Chapter 216

śrīnārāyaṇa uvāca |
kaleḥ pañcasahasre ca gate varṣe bhuvaḥ sthalāt |
gagādyāstīrthamūrdhanyāḥ prayānti śrīhareḥ padam || 1 ||
[Analyze grammar]

śālagrāmo harermūrtirjagannāthaśca devatāḥ |
tataḥ svalpe gate kāle prayāsyanti hareḥ pakṣa || 2 ||
[Analyze grammar]

dīkṣāśca devamantrāśca vidhayaḥ śrāddhatarpaṇam |
sāttvikāni ca karmāṇi prayāsyanti hareḥ padam || 3 ||
[Analyze grammar]

hareḥ pūjā harasyāpi tannāmaguṇakīrtanam |
tattvajñānāni sarvāṇi prayāsyanti hareḥ padam || 4 ||
[Analyze grammar]

vrataṃ tapasyā'naśanaṃ svāgataṃ grāmadevatāḥ |
sūtakā'dyabhimantāro na bhavanti yuge kalau || 5 ||
[Analyze grammar]

krūrā'haṃkārasaॆyuktā ghātakā vai mahājanāḥ |
puṃsāṃ bhedo mitho naiva strīṇāṃ naiva ca vai kalau || 6 ||
[Analyze grammar]

sarvapṛthvyāṃ strīvaśāśca puṃścalyaśca gṛhe vane |
tarjanairbhartsanauḥ śaśvat hanti jāraṃ tathā patim || 7 ||
[Analyze grammar]

gṛheśvarī ca gṛhiṇī gṛhī bhṛtyā'dhiko'dhamaḥ |
ceṭibhṛtyāsamā vadhvo bhavantyeva kalau yuge || 8 ||
[Analyze grammar]

kartāro balino gehe yonisambandhibāndhavāḥ |
śvaśrūśca śvaśuraścaiva gṛhe mukhyāḥ kalau yuge || 9 ||
[Analyze grammar]

vidyāsambandhibhiḥ sārdhaॆ saṃbhāṣāpi na vidyate |
svakīyā bāndhavādyāstu yathā paricitāḥ pare || 10 ||
[Analyze grammar]

mlecchavidyāṃ prapaṭhanti dehadaihikavādinaḥ |
uttamāḥ sārahīnāśca śūdrāṇāṃ sevakāḥ kalau || 11 ||
[Analyze grammar]

brahmasūtravihīnāśca trāṇaśūnyāḥ kṛṣikṛtaḥ |
dharmahīnā dvijā mlecchakarmakarāḥ kalau yuge || 12 ||
[Analyze grammar]

phalahīnāśca taravo'patyahīnāśca yoṣitaḥ |
dugdhahīnāstathā gāvaḥ kṣīraṃ ghṛtavivarjitam || 13 ||
[Analyze grammar]

dampatī premaśūnyau ca sthāninaḥ sukhavarjitāḥ |
bhūpāḥ sattāvihīnāśca prajāśca karakarṣitāḥ || 14 ||
[Analyze grammar]

jalahīnā nadā nadyo vāpyaḥ kūpāḥ sarāṃsi ca |
lakṣeṣu puṇyavān kaścin miledvā na miledapi || 19 ||
[Analyze grammar]

kutsitā vikṛtākārā narā nāryaśca bālakāḥ |
kuvārtāḥ kutsitapathāḥ prajāyante kalau yuge || 16 ||
[Analyze grammar]

na nagarāṇi na vai grāmā vṛkṣagartanivāsinaḥ |
śaśavat parṇabhojyāśca bhavantyeva kalau ciram || 17 ||
[Analyze grammar]

araṇyāni prajāyante grāmanagarabhūmiṣu |
sarittaḍāgasasyāni kṣetrāraṇyāni vai kalau || 18 ||
[Analyze grammar]

dhanaṃ na dṛśyate kvāpi pāśavīṃ vṛttimāśrite |
dhūrte satyasya viśvāsaḥ pāpe puṇyasya mānyatā || 19 ||
[Analyze grammar]

