Chapter 458

śrīnārāyaṇa uvāca |
śṛṇu lakṣmi mādhavāṃśaḥ parśurāma uvāca tam |
kārtavīrya raṇamadhye dharmabhṛtaṃ vaco yathā || 1 ||
[Analyze grammar]

śṛṇu rājendra dharmiṣṭha candravaṃśasamudbhava |
viṣṇoraṃśasya śiṣyastvaṃ dattātreyasya dhīmataḥ || 2 ||
[Analyze grammar]

kathe durbuddhimāptastvamahano vṛddhabhūsuram |
brāhmaṇī śokasantaptā bhartrā sārdhe gatā satī || 3 ||
[Analyze grammar]

kiṃ bhaviṣyati te bhūpa paratraivā'nayorvadhāt |
kva gatā kapilā sā te kīdṛk kūlaṃ bhaviṣyati || 4 ||
[Analyze grammar]

yat kṛtaṃ tu tvayā rājan hāliko na kariṣyati |
satkīrtiścātha duṣkīrtiḥ kathāmātrā'vaśeṣitā || 5 ||
[Analyze grammar]

tvayā kṛto ghoratarastvanyāyastatphalaṃ labha |
uttaraṃ dehi rājendra samāje raṇamūrdhani || 6 ||
[Analyze grammar]

kārtavīryā'rjunaḥ śrutvā pravaktumupacakrame |
śṛṇu rāma hareraṃśastvamapyasi na saṃśayaḥ || 7 ||
[Analyze grammar]

sadbuddhyā karmaṇā brahmabhāvanāṃ karoti yaḥ |
svadharmanirataḥ śuddho brāhmaṇaḥ sa prakīrtyate || 8 ||
[Analyze grammar]

antarbahiśca mananāt kurute phaladāṃ kriyām |
maunī śaśvad vadet kāle hitakṛnmunirucyate || 9 ||
[Analyze grammar]

svarṇe loṣṭe gṛhe'raṇye paṃke susnigdhacandane |
rāmavṛttiḥ samabhāvo yogī yathārtha ucyate || 10 ||
[Analyze grammar]

sarvajīveṣu yo viṣṇuṃ bhāvayet samatādhiyā |
harau karoti bhaktiṃ ca haribhaktaḥ sa ucyate || 11 ||
[Analyze grammar]

tapodhanaṃ brāhmaṇānāṃ munīnāṃ yogināṃ tathā |
haribhaktasya viprasya tapasyāḥ kāmadhenavaḥ || 12 ||
[Analyze grammar]

kṣatriyāṇāṃ sadaiśvarye spṛhā ratneṣu sarvadā |
kṣatriyāṇāṃ tu tapasi spṛhā'tīvā'praśaṃsitā || 13 ||
[Analyze grammar]

brāhmaṇānāṃ vivāde ca spṛhā'tīva vininditā |
rāgī rājasikaṃ kāryaṃ kurute karmarāgataḥ || 14 ||
[Analyze grammar]

rāgāndho yo rājasikastena rājā prakīrtyate |
rāgataḥ kāmadhenustu mayā vai yācitā mune || 15 ||
[Analyze grammar]

tava pitrā tu sainyāni kṛtānyayaṃ vyatikramaḥ |
kṛta eva vada vipra ko doṣo rāgiṇo'tra me || 16 ||
[Analyze grammar]

triṃśadakṣauhiṇīsenā hatyā nāśayituṃ ca mām |
udyatasya tu hanane na doṣo hyātatāyinaḥ || 17 ||
[Analyze grammar]

tvaṃ cāpi tāpaso bhūtvā vipradharmavivarjitām |
pratijñāṃ kṛtavān so'yamanyāyaḥ kiṃ na me vada || 18 ||
[Analyze grammar]

pitrordvayoḥ kṛte tvaṃ tu kartuṃ pṛthvīṃ niḥkṣatriyām |
triḥsaptakṛtvo yattat kiṃ nyāyyaṃ vada bhūsuraḥ || 19 ||
[Analyze grammar]

