Chapter 206

śrīlakṣmīruvāca |
tatrāśrame ca muninā tīrthāni kāni kāni vai |
kṛtāni bhagavan brūhi pāvanāni samāsataḥ || 1 ||
[Analyze grammar]

śrīnārāyaṇa uvāca |
gaṃgāyāṃ nāradaḥ snātvā bhūtvā divyavapurdharaḥ |
yayau prāk badarīṃ yā'styakṣarabrahmā'vatāriṇī || 2 ||
[Analyze grammar]

natvā stutvā pūjayitvā tathā kṛtvā pradakṣiṇam |
patraṃ ca badaraṃ tasyā attvā prasādarūpakam || 3 ||
[Analyze grammar]

snigdhaṃ cā'kaṇṭakaṃ divyaṃ haritaṃ pallavānvitam |
sapuṣpaṃ saphalaṃ ramyaṃ dhyātvā tadrūpamāntare || 4 ||
[Analyze grammar]

jagāma ca tato vahnitīrthaṃ vai pāvanaṃ muniḥ |
jalaṃ papau tadākhyānaṃ śuśrāva ca narānanāt || 5 ||
[Analyze grammar]

purā samājaḥ samabhūdṛṣīṇāmūrdhvasrotasām |
gaṃgāyamunāsaṃyoge prayāge puṇyabhūtale || 6 ||
[Analyze grammar]

tatrā'śvamedhe hutabhuk saṃpraṣṭumupacakrame |
sarvadurbhakṣaṇodbhūtapātakā''liptacetasaḥ || 7 ||
[Analyze grammar]

kathaṃ syātpātakānmuktirmama brahmavittamāḥ |
vyāsaḥ prāha tadā vahniṃ badarīṃ śaraṇaṃ vraja || 8 ||
[Analyze grammar]

yatrāste bhagavān bhaktapāpahāḥ puruṣottamaḥ |
tatra gaṃgājale snātvā hareḥ kṛtvā pradakṣiṇām || 9 ||
[Analyze grammar]

daṇḍavatpraṇipātena sarvadoṣakṣayo bhavet |
tato'gnirbadarīṃ prāpya snātvā gaṃgāṃbhasi tathā || 10 ||
[Analyze grammar]

naranārāyaṇaṃ gatvā natvā stutiṃ cakāra saḥ |
agneśca pāvakaṃ cātmapāvakaṃ brahmapāvakam || 11 ||
[Analyze grammar]

māyāyāḥ pāvakaṃ tīrthapāvakaṃ praṇamāmyaham |
ṛṣīṇāṃ tapasāṃ puṇyaphaladaṃ mokṣadaṃ prabhum || 12 ||
[Analyze grammar]

vidyāpradaṃ dharmadaṃ ca yogadaṃ tāpasaṃ harim |
sukhadaṃ valkalavastramīḍe śaktyaṣṭakaṃ gurum || 13 ||
[Analyze grammar]

śrutvā nārāyaṇaḥ prāha varaṃ varaya pāvaka |
agniḥ prāha hare sarvabhakṣo'haṃ dūṣaṇaṃ mahat || 14 ||
[Analyze grammar]

doṣanāśaḥ kathaṃ syādvai bhayaṃ doṣāt sudustaram |
nārāyaṇastadā prāha kṣetrasyā'sya tu darśanam || 15 ||
[Analyze grammar]

matprasādātprāṇināṃ ca tava mā'stu ca pātakam |
yatra snātaśca vahne tvaṃ tadagnitīrthamadyataḥ || 16 ||
[Analyze grammar]

khyātaṃ bhaviṣyati kṣmāyāṃ sarvabhakṣaṇapāpahṛt |
tava vāsaśca kalayā matpratāpātsadā'stu ca || 17 ||
[Analyze grammar]

tataḥ snātvā ca tattīrthe nārado lokapāvanaḥ |
jagāma ca śilāpañcatīrthāni kartumādarāt || 18 ||
[Analyze grammar]

nāradī nārasiṃhī ca vārāhī gāruḍī tathā |
mārkaṇḍeyīti vikhyātāḥ śilāḥ paramapāvanāḥ || 19 ||
[Analyze grammar]

nāradaśca munirbrāhmaḥ prathame janmani svayam |
darśanārthaṃ mahāviṣṇostapastepe'tidāruṇam || 20 ||
[Analyze grammar]

