Chapter 433

śrīnārāyaṇa uvāca |
ākarṇaya mahālakṣmi naranārāyaṇātprabhoḥ |
urvaśī yā samutpannā pātivratyaprabhāvataḥ || 1 ||
[Analyze grammar]

pūrvaṃ sā'bhūt śunī tataḥ pūrvatarā tu brāhmaṇī |
duṣṭā kāśmīradeśīyā patidveṣakarī śaṭhā || 2 ||
[Analyze grammar]

devavratasutā nāmnā mālinīti surūpiṇī |
satyaśīlā'bhidhaviprapatnī patipriyā na vai || 3 ||
[Analyze grammar]

tayā saha patirdeśaṃ yāvanaṃ tu yayau kvacit |
sā tu patyau krodhayuktā vaśīkaraṇalampaṭā || 4 ||
[Analyze grammar]

yavanībhyastu bahvībhyaḥ papraccha vaśyabheṣajam |
tābhistu darśitā dhūrtā kācidoṣadhakāriṇī || 5 ||
[Analyze grammar]

dāsyati bheṣajaṃ yena bhavitā dāsavat patiḥ |
brāhmaṇī cāpi dhūrtāyā gṛhaṃ yayau salālasā || 6 ||
[Analyze grammar]

dṛṣṭavatī kuṭīṃ tasyāḥ khapparādisamanvitām |
bahūnāmoṣadhānāṃ ca supātraiścullikādibhiḥ || 7 ||
[Analyze grammar]

śobhitāṃ mantravidyānāṃ sādhanā''sanarājitām |
yantrairmantrairbhasmagranthinīlavastraiḥ suśobhitām || 8 ||
[Analyze grammar]

asthibhirvedikābhiśca yogasādhanagarbhitām |
sajaṭābhiśca dīrghābhiḥ śiṣyābhiḥ śubhadīpitām || 9 ||
[Analyze grammar]

dhūpakuṇḍayutāṃ vīkṣya kuṭīṃ sadaṇḍadhūrtikām |
bahvībhirduḥkhitābhiścārādhitāṃ kāryalabdhaye || 10 ||
[Analyze grammar]

bhasmāvaguṇṭhitāṃ dehe yogivat tilakānvitām |
nanāma parayā bhaktyā brāhmaṇī śaṭhayoginīm || 11 ||
[Analyze grammar]

duḥkhaṃ nivedayāmāsa tataḥ sā śaṭhadhūrtikā |
mayūrapatramārjanyā cakre tasyāḥ pramārjanam || 12 ||
[Analyze grammar]

saṃskaraṇaṃ taccharīre phutkṛtena ca bhasmanā |
candrakaṃ bhasmanā cakre bhāle kare jalaṃ dadau || 13 ||
[Analyze grammar]

kṛṣṇaḍorakarudrākṣamālāṃ skandhe pradāya ca |
śrāvayāmāsa viprāṇyai vaśyamantraṃ trivārakam || 14 ||
[Analyze grammar]

namaḥ kāmākṣikādevyai patiṃ vaśaṃ kuru svāhā |
iti mantraṃ dadau tasyai dadau dravyāṃgulīyakam || 15 ||
[Analyze grammar]

raktaṃ māṇikyakhacitaṃ kānakaṃ vaśyakārakam |
aurṇaṃ raktaṃ cāpi sūtraṃ bhujābandhanakaṃ dadau || 16 ||
[Analyze grammar]

dadāvoṣadhamevāpi cūrṇaṃ rakṣānvitaṃ śubham |
prāha caitanmahāvaśyakaraṃ cūrṇaṃ hi vartate || 17 ||
[Analyze grammar]

asya prayogato vāyusadṛśā balino hyapi |
vaśyā bhavanti satataṃ svāmino vānarā iva || 18 ||
[Analyze grammar]

