Chapter 265

śrīlakṣmīruvāca |
udyāpanāni sarvāṇi sarvadevaprapūjanam |
bhagavan kathitaṃ sarvaṃ tanmayā viditaṃ prabho || 1 ||
[Analyze grammar]

ekādaśīnāṃ sarvāsāṃ yadyudyāpanamekalam |
kartavyaṃ syāttadā vistāraḥ kiyāṃstaṃ ca me vada || 2 ||
[Analyze grammar]

śrīnārāyaṇa uvāca |
śṛṇu lakṣmi pravakṣyāmi sarvāsāmekalakṣaṇam |
udyāpanaṃ samastaṃ vai sampūrṇaphaladaṃ yathā || 3 ||
[Analyze grammar]

maṇḍape nirmite ramye kadalīstambhaśobhite |
vidhāya sarvatobhadraṃ tanmadhye sthāpayed ghaṭam || 4 ||
[Analyze grammar]

aśvatthodumbaraplakṣacūtanyagrodhapallavaiḥ |
yuktaṃ ratnairvastrakaṇṭhaṃ tathā salilasaṃbhṛtam || 5 ||
[Analyze grammar]

tanmukhe sumahatpātraṃ nidadhyātkuṃkumānvitam |
kamalaṃ dvādaśapatraṃ daladvādaśakānvitam || 6 ||
[Analyze grammar]

kṛtvā madhye ramājuṣṭaṃ vāsudevaṃ suvarṇajam |
sthāpayetparitaścaturviṃśatyekādaśapatīn || 7 ||
[Analyze grammar]

tattatpatnīsametāṃśca sthāpayetpūrvataḥ kramāt |
ādye śrīkeśavau padmānārāyaṇau tato dale || 8 ||
[Analyze grammar]

mādhavo nityayā sākaṃ govindaścandrayā saha |
ramayā saha viṣṇuśca mādhavyā madhusūdanaḥ || 9 ||
[Analyze grammar]

trivikramaśca padmākṣyā vāmanaḥ kamalāyutaḥ |
śrīdharaḥ kāntimatyā ca hṛṣīkeśā'parājite || 10 ||
[Analyze grammar]

padmanābhaḥ padmavatyā rādhādāmodarau tataḥ |
patreṣu pūrvataḥ saṃkarṣaṇaḥ saha sunandayā || 11 ||
[Analyze grammar]

vāsudevo hariṇyā'tha pradyumnaśca dhiyā saha |
aniruddhaḥ suśīlāyuk nandayā puruṣottamaḥ || 12 ||
[Analyze grammar]

adhokṣajastrayīyuktaḥ kṣemaṃkaryā nṛkesarī |
acyuto vijayāyuktaḥ sundaryā ca janārdanaḥ || 13 ||
[Analyze grammar]

upendraḥ subhagāyukto hariḥ saha hiraṇyayā |
kṛṣṇaḥ sulakṣaṇāyuktaḥ sthāpanīyo vidhānataḥ || 14 ||
[Analyze grammar]

paṃcāmṛtena madhyasya snānamabhyaṃgapūrvakam |
mahābhiṣekaṃ kuryācca vastrābhūṣādi cārpayet || 15 ||
[Analyze grammar]

sarvagandhaiḥ sumanobhiḥ pūjayettulasīdalaiḥ |
dhūpaṃ dīpaṃ candanaṃ ca naivedyaṃ jalamarpayet || 16 ||
[Analyze grammar]

modakān khājakāṃścaiva cūrṇāni ghṛtapūrakān |
sohilakāṃśca kaṃsāraṃ saktūn sevāṃśca polikāḥ || 17 ||
[Analyze grammar]

pūrikāḥ pāyasaṃ dugdhasāraṃ dadhyodanaṃ tathā |
piṇḍakān vaṭakāṃścaiva śatacchidrāṃśca śaṣkulīḥ || 18 ||
[Analyze grammar]

tilapākaṃ śālipākaṃ mudgacūrṇaṃ guḍaudanam |
raṃbhāphalaṃ tathā'nyacca miṣṭānnamarpayed bahu || 19 ||
[Analyze grammar]