ṣaṣṭivarṣasahasrāṇi śilāyāṃ vāyubhojanaḥ |
vṛkṣavṛttisthitaṃ taṃ ca viṣṇurbrāhmaṇarūpadhṛk || 21 ||
[Analyze grammar]

darśanaṃ dattavānprāha kimiti kliṣyate mune |
yadīpsitaṃ mama brūhi tapasā'sti śucirbhavān || 22 ||
[Analyze grammar]

nāradaḥ prāha karuṇākaro'raṇye'sti ko bhavān |
tava darśanamātreṇa mano yāti prasannatām || 23 ||
[Analyze grammar]

tāvannārāyaṇastatra śaṃkhacakragadā'bjavān |
pītāmbaraḥ sakaustubhavanamālopavītakaḥ || 24 ||
[Analyze grammar]

śrīvatsāṃkitavakṣāśca kamalāsvarṇarekhakaḥ |
sunandādyaiḥ pārṣadaiśca sevamānaḥ suhāsyavān || 25 ||
[Analyze grammar]

darśayāmāsa rūpaṃ svaṃ nāradāya tapasvine |
dṛṣṭvā taṃ sahasotthāya namaskṛtya kṛtāṃjaliḥ || 26 ||
[Analyze grammar]

tuṣṭāva paramātmānaṃ karuṇāsāgaraṃ prabhum |
jagatāmīśvaraṃ sākṣirūpaṃ bhaktakṛtādaram || 27 ||
[Analyze grammar]

kṛpāluṃ tāpasaṃ divyaṃ vande prasīda pāvana |
satāṃ lokasya rakṣāyai hitāya tapa ādadhan || 28 ||
[Analyze grammar]

tapaḥphalapradātarme prasīda sattvamūrtiman |
koṭikandarpalāvaṇyavilāsaḥ kāmavarjitaḥ || 29 ||
[Analyze grammar]

brahmacāryasi deveśa prasīda satyavāg vibho |
āśritānāṃ kalpavṛkṣo dīnānāṃ duḥkhahārakaḥ || 30 ||
[Analyze grammar]

jñānena bandhahā brahmasukhadātā prasīdatām |
jīvāntarindriyasūkṣmabhūtā'ntaryāminīśvara || 31 ||
[Analyze grammar]

brahmasukhānubhūte tvaṃ prasīda cidacinmaya |
yadāśritāḥ surā duḥkhāmbudhiṃ taranti gopadam || 32 ||
[Analyze grammar]

namaste sarvadā parabrahmaṇe brahmaṇe tathā |
vāsudevāya kṛṣṇāya bhūmne nārāyaṇāya ca || 33 ||
[Analyze grammar]

mahāviṣṇusvarūpāya vairājāya ca te namaḥ |
namo hiraṇyakośāya tridevebhyo namo namaḥ || 24 ||
[Analyze grammar]

adya me saphalaṃ janma cādya me saphalaṃ tapaḥ |
adya me saphalaṃ jñānaṃ śrīhare tava darśanāt || 35 ||
[Analyze grammar]

śrutvā prāha haristaṃ ca tuṣṭo'haṃ tapasā tava |
stotreṇā'tisutuṣṭo'haṃ varado'haṃ tavā'grataḥ || 36 ||
[Analyze grammar]

sarvaśreṣṭho mama bhaktastvaṃ cāsi siddhakāmanaḥ |
varaṃ varaya bhadraṃ te sarvaṃ dadāmi mā ciram || 37 ||
[Analyze grammar]

nāradaḥ prāha bhaktiṃ te padayordehi niścalām |
eṣā śilā me tapasāṃ sthānaṃ tīrthaṃ sadā'stu ca || 38 ||
[Analyze grammar]

