Chapter 215

śrīnārāyaṇa uvāca |
śṛṇu lakṣmi dvāparāntān kalerdharmāṃśca sarvaśaḥ |
prathame dvāpare prāpte sṛṣṭistu yugalodbhavā || 1 ||
[Analyze grammar]

mithunadharmajanyā sā naranārīprasaṃgajā |
prāvartata yadā tatra kāmajanyāśca durguṇāḥ || 2 ||
[Analyze grammar]

gopyakarma cauryakarma roṣakarma nijārthatā |
hiṃsā'nṛtaṃ tathā steyaṃ vīryanāśaḥ parigrahaḥ || 3 ||
[Analyze grammar]

aśuddhistṛṣṇikā bhogo vyavasāyo'tilubdhatā |
dehadaihikacidacidahantāmamatādayaḥ || 4 ||
[Analyze grammar]

pravartante prativyaktiṃ svārthapravāhavardhitāḥ |
apuṇyā alpapuṇyāśca jāyante dehinastataḥ || 5 ||
[Analyze grammar]

mana kāluṣyamāpnoti buddhirviparitāyate |
asatsaṃkalpā jāyante pravartante'pyasatpathe || 6 ||
[Analyze grammar]

dyūtaṃ pānaṃ striyaḥ sūnā adharmādhisthalāni vai |
suvarṇamanṛtaṃ kāmo mado vairaṃ rajastathā || 7 ||
[Analyze grammar]

kleśasthānāni pañcaiva kalervāsakṛtāni hi |
mlecchaprāyā janāḥ sarve'dharmā'nṛtaparāstathā || 8 ||
[Analyze grammar]

strībālagodvijaghnāśca paradāradhanādarāḥ |
uditā'stamitaprāyā phalgudāstīvramanyavaḥ || 9 ||
[Analyze grammar]

asaṃskṛtāḥ kriyāhīnā alpasattvā'lpakāyuṣaḥ |
rajasā tamasā vyāptā mlecchaprāyā dhanādhipāḥ || 10 ||
[Analyze grammar]

tannāthāśca janapadāstacchīlācāratatparāḥ |
dharmaḥ satyaṃ dayā kṣāntiḥ śaucamāyuḥ smṛtirbalam || 11 ||
[Analyze grammar]

prakṣayaṃ yāntyanudinaṃ kaleḥ prābalyasaṃkrame |
sarvaprakārake śraiṣṭhye vittamevodayapradam || 12 ||
[Analyze grammar]

dharmanyāyavyavasthāyāṃ vittaṃ heturbalaṃ bhavet |
dāmpatye'bhirucirvittaṃ viṣayo vāpi kāraṇam || 13 ||
[Analyze grammar]

vipratve sūtrakaṃ liṃgaṃ luṃcāyāṃ vijayo mataḥ |
pāṇḍitye tu vitaṇḍā syāt dāridryaṃ tyāgayogini || 14 ||
[Analyze grammar]

daṃbhī sādhurmahān bhāvyo vivāhe svīkṛtirdvayoḥ |
bahiścamatkṛtiḥ snānaṃ mṛṣātejaḥ prasādhanam || 15 ||
[Analyze grammar]

dūre vāri bhavettīrthaṃ keśaveṣo vibhūṣaṇam |
udaraṃbharatā puṇyaṃ cā'pradhṛṣyaṃ tu satyatā || 16 ||
[Analyze grammar]

svakāryasādhanaṃ dākṣyaṃ yaśo'rthaṃ dānasevanam |
dviśataṃ ca śataṃ caiva pañcāśat paṃcaviṃśatiḥ || 17 ||
[Analyze grammar]

pañcadaśāntaṃ sattveṣu kṣīṇeṣvāyustadāntimam |
cauryā'nṛtavṛthāhiṃsāvyavāyādiprasevinaḥ || 18 ||
[Analyze grammar]

yuvatyaścāvivāhitāḥ svalpavastrāḥ kalau yuge |
sarvasparśā narā nāryaḥ sarvasvāpakarāstathā || 19 ||
[Analyze grammar]

mlecchāprāyāḥ sarvavarṇāśchāgaprāyāśca dhenavaḥ |
dārāmayā āśramāśca dhanaprāyāśca bāndhavāḥ || 20 ||
[Analyze grammar]

tṛṇaprāyā oṣadhayaḥ prāṃśulabhyā mahīruhāḥ |
kṣaṇavṛṣṭikarā meghā vastuhīnagṛhāṇi ca || 21 ||
[Analyze grammar]

kṛte satyaṃ dayā dānaṃ tapo nāsti kalau tu tat |
santuṣṭāḥ karuṇā maitrāḥ śāntā dāntāstitikṣavaḥ || 22 ||
[Analyze grammar]

