Chapter 457

śrīnārāyaṇa uvāca |
datrātreyasya sacchiṣyaḥ kārtavīryā'rjuno nṛpaḥ |
pativratayā tatpatnyā manoramākhyayā muhuḥ || 1 ||
[Analyze grammar]

rakṣito'pi bodhito'pi na mene svapriyāvacaḥ |
anādṛtya gato yuddhe jāmadagnyasya sannidhau || 2 ||
[Analyze grammar]

tadā dehaḥ parityakto manoramākhyayoṣitā |
tato mṛtaḥ kārtavīryaḥ śṛṇu lakṣmi kathāṃ tu tām || 3 ||
[Analyze grammar]

māhiṣmatyā nagaryāḥ sa rājā'bhūdarjuno mahān |
ekadā kārtavīryaḥ sa jagāma mṛgayāṃ vane || 4 ||
[Analyze grammar]

rātrau bubhukṣitaḥ śrānto jamadagnyāśramaṃ yayau |
kāmadhenupratāpena sasainyo bhojito nṛpaḥ || 5 ||
[Analyze grammar]

jamadagniṃ mārayitvā kāmadhenuṃ jahāra saḥ |
yayāvanu satī vahnau praviśya reṇukā patim || 6 ||
[Analyze grammar]

parśurāmaḥ krodhamāptaḥ pratijñāṃ pracakāra ha |
triḥsaptakṛtvo nirbhūpāṃ kariṣyāmi mahīmimām || 7 ||
[Analyze grammar]

brāhmaṇebhyo dhanaṃ datvā brahmalokaṃ jagāma ha |
pratijñāṃ kathayāmāsa brahmaṇe'tha tamāha saḥ || 8 ||
[Analyze grammar]

śivalokaṃ gaccha vatsa śaṃkaraṃ śaraṇaṃ vraja |
śrīkṛṣṇamantrakavacagrahaṇaṃ kuru śaṃkarāt || 9 ||
[Analyze grammar]

durlabhaṃ vaiṣṇavaṃ tejaḥ śaivaṃ śāktaṃ vijeṣyati |
śrutvā natvā vedhasaṃ saḥ śivalokaṃ jagāma ha || 10 ||
[Analyze grammar]

nanāma mūrdhnā śaṃbhuṃ sa vṛttāntaṃ samuvāca tam |
prasannaḥ śaṃkarastasmai dadau śrīkṛṣṇasanmanum || 11 ||
[Analyze grammar]

trailokyavijayaṃ varma tathā stotraṃ hareḥ śubham |
trailokyavijayasyā'sya kavacasya prajāpatiḥ || 12 ||
[Analyze grammar]

ṛṣiśchandaśca gāyatrī devo rāseśvaraḥ prabhuḥ |
trailokyavijayaprāptau viniyogaḥ sadā mataḥ || 13 ||
[Analyze grammar]

praṇavo me śiraḥ pātu śrīkṛṣṇāya namaḥ sadā |
pāyāt kapālaṃ kṛṣṇāya svāhā pañcākṣarātmakaḥ || 14 ||
[Analyze grammar]

kṛṣṇeti pātu netre ca kṛṣṇaḥ svāheti tārakam |
haraye nama ityevaṃ bhrūlatāṃ pātu me sadā || 15 ||
[Analyze grammar]

oṃ govindāya svāheti nāsikāṃ pātu sarvadā |
gopālāya namo gaṇḍau pātu me sarvataḥ prabho || 16 ||
[Analyze grammar]

oṃ namo gopāṃganeśāya karṇau pātu sadā mama |
oṃ kṛṣṇāya namaḥ śaśvatpātu me'dharayugmakam || 17 ||
[Analyze grammar]

oṃ govindāya svāheti dantaughaṃ me sadā'vatu |
pātu kṛṣṇāya dantā'dho dantordhvaṃ klīṃ sadā'vatu || 18 ||
[Analyze grammar]

oṃ śrīkṛṣṇāya svāheti jihvikāṃ pātu me sadā |
rāseśvarāya svāheti tālukaṃ pātu me sadā || 19 ||
[Analyze grammar]

rādhikeśāya svāheti kaṇṭhaṃ pātu sadā mama |
namo gopāṃganeśāya vakṣaḥ pātu sadā mama || 20 ||
[Analyze grammar]

oṃ gopeśāya svāheti skandhaṃ pātu sadā mama |
namaḥ kiśoraveśāya svāhā pṛṣṭhaṃ sadā'vatu || 21 ||
[Analyze grammar]