macchilāsannidhānaṃ tu na tyājyaṃ bhavatā kvacit |
mattīrthadarśanātsparśātsnānādācamanāt tathā || 39 ||
[Analyze grammar]

punardehaṃ na cāpnuyāt tṛtīyo'stu varaśca me |
śrutvā nārāyaṇaḥ prāha evamastu sadā'nagha || 40 ||
[Analyze grammar]

carācaravideho'haṃ tava tīrthe vasāmyaham |
tava bhaktiḥ śāśvatī ca mayi bhavatu nārada || 41 ||
[Analyze grammar]

ityuktvā ca haristatra mūrtāvantaradhīyata |
prathamo nārado hṛṣṭo yayau madhupurīṃ tataḥ || 42 ||
[Analyze grammar]

ityasti nāradaśilā tīrthaṃ paramapāvanam |
caturtho nāradastatra tīrthaṃ kṛtvā yayau punaḥ || 43 ||
[Analyze grammar]

mārkaṇḍeyaśilāyāśca tīrthārthaṃ narasaṃyutaḥ |
purā tretāyugasyā'nte mṛkaṇḍutanayo mahān || 44 ||
[Analyze grammar]

mārkaṇḍeyastapaścakre śilāyāṃ tatsthalaṃ yayau |
purā nāmnā mṛgaśṛṃgo munistvāsīt tapodhanaḥ || 45 ||
[Analyze grammar]

tasya bhāryāścatasraśca pātivratyaparāyaṇāḥ |
suvṛtā kamalā caiva vimalā surasā tviti || 46 ||
[Analyze grammar]

kālena mahiṣī tasya suvṛtā suṣuve sutam |
jātakarma kumārasya pitā cakre vidhānavat || 47 ||
[Analyze grammar]

cakāra nāmakaraṇaṃ mṛkaṇḍumiti viśrutam |
niḥśaṃkāśca mṛgagaṇāḥ kaṇḍūyante'sya vigrahe || 48 ||
[Analyze grammar]

tasmānmṛkaṇḍuriti ca nāma sārthakameva tat |
kṛtopanayanaḥ pitrā vedānadhyaiṣṭa sarvaśaḥ || 49 ||
[Analyze grammar]

mudgalasya muneḥ kanyāmupayeme marudvatīm |
mṛkaṇḍuranapatyo'bhūdidamevā'bhyacintayat || 50 ||
[Analyze grammar]

ahaṃ sadāro gacchāmi rājadhānīṃ śivasya vai |
bhaktapriyaḥ śivo yatra karṇe japati tārakam || 51 ||
[Analyze grammar]

gatvā tatra prathamato maṇikarṇyāṃ vidhānataḥ |
snānaṃ kṛtvā mahādevaṃ natvovāsa yathāsukham || 52 ||
[Analyze grammar]

śaṃkaraṃ toṣayāmāsa tapasā saha bhāryayā |
tuṣṭaścāha pinākī tvaṃ matto varaṃ gṛhāṇa ca || 53 ||
[Analyze grammar]

so'pi vavre varaṃ śaṃbho putraṃ dehīti mā ciram |
śaṃbhustasyā'napatyasya bhālaṃ dṛṣṭvā hyuvāca tam || 54 ||
[Analyze grammar]

saptajanmasu te'patyaṃ nāstīti vaidhasī lipiḥ |
tathāpi tapasā tuṣṭo dadāmi putramekalam || 55 ||
[Analyze grammar]

kimihecchasi putraṃ tvaṃ nirguṇaṃ cirajīvinam |
āhosvidekaṃ saguṇaṃ sarvajñaṃ ṣoḍaśābdikam || 56 ||
[Analyze grammar]

ityuktaḥ sopi dharmātmā nāhamicchāmi nirguṇam |
alpāyurapi putro vā sarvajño'stu jagatpate || 57 ||
[Analyze grammar]

