Lakshminarayana Samhita [sanskrit]

by Shwetayan Vyas | 1,169,834 words | ISBN-10: 8170801818 | ISBN-13: 9788170801818

The Lakshminarayana Samhita Chapter 214 (Sanskrit text), including grammatical analysis, glossary and relevant print editions. The Lakshmi-narayana-samhita is an encyclopaedic work devoted to Narayana although it deals with various deities. The work is written in Puranic style and divided into four books according to the four Yugas. In total, the work consists of roughly 120,000 metrical verses.

śrīlakṣmīruvāca |
kalpānmanūṃśca saṃkṣepācchrotumicchāmi mādhava |
dvāparānte kalerdharmān śrotumicchāmi tadvad || 1 ||
[Analyze grammar]

śrīnārāyaṇa uvāca |
śṛṇu lakṣmi caturdaśamanūnpratyahajāṃstathā |
daśaśatāni jāyante kalpā varṣe tu vedhasaḥ || 2 ||
[Analyze grammar]

daśaśatāni ca yugacatuṣṭayāni kalpake |
eṣa kalpastu vijñeyaḥ sarvakalpeṣu sadṛśaḥ || 3 ||
[Analyze grammar]

vārāhaḥ prathamaḥ kalpo lokādau prathitaḥ khalu |
dvitīyastu bhuvaḥ kalpastṛtīyastapa ucyate || 4 ||
[Analyze grammar]

bhavaścaturtho vijñeyaḥ paṃcamo raṃbha ucyate |
ṛtukalpastathā ṣaṣṭhaḥ saptamastu kratuḥ smṛtaḥ || 5 ||
[Analyze grammar]

aṣṭamastvabhavad vahnirnavamo havyavāhanaḥ |
sāvitro daśamaḥ kalpo bhāvastvekādaśaḥ smṛtaḥ || 6 ||
[Analyze grammar]

uśiko dvādaśastatra kuśikastu trayodaśa |
caturdaśastu gandharvo gāndhāro yatra vai svaraḥ || 7 ||
[Analyze grammar]

ṛṣabhastu tataḥ kalpo jñeyaḥ pañcadaśaḥ priye |
ṣaḍjastu ṣoḍaśaḥ kalpaḥ ṣaḍjanā yatra carṣayaḥ || 8 ||
[Analyze grammar]

śiśiraśca vasantaśca nidāgho varṣa ityapi |
śaraddhemanta ityete mānasā brahmaṇaḥ sutāḥ || 9 ||
[Analyze grammar]

tataḥ saptadaśaḥ kalpo mārjālīya iti smṛtaḥ |
tatastu madhyamo nāma kalpo'ṣṭādaśa ucyate || 10 ||
[Analyze grammar]

tatastvekonaviṃśastu kalpo vairāgyasaṃjñakaḥ |
vairājo yatra samabhūt manurvai brahmaṇaḥ sutaḥ || 11 ||
[Analyze grammar]

tato viṃśatikaḥ kalpo niṣādaḥ parikīrtitaḥ |
ekaviṃśatikaḥ kalpo vijñeyaḥ pañcamaḥ priye || 12 ||
[Analyze grammar]

brahmaṇo mānasāḥ putrāḥ pañcaprāṇāḥ svaro'bhavat |
dvāviṃśastu tathā kalpo vijñeyo meghavāhanaḥ || 13 ||
[Analyze grammar]

trayoviṃśatikaḥ kalpo vijñeyaścintakastathā |
caturviṃśatikaścāpi hyākutiḥ kalpa ucyate || 14 ||
[Analyze grammar]

paṃcaviṃśatikaḥ kalpo vijñātiḥ parikīrtitaḥ |
ṣaḍviṃśastu tataḥ kalpo mana ityabhidhīyate || 15 ||
[Analyze grammar]

saptaviṃśatikaḥ kalpo bhāvo vai kalpasaṃjñitaḥ |
aṣṭāviṃśatikaḥ kalpo bṛhadityabhisaṃjñitaḥ || 16 ||
[Analyze grammar]

ekonatriṃśakaḥ kalpo vijñeyaḥ śvetalohitaḥ |
tatastriṃśattamaḥ kalpo rakto nāma prakīrtitaḥ || 17 ||
[Analyze grammar]

ekatriṃśattamaḥ kalpaḥ pītavāsā iti smṛtaḥ |
dvātriṃśattamakalpastu sitakalpo hi nāmataḥ || 18 ||
[Analyze grammar]

trayastriṃśattamaḥ kalpaḥ kṛṣṇakalpo hi nāmataḥ |
catustriṃśattamaḥ kalpo viśvarūpastu nāmataḥ || 19 ||
[Analyze grammar]

evamete bhavanānāmṛtūnāṃ nāmatastathā |
kratūnāṃ nāmataścaiva vahnīnāṃ nāmatastathā || 20 ||
[Analyze grammar]