cūrṇaṃ bhartari bhojyādau bhoktavyaṃ svalpakaṃ sadā |
rakṣāṃ ca dorakaṃ cāpi gale tvaṃ svīkuru dhruvam || 19 ||
[Analyze grammar]

raktaṃ tu dorakaṃ tvaṃ svabhuje bandhaya bhāmini |
bhaviṣyati patirvaśyo mantraṃ svaśayane japa || 20 ||
[Analyze grammar]

mantritaṃ bhojanaṃ dehi mantritaṃ jalamityapi |
mantritaṃ śayanaṃ dehi sarvaṃ dehi sumantritam || 21 ||
[Analyze grammar]

svalpakālena te svāmī tava vaśyo bhaviṣyati |
yadi kiñcid bhavet kāryaṃ samāgaccha drutaṃ tu mām || 22 ||
[Analyze grammar]

ityuktā dakṣiṇāṃ datvā viprāṇī svagṛhaṃ yayau |
oṣadhaṃ yojitaṃ dugdhe bhojane pataye'rpitam || 23 ||
[Analyze grammar]

mantritaṃ ca jalaṃ vastraṃ śayanaṃ svāmine dadau |
evaṃ dine dine cūrṇaṃ dadau yathā yathā tathā || 24 ||
[Analyze grammar]

patiḥ śvāsena kāsena kaphena ca kṣayeṇa ca |
pīḍito'bhavadatyantaṃ mūtrādāvuṣṇatā'dhikā || 25 ||
[Analyze grammar]

dehe praphullikā raktā prāvartantā'tikharjanāḥ |
dinaiḥ katipayaiḥ svāmī parādhīna ivā'bhavat || 26 ||
[Analyze grammar]

aśakto rogaduḥkhī ca mṛtyuśaṃkāsamanvitaḥ |
hatatejāstato bhartā viprāṇīṃ prāha vihvalaḥ || 27 ||
[Analyze grammar]

tavāsmi dāsavattvatra trāhi māṃ rakṣa śobhane |
nānyāṃ vai kāmaye kāṃcinnārīṃ tvāmantarā priye || 28 ||
[Analyze grammar]

vartiṣye'pi tavā''jñāyāṃ tava dāso'dhunā sadā |
tava kārye prakartavye na kariṣye virodhanam || 29 ||
[Analyze grammar]

tataḥ sā kāminī patyurjīvane svārthaśālinī |
sati patyau bhūṣaṇādi dhāryaṃ bhogyaṃ niḥsaṃśayam || 30 ||
[Analyze grammar]

iti tūrṇaṃ gatā śāṭhyayoginīṃ bhītavattadā |
patirme vaśamāpannaḥ kintu dhruvaṃ mariṣyati || 31 ||
[Analyze grammar]

mama svārthavināśaḥ syāttasmājjīvaya taṃ śubhe |
iti nyavedayatsarvaṃ dhūrtā vijñāya cāparam || 32 ||
[Analyze grammar]

dadāvoṣadhamevā'syai duḥkhadāhādināśakam |
datte tu bheṣaje tasmin svastho'bhūt tatkṣaṇātpatiḥ || 33 ||
[Analyze grammar]

sā'bhūtprasannā tvatyarthaṃ vaśye'pi vartate patiḥ |
anyeṣāṃ saṃgame tvasyai na ca vakti manāgapi || 34 ||
[Analyze grammar]

tiṣṭhatyupapatirgehe gṛhakāryāpadeśataḥ |
bhartā naiva vadatyeva kiñcidapi kathañcana || 35 ||
[Analyze grammar]

atha sā brāhmaṇī duṣṭā patidveṣakarī śanaiḥ |
rogavyāptā'bhavad dehe kṛmayaḥ saṃprajajñire || 36 ||
[Analyze grammar]

tena pañcatvamāpannā gatā narakayātanāḥ |
pratapte tāmrakuṇḍe sā nikṣiptā bahuvatsaram || 37 ||
[Analyze grammar]

