Chapter 227

śrīnārāyaṇa uvāca |
śṛṇu lakṣmi dvārapālān pratidikṣu vasanti ye |
dvārakāṃ paritaḥ sthitvā rakṣanti kṛṣṇadeśataḥ || 1 ||
[Analyze grammar]

pūrve jayanta indrasya putrastiṣṭhati sarvadā |
tasya śiṣyā danujāśca tiṣṭhantyājñāvahāstathā || 2 ||
[Analyze grammar]

vajranābhaḥ sunābhaśca vajravāhurmahāhanuḥ |
vajradaṃṣṭo vajradhārī vajrahā vajralocanaḥ || 3 ||
[Analyze grammar]

śvetamūrdhā śvetamālī naranātho vināyakaḥ |
sūryaśca mātaraḥ sapta śaṃbhuścāpi ca takṣakaḥ || 4 ||
[Analyze grammar]

kārtikeyo rājasaśca dīrgharomākhyadānavaḥ |
viśvāvasuśca gandharvo menakā cāpsarāstathā || 5 ||
[Analyze grammar]

sanatkumāro vaśiṣṭho nyagrodhaśca mahāvaṭaḥ |
athāgnidiśi tiṣṭhanti jvālāmukho'ruṇākṣakaḥ || 6 ||
[Analyze grammar]

kuśaḥ śmaśānanilayo māṃsāśī rudhirāśanaḥ |
kṛṣṇaḥ kṛṣṇajaṭādhārī trāsano bhañjanastathā || 7 ||
[Analyze grammar]

agnisthālī cāpsarā ca gandharvo'māvasustathā |
atha dakṣiṇakāṣṭhāyāṃ daṇḍapāṇirmahāsvaraḥ |
pāśahastastrinetraścātivarto māraṇastathā || 8 ||
[Analyze grammar]

dundubhisvarakaḥ kharasvaro ghargharavastathā |
maunapriyo mallikaśca durdarśaśca vināyakaḥ || 9 ||
[Analyze grammar]

mahiṣīkaśca sūryaśca bhūṣaṇaścaturastathā |
citrāṃgadaḥ sugandhaścāpsarorvaśyabhidhānikā || 10 ||
[Analyze grammar]

gorajo dānavaścaiva śālo mahādrumastathā |
sanātanarṣiragastyo dakṣiṇadvārarakṣakāḥ || 11 ||
[Analyze grammar]

atha nairṛtakāṣṭhāyāṃ gomukho muṇḍanastathā |
nagnaśca kambalī caiva rodano hasanaśca vai || 12 ||
[Analyze grammar]

lambagrīvo bhrūvikāro dvijaṃbhakaśca sūryakaḥ |
muśalī menakā cāpi rakṣanti nairṛtīṃ diśām || 13 ||
[Analyze grammar]

atha paścimakāṣṭhāyāṃ svastikaḥ śaṃkhamastakaḥ |
śubhāsyo nīlavāsāśca pādahasto mūlā''karaḥ || 14 ||
[Analyze grammar]

ekapāda ekanetraḥ sthūlajaṃgho mahacchirāḥ |
puṣpadanto gaṇeśaśca sūryaḥ satrājiteśvaraḥ || 15 ||
[Analyze grammar]

tumburuśca ghṛtācī ca mahodarasarīsṛpaḥ |
ghaṭotkacaḥ paṃcajanaḥ kāśyapaśca kapālinī || 16 ||
[Analyze grammar]

aśvatthadruḥ kapilaśca rakṣanti paścimāṃ diśam |
atha vāyavyakāṣṭhāyāṃ bhaṃjano bhairavastathā || 17 ||
[Analyze grammar]

ghaṭodaraśca kāliko daṇḍako mardano ruruḥ |
ṣaṅgaḥ sarvabhujo ghṛṇī supārśvo vāyudigbhavāḥ || 18 ||
[Analyze grammar]

athottare mūlasthānaḥ sūrya indreśvaraḥ śivaḥ |
kaṇṭheśvarī khaṃjanaśca vāsukiḥ kūrmadānavaḥ || 19 ||
[Analyze grammar]

sanakaśca golakākhyarākṣaso nāradastathā |
raṃbhā'psarāḥ plakṣavṛkṣo rakṣanti cottarāṃ diśam || 20 ||
[Analyze grammar]

