze grammar]

paścime śabarāṇāṃ vai grāmaḥ śabaradīpakaḥ |
vartate tasya mārgo'pi yena viṣṇvālayaṃ vrajet || 18 ||
[Analyze grammar]

tatra nīlamaṇimūrtiḥ kṛṣṇanārāyaṇo'sti vai |
tatroṣitaṃ mayā rājan varṣaṃ śrīpuruṣottame || 19 ||
[Analyze grammar]

tuṣṭyarthaṃ devadevasya vratinā divyacakṣuṣā |
dṛṣṭvā devāśca munayaḥ pratirātraṃ samāgatāḥ || 158420 ||
[Analyze grammar]

anādiśrīkṛṣṇanārāyaṇasya darśanāya ye |
mahimaiṣa na kutrāpi purā dṛṣṭo mayā nṛpa || 21 ||
[Analyze grammar]

saṃhitānāṃ kathāstatra śrutā kalpāntarārthagāḥ |
tatsthānaṃ darśanārhaṃ vai vidyate nṛpasattama || 22 ||
[Analyze grammar]

yathā vai raivatībhūmistathā nīlagiristhalam |
kṣetradvayaṃ purā paścānna bhūtaṃ na bhaviṣyati || 23 ||
[Analyze grammar]

tvaṃ yasmād viṣṇubhakto'si tadgatvā śrīdharaṃ bhaja |
evamuktvā sa vai vipraścāntardhānaṃ jagāma ha || 24 ||
[Analyze grammar]

avāpya vismayaṃ rājā purohitamuvāca yat |
amānuṣamidaṃ vākyaṃ śrutvedānīṃ purohitaḥ || 25 ||
[Analyze grammar]

buddhistvarayate tatra gantuṃ yatra jagatprabhuḥ |
mama dharmārthakāmāśca tvadāyattāḥ purohita || 26 ||
[Analyze grammar]

idānīṃ tvaṃ puro yāhi mameṣṭaṃ sādhitaṃ bhavet |
śrutvā bāḍhaṃ vipra āha rājan drakṣyasi keśavam || 27 ||
[Analyze grammar]

yayā tvaṃ tattathā cāhaṃ kariṣyāmi tavārthakam |
tatra vayaṃ tataḥ sarve vatsyāmaḥ puruṣottame || 28 ||
[Analyze grammar]

sāphalyaṃ kimato loke paraṃ yaddharidarśanam |
tatra kṣetre bhagavataḥ sannidhiṃ rocate mama || 29 ||
[Analyze grammar]

prathamaṃ me'nujo yātu taddeśaṃ cārasaṃyutaḥ |
vidyāpatirjagannāthaṃ nīlādriṃ ca vaṭaṃ tathā || 158430 ||
[Analyze grammar]

bhūpradeśaṃ prasamīkṣya pramīya ca vasundharām |
samāyātu vijānan tatkṣetraṃ nārāyaṇāśrayam || 31 ||
[Analyze grammar]

śrutvaivaṃ cendrako rājā tathāstviti dideśa tam |
purohito'pyanujaṃ svaṃ kathayāmāsa tattathā || 32 ||
[Analyze grammar]

prasthāpayāmāsa taṃ ca kṛtasvastyayanaṃ dvijaiḥ |
vimāne puṣpake sthitvā provāca sahayāyinaḥ || 33 ||
[Analyze grammar]

aho naḥ saphalaṃ janma sukalyā śarvarī ca naḥ |
drakṣyāmo yadbhagavato mukhapadmaṃ pramokṣadam || 34 ||
[Analyze grammar]

yaṃ paśyanti hṛdi nityaṃ yoginaḥ pārameśvarāḥ |
taṃ nīlācalavāsaṃ śrīpatiṃ drakṣyāma eva ca || 35 ||
[Analyze grammar]

adṛśyaṃ saṃvilokyaiva tariṣyāmo bhavāmbudhim |
yatsmṛtiḥ pādarajakī drakṣyāmastaṃ janāyanam || 36 ||
[Analyze grammar]

