Chapter 229

śrīnārāyaṇa uvāca |
śrūyatā ca mahālakṣmi dvārikā gomatī tathā |
nirmitā svarganiḥśreṇiḥ kalau kṛṣṇena gomatī || 1 ||
[Analyze grammar]

sukhadā sevināṃ nityaṃ snānamātreṇa mokṣadā |
śilāścakrāṃkitā yatra gomatyudadhisaṃbhavāḥ || 2 ||
[Analyze grammar]

dṛṣṭā api paraṃ mokṣaṃ prāpayanti tu darśakān |
yanmṛttikā mokṣadā'sti tāṃ purīṃ ko na sevayet || 3 ||
[Analyze grammar]

āvantyo brāhmaṇaḥ kaścitsomaśarmetināmakaḥ |
śivabhakto na jānāti tadanyadevatāvratam || 4 ||
[Analyze grammar]

caturdaśīṃ karotyeva viṣṇuṃ tu manute nahi |
prativarṣaṃ karoti sma somanāthasya darśanam || 5 ||
[Analyze grammar]

saptā'yutaṃ gataṃ tasya varṣāṇāṃ jarjaro hyabhūt |
somanāthasya yātrāyāṃ koṭiśo hyabhavan janāḥ || 6 ||
[Analyze grammar]

te ca sarve mahattīrthaṃ kṛtvā gatvā ca raivatam |
tato gatāśca dvārikāyātrārthaṃ na gato dvijaḥ || 7 ||
[Analyze grammar]

somaśarmā yayau naijaṃ gṛhaṃ suṣvāpa caikalaḥ |
svapne ca pitarastasya pitāmahāḥ samāyayuḥ || 8 ||
[Analyze grammar]

prapitāmahayuktāśca bāndhavā vṛddhasantateḥ |
pretarūpāḥ kṣudhāvyāptā raudrāḥ śokasamanvitāḥ || 9 ||
[Analyze grammar]

dṛṣṭvā tān bhayamāpannaścovāca saḥ prakampitaḥ |
ke yūyaṃ raudrarūpāḥ stha kutaḥ kasmāt samāgatāḥ || 10 ||
[Analyze grammar]

pretāḥ prāhuśca taṃ putraṃ te smo vayaṃ pitāmahāḥ |
duḥkhitā kṣudhitāścātra tvatsamīpe samāgatāḥ || 11 ||
[Analyze grammar]

putraḥ prāha mayā dattaṃ taptaṃ hutaṃ ca bhojitam |
bhavatāṃ tuṣṭilābhāya bhavadbhiścāpi tatkṛtam || 12 ||
[Analyze grammar]

kathaṃ tiṣṭhatha pretatve brūta kāraṇamatra me |
pretā ūcuḥ śṛṇu putra viddho vai harivāsaraḥ || 13 ||
[Analyze grammar]

kṛto'smābhistvayā cāpi kriyate na harerdinam |
tena doṣeṇa cāsmākaṃ pretatvaṃ duḥkhadaṃ vṛtam || 14 ||
[Analyze grammar]

na cāpyuddhāra evāsti tava pāpānmahattarāt |
na tvaṃ kuruṣe bhagavadvrataṃ yātrāṃ karoṣi na || 15 ||
[Analyze grammar]

kṛṣṇaṃ na manuṣe putra dvārikāṃ na ca gacchasi |
kevalaṃ śaṃkaraṃ devaṃ bhajase nindasi prabhum || 16 ||
[Analyze grammar]

tena doṣeṇa pretatvaṃ prāptāstvamapi prāpsyasi |
na viṣṇudveṣiṇaḥ śaṃbhuḥ kariṣyati hi sadgatim || 17 ||
[Analyze grammar]