iti śrutvā garvavākyaṃ parśurāmā'tiruḍbharaḥ |
kṣaṇāt ṭaṃkārayitvā svaṃ dhanurmumoca sāyakān || 20 ||
[Analyze grammar]

bāṇaughaiśchādayāmāsā'rjunaṃ rathaṃ tathā'mbaram |
manoramā sthitā divyā rathe pativratā satī || 21 ||
[Analyze grammar]

mahālakṣmīyutā devī rarakṣa svapatiṃ tadā |
tāvad rājā'pi bāṇaughāṃściccheda nijasāyakaiḥ || 22 ||
[Analyze grammar]

rāmasya bhrātaraḥ sarve catvāro'nye praśiṣyakāḥ |
nijaghnurarjunasainyaṃ tīkṣṇaśastrā'sipāṇayaḥ || 23 ||
[Analyze grammar]

śarajālena rājendro vārayāmāsa tānapi |
cicchiduḥ śarajālaṃ ca jamadagnisutāstadā || 24 ||
[Analyze grammar]

rājā cikṣepa divyāstraṃ munayaścicchidustu tat |
divyāstreṇaiva munayaścicchiduḥ saśaraṃ dhanuḥ || 25 ||
[Analyze grammar]

rathaṃ ca sārathiṃ caiva rājñaḥ sannāhamityapi |
manoramā divyarūpā rarakṣa svapatiṃ satī || 26 ||
[Analyze grammar]

nyastraśastraṃ nṛpaṃ dṛṣṭvā munayo harṣavihvalāḥ |
jagṛhuḥ śūlinaḥ śūlaṃ matsyarājajighāṃsayā || 27 ||
[Analyze grammar]

śūlanikṣepasamaye vāgbabhūvā'śarīriṇī |
śūlaṃ tyajata viprendrā śivasyā'vyarthameva tat || 28 ||
[Analyze grammar]

śivasya kavacaṃ divyaṃ sarvāvayavarakṣakam |
matsyarājagale'styetat kavacaṃ yācata nṛpam || 29 ||
[Analyze grammar]

śrutvā rāmo yatirbhūtvā yayāce kavacaṃ nṛpam |
rājā dadau tu kavacaṃ brahmāṇḍavijaye tataḥ || 30 ||
[Analyze grammar]

rāmo jaghāna śūlena mūrchāṃ jagāma cārjunaḥ |
manoramā satī satyavratena yogasiddhibhiḥ || 31 ||
[Analyze grammar]

svasvāmihastadā prāṇān mūrghni rarakṣa bhāminī |
sā tadā''kāśavat sādhvī samuvāca nṛpān satī || 32 ||
[Analyze grammar]

bṛhadbalaṃ somadattaṃ vidarbhaṃ mithileśvaram |
niṣadhādhipatiṃ cāpi magadhādhipatiṃ tathā || 33 ||
[Analyze grammar]

praśṛṇvantu prāṇatulyāḥ prāṇasya me'vanaṃ tvaham |
karomi yātu bhavanto raṇaṃ kurvantu colbaṇam || 34 ||
[Analyze grammar]

kṣatriyāṇāṃ raṇo dharmo raṇe mṛtyurna garhitaḥ |
raṇe svāhā brāhmaṇānāṃ loke vede viḍambanā || 35 ||
[Analyze grammar]

kṣatriyāṇāṃ balaṃ śastraṃ vyāpārastu balaṃ viśām |
bhikṣābalaṃ bhikṣukāṇāṃ śūdrāṇāṃ sevanaṃ balam || 36 ||
[Analyze grammar]

bhaktirdāsyaṃ kṛṣṇanārāyaṇe bhaktabalaṃ hariḥ |
tapo balaṃ tāpasānāṃ duṣṭānāṃ hiṃsanaṃ balam || 37 ||
[Analyze grammar]

balaṃ veṣastu nārīṇāṃ yauvanaṃ gṛhayoṣitām |
balaṃ sainyaṃ nṛpāṇāṃ vai vālānāṃ rodanaṃ balam || 38 ||
[Analyze grammar]

satāṃ satyaṃ balaṃ bhaktiḥ sādhūnāṃ tu balaṃ kṣamā |
mithyā balaṃ cā'satāṃ tu dhairyaṃ sāhasināṃ balam || 39 ||
[Analyze grammar]

vidyā balaṃ paṇḍitānāṃ dhanaṃ tu dhanināṃ balam |
balaṃ vivekaḥ śreṣṭhānāṃ prajānāṃ balamekatā || 40 ||
[Analyze grammar]

guṇo balaṃ tu guṇināṃ satīnāṃ patisevanam |
pūjā devabalaṃ proktaṃ śiṣyāṇāṃ gurusevanam || 41 ||
[Analyze grammar]

balaṃ patnī gṛhasthānāṃ bhṛtyānāṃ svāmitoṣaṇam |
tyāgināṃ nispṛhatvaṃ tu balaṃ brahmavrataṃ mahat || 42 ||
[Analyze grammar]

puṇyaṃ balaṃ sukṛtīnāṃ jalajānāṃ jalaṃ balam |
śāntirbalaṃ tu viprāṇāṃ kṣatriyāṇāṃ balaṃ balam || 43 ||
[Analyze grammar]

sasainyāḥ kṣatriyāḥ sarve yuddhaṃ kurvantu bhūsuraiḥ |
ityuktvā sā satī manoramā'rjunaṃ vimūrchitam || 44 ||
[Analyze grammar]

paricacāra vividhairupacāraiḥ suśaktidaiḥ |
yadyahaṃ prāṇanāthasya pativratā'smi sarvathā || 45 ||
[Analyze grammar]

prāpnotu cetanāṃ svāmī samuvāca pativratā |
tāvat sa cetanāṃ prāptaḥ samutthito raṇāya ca || 46 ||
[Analyze grammar]

atha rāmastriśūlena somadattaṃ jaghāna ha |
bṛhadbālaṃ tu gadayā vidarbhaṃ tomareṇa ca || 47 ||
[Analyze grammar]

maithilāṃ mudgareṇāpi śaktyā tu naiṣadhaṃ tathā |
māgadhaṃ tīkṣṇanārācairastrajālaiśca sainyakān || 48 ||
[Analyze grammar]

nihatya nikhilān bhūpān dudrāva cā'rjunaṃ prati |
tāvat satī samīpasthā manoramā vyavasthitā || 49 ||
[Analyze grammar]

rāmarāmā'dhamavipra bhasmībhūto bhaviṣyasi |
yadi tvanyāyamālambya mannāthaṃ mārayiṣyasi || 50 ||
[Analyze grammar]

śrutvā satīṃ puro dṛṣṭvā bhayād rāmo nyavartata |
kānyakubjāḥ śataśastu saurāṣṭrāḥ śataśastathā || 51 ||
[Analyze grammar]

rāṣṭrīyāḥ śataśaścāpi mahārāṣṭrāśca vaṃgajāḥ |
gaurjarāśca kaliṃgāśca rāmeṇa vyasavaḥ kṛtāḥ || 52 ||
[Analyze grammar]

dvādaśākṣauhiṇīḥ rāmo jaghāna tridivāniśam |
tāvadrājā kārtavīryaḥ śrīlakṣmīkavacaṃ kare || 53 ||
[Analyze grammar]

baddhvā śastrāstrasampanno rathamāruhya cāyayau |
yuyudhe vividhairastrairjaghāna brāhmaṇān bahūn || 54 ||
[Analyze grammar]

parśurāmaḥ saparaśurdadhāva kālarūpadhṛk |
śiro nikṛntituṃ tāvad viṣṇurviprasvarūpadhṛk || 55 ||
[Analyze grammar]

mā yāhīti karaṃ dhṛtvā rurodha prāha tatkṣaṇam |
kavacaṃ śrīmahālakṣmyā bāhau tena dhṛtaṃ yataḥ || 56 ||
[Analyze grammar]

na mariṣyati bhūpālo yayāce taṃ sthiro bhava |
viṣṇurviprasvarūpastad yācituṃ nṛpamāyayau || 57 ||
[Analyze grammar]

vipro bhūtvā ca kavacaṃ yayāce bhagavān svayam |
manoramā tadā trāsaprāpede patipakṣiṇī || 58 ||
[Analyze grammar]

arjuno ditsati tāvanmanoramā nyavārayat |
rājan lakṣmīkavacaṃ te bāhau yāvaddhi vartate || 59 ||
[Analyze grammar]

tāvallakṣmīsvarūpā'haṃ śaknomi tvāṃ prarakṣitum |
mā dehīti muhuḥ proktastathāpi pradadau nṛpaḥ || 60 ||
[Analyze grammar]

kṣaṇaṃ manoramālakṣmīḥ patiṃ natvā ruroda vai |
athā'śaktā kavacena samaṃ yātuṃ ca tatparā || 61 ||
[Analyze grammar]

abhūd viṣṇuparīkṣāṃ ca karoti sma tadā satī |
viṣṇuḥ kavacamādāya rāmaṃ prati samāyayau || 62 ||
[Analyze grammar]

dadau samantraṃ paraśurāmāya tacchṛṇu priye |
oṃ śrīkamalavāsinyai svāhā mantraṃ dadau tataḥ || 63 ||
[Analyze grammar]

prajāpatiḥ ṛṣiryasya chandaśca bṛhatī tathā |
devī padmālayā yasya caturvargaṃ niyojanam || 64 ||
[Analyze grammar]

oṃ śrīkamalavāsinyai svāhā me pātu mastakam |
oṃ śrī kapālaṃ me pātu locane śrīṃśriyai namaḥ || 65 ||
[Analyze grammar]

o śrīṃśriyai svāheti vai karṇayugmaṃ sadā'vatu |
oṃśrīṃklīṃ mahālakṣmyai svāhā me pātu nāsikām || 66 ||
[Analyze grammar]

oṃ śrīṃ padmālayāyai ca svāhā dantān sadā'vatu |
auśrīṃ kṛṣṇapriyāyai ca dantarandhrān sadā'vatu || 67 ||
[Analyze grammar]

oṃ śrīnārāyaṇeśāyai mama kaṇṭhaṃ sadā'vatu |
oṃśrīṃ keśavakāntāyai mama skandhaṃ sadā'vatu || 68 ||
[Analyze grammar]

oṃśrīṃ padmanivāsinyai svāhā nābhiṃ sadā'vatu |
oṃ hrīṃ śrīṃ saṃsāramātre mama vakṣaḥ sadā'vatu || 69 ||
[Analyze grammar]

oṃśrīṃmo kṛṣṇakāntāyai svāhā pṛṣṭhaṃ sadā'vatu |
oṃhrīṃśrīṃśriyai svāhā ca mama hasto sadā'vatu || 70 ||
[Analyze grammar]

oṃśrīnivāsakāntāyai mama pādau sadā'vatu |
oṃśrīṃhrīṃklīṃ śriyai svāhā sarvāṃgaṃ me sadā'vatu || 71 ||
[Analyze grammar]

prācyāṃ pātu mahālakṣmīrāgneyyāṃ kamalālayā |
padmā māṃ dakṣiṇe pātu nairṛtyāṃ śrīharipriyā || 72 ||
[Analyze grammar]

padmālayā paścime māṃ vāyavyāṃ pātu mā svayam |
uttare kamalā pātu caiśānyāṃ sindhukanyakā || 73 ||
[Analyze grammar]