śākāni vividhānyeva phalāni vividhānyapi |
tāmbūlaṃ mukhavāsādi jalaṃ cāpi samarpayet || 20 ||
[Analyze grammar]

mahānīrājanaṃ kṛtvā dadyātpuṣpāṃjaliṃ tataḥ |
stutiṃ namo daṇḍavacca kṣamāyācanamityapi || 21 ||
[Analyze grammar]

kṛtvā samāpya pūjāṃ ca dadyād dānāni bhāvataḥ |
gobhūtilahiraṇyāśvagajavāhāmbarāṇi ca || 22 ||
[Analyze grammar]

tato devagṛhe goṣṭhe samidājyatilaudanaiḥ |
puṣparasānvitairhomamācaret tattadāhvayaiḥ || 23 ||
[Analyze grammar]

gāścaturviśatiṃ dadyādekā vā kāṃcanānvitām |
madhyāhne pūjayettadvad bhojayecca yathāvidhi || 24 ||
[Analyze grammar]

sāyaṃ nīrājanaṃ kuryātpūjayed bhojayettathā |
rātrau jāgaraṇaṃ kṛtvā prabhāta tvarcayeddharim || 25 ||
[Analyze grammar]

suvarṇanirmitāṃ mūrtiṃ dadyātsvagurave vratī |
alaṃkārāṃśca vāsāṃsi śayyāṃ dadyāttato vratī || 26 ||
[Analyze grammar]

caturviṃśatibhūdevān sādhūṃśca bhojayet satīḥ |
ghaṭāṃśca viṣṇave dadyāt pradadyād dakṣiṇāṃ tathā || 27 ||
[Analyze grammar]

tataḥ sa pāraṇāṃ kuryād bhojayitvā janānsvakān |
evaṃ kṛte caturviṃśatyekādaśīphalaṃ bhavet || 28 ||
[Analyze grammar]

vittaśāṭhyaṃ na kartavyamudyāpanamahotsave |
lakṣmīkāntaḥ svayaṃ kṛṣṇastuṣyatyevarddhisampradaḥ || 29 ||
[Analyze grammar]

atha lakṣmi kathayāmi dhenuśailādikān śṛṇu |
pūjayitvā tato dadyād gurave bahulaṃ dhanam || 30 ||
[Analyze grammar]

vaibhave vipule dadyād dhenūrdaśavidhā vratī |
merūndaśavidhāndadyāt śṛṇu tatra vidhiṃ priye || 31 ||
[Analyze grammar]

tatra gomayaliptāyāṃ darbhānāstīrya vai bhuvi |
udakpādāḥ prāṅmukhyaśca kalpanīyāstu gā daśa || 32 ||
[Analyze grammar]

guḍadhenuṃ guḍenaiva śataprasthamitena vai |
pañcaviṃśatisīraiśca tadvatsa kalpayed vratī || 33 ||
[Analyze grammar]

yadvā gūḍha yathāśraddhaṃ dhenusthāne nidhāya ca |
yathāśraddhaṃ ca tadvatsaṃ kṛtvā guḍena vai tataḥ || 34 ||
[Analyze grammar]

anarghyairvasanaiḥ sūkṣmairveṣṭayitvā ca tāvubhau |
śuktikarṇāvikṣupādau śuddhamauktikanetrakau || 35 ||
[Analyze grammar]

tāmrapṛṣṭhau kṣaumapucchau śvetorṇākṛtakambalau |
svarṇaśṛṃgau rūpyakhurau vidrumabhrūkuṭīyutau || 26 ||
[Analyze grammar]

nānā''bharaṇaśobhāḍhyau kāṃsyadohanasaṃyutau |
vidhāyaivaṃ tu govatsau pūjayedvidhinā vratī || 37 ||
[Analyze grammar]

ghṛtadhenuṃ dugdhadhenuṃ śarkarādhenumuttamām |
tiladhenuṃ madhudhenuṃ rasadhenuṃ tathottamām || 38 ||
[Analyze grammar]

dadhidhenuṃ cāmbudhenuṃ svarṇadhenuṃ vidhāya ca |
tattadvatsaṃ prathamavat kṛtvā saṃpūjayed vratī || 39 ||
[Analyze grammar]

yathāśakti prakuryādvai dhenūṃśca vatsakāṃstathā |
pradadyād gurave sarvāḥ puruṣottamatuṣṭaye || 40 ||
[Analyze grammar]

tadvacca parvatān ramyān vṛkṣataḍāgasaṃyutān |
kalpayitvā daśavidhān caturaḥ koṇaparvatān || 41 ||
[Analyze grammar]

pūjayedvidhinā dadyādgurave harituṣṭaye |
maṇḍape gomayalipte kuśānāstīrya bhūtale || 42 ||
[Analyze grammar]

madhye vrīhimayaṃ meruṃ sahasradroṇasammitam |
kuryād droṇaṃ tu dvādaśaprasthapramitamuttamam || 43 ||
[Analyze grammar]

pūrve mauktikahīrakapadmarāgāṃśca dakṣiṇe |
pītaśyāmān paścimāyāmuttare vidrumānnyaset || 44 ||
[Analyze grammar]

ikṣudaṇḍairguhāṃ kuryācchuktibhistu śilādikam |
ghṛtena prasravaṇāni vastrairmeghāṃśca kalpayet || 45 ||
[Analyze grammar]