atheśānyāṃ kilīkaśca durdharo bhairavānanaḥ |
dīrghāsyo meghavaktraśca karālo vikacastathā || 21 ||
[Analyze grammar]

mūkaśca balibhuk caiva balipriyaśca māṃsabhuk |
ete sarve diśāṃ pālāstatratyāḥ saṃti padmaje || 22 ||
[Analyze grammar]

jayantaḥ sarvamūrdhanyo nāgo rakṣati pattalam |
etānprapūjya kṛṣṇasya kāryaṃ vai pūjanaṃ mahat || 23 ||
[Analyze grammar]

atha rukmigaṇeśasya pūjanaṃ darśanaṃ tathā |
kartavyaṃ vidhinā kṛṣṇājñayā dvāravyavasthiteḥ || 24 ||
[Analyze grammar]

kṛṣṇāya rukmiṇīṃ dātuṃ bhīṣmakaśca kṛtotsavaḥ |
rukmī viruddhamatago tadvākyaṃ nā'nvamanyata || 25 ||
[Analyze grammar]

bhagavāṃśca hariḥ kṛṣṇo rukmiṇīmambikāsthalāt |
jahāra ca yadā rukmī pratijñāmakarottadā || 26 ||
[Analyze grammar]

kṛṣṇaṃ cā'vinihatvā'haṃ nivartiṣye raṇānnahi |
iti vegād gato yuddhaṃ kartuṃ kṛṣṇena rukmakaḥ || 27 ||
[Analyze grammar]

kṛṣṇenā''baddhya so'pyardhaśmaśrunikṛntanaḥ kṛtaḥ |
avamānena maraṇe kṛtaniścaya eva saḥ || 28 ||
[Analyze grammar]

rakṣitaḥ śrībhagavatā rukmiṇyāḥ priyakāraṇāt |
pūjitaśca gaṇānāṃ vai nāyakaścāpi nirmitaḥ || 29 ||
[Analyze grammar]

tatastasya sadā pūjā kāryā kṛṣṇasya tuṣṭaye |
tato durvāsasaṃ caiva baladevaṃ prapūjayet || 30 ||
[Analyze grammar]

śrīkṛṣṇaṃ pūjayettasya mandire dhāmasannibhe |
sarvayajñaphalaṃ sarvadakṣiṇāphalamityapi || 31 ||
[Analyze grammar]

sarvayogaphalaṃ jñānaphalaṃ gaṃgāphalaṃ tathā |
sarvadānaphalaṃ mokṣaphalaṃ labhyeta pūjanāt || 32 ||
[Analyze grammar]

tatastrivikramaṃ devaṃ pūjayedvāmanṃ mudā |
ekadā tu baleḥ rājño rājyaṃ cā'bhūnmahītale || 33 ||
[Analyze grammar]

tadā durvāsakaścakratīrthe snātuṃ samāgataḥ |
tatra daivairjānubhirmuṣṭibhiścātīva tāḍitaḥ || 34 ||
[Analyze grammar]

nivārayāmāsa tāṃśca rururnāma mahāsuraḥ |
rakṣitaścāpi durvāsāḥ kailāsaṃ saṃyayau tadā || 35 ||
[Analyze grammar]

etasminnantare rājan vāmano bhagavānsvayam |
jigāya tripadairbhūmiṃ balidvāre vyavasthitaḥ || 36 ||
[Analyze grammar]

durvāsāśca tadā cintāmakarot sukhakāriṇīm |
vāmanaṃ prati śaraṇaṃ jagāma balisevitam || 37 ||
[Analyze grammar]

āyāntamṛṣimālokya balirdaityapatistadā |
pratyutthāyā'rhaṇāṃ cakre cāsane sannyaveśavat || 38 ||
[Analyze grammar]

provāca praṇato brūhi cātrā''gamanakāraṇam |
durvāsāśca balerdvāre dṛṣṭvā viṣṇuṃ caturbhujam || 39 ||
[Analyze grammar]

rudan śvasan muhurvegāt trāhi trāhītyabhāṣata |
brāhmaṇaṃ duḥkhitaṃ dṛṣṭvā dayāluḥ prāha mādhavaḥ || 40 ||
[Analyze grammar]

kiṃ kasmād duḥkhamāpannaṃ vada śīghraṃ tu me mune |
durvāsāḥ prāha bhagavan jñātvā tīrthaṃ tu muktidam || 41 ||
[Analyze grammar]