aśiṣṭā ye te tu śiṣṭā lampaṭāste jitendriyāḥ |
puṃścalyastāḥ satīpūjyā gaṇyante vai kalau yuge || 20 ||
[Analyze grammar]

jārā brahmavratāstatra sarvastrīkāśca naiṣṭhikāḥ |
tāpasā ye guptapāpā nindakāḥ satyamāninaḥ || 21 ||
[Analyze grammar]

ghātakā ye kāruṇikāścaurā ye sādhubhūṣagāḥ |
bhikṣukā ye vaṃcakāste jāyante vai kalau yuge || 22 ||
[Analyze grammar]

nīcasevā mahatsevā dveṣākhyānaiśca raṃjakāḥ |
hāsyapradā jaḍā vyādhāḥ pūjyāste vai kalau yuge || 23 ||
[Analyze grammar]

bālye vyādhijarāyuktāḥ palitāḥ svalpakālajāḥ |
mahāvṛddhāḥ pañcadaśavarṣeṣveva kalau yuge || 24 ||
[Analyze grammar]

pañcavarṣā tu yuvatī rajoyuktā sutānvitā |
ṣaḍmāsānte prasūtā strī dvādaśe vṛddhatānvitā || 5 ||
[Analyze grammar]

prāyaśo bahuśo vandhyā hatagarbhāḥ durodarāḥ |
kanyāvikrayiṇaḥ putravikrayiṇaśca sarvaśaḥ || 26 ||
[Analyze grammar]

mātṛjāyāvadhūnāṃ ca jāropārjanatatparāḥ |
kanyānāṃ bhaginīnāṃ ca jāropārjanajīvinaḥ ||re || 7 ||
[Analyze grammar]

harernāmnāṃ vikrayiṇaḥ kīrtyarthaṃ dānakāriṇaḥ |
devavṛtterbrahmavṛttergurorvṛtteśca hārakāḥ || 28 ||
[Analyze grammar]

snuṣāśvaśrūkanyakāsapatnībhaginībhoginaḥ |
bhrātṛjāyābhoginaścā'gamyāgamanakāriṇaḥ || 29 ||
[Analyze grammar]

janmayoniṃ parityajya viharanti kalau narāḥ |
patnīnāṃ niścayo nāsti bhartṝṇāṃ ca kalau yuge || 30 ||
[Analyze grammar]

prajānāṃ caiva vastūnāṃ grāmāṇāṃ vā'dhikāriṇaḥ |
alīkavādinaḥ sarve caurā yānti balaṃ kalau || 31 ||
[Analyze grammar]

narāṇāṃ mārakā sarve'balānāṃ mārakāstathā |
gurūṇāṃ mārakā dharmamārakā vai kalau janāḥ || 32 ||
[Analyze grammar]

lākṣāloharasānāṃ ca vyāpāraṃ lavaṇasya ca |
putrāṇāṃ cātha patnīnāṃ prakurvanti kalau yuge || 33 ||
[Analyze grammar]

puṃścalī vārdhuṣā'vīrā kuṭṭinī ca rajasvalā |
raṇḍāśca randhanāgāre prabhavanti hi yācikāḥ || 34 ||
[Analyze grammar]

annānāṃ nirṇayo nāsti yonināṃ nāpi nirṇayaḥ |
liṃgānāṃ nirṇayo nāsti bālānāṃ sutarāṃ nahi || 35 ||
[Analyze grammar]

bhūruhā hastamānāśca vitastimānamānavāḥ |
ardhavitastipaśavo bhavantyante kalestadā || 36 ||
[Analyze grammar]

sādhūnāṃ ca gurūṇāṃ ca vadhaścaiva tapasvinām |
anāvṛṣṭibhayaṃ śaśvaddeśānāṃ viplavastathā || 37 ||
[Analyze grammar]

viṣoṣmamaraṇāścāpi vahnigolakanāśinaḥ |
narā nāryaḥ samastāśca yugapannāśinaḥ kalau || 38 ||
[Analyze grammar]

duriṣṭairduradhītaiśca duṣkṛtaiśca durāgamaiḥ |
viprāṇāṃ karmadoṣaiśca prajānāṃ patanaṃ kalau || 39 ||
[Analyze grammar]

hiṃsā māyā tatherṣyā ca krodho'sūyā'kṣamā nṛṣu |
tiṣye bhavanti lokanāmugrā rāmaśca lubdhatā || 40 ||
[Analyze grammar]

saṃkṣobhāḥ kalayaḥ kleśāḥ kalau tatra jane jane |
sarveṣāmantyayoneśca sambandhāḥ suptibhojanaiḥ || 41 ||
[Analyze grammar]

