Chapter 226

śrīnārāyaṇa uvāca |
tato gacched brahmakuṇḍaṃ tīrthaṃ pāpapraṇāśanam |
kṛṣṇasya darśanārthaṃ vai daivataiḥ parivāritaḥ || 1 ||
[Analyze grammar]

brahmā''jagāma ca puryāṃ dvāravatyāṃ samutsave |
pāśīndrayamavitteśāḥ sūryācandramasau tathā || 2 ||
[Analyze grammar]

anye ca dikprapālādyā darśanārthaṃ samāgatāḥ |
tadā ca brahmaṇā yatra samājaḥ parikalpitaḥ || 3 ||
[Analyze grammar]

tatsthale vai mahattīrthaṃ brahmakuṇḍaṃ ca tattaṭe |
brahmaṇā sthāpitaḥ sūryaḥ sarvadā yaśca tiṣṭhati || 4 ||
[Analyze grammar]

sūryatīrthaṃ ca tatproktaṃ sarvapāpavināśakam |
brahmatīrthaṃ sūryatīrthaṃ dṛṣṭvā cakre saraḥ śaśī || 5 ||
[Analyze grammar]

taḍāgaṃ candranāmnā tatprasiddhaṃ samajāyata |
sūryasthānaṃ mūlasthānaṃ śrāddhapuṇyasahasradam || 6 ||
[Analyze grammar]

pitṛtṛptikaraṃ ramyaṃ koṭipātakasaṃharam |
māghe śukle tu saptamyāṃ snātvā liptvā sthalaṃ raveḥ || 7 ||
[Analyze grammar]

pūjayiṣyati sūryaṃ yo puṣpadhūpanivedanaiḥ |
jalapatraphaladravyadakṣiṇābhiśca mānavaḥ || 8 ||
[Analyze grammar]

sarvān kāmānatra bhuktvā brahmalokaṃ gamiṣyati |
tataśca brahmaṇā sūryamandirasya ca sannidhau || 9 ||
[Analyze grammar]

sāvitryā mandiraṃ kārayitvā sūryarathe ca tām |
sthāpayitvā''yatane tāṃ sāvitrīṃ nāmataḥ svayam || 10 ||
[Analyze grammar]

padmajaḥ pūjayāmāsa mūrtau devyā vidhānataḥ |
candrasarastathā sāvitryāśca sanmandiraṃ sthalam || 11 ||
[Analyze grammar]

tīrthottamaṃ kṛtaṃ tena vedhasā parameṣṭhinā |
brahmā svayaṃ tathā svasya mūrtau nivāsamācarat || 12 ||
[Analyze grammar]

pratiṣṭhāvidhinā svasya pratiṣṭhāmakarodajaḥ |
brahmatīrthaṃ ca tajjātaṃ vyādhyādhibalanāśakam || 13 ||
[Analyze grammar]

brahmāṇaṃ cāpi sāvitrīṃ sūryaṃ candramasaṃ tathā |
pūjayiṣyanti ye dṛṣṭvā te yāsyanti parāṃ gatim || 14 ||
[Analyze grammar]

tataśca brahmaṇā tatra gāyatrī sthāpitā śubhā |
svenaiva ca pratiṣṭhāyā vidhistatra kṛtaḥ śubhaḥ || 15 ||
[Analyze grammar]

gāyatrītīrthamityetat brahmalokapradaṃ param |
tāṃśca devāṃstathā devīḥ puṣpārghajalakuṃkumaiḥ || 16 ||
[Analyze grammar]

snāpayetpūjayed bhaktyā vastranaivedyabhojanaiḥ |
bhūṣaṇaiśca tathā pātraiḥ karpūrailādibhistathā || 17 ||
[Analyze grammar]

tāmbūlaiḥ kesaraiścaiva pūjayed bahubhāvataḥ |
dhyāyedvandeta ca namaḥ kuryād daṇḍavadutsukaḥ || 18 ||
[Analyze grammar]

dīpena yajñasūtreṇa tulasyā karavīrakaiḥ |
anyaiḥ puṣpai sugandhaiścārārtrikaiḥ stutibhistathā || 19 ||
[Analyze grammar]

pradakṣiṇaiścatān devān viṣṇunā saha pūjayet |
kṛṣṇaṃ ca pūjayettatra śālagrāmaṃ ca pūjayet || 20 ||
[Analyze grammar]

