Chapter 264

śrīlakṣmīruvāca |
śrotṝṇāṃ paramaṃ śrāvyaṃ pavitrāṇāmanuttamam |
duḥsvapnanāśakaṃ divyaṃ śrotavyaṃ yatnato mayā || 1 ||
[Analyze grammar]

māsānāṃ paramo māsaḥ puruṣottamasaṃjñakaḥ |
yasya devaḥ svayaṃ sākṣātpuruṣottama eva vai || 2 ||
[Analyze grammar]

svargīyā nirjarāḥ sarve bhūtale janma lipsavaḥ |
tamarcayanti puruṣaṃ tūttamaṃ tu narāyaṇam || 3 ||
[Analyze grammar]

ye japanti sadā bhaktyā devaṃ nārāyaṇaṃ prabhum |
tānarcayanti satataṃ brahmādyā devatāgaṇāḥ || 4 ||
[Analyze grammar]

tasya te devadevasya māsasya puruṣottama |
śuklapakṣaikādaśī kiṃnāmnī bhavati me vada || 5 ||
[Analyze grammar]

ko vidhiḥ kiṃ phalaṃ dānaṃ ko devo vada me prabho |
yadvrataṃ manujaḥ kṛtvā prāpnuyātsvargamakṣaram || 6 ||
[Analyze grammar]

śrīnārāyaṇa uvāca |
puruṣottamamāsasya śuklapakṣe tu dhāmadā |
bhavatyekādaśī nāmnā yadbhūtaṃ brahmadhāmadam || 7 ||
[Analyze grammar]

vidhirbrahmamayaścātra phalaṃ brahmamayaṃ smṛtam |
brahmadhāmeśvaraḥ kṛṣṇanārāyaṇaḥ patirmataḥ || 8 ||
[Analyze grammar]

akṣarātīta evāyaṃ bhagavānpuruṣottamaḥ |
akṣarayā svapatnyā tu sahito dhāmadāyutaḥ || 9 ||
[Analyze grammar]

pūjanīyo muktalatākusumaiścāmṛtaiḥ phalaiḥ |
dānamupaniṣadvidyāśca vai mokṣadānakam || 10 ||
[Analyze grammar]

dīkṣādānaṃ brahmadānaṃ vedadānaṃ nijārpaṇam |
sarvasvārpaṇamevā'tra dānānāmuttamaṃ matam || 11 ||
[Analyze grammar]

bhagavaddhāmadānāgre dānamanyat samalpakam |
dhāmaprāptikaraṃ dānaṃ śreṣṭhaṃ dānaṃ mataṃ priye || 12 ||
[Analyze grammar]

daśamyāmekabhuktaḥ syād bhūśāyī brahmacaryavān |
prātarutthāya saṃdhyāyedakṣarāṃ puruṣottamam || 13 ||
[Analyze grammar]

dhāmadāṃ cāpi saṃsmṛtya kuryātsnānaṃ yathāvidhi |
naityakaṃ pūjanaṃ kṛtvā mahāpūjāṃ samācaret || 14 ||
[Analyze grammar]

maṇḍapaṃ kārayed ramyaṃ sarvatobhadramaṇḍalam |
kārayeccā'vraṇaṃ kuṃbhaṃ ratnagarbhaṃ sakācanam || 15 ||
[Analyze grammar]

vastravāriphalayuktaṃ sthāpayenmaṇḍale tataḥ |
viśālaṃ tāmrajaṃ pātraṃ kuṃbhopari nidhāpayet || 16 ||
[Analyze grammar]

kamalaṃ dvādaśapatraṃ kuṃkumaistatra darśayet |
tatrārcayedakṣarayā sahitaṃ puruṣottamam || 17 ||
[Analyze grammar]

tathā kamalayopetaṃ sthāpayitvā yathāvidhi |
upacāraiḥ ṣoḍaśabhirmahāpūjāṃ samācaret || 18 ||
[Analyze grammar]