udaraṃ pātu me nityaṃ mukundāya namaḥ sadā |
auṃ hrīṃ klīṃ kṛṣṇāya svāhā karau pātu sadā mama || 22 ||
[Analyze grammar]

oṃ viṣṇave namo bāhuyugmaṃ pātu sadā mama |
oṃ hīṃ bhagavate svāhā nakharaṃ pātu me sadā || 23 ||
[Analyze grammar]

oṃ namo nārāyaṇāya nakharandhraṃ sadā'vatu |
auṃ hrīṃ hrīṃ padmanābhāya nābhiṃ pātu sadā mama || 24 ||
[Analyze grammar]

oṃ sarveśāya svāheti kakālaṃ pātu me sadā |
oṃ gopīramaṇāya svāhā nitambaṃ pātu me sadā || 25 ||
[Analyze grammar]

oṃ gopīramaṇanāthāya pādau sadā'vatu mama |
oṃ hīṃ klīṃ rasikeśāya svāhā sarvaṃ sadā'vatu || 26 ||
[Analyze grammar]

oṃ keśavāya svāheti mama keśān sadā'vatu |
namaḥ kṛṣṇāya svāheti brahmarandhraṃ sadā'vatu || 27 ||
[Analyze grammar]

oṃ mādhavāya svāheti me lomāni sadā'vatu |
oṃ hrīṃ śrīṃ ralikeśāya svāhā sarvaṃ sadā'vatu || 28 ||
[Analyze grammar]

paripūrṇatamaḥ kṛṣṇaḥ prācyāṃ māṃ sarvadā'vatu |
svayaṃ golokanātho māmāgneyyāṃ diśi rakṣatu || 29 ||
[Analyze grammar]

pūrṇabrahmasvarūpaśca dakṣiṇe māṃ sadā'vatu |
nairṛtyāṃ pātu māṃ kṛṣṇaḥ paścime pātu māṃ hariḥ || 30 ||
[Analyze grammar]

govindaḥ pātu māṃ śaśvad vāyavyāṃ diśi nityaśaḥ |
uttare māṃ sadā pātu rasikānāṃ śiromaṇiḥ || 31 ||
[Analyze grammar]

aiśānyāṃ māṃ sadā pātu vṛndāvanavihārakṛt |
vṛndāvanīprāṇanāthaḥ pātu māmūrdhvadeśataḥ || 32 ||
[Analyze grammar]

sadaiva mādhavaḥ pātu balihārī balādhikaḥ |
jale sthale cāntarikṣe nṛsiṃhaḥ pātu māṃ sadā || 33 ||
[Analyze grammar]

svapne jāgaraṇe śaśvat pātu māṃ mādhavaḥ sadā |
sarvātmā śrīkṛṣṇanārāyaṇo māṃ pātu sarvataḥ || 34 ||
[Analyze grammar]

iti trailokyavijayaṃ varmoktaṃ te mahā'dbhutam |
kaṇṭhe vā dakṣiṇe bāhau dhāraṇād vijayaḥ sadā || 35 ||
[Analyze grammar]

sa bhavet siddhakavaco daśalakṣaṃ japettu yaḥ |
daśāṃśahomaḥ kartavyo yatheṣṭasiddhimicchatā || 36 ||
[Analyze grammar]

oṃ śrī namaḥ śrīkṛṣṇāya paripūrṇatamāya svāhā |
siddhaḥ syāt pañcalakṣaistu mantraḥ saptadaśākṣaraḥ || 37 ||
[Analyze grammar]

atha stotraṃ śṛṇu divyaṃ sadyastuṣṭikaraṃ param |
divyaṃ śrīśrīkṛṣṇanārāyaṇasya vedhasoditam || 38 ||
[Analyze grammar]

sūkṣmatamaṃ cākṣareśaṃ nirguṇaṃ saguṇaṃ harim |
nirākāraṃ ca sākāraṃ śrīkṛṣṇaṃ praṇamāmyaham || 39 ||
[Analyze grammar]

sarvādhāraṃ svatantraṃ ca kamanīyaṃ vibhuṃ harim |
sākṣiṇaṃ karmaphaladaṃ śrīkṛṣṇaṃ praṇamāmyaham || 40 ||
[Analyze grammar]

jagajjanmādikartāraṃ saccidānandamarthagam |
strīpuṃnapuṃsakātmānaṃ śrīkṛṣṇaṃ praṇamāmyaham || 41 ||
[Analyze grammar]

tārakaṃ dhārakaṃ sarvakāraṇānāṃ tu kāraṇam |
bījaṃ vipraṃ raviṃ candraṃ śrīkṛṣṇaṃ praṇamāmyaham || 42 ||
[Analyze grammar]