śaṃbhuḥ prāha bhavitā te ṣoḍaśāyuḥ suto mune |
dhārmiko guṇavān khyātaḥ sarvajñaḥ kīrtimāṃstathā || 58 ||
[Analyze grammar]

ityuktvā prayayau śaṃbhurmuniryayau nijāśramam |
kāle bhāryā'bhavattasya cāntarvatnī marudvatī || 59 ||
[Analyze grammar]

tanayaḥ samaye tasyāṃ marudvatyāmajāyata |
jātakarma nāmakarma pitā cakāra yatnataḥ || 60 ||
[Analyze grammar]

saṃskārān kṛtavān sarvān pañcame'bde vrataṃ dadau |
vedānsa vidhinā'dhyaiṣṭa vidyāṃ jagrāha śaktimān || 61 ||
[Analyze grammar]

saṃprāpte ṣoḍaśe'bde tu pitā tasya mṛkaṇḍukaḥ |
śokamagno'bhavat dṛṣṭvā putramantikamṛtyukam || 62 ||
[Analyze grammar]

putro'pi pitaraṃ prāha kiṃ te śokasya kāraṇam |
mṛkaṇḍaḥ prāha tanayaṃ śocāmi tava kāraṇam || 63 ||
[Analyze grammar]

āyuḥ ṣoḍaśavarṣāṇi tava dattaṃ pinākinā |
sa kālo'yaṃ samāyātastasmācchocāmi putraka || 64 ||
[Analyze grammar]

pitreti kathitaṃ śrutvā mārkaṇḍeyo'bravīdidam |
mannimittaḥ pitaḥ śokaṃ kadācittvapi mā kṛthāḥ || 65 ||
[Analyze grammar]

prayatiṣye yathā tāta yathā yāsyāmyamartyatām |
samārādhya parātmānaṃ hṛdayasthaṃ hariṃ prabhum || 66 ||
[Analyze grammar]

iti nirṇīya tātena sahitaḥ sa yayau drutam |
mathurāyāṃ yamunāyāṃ snātuṃ rādhayituṃ harim || 67 ||
[Analyze grammar]

gatvā tatra yamunāyāstīre tasthau smaran harim |
dvādaśākṣaramantrasya japaṃ kurvanpupūja tam || 68 ||
[Analyze grammar]

yadṛcchayā nārado'pi mathurāyāmagāttadā |
mṛkaṇḍustaṃ nirīkṣyaiva saputrastaṃ nanāma ca || 69 ||
[Analyze grammar]

satkṛtaḥ svāgatādyaiśca nārado mlānabhāvataḥ |
prāha dṛṣṭvā putrabhāle lekhāṃ mṛtyuprayāyinīm || 70 ||
[Analyze grammar]

mṛkaṇḍo'yaṃ tava putraḥ svalpāyurdṛśyate khalu |
mṛkaṇḍuḥ prāha devarṣe dīrghāyuṣyaṃ prakalpaya || 71 ||
[Analyze grammar]

nāradaḥ prāha viprarṣe lekhāṃ vedhaḥprakalpitām |
mārjayituṃ na vai śaktāḥ surā'surāstathā'pare || 72 ||
[Analyze grammar]

karmasāpekṣakā lekhā likhyante janmanā saha |
āyurvidyā ca vittaṃ ca yaśo nidhanamityapi || 73 ||
[Analyze grammar]

pañcaivaitāni sṛjyante garbhasthasyaiva dehinaḥ |
tathāpi santi santo vai lipiṃ mārjayituṃ kṣamāḥ || 74 ||
[Analyze grammar]

satāmāśīrvacanaiśca sadā duḥkhaṃ sukhāyate |
kubhāgyaṃ līyate caivotpadyate bhāgyasauṣṭhavam || 75 ||
[Analyze grammar]

pāpaṃ pralīyate puṇyaṃ janyate ca satāṃ balāt |
māyāṃ pāpaṃ ca karma ca kālaṃ durbhāgyamityapi || 76 ||
[Analyze grammar]

tasya vai parivartante yena santaḥ pratoṣitāḥ |
mahābhāgavatāḥ santaḥ ṛṣayaśca tapodhanāḥ || 77 ||
[Analyze grammar]

