Chapter 228

śrīnārāyaṇa uvāca |
kalau kṛṣṇasya māhātmyaṃ ye śṛṇvanti paṭhanti ca |
teṣāṃ vaikuṇṭhagolokadhāmnorvāso mataḥ sadā || 1 ||
[Analyze grammar]

nityaṃ kṛṣṇakathā yasya prāṇādapi garīyasī |
na tasya durlabhaṃ cātra paratrāpi yathepsitam || 2 ||
[Analyze grammar]

manvantarasahasreṇa kāśīvāsasya yatphalam |
tatphalaṃ dvāravatyāṃ tu pañcadivasavāsataḥ || 3 ||
[Analyze grammar]

śvapacopi vasannatra yatīnāṃ gatimāpnuyāt |
dvārakāṃ prati yātasya puṇyaṃ syāttu pade pade || 4 ||
[Analyze grammar]

kurukṣetre ravigrahasnānasyetyāha padmajaḥ |
candragrahe bhaved yaśca phalaṃ tadatra darśane || 5 ||
[Analyze grammar]

puṣkare kārtikasnānaphalaṃ yadvarṣakoṭibhiḥ |
tatphalaṃ dvārakāvāse nityaṃ bhavati dehinaḥ || 6 ||
[Analyze grammar]

avantyāṃ yatphalaṃ manuśatena bhavati priye |
tatphalaṃ dvārakāyāṃ tu dinaikavāsato bhavet || 7 ||
[Analyze grammar]

kṛṣṇadarśanapuṇyaṃ tu mataṃ koṭivratā'dhikam |
rukmiṇīkṛṣṇasevāyāḥ phalaṃ golokamokṣaṇam || 8 ||
[Analyze grammar]

dhanyāste kṛtakṛtyāste dṛṣṭaṃ yaiḥ kṛṣṇamaṇḍalam |
dvādaśyāṃ kṛṣṇapūjā ca karoti yastu bhāvataḥ || 5 ||
[Analyze grammar]

kṣīrasnānaṃ kārayati śatāśvamedhajaṃ phalam |
dugdhād daśaguṇaṃ darbhād ghṛtāttasmād daśottaram || 10 ||
[Analyze grammar]

ghṛtāddaśaguṇaṃ kṣaudraṃ śaṃkhena taddaśottaram |
puṣpodakaṃ ca darbhodaṃ vardhate taddaśottaram || 11 ||
[Analyze grammar]

mantrodakaṃ ca gandhodaṃ tato'pi ca daśottaram |
snānamikṣurasenāpi śatavājimakhaiḥ samam || 12 ||
[Analyze grammar]

tīrthanīreṇa saṃsnānaṃ tato daśaguṇaṃ smṛtam |
sakāmastvāpnuyātsvargaṃ niṣkāmo muktimāpnuyāt || 13 ||
[Analyze grammar]

kṛṣṇasnānārdragātraṃ yo vastreṇa mārjayejjanaḥ |
tasya janmāntaralakṣapāpaṃ bhavati mārjitam || 14 ||
[Analyze grammar]

snāpayitvā hariṃ tasmai puṣpahāraṃ dadāti yaḥ |
tasya puṇyaṃ svarṇaniṣkākoṭidānaphalaṃ bhavet || 15 ||
[Analyze grammar]

snānakāle kṛṣṇanāmnāṃ jātastu sahasrakam |
pratyakṣaraṃ miletpuṇyaṃ kapilāśatagopradam || 16 ||
[Analyze grammar]

snānakāle ca kṛṣṇāgre nartanaṃ gāyanaṃ ca vā |
karoti sa tu kṛṣṇasya goloke jāyate priyaḥ || 17 ||
[Analyze grammar]

snānakāle hare jaya kṛṣṇā jayetivādinaḥ |
tālikā vādayataśca na yoniyantranirgamaḥ || 18 ||
[Analyze grammar]

vastrairdhūpena sauvarṇabhūṣaṇaiḥ pūjayanti ye |
śatamanvantaraṃ vāso vaikuṇṭhe ca tataḥ param || 19 ||
[Analyze grammar]

goloke śāśvato vāso bhavati kṛṣṇasevane |
ketakyā cātha tulasīmaṃjaryā kusumaistathā || 20 ||
[Analyze grammar]