tataḥ śunī śatavāraṃ dadrurogaprapīḍitā |
klināvayavā khañjā ca tāḍitā'pi gṛhe gṛhe || 38 ||
[Analyze grammar]

antime padmabandhvākhyadvijasya bhavane tu sā |
jātā sauvīradeśe vai dāsyāḥ śunī surogiṇī || 39 ||
[Analyze grammar]

kṛmipūrṇā'vayavā sā dvijagṛhāṃgaṇe yadā |
pādaprakṣālanaśilāmadhiruhya sthitā'bhavat || 40 ||
[Analyze grammar]

tadā daivād dvijaputraḥ kṛṣṇanārāyaṇaṃ smaran |
gāyatrīṃ prajapan kṛṣṇapūjāṃ kṛtvā kamaṇḍalau || 41 ||
[Analyze grammar]

prasādajaṃ jalaṃ viṣṇusnāpitaṃ tulasīyutam |
nītvā gṛhe samāyātaḥ sopānairyāvadeva hi || 42 ||
[Analyze grammar]

gṛhāṃgaṇaṃ tūcchritaṃ vai pañcasopānamātrakam |
samāruroha tāvattvantime sopānake padā || 43 ||
[Analyze grammar]

skhalitaḥ patito hastātkamaṇḍalurjalānvitaḥ |
pārśve nimne śilābhāge sthitāyāṃ daivayogataḥ || 44 ||
[Analyze grammar]

kamaṇḍalujalaṃ śunyāṃ patitaṃ sarvameva yat |
śunī snātavatī pītavatī bhāgyavaśāttadā || 45 ||
[Analyze grammar]

miṣṭaṃ prasādaṃ patitaṃ bhāgyād bhuktavatī tadā |
tena puṇyena sā lakṣmi dhvastapāpā babhūva ha || 46 ||
[Analyze grammar]

jātismarā janavācā samuvāca dvijaṃ kṣaṇāt |
bho bhūdeva mahāpāpāṃ trāhi māṃ trāhi māṃ dvija || 47 ||
[Analyze grammar]

ahamāsaṃ purā viprā patidveṣakarī sadā |
patyurviṣapradātrī ca vaśyamantrakarī tathā || 48 ||
[Analyze grammar]

duḥkhadātrī mahāduṣṭā paraprasaṃgakāriṇī |
tena pāpena tāmrāṇāṃ kuṇḍeṣu pātitā yamaiḥ || 49 ||
[Analyze grammar]

śatavāraṃ tu jātā'smi śunī dadrumayī dvija |
antimo'yaṃ mama dehastvayā jalena saṃskṛtaḥ || 50 ||
[Analyze grammar]

daivājjātismarā jātā smaryate śatajanmajam |
atiduḥkhaṃ mayā bhuktaṃ varṇane pāryate na vai || 51 ||
[Analyze grammar]

patidveṣakarī nārī pacyate taptatāmrake |
durācārā taptasūrmyā''śliṣyate kāmibhistadā || 52 ||
[Analyze grammar]

bhartā nātho gururbhartā bhartā daivatamuttamam |
tasya drohaṃ vidhāyaiva kathaṃ sā sukhinī bhavet || 53 ||
[Analyze grammar]

tiryagyoniśataṃ yāti kṛmivyāptaṃ bhayaṃkaram |
tasmānnāryā sadā kāryā bhartuḥ sevā vaco'nvitā || 54 ||
[Analyze grammar]

pātivratyaṃ paro dharmaḥ puṇyaṃ vai patisevanam |
patyau hariḥ svayaṃ tvāste strīnistāraṇahetave || 55 ||
[Analyze grammar]

khañjaḥ kāṇastathā vṛkṇaḥ kekarākṣo'ṣṭavakrakaḥ |
kajjalasundaro dehe badhiro vāmanaḥ kṛśaḥ || 56 ||
[Analyze grammar]

rugṇaḥ kuṣṭhī vicittaśca krūraḥ kāmātivegavān |
viṣayī vyasanī vāvadūko'nṛtaparo'pi vā || 57 ||
[Analyze grammar]