prasannā yatra jāyante tatra bhadrāṇi koṭiśaḥ |
santaḥ prasannā jāyante praṇāmastutisevanaiḥ || 78 ||
[Analyze grammar]

tasmādatithayo ye ye samāgaccheyuratra hi |
tathā ca tīrthayātrāyāṃ mileyurye ca tārakāḥ || 79 ||
[Analyze grammar]

tebhyaḥ sarvebhya eva drāk praṇatiḥ sāṃjalistathā |
kartavyā'nena bālena nā''lasyaṃ kāryameva yat || 80 ||
[Analyze grammar]

tatraivaṃ ca kvacitkasyacinmahatpuruṣasya vai |
ciraṃjīvetyāśiṣā'yaṃ vardhitaḥ sabhaviṣyati || 81 ||
[Analyze grammar]

tasmāttīrthāṭanaṃ samyak kuru kṣemaṃ bhaviṣyati |
tato badrīmahākṣetraṃ sthānaṃ tu nityadā hareḥ || 82 ||
[Analyze grammar]

yāhi yatra svayaṃ sākṣāddhariṃ paśyasi cakṣuṣā |
ciraṃjīvī tava putro bhaviṣyati na saṃśayaḥ || 83 ||
[Analyze grammar]

śrutvetyāśīrvaco labdhvā mṛkaṇḍuḥ sasutastataḥ |
yayau tīrtheṣu sarvatra prabhāse raivatācale || 84 ||
[Analyze grammar]

dvārikāyāṃ puṣkare ca narmadāyāṃ ca bhārgave |
sarayvāṃ yamunāyāṃ ca gaṃgāyāṃ tryambakeśvare || 85 ||
[Analyze grammar]

kāveryāṃ tāmraparṇyāṃ cā'ruṇācale'tidakṣiṇe |
rāmeśvare'tha sāmudre tīrthāni pracakāra saḥ || 86 ||
[Analyze grammar]

pituranujñāṃ saṃprāpya dakṣiṇā'rṇavarodhasi |
liṃgaṃ saṃsthāpya vidhivanmārkaṇḍeyo nijāhvayam || 87 ||
[Analyze grammar]

kṛtvā triṣavaṇaṃ snānaṃ trikālaṃ śivapūjakaḥ |
prārthyaṃ trikālapūjānte'rthayitvā nṛtyati priyam || 88 ||
[Analyze grammar]

tenā'rhaṇena santuṣṭo dinenaikena śaṃkaraḥ |
pūjitaśca mahābhaktyā mārkaṇḍeyena vastubhiḥ || 89 ||
[Analyze grammar]

tāvattatrā'rṇave snātuṃ saptarṣaya upasthitāḥ |
mārkaṇḍeyaḥ samutthāya nanāmarṣīṃśca pādayoḥ || 90 ||
[Analyze grammar]

ciraṃjīveti saptoktaḥ praharṣa paramaṃ yayau |
mṛkaṇḍuḥ prāha saptarṣīn nā'syā''yurvardhate'dhikam || 91 ||
[Analyze grammar]

kathaṃ cirāyurbhavitā satyavācāṃ vaco mṛṣā |
yadvā lalāṭalekhā sā vedhaso'līkatāṃ vrajet || 92 ||
[Analyze grammar]

maharṣibhistadālokya nīto drāk brahmaṇaḥ sabhām |
natvā ca tiṣṭhati cāgre ciraṃjīvetyajo jagau || 93 ||
[Analyze grammar]