śaṃkaraṃ śeṣarūpaṃ ca brahmāṇaṃ kapilaṃ munim |
sanatkumāraṃ rādheśaṃ śrīkṛṣṇaṃ praṇamāmyaham || 43 ||
[Analyze grammar]

viṣṇuṃ devīṃ manuṃ bhaktaṃ vasantaṃ mārgaśīrṣakam |
ekādaśīṃ sāgaraṃ ca śrīkṛṣṇaṃ praṇamāmyaham || 44 ||
[Analyze grammar]

himālayaṃ kṣitiṃ vṛndāṃ candanaṃ kalpapādapam |
dhānyaṃ ca pārijātaṃ ca śrīkṛṣṇaṃ praṇamāmyaham || 45 ||
[Analyze grammar]

airāvataṃ vainateyaṃ kāmadhenuṃ tathāmṛtam |
suvarṇaṃ ca yavaṃ siṃhaṃ śrīkṛṣṇaṃ praṇamāmyaham || 46 ||
[Analyze grammar]

bṛhaspatiṃ kuberaṃ ca vedamindraṃ sarasvatīm |
akāraṃ jāhnavīṃ manaḥ śrīkṛṣṇaṃ praṇamāmyaham || 47 ||
[Analyze grammar]

sudarśanaṃ brahmatejaḥ kāntaṃ kālaṃ balaṃ gurum |
mātaraṃ viśvakarmāṇaṃ śrīkṛṣṇaṃ praṇamāmyaham || 8 ||
[Analyze grammar]

pativratāṃ pitaraṃ ca śālagrāmaṃ sutaṃ nṛpam |
sāmavedaṃ vṛṣaṃ śaityaṃ śrīkṛṣṇaṃ praṇamāmyaham || 49 ||
[Analyze grammar]

gandhaṃ śabdaṃ rājasūyaṃ gāyatrīṃ pāvakaṃ payaḥ |
sucitrasthaṃ stutiṃ darbhaṃ śrīkṛṣṇaṃ praṇamāmyaham || 50 ||
[Analyze grammar]

śāntiṃ vibhuṃ matiṃ citraṃ śyāmalaṃ gopikāpatim |
divyabhūṣādharaṃ kāntaṃ śrīkṛṣṇaṃ praṇamāmyaham || 51 ||
[Analyze grammar]

vihāriṇaṃ ca rasikaṃ rādhākāntaṃ manoharam |
lakṣmīśaṃ śrīkṛṣṇanārāyaṇaṃ nityaṃ namāmyaham || 52 ||
[Analyze grammar]

iti stotreṇa trailokye sarvadā vijayo bhavet |
gaccha sādhaya saṃkuru pratijñāntaṃ jayastava || 53 ||
[Analyze grammar]

rāmo gatvā puṣkare saṃsādhya yuddhāya nirgataḥ |
dadarśa maṃgalānyeva śuśrāva jayasūcakam || 54 ||
[Analyze grammar]

hariśabdaṃ siṃhaśabdaṃ ghaṇṭādundubhivādanam |
ākāśīyasvaragītiṃ jayaste bhaviteti vai || 55 ||
[Analyze grammar]

naveṅgitaṃ ca kalyāṇaṃ meghaśabdaṃ jayāvaham |
dadarśa purato viprabandidaivajñabhikṣukān || 56 ||
[Analyze grammar]

puro dadarśa dīpaṃ ca patiputravatīṃ satīm |
śivaṃ śivāṃ pūrṇakuṃbhaṃ cāpaṃ ca nakulaṃ tathā || 57 ||
[Analyze grammar]

kṛṣṇamṛgaṃ gajaṃ siṃhaṃ turagaṃ gaṇḍakaṃ dvipam |
camarīṃ rājahaṃsaṃ ca cakravākaṃ śukaṃ pikam || 58 ||
[Analyze grammar]

mayūraṃ khañjanaṃ śaṃkhacillaṃ tathā cakorakam |
pārāvataṃ balākaṃ ca kāraṇḍaṃ cātakaṃ caṭam || 59 ||
[Analyze grammar]

saudāminīṃ śakracāpaṃ sūryaṃ sūryaprabhāṃ śubhām |
sadyomāṃsaṃ sajīvaṃ ca matsyaṃ śaṃkhaṃ suvarṇakam || 60 ||
[Analyze grammar]