divyaṃ divyamahāmuktaiḥ sevitaṃ ca prabhādibhiḥ |
rādhālakṣmyādibhiryuktaṃ dhyāyāmi sundaraṃ varam || 19 ||
[Analyze grammar]

bhaktakṛpākaraṃ kṛṣṇaṃ manasā''vāhayāmyaham |
svarṇasiṃhāsane kṛṣṇa niṣīda puruṣottama || 20 ||
[Analyze grammar]

gaṃgodakaṃ jalaṃ pādyaṃ gṛhāṇā'kṣarayā saha |
gandhapuṣpādisaṃyuktaṃ jalamarghyaṃ gṛhāṇa vai || 21 ||
[Analyze grammar]

gālitaṃ tīrthasalilaṃ gṛhṇīṣvācamanīyakam |
dugdhaṃ dadhi ghṛtaṃ kṣaudraṃ śarkarāṃ ca janārdana || 22 ||
[Analyze grammar]

paṃcāmṛtaṃ snapanārthaṃ kṛpayā pratigṛhyatām |
vāridheḥ saritāṃ toyaṃ snānārthaṃ pratigṛhyatām || 23 ||
[Analyze grammar]

dhautraṃ prāvaraṇaṃ kaṃcukādikaṃ pratigṛhyatām |
śāṭīṃ ghargharikāṃ kaṃcukyādikaṃ pragṛhāṇa vai || 24 ||
[Analyze grammar]

paṭṭasūtraṃ brahmasūtraṃ gṛhāṇa puruṣottama |
keyūraṃ kaṭakeṃ'gulīyakaṃ mukuṭanūpure || 25 ||
[Analyze grammar]

raśanāṃ tantikāṃ natthīṃ jhaṃjhirairāṇi gṛhyatām |
ratnaṃ svarṇaṃ puṣpahārān śṛṃgārādi pragṛhyatām || 26 ||
[Analyze grammar]

kastūryagurukarpūraiścandanairlepanaṃ kuru |
kadambaṃ campakaṃ padmaṃ kundaṃ jātīṃ ca gṛhyatām || 27 ||
[Analyze grammar]

dhūpa sugandhadaṃ nārāyaṇa gṛhāṇa bhāvataḥ |
dīpaṃ ghṛtakṛtaṃ ramyaṃ gṛhāṇa puruṣottama || 28 ||
[Analyze grammar]

kuṃkumābīragūlālakajjalāttaramāvaha |
ārārtrikaṃ suprakāśaṃ gṛhāṇa puruṣottama || 29 ||
[Analyze grammar]

annaṃ ca pāyasaṃ śaṣkulyādi goghṛtapolikāḥ |
dadhi dugdhaṃ ghṛtaṃ miṣṭaṃ gṛhāṇa kamalāpate || 30 ||
[Analyze grammar]

jalaṃ tairthyaṃ sugandhāḍhyaṃ śītalaṃ piba mādhava |
pūgyelākhadirāḍhyaṃ tu tāmbūlaṃ pratigṛhyatām || 31 ||
[Analyze grammar]

kadalā'mrā'mṛtadāḍimaśrīphalaṃ pragṛhyatām |
dakṣiṇāṃ kāṃcanīṃ kṛṣṇa gṛhāṇa hīrakādikam || 32 ||
[Analyze grammar]

aṃjalisthāni puṣpāṇi hyakṣatāṃśca gṛhāṇa vai |
namaste kamalākānta namo'kṣarādhināyaka || 33 ||
[Analyze grammar]

karomi daṇḍavat tvakṣareśa svāmin gṛhāṇa ca |
tvāṃ vinā śaraṇaṃ nānyastvameva śaraṇaṃ mama || 34 ||
[Analyze grammar]

vrataṃ pūrṇaṃ kuru śrīśa rakṣa māmakṣareśvara |
annaṃ vastraṃ suvarṇaṃ ca śākaṃ śayyāṃ ghṛtādikam || 35 ||
[Analyze grammar]