śaṃkaraṃ pārvatīyuktaṃ sagaṇaṃ pūjayet tataḥ |
sampūjya snāpayet sāvitrīṃ ca yātrāphalaṃ bhavet || 21 ||
[Analyze grammar]

na vaidhavyaṃ na daurbhāgyaṃ na vandhyātvaṃ bhavet tataḥ |
na vai mṛtaprajātvaṃ syānnā'prajātvaṃ kathaṃcana || 22 ||
[Analyze grammar]

dhanadhānyadharāsmṛddhiḥ putrapautrādisiddhayaḥ |
bhavanti raviprabhṛtipūjakasya dine dine || 23 ||
[Analyze grammar]

parituṣṭo bhavet kṛṣṇo yātrā ca saphalā bhavet |
tatastatra rukmiṇīsahitaṃ kṛṣṇaṃ samarcayet || 24 ||
[Analyze grammar]

brahmaṇā ca tatastatra brahmaliṃgasaraḥ kṛtam |
indraścakre tathā tatra saraḥ paramaśobhanam || 25 ||
[Analyze grammar]

brahmāṇaṃ sthāpayāmāsa mahendraṃ ca śacīyutam |
tatra cendrapade snātvā svargaṃ satyaṃ ca vidanti || 26 ||
[Analyze grammar]

brahmeśvaraṃ tathā cendreśvaraṃ vṛddhīśvaraṃ tathā |
snāpayitvā pūjayitvā dṛṣṭvā ca mucyate janeḥ || 27 ||
[Analyze grammar]

aṣṭamyāṃ ca caturdaśyāṃ kṛtamakṣayapuṇyadam |
pitṝṇāṃ śāśvatī tṛptirjāyate tatra śrāddhataḥ || 28 ||
[Analyze grammar]

viśeṣatastu sampūjyā makarasthe divākare |
uttarāyaṇasaṃkrāntiśivarātryādiṣu prage || 29 ||
[Analyze grammar]

snātvā tattatsaraḥsveva tattattīrthāni sañcaret |
pūjayitvā ca taddevān muktibhāṅ nātra saṃśayaḥ || 30 ||
[Analyze grammar]

śaṃkaraśca tathā satyā sahitaścākarotsaraḥ |
tatrāpi ca jale snātvā pūjayet śaṃkaraṃ satīm || 31 ||
[Analyze grammar]

brahmaṇā viṣṇunā sārdhaṃ snātastatra pinākadhṛk |
mahādevasaronāmā'bhavat tajjagatītale || 32 ||
[Analyze grammar]

pitṝṇāṃ tarpaṇaṃ śrāddhaṃ tatrā'kṣayasukhapradam |
darśanātpāpanirmuktirmahādevasarovare || 33 ||
[Analyze grammar]

snānaṃ dānaṃ japo homaḥ svādhyāyaḥ surapūjanam |
sarvaṃ tadakṣayaphalapradaṃ bhavatyanuṣṭhituḥ || 34 ||
[Analyze grammar]

na daurbhāgyaṃ narasyāsti nā'prajātvaṃ striyastathā |
snātvā gaurīsarasyatra sarvānkāmānavāpnuyāt || 35 ||
[Analyze grammar]

varuṇo'pi ca tānyeva dṛṣṭvā sarvasthalāni vai |
svanāmnā ca saro divyaṃ kārayāmāsa tatra ca || 36 ||
[Analyze grammar]

tattīre vāruṇīṃ devīṃ jaladevīṃ tathā svakām |
mūrtiṃ ca sthāpayāmāsa pūjayāmāsa cādarāt || 37 ||
[Analyze grammar]

bhādrasya pūrṇimāyāṃ tu kṛtvā varuṇadarśanam |
śrāddhaṃ kuryāttarpaṇaṃ ca kuryāttatrā'kṣayaṃ phalam || 38 ||
[Analyze grammar]

pradadyādudakuṃbhāṃśca dadhyodanasubhojanam |
gāśca vāsāṃsi ratnāni pakvānnāni rasāṃstathā || 39 ||
[Analyze grammar]

viṣṇurme prīyatāmuktvā dadyācchatrādikaṃ tathā |
sādhave brahmadevāya sādhvyai vā cākṣayaṃ phalam || 40 ||
[Analyze grammar]

