Chapter 225

śrīnārāyaṇa uvāca |
sannidhau mayasarasaḥ sarastvanyaccakāra saḥ |
tacca gopīsaraḥkhyātaṃ mahattīrthaṃ hi padmaje || 1 ||
[Analyze grammar]

sevitaṃ yadunārībhistathā yadukumārakaiḥ |
kāraṇād gopikānāṃ ca kṛṣṇena kāritaṃ śubham || 2 ||
[Analyze grammar]

govacaḥvācako śabdo bhavatībhirmayā saha |
gopracāreti vai nāma gopīsaraitipratham || 3 ||
[Analyze grammar]

gopītaḍāgaityevaṃ khyātaṃ loke bhaviṣyati |
arghaṃ datvā vidhānena snānaṃ kuryād vicakṣaṇaḥ || 4 ||
[Analyze grammar]

gāṃ pradadyāt savatsāṃ ca vastrālaṃkārabhūṣitām |
yathoktadakṣiṇopetāṃ brāhmaṇāya kuṭumbine || 5 ||
[Analyze grammar]

pṛthvīdānaphalaṃ cātra godānena hi labhyate |
snānamātreṇa godānaphalaṃ vai labhate janaḥ || 6 ||
[Analyze grammar]

yāvatpadāni manujo gacchati gopikāsaraḥ |
kulāni divi tāvanti modante harimandiram || 7 ||
[Analyze grammar]

kṛṣṇakīrtanakartāro ye gacchanti sarovaram |
na māturjaṭhare teṣāṃ punarvāso bhavediha || 8 ||
[Analyze grammar]

gopīsarastīratīrthaṃ yaḥ karoti janaḥ sa tu |
sarvānkāmānavāpnoti vaiṣṇavaṃ lokamāpnuyāt || 9 ||
[Analyze grammar]

śrāddhaṃ kuryāttathā pitṝn tarpayedvai viśeṣataḥ |
tāmbūlaṃ kajjalaṃ svarṇaṃ dāne dadyācca vastrakam || 10 ||
[Analyze grammar]

dampatyorvāsasī dadyād bhūṣaṇāni dhanāni ca |
kanyābhyo bhojanaṃ dadyād vastrabhūṣādhanādikam || 11 ||
[Analyze grammar]

gopyastena prasannāḥ syu saubhāgyasmṛddhidāḥ sadā |
gāvo deyāśca vṛṣabhā gajāścāśvāśca kanyakāḥ || 12 ||
[Analyze grammar]

yadyat kāmayate lokastattad dadyānmiletpunaḥ |
yāvallokā bhaviṣyanti tāvat sthāsyati vai saraḥ || 13 ||
[Analyze grammar]

gopyaśca patibhāvena brahmabhāvena vā punaḥ |
cintayānāḥ paraṃ kṛṣṇaṃ vasānā dvārikāpure || 14 ||
[Analyze grammar]

sevayamānā nityaṃ tāḥ kṛtārthā hyabhavaṃstataḥ |
kṛṣṇājñayā namaskṛtya kṛṣṇaṃ saṃsevya tṛptitaḥ || 15 ||
[Analyze grammar]

uddhavena saha yātā gokulaṃ svagṛhaṃ śubham |
kṛṣṇena gopikānāṃ tattīrthaṃ śreṣṭhaṃ bhuvi kṛtam || 16 ||
[Analyze grammar]

gopīsarorajo divyaṃ divyā dhūlī ca piṃgalā |
divyaṃ jalaṃ tathā divyā vṛkṣavallyastaṭasthitāḥ || 17 ||
[Analyze grammar]

divyā vasatayastasya paśupakṣyādicetanāḥ |
divyā golokadhāmnaste hyadhikāriṇa eva vai || 18 ||
[Analyze grammar]

gopīcandanaliptāṃgo gopīdhūlyūrdhvapuṇḍrakaḥ |
gopīmṛtkaṇikā''syaśca mukto bhavati mānavaḥ || 19 ||
[Analyze grammar]

gopīcandanabinduyuklalāṭaṃ yasya dṛśyate |
dṛṣṭvā taṃ yamadūtāśca dūraṃ yānti hi padmaje || 20 ||
[Analyze grammar]

gopīcandanatilakaṃ vaiṣṇavaṃ devatāḥ sadā |
paśyanti nityadā prātarlayaṃ pāpāni yānti ca || 21 ||
[Analyze grammar]

gopīcandanabindurvai kaṇṭhe vātha lalāṭake |
bhujayorvā kṛto yena muktistasya na saṃśayaḥ || 22 ||
[Analyze grammar]

gopīdhūlīkṛtacandrā nārī yā sadhavā'thavā |
vidhavā vātha kanyā ca kumārī vidhurā'thavā || 23 ||
[Analyze grammar]

gaṇikā kiṃkarī dāsī śaraṇā''ptā ca sāśritā |
nirāśritā'thavā vyagrā vicittā bahugāminī || 24 ||
[Analyze grammar]

smṛddhā raṃkā ca viduṣī mūrkhā ca kūṭinī tathā |
yādṛśī tādṛśī caurā kāmukī vāsanāvatī || 25 ||
[Analyze grammar]

sadyaḥ śuddhyati pāpebhyo yujyate puṇyakoṭibhiḥ |
divyā bhavati gopīvat vrajet kṛṣṇāṃkayogyatām || 26 ||
[Analyze grammar]