māṇikyaṃ rajataṃ muktāṃ maṇīndraṃ ca pravālakam |
dadhi lājān śukladhānyaṃ śuklapuṣpaṃ ca kuṃkumam || 61 ||
[Analyze grammar]

parṇaṃ patākāṃ chatraṃ ca darpaṇaṃ śvetacāmaram |
dhenuṃ vatsayutāṃ nṛpaṃ rathasthaṃ hetisaṃyutam || 62 ||
[Analyze grammar]

dugdhamājyaṃ ca pūgaṃ cāmṛtaṃ ca pāyasaṃ śubham |
śālagrāmaṃ phalaṃ pakvaṃ svastikaṃ śarkarāṃ madhu || 63 ||
[Analyze grammar]

mārjāraṃ ca vṛṣaṃ śvetaṃ meṣaṃ parvatamūṣikam |
meghācchannasya ca raverudayaṃ candramaṇḍalam || 64 ||
[Analyze grammar]

kastūrīṃ vyajanaṃ toyaṃ haridrāṃ tīrthamṛttikām |
siddhārthaṃ sarṣapaṃ dūrvāṃ viprabālaṃ ca kanyakām || 65 ||
[Analyze grammar]

mṛgaṃ veśyāṃ ṣaṭpadaṃ ca karpūraṃ pītavāsasam |
gomūtraṃ gopurīṣaṃ ca godhūliṃ gopadā'ṅkitam || 66 ||
[Analyze grammar]

goṣṭhaṃ gavāṃ vartma ramyāṃ gośālāṃ gogatiṃ tathā |
bhūṣaṇaṃ devamūrtiṃ ca jvaladagniṃ mahotsavam || 67 ||
[Analyze grammar]

tāmraṃ ca sphaṭikaṃ vandyaṃ sindūraṃ mālyacandanam |
gandhaṃ ca hīrakaṃ ratnaṃ dadarśa dakṣiṇe muniḥ || 68 ||
[Analyze grammar]

sugandhipavanā''ghrāṇaṃ prāpya viprāśiṣaḥ śubhāḥ |
kārtavīryā'rjunā'bhyāśe yayau śrīnarmadātaṭam || 69 ||
[Analyze grammar]

tatrā'kṣayavaṭā'dhastād rātrau nidrāṃ jagāma ha |
niśātīte dadarśāyaṃ svapnāni vividhāni ca || 70 ||
[Analyze grammar]

na cintitaṃ yanmanasā vāyupittakaphaṃ vinā |
gajāśvaśailaprāsādagovṛkṣaphaliteṣu ca || 71 ||
[Analyze grammar]

āruhyamāṇamātmānaṃ rudantaṃ kṛmibhakṣitam |
āruhyamāṇamātmānaṃ naukāyāṃ candanokṣitam || 72 ||
[Analyze grammar]

puṣpamālāṃ dhṛtavantaṃ pītavastraiḥ suśobhitam |
viṇmūtrokṣitasarvāṃgaṃ vasāpūyasamanvitam || 73 ||
[Analyze grammar]

vīṇāṃ varāṃ vādayantamātmānaṃ sa dadarśa ha |
vistīrṇapadmapatrāḍhyaṃ svaṃ dadarśa sarittaṭe || 74 ||
[Analyze grammar]

dadhyājyamadhusaṃyuktaṃ bhuktavantaṃ ca pāyasam |
bhuktavantaṃ ca tāmbūlaṃ labhantaṃ vrāhmaṇāśiṣam || 75 ||
[Analyze grammar]

phalapuṣpapradīpaṃ ca paśyantaṃ svaṃ dadarśa ha |
paripakvaphalaṃ kṣīramuṣṇānnaṃ śarkarānvitam || 76 ||
[Analyze grammar]

svastikaṃ bhuktavantaṃ ca miṣṭānnaṃ śvetacūrṇajam |
śarkarāyugvāripānaṃ kurvantaṃ svaṃ dadarśa saḥ || 77 ||
[Analyze grammar]

jalaukasā vṛścikena mīnena bhujagena ca |
bhakṣitaṃ bhītamātmānaṃ palāyantaṃ dadarśa saḥ || 78 ||
[Analyze grammar]

tato dadarśa cātmānaṃ maṇḍale śaśisūryayoḥ |
patiputravatīṃ nārīṃ dadarśa sasmitāṃ tataḥ || 79 ||
[Analyze grammar]