ṛṣibhiḥ kathitaṃ cāsya rekhā saṃpūrṇatāṃ gatā |
kathaṃ ciraṃjīvano'yaṃ saṃbhavettava vākyataḥ || 94 ||
[Analyze grammar]

yadi vākyaṃ tava tathyaṃ rekhāmanyāṃ vidhāpaya |
śratvā ca vedhasā lekhā ciraṃjīveti nirmitā || 95 ||
[Analyze grammar]

drāgeva saḥ ṛṣibhirānīto dakṣiṇasāgare |
tāvadāyāta evātra kālo mṛtyusahāyavāna || 96 ||
[Analyze grammar]

vṛttaraktāntanayanaḥ sarpavṛścikaromavān |
daṃṣṭrākarālavadanaścūrṇitāṃjanasannibhaḥ || 97 ||
[Analyze grammar]

samāgatya ca tasyā'sau yamasyā''jñānusārataḥ |
adṛṣṭvā nūtanāṃ rekhāṃ pūrvarekhāvidhānataḥ || 98 ||
[Analyze grammar]

pāśamavāsṛjatkālo mārkaṇḍeyastamabravīt |
kāla tāvatpratīkṣasva pūjāṃ nirvartayāmyaham || 99 ||
[Analyze grammar]

maheśvaraḥ prasīdatāt satataṃ pūjayā'nayā |
tamabravīt tataḥ kālo mārkaṃḍeyaṃ hasanmuhuḥ || 100 ||
[Analyze grammar]

saptarṣīṇāṃ śṛṇvatāṃ ca nītivākyāni tatra ha |
prathame vayasi puṇyaṃ yo na karoti śucyate || 101 ||
[Analyze grammar]

māsā'ṣṭakena tatkuryād yena varṣāḥ sukhaṃ vaset |
divase caiva tatkuryād yena rātriṃ sukhaṃ vaset || 102 ||
[Analyze grammar]

pūrve vayasi tatkuryādyena vṛddhaḥ sukhaṃ vaset |
yāvajīvaṃ tu tatkuryād yena pretya sukhaṃ vaset || 103 ||
[Analyze grammar]

śvaḥ kāryamadya kurvīta pūrvāṅge cā'parāhṇikam |
na ca pratīkṣate kālaḥ kṛtamasya na vā kṛtam || 104 ||
[Analyze grammar]

idṃ kṛtamidaṃ kāryamidamanyatkṛtā'kṛtam |
evamīhāsamāyuktaṃ kṛtāntaḥ kurute vaśe || 105 ||
[Analyze grammar]

nā'prāptakālo mriyate viddhaḥ śaraśatairapi |
kuśāgreṇāpi saṃspṛṣṭaḥ prāptakālo na jīvati || 106 ||
[Analyze grammar]

cakravartisahasrāṇi purandaraśatāni ca |
prāpitāni mayā yābhyāṃ prāptakālastvamehi ca || 107 ||
[Analyze grammar]

mārkaṇḍeyastadā prāha tvayā naitacchrutaṃ ca kima |
nṝṇāmīśvarabhaktānāṃ na bhavantyāpadaḥ kvacit || 108 ||
[Analyze grammar]

brahmādayo'pi tān kruddhā na śaktā hantumīśvarāḥ |
kālaḥ prāha ca yāvatyo gaṃgāyāṃ sikatā mune || 109 ||
[Analyze grammar]

tāvanta eva brahmāṇo mayā kālena saṃhṛtāḥ |
tvāṃ ca nayāmi sāmarthyād yasya bhaktaḥ sa rakṣatu || 110 ||
[Analyze grammar]

tenaivaṃ garjatā tatra kālenā'sau mahāmuniḥ |
haṭhādgrasituṃ cārabdhaḥ kṣiptaḥ pāśaḥ galopari || 111 ||
[Analyze grammar]

tāvalliṃgātsamuttasthau śaṃbhurhuṃkāragarjanaḥ |
uddhṛtya pādakamalaṃ prajahāra bhujāntare || 112 ||
[Analyze grammar]

pāśo vicchinnatāṃ yāto dūre mṛtyuḥ papāta ha |
saptarṣayo'pi sattoyairavardhayan mṛkaṇḍujam || 113 ||
[Analyze grammar]

prāhurmṛtyuṃ paśya mṛtyo ciraṃjīveti nūtanām |
rekhāṃ lalāṭalikhitāṃ brahmaṇā parameṣṭhinā || 114 ||
[Analyze grammar]