śṛṃgāṇi svarṇaraupyāṇi munīndevān hiraṇmayān |
indrādīn dikpatīn raupyān kuryād vṛkṣāṃśca dhātubhiḥ || 46 ||
[Analyze grammar]

mandāraṃ pārijātaṃ ca kalpadru ca kadambakam |
kṛtvā saṃśobhayetpuṣpaphalaiḥ sauvarṇarājataiḥ || 47 ||
[Analyze grammar]

mandarādriryavaiḥ pūrve godhūmairgandhamādanaḥ |
vipulādristilaiḥ paśce māṣaiḥ supārśva uttare || 48 ||
[Analyze grammar]

kāryāścaite nagāḥ śobhāyuktāḥ svopaskarairyutāḥ |
svastyayanaṃ vācayitvā tvāvāhya devaparvatān || 49 ||
[Analyze grammar]

pūjayitvā pradadyācca gurave smṛddhaparvatān |
gāścaturviśatiṃ dadyād viprebhyo dakṣiṇāṃ tathā || 50 ||
[Analyze grammar]

lavaṇādriṃ guḍādriṃ ca hemādriṃ tilaparvatam |
kārpāsādriṃ ghṛtādriṃ ca ratnādriṃ rājatācalam || 51 ||
[Analyze grammar]

śarkarādriṃ yathāśakti nagānnava prakārayet |
pārśvasthānparvatāṃścāpi caturaścaturo yathā || 52 ||
[Analyze grammar]

racayitvā pūrvavacca śobhāṃ kuryādanekadhā |
pūjayedvidhinā sarvān dadyācca gurave tu tān || 53 ||
[Analyze grammar]

godānaṃ pṛthivīdānaṃ kanyādānaṃ gṛhārpaṇam |
yānavāhananagaragrāmadānaṃ vidhāpayet || 54 ||
[Analyze grammar]

sarvasvaṃ gurave dadyād viprebhyastu yathārhakam |
bhikṣukebhyastvannadānamanyebhyo yadapekṣitam || 55 ||
[Analyze grammar]

evamudyāpanaṃ kṛtvā paścād devān visarjayet |
sarvaṃ tadgurave dadyād devālayāya vā'rpayet || 56 ||
[Analyze grammar]

vrateṣu tyājyavastūnāṃ gṛhītā niyamāstu ye |
tattadvastupradānaṃ tu kāryamudyāpane tathā || 97 ||
[Analyze grammar]

dattaṃ sarvaṃ milatyevehā'mutra tvanyathā na vai |
tasmād yathā balaṃ kāryā prapūrṇatā vratottaram || 58 ||
[Analyze grammar]

vaivasvatena manunā kṛtamudyāpanaṃ purā |
bhṛguputryā ramayā ca kṛtamudyāpanaṃ tathā || 59 ||
[Analyze grammar]

padmayā dharaṇipuvyā kṛtamudyāpanaṃ tathā |
prāpya viṣṇuṃ ca vaikuṇṭhe modante sarvadā tathā || 60 ||
[Analyze grammar]

pārvatyā ca kṛtaṃ sarvamudyāpanaṃ mahat purā |
prabhayā ca kṛtaṃ tadvadudyāpanaṃ yathāyatham || 61 ||
[Analyze grammar]

iti lakṣmi kathitāni vratāni vidhitaśca te |
ekādaśīnāṃ sarvāsāṃ kimanyacchrotumicchasi || 62 ||
[Analyze grammar]

iti śrīlakṣmīnārāyaṇīyasaṃhitāyāṃ prathame kṛtayugasantāne sarvāsāmekādaśīnāṃ mahodyāpanavidhisvarūpanirūpaṇanāmā pañcaṣaṣṭyadhikadviśatatamo'dhyāyaḥ || 265 ||
[Analyze grammar]