mālatyā rukmiṇīpatiṃ pūjayanti ca yā striyaḥ |
krīḍanti saptasu svargabhūmiṣu patinā saha || 21 ||
[Analyze grammar]

manvantaraśatapūrṇaṃ tato golokamāpnuyuḥ |
yogināṃ yajñināṃ caiva dānināṃ tīrthasevinām || 22 ||
[Analyze grammar]

pitṛmātṛprabhaktānāṃ dvādaśīvratināṃ tathā |
ekādaśyāṃ jāgaraṇaṃ kurvatāṃ nṛtyatāṃ tathā || 23 ||
[Analyze grammar]

gāyatāṃ smaratāṃ vedaghoṣaṇāṃ kurvatāṃ tathā |
viṣṇunāmnāṃ sahasraṃ ca paṭhatāṃ cāpi yatphalam || 24 ||
[Analyze grammar]

tatphalaṃ kṛṣṇapūjāyāṃ tulasyarpaṇato bhavet |
rukmiṇīkṛṣṇapūjāyāḥ phalaṃ cāpi tato'dhikam || 25 ||
[Analyze grammar]

yathā lakṣmīḥ priyā viṣṇoḥ tulasī ca tatodhikā |
yatra kvāpi tulasyā vai pūjito bhavati hariḥ || 26 ||
[Analyze grammar]

tatra tasya dvārakāyāstīrthayātrāphalaṃ bhavet |
ketakyā'pyarcayet kṛṣṇaṃ pratipuṣpā'śvamedhajam || 27 ||
[Analyze grammar]

phalaṃ vai prāpyate cānte golokagatirāpyate |
mālatyā pūjayet kṛṣṇaṃ prāpyate ca hareḥ padam || 28 ||
[Analyze grammar]

yathāptapatrapuṣpairvā pūjayecchrīpatiṃ harim |
divyāṃśca mānuṣān bhogān bhuktvā yāti hareḥ padam || 29 ||
[Analyze grammar]

aṣṭākṣaro'yaṃ mantrastu śrīkṛṣṇaḥ śaraṇaṃ mama |
taṃ japan pūjayetkṛṣṇaṃ candanena sugandhinā || 30 ||
[Analyze grammar]

karpūreṇa ca kastūryā sa ceyāt kṛṣṇatulyatām |
ājyena guggulenāpi dhūpaṃ kuryācca yo hareḥ || 31 ||
[Analyze grammar]

pātakaṃ pravidhūyā'sau surūpo jāyate'kṣare |
kṛṣṇāyane dīpamālāṃ kārayati dine dine || 32 ||
[Analyze grammar]

saptadvīpanṛpaḥ syādvai dīpe dīpe phalaṃ hi tat |
naivedyāni vividhāni kṛṣṇāya yo nivedayet || 33 ||
[Analyze grammar]

tasya vai pitarastṛptāḥ śāśvatīṃ muktimāpnuyuḥ |
tāmbūlaṃ karpūrayutaṃ pūgādicūrṇikānvitam || 34 ||
[Analyze grammar]

kṛṣṇāya yacchato nāsti punarjanmātra māyike |
nīraṃ śītaṃ sugandhāḍhyaṃ deyaṃ kṛṣṇāya tṛptaye || 35 ||
[Analyze grammar]

nityā tṛptirbhavet tasya nityā'mṛtādipānataḥ |
phalāni cārumiṣṭāni pakvānyarpayatastathā || 36 ||
[Analyze grammar]

anyadapi mukhasyaiva śuddhyarthaṃ dadatastathā |
goloke nityatṛptiḥ syāt sugandhaśvāsavānbhavet || 37 ||
[Analyze grammar]

śrīkṛṣṇasya prakramaṇaṃ karturvairājadhiṣṇyakam |
śrīkṛṣṇamandire puṣpodyānaṃ yaḥ kārayetpari || 38 ||
[Analyze grammar]

sa puṣpakavimānena krīḍati devakoṭibhiḥ |
cāmarairvyajanairvāyuṃ kṛṣṇāya yā prayacchati || 3 ||
[Analyze grammar]

tasyā dhāmni svayaṃ kṛṣṇaścūmbati mukhapaṃkajam |
śayyākartryāśca śayyāyāṃ saha svapiti keśavaḥ || 40 ||
[Analyze grammar]