ātmārāmāḥ samadṛśaḥ sarve'pi tu kṛte janāḥ |
tretāyāṃ dharmapādāṃśāḥ pādonāste hrasanti vai || 23 ||
[Analyze grammar]

viśantyadharmapādāścānṛtaṃ hiṃsā ca tṛṣṇikā |
vigrahaśca janāstatra pravartante svabhāvataḥ || 24 ||
[Analyze grammar]

kintu janāstaponiṣṭhā nātihiṃsrā na lampaṭāḥ |
dharmārthakāmanāprāyā bhavanti tritasaṃyuge || 25 ||
[Analyze grammar]

varṇā brahmottarāścāpi jāyante vṛttidūṣitāḥ |
tapaḥsatyadayādāneṣvardhaṃ hrasati dvāpare || 26 ||
[Analyze grammar]

hiṃsātṛṣṇā'nṛtadveṣairnindāmātsaryabhartsanaiḥ |
kalau vṛṣāśasturyo'pi naśyatyadharmadurguṇaiḥ || 27 ||
[Analyze grammar]

nirdayā vairiṇo lubdhāḥ satṛṣṇāḥ sarvabhakṣiṇaḥ |
durācārā sarvapeyabhogyavyasanasūtsukāḥ || 28 ||
[Analyze grammar]

bhavantyeva prajāḥ sarvā jaihvaśaiśnaprayojanāḥ |
kāpaṭyaṃ cānṛtaṃ nidrā''lasyaṃ dveṣo viṣādanam || 29 ||
[Analyze grammar]

śoko moho bhayaṃ dainyaṃ pratyahaṃ tu kalau jane |
dravyahīnā vyayadhauryā madyapānāḥ kudṛṣṭayaḥ || 30 ||
[Analyze grammar]

narā nāryaḥ svārthaparāḥ kāmamūlāśca sarvaśaḥ |
deśā dasyumayā vedā devāḥ pākhaṇḍanāśitāḥ || 31 ||
[Analyze grammar]

prajābhakṣāśca rājāno janāḥ śiśnodaratṛpāḥ |
vratahīnāśca kāṣāyāḥ sadārā bhikṣukāstadā || 32 ||
[Analyze grammar]

tapa kāpaṭyalābhārthaṃ nyāsopyarthapralabdhaye |
vāmanāścātibhojyāśca bahvapatyā bahustriyaḥ || 33 ||
[Analyze grammar]

striyo'pi gālikāmiṣṭabhāṣiṇyo nagnavastrikāḥ |
kūṭakāryapaṇāḥ kṣudryo'satpathapremapāṃsulāḥ || 34 ||
[Analyze grammar]

patiṃ tyajanti nirdravyaṃ hitvā kuṭumbamityapi |
pitṛbhrātṛsuhṛdaśca tyaktvā prayānti kāmukam || 35 ||
[Analyze grammar]

sarve dānaṃ pragṛhṇanti sarve vai yājakāstathā |
sarve mantrādhikārāśca mlecchā brāhmābhimāninaḥ || 36 ||
[Analyze grammar]

upadiśanti ca śaṭhāḥ śiṣyān śāṭyasamanvitān |
śaṭhaṃ guruṃ śrayantyeva śaṭhāḥ śiṣyāḥ svabhāvavat || 37 ||
[Analyze grammar]

adharmiṇo dharmavāco bhavanti ca vidharmiṣu |
svadharmiṣu sadā dveṣanindāmātsaryakāriṇaḥ || 38 ||
[Analyze grammar]

annadhanāmbarahīnā gṛhahīnā hyabhojanāḥ |
mriyante tu vinā mṛtyuṃ prāpte ghore kalau yuge || 39 ||
[Analyze grammar]

anāvṛṣṭiratiśatruratirogāturā janāḥ |
svalpasvārthasya siddhyarthaṃ ghātino vai kalau yuge || 40 ||
[Analyze grammar]

na vṛddhau pitarau putrā rakṣayanti kalau khalāḥ |
na patnīṃ vā satīṃ bhāryāṃ rakṣayanti khalā varāḥ || 41 ||
[Analyze grammar]

yatheṣṭaṃ viṣayānandāṃ rakṣayanti striyaṃ kalau |
dhanadaṃ ratidātāraṃ tvāśrayanti striyo janam || 42 ||
[Analyze grammar]

kapardikākṛte kleśaṃ prakurvanti biḍālavat |
prāṇāścaivā'pyanṛtārthe tyajantyapi kalau janāḥ || 43 ||
[Analyze grammar]

saṃpraghnanti svakāṃścāpi svalpārthe svārthaghātinaḥ |
ācāryā guravaḥ śreṣṭhāḥ pākhaṇḍavyāptacetasaḥ || 44 ||
[Analyze grammar]

na sukhaṃ nāpi nirvāṇaṃ na śāntiṃ yānti vai kalau |
kālagrastāḥ prajāḥ śīghraṃ sadodvegā vināśagāḥ || 45 ||
[Analyze grammar]