nārāyaṇī ca pātūrdhvamadho viṣṇupriyā'vatu |
santataṃ sarvataḥ pātu viṣṇuprāṇādhikā mama || 74 ||
[Analyze grammar]

itisarvaiśvaryapradaṃ varma bāhau sudhāraya |
devendraiścāsurendraiścā'vadhyo bhavasi niścitam || 75 ||
[Analyze grammar]

ityuktvā kavacaṃ datvā yayau vaikuṇṭhamacyutaḥ |
tāvanmanoramā lakṣmīkalā'rjunaṃ vihāya vai || 76 ||
[Analyze grammar]

yayau tu viṣṇunā sārdhaṃ vaikuṇṭhaṃ viṣṇunā hṛtā |
arjunaḥ prāha re patni tyaktvā māṃ yāhi mā priye || 77 ||
[Analyze grammar]

manoramā tu taṃ prāha sambandhaḥ sāntatāṃ gataḥ |
paraśurāmaśastreṇa hato māmanuyāsyasi || 78 ||
[Analyze grammar]

śīghraṃ brāhmaṇahastena hataḥ prāpsyasi mokṣaṇam |
vaikuṇṭhaṃ tvatkṛte rājan niścitaṃ yatra me sthitiḥ || 79 ||
[Analyze grammar]

ityuktvā sā yayau devī rājā yuyodha dāruṇam |
dvilakṣasainyaṃ yuyudhe brāhmaṇaiḥ saha padmaje || 80 ||
[Analyze grammar]

rājā cikṣepa śastrāṇi rāmaśiṣyāḥ palāyitāḥ |
cikṣepa rāmastvāgneyaṃ babhūvā'gnimayaṃ raṇe || 81 ||
[Analyze grammar]

nirvāpayāmāsa rājā vāruṇena mahaujasā |
cikṣepa rāmo gāndharvaṃ śailasarpādikoṭikam || 82 ||
[Analyze grammar]

vāyavenārjunastadvai vārayāmāsa dāruṇam |
cikṣepa rāmo nāgāstraṃ rājā cikṣepa gāruḍam || 83 ||
[Analyze grammar]

rāmaścikṣepa māheśaṃ rājā cikṣepa vaiṣṇavam |
brahmāstraṃ cikṣipe rāmo rājā brahmāstramākṣipat || 84 ||
[Analyze grammar]

tāvat dhyāto'rjunagururdattātreyaḥ samāgataḥ |
dadau śūlaṃ hi rāmasya nāśārthaṃ kṛṣṇavarma ca || 85 ||
[Analyze grammar]

jagrāha rājā śūlaṃ taścikṣepa rāmakandhare |
mūrchāmavāpa rāmaḥ saḥ papāta śrīhariṃ smaran || 86 ||
[Analyze grammar]

brāhmaṇaṃ jīvayāmāsa śaṃbhurnārāyaṇājñayā |
cetanāṃ prāpya ca rāmo'grahīt pāśupataṃ yadā || 87 ||
[Analyze grammar]

dattātreyeṇa dattena siddhā'streṇā'rjunastu tam |
jaḍīcakāra tatraiva stambhito rāma eva vai || 88 ||
[Analyze grammar]

śrīkṛṣṇarakṣitaṃ bhūpaṃ dadarśa kṛṣṇavarma ca |
dadarśā'pi bhramatsudarśanaṃ rakṣākaraṃ ripoḥ || 89 ||
[Analyze grammar]

etasminnantare tatra vāgbabhūvā'śarīriṇī |
kṛṣṇasya kavacaṃ rājño bāhāvasti taduttamam || 90 ||
[Analyze grammar]

rakṣati tannṛpaṃ śaṃbhuryācatu bhikṣayā tu tat |
tadā hantuṃ nṛpaṃ śakto bhārgavo'yaṃ bhaviṣyati || 91 ||
[Analyze grammar]

atha śaṃbhuḥ siddhamantrairdatvā cetanameva tu |
apohya staṃbhanaṃ rāmo jagrāha paraśuṃ svakam || 92 ||
[Analyze grammar]

pāśupataṃ kare dhṛtvā paraśuṃ ca tathā kare |
sasmāra śrīkṛṣṇanārāyaṇaṃ tāvat sa āyayau || 93 ||
[Analyze grammar]