cakratīrthaṃ gataḥ snātuṃ cā'kṛtasnāna eva ca |
gale gṛhīto daityaiśca muṣṭibhiścātitāḍitaḥ || 42 ||
[Analyze grammar]

balād gṛhītvā vāsāṃsi kuśāṃścaivā'kṣatāṃstathā |
niṣkāsitaścākruṣṭa haniṣyāmo yadyāgataḥ || 43 ||
[Analyze grammar]

snātvā ca cakratīrthe'haṃ kariṣye bhojane tataḥ |
tasmād snāpaya govinda rakṣa māṃ śaraṇāgatam || 44 ||
[Analyze grammar]

virarāmetyabhidhāya durvāsāḥ krodhano muniḥ |
brahmaṇyadevo bhagavān brāhmaṇaṃ tamuvāca ha || 45 ||
[Analyze grammar]

hatvā daityān snāpayiṣye samāgaccha mayā saha |
trivikramaśca bhagavān āyayau muninā saha || 46 ||
[Analyze grammar]

kṛṣṇaśca prāha snānaṃ tva kuru śāntyā mune hyatha |
durvāsāstadvacaḥ śrutvā snānaṃ cakre tvarānvitaḥ || 47 ||
[Analyze grammar]

sandhyādikaṃ nityakarma kartumārabhata dvijaḥ |
durmukho dānavastatra krodhā''saṃraktalocanaḥ || 48 ||
[Analyze grammar]

samāyayau tathā durvāsasaṃ hantumiyeṣa vai |
kṛṣṇaścakreṇa durmukhaśiraściccheda līlayā || 49 ||
[Analyze grammar]

tato daityāḥ samājagmuryuddhārthaṃ śastrakovidāḥ |
viṣṇuḥ saṃkarṣaṇaḥ kṛṣṇo vāmanaśceti sarvaśaḥ || 50 ||
[Analyze grammar]

mārgaṇairastraśastraiśca raṇe daityān nijaghnire |
duḥsahaṃ kūrmapṛṣṭhaṃ ca golakaṃ vedadūṣakam || 51 ||
[Analyze grammar]

yajñaghnaṃ yajñahantāraṃ dharmānta ca nijaghnire |
kuśastadā samāyāto yuddhāya kṛtaniścayaḥ || 52 ||
[Analyze grammar]

anīkaṃ daśasāhasraṃ nāgānāmayutaṃ tathā |
ayute dve rathānāntu cāśvānāṃ ca daśā'yutam || 53 ||
[Analyze grammar]

vakrago dīrghanakhaśca nighasaḥ prasavastathā |
ūrdhvabāhurvakraśirāḥ kaṃcukaśca śilonmukhaḥ || 54 ||
[Analyze grammar]

yajñadhnaśca tathā rāhurbabarako mahāhanuḥ |
sunāmā vasunāmā ca daityā yuddhāya niryayuḥ || 55 ||
[Analyze grammar]

kuśastadā mahādevaṃ pupūja jayavāñcchayā |
yayau khaḍgaṃ kare dhṛtvā keśavaṃ prati vegataḥ || 56 ||
[Analyze grammar]

uvāca yadi jeṣyāmi kīrtirme hyatulā bhavet |
patito'haṃ tvayā yadvā yāsyāmi paramāṃ gatim || 57 ||
[Analyze grammar]

ityuktvā dhāvamānasya śiraściccheda līlayā |
patitaḥ śivasānnidhye punarjīvita utthitaḥ || 98 ||
[Analyze grammar]

uvāca viṣṇumānamya daityeste'pakṛtaṃ ca kim |
durvāsasaṃ snāpayitvā yathecchasi tathā kuru || 59 ||
[Analyze grammar]

kṛṣṇaḥ prāha bhavadbhiśca tīrthaṃ ruddhaṃ hi sarvathā |
tasmāt sarvān haniṣyāmi dānavānnātra saṃśayaḥ || 60 ||
[Analyze grammar]

yuyudhe ca tadā kuśaḥ kṛṣṇena saha vegataḥ |
bhagavān krodhasaṃyuktaścakreṇā'pātayacchiraḥ || 61 ||
[Analyze grammar]

tadā daityaiḥ kuśadeho mastakaṃ ca śivālaye |
nikṣipto tāvadevā'yaṃ prasādācchaṃkarasya vai || 62 ||
[Analyze grammar]

upasthitaḥ sahasā dhṛtvā gadāṃ yoddhumupasthitaḥ |
mahādevena tuṣṭena yato'maraḥ sa vai kṛtaḥ || 63 ||
[Analyze grammar]

punaśca hariṇā svasya gadayā bhinnamastakaḥ |
kuśo garte tadā kṣipto mṛtpāṣāṇaiśca bhāritaḥ || 64 ||
[Analyze grammar]

tadupari śivaliṃgaṃ sthāpitaṃ viṣṇunā tadā |
jīvito'pi punarnā'yamutthito'bhūduvāca ca || 65 ||
[Analyze grammar]