dāturbrahmagatiścāsti yatra gatvā na śocati |
vāruṇaṃ ca saro dṛṣṭvā kuberaścā'karotsaraḥ || 41 ||
[Analyze grammar]

kuberasara ityevaṃ nāmnā khyāto tato'bhavat |
kuberadarśanaṃ snātvā tīre kṛtvā ca bhojayet || 42 ||
[Analyze grammar]

viprān sādhūṃstathā sādhvīrdakṣiṇāṃ cāpi dhūpayet |
suvarṇadānaṃ dadyācca dhaneśastuṣyati drutam || 43 ||
[Analyze grammar]

lakṣmīvṛddhiṃ karotyeṣaḥ sahasraguṇitaṃ phalet |
rajataṃ ca suvarṇaṃ ca tāmraṃ vā pittalaṃ trapu || 44 ||
[Analyze grammar]

hīrakaṃ vātha ratnaṃ vā maṇiṃ vā cāmbarādikam |
dhanaṃ dhānyaṃ tathā gāśca mahiṣīścāpi kanyakāḥ || 45 ||
[Analyze grammar]

vastraṃ khaṭvā gendukādi kalaśaṃ pātramityapi |
puṣpaṃ phalaṃ ca miṣṭānnaṃ tailaṃ sugandhameva vā || 46 ||
[Analyze grammar]

kapūraṃ cāpi śṛṃgāradravyaṃ ca candanādikam |
upānahau tathā chatraṃ cāmaraṃ vāhanaṃ tathā || 47 ||
[Analyze grammar]

yānaṃ nārīṃ sutaṃ bhṛtyaṃ paśuṃ svaṃ śakaṭaṃ tathā |
peṭikāṃ bhūṣaṇaṃ cānyad bhakṣyaṃ peyaṃ ca bhojanam || 48 ||
[Analyze grammar]

yadyad dadyānmārjanīṃ vā kaṇḍanīṃ peṣaṇīṃ tathā |
cullīṃ gargarikāṃ sthālīṃ sarvaṃ sahasradaṃ bhavet || 49 ||
[Analyze grammar]

kṛṣṇaṃ smṛtvā kuberaṃ ca sūryaṃ śivaṃ vicintya ca |
rukmiṇyādimahādevīḥ smṛtvā dadyādanantadam || 50 ||
[Analyze grammar]

mahāpuṇyaṃ mahāsvargaṃ tathā cānte hareḥ padam |
prāpnotyeva ca kuberatīrthakṛnmānavo'vyayam || 51 ||
[Analyze grammar]

tataḥ pañcanadaṃ tīrthaṃ gacchedvai pāvanaṃ param |
gomatīṃ ca tathā lakṣmīgaṃgāṃ dvārāvatīṃ tathā || 552 ||
[Analyze grammar]

gopītālaṃ tathā cānyasarāṃsi pravilokya ca |
prajānāṃ patayastīrthaṃ cakruḥ pañcanadātmakam || 53 ||
[Analyze grammar]

pañcanadyaḥ samāhūtāstatrā''jagmustvarānvitāḥ |
marīcigomatīmatrirlakṣmaṇāmājuhāva vai || 54 ||
[Analyze grammar]

aṅgirāścandrabhāgāṃ ca pulahaśca kuśāvatīm |
kraturjāmbavatīṃ tatra nadīṃ samājuhāva ca || 55 ||
[Analyze grammar]

tāsu snātā brahmaputrāḥ snātāśca sarvadevatāḥ |
pañcanadīsamākhyātaṃ tīrthaṃ tanmokṣadaṃ param || 56 ||
[Analyze grammar]

snātavyaṃ tatra vidhivat dātavyamarghamityapi |
gṛhṇantvarghamimaṃ nadyo bhavantu svargamokṣadāḥ || 57 ||
[Analyze grammar]

snānaṃ kuryājjalaṃ peyāt pitṝn santarpayettathā |
pañcaratnāni dhānyāni sapta dadyād dvijātaye || 58 ||
[Analyze grammar]

dīnāndhakṛpaṇebhyaśca dadyādvastu svapekṣitam |
sarvān kāmānavāpnoti viṣṇulokaṃ ca gacchati || 59 ||
[Analyze grammar]

putrapautrasamāyuktaḥ paraṃ saukhyamavāpnuyāt |
pretāśca pitaraḥ sarve muktiṃ yāsyanti tatsthale || 60 ||
[Analyze grammar]