svarāṇāṃ nāmataścaiva prāṇānāṃ nāmatastathā |
ākūtīnāṃ tathā śaṃbhorviṣṇośca nāmatastathā || 21 ||
[Analyze grammar]

kalpā hyete catustriṃśatproktāstadyogataśca te |
saptarṣīṇāṃ nāmataśca saptakalpāstathā pare || 22 ||
[Analyze grammar]

aṣṭavasvabhidhānāśca hyaṣṭau kalpāstathā pare |
navagrahasamāyogānnavakalpāstathetare || 23 ||
[Analyze grammar]

aṣṭānāṃ dikprapālānāṃ kalpā hyaṣṭau tathā'pare |
brahmaṇaśca svīyakalpaścaikaḥ kalpastathā mataḥ || 24 ||
[Analyze grammar]

triguṇānāṃ ca devānāṃ trayaḥ kalpāstathā'pare |
ekādaśānāṃ rudrāṇāmekādaśa ca kalpakāḥ || 25 ||
[Analyze grammar]

caturdaśamanūnāṃ ca nāmnā kalpāścaturdaśa |
caturdaśamahendrāṇāṃ tathā kalpāścaturdaśa || 26 ||
[Analyze grammar]

saptaviṃśatinakṣatranāmnā tāvanta eva te |
ekonapañcāśanmarunnāmnā tāvanta eva te || 27 ||
[Analyze grammar]

caturviṃśatyavatāranāmnā kalpāstathā'pare |
ekonapaṃcāśadvahnikalpāstāvanta eva te || 28 ||
[Analyze grammar]

catūrṇāṃ dharmapādānāṃ nāmnā catvāra eva te |
vidyānāṃ ca trayīnāṃ ca nāmnā kalpāstrayastathā || 29 ||
[Analyze grammar]

ityevaṃ sṛṣṭisaṃraṃbhe yadyadyogo bhavetpurā |
brahmaṇaḥ smṛtimārge ca yasya yogo bhavetpurā || 30 ||
[Analyze grammar]

tattannāmnā ca kalpāste divasā brahmaṇo matāḥ |
sahasraṃ saṃbhavatyeva kalpā hi brahmavatsare || 31 ||
[Analyze grammar]

ta ete brahmaṇaḥ sarve punarvarṣāntare tathā |
evaṃ viparivartante śatavarṣīyajīvane || 32 ||
[Analyze grammar]

kalpāstu vedhasaścātra sṛṣṭau pravāhalīlayā |
ete hyeva prajāyante nāstīti niyamo'pi vai || 33 ||
[Analyze grammar]

anye'pi nāminaḥ kalpā lakṣmīkalpā bhavantyapi |
ramākalpāstathā padmākalpāḥ śrīkalpakāstathā || 34 ||
[Analyze grammar]

śivākalpā yoginīnāṃ kalpāḥ satīprakalpakāḥ |
śacikalpāstathā kālīkalpāḥ śaktidināni ca || 35 ||
[Analyze grammar]

vidyākalpāstathā cānye tvādyavyaktidināni ca |
bhavantīśvarakalpāśca devakalpāstathā'pare || 36 ||
[Analyze grammar]

devīkalpā apsarāṇāṃ kalpā bhaktadināni ca |
tattvakalpāstathā cādyakāryakalpā bhavantyapi || 37 ||
[Analyze grammar]

yannavaṃ vedhasaḥ prātardṛśyate mukhyamuttam |
tannāmnā te tu kalpā vai brahmaṇā hi pradhāritāḥ || 38 ||
[Analyze grammar]

indrāśca manavaḥ kalpe caturdaśa caturdaśa |
eko manurdīrghakālaṃ bhuṃkte hyekaṃ tu saptatim || 39 ||
[Analyze grammar]

catuṣkīnāṃ catuṣkī tu caturyugaṃ samīritam |
dvādaśābdasahasrāṇi caturyugaṃ viduḥ surāḥ || 40 ||
[Analyze grammar]

catuṣkīṇāṃ sahasraṃ tu kalpe gacchati vedhasaḥ |
catuṣkīṇāṃ sahasraṃ ca rātrau gacchati vedhasaḥ || 41 ||
[Analyze grammar]

dve sahasre catuṣkīṇāṃ brahmaṇastaddivāniśam |
etatkrameṇa vedhāstu śatavarṣāṇi jīvati || 42 ||
[Analyze grammar]

vairājasyaikadivasastadā vai parikalpitaḥ |
hyetatkrameṇa vairājaḥ śatavarṣāṇi jīvati || 43 ||
[Analyze grammar]

mahāviṣṇorekadinaṃ tadā vai parikalpitam |
etatkramānmahāviṣṇuḥ śatavarṣāṇi jīvati || 44 ||
[Analyze grammar]

pradhānapuruṣasyaikadinaṃ tatparikalpitam |
etatkramāt pradhānanā śatavarṣāṇi jīvati || 45 ||
[Analyze grammar]