śivaliṃgaṃ tvayā viṣṇo sthāpitaṃ yanmamopari |
mama nāmnā bhavatvetat kuśeśa itiviśrutam || 66 ||
[Analyze grammar]

kuśasthalyāṃ kuśeśaśca tīrthaṃ kṛtaṃ mahattathā |
kṛṣṇena tattathā'stviti kuśānugrahakāraṇāt || 67 ||
[Analyze grammar]

tato'nyadānavānsarvān nāśayāmāsa mādhavaḥ |
rasātalagatāḥ kecitkecid bhṛtyatayā sthitāḥ || 68 ||
[Analyze grammar]

vāmanaśca tathā viṣṇuranantaḥ krodhano muniḥ |
ete'nyepi dvāravatyāṃ sthānaṃ kṛtvā sadā sthitāḥ || 69 ||
[Analyze grammar]

dvitīyena ca rūpeṇa tāni tīrthāni santi vai |
kṛṣṇaṃ viṣṇuṃ vāmanaṃ ca saṃkarṣaṇaṃ durvāsasam || 70 ||
[Analyze grammar]

tīrthakṛtpūjayed gandhaiḥ puṣpanaivedyabhūṣaṇaiḥ |
vastraiḥ phalaiśca tāmbūlā'kṣatacandanakuṃkumaiḥ || 71 ||
[Analyze grammar]

ārārtrikeṇa dhūpena dīpavāditrakīrtanaiḥ |
pradakṣiṇādakṣiṇābhiḥ stutibhirvandanaistathā || 72 ||
[Analyze grammar]

sarvārpaṇaiśca sampūjya kuryājjāgaraṇaṃ niśi |
bhādreṣṭamyāṃ dvādaśyāṃ ca pūjayitvā tu tānsurān || 73 ||
[Analyze grammar]

golokaṃ dhāma cāpnoti yatra gatvā na śocati |
snāpayitvā hariṃ kṛṣṇaṃ pūjayitvā vidhānataḥ || 74 ||
[Analyze grammar]

tulasīṃ pūjayitvā cārcayed durvāsasaṃ tataḥ |
gaṇeśaṃ vainateyaṃ ca pūjayecca tataḥ param || 75 ||
[Analyze grammar]

rukmiṇīṃ pūjayecchaktyā ṣoḍaśopasuvastubhiḥ |
grahapīḍā na jāyeta vyādhayo na bhavanti ca || 76 ||
[Analyze grammar]

bhūtapretādipīḍā ca naśyed rukmiṇīkā'rcanāt |
rukmiṇīṃ snāpayed dadhnā kṣīreṇa madhunā tathā || 77 ||
[Analyze grammar]

śarkarayā ghṛtenāpi gandhaiḥ sugandhicandanaiḥ |
utaraiḥ śreṣṭhatailaiśca tato'bhiṣekasajjalaiḥ || 78 ||
[Analyze grammar]

śrīkhaṇḍakuṃkumenāpi kastūrīkesaraistathā |
vilepayeyenmahālakṣmīṃ rukmiṇīṃ cātibhāvataḥ || 79 ||
[Analyze grammar]

aputrasya bhavetputro'dhanaśca dhanamāpnuyāt |
dāsān bhṛtyān paśūn gāśca prāpnuyād bhogavaibhavān || 80 ||
[Analyze grammar]

pūjayenmālatīpuṣpaiḥ śatapatraiḥ sugandhibhiḥ |
karavīrairmallikābhistulasīrājacampakaiḥ || 81 ||
[Analyze grammar]

karavīraiḥ ketakaiśca dhūpairvastrairdhanaistathā |
bhūṣaṇairbhūṣayed devīṃ maṇiratnairvibhūṣaṇaiḥ || 82 ||
[Analyze grammar]