sarūpamuktidaṃ nāthaṃ kariṣyāmo dṛśāṃcaram |
adyā'ho prākpuṇyapuñja utthito bhagavatpradaḥ || 37 ||
[Analyze grammar]

vayaṃ sarve carmadṛbhirlokayiṣyāmahe harim |
itthaṃ vadan yayau vyomnā dinārdhe puruṣottamam || 38 ||
[Analyze grammar]

oḍhradeśaṃ samudraṃ ca vaṭaṃ ca nīlaparvatam |
śaṃkhacakragadāpadmadhāriṇo dadṛśe janān || 39 ||
[Analyze grammar]

atyadbhutāṃ suvasatiṃ sākṣāttanubhṛto hareḥ |
atha nīlādrinikaṭe sthale divye'tiśobhite || 158440 ||
[Analyze grammar]

vimānaṃ svaṃ kṣitau tatrā'vatārayat samasthale |
upatyakāyāmārūḍho mukundālokanotsukaḥ || 41 ||
[Analyze grammar]

tatra śuśrāva bhagavadbhaktyālāpān girau muhuḥ |
abhiyātaśca vai tatra dadarśa śabarālayān || 46 ||
[Analyze grammar]

śabaradīpakaṃ cāpi viṣṇubhaktāṃśca cihnitān |
dṛṣṭvā praṇamya śirasā tasthau yāvat savidyakaḥ || 43 ||
[Analyze grammar]

tāvad viśvāvasurnāma śabaraḥ parameśvaram |
pūjayitvā samāyātastaṃ papraccha savidyakaḥ || 44 ||
[Analyze grammar]

atrāste bhagavān viṣṇurjagannātho mahāprabhuḥ |
tadarthaṃ cāgato dūrād darśanaṃ kārayātra me || 45 ||
[Analyze grammar]

indradyumnasya nṛpateravantīpuravāsinaḥ |
purohitā'nujaścā'haṃ vidyāpatyabhidhānakaḥ || 46 ||
[Analyze grammar]

preṣitastena rājñā'tra jijñāsunā yiyāsunā |
hariṃ didṛkṣuṇā mārgaṃ draṣṭuṃ prāṅanīlamādhavāt || 47 ||
[Analyze grammar]

dṛṣṭvā sarvāṃ narapatervārtāṃ neṣyāmi so'pyaham |
nirāhāro dhruvaṃ sādho tanmāṃ kṛṣṇaṃ pradarśaya || 48 ||
[Analyze grammar]

śrutvaivaṃ śabaraḥ so'pi prāk śrutāṃ saṃhitākathām |
sasmāra tatra yadrājā cendradyumno hi vaiṣṇavaḥ || 49 ||
[Analyze grammar]

samāgatyā'tra deveśaṃ caturdhā sthāpayiṣyati |
vājimedhasahasraṃ ca bhūmāvatra kariṣyati || 158450 ||
[Analyze grammar]

pṛthivyantargate līne mādhave nīlamādhave |
punā rājā tamāgatya dāravaṃ sthāpayiṣyati || 51 ||
[Analyze grammar]

so'yaṃ kālaḥ samāyāto gāthā satyā bhaved yadi |
nīlamaṇimayo nāthaścādṛśyatāṃ gamiṣyati || 52 ||
[Analyze grammar]

antardhānaṃ bhagavataḥ sannidhāne upasthitam |
tadenaṃ darśayāmyeva nīlendramaṇimacyutam || 53 ||
[Analyze grammar]

iti vicārya śabaro brāhmaṇaṃ prāha hṛdgatam |
asmābhiḥ śrīlakṣmīnārāyaṇasaṃhitā saṃśrutā || 54 ||
[Analyze grammar]

tatrodantaḥ samāyātaścendradyamno mahīpatiḥ |
jagannāthe mahākṣetre vāsaṃ naijaṃ kariṣyati || 55 ||
[Analyze grammar]