suveṣayā kanyayā sasmitena ca dvijena ca |
dadarśa śliṣṭamātmānaṃ tuṣṭena parituṣṭayā || 80 ||
[Analyze grammar]

phalitaṃ puṣpitaṃ vṛkṣaṃ devatāpratimāṃ nṛpam |
gajasthaṃ ca rathasthaṃ ca paśyantaṃ svaṃ dadarśa saḥ || 81 ||
[Analyze grammar]

pītavastraparīdhānāṃ ratnālaṃkārabhūṣitām |
viśantīṃ brāhmaṇīṃ gehaṃ paśyantaṃ svaṃ dadarśa saḥ || 82 ||
[Analyze grammar]

śaṃkhaṃ ca sphaṭikaṃ śvetamālāṃ muktāṃ ca candanam |
suvarṇaṃ rajataṃ ratnaṃ paśyantaṃ svaṃ dadarśa saḥ || 83 ||
[Analyze grammar]

gajaṃ vṛṣaṃ ca sarpaṃ ca śvetaṃ ca śvetacāmaram |
nīlotpalaṃ darpaṇaṃ ca parśurāmo dadarśa ha || 84 ||
[Analyze grammar]

rathasthaṃ navaratnāḍhyaṃ mālatīmālyabhūṣitam |
ratnasiṃhāsanasthaṃ svaṃ rāmaḥ svapne dadarśa ha || 85 ||
[Analyze grammar]

padmaśreṇīṃ padmakuṃbhaṃ dadhi lājān ghṛtaṃ madhu |
parṇacchatraṃ chatriṇaṃ ca rāmaḥ svapne dadarśa ha || 86 ||
[Analyze grammar]

bakapaṃktiṃ haṃsapaṃktiṃ kanyāpaṃktiṃ vratānvitām |
pūjayantī ghaṭaṃ śubhraṃ rāmaḥ svapne dadarśa ha || 87 ||
[Analyze grammar]

maṇḍapasthaṃ dvijagaṇaṃ pūjayantaṃ haraṃ harim |
jayo'stvityuktavantaṃ taṃ rāmaḥ svapne dadarśa ha || 88 ||
[Analyze grammar]

sudhāvṛṣṭiṃ parṇavṛṣṭiṃ phalavṛṣṭiṃ gavāgamam |
puṣpacandanavṛṣṭiṃ ca rāmaḥ svapne dadarśa ha || 89 ||
[Analyze grammar]

sadyomāṃsaṃ jīvamatsyaṃ mayūraṃ śvetakhañjanam |
sarovaraṃ ca tīrthāni rāmaḥ svapne dadarśa ha || 90 ||
[Analyze grammar]

pārāvataṃ śukaṃ cāpaṃ śaṃkhaṃ cillaṃ ca cātakam |
vyāghraṃ siṃhaṃ ca surabhīṃ rāmaḥ svapne dadarśa ha || 91 ||
[Analyze grammar]

gorocanāṃ haridrāṃ ca śukladhānyacayaṃ śubham |
jvaladagniṃ tathā dūrvāṃ rāmaḥ svapne dadarśa ha || 92 ||
[Analyze grammar]

devālayasamūhaṃ ca śivaliṃgaṃ ca pūjitam |
arcitāṃ mṛnmayīṃ śaivāṃ rāmaḥ svapne dadarśa ha || 93 ||
[Analyze grammar]

yavagodhūmacūrṇānāṃ bhakṣyāṇi vividhāni ca |
bhuktavantaṃ muhuḥ svaṃ ca rāmaḥ svapne dadarśa ha || 94 ||
[Analyze grammar]

divyavastravibhūṣāḍhyā nārīḥ svapne sa bhuktavān |
agamyāgamanaṃ svapne cakāra paraśupradhiḥ || 95 ||
[Analyze grammar]

dadarśa nartakīṃ veśyāṃ rudhiraṃ ca surāṃ papau |
rudhirokṣitasarvāṃgaṃ svātmānaṃ sa dadarśa ha || 96 ||
[Analyze grammar]

pakṣiṇāṃ pītavarṇānāṃ mānuṣāṇāṃ ca padmaje |
māṃsāni bubhuje rāmo hṛṣṭaḥ svapne'ruṇodaye || 97 ||
[Analyze grammar]

akasmānnigaḍairbaddhaṃ kṣataṃ śastreṇa svaṃ punaḥ |
dṛṣṭvaivaṃ bubughe prātaḥ samuttasthau hariṃ smaran || 98 ||
[Analyze grammar]