śrīkṛṣṇamaṇḍapaṃ kadalīstaṃbhaiḥ kārayettu yaḥ |
tasya sevāmapsarasaḥ kurvanti kadalīsamāḥ || 41 ||
[Analyze grammar]

kṛṣṇālaye patākābhiḥ śobhāṃ karoti yo janaḥ |
sūryaloke tasya vāso sadā bhavati sūryavat || 42 ||
[Analyze grammar]

dhūpacandanasaugandhyuttaraiśca vāsayed hareḥ |
mandiraṃ tasya bhavanaṃ divi vai vāsitaṃ bhavet || 43 ||
[Analyze grammar]

kṛṣṇapādaprasaṃvāhaṃ yā karoti hṛdā sadā |
kṛṣṇena saha goloke ramā bhūtvā pramodate || 44 ||
[Analyze grammar]

bhojanaṃ nūtanaṃ kṛtvā śrīkṛṣṇaṃ saṃprabhojayet |
sā vai lakṣmīḥ sadā bhūtvā vaikuṇṭhe śrīhariṃ bhajet || 45 ||
[Analyze grammar]

śrīkṛṣṇasya sadā sevāṃ ye kurvanti janā bhuvi |
devakanyāvṛtāḥ svarge sevyante cāpsarogaṇaiḥ || 46 ||
[Analyze grammar]

śrīkṛṣṇaśikhare yaśca dhvajamāropayecchubham |
tasyā'kṣare pare dhāmni sadhvajaṃ bhavanaṃ bhavet || 47 ||
[Analyze grammar]

śrīkṛṣṇamandire citrakāryaṃ kārayate tu yaḥ |
tasya citramayaṃ dhāmni vimānaṃ bhavati dhruvam || 48 ||
[Analyze grammar]

darpaṇaṃ yaśca kṛṣṇāgre dadyātsa somalokagān |
bhogānākalpamābhuktvā golokaṃ śāśvataṃ vrajet || 49 ||
[Analyze grammar]

chatraṃ bahuśalākaṃ sakṣaumaṃ dadyāttu śārṅgiṇe |
sa vai vairājalokeṣu samrāṭ bhūtvā hariṃ vrajet || 50 ||
[Analyze grammar]

dadyād yānaṃ vimānaṃ vā vāhaṃ khaṭvāṃ bṛsīṃ kaṭam |
kuberaḥ kalpaparyantaṃ bhūtvā'nte yānti mokṣaṇam || 51 ||
[Analyze grammar]

ārārtrikaṃ hareḥ kuryāt bahuvarttighṛtādibhiḥ |
tasyā'rārtrikamanvahaṃ kriyate devakoṭibhiḥ || 52 ||
[Analyze grammar]

keśavopari sajalaṃ śaṃkhaṃ ca bhrāmayettu yaḥ |
sa kṣīre sāgare kṛṣṇasannidhau vāsabhāg bhavet || 53 ||
[Analyze grammar]

kṛṣṇapradakṣiṇāṃ kuryāt pṛthvīdānaphalaṃ pade |
kuryād daṇḍanamaskāraṃ cāśvamedhaphalaṃ bhavet || 54 ||
[Analyze grammar]

kīrtanaṃ śrīhareḥ kuryāt sāmavedaphalaṃ labhet |
nṛtyaṃ kuryāddhareragre koṭipāpavināśanam || 55 ||
[Analyze grammar]

vasatāṃ dvārakāṃ golokadhāmā''vāsajaṃ phalam |
gomatīnīrapānaṃ ca yaḥ kuryāttasya mokṣaṇam || 56 ||
[Analyze grammar]

gaṃgādvāre prayāge ca gaṃgāyāṃ kurujāṃgale |
puṣkare ca prabhāse ca śrīsthale śuklatīrthake || 57 ||
[Analyze grammar]

cāndrāyaṇasahasrasya phalaṃ tvekadine'tra vai |
dvārikāgomatīkṛṣṇagopītālaprasevinaḥ || 58 ||
[Analyze grammar]

iti śrīlakṣmīnārāyaṇīyasahitāyāṃ prathame kṛtayugasantāne dvārikāvāsakṛṣṇapūjanamāhātmyaphalādinirūpaṇanāmā'ṣṭāviṃśatyadhikadviśatatamo'dhyāyaḥ || 228 ||
[Analyze grammar]