svarge bhogānakṣayāṃśca bhuktvā koṭiyugāni sā |
devaiśca vanditā yāyādante golokadhāma sā || 27 ||
[Analyze grammar]

tatra rādhāsamā gopī bhūtvā kṛṣṇena modate |
gopīsarovare yacca kīṭapataṃgamakṣikam || 28 ||
[Analyze grammar]

paśupakṣisarīsṛpapipīlikāmṛgādikam |
mṛtiṃ yāsyati tatsarvaṃ golokaṃ yāsyati dhruvam || 29 ||
[Analyze grammar]

kṛṣṇamṛttikayā snāto gopīmṛttikayā''plutaḥ |
premasarovare magno golokādhikṛto'sti saḥ || 30 ||
[Analyze grammar]

na yajñairna ca dānairna japaiḥ svādhyāyatāpanaiḥ |
prāpyate tādṛśaṃ sthānaṃ gopīdhūlyāpyate yathā || 31 ||
[Analyze grammar]

gomatī gopikātālo gopālakṛṣṇa eva ca |
gopīdhūlī gavāṃ dānaṃ gakārāḥ pañca mokṣadāḥ || 32 ||
[Analyze grammar]

gakarāḥ pañca yaiḥ prāptāḥ prāptaṃ sarvaṃ ca tena vai |
prāptaḥ kṛṣṇo hariryena kiṃ tasyā'trā'vaśiṣyate || 33 ||
[Analyze grammar]

maraṇe yasya kasyāpi mukhe ca kaṇikā patet |
gopīdhūlyāstataḥ sopi muktiṃ yāti na saṃśayaḥ || 34 ||
[Analyze grammar]

gomatyāḥ gopikātālasyāgre vā sannidhau mṛteḥ |
golokaṃ dhāma tasyārthe niścitaṃ viṣṇupārṣadaiḥ || 35 ||
[Analyze grammar]

ākāśamārgato yātā pakṣiṇo'pi divaṃ gatāḥ |
bhavanti gopikātāloparitaḥ kimutā''plave || 36 ||
[Analyze grammar]

haraye na ca naivedyaṃ dhṛtaṃ vā jalamityapi |
gopīcandanamiśraṃ cet prasādastadbhavetkhalu || 37 ||
[Analyze grammar]

deśakālādivaiṣamye hareḥ prāsādikaṃ yadi |
milennaiva tadā bhojye peye vā kaṇikāṃ kṣipet || 38 ||
[Analyze grammar]

tato bhuñjyācca vai peyāt prasādastaddhi jāyate |
nā'niveditabhojyasya pratyavāyo bhavet khalu || 39 ||
[Analyze grammar]

bhūtapretapiśācānāmāveśaduḥkhavān janaḥ |
kaṇṭhe vai dhārayed gopīcandanagūṭikāṃ śubhām || 40 ||
[Analyze grammar]

bhakṣayed gopikāsa rorajaḥ snāyācca tajjale |
candrakaṃ bhālamadhye ca kuryānnityaṃ samāhitaḥ || 41 ||
[Analyze grammar]

evaṃkṛte piśācādyāveśo naśyati vai dhruvam |
svastho bhavati puṇyātmā pūto bhavati sarvathā || 42 ||
[Analyze grammar]

daridrasyāpi bhāgyaṃ vai vardhate smṛddhisa mpradam |
roganāśo bhavet duḥkhanāśaścāpi bhavettathā || 43 ||
[Analyze grammar]

kṛṣṇasya divyamūrteśca sambandhāddivyatāṃ gatāḥ |
mṛttikāśca tathā hyāptā nirguṇā muktidā matāḥ || 44 ||
[Analyze grammar]

kṛṣṇayogāt kṛṣṇarūpā gāvo gomatīgopikāḥ |
svaprasaṃgā''gatān jantūnnayanti nirguṇātmatām || 45 ||
[Analyze grammar]

kṛṣṇasambandhasambaddhā nirguṇā jaḍacetanāḥ |
mokṣayanti tathā cānyān kṛṣṇavat kṛṣṇamānasāḥ || 46 ||
[Analyze grammar]

kāmo lobhastathā krodho māno mohaśca ma tsaraḥ |
doṣatvaṃ svaṃ parihāya guṇatvaṃ yānti kṛṣṇake || 47 ||
[Analyze grammar]

nāryo narāśca paśavo'surāḥ śastrāṇi vāhanam |
vastraṃ bhojyaṃ tathā peyaṃ sarvaṃ nirguṇatāṃ vrajet || 48 ||
[Analyze grammar]

māyāpi nirguṇā divyā yatsambandhād bhavatyapi |
kimvanyat tatra vaktavyaṃ nirguṇakṛṣṇasaṃgatam || 49 ||
[Analyze grammar]

dhanyaṃ vai gopajātīyaṃ dhanyaṃ gojātikaṃ tathā |
dhanyaṃ golokajātīyaṃ yatkṛṣṇānandasaṃbhṛtam || 50 ||
[Analyze grammar]

iti śrīlakṣmīnārāyaṇīyasaṃhitāyāṃ prathame kṛtayugasantāne gopīcandanamahimakathananāmā paṃcaviṃśatyadhikadviśatatamo'dhyāyaḥ || 225 ||
[Analyze grammar]