prakṛtipuruṣasyaikadinaṃ tatparikalpitam |
puṃprakṛtestasya sṛṣṭiḥ śatavarṣaṃ pravartate || 46 ||
[Analyze grammar]

tato mahāpralayo vā''tyantikalaya āpyate |
tato brahmamuktiloko vartate sapareśvaraḥ || 47 ||
[Analyze grammar]

tāvati samaye yāte īkṣate sa punastathā |
bahu syāmiti sṛṣṭyarthaṃ prakṛtipūruṣakramāt || 48 ||
[Analyze grammar]

kalpe kalpe manūnāṃ ca tathaivā'sti prabhāvanam |
brahmāṇḍānāṃ bhuvanānāṃ tathaivā'styutsubhāvanam || 49 ||
[Analyze grammar]

caturdaśamanūn nāmnā kathayāmi śṛṇu priye |
kratusaṃjñe'tra vārāhe kalpe ca prathamo manuḥ || 50 ||
[Analyze grammar]

svāyaṃbhuvo manuḥ prokto brahmaṇaḥ putra eva saḥ |
svārociṣo dvitīyo vai manuragneḥ suto'bhavat || 51 ||
[Analyze grammar]

auttamaśca tṛtīyo vai priyavratasuto manuḥ |
tāmasaśca caturtha uttamabhrātā ca vai manuḥ || 52 ||
[Analyze grammar]

raivataḥ pañcamaḥ prokto manustāmasasodaraḥ |
ṣaṣṭhaśca cakṣuṣaḥ putraḥ cākṣuṣo nāma vai manuḥ || 53 ||
[Analyze grammar]

svārociṣottamau caiva tāmaso raivatastathā |
priyavratā'nvayā hyete catvāro manavo matāḥ || 54 ||
[Analyze grammar]

uttānapādasya vaṃśe cākṣuṣo manurucyate |
kaśyapasyā'diteḥ putrā dvādaśādityasaṃjñakāḥ || 55 ||
[Analyze grammar]

tatra vivasvataḥ putraḥ śrāddhadeva iti śrutaḥ |
vaivasvato manuḥ so'yaṃ saptamo manurucyate || 56 ||
[Analyze grammar]

chāyāyāṃ sūryaputraśca sāvarṇiścāṣṭamo manuḥ |
navamo dakṣasāvarṇirmanurvaruṇasaṃbhavaḥ || 57 ||
[Analyze grammar]

daśamo brahmasāvarṇirupaślokasuto manuḥ |
manurvai dharmasāvarṇirekādaśaḥ samucyate || 58 ||
[Analyze grammar]

bhavitā rudrasāvarṇirnāmnā dvādaśako manuḥ |
manustrayodaśo devasāvarṇiḥ sunṛtāsutaḥ || 59 ||
[Analyze grammar]

satyasahaso dāyādo vedasāvarṇireva saḥ |
manuśca hīndrasāvarṇiścaturdaśaḥ sa ucyate || 60 ||
[Analyze grammar]

priye caturdaśaitāni kalpe kalpe bhavanti vai |
proktairebhirmitaḥ kalpo yugasāhasraparyayaḥ || 61 ||
[Analyze grammar]

akalpaśca niśā tasya yugasāhasraparyayā |
yugacatuṣṭaye yugaśabdo'tra bodhya eva vai || 62 ||
[Analyze grammar]

evaṃ kalpāntaro cā'nye manavaśca caturdaśa |
indrāstathā bhavantyeva hyanye'nye vai caturdaśa || 63 ||
[Analyze grammar]

ṛṣayaśca bhavantyanye sapta sapta tathāvidhāḥ |
dikpālā lokapālāśca bhavantyanye tathākriyāḥ || 64 ||
[Analyze grammar]

vedavyāsāḥ praticaturyugaṃ bhavanti cāpare |
avatārā hareḥ praticatuṣkī caturviṃśatiḥ || 65 ||
[Analyze grammar]

aṃśā''veśakalāṃ'śāṃśāstvanantāḥ pratisādhikām |
bhavantyevā'vatārāśca lokakalyāṇahetave || 66 ||
[Analyze grammar]

iti śrīlakṣmīnārāyaṇīyasaṃhitāyāṃ prathame kṛtayugasantāne bahūnāṃ kalpānāṃ caturdaśamanūnāṃ ca nirdeśanāmā caturdaśādhikadviśatatamo'dhyāyaḥ || 214 ||
[Analyze grammar]

Other print editions:

Also see the following print editions of the Sanskrit text or (alternative) English translations of the Lakshminarayana Samhita Chapter 214

Cover of edition (2011)

Shri Lakshmi Narayana Samhita
by Chowkhamba Sanskrit Series Office (2011)

शेतायनव्यास (Shwetayan Vyas)

Buy now!
Like what you read? Consider supporting this website: