Chapter 165

śrīnārāyaṇa uvāca |
śrūyatāṃ kathayiṣyāmi bhūyo'syāḥ saṃbhavaṃ priye |
śuṃbhaniśuṃbhaprabhṛtidhvaṃsāya tvāditaḥ śṛṇu || 1 ||
[Analyze grammar]

vairājāt kamale jāto brahmā sṛṣṭiṃ vinā sthitaḥ |
sṛṣṭyarthaṃ kiṃ vidheyaṃ ca mayā'tra kamalenvitaḥ || 2 ||
[Analyze grammar]

tāvattasyā'bhavatpūrvabhavīyasmaraṇaṃ tadā |
bījaṃ vinā na tūtpattistasmād bījaṃ juhomyaham || 3 ||
[Analyze grammar]

svaśarīrasthitaṃ śukraṃ juhāvā'gnau prajāpatiḥ |
brahmaṇo juhvatuḥ śukramagnau pūrvaṃ prajepsayā || 4 ||
[Analyze grammar]

ṛṣayo jajñire vahnāvaṣṭau tānnāmataḥ śṛṇu |
bhṛgvaṃgirā marīciśca pulastyaḥ pulahaḥ kratuḥ || 5 ||
[Analyze grammar]

atriścaiva vasiṣṭhaśca hyaṣṭau te brahmaṇaḥ sutāḥ |
jvalanto vapuṣā yuktāḥ saprabhāvaiḥ svakairguṇaiḥ || 6 ||
[Analyze grammar]

hute cā'gnau sakṛcchukre jvālāṃ bhittvā tu saṃgataḥ |
bhṛgustvaṃ ceti tannāma cakāra sa prajāpatiḥ || 7 ||
[Analyze grammar]

śivenā'bhyarthitaḥ putrecchayā dattaśca vedhasā |
varaṇād vāruṇaḥ śaivaścāgneyo brahmaṇo bhṛguḥ || 8 ||
[Analyze grammar]

dvitīyaṃ ca nijaṃ śukramaṃgāreṣvajuhotprabhuḥ |
aṃgāreṣvaṃgiroṃ'gāni saṃhatāni tatoṃ'girāḥ || 9 ||
[Analyze grammar]

āgneyo hyaṃgirā nāmnā dvitīyo brahmaṇaḥ sutaḥ |
ṣaṭkṛtvā tu punaḥ śukre hate ṣaḍabhavan sutāḥ || 10 ||
[Analyze grammar]

marīcibhyaḥ samutpanno marīcistu tṛtīyakaḥ |
home kratau yato jajñe ṛtuḥ so'yaṃ caturthakaḥ || 11 ||
[Analyze grammar]

aेna tu viṣṇunā trātaḥ putratve'tristu paṃcamaḥ |
pubhiḥ keśairlasito yo dehe pulastya ityayam || 12 ||
[Analyze grammar]

keśairlambaiḥ samudbhūtaḥ pulahaḥ saptamo mataḥ |
vasuragnistadutpanno vaśī vasiṣṭha ucyate || 13 ||
[Analyze grammar]

brahmaṇaḥ prathame hyete putrāḥ sabījamānavāḥ |
sarve prajānāṃ patayaḥ sarve cāpi tapasvinaḥ || 14 ||
[Analyze grammar]

teṣvatharvavijñātraṃgirasaḥ putrā daśā'bhavan |
surūpāyāṃ ca te nāmnā hyādhāryurāyurityapi || 15 ||
[Analyze grammar]

danurdakṣo damaḥ prāṇo haviṣyān haviṣṇustathā |
ṛtaḥ satyaśca tatrā'yaṃ dakṣo bodhyaḥ satīpitā || 16 ||
[Analyze grammar]

dakṣo maithunabhāvena sisṛkṣurvividhāḥ prajāḥ |
asiknīmāvahadbhāryāṃ vīraṇākhyaprajāpateḥ || 17 ||
[Analyze grammar]

sutāṃ tasyāṃ samutpannāścaturviṃśatiputrikāḥ |
dharmāya dattā dakṣeṇa śraddhādyāstu trayodaśa || 18 ||
[Analyze grammar]