āyurmedhā balaṃ rūpaṃ kulaṃ caiva praṇaśyati |
ḍākinyaścāpi māriṇyo māntrikyaḥ pramadāḥ kalau || 42 ||
[Analyze grammar]

śvāpadānāṃ prabalatvaṃ gavāṃ tatra hyupakṣayaḥ |
sampradāyavināśaśca kalau ghore pravartite || 43 ||
[Analyze grammar]

citravarṣī tadā devaścitrāpatyā janā api |
kūṭamānāḥ paṇyajanā kuśīlā vyādharūpiṇaḥ || 44 ||
[Analyze grammar]

bahuyācanako lokaḥ pratyupakāravarjitaḥ |
naṣṭacittāḥ sāhasāśca muktakeśastrīveṣiṇaḥ || 45 ||
[Analyze grammar]

sasyacaurā vastracaurāścaurāṇāṃ caurakā api |
hartṝṇāṃ cāpi hartāro bhavantyeva kalau yuge || 46 ||
[Analyze grammar]

kīṭamūṣakasarpāśca dharṣayanti tu mānavān |
strībālagovadhaṃ kṛtvā hatvā'nyadvā parasparam || 47 ||
[Analyze grammar]

apahatya kulaṃ naijaṃ mārgayanti sukhaṃ kalau |
duḥkhādromādadharmāccā'nītervai tāmasāḥ kalau || 48 ||
[Analyze grammar]

tretāyāmābdhiko dharmo dvāpare māsikaḥ sa vai |
nāstikānāmaśaktānāṃ kalau divasamātrakaḥ || 49 ||
[Analyze grammar]

dīkṣālopo brahmalopaḥ saṃskārayajñalopanam |
rājasvalyasūtakā'spṛśyatālopaḥ kalau sadā || 50 ||
[Analyze grammar]

pakvā'pakvādiśuddhiśca mukhagaṇḍuṣaśodhanam |
śavaśmaśānaśaucādi vinaśyanti kalau yuge || 51 ||
[Analyze grammar]

mandirāṇi pratimāśca pūjyatā mahatāṃ tadā |
paropakārasatrāṇi vinaśyanti kalau yuge || 52 ||
[Analyze grammar]

sadhavāvidhavābhedā gṛhyagṛhivibhāgagāḥ |
mānyamaryāditabhedā vinaśyanti kalau yuge || 53 ||
[Analyze grammar]

daṇḍyā'daṇḍyavivekāśca pālyā'pālyapraṇālikāḥ |
sevyā'sevyavivekāśca vinaṃkṣyanti kalau yuge || 54 ||
[Analyze grammar]

nāryo gāvaśca kanyāśca yugandharāḥ kalau tadā |
nyāyālaye'pi nāryaśca śvapacāśca nṛpāsanāḥ || 55 ||
[Analyze grammar]

sarvaṃ śvapacasāmrājyaṃ jāyante vai kalau tadā |
luṃcārājyaṃ yaunarājyaṃ svārtharājyaṃ kalau sadā || 56 ||
[Analyze grammar]

balirājyaṃ śaṭharājyaṃ nagnarājyaṃ kalau bhavet |
dṛṣṭa satyaṃ tadanyaccā'pramāṇaṃ vai kalau matam || 57 ||
[Analyze grammar]

dravyasāmyaṃ saudhasāmyaṃ dāyasāmyaṃ kalau drutam |
janasāmyaṃ kriyāsāmyaṃ nagnasāmyaṃ kalau yuge || 58 ||
[Analyze grammar]

nārīsāmyaṃ narasāmyaṃ vṛddhasāmyaṃ ca guhyake |
karmasāmyaṃ varmasāmyaṃ duḥkhasāmyaṃ kalau yuge || 59 ||
[Analyze grammar]

mukhasāmyaṃ keśasāmyaṃ stanasāmyaṃ ca mastake |
nagnasāmyaṃ sakthisāmyaṃ garbhasāmyaṃ kalau tadā || 60 ||
[Analyze grammar]

tailaghṛtasnehasarpirvārisāmyaṃ ca raṃkatā |
dugdhadadhihaiyaṃgavīnādisāmyaṃ tadā kalau || 61 ||
[Analyze grammar]

ikṣukandaphalamūlasitāgūḍādiśarkarāḥ |
miṣṭakṣārakaṭutiktarasāstulyāḥ kalau yuge || 62 ||
[Analyze grammar]

vāṇīsāmyaṃ kriyāsāmyaṃ rūpasāmyaṃ ca veṣatā |
devamānavayakṣārtināgasāmyaṃ kalau samā || 63 ||
[Analyze grammar]

utsavaśokaśṛṃgārayānāsanasamānatā |
bālayuvasthavīrādimanaḥsāmyaṃ kalau tadā || 64 ||
[Analyze grammar]

svaparānyasuhṛcchatrusvārthahānisamānatā |
hrāsasāmyaṃ vyayasāmyaṃ kṣudhāsāmyaṃ kalau yuge || 65 ||
[Analyze grammar]

ṛtusāmyaṃ varṣasāmyaṃ niśādivasusāmyatā |
nidrājāgradavasthānāṃ suptisāmyaṃ kalau tadā || 66 ||
[Analyze grammar]

mañcakhaṭvābṛsīkusūlodakumbhīsamānatā |
durgaprākāragopurāṃganasāmyaṃ mataṃ tadā || 67 ||
[Analyze grammar]

vanodyānāraṇyaṇyakheṭagrāmavāsasamānatā |
manuṣyapaśupakṣyādeḥ kīṭasāmyaṃ kalau yuge || 68 ||
[Analyze grammar]

ājñopadeśavidhyāderjalpavitaṇḍikāḥ samāḥ |
saddhetūnāṃ niyamānāmasiddhisāmyatā kalau || 69 ||
[Analyze grammar]

sarasvatyāśca lakṣmyāśca vidhavāsāmyatā kalau |
viduṣāṃ svātmavṛttīnāṃ klībasāmyaṃ kalau yuge || 70 ||
[Analyze grammar]

vṛṣṭīnāṃ vyomasāmyaṃ ca kṛṣīṇāṃ kālasāmyatā |
bhuvaḥ kūrmapṛṣṭhasāmyaṃ bhavatyeva hi tiṣyake || 71 ||
[Analyze grammar]

mukhānāṃ grahaṇaiḥ sāmyaṃ hṛdāṃ phoṭarasāmyatā |
premṇāṃ raṇena sāmyaṃ vai bhavatyeva kalau yuge || 72 ||
[Analyze grammar]

dhārmikakarmaṇāṃ vṛddhendriyasāmyaṃ hi tiṣyake |
āstikatve nānyataracihnasāmyaṃ kalau yuge || 73 ||
[Analyze grammar]

punaḥ kṛtayuge prāpte jagat sajīvanaṃ punaḥ |
hareryogāt tathābhāvi brahmaśaktyanvitaṃ sukham || 74 ||
[Analyze grammar]

sarvasmṛddhimayaṃ sarvadharmakarmaguṇānvitam |
iti te kathitaṃ kalpaṃ kimanyacchrotumicchasi || 75 ||
[Analyze grammar]

iti śrīlakṣmīnārāyaṇīyasaṃhitāyāṃ prathame kṛtayugasantāne kalidharmāṇāṃ viśeṣato nirūpaṇaṃ nāma ṣoḍaśādhikadviśatatamo' dhyāyaḥ || 216 ||
[Analyze grammar]