alpaprasādā anṛtā mahākrodhā adhārmikāḥ |
prajāyante mānavā vai yavanaiḥ parimiśritāḥ || 46 ||
[Analyze grammar]

strīṇāṃ bālavadhenaiva hatvā caiva parasparam |
yugadoṣadurācārā bhuñjate mānavāḥ kalau || 47 ||
[Analyze grammar]

uditodita vaṃśāśca hyuditā'stamitāstathā |
cāṇḍālabhojyāḥ sarve vai nṛpā viprāḥ śvapākavat || 48 ||
[Analyze grammar]

dharmakāmārthahīnāśca mlecchācārāśca sarvaśaḥ |
tadā vināśamāpannāḥ prajā nāstikatānvitāḥ || 49 ||
[Analyze grammar]

tadā'lpanaravarge ca bahustrīke kalau yuge |
lavāllavaṃ bhraśyamānā āyūrūpabalaśrutaiḥ || 50 ||
[Analyze grammar]

mlecchaiścopahatā mlecchāḥ prayānti vai kṣayaṃ muhuḥ |
hatasvā vyādhibhūyāṃso'nāvṛṣṭyādivināśitāḥ || 51 ||
[Analyze grammar]

anāthā vṛttihīnāśca bhaviṣyanti vanaukasaḥ |
puragrāmādināśaśca bhraṣṭasnehāstathā mithaḥ || 52 ||
[Analyze grammar]

sāṃkaryamāśritāḥ kubjāḥ saritparvatasaṃśrayāḥ |
dhīvarā iva jāyante'raṇyagā matsyabhojinaḥ || 53 ||
[Analyze grammar]

mṛgairmīnairvihaṃgaiśca śvāpadaistarkṣubhistadā |
madhuśākaphalairmūlairvartayanti ca jantubhiḥ || 54 ||
[Analyze grammar]

cīraṃ parṇaṃ ca vividhaṃ valkalānyajināni ca |
dhārayanti ca kaupīnaṃ pāśavaṃ jīvanaṃ śritāḥ || 55 ||
[Analyze grammar]

ajaiḍakaṃ kharoṣṭraṃ ca pālayanti nadīśritāḥ |
bahvapatyā annahīnāḥ śaucācāravivarjitāḥ || 56 ||
[Analyze grammar]

hīnāddhīnān tadā'dharmān svīkurvanti paśuśritān |
viprāḥ śūdrātmakā mantrābhicārādividhāyinaḥ || 57 ||
[Analyze grammar]

nārīsanmantriṇī gehe śyālakāśca pradhānakāḥ |
dāmpatyaṃ vikrayādhīnaṃ nirmanastvaṃ viyogagam || 58 ||
[Analyze grammar]

tīrthāni yavanā''rtāni devāścāṇḍāladharṣitāḥ |
mlecchairnaṣṭānyāyatānyekākāraṃ kalau yuge || 59 ||
[Analyze grammar]

na yogī naiva siddho na jñānī vā brahmabhāvanaḥ |
śāṃḍhyena śūnyaḥ kaścinna paśya lakṣmi kalerbalam || 60 ||
[Analyze grammar]

annahīnā janapadāḥ kathāvikrayiṇo dvijāḥ |
rāmā rativikrayiṇyo bhavantyeva kalau sadā || 61 ||
[Analyze grammar]

sarve tvaghāsurāyante sārahīnāḥ śaṭhāḥ khalāḥ |
padārthāstuṣamātrā vai kaṇaśūnyā niraṃkurāḥ || 62 ||
[Analyze grammar]

śrūyate ca kathā sarvaiḥ pālyate nahi kenacit |
kalau śrāvaṇakalyāṇe kathāsāro gato bhavet || 63 ||
[Analyze grammar]

snānti tīrthe nivasanti pālayanti vratāni na |
kalau tairthikakalyāṇe kathāsāro gato bhavet || 64 ||
[Analyze grammar]

kāmakrodhabhayalobhatṛṣṇāvyākulacetasām |
kalau tāpasakalyāṇe tapaḥsāro gato bhavet || 65 ||
[Analyze grammar]

manasaścā'jayāllobhāddaṃbhātpākhaṇḍasaṃśrayāt |
kalau dhyānajakalyāṇe dhyānasāro gato bhavet || 66 ||
[Analyze grammar]

vastusāro layamevaṃ prayātyeva sthale sthale |
yugabalāddhi tatsarvaṃ nāsti kasyāpi dūṣaṇam || 67 ||
[Analyze grammar]

iti śrīlakṣmīnārāyaṇīyasaṃhitāyāṃ prathame kṛtayugasantāne kaliyugasvabhāvaguṇadoṣapravartanadarśananāmā pañcadaśādhikadviśatatamo'dhyāyaḥ || 215 ||
[Analyze grammar]