śaṃkaro viṣṇubhakto'sti vaiṣṇavāgryaḥ sa vartate |
kṛṣṇanindākarasyā'yaṃ pūjāṃ gṛhṇāti naiva ca || 18 ||
[Analyze grammar]

haribhaktivihīnānāṃ dvādaśīvratavarjinām |
pāpaṃ nāśaṃ na cāyāti pretatvaṃ na nivartate || 19 ||
[Analyze grammar]

vinā keśavapūjāṃ tu pūjyamāne'pi śaṃkare |
nārakaṃ duḥkhadaṃ kaṣṭaṃ pāpaṃ bhavati govadham || 20 ||
[Analyze grammar]

prathamaṃ keśavaḥ pūjyaḥ paścācchrīśaṃkaro'rhati |
pūjanaṃ ca tato devāḥ pūjyāścānye vyavasthitiḥ || 21 ||
[Analyze grammar]

tvayā nāstikabhāvena pūjyate na hariḥ svayam |
na pūjā rakṣati śaivī bhāskarī na pitāmahī || 22 ||
[Analyze grammar]

pretabhāvaṃ nārdayati viddhavāsarajaṃ khalu |
vaiśākhe tu tṛtīyāṃ ca viddhāṃ tithiṃ karoti yaḥ || 23 ||
[Analyze grammar]

havyaṃ devā na gṛhṇanti kavyaṃ naiva pitāmahāḥ |
kurute yadi mohāttāṃ pretatvaṃ tasya vai dhruvam || 24 ||
[Analyze grammar]

dvādaśī pūrṇamāsī ca pitroḥ samvatsaraṃ dinam |
pūrvaviddhaṃ prakurvāṇo narakaṃ pratipadyate || 25 ||
[Analyze grammar]

praṇamya somanāthaṃ tvaṃ dvārakāṃ naiva gacchasi |
karoṣi kṛṣṇasevāṃ na yātrāyāste phalaṃ nahi || 26 ||
[Analyze grammar]

tasmāt someśvaraṃ dṛṣṭvā gantavyaṃ dvārakāpurīm |
dṛṣṭvā someśvaraṃ devaṃ dvārakāṃ yāti naiva yaḥ || 27 ||
[Analyze grammar]

sa patennarake ghore pitṛbhiḥ saha putraka |
tadvayaṃ patitāḥ sarve pātitāśca punastvayā || 28 ||
[Analyze grammar]

nirgamo yamalokācca tadasmākaṃ na dṛśyate |
gomatīnīrasamparkāt kṛṣṇavaktrāvalokanāt || 29 ||
[Analyze grammar]

gopīsaraḥśrāddhadānāt taranti pitaraḥ suta |
kṛṣṇasya dvārakāṃ gatvā paśyānanaṃ hareḥ prabhoḥ || 30 ||
[Analyze grammar]

śrāddhaṃ dānaṃ samudrasya gomatīsaṃgame kuru |
tarpaṇaṃ gopikātāle kuru kṛṣṇasamarpaṇam || 31 ||
[Analyze grammar]

tava puṇyaṃ bhavecchubhraṃ cāsmākaṃ ca gatirbhavet |
pūjite devadeveśe kṛṣṇe rukmiṇīsevite || 32 ||
[Analyze grammar]

pūjitāśca vayaṃ puṣṭiṃ kurmaḥ putrapautrikīm |
pretayonivinirmuktā yāsyāmaḥ paramāṃ gatim || 33 ||
[Analyze grammar]

gomatīniradhau tasya na vai pretatvamasti hi |
tatra śrāddhapradānena pitṛtṛptiśca mokṣaṇam || 34 ||
[Analyze grammar]

tīrthakoṭisahasraiśca tatra śrāddhaiśca yatphalam |
tatphalaṃ labhyate sarvaṃ dvārakāyāṃ jalārpaṇāt || 35 ||
[Analyze grammar]

yatīnāṃ bhojanaṃ kṛṣṇabhojane cāpi yatphalam |
tatphalaṃ prāpyate koṭikalpatṛptikaraṃ śubham || 36 ||
[Analyze grammar]

dvārakāvāsināṃ muktiḥ śāśvatī sarvathā matā |
na teṣāṃ punarāvṛttiḥ kalpakoṭiśatairapi || 37 ||
[Analyze grammar]

yā nārī vidhavā nityaṃ kurute dvārakāśrayam |
sā tu lakṣmīrbhavatyeva kṛṣṇasya priyakāriṇī || 38 ||
[Analyze grammar]

kṛṣṇaṃ kṛṣṇapurīṃ gatvā yo'rcayet tulasīdalaiḥ |
prāptaṃ janmaphalaṃ tena tāritāśca pitāmahāḥ || 39 ||
[Analyze grammar]

tulasīdalamālāṃ ca kṛṣṇottīrṇāṃ tu yo vahet |
patre patre'śvamedhānāṃ daśānāṃ jāyate phalam || 40 ||
[Analyze grammar]