śraddhā lakṣmīrvṛtistuṣṭi puṣṭirmedhā tathā kriyā |
buddhirlajjā vasuḥ śāntiḥ siddhiḥ kīrtistrayodaśa || 19 ||
[Analyze grammar]

tābhyaḥ śiṣṭā yavīyasya ekādaśa sulocanāḥ |
khyātiḥ satī ca saṃbhūtiḥ smṛti prītiḥ kṣamā tathā || 20 ||
[Analyze grammar]

sannatiścānurūpā ca ūrjā svāhā svadhā tathā |
bhṛgurbhavo marīciśca tathā caivāṃgirā muniḥ || 21 ||
[Analyze grammar]

pulastyaḥ pulahaścaiva kraturatrirvaśiṣṭhakaḥ |
vahniśca pitaraścaite dakṣajāmātaraḥ kramāt || 22 ||
[Analyze grammar]

pūrvaśāpavaśāccaiva brahmā''jñāprabalādapi |
tārakādivināśārthaputrotpattisakāraṇāt || 23 ||
[Analyze grammar]

bhāvino niyatatvācca satī dakṣagṛhe'bhavat |
śṛṇu devyāḥ pūrvaśāpaḥ kathaṃ jāta iti priye || 24 ||
[Analyze grammar]

mahiṣāsuranāśāya sarvadevaistu nirmitā |
kātyāyanī mahāmāyā vināśyā''surapuṃgavam || 25 ||
[Analyze grammar]

punaradṛśyatāṃ prāptā deveṣu vilayaṃgatā |
yadā tadā triśūlāgre rudreṇa rakṣitā tu sā || 26 ||
[Analyze grammar]

satī nāmnā triśūlāgre sadā rudreṇa rakṣitā |
janmāntarasahasreṣu śivānnahi viyujyate || 27 ||
[Analyze grammar]

tayā yadā māhiṣākhyo hyasuro vinipātitaḥ |
tadā pativratā tasya patnī kuṇḍhīti viśrutā || 28 ||
[Analyze grammar]

vilapya ca muhurdevyai śaśāpā''rtihṛdā yathā |
yathā'patyādirahitā patināśātsuduḥkhitā || 29 ||
[Analyze grammar]

prajvalāmi citāgnau ca tathā tvaṃ cāpi duḥkhitā |
tava bharturmaraṇācca tathā'napatyaduḥkhitā || 30 ||
[Analyze grammar]

prajvaliṣyasi kālāgnau jaḍā ca duḥkhinī bhava |
iti śāpastadā devyai mahiṣyā vihitastataḥ || 31 ||
[Analyze grammar]

kātyāyanī satī devī mlānāsyā hyabhavat kṣaṇam |
brahmādayastadā dṛṣṭvā devīṃ prāhuḥ śubhānane || 32 ||
[Analyze grammar]

mā khidaste patirnaiva mariṣyati kadācana |
vayaṃ devāḥ śubhāśīrbhirvardhayiṣyāmahe haram || 33 ||
[Analyze grammar]

kintu mṛtyusamaṃ duḥkhaṃ tava patyurbhaviṣyati |
mahatāṃ mānahānistu mṛtyureva mato budhaiḥ || 34 ||
[Analyze grammar]

kāmadevanimittena bhāvipūjābalena ca |
liṃgotpattinimittena kāmotpattau ca śaṃkare || 35 ||
[Analyze grammar]

ṛṣipatnīsamāje vai yadā śaṃbhurvivastrakaḥ |
yāsyati liṃgamutthāpya ceṣṭāṃ kurvaṃśca kāmagām || 36 ||
[Analyze grammar]

tadā tu brāhmaṇāstatra mantrajñā ṛṣayo'malāḥ |
dṛṣṭvā taṃ kāminaṃ nagnaṃ protthaliṃgaṃ haraṃ tu te || 37 ||
[Analyze grammar]

darbhaśalākayā mantradvārā liṃgaṃ tu mūlataḥ |
pātayiṣyantyavamānaṃ kariṣyanti muhurmuhuḥ || 38 ||
[Analyze grammar]

puṃstvanāśo liṃganāśaḥ puṃso nāśaḥ prakīrtyate |
ityetanmṛtyutulyaṃ vai duḥkhaṃ yāsyati śaṃkaraḥ || 39 ||
[Analyze grammar]

tato liṃgaṃ tvayi sthāle sthāpayiṣyanti bhūsurāḥ |
pūjayiṣyanti tadvāṇaṃ loke khyātiṃ gamiṣyati || 40 ||
[Analyze grammar]

jyotirliṃgamitiprakhyaṃ bhaviṣyati tato haraḥ |
kartitaṃ liṃgamādāya sandhiṃ sthāne kariṣyanti || 41 ||
[Analyze grammar]

punaḥ saliṃgaḥ puruṣastava yogyo bhaviṣyati |
iti nimittamevaitajjātaṃ śokaṃ ca mā kuru || 42 ||
[Analyze grammar]

parabrahmasvarūpe'tra śokasthānaṃ kuto bhavet |
śṛṇu devyaparaṃ cāpi dakṣo yajñaṃ kariṣyati || 43 ||
[Analyze grammar]