patnyarthaṃ nirmitastādṛk kṛṣṇāṃśo brahmaṇā svayam |
tenaiva patnyā uddhāro nānyena sūryavarcasā || 58 ||
[Analyze grammar]

yādṛśastādṛśo nīlaḥ kṛṣṇaḥ kajjalarūpavān |
kāmena kāryamāsādya sevanīyaḥ patiḥ prabhuḥ || 59 ||
[Analyze grammar]

patiḥ kāmena santṛpto ratidānena ced yadi |
kṛṣṇanārāyaṇaḥ sākṣāt tṛptastasyā iti vṛṣaḥ || 60 ||
[Analyze grammar]

evaṃ tasya sadā bhūtvā sevanīyaḥ striyā patiḥ |
rugṇe sevā sukhe śāntā vipattau dhairyadā tathā || 61 ||
[Analyze grammar]

kṣudhite bhojyadā tṛṣṇe tṛptidā śayane priyā |
kārye sahāyadā yāne sahagā bhavane satī || 62 ||
[Analyze grammar]

vyavahāre sakhī saṃrakṣaṇe māteva vartate |
yā strī sā svargamayutaṃ bhuṃkte nāstyatra saṃśayaḥ || 63 ||
[Analyze grammar]

yadyapyasminbhave nāsti surūpaścetpatistadā |
patibhaktyā devatulyaṃ kartuṃ śaktā satī bhavet || 64 ||
[Analyze grammar]

kālī himagireḥ putrī gaurī sā tapasā hyabhūt |
kubjā kṛṣṇaprasaṃgena rādhātulyā'bhavat purā || 65 ||
[Analyze grammar]

śabarī rāmayogena caturbhujā'bhavattathā |
yavanī svāmiyogena muktā divyā'bhavatpurā || 66 ||
[Analyze grammar]

jaṭāyūḥ rāmayogena caturbhujo'bhavacchubhaḥ |
gajagrāhau viṣṇuyogānmuktau divyau babhūvatuḥ || 67 ||
[Analyze grammar]

arundhatī śvapacī tu ṛṣipatnī gavāśrayāt |
saramā devaśunikā muktā surabhisevanāt || 68 ||
[Analyze grammar]

vṛndā tulasī vṛkṣāśca kṛṣṇayogāt tadātmakāḥ |
jaḍāḥ śrīkṛṣṇasambandhād bhavanti cetanā iva || 69 ||
[Analyze grammar]

sūtaḥ paurāṇiko divyo brahmapūjyo babhūva ha |
indratiraskṛtaṃ puṣpaṃ lakṣmīnāśakaraṃ hyabhūt || 70 ||
[Analyze grammar]

punastadarpitaṃ tasya smṛddhidaṃ kṣīrasāgare |
evaṃ vastu naro nārī yadyamanoharaṃ bhavet || 71 ||
[Analyze grammar]

tapasā ramaṇīyaṃ tajjāyate nātra saṃśayaḥ |
durguṇaṃ sadguṇaṃ cāpi jāyate tapasā sadā || 72 ||
[Analyze grammar]

kubjā kubjo'thavā pālyā pālyaśca bhagavaddhiyā |
sevanīyau svatapasā svāmibhaktyā satīdhiyā || 73 ||
[Analyze grammar]

evaṃ kṛtvā hariṃ matvā satīṃ matvā ca dampatī |
seveyātāṃ sukhaprāptyā sahanaṃ ca kṣamāṃ gatau || 74 ||
[Analyze grammar]

mayā vipra sevito na tiraskṛto vaśīkṛtaḥ |
duḥkhitaḥ pīḍitastena duḥkhitā bhavasāgare || 75 ||
[Analyze grammar]

samuddharā'dhunā brahman kṛṣṇapūjāphalārpaṇaiḥ |
anyathā me punarjanma duṣṭayoniṣu dṛśyate || 76 ||
[Analyze grammar]