evaṃ pūjayamānasya na kule nirdhanaḥ kvacit |
nā'putro nā'pyasadbhāgyo na nīcasevako bhavet || 83 ||
[Analyze grammar]

naivedyaṃ bhakṣyabhojyādi tato dadyāt priyaṃ priyam |
tāmbūlaṃ ca sakarpūraṃ bhāvena vinivedayet || 84 ||
[Analyze grammar]

phalaṃ jalaṃ tathā'rghaṃ ca dadyādārārtrikaṃ tataḥ |
nīrājanaṃ karpūreṇa kṛtvā śaṃkhajalaṃ tataḥ || 85 ||
[Analyze grammar]

bhrāmayet sarvato rakṣākaraṃ śirasā dhārayet |
daṇḍavat praṇamed bhūmau namaḥ kṛṣṇapriye vadan || 86 ||
[Analyze grammar]

viprapatnyai tato dadyād dānāni vividhāni ca |
sindūrahāravastrāṇi gandhakusumakuṃkumam || 87 ||
[Analyze grammar]

kajjalaṃ cāpi tāmbūlaṃ bhakṣyaṃ bhojyaṃ navaṃ navam |
athaivaṃ satyabhāmāṃ ca devīṃ jāmbavantīṃ tathā || 88 ||
[Analyze grammar]

mitravindāṃ ca kālindīṃ bhadrāmagnijitīṃ tathā |
pūjayitvā ṣoḍaśabhistarpayitvā ca pāyasaiḥ || 89 ||
[Analyze grammar]

sarvān kāmānavāpnoti paratreha ca pūjakaḥ |
tasmātsarvaprayatnena rājñyaśca kṛṣṇavallabhāḥ || 90 ||
[Analyze grammar]

toṣaṇīyāścātibhaktyā bhaveyuḥ svargamokṣadāḥ |
saphalaṃ jīvitaṃ teṣāṃ saphalāśca manorathāḥ || 91 ||
[Analyze grammar]

māghe māsi sitā'ṣṭamyāṃ caitrasya dvādaśīdine |
vaiśākhe cāpi jyeṣṭhasyā'ṣṭamyāṃ bhādre ca kārtike || 92 ||
[Analyze grammar]

dvādaśyāṃ sitapakṣe sā pūjitā kṛṣṇasaṃyutā |
dadyādvai cirajīvitvaṃ cākṣayāṃ putrasantatim || 93 ||
[Analyze grammar]

kārayet sudṛḍhaṃ yaśca rūkmiṇīkṛṣṇamandiram |
tasya golokadhāmnyeva vāsaḥ kṛṣṇasya mandire || 94 ||
[Analyze grammar]

nityanaivedyasampūrṇavyavasthā kārayecca yaḥ |
tasya dhāmni harernityaṃ prasādaprāpaṇaṃ bhavet || 95 ||
[Analyze grammar]

vastravyajanasacchatracāmarakalaśādikam |
arpayed yaḥ śrīkṛṣṇāya tasya taddhāmnyanantakam || 96 ||
[Analyze grammar]

kṛṣṇalakṣmīcaraṇānāṃ sevakasya susmṛddhayaḥ |
sadā divyā bhavantyeva nāryāśca kṛṣṇabhogyatā || 97 ||
[Analyze grammar]

snāyācca sarvatīrtheṣu dānaṃ śaktyā dadāti yaḥ |
sarvayajñaphalaṃ naiva kalau kṛṣṇaśriyo'rcanāt || 98 ||
[Analyze grammar]

muktvā dvāravatīṃ puṇyāṃ muktirnānyatra vai kalau |
labhyate ca mahālakṣmi kṣetraṃ divyaṃ ca me'sti tat || 99 ||
[Analyze grammar]

iti te kathitaṃ mukhyaṃ tīrthamāhātmyamuttamam |
janaḥ śrutvā paṭhitvā ca tattīrthaphalamāpnuyāt || 100 ||
[Analyze grammar]

iti śrīlakṣmīnārāyaṇīyasaṃhitāyāṃ prathame kṛtayugasantāne dvārikākṣetrarakṣakāṇāṃ nāmāni durvāsasaḥ snānanimittaṃ kuśādidaityānāṃ nāśaḥ kuśeśvarāditīrthāni vāmanāditīrthāni paṭṭarājñītīrthādīni cetyādinirūpaṇanāmā saptaviṃśatyadhikadviśatatamo'dhyāyaḥ || 227 ||
[Analyze grammar]