śaṃkarasya tatra yajñe sthānaṃ naiva kariṣyati |
ityeṣā mānahāniśca dakṣācchaṃbhorbhaviṣyati || 44 ||
[Analyze grammar]

tannimittaṃ tadā te ca vahnau prajvalanaṃ bhavet |
anapatyā duḥkhitā ca śāpādiphalasammukhī || 45 ||
[Analyze grammar]

dagdhā tvaṃ ca jaḍā kālī śailaputrī bhaviṣyasi |
śaṃkareṇa vivāhaste punastatra bhaviṣyati || 46 ||
[Analyze grammar]

iti mā kuru śokaṃ tvaṃ bhāvi bhavati nā'nyathā |
tato dakṣagṛhaṃ gaccha dakṣasya duhitā bhava || 47 ||
[Analyze grammar]

tārakāsuramukhyāstu dānavā vai mahābalāḥ |
janiṣyante ca teṣāṃ tu varadānānurūpataḥ || 48 ||
[Analyze grammar]

putrasyotpādanārthaṃ tvaṃ dakṣasya duhitā bhava |
tatra rudreṇa putraste kārtikeyo bhaviṣyati || 49 ||
[Analyze grammar]

taddvārā'suranāśo'pi bhaviṣyatīti tatkṛte |
gaccha dakṣagṛhe devi dakṣasya duhitā bhava || 50 ||
[Analyze grammar]

evaṃ niyogamāsādya prādurāsītprajāpateḥ |
niyogād brahmaṇo devī jātā putrī prajāpateḥ || 51 ||
[Analyze grammar]

niyogād brahmaṇo dakṣo dadau rudrāya tāṃ satīm |
dākṣīṃ rudro'pi jagrāha svakīyāmeva śūlabhṛt || 52 ||
[Analyze grammar]

daityārditānāṃ devānāṃ tejorāśisamudbhavā |
devī saṃhṛtya daityaughān dakṣakanyā babhūva ha || 53 ||
[Analyze grammar]

sā'tra nāmnā satī devī svāmino nindayā tataḥ |
dehaṃ santyajya yogena pārvatī saṃbhaviṣyati || 54 ||
[Analyze grammar]

śṛṇu lakṣmi dakṣagṛhe putrā jātāḥ sahasraśaḥ |
sarve te bhrātaraḥ satyāstapobhirdhautakilbiṣāḥ || 55 ||
[Analyze grammar]

niyutamekasahasraṃ ca nāradasyopadeśataḥ |
gatā brahmapadaṃ dhāmā'punarāvṛttilakṣaṇam || 56 ||
[Analyze grammar]

haryaśveṣu vimukteṣu tadanye śabalāśvakāḥ |
pañcasahasraṃ pañcaśataṃ putrā jātāśca te'pi vai || 57 ||
[Analyze grammar]

nāradasyopadeśena gatā muktipadaṃ dhruvam |
pitrā tu yojitāḥ sṛṣṭau nāradena pravrājitāḥ || 58 ||
[Analyze grammar]

ato dakṣaḥ sukopaḥ san śaśāpa nāradaṃ tadā |
nāśamehi garbhavāsaṃ vasa tvaṃ brāhma nārada || 59 ||
[Analyze grammar]

tato'bhisandhiṃ cakre vai dakṣastu kaśyapena hi |
nārado mama kanyāyāṃ tava putro bhavediti || 60 ||
[Analyze grammar]