manasā bubudhe sarvaṃ vijeṣyāmi ripūn dhruvam |
kārtavīryārjuno rātrāvaniṣṭāni dadarśa ha || 99 ||
[Analyze grammar]

tailā'bhyaṃgitamātmānaṃ dadarśa gardabhopari |
auḍhapuṣpasya mālyaṃ ca bibhrataṃ raktacandanam || 100 ||
[Analyze grammar]

raktavastraparīdhānaṃ lohālaṃkārabhūṣitam |
krīḍantaṃ ca hasantaṃ ca nirvāṇāṃgārarāśinā || 101 ||
[Analyze grammar]

bhasmacchannāṃ ca pṛthivīṃ jayāpuṣpānvitāṃ bhuvam |
rahitaṃ candrasūryābhyāṃ raktasandhyānvitaṃ nabhaḥ || 102 ||
[Analyze grammar]

muktakeśāṃ ca nṛtyantīṃ vidhavāṃ chinnanāsikām |
raktavastraparīdhānāṃ dadarśa cāṭṭahāsinīm || 103 ||
[Analyze grammar]

saśarāmagnirahitāṃ citāṃ bhasmasamanvitām |
bhasmavṛṣṭimasṛgvṛṣṭimagnivṛṣṭiṃ dadarśa saḥ || 104 ||
[Analyze grammar]

pakvatālaphalākīrṇāṃ pṛthivīmasthisaṃbhṛtām |
karparaughaṃ dadarśā'pi chinnakeśanakhānvitām || 105 ||
[Analyze grammar]

parvatāṃ lavaṇānāṃ ca rāśībhūtaṃ kapardakam |
cūrṇānāṃ caiva tailānāṃ dadarśa kandaraṃ niśi || 106 ||
[Analyze grammar]

dadarśa puṣpitaṃ vṛkṣamaśokakaravīrayoḥ |
tālavṛkṣaṃ ca phalitaṃ dadarśa saḥ patatphalam || 107 ||
[Analyze grammar]

svakarātpūrṇakalaśaḥ papāta ca babhañja ca |
dadarśā'pi ca gaganāt sampatatsūryamaṇḍalam || 108 ||
[Analyze grammar]

evaṃ dadarśa gaganāt sampataccandramaṇḍalam |
ulkāpātaṃ dhūmaketuṃ grahaṇaṃ candrasūryayoḥ || 109 ||
[Analyze grammar]

vikṛtākārapuruṣaṃ vikaṭāsyaṃ digambaram |
āgacchantaṃ tvagratastaṃ svapne dadarśa cārjunaḥ || 110 ||
[Analyze grammar]

bālā dvādaśavarṣīyā vastrabhūṣaṇabhūṣitā |
saṃruṣṭā yāti svagehādevaṃ svapne dadarśa saḥ || 111 ||
[Analyze grammar]

manoramā nijapatnī yācate kānanaṃ prati |
gamanāyaikalā ceti svapne dadarśa cārjunaḥ || 112 ||
[Analyze grammar]

ruṣṭo vipro māṃ śapate sanyāsī ca yatirguruḥ |
bhittau puttalikāścitrā nṛtyantīśca dadarśa saḥ || 113 ||
[Analyze grammar]

gṛdhraiḥ kākairmahiṣaiśca pīḍitaṃ svaṃ dadarśa saḥ |
pīḍitaṃ tailayantreṇa bhrāmitaṃ tailakāriṇā || 114 ||
[Analyze grammar]

dhṛtaṃ nagnaiḥ pāśahastairātmānaṃ sa dadarśa ha |
nṛtyanti gāyakāḥ sarve gānaṃ gāyanti me gṛhe || 115 ||
[Analyze grammar]

vivāhaṃ paramānandaṃ ramato lokanāyakān |
keśākeśi kurvataścā'rjuno dadarśa vai niśi || 116 ||
[Analyze grammar]

dadarśa samaraṃ rātrau kākānāṃ ca śunāṃ tathā |
moṭakāni ca piṇḍāni śmaśānaṃ śavasaṃyutam || 117 ||
[Analyze grammar]

raktavastraṃ śuklavastraṃ dadarśa cārjuno niśi |
kṛṣṇāmbarā kṛṣṇavarṇā vivastrā muktamūrdhajā || 118 ||
[Analyze grammar]