ityuktaśca tadā vipraḥ karuṇāṃ pravidhāya ca |
ekādaśyāḥ phalaṃ cāpi dvādaśyāḥ pūjanādikam || 77 ||
[Analyze grammar]

sarvaṃ puṇyaṃ dadāvasyai yadakṣayaphalaṃ matam |
taptaṃ dattaṃ hutaṃ yacca kṛtaṃ devārcanādikam || 78 ||
[Analyze grammar]

kṛṣṇapātivratyarūpaṃ sarvaṃ tvasyai dadau dvijaḥ |
uvāca tāṃ mahāduṣṭe dayāpātraṃ na vidyase || 79 ||
[Analyze grammar]

patidveṣakarī sādhu dveṣiṇī devanindikā |
kṛpāpātraṃ na vai proktaṃ tathāpi svāśritā yataḥ || 80 ||
[Analyze grammar]

kṛpā mayā kṛtā te'sti dīnā jñātvā tu kiṃkarīm |
svapoṣyā ye hi vartante gṛhasthasya mahātmanaḥ || 81 ||
[Analyze grammar]

teṣāmuddharaṇaṃ kāryamiti kṛtvā samuddhṛtā |
caṇḍālā vāyasāścāpi sārameyāśca kiṃkarāḥ || 82 ||
[Analyze grammar]

dāsā dāsyastathā bhṛtyā nakulāḥ śukasārikāḥ |
śaśakā hariṇo haṃsā ye cānye balibhojinaḥ || 83 ||
[Analyze grammar]

gṛhasthānāṃ dayāpātraṃ hyanāthā bālabālikāḥ |
adhavāstu striyastadvad rugṇā nirāśrayāḥ sadā || 84 ||
[Analyze grammar]

poṣyā bhavanti te sarve samuddhāryāḥ prayatnataḥ |
gṛhastho noddharetpoṣyaṃ so'dhaḥpatenna saṃśayaḥ || 85 ||
[Analyze grammar]

pātivratyaṃ paraṃ patyurājñā patiḥ pareśvaraḥ |
kṛṣṇanārāyaṇaḥ svāmī tadājñā poṣyarakṣaṇam || 86 ||
[Analyze grammar]

poṣyarakṣāṃ parityajya paraklṛptyāṃ pravartate |
patidrogdhā bhavet so'tra kīnāśagṛhamṛcchati || 87 ||
[Analyze grammar]

paropakāro dharmo'sti vṛṣaḥ kiṃkaramokṣaṇam |
mokṣadānaṃ mahaddānaṃ kṛṣṇaprāptiparāyaṇam || 88 ||
[Analyze grammar]

prasannatā harestatra jāyate svāminaḥ sadā |
paro mokṣastasya samyagupādānaṃ pativratam || 89 ||
[Analyze grammar]

paropakāro mokṣo'tra jñāninā deya eva saḥ |
bhaktimatā tathā deyaścānyasmai patyurājñayā || 90 ||
[Analyze grammar]

śaśī sūryo'tha pavano divā rātrirjalaṃ kṣitiḥ |
candanaṃ pādapāḥ santaḥ paropakaraṇe sthitāḥ || 91 ||
[Analyze grammar]

dadhīcinā kṛtaṃ tvasthidānaṃ devebhya eva yat |
śibinā tvarpitaṃ māṃsaṃ kapotāya svadehajam || 92 ||
[Analyze grammar]

jīmūtavāhanenāpi rājñā pūrvaṃ dayālunā |
garuḍāyā'rpitaṃ svasya jīvitaṃ cirajīvanam || 93 ||
[Analyze grammar]

dharmāṃgadena mohinyai vratārthaṃ tu śiro'rpitam |
sṛṣṭyarthaṃ vedhasā dehāḥ punaḥ punaḥ samarpitāḥ || 94 ||
[Analyze grammar]