tato gacchenmahattīrthaṃ siddheśvaramiti dhruvam |
sanakādyaiścatuḥsiddhaiḥ sthāpitaṃ liṃgameva tat || 61 ||
[Analyze grammar]

samīpe ca tathā kūpo miṣṭodaḥ khanitaśca taiḥ |
ṛṣitīrthamiti khyātaṃ jalapānād vimucyate || 62 ||
[Analyze grammar]

bhaktitaḥ snānamātreṇa brahmalokamavāpyate |
asanto nindakāścātha vaṃcakāśca śaṭhā janāḥ || 63 ||
[Analyze grammar]

snānamātreṇa śuddhyanti ṛṣitīrthe na saṃśayaḥ |
viṣuve ca manūnāṃ ca tithiṣu yugaraṃbhaṇe || 64 ||
[Analyze grammar]

māghakṛṣṇe śivarātryāṃ siddheśaṃ yaḥ prapūjayet |
ṛṣitīrthe vasan japan paraṃbrahma sanātanam || 65 ||
[Analyze grammar]

snātvā devaṃ pūjayitvā naman kuryācca tarpaṇam |
śrāddhaṃ kuryāttathā dadyād dānāni vividhāni ca || 66 ||
[Analyze grammar]

tasya hastagatā muktirbhavatyeva na saṃśayaḥ |
dātavyāni rasavanti phalānyatra viśeṣataḥ || 67 ||
[Analyze grammar]

deyau śyāmākanīvārau vidrumaśca tilā api |
śālayaḥ saptadhānyāni saktavaḥ śarkarāyutāḥ || 68 ||
[Analyze grammar]

ghṛtaṃ mālyāni tāmbūlaṃ gandho vastrāṇi gopayaḥ |
deyānyevaṃ dīnaraṃkaviprasādhubhya eva ca || 69 ||
[Analyze grammar]

siddheśvaraṃ ca dugdhena snāpayet mokṣabhāgbhavet |
siddheśvaramahādevadarśane sati mānavāḥ || 70 ||
[Analyze grammar]

aputrāḥ putriṇaḥ pautriṇaśca bhavanti sarvathā |
nirdhanā dhanavantaśca bhaveyuḥ sukhavedinaḥ || 71 ||
[Analyze grammar]

kanyakāḥ satpatiṃ prāpnuyuśca saubhāgyasampadaḥ |
duṣkṛtaṃ vilayaṃ yāti sukṛtaṃ cāpi vardhate || 72 ||
[Analyze grammar]

tato gacchenmahālakṣmi gadātīrthamanuttamam |
yatra snānena manujaścāgniṣṭomaphalaṃ labhet || 73 ||
[Analyze grammar]

tatra bārāharūpaṃ vai bhagavantaṃ praṇamya ca |
natvā stutvā pūjayitvā viṣṇuloke mahīyate || 74 ||
[Analyze grammar]

tatrādye yugasaṃyoge vārāho bhagavān svayam |
samāgatya viśaśrāma gadāṃ nihitavān kṣaṇam || 75 ||
[Analyze grammar]

tato gacchennāgatīrthaṃ kṛṣṇasya darśanecchayā |
nāgāḥ pātālato yātā dvārakāyāṃ kṣaṇaṃ sthitāḥ || 76 ||
[Analyze grammar]

yatra snātvā paraṃbrahma prāpnuyānnātra saṃśayaḥ |
tato gacchenmahattīrthaṃ candrabhāgābhidhaṃ param || 77 ||
[Analyze grammar]

tatra snātvā naro bhaktyā vājapeyaphalaṃ vrajet |
candrabhāgā śaktihastā khaḍgakheṭakadhāriṇī || 78 ||
[Analyze grammar]

kaṃsādidaityabhayadā svasā yā rāmakṛṣṇayoḥ |
yasyā darśanamātreṇa sarvān kāmānavāpnuyāt || 79 ||
[Analyze grammar]

tato gacchenmuktidvāranāmakaṃ tīrthamityapi |
vaśiṣṭhena samānītā gomatī yatra saṃsthitā || 80 ||
[Analyze grammar]

tajjalaṃ mastake dhṛtvā svargalokamavāpnuyāt |
tato gacchecca kālindīsarastīrthamanuttamam || 81 ||
[Analyze grammar]