śaṃbhurvipraḥ svayaṃ bhūtvā yayāce'rjunameva tat |
kavacaṃ nṛpasaṃdattaṃ rāmāya śaṃbhurārpayat || 94 ||
[Analyze grammar]

sudarśanaṃ ca kavacaṃ kṛṣṇanārāyaṇastrayaḥ |
rāmapārśve samāgatya prāhurjeṣyasi sāmpratam || 95 ||
[Analyze grammar]

śaṃbhoḥ pāśupataṃ śreṣṭhaṃ harereva sudarśanam |
ete pradhāne sarveṣāmastrāṇāṃ tu jagattraye || 96 ||
[Analyze grammar]

kavacaṃ rakṣakaṃ śreṣṭhaṃ dhārayitvā''ha taṃ dvijaḥ |
rājan kuru raṇaṃ śīghraṃ kālabhede jayā'jayau || 97 ||
[Analyze grammar]

tvayā'dhītaṃ bahudattaṃ śāsitā ca vasundharā |
saṃgrāme'haṃ tvayā jaḍīkṛto'traiva sumūrchitaḥ || 98 ||
[Analyze grammar]

jitāḥ sarve'pi bhūpālā rāvaṇo līlayā jitaḥ |
jito'haṃ dattaśūlena śaṃbhunā jīvito'smyaham || 99 ||
[Analyze grammar]

śīghraṃ kuru kṣaṇaste'yaṃ śrutvaivaṃ pratyuvāca saḥ |
aho rāma kimadhītaṃ ki dattaṃ kā ca śāsitā || 100 ||
[Analyze grammar]

gatāḥ katividhā bhūpā macchreṣṭhāḥ kālabhakṣitāḥ |
buddhistejo vikramaśca jayaśca vijayastathā || 101 ||
[Analyze grammar]

śrīraiśvaryaṃ matirdānaṃ pratiṣṭhā paramaṃ tapaḥ |
vidyā garvastathā mānyaṃ sārvabhaumatvamityapi || 102 ||
[Analyze grammar]

sarvaṃ manoramāsaṃge gatameva mama kṣaṇāt |
sā ca lakṣmī kalā sādhvī pātivratyaparāyaṇā || 103 ||
[Analyze grammar]

mṛtā yāvad rakṣikā me tayā sārdhaṃ gataṃ mama |
tvaṃ kiṃ vipra prathamaṃ vai yuddhaṃ paśyasi kevalam || 104 ||
[Analyze grammar]

mama yuddhāni pūrvāṇi nekṣitānīti śocanā |
prathamā'tha dvitīyā'pi maraṇaṃ brāhmaṇena me || 105 ||
[Analyze grammar]

vṛddhadampatīnāśena śocanā cātiniṣṭhurā |
kāle siṃhaḥ śṛgālaṃ ca sṛgālaḥ siṃhameva vā || 106 ||
[Analyze grammar]

kāle vyāghraṃ hanti mṛgo gajendraṃ hariṇastathā |
mahiṣaṃ makṣikā kāle garuḍaṃ ca tathoragaḥ || 107 ||
[Analyze grammar]

nṛpaśca kiṃkaraṃ stauti mahendro mānavaṃ tathā |
sarvaṃ kālakṛtaṃ vipra kālo hi duratikramaḥ || 108 ||
[Analyze grammar]

brāhmaṇasya ca hananaṃ sarvaṃ nāśakaraṃ mama |
pativratāyā maraṇaṃ brāhmaṇīnāśakṛtphalam || 109 ||
[Analyze grammar]