etasminnantare citraguptāyā'veditaṃ navam |
śrāvaṇaiḥ pitṛbhirlekhyaṃ ciraṃjīva mṛkaṇḍujaḥ || 115 ||
[Analyze grammar]

tāvad dūtāḥ preṣitāścā'pare datvā'mṛtā''valim |
mā''nayantu mṛkaṇḍośca sutaṃ kalpāntareṣvapi || 116 ||
[Analyze grammar]

iti mṛtyuśca kālaśca dūtāśca viphalā yayuḥ |
mārkaṇḍeyaḥ pralaye'pi kṣīrābdhau viṣṇusannidhau || 117 ||
[Analyze grammar]

samādhau tiṣṭhate naiva mriyate cirajīvanaḥ |
svasthānamṛṣayo jagmuḥ śaṃbhurliṃge tiro'bhavat || 118 ||
[Analyze grammar]

mṛkaṇḍuśca yayau svasyāśramaṃ putraśca kevalaḥ |
nāradasyopadeśena yayau badarikāśramam || 119 ||
[Analyze grammar]

snātvā cālakanandāyāṃ śilāmupāviśattataḥ |
jajāpā'ṣṭākṣaraṃ mantraṃ trirātryante narāyaṇaḥ || 120 ||
[Analyze grammar]

prasannaścā''jagāmāśu darśanaṃ maṃgalaṃ dadau |
śaṃkhacakragadāpadmavanamālāvibhūṣitam || 121 ||
[Analyze grammar]

hariṃ dṛṣṭvā samutthāya premagadgadayā girā |
tuṣṭāva praṇato bhūtvā mārkaṇḍeyo narāyaṇam || 122 ||
[Analyze grammar]

aśāśvate'tra saṃsāre'śāśvate varṣmaṇi sthitam |
cetanaṃ māṃ kṛthāścirajīvinaṃ muktameva hi || 123 ||
[Analyze grammar]

kālamṛtyū kṛtau dūrau śaṃbhurūpeṇa sarvathā |
mṛtaṃ jīvantaṃ bhrāntaṃ māṃ sadaivaṃ trāhi keśava || 124 ||
[Analyze grammar]

ṛṣistvaṃ carṣirūpeṇa mṛtān jīvayase vibho |
śāśvate'mṛtadhāmākhye sadā jīvaya māṃ prabho || 125 ||
[Analyze grammar]

dehi dīkṣāṃ vaiṣṇavīṃ me pūjāyāṃ darśanaṃ tava |
niścalāṃ dehi me bhaktiṃ śilāyāṃ tava sannidhim || 126 ||
[Analyze grammar]

tathetyuktvā naranārāyaṇaḥ śrībhagavānsvayam |
dadau ca vaiṣṇavīṃ dīkṣāṃ mantramaṣṭākṣaraṃ śubham || 127 ||
[Analyze grammar]

śilāyāṃ harisānnidhyaṃ pūjāyāṃ daśanaṃ sadā |
dadau tasmai cirajīvimārkaṇḍeyāya yogine || 128 ||
[Analyze grammar]

mārkaṇḍeyo vaiṣṇavo'bhūcchilāyāmatra nārada |
nārāyaṇastathā cātra śilāyāṃ samavasthitaḥ || 129 ||
[Analyze grammar]

mārkaṇḍeyaśilā ceyaṃ dvitīyā kīrtitā ca te |
haristiro'bhavattatra yayau gṛhaṃ mṛkaṇḍujaḥ || 130 ||
[Analyze grammar]

iti śrīlakṣmīnārāyaṇīyasaṃhitāyāṃ prathame kṛtayugasantāne vahneḥ sarvabhakṣitvadoṣaparihārakāgnitīrtha nāradātapaḥsthalanāradaśilātīrthamārkaṇḍeyacirajīvitvākhyāna mārkaṇḍeyaśilātīrthamiti nirūpaṇanāmā ṣaḍadhikadviśatatamo'dhyāyaḥ || 206 ||
[Analyze grammar]