sūryaputrī yamī cātrā''gatya tiṣṭhati sarvathā |
kṛṣṇasevāparā nityā snānānmuktimavāpnuyāt || 82 ||
[Analyze grammar]

sāmbatīrthaṃ tato gacchettīrthaṃ paramapāvanam |
ambayā sahitaḥ śaṃbhuḥ kṛṣṇaputro'bhavatpurā || 83 ||
[Analyze grammar]

tasya sthalaṃ mahattīrthaṃ sāmbatīrthaṃ sumuktidam |
tatra snātvā jano bhaktyā''pnuyād rūpaṃ suvarṇakam || 84 ||
[Analyze grammar]

lakṣmīnadīṃ tatau gacchennāyaṇasamāśritām |
lakṣmīstatra jalarūpā hyavasat kṛṣṇalālasā || 85 ||
[Analyze grammar]

yasyāḥ sparśanamātreṇa mucyate sarvapātakaiḥ |
kambusarastato gacchennirmalaṃ jalamāpibet || 86 ||
[Analyze grammar]

nārāyaṇena śaṃkhasya jalaṃ yatrāsti vai dhṛtam |
tatra tadvai sarorūpaṃ jātaṃ śaṃkhaśca saṃsthitaḥ || 87 ||
[Analyze grammar]

śaravatīrthaṃ ca tatproktaṃ snātvā muktimavāpnuyāt |
jāleśvaraṃ tatastīrthaṃ gacchedvai lokapāvanam || 88 ||
[Analyze grammar]

kaṇvarṣiṇā purā yadoḥ śaptāścātra kumārakāḥ |
vināśāya yadoḥ kulasyaiveti śāpajālataḥ || 89 ||
[Analyze grammar]

jāleśvaro mahādevaḥ sthāpitastatra bālakaiḥ |
śāntyarthaṃ tasya śāpasya tattīrthaṃ sukhadaṃ param || 90 ||
[Analyze grammar]

sampūjayitvā jāleśaṃ śivalokamavāpnuyāt |
tato gacchejjaratkārutīrthaṃ paramapāvanam || 91 ||
[Analyze grammar]

yatra vai nāgakanyaikā jaratkārvīti vartate |
vivāhitā jaratkāruṛṣiṇā pitṛtāraṇe || 92 ||
[Analyze grammar]

putralābhena pitara uddhṛtāstena sarvathā |
tacca tīrthaṃ pitṝṇāṃ vai tārakaṃ snānadānataḥ || 93 ||
[Analyze grammar]

ānakadundubhitīrthaṃ hyakrūratīrthamityapi |
balatīrthamugrasenatīrthaṃ cārjunatīrthakam || 94 ||
[Analyze grammar]

devakītīrthamevādyaṃ rohiṇītīrthamityapi |
subhadrātīrthamevāpi kardamatīrthamityapi || 95 ||
[Analyze grammar]

kṛṣṇapārṣadatīrthāni patnītīrthāni caiva ha |
bhaktatīrthāni cāpyatra camatkārakṛtāni ca || 96 ||
[Analyze grammar]

prasiddhāni ca luptāni tīrthāni santi koṭiśaḥ |
sākṣādyatra tu golokaṃ vartate tatra kiṃ nahi || 97 ||
[Analyze grammar]

sarvatīrthāni santyeva pade pade na saṃśayaḥ |
plāvitāni ca sāmudrajalena pāṃśunā muhuḥ || 98 ||
[Analyze grammar]

rajopi mokṣadaṃ yasya pavanaḥ pāpanāśanaḥ |
jalaṃ dityatanudātṛ kṛṣṇayogānna saṃśayaḥ || 99 ||
[Analyze grammar]

mokṣadvāraṃ svargadvāraṃ sukhadvāraṃ ca dvārikā |
lakṣmi tadvai sadā sevyaṃ tīrthaṃ tu dvārikāhvayam || 100 ||
[Analyze grammar]

iti śrīlakṣmīnārāyaṇīyasaṃhitāyāṃ prathame kṛtayugasantāne dvārakāyāṃ brahmakuṇḍasūryavaruṇakuberaprabhatidevasarovarādi pañcanadyādiṣaḍtriṃśattīrthapradarśananāmā ṣaḍ |
viṃśatyadhikadviśatatamo'dhyāyaḥ || 226 ||
[Analyze grammar]