pativratāyā maraṇe mṛto'haṃ sarvathā dvija |
lakṣmīrūpā mṛtā prāgvai saṃketo'cyutakṛddhi saḥ || 110 ||
[Analyze grammar]

yāce tvāṃ ca tathā devān gurūn sarvāṃśca bhāvataḥ |
kṣamadhvaṃ cāparādhānye mā bhūnme nārakaṃ puraḥ || 111 ||
[Analyze grammar]

ityuktvā ca dhanuṣṭaṃkārayitvā sāyakān muhuḥ |
kālakāla iva bhūtvā vavarṣa lakṣaśo bahūn || 112 ||
[Analyze grammar]

kṛṣṇakṛṣṇavadan rājā manorameti saṃvadan |
ardhacandrāṃstathā śaktīrbhallān khaḍgān sahasraśaḥ || 113 ||
[Analyze grammar]

cikṣepa dhanuṣā tatra brāhmaṇeṣvāyuṣaḥkṣaye |
rāmo rūpadvayaṃ kṛtvā yuyudhe tena bhūbhṛtā || 114 ||
[Analyze grammar]

kṛtrimeṇa tu rūpeṇa dhṛtvā kuṭhārakaṃ kare |
dadhāva taṃ puro gatvā ciccheda bhujamaṇḍalam || 115 ||
[Analyze grammar]

dvitīyena svarūpeṇa jagrāhā'straṃ maholbaṇam |
pāśupataṃ samantraṃ ca cikṣepa līlayā nṛpe || 116 ||
[Analyze grammar]

hāhākāro mahānāsīt kārtavīryārjuno hataḥ |
anye ye jīvasaṃgrāhāste'pa viprairhatā raṇe || 117 ||
[Analyze grammar]

vidudruvustathā cānye svasvarājyāni cakrire |
māhiṣmatīṃ tadā rāmo dadau viprāya dakṣiṇām || 118 ||
[Analyze grammar]

anyeṣāṃ cāpi rājyāni dadau viprāya dakṣiṇāḥ |
devāśca munayo devyaḥ siddhagandharvakinnarāḥ || 119 ||
[Analyze grammar]

sarve cakruḥ puṣpavṛṣṭiṃ rāmamūrdhni ca padmaje |
svarge dundubhayo nedurharṣaśabdo babhūva ha || 120 ||
[Analyze grammar]

evaṃ triḥsaptakṛtvaśca cakre pṛthvīṃ niḥkṣatriyām |
yaśasā cāpi paraśurāmasyā''pūritaṃ jagat || 121 ||
[Analyze grammar]

brāhmaṇebhyo dadau rāmo rājyāni virarāma ca |
hatāstu kṣatriyāḥ sarve garbhasthā bālakāstathā || 122 ||
[Analyze grammar]

yuvāno jaraṭhā vṛddhāḥ stanaṃdhayā api priye |
kāścana kṣatriyanāryaḥ pātivratyaparāyaṇāḥ || 123 ||
[Analyze grammar]

devyo divyagatikāśca guptā yayurhimālayam |
kandarāsu vasantyaśca pupuṣurbālakān svakān || 124 ||
[Analyze grammar]

tadvaṃśāḥ kṣatriyā jātāḥ punā rājyāni cakrire |
parśurāmaḥ pratijñāṃ svāṃ pūrayitvā kurusthale || 125 ||
[Analyze grammar]

syamantapañcakān kuṇḍān kṣatriyarudhirā'ñcitān |
kṛtvā raktaiḥ piturmāturbrāhmaṇānāṃ jalāṃjalīn || 126 ||
[Analyze grammar]