śaśāpa taṃ nārado'pi dakṣaṃ cāṃgirasaṃ tadā |
yathā'haṃ brahmaṇaḥ putraḥ śāpātte kāśyapo yadā || 61 ||
[Analyze grammar]

bhaveyaṃ ca tadā tvaṃ mānuṣo rājā bhavā''ditaḥ |
prācīnabarhiṣaḥ pautraḥ putraścaiva pracetasām || 62 ||
[Analyze grammar]

dakṣa tvaṃ māriṣāṃ patnīṃ vṛkṣakanyāṃ gṛhīṣyasi |
tasyāṃ duhitaraḥ ṣaṣṭiḥ śraddhāprabhṛtayastava || 63 ||
[Analyze grammar]

bhaviṣyanti daśa tāsāṃ dharmāya vitariṣyasi |
saptaviṃśatiṃ śaśine kaśyapāya trayodaśa || 64 ||
[Analyze grammar]

catasraḥ pararūpāya tārkṣyāya vitariṣyasi |
bhagvaṃgiraḥkṛśāśvebhyo dve dve ca vitariṣyasi || 65 ||
[Analyze grammar]

iti śāpānusāreṇa kāle prāpte prajāpatiḥ |
dakṣaḥ svasya sutāḥ prādāt kaśyapāya trayodaśa || 66 ||
[Analyze grammar]

tasmāt sa nārado jajñe punaḥ śāpabalādṛṣiḥ |
iti brāhmo nārado'pi kāśyapo'jāyatā'tra vai || 67 ||
[Analyze grammar]

evamāṃgiraso dakṣaḥ prācetaso hyajāyata |
tasya gṛhe mahāmāyā janma jagrāha yāvatā || 68 ||
[Analyze grammar]

tāvatā samayenāpi madhye daityau mahābalau |
niśuṃbhaśuṃbhau lokānāṃ duḥkhadau saṃbabhūvatuḥ || 69 ||
[Analyze grammar]

kaśyapasya danurnāmnā bhāryā yā dakṣaputrikā |
tasyāṃ putratrayaṃ jātaṃ mahābalaparākramam || 70 ||
[Analyze grammar]

jyeṣṭhaḥ śuṃbha iti khyāto niśuṃbhaścāparo'suraḥ |
tṛtīyo namucirnāma devaduḥkhakaraḥ sadā || 71 ||
[Analyze grammar]

namuciṃ duḥkhadaṃ hantumindro vajramupādade |
bhayāt tāvannamucistu praviveśa rathaṃ raveḥ || 72 ||
[Analyze grammar]

bahirnā''yāti sūryasya rathādvai tāḍito'pi saḥ |
sūryeṇa ca muhuḥ kṣiptastāḍitaḥ pādalattayā || 73 ||
[Analyze grammar]

bahistathāpi nā''yāt sa indravajrabhayāttadā |
taṃ śaraṇāgataṃ matvā sūryo rarakṣa vāsavāt || 74 ||
[Analyze grammar]

tataḥ sa samayaṃ cakre raviṇā vāsavena ca |
nā'haṃ sthāsyāmi vai pṛthvyāṃ svarge naiva kadācana || 75 ||
[Analyze grammar]

pātāle tu nivatsyāmi mucyatāṃ jīvadānataḥ |
tato muktaḥ surendreṇa tato vavre varaṃ yathā || 76 ||
[Analyze grammar]

avadhyatvaṃ varaṃ dehi śastrairastraiḥ sureśvara |
indrastathāstviti prāha varamādāya dānavaḥ || 77 ||
[Analyze grammar]

svasyā'vadhyatvamājñāya śastrairastraiḥ sa dānavaḥ |
bhāskarasya rathaṃ tyaktvā samudraṃ prāviśaddrutam || 78 ||
[Analyze grammar]

sa nimajjannapi vārdhau sāmudraphenamuttamam |
apaśyad dānavapatistaṃ pragṛhya sthito jale || 79 ||
[Analyze grammar]

mukhanāsādikarṇādīn samāpūrya sthito jale |
tasmin śakro'sṛjad vajramantarhitamathā'pi tam || 80 ||
[Analyze grammar]

phenātmavajraprahataḥ sa papāta mamāra ca |
phenātmavajrasaṃruddhanāsā''syaḥ sa mamāra vai || 81 ||
[Analyze grammar]

tato'sya bhrātarau vīrau kruddhau śuṃbhaniśuṃbhakau |
udyogaṃ tu paraṃ kṛtvā devanāśārthamāgatau || 82 ||
[Analyze grammar]

devā api ca yuddhārthaṃ niryayurindramāśritāḥ |
yuddhaṃ sutumulaṃ jātaṃ jitāstvākramya devatāḥ || 83 ||
[Analyze grammar]

agresarāśca daityābhyāṃ jitāḥ sabalavāhanāḥ |
śakrasya tvāhṛto hastīyāmyaśca māhiṣo hṛtaḥ || 84 ||
[Analyze grammar]