tulasīmālayā yuktaḥ śrāddhaṃ dānaṃ samācaret |
pitṝṇāṃ devatānāṃ ca svalpaṃ koṭiguṇaṃ bhavet || 41 ||
[Analyze grammar]

tulasīkāṣṭhamālāṃ tu dṛṣṭvā dravanti yāmakāḥ |
yadgṛhe tulasīkāṣṭhaṃ patraṃ śuṣkamathā''rdrakam || 42 ||
[Analyze grammar]

bhavate tadgṛhe naiva pāpasaṃkramaṇaṃ kvacit |
tasmātputra tulasyāśca mālāṃ dhṛtvā ca vaiṣṇavaḥ || 43 ||
[Analyze grammar]

bhūtvā gaccha hareḥ saumyāṃ dvārakāṃ śrāddhamāvaha |
tarpaṇaṃ ca kuru tīrthajalaiścātaḥ pramokṣaya || 44 ||
[Analyze grammar]

unmolanī ca śayanī triḥspṛśā pakṣavardhinī |
tvayā putra prakartavyā jayantī vijayā jayā || 45 ||
[Analyze grammar]

kṛṣṇāṣṭamī prakartavyā sarvapāpapraṇāśinī |
sarvasampatpradā mokṣapradā gaccha sukhān kuru || 46 ||
[Analyze grammar]

iti śrutvā ca pitṝṇāṃ pretānāṃ dvārakāṃ dvijaḥ |
candraśarmā yayau nityagolokadhāmasadṛśīm || 47 ||
[Analyze grammar]

yatra śrīrukmiṇīkṛṣṇaḥ tīrthāni santi sarvadā |
yajñāśca devatā yatra tiṣṭhanti munayo'malāḥ || 48 ||
[Analyze grammar]

kinnaraiḥ siddhagandharvaiḥ sevyate yā ca dvārakā |
svargārohaṇaniḥśreṇirvartate yatra gomatī || 49 ||
[Analyze grammar]

yasyāḥ sīmapraviṣṭasya naśyanti pāpaparvatāḥ |
sā purī dvijavaryeṇa dṛṣṭā nirmalanetrataḥ || 50 ||
[Analyze grammar]

mudaṃ prāpto dvijastatra gomatīṃ kṛṣṇamandiram |
kṛṣṇaṃ ca sāgaraṃ dvārāvatīṃ nanāma bhāvataḥ || 51 ||
[Analyze grammar]

mene ca kṛtakṛtyaṃ svaṃ dhanyaṃ bhāgyodayānvitam |
tīrthakoṭisahasrāṇāṃ nā'dyā'sti me prayojanam || 52 ||
[Analyze grammar]

śuklā vaiśākhamāsasya samprāptā madhusūdanī |
dvādaśī triḥspṛśā nāma koṭipāpanikṛntanī || 53 ||
[Analyze grammar]

ahau puṇyodayo jāto mayā dṛṣṭā'dya dvārakā |
iti kṛtvā tvapaḥ spṛṣṭvā snātvā santarpya devatāḥ || 54 ||
[Analyze grammar]

cakratīrthaṃ samāsādyā''narca cakrāṃkitāṃ śilām |
kṛṣṇasya darśanaṃ ṣoḍaśopacāraśca pūjanam || 55 ||
[Analyze grammar]

śivasya pūjanaṃ caiva cakre bhāvasamanvitaḥ |
pitṝṇāṃ piṇḍadānaṃ ca jalaṃ datvā vidhānataḥ || 56 ||
[Analyze grammar]

hareḥ snāpanaṃ dugdhena candanena vilepanam |
dhūpaṃ dīpaṃ ca naivedyaṃ navānnaṃ kandamūlakam || 57 ||
[Analyze grammar]

tāmbūlaṃ karpūraṃ vastraṃ phalamārārtrikaṃ tathā |
pradakṣiṇaṃ namaskāraṃ stavanaṃ kusumāñjalim || 58 ||
[Analyze grammar]

daṇḍavacca kṣamāyāñcāṃ kṛtvā jāgaraṇaṃ tathā |
rātrau yāmatraye'tīte prārthanā sa cakāra vai || 59 ||
[Analyze grammar]

kṛṣṇa kṛṣṇa hare kṛṣṇa nārāyaṇa namo'stu te |
dīnāndhaduḥkhamagnānāṃ tvameva śaraṇaṃ sukham || 60 ||
[Analyze grammar]