nīlapāṣāṇamūrteste darśanaṃ vipra jāyate |
bhāgyavāṃstvaṃ tataścendradyumnasyā'pekṣayā'tra vai || 56 ||
[Analyze grammar]

rājñastvasya nīlamaṇiprabhorna darśanaṃ bhavet |
cakṣurbhyāṃ paśya taṃ nīlamādhavaṃ nīlaśailagam || 57 ||
[Analyze grammar]

nīlamaṇivapuṣaṃ tamehi yāmo hyadhityakām |
ityuktvā taṃ kare dhṛtvā gahanena ca vartmanā || 58 ||
[Analyze grammar]

uparyuparyupāruhya śilākaṇṭakaśālini |
ekaikanaragamye ca durgame nirjane sthale || 59 ||
[Analyze grammar]

vṛkṣacchāyātamaḥprāye samānīya sa śābaraḥ |
darśayāmāsa rauhiṇaṃ kuṇḍaṃ tīrthaṃ supāvanam || 158460 ||
[Analyze grammar]

tasyā'tra pūrvabhāge'sau kalpachāyāvaṭo mahān |
etayorantare brahmannikuṃjābhyantare sthitam || 61 ||
[Analyze grammar]

paśya kṛṣṇaṃ jagannāthaṃ sākṣācchrīpuruṣottamam |
ityevaṃ darśayāmāsa nīlapāṣāṇakaṃ harim || 62 ||
[Analyze grammar]

sa tu viprastatra kuṇḍe snātvā sarvātmanā harim |
praṇamya dūrataścaikamanāstuṣṭāva cāntare || 63 ||
[Analyze grammar]

akṣarātītabhagavattakṛṣṇanārāyaṇaprabho |
mukteśajīvahṛdayaparātpara namo'stu te || 64 ||
[Analyze grammar]

sarvakarmasamārādhyayogasādhya namo'stu te |
premapāśaviṣayātmaṃstīrthātmaṃste namonamaḥ || 65 ||
[Analyze grammar]

namastejaḥsvarūpāya pāvanāya namonamaḥ |
hutāśanāya devāya hṛcchrayāya ca te namaḥ || 66 ||
[Analyze grammar]

mantrasthāya jīvanāya nirvāṇāya ca te namaḥ |
sarvānandapradātre te brahmeśāya namonamaḥ || 67 ||
[Analyze grammar]

māyine tattvine mūrtimate viśvāsasākṣiṇe |
jiṣṇave bahuśirase kamaleśāya te namaḥ || 68 ||
[Analyze grammar]

māmuddhara kṛpāsindho trāhi vāsanayā'nvitam |
indradyumnanṛpasyāpi kuru saṃkalpapūraṇam || 69 ||
[Analyze grammar]

iti vidyāpatiḥ stutvā omityevaṃ jajāpa ha |
tataḥ sa śabaraḥ prāha kṛtārthastvaṃ tu sāmpratam || 158470 ||
[Analyze grammar]

gṛhaṃ yāvaḥ kṣudhito'si vāso'raṇyena cocitaḥ |
hiṃsrāṇāṃ pādacāro'yaṃ pradeśo'sti bhayapradaḥ || 71 ||
[Analyze grammar]

ityuktvā śabaro naijaṃ gṛhaṃ nināya bhūsuram |
mārge'pi viṣame nā'sya śramo yat kṛṣṇadarśanam || 72 ||
[Analyze grammar]

śabaro bhojyapānādyairatiyiṃ samapūjayat |
uvāca kaccit tṛpto'si śābarairvastubhirdvija || 73 ||
[Analyze grammar]

tava pratoṣaṇādindradyumnastuṣṭo bhaviṣyati |
vipraḥ prāhā''ścaryametat tvadgṛhe divyavaibhavāḥ || 74 ||
[Analyze grammar]

rājyātivartinaścaite kuta ete vadātra mām |
śabaraḥ prāha devādyā nityamāyānti vai hareḥ || 75 ||
[Analyze grammar]

divyopacārānādāya pūjanāya jagatpateḥ |
stutvā samarcyā'rpayitvā nartayitvā prayānti ca || 76 ||
[Analyze grammar]