śrāddhaṃ dadau tadā tṛptiṃ cakāra pitṛdevatāḥ |
tato jalaṃ tathā'nnaṃ ca bubhuje śāntitaḥ svayam || 127 ||
[Analyze grammar]

kṣatriyāṇāṃ vināśe tu nirbalā ye hyasupriyāḥ |
mṛṣā vadanto jīvānāṃ cakrurvai rakṣaṇaṃ tu te || 128 ||
[Analyze grammar]

anyā anyā jātayaśca jātā varṇā vibhinnakāḥ |
akṣātrāste kṣātrakarmahīnā dasyava eva vai || 129 ||
[Analyze grammar]

vyāpārakārakāścānye dāsyakṛṣyādikārakāḥ |
vartante sma bhuvi lakṣmi guptakṣatriyajātayaḥ || 130 ||
[Analyze grammar]

atha pratijñāṃ sampūrṇāṃ kṛtvā rāmo yayau gurum |
śivaṃ pūjayituṃ divye kailāse tatra gopure || 131 ||
[Analyze grammar]

gaṇeśena niruddhaḥ saḥ krudhā gaṇapatiṃ tadā |
rāmo jaghāna dante taṃ parśunā tu gaṇādhipam || 132 ||
[Analyze grammar]

danto bhagnastataścaikadanto gaṇeśa ucyate |
āmūlād bhagnadantena kṛtvā śūṇḍhaṃ sudīrghakam || 133 ||
[Analyze grammar]

gaṇeśena dhṛtaḥ śūṇḍhe śūṇḍhaśca vardhito bahuḥ |
trailokye bhrāmayitvā taṃ rāmaṃ cikṣepa vāridhau || 134 ||
[Analyze grammar]

jaḍībhūtaṃ punardhṛtvā goloke vinipātitaḥ |
śrīkṛṣṇacaraṇāṃbhoje pātakānāṃ viśuddhaye || 135 ||
[Analyze grammar]

tataḥ śuddhaṃ kṛtaṃ rāmamutthāpya śrīgaṇeśvaraḥ |
cikṣepa paraśurāmaṃ śaṃkarasya hi sannidhau || 136 ||
[Analyze grammar]

dadarśa śaṃkaraṃ prāpyā''śīrvādaṃ cāpyanugraham |
śaṃkarasya śivāyāśca prasādya śrīgaṇeśvaram || 137 ||
[Analyze grammar]

cakre stutiṃ śivaṃ śivāṃ taṃ tu śivā''ha maṃgalam |
amaro bhava he putra vatsa susthiratāṃ vraja || 138 ||
[Analyze grammar]

sarvaprasādāt sarvatra jayo'stu tava santatam |
sarvāntarātmā bhagavāṃstuṣṭaḥ syāt santataṃ hariḥ || 139 ||
[Analyze grammar]

bhaktirbhavatu te kṛṣṇe śivade ca śive gurau |
śaṃbhuḥ prāha sadā śiṣya ciraṃjīvo bhava dhruvaḥ || 140 ||
[Analyze grammar]

tataḥ paraśurāmo'sau jagāma tapase bhuvam |
mahendraparvate sthitvā tapaḥ karoti śāśvatam || 141 ||
[Analyze grammar]

iti te kathitaṃ lakṣmi kārtavīryasya nāśanam |
manoramāyāḥ kathitaṃ pativratabalaṃ tathā || 142 ||
[Analyze grammar]

paṭhanācchravaṇāccāsya patisevābalaṃ labhet |
bhuktiṃ muktiṃ kṛṣṇasevāṃ labhet kṛṣṇaprasādataḥ || 143 ||
[Analyze grammar]

iti śrīlakṣmīnārāyaṇīyasaṃhitāyāṃ prathame kṛtayugasantāne parśurāmeṇa saha yuddhe manoramayā divyayā pativratayā sahasrārjuno rakṣitaḥ lakṣmīkavacaviyoge manoramāviyogastato'rjunasya maraṇaṃ gaṇeśasyaikadantatvaṃ cetyādinirūpaṇanāmā'ṣṭapaṃcāśadadhikacatuśśatatamo'dhyāyaḥ || 458 ||
[Analyze grammar]