tava pādaprasevāyāḥ phalaṃ nityaṃ mahāsukham |
duḥkhaṃ sarvaṃ vinaśyedvai tava dvādaśīsevinām || 61 ||
[Analyze grammar]

daśamīvedhajaṃ pāpaṃ yatkṛtaṃ mama pūrvajaiḥ |
tatsarvaṃ vilayaṃ yātu mokṣaṃ yāntu ca pūrvajāḥ || 62 ||
[Analyze grammar]

yathā pretatvaśūnyāḥ syurmama pūrvapitāmahāḥ |
muktiṃ prayānti deveśa tathā kuru jagatpate || 63 ||
[Analyze grammar]

mayā śivaprabhaktena tavāpi helanaṃ kṛtam |
pūjanaṃ vandanaṃ tīrthaṃ me darśanaṃ naiva yat kṛtam || 64 ||
[Analyze grammar]

tajjanyaṃ yanmahatapāpaṃ vilayaṃ yātu me sadā |
na kṛtā dvārakāyātrā na kṛṣṇo'tra prasevitaḥ || 65 ||
[Analyze grammar]

na snātā gomatī yacca doṣa mārjaya taddhare |
adyaprabhṛti dāso'smi vaiṣṇavastava keśava || 66 ||
[Analyze grammar]

tava pūjā tava vrataṃ tava pāṭhaṃ ca sevanam |
lepanaṃ kīrtanaṃ stotraṃ kariṣye vandanaṃ tava || 67 ||
[Analyze grammar]

śravaṇaṃ te kathāyāśca pādodakasya dhāraṇam |
naivedyabhakṣaṇaṃ te ca kariṣyāmi hare sadā || 68 ||
[Analyze grammar]

prasanno bhava bhagavan pāpaṃ prajvālaya mama |
muktiṃ kuru ca pitṝṇāṃ prārthanāṃ svīkuru prabho || 69 ||
[Analyze grammar]

śrutvaitadvacanaṃ devaḥ śrīkṛṣṇaḥ prāvirāsa vai |
candracaryan tava bhaktyā tuṣṭo'smi pitaraśca te || 70 ||
[Analyze grammar]

tvaṃ ca pāpāni nirdhūya gantāro mama dhāma yat |
uktvā kṛṣṇastiro'bhūcca pitaraḥ samupasthitāḥ || 71 ||
[Analyze grammar]

procuḥ putra tava yatnānmuktiṃ prāptā na saṃśayaḥ |
gomatī nīradānena piṇḍadānena darśanāt || 72 ||
[Analyze grammar]

pretayonivinirmuktā gacchāmaḥ paramāṃ gatim |
dhanyāste pitaro loke yatkule dvārakāṃ sutaḥ || 73 ||
[Analyze grammar]

gatvā tu tārayet pitṝn kṛṣṇasevādibhiḥ sadā |
dhanyā sā vidhavā nārī kṛṣṇayātrāṃ karoti yā || 74 ||
[Analyze grammar]

tārayatyeva janakaṃ svāminaṃ ca kulaṃ śatam |
śvapaco'pi yadi tīrthaṃ karoti kṛṣṇamānasaḥ || 75 ||
[Analyze grammar]

sa yāti paramāṃ muktiṃ pitṛbhiḥ parivāritaḥ |
yasmāt sarvāṇi tīrthāni sarvadevāstathā makhāḥ || 76 ||
[Analyze grammar]

dvārakāyāṃ samāyānti trikālaṃ kṛṣṇasannidhau |
phalaṃ samagratīrthānāṃ tato'tra labhate janaḥ || 77 ||
[Analyze grammar]

dṛṣṭvā someśvaraṃ yastu dvārakāṃ naiva paśyati |
dhik sutaṃ ca kulaṃ tasya pitaro narake sthitāḥ || 78 ||
[Analyze grammar]

brahmā rudrastathā sūryo mahendrādyāśca devatāḥ |
mānavāśca nṛpā viprāḥ sarpā nāgāśca pattalāḥ || 79 ||
[Analyze grammar]

nadā nadyaśca śailāśca vanānyupavanāni ca |
puryo grāmā nagaryaśca sāgarāśca sarāṃsi ca || 80 ||
[Analyze grammar]

yakṣā gaṇāśca gandharvāḥ siddhā vidyādharāstathā |
apsarasaśca paryaśca dhanado daityarākṣasāḥ || 81 ||
[Analyze grammar]