tānīmāni hi divyāni sarvopakaraṇāni vai |
tairvayaṃ kṣīṇarogāśca nivasāmo'rbudāyuṣaḥ || 77 ||
[Analyze grammar]

viṣṇuprasādabhogena pāpakṣayaṃ ca divyatām |
śrutvā''ścaryaparo vipraḥ kṛtārthaṃ svamamanyata || 78 ||
[Analyze grammar]

aho tvatraiva vastavyaṃ bhagavaccharaṇe sadā |
yādṛśo vipṇubhakto'yaṃ mayā bhāvyaṃ tathaiva ca || 79 ||
[Analyze grammar]

kiṃ gatvā svagṛhe me'sti vicāryetthaṃ jagāda tam |
kṛṣṇadāsye mayā vṛttyaṃ mayi te cedanugrahaḥ || 158480 ||
[Analyze grammar]

kimanyasevayā loke vidhāsye svāmisevanam |
yadi puṇyaṃ bhavetpaurvaṃ labhate svāmisevanam || 81 ||
[Analyze grammar]

sādhu mitra tvayā sārdhaṃ puṇyānme saṃgamo'sti yat |
sādhusaṃgena saṃsāraṃ tariṣye dustaraṃ viṣam || 82 ||
[Analyze grammar]

sārātsārataraṃ puṇyaṃ vaiṣṇavena sahāsanam |
śabarastu tadā prāha tathāstviti paraṃ śṛṇu || 83 ||
[Analyze grammar]

indradyumnaṃ samādāya vāsaṃ cātra kuru dvija |
nīlaśailakṛtā mūrtistāvatā layameṣyati || 84 ||
[Analyze grammar]

imāṃ prācīnamūrtiṃ ca naiva drakṣyati bhūpatiḥ |
hariracirādbālukāsvantardhānaṃ gamiṣyati || 85 ||
[Analyze grammar]

sa cāgatya nṛpo'dṛṣṭvā śrīpatiṃ puruṣottamam |
prāyopaveśanasthaśca svapne drakṣyati mādhavam || 86 ||
[Analyze grammar]

haryādeśād dārumayaṃ harermūrticatuṣṭayam |
vedhodvārā pratiṣṭhāpya pūjayiṣyati bhaktitaḥ || 87 ||
[Analyze grammar]

kārayiṣyati devasya prāsādaṃ gaganocchrayam |
āvayoḥ sthāsyati vaṃśo yāvanmūrtistu dāravī || 88 ||
[Analyze grammar]

nīlendrāśmamayaṃ smṛtvā snātvā sindhau tataḥ param |
indradyumnaṃ prayāhi tvaṃ samānayā'tra taṃ nṛpam || 89 ||
[Analyze grammar]

ityukto brāhmaṇaḥ snātvā natvā vimānamāsthitaḥ |
sāyaṃ jagāma cāvantīṃ nṛpaṃ dṛṣṭamavarṇayat || 158490 ||
[Analyze grammar]

jagannāthe tadā kṣetre vāyuścaṇḍagatirvavau |
sāyāhne'rcanavelāyāmabhitaḥ svarṇavālukāḥ || 91 ||
[Analyze grammar]

uḍḍīyante sma pavanāt tābhiśchannaḥ sa mādhavaḥ |
rauhiṇakuṇḍaśchanno'pi vālukāparvato'bhavat || 92 ||
[Analyze grammar]

devādyā vālukārāśiṃ dadṛśuste na mādhavam |
rauhiṇaṃ ca tathā kuṇḍaṃ na dadṛśuḥ kṣaṇāntare || 93 ||
[Analyze grammar]

sarve te prārthayāmāsuḥ svāparādhakṣamāṃ prati |
kathaṃ naḥ sevakāṃstyaktvā yugapannahi dṛśyase || 94 ||
[Analyze grammar]

yeṣāmarthe'tra dhṛtavān mūrtirūpaṃ kalevaram |
tānanāthān parityajya kathaṃ pṛthvyāṃ tirohitaḥ || 95 ||
[Analyze grammar]