vidhavā''śliṣyati svaṃ tat svapne'rjuno dadarśa ha |
nāpito muṇḍate muṇḍaṃ śmaśruśreṇīṃ ca vakṣasam || 119 ||
[Analyze grammar]

nakhairvidāritaṃ vakṣaḥ svapne'rjuno dadarśa ha |
pādukāścarmarajjūnāṃ rāśiṃ svapne dadarśa saḥ || 120 ||
[Analyze grammar]

cakraṃ bhramantaṃ bhūmau ca kulālasya dadarśa saḥ |
vātyayā ghūrṇamānaṃ ca śuṣkavṛkṣaṃ samutthitam || 121 ||
[Analyze grammar]

pūrṇamānaṃ kabandhaṃ ca svapne'rjuno dadarśa ha |
grathitāṃ muṇḍamālāṃ ca cūrṇyamānā tu vātyayā || 122 ||
[Analyze grammar]

atīva ghoradaśanān bhūtapretān bhayaṃkarān |
hutāśanaṃ vamataśca svapne'rjuno dadarśa ha || 123 ||
[Analyze grammar]

dagdhajīvaṃ dagdhavṛkṣaṃ vyādhigrastaṃ naraṃ param |
aṃgahīnaṃ ca vṛṣalaṃ svapne'rjuno dadarśa ha || 124 ||
[Analyze grammar]

kuhaparvatavṛkṣāṇāṃ sahasā patanaṃ tathā |
muhurmuhurvajrapātaṃ svapne'rjuno dadarśa ha || 125 ||
[Analyze grammar]

kukkurāṇāṃ śṛgālānāṃ muhuḥ śuśrāva rodanam |
adhaḥśīrṣamūrdhvapādaṃ muktakeśaṃ digambaram || 126 ||
[Analyze grammar]

bhūmau bhramantaṃ gacchantaṃ dadarśa cārjuno niśi |
vikṛtadhvaniśandaṃ ca grāmāgre devarodanam || 127 ||
[Analyze grammar]

śrutvā prātarjajāgāra kārtavīryā'rjuno nṛpaḥ |
kṣuvaṃśca śayanād yātaḥ praskhalan svapativratām || 128 ||
[Analyze grammar]

manoramāṃ niśi dṛṣṭaduṣṭasvapnātiduḥkhitām |
satī sādhvī priyā nāthaṃ patiṃ dṛṣṭvā pativratā || 129 ||
[Analyze grammar]

siṣeve tvantimāṃ sevāṃ kroḍe kṛtvā patiṃ svakam |
śataputrādhikaḥ premṇā satīnāṃ vai patiryataḥ || 130 ||
[Analyze grammar]

kintu duṣṭāpaśakunairjñātvā bhāvivināśanam |
patirme śrīkṛṣṇanārāyaṇāṃśena dvijena vai || 131 ||
[Analyze grammar]

yoddhuṃ yāti ca vijñāya prāṇān sarvān niruddhya sā |
ṣaṭacakrāṇi bhedayitvā brahmarandhraṃ jagāma sā || 132 ||
[Analyze grammar]

tvaritaṃ divyarūpā sā satīlokaṃ tu prāg yayau |
athā'rjuno yayau yoddhuṃ dadarśā'maṃgalāni saḥ || 133 ||
[Analyze grammar]

satī divyaśarīreṇa svāminā saha saṅgaram |
rathamāruhya pārśvasthā'dṛśyā sahacarī yayau || 134 ||
[Analyze grammar]

dadarśa dvāri vidhavāṃ chinnanāsāṃ kurūpiṇīm |
arjunaḥ kṛṣṇavastrāḍhyāṃ rudatīṃ muṇḍinīṃ khalām || 135 ||
[Analyze grammar]

mukhaduṣṭāṃ yoniduṣṭāṃ vyādhiyuktāṃ ca kuṭṭinīm |
patiputravihīnāṃ cā'parāṃ dadarśa puṃścalīm || 136 ||
[Analyze grammar]

kuṃbhakāraṃ tailakāraṃ vyādhaṃ sarpopajīvinam |
kucailamatirūkṣāṃgaṃ nagnaṃ kāṣāyavāsasam || 137 ||
[Analyze grammar]

citādagdhaṃ śavaṃ bhasma nirvāṇāṃgāramityapi |
vasāvikrayiṇaṃ cāpi kanyāvikrayiṇaṃ tathā || 138 ||
[Analyze grammar]

sarpakṣataṃ naraṃ sarpaṃ godhāṃ ca śaśakaṃ viṣam |
śrāddhapākaṃ ca piṇḍaṃ ca moṭakaṃ ca tilāṃstathā || 139 ||
[Analyze grammar]