ṛṣayo munayo yogāḥ sanakādyāśca sādhavaḥ |
sādhvyaśca yoginīcakraṃ sāṃkhyayoginya ityapi || 82 ||
[Analyze grammar]

gṛhanakṣatrayogāśca dhruvaśca lokapālakāḥ |
yatkiṃcittu trilokyāṃ vai vartate sthāṇujaṃgamam || 83 ||
[Analyze grammar]

śrīkṛṣṇasannidhau nityaṃ tiṣṭhate pratyahaṃ hi tat |
na tyajati purīṃ puṇyāṃ dvārakāṃ kṛṣṇamaṇḍitām || 84 ||
[Analyze grammar]

sā tvayā sevitā putra vayaṃ ca kṛṣṇadarśanāt |
pretayonipramuktāḥ smo gacchāmaḥ paramāṃ gatim || 85 ||
[Analyze grammar]

svasti te'stu na gacchāmo golokaṃ divyadhāma tat |
prāptaṃ kṛṣṇapadaṃ putra tvaṃ ca gantā'si dhāma tat || 86 ||
[Analyze grammar]

na kalau phaladā vedā na dānāni makhā na ca |
gomatī phaladā svargamokṣadā sarvathā matā || 87 ||
[Analyze grammar]

kalau kāśī ca mathurā hyavantī revatācalaḥ |
ayodhyā kuṃkumavāpī kāṃcī ca puruṣottamā || 88 ||
[Analyze grammar]

śālagrāmā nadī māyā badarī ca tathā gayā |
kurukṣetraṃ bhṛgukṣetraṃ puṣkaraṃ śuklatīrthakam || 89 ||
[Analyze grammar]

prayāgaśca prabhāsaśca hāṭakeśvara ityapi |
gaṃgādvāraṃ ca vārāhaṃ gaṃgāsāgarasaṃgamaḥ || 90 ||
[Analyze grammar]

naimiṣaṃ daṇḍakāraṇyaṃ tathā vṛndāvanaṃ suta |
sindhukṣetraṃ cārbudaṃ ca sarvāraṇyāni yāni ca || 91 ||
[Analyze grammar]

vanānyāyatanānyeva tathoparāṇi yāni ca |
śailā śaileyatīrthāni himāni ca vanāni ca || 92 ||
[Analyze grammar]

saritaḥ sāgarāḥ sarve kṛṣṇasevanalālasāḥ |
pāpanāśaprakāmāśca divyānandābhilāṣukāḥ || 93 ||
[Analyze grammar]

tiṣṭhanti gomatīnīre dvārakāyāṃ kalau yuge |
nāsti vai triṣu lokeṣu purī tu dvārakāsamā || 94 ||
[Analyze grammar]

tavā''yuḥpūrṇatāprāptau mṛtyurdivyo bhaviṣyati |
triḥspṛśāvāsare śukle vaiśākhe budhavāsare || 95 ||
[Analyze grammar]

brahmarandhreṇa te yānaṃ bhaviṣyati harergṛhe |
ityuktvā pitarastasya caturbhujasvarūpiṇaḥ || 96 ||
[Analyze grammar]

divyavimānasaṃsthāśca yātā golokadhāma tat |
somaśarmā yayau svasya gṛhaṃ bhūtvā ca vaiṣṇavaḥ || 97 ||
[Analyze grammar]

āyuṣo'nta tu samprāpte gatvā dvāravatīṃ purīm |
prāṇān kṛṣṇopadeśena tyaktvā mokṣaṃ jagāma saḥ || 98 ||
[Analyze grammar]

śṛṇvatāṃ paṭhatāṃ caiva māhātmyaṃ dvārakābhavam |
jāyate vai phalaṃ sarvaṃ cānte mokṣo bhaved dhruvaḥ || 99 ||
[Analyze grammar]

iti śrīlakṣmīnārāyaṇīyasaṃhitāyāṃ prathame kṛtayugasantāne śivabhaktasya somaśarmaṇaḥ pitṝṇāṃ dvārakāyātrādinā mokṣaṇanirūpaṇanāmaikonatriṃśadadhikadviśatatamo'dhyāyaḥ || 229 ||
[Analyze grammar]