jaleśasya maṇicchatre hṛte hṛtā gadā hareḥ |
nidhayaḥ śaṃkhapadmādyāḥ kuberasya hṛtā balāt || 85 ||
[Analyze grammar]

kṛtāḥ trilokā vaśagāḥ svārājyaṃ vaśīkṛtam |
diśāṃpālā lokapālāḥ prāyaśaśca vaśīkṛtāḥ || 86 ||
[Analyze grammar]

bhuvaṃ cāgatya rājānaḥ prāyaśaśca vaśīkṛtāḥ |
tatra revātaṭe rājyaṃ kurvantaṃ prāpya tāvubhau || 87 ||
[Analyze grammar]

prāhatuḥ raktabījākhyaṃ ko bhavāniti so'bravīt |
mahiṣasya sacivo'haṃ daityo'smi raktabījakaḥ || 88 ||
[Analyze grammar]

karomi rājyaṃ pracchannaṃ devyā bhītivaśādiha |
sacivau dvau mahiṣasya caṇḍamuṇḍau tu nāmataḥ || 89 ||
[Analyze grammar]

vartete salile magnau bhayāddevyā mahābhujau |
ityasmākaṃ sthitistūktā jñātavyā bhavatorapi || 90 ||
[Analyze grammar]

iti pṛṣṭhau ca tau śuṃbhaniśuṃbhāvūcatuśca tam |
ahaṃ śuṃbha iti jyeṣṭho niśuṃbho'yaṃ kaniṣṭhakaḥ || 91 ||
[Analyze grammar]

danoḥ putrau kāśyapau svo jitavantau surādikān |
anyānapi mahāpālān jitavantau bhuvaṃgatān || 92 ||
[Analyze grammar]

itthaṃ tayostu vadatornarmadāyāstaṭe tadā |
jalāvāsādviniṣkrāntau caṇḍamuṇḍau ca dānavau || 93 ||
[Analyze grammar]

parasparaṃ sahāyāste militāḥ pañca dānavāḥ |
mahiṣasya namuceśca vairaniryātanāya te || 94 ||
[Analyze grammar]

mantraṇāṃ kṛtavantaste satyāḥ parājayāya vai |
vayaṃ vivāhayiṣyāmo ratnabhūtāṃ satīṃ tu tām || 95 ||
[Analyze grammar]

ityāmantrya satīṃ mārgayituṃ vindhyācalaṃ yayuḥ |
adṛśyā dṛśyate sā na tato yātā himālayam || 96 ||
[Analyze grammar]

tatra snānāya gacchantīṃ dṛṣṭvā tu pārvatīṃ satīm |
prāhurvaraya cāsmān vai pārvatī prāha tāṃstadā || 97 ||
[Analyze grammar]

ahaṃ vindhyācalī devī tīrthārthamiha cāgatā |
maivaṃ vācyaṃ tu sattīrthe gacchantvito yathāgatāḥ || 98 ||
[Analyze grammar]

vindhyādrau me nivāso'sti tatra vācyaṃ hṛdi sthitam |
tīrthe kṛtvā gamiṣyāmi yūyaṃ gacchata tatra vai || 99 ||
[Analyze grammar]

iti daityāṃśca śuṃbhādīn preṣayitvā ca pārvatī |
snānārthaṃ devagaṃgāyāṃ yāvadagre pragacchati || 100 ||
[Analyze grammar]

tāvat tatra samāgatya saṃgatya ca sureśvarāḥ |
prathamato'stuvan devīṃ svaduḥkhravinivṛttaye || 101 ||
[Analyze grammar]

tvayā'smākaṃ varo datto hyāpatkāle smṛtā satī |
duḥkhaṃ vai nāśayiṣyāmi hyāpatkāla upasthitaḥ || 102 ||
[Analyze grammar]

iti śrīlakṣmīnārāyaṇīyasaṃhitāyāṃ prathame kṛtayugasantāne vedhasā svavīryahomenā'ṣṭamaharṣisamutpattiḥ āṃgirasadakṣagṛhe devyāḥ satījanmakāraṇam prācetasadakṣodbhavanakāraṇam brāhmanāradasya kāśyapanāradodbhavanakāraṇam dakṣasya putrāḥ putryaḥ śuṃbhaniśuṃbhādidanuputrotpattiḥ devānāṃ parājayaḥ devīprārthanā cetyādinirūpaṇanāmā pañcaṣaṣṭyadhikaśatatamo'dhyāyaḥ || 165 ||
[Analyze grammar]