na prāsādo na ca sthānaṃ na mārgo na bhavānapi |
na kuṇḍaṃ dṛśyate cātra kathaṃ kopastavedṛśaḥ || 96 ||
[Analyze grammar]

asmāṃścāpyatra pralaye vikarṣaya tvayā saha |
surāṇāṃ śocatāmevaṃ vyomavāṇī babhūva ha || 97 ||
[Analyze grammar]

bho surā mā praśocantu madicchā vilaye dhruvā |
tato me darśanaṃ līnaṃ parivartanamiṣyate || 98 ||
[Analyze grammar]

brahmā vadiṣyati sarvamavatārāntaraṃ mama |
śrutvā devā yayuḥ svargaṃ śabarāḥ śokamāpnuvan || 99 ||
[Analyze grammar]

nīlādrirvālukāvyāpto babhūva dṛśyate'bhitaḥ |
nīlamādhavavāñccheyaṃ yatastiro'bhavat svayam || 1584100 ||
[Analyze grammar]

amanyanta ca śabarā atha vidyāpatirdvijaḥ |
vimānenā'vantikāyāmindradyumnālayaṃ yayau || 101 ||
[Analyze grammar]

nirmālyamālāṃ nīlākhyamādhavasya dadau nṛpe |
rājā tutoṣa nirmālyamālāṃ śirasi dhārayan || 102 ||
[Analyze grammar]

mālātmakaṃ prapaśyāmi nīlamādhavamatra vai |
namāmi mālikāṃ divyāṃ bhaktamānasapūraṇīm || 103 ||
[Analyze grammar]

ityuktvā viprahastena mālāṃ kaṇṭhe hyadhārayat |
mālātmikāṃ śriyaṃ rājā tuṣṭāva pārameśvarīm || 104 ||
[Analyze grammar]

naya māṃ tvaṃ mahālakṣmi yatrāste bhagavān patiḥ |
ityuktvā nyaṣīdadrājā samāje'vantivāsinām || 105 ||
[Analyze grammar]

vipraḥ pṛṣṭo'tha vṛttāntaṃ puruṣottamakṣetrajam |
saprakāśaṃ hi sadasi varṇayāmāsa vistarāt || 106 ||
[Analyze grammar]

bhilladvīpā'valokaṃ ca samudrasnānamityapi |
nīlādrirohaṇaṃ nīlamādhavasyā'bhidarśanam || 107 ||
[Analyze grammar]

susnānaṃ rauhiṇe kuṇḍe divyavaṭasya darśanam |
śabarāṇāmāvasathān varṇayāmāsa sarvaśaḥ || 108 ||
[Analyze grammar]

nīlendramaṇimūrteśca varṇanaṃ ca yathātatham |
nīlendramaṇipāṣāṇamayī mūrtiḥ purātanī || 109 ||
[Analyze grammar]

āraseyī cākacakyamayī prapūjitā suraiḥ |
mālā tasyai cārpiteyaṃ surairmlāyati yā na hi || 1584110 ||
[Analyze grammar]

ricyate na ca gandhena seyaṃ tvatkaṇṭhagā nṛpa |
tatratyaṃ te varṇayiṣye pūjanādi pradivyakam || 111 ||
[Analyze grammar]

bhuktirmuktiśca vai rājan dve tatra yugapatsthite |
na jarārogaśokādiduḥkhaṃ tatra hi vidyate || 112 ||
[Analyze grammar]

iti śrīlakṣmīnārāyaṇīyasaṃhitāyāṃ prathame kṛtayugasantāne indradyumnasya sākṣācchrīpuruṣottamadarśanaṃ purohitabhrāturvidyāpaterjagannāthakṣetre preṣaṇam āgatya yathāvilokanatadvarṇanam jhanjhāvātena vālukāsu nīlamādhavalayaścetyādinirūpaṇanāmā caturaśītyadhikapañcaśatatamo'dhyāyaḥ || 584 ||
[Analyze grammar]