arpayāmi harerbuddhyā dvijāyaitad gṛhāṇa vai |
iti saṃpūjya sadbhaktyā divāśeṣaṃ nayed vratī || 36 ||
[Analyze grammar]

dāna dadyād yathāśakti kurvītā'vaśyakīṃ kriyām |
madhyāhne'pi sumiṣṭānnaṃ naivedyaṃ ca jalādikam || 37 ||
[Analyze grammar]

sāyaṃ cāpi mahāpūjāṃ kārayed bahuvastubhiḥ |
kuryānnīrājanaṃ tvājyapañcavartisamanvitam || 38 ||
[Analyze grammar]

naivedyaṃ jalapānaṃ ca tāmbūlaṃ pādamardanam |
datvā kṛtvā kīrtanaiśca rātrau jāgaraṇaṃ caret || 39 ||
[Analyze grammar]

haryālayaṃ jāgarārthaṃ satāṃ vā tu maṭhaṃ prati |
gacchato'styaśvamedhasya phalaṃ puṃsaḥ pade pade || 40 ||
[Analyze grammar]

prātaḥ snātvā punaḥ pūjāṃ nityāṃ naimittikīṃ tathā |
kuryācca bhojayed devaṃ tato bhaktāṃstu bhojayet || 41 ||
[Analyze grammar]

gurave svarṇamūrtīnāṃ dānaṃ kuryāt vratī tataḥ |
bahūni tvanyadānāni kuryāṃccābhimatāni vai || 42 ||
[Analyze grammar]

sādhūṃśca vaiṣṇavān sādhvīrbhojayenmṛṣṭabhojanam |
haviṣyānnena kurvīta pāraṇāṃ ca tato vratī || 43 ||
[Analyze grammar]

divānidrāṃ parānnaṃ ca punarbhojanamaithune |
dvādaśyāṃ varjayet tailaṃ tāmasaṃ cāpi bhojanam || 44 ||
[Analyze grammar]

pāraṇāhe tu labhyeta svalpāpi dvādaśī yadi |
tatraiva pāraṇāṃ kuryānna tāmullaṃghayed vratī || 45 ||
[Analyze grammar]

dvādaśyāḥ prathamaḥ pādo harervāsara ucyate |
tatra naiva hi bhoktavyaṃ puṇyāsyā'kṣayamicchatā || 46 ||
[Analyze grammar]

evaṃ dhāmapradāyāśca vrataṃ kāryaṃ vidhānataḥ |
vimānena ca taṃ bhaktaṃ hyante dhāma nayet prabhuḥ || 47 ||
[Analyze grammar]

śṛṇu lakṣmi purā jātaṃ vṛttāntaṃ dhāmadāvrate |
āsīt kṛtayuge rājā puṇḍarīkasamāhvayaḥ || 48 ||
[Analyze grammar]

viṣṇubhaktaścakravartī sarvatra samadarśanaḥ |
sāghuvatsarvathā dehe daihike niṣparigrahaḥ || 49 ||
[Analyze grammar]

ardhaṃ dinaṃ tu pūjāyāṃ śeṣaṃ nyāyapradāpane |
yāpayati vratāhe tu pūjāmātraṃ karoti vai || 50 ||
[Analyze grammar]

rājñī kumudvatīnāmnī tasya tvāsītpativratā |
patyājñāmeva śāstrājñāṃ matvā saṃsevate patim || 51 ||
[Analyze grammar]

apṛṣṭvā svapatiṃ kiṃcinnaiva karoti mānasam |
ekadā''sītpuṇḍarīko dhāmadāvratapūjane || 52 ||
[Analyze grammar]

rājñī jvarā'bhibhūtā''sīdantaḥpurādhivāsinī |
sāyaṃ svāsthyaprarakṣārthaṃ vinā pṛṣṭvā tu tatpatim || 53 ||
[Analyze grammar]

dāsībhiḥ saha vāṭikāyāmudyānaṃ prajagāma sā |
kṣudhayā cānukūlaṃ tu jvarānuttejakaṃ phalam || 54 ||
[Analyze grammar]