lokānāṃ mokṣaṇārthāya gaṃgādyāḥ sarito'bhavan |
viṣṇuḥ śālagrāmaśilā śaṃkaro liṃgarūpakaḥ || 95 ||
[Analyze grammar]

lakṣmīstu tulasīrūpā lokamokṣaṇahetave |
kṛṣṇo gopālatāṃ prāptastathā matsyādirūpavān || 96 ||
[Analyze grammar]

paropakṛtaye sarvaṃ pūrvaiḥ pūrvataraiḥ kṛtam |
parjanyaścandramāḥ sūryaḥ samāḥ sarveṣu jantuṣu || 97 ||
[Analyze grammar]

tathā tvayā tu kiṃkaryā śunyāṃ puṇyaṃ dayālunā |
samabhāvayujā dattaṃ nirdhūtā'khilakalmaṣā || 98 ||
[Analyze grammar]

jātedānīṃ guro santu tvādṛśā mokṣadā bhuvi |
paropakāraśīlāśca sādhavo hi pativratāḥ || 99 ||
[Analyze grammar]

dehyājñāṃ me harerdhāma gantuṃ yāmi sukhālayam |
ityukto brāhmaṇaḥ prāha tasyai mantraṃ harermuhuḥ || 100 ||
[Analyze grammar]

oṃ namaḥ śrīkṛṣṇanārāyaṇoddhara kukkurīm |
gaccha kṛṣṇasya golokaṃ śuni puṇyavatī bhava || 101 ||
[Analyze grammar]

evaṃ śrutvā tu sā pūrṇaṃ jātā divyā surūpiṇī |
śvadehaṃ tu parityajya śubhā''dityasamā'bhavat || 102 ||
[Analyze grammar]

tāvattatrāgataṃ divyaṃ vimānaṃ sūryalaukikam |
tatrārūḍhā dyotayantī vyomamaṇḍalamūrdhvataḥ || 103 ||
[Analyze grammar]

divyā devyabhavaccandrānanā''bharaṇabhūṣitā |
kalpaṃ vāsaṃ divi kṛtvā bhuktvā bhogān mahītale || 104 ||
[Analyze grammar]

naranārāyaṇāddevādurvaśīnāma nāmataḥ |
varāṃganā samutpannā vaiṣṇavī devatāpriyā || 109 ||
[Analyze grammar]

apsarodharmayuktā'pi sadā kṛṣṇapativratā |
pātivratyaparā jātā''śritamokṣapradāyinī || 106 ||
[Analyze grammar]

āmrapuṣpāṇi saṃgṛhya nareṇorau pramardane |
udbhāvitā mahādivyā mahendrasainyamohinī || 107 ||
[Analyze grammar]

yadā''gato naranārāyaṇatapaḥsu vighnakṛt |
indro nārāyaṇadeśādindrabhavanaṃ sā sthitā || 108 ||
[Analyze grammar]

vaiṣṇavī sā mahābhāgyavatī tatra pravartate |
nityaṃ sā śrīkṛṣṇanārāyaṇaṃ patiṃ prasevate || 109 ||
[Analyze grammar]

iti te kathitaṃ lakṣmi pāpatāpapraṇāśanam |
pātivratyaparaṃ sarvaṃ mokṣadaṃ tārakaṃ śubham || 110 ||
[Analyze grammar]

iti śrīlakṣmīnārāyaṇīyasaṃhitāyāṃ prathame kṛtayugasantāne patidveṣṭryāḥ kāśmīrīyabrāhmaṇyāḥ śatajanmaśunītvaṃ tataḥ śrīkṛṣṇanārāyaṇapātivratyapareṇa sauvīradeśīyavipreṇa śunyāḥ pramokṣaṇaṃ devītvaṃ tato naranārāyaṇasyororurvaśītvamiti nirūpaṇanāmā trayastriṃśadadhikacatuśśatatamo'dhyāyaḥ || 433 ||
[Analyze grammar]