śūdrānnabhojakaṃ vipraṃ devalaṃ grāmayājakam |
kuśaputtalikāṃ caiva śavadāhanakāriṇam || 140 ||
[Analyze grammar]

śūnyakuṃbhaṃ bhagnakuṃbhaṃ tailaṃ lavaṇamasthi ca |
kārpāsaṃ kacchapaṃ cūrṇaṃ kukkuraṃ śabdakāriṇam || 141 ||
[Analyze grammar]

dakṣiṇe tu śṛgālaṃ ca kurvantaṃ bhairavaṃ ravam |
kapardakaṃ ca kṣauraṃ ca chinnakeśaṃ nakhaṃ malam || 142 ||
[Analyze grammar]

kalahaṃ ca vilāpaṃ ca tathā kleśakaraṃ janam |
amaṃgalaṃ rudantaṃ ca rudantaṃ śokinaṃ janam || 143 ||
[Analyze grammar]

mithyāsākṣyapradātāraṃ cauraṃ ca naraghātinam |
puṃścalīpatiputrau ca puṃścalyodanabhakṣakam || 144 ||
[Analyze grammar]

devatāguruviprāṇāṃ vastuvittāpahārakam |
dattāpahāriṇaṃ dasyuṃ hiṃsakaṃ sūcakaṃ khalam || 145 ||
[Analyze grammar]

pitṛmātṛviraktaṃ ca dvijā'śvatthavighātinam |
satyaghnaṃ ca kṛtaghnaṃ ca kṣataṃ viśvāsaghātinam || 146 ||
[Analyze grammar]

gurudevadvijānāṃ ca nindakaṃ svāgahīnakam |
napuṃsakaṃ kuṣṭhinaṃ ca kāṇaṃ badhiramityapi || 147 ||
[Analyze grammar]

pulkasa chinnaliṃgaṃ ca khalvāṭaṃ śmaśruhīnakam |
surāmattaṃ surāṃ raṇḍāmuṣṭera mahiṣagardabha || 148 ||
[Analyze grammar]

kṣiptaṃ vamantaṃ rudhiraṃ lūkaṃ kākaṃ dadarśa saḥ |
mūtraṃ purīṣaṃ śleṣmāṇaṃ rūkṣiṇaṃ nṛkapālakam || 149 ||
[Analyze grammar]

caṇḍavātaṃ raktavṛṣṭiṃ kuvādyaṃ vṛkṣapātanam |
vṛkaṃ ca sūkara gṛdhraṃ śyenaṃ kaṃkaṃ ca bhallukam || 150 ||
[Analyze grammar]

nigaḍaṃ śuṣkakāṣṭhaṃ ca vāyasaṃ gandhakaṃ tathā |
abhicāropajīvaṃ kuvaidya tuṣaṃ tathauṣadham || 151 ||
[Analyze grammar]

raktapuṣpaṃ mṛtavārtā vipraśāpaṃ kṣuvaṃ tathā |
yaṣṭimukuṭapatanaṃ kārtavīryo dadarśa ha || 152 ||
[Analyze grammar]

vāmāṃgaspandanaṃ dehajāḍya rathāśvapaścanam |
rathacakrakrūrarāvo hṛdi trāsaśca jajñire || 153 ||
[Analyze grammar]

tathāpi rājā niḥśaṃkaḥ praviveśa raṇājiram |
praṇamya paraśurāmaṃ brāhmaṇebhyo dadau dhanam || 154 ||
[Analyze grammar]

raṇatūryāṇyavādyanta sannāho'bhūcca sainyayoḥ |
parśurāmo'rjunamāha nyāyyaṃ yat sarvaśpṛṇvatām || 155 ||
[Analyze grammar]

itiśrīlakṣmīnārāyaṇīyasaṃhitāyāṃ prathame kṛtayugasantāne kāmadhenuharaṇamiṣegā jamadagnināśaḥ reṇukāyāḥ satītvaṃ parśurāmasya śakarāt śrīkṛṣṇamantrakavacastotralābhaḥ svapne jāgaraṇe parśurāmasya śakunāni sahasrārjunasyā'paśakunāni pativratāyāḥ manoramāyāḥ pātivratyena satītvaṃ raṇāgamaścetyādinirūpaṇanāmā saptapañcāśadadhikacatuśśata tamo'dhyāyaḥ || 457 ||
[Analyze grammar]