navaraṃgaṃ gṛhītvā tadrasaṃ papau pativratā |
patiṃ tvapāyāyitvā'sau papau pativratā yataḥ || 55 ||
[Analyze grammar]

pātivratye'bhavadbhaṃgo jvaraścātivyavardhata |
tṛṣayā ca jalaṃ pītvā rātrau tatraiva saṃsthitā || 56 ||
[Analyze grammar]

prātaḥ patyurnityasevā na jātā'dya dine tathā |
prātarbharturmukhadarśanaṃ na jātaṃ tathā param || 57 ||
[Analyze grammar]

patyaṃguṣṭhajalapānaṃ prāptaṃ naiva ca naiva ca |
pāravaśyaṃ gatā rugṇā pātivratyaṃ kṣatiṃ gatam || 58 ||
[Analyze grammar]

jvaraścātiprabalo'bhūd varṣma śuṣkāyitaṃ tadā |
pātivratyasya bhagena rājñī tvapuṇyabhāginī || 59 ||
[Analyze grammar]

maraṇasyonmukhī jātā pīḍyate'tīva śoṣitā |
duritācca kumudvatyāḥ prāṇāḥ prayānti naiva ca || 60 ||
[Analyze grammar]

puṇḍarīkaśca śuśrāva rājñyā āmayamityapi |
vrate pūrṇe samāgatya sevāṃ tasyāścakāra ha || 61 ||
[Analyze grammar]

āyuṣyaṃ pūrṇatāṃ yātaṃ prāṇā niryānti naiva ca |
tadā rājñā jalaṃ datvā dhāmadāphalamarpitam || 62 ||
[Analyze grammar]

śīghraṃ prāṇāstu niryātā vimānaṃ divyamāgatam |
viṣṇunā ca tathā lakṣmyā pārṣadaiśca suśobhitam || 63 ||
[Analyze grammar]

akṣarāsahitaśrīmatpuruṣottamaśobhitam |
dvitīyaṃ ca vimānaṃ tvāgatamakṣaradhāmadam || 64 ||
[Analyze grammar]

prathamaṃ viṣṇunā nītā vimāne sā ramāyute |
vaikuṇṭhaṃ prāpitā paścādārūḍhā'nyavimānake || 65 ||
[Analyze grammar]

akṣaraṃ dhāma nītā śrīpuruṣottamadhāminā |
evaṃ vai dhāmadāyāḥ sā puṇyalābhena dhāmagā || 66 ||
[Analyze grammar]

abhavacca kimu tarhi dhāmadāvratinaḥ punaḥ |
tasmāddhāmapradāyāstu vrataṃ kāryaṃ viśeṣataḥ || 67 ||
[Analyze grammar]

puruṣottamamāsasya śuklaikādaśikāvratam |
paraṃ dhāmapradaṃ mokṣapradaṃ sampatpradaṃ tathā || 68 ||
[Analyze grammar]

śrutvā cāpi paṭhitvāpi vratatulyaṃ phalaṃ bhavet |
sakāmānāṃ mahāsmṛddhapārameṣṭhyādi saṃbhavet || 69 ||
[Analyze grammar]

yathābalaṃ prakartavyaṃ tadidaṃ śubhakāṃkṣiṇā |
akṣarā dhāmadā cāsmai bhuktiṃ muktiṃ pradāsyati || 70 ||
[Analyze grammar]

iti śrīlakṣmīnārāyaṇīyasaṃhitāyāṃ prathame kṛtayugasantāne puruṣottamamāsasya śukladhāmadaikādaśīvratamāhātmyaṃ puṇḍarīkanṛpasya kumudvatīpatnyāḥ kiṃcitpatisevālābhaśūnyāyā api vratenā'kṣaradhāmaprāptirityādinirūpaṇanāmā catuḥṣaṣṭyadhikadviśatatamo'dhyāyaḥ || 264 ||
[Analyze grammar]