Chapter 164

śrīnārāyaṇa uvāca |
śṛṇu lakṣmi tatasteṣāṃ yuddhāraṃbho babhūva ha |
sannaddhāḥ sainikāḥ sarve samutpeturudāyudhāḥ || 1 ||
[Analyze grammar]

mahiṣaśca tadā devīṃ dadarśā'gnisamojjvalām |
hetusūryacamatkārāṃ dhanurjyāsvanakāriṇīm || 2 ||
[Analyze grammar]

kṣobhitā'śeṣasainyāṃ tāṃ kirīṭollikhitā'mbarām |
diśo bhujasahasreṇa parito vyāpya saṃsthitām || 3 ||
[Analyze grammar]

mumoha bahudhā daityo vijetuṃ kṛtanirṇayaḥ |
yuddhaṃ pravavṛte ghoraṃ diviṣadāṃ suradviṣām || 4 ||
[Analyze grammar]

śastrāstrerbahudhā muktairvyāptaṃ jātaṃ digantaram |
mahiṣāsurasenānīścikṣuro yuyudhe'maraiḥ || 5 ||
[Analyze grammar]

rathānāmayutaiḥ ṣaḍbhirudagro yuyudhe'maraiḥ |
ayudhyatā'yutānāṃ ca sahasreṇa mahāhanuḥ || 6 ||
[Analyze grammar]

asilomā ca yuyudhe pañcāśanniyutaistadā |
bāṣkalo yuyudhe tatrā'yutānāṃ ṣaṭśataistadā || 7 ||
[Analyze grammar]

gajavājirathā'saṃkhyasādhanairvyomacāribhiḥ |
biḍālo yuyudhe tatrā'yutānāmayutaiḥ rathaiḥ || 8 ||
[Analyze grammar]

anye'pi tatra daiteyā dānavāścā'yutā'yutaiḥ |
hayairnāgaiḥ rathairyānaiḥ śastrāstraiḥ pattibhistathā || 9 ||
[Analyze grammar]

yuyudhuḥ saṃyuge devairdevyā saha ca te'surāḥ |
tomarairbhindipālaiśca muśalairasibhistathā || 10 ||
[Analyze grammar]

gadābhiḥ śaktibhiḥ khaḍgaiḥ paraśubhiśca paṭṭiśaiḥ |
yuyudhe dānavā devā yathābuddhibalodayam || 11 ||
[Analyze grammar]

devīṃ devāṃstadā hantuṃ cikṣipurdānavā muhuḥ |
śastrāṇi tāni ciccheda līlayā sā nijāyudhaiḥ || 12 ||
[Analyze grammar]

kṣiprahastā ca sā śastrāṇyastrāṇyasurasainyake |
mumoca caṇḍikā śīghraṃ jaghānā''surasainyakam || 13 ||
[Analyze grammar]

viprakīrṇaṃ samastaṃ ca daityadānavamaṇḍalam |
ciccheda prāyaśo devī sasyānīva tu karṣukaḥ || 14 ||
[Analyze grammar]

athā'nye dānavāḥ saṃjīvanyā vai vidyayā tadā |
chinnā apyutthitā bhūtvā tayā yuyudhire saha || 15 ||
[Analyze grammar]

devāstānnāśayāmāsurbāṇaughaiḥ śastravṛṣṭibhiḥ |
devī dhanuḥ samākṛṣyā'hanadvai dānavaṃ balam || 16 ||
[Analyze grammar]

bāṇaughairdivyatīkṣṇāstraiściccheda bahudhā balam |
kāṃścittu gadayā tīkṣṇā'sinā kāṃścittu tomaraiḥ || 17 ||
[Analyze grammar]

pāśena kāṃścittatraiva śaktyarṣṭiparighaistathā |
cakreṇa kāṃścid devī tān nijaghāna maheśvarī || 18 ||
[Analyze grammar]

kāṃścittu kuliśaiḥ kāṃścinmuśalena jaghāna sā |
yudhyamānā raṇe devī niḥśvāsān mumuce bahūn || 19 ||
[Analyze grammar]

te sarve tu tadā devīśvāsotpannāḥ gaṇeśvarāḥ |
yuyudhire'straśastraiśca nijaghnurdaityadānavān || 20 ||
[Analyze grammar]

mumudire ca paṭahānavādayaṃśca gomukhān |
śaṃkhānmṛdaṃgān bherīścā'vādayaṃste raṇāṃgaṇe || 21 ||
[Analyze grammar]

tadā ca kesarī kruddho vidhunvan kesarān muhuḥ |
mahākālakarālaḥ san niṣūdayati dānavān || 22 ||
[Analyze grammar]

khaṅgaiḥ kecit triśūlaiśca dvedhā bhinnā hi dānavāḥ |
bāṇaiḥ paraśvadhaiḥ keciccherate bhinnavakṣasaḥ || 23 ||
[Analyze grammar]

vipothitāśca gadayā patitā bhuvi śerate |
muśalaiśca hatāḥ kecid rudhiraṃ vemurāsurāḥ || 24 ||
[Analyze grammar]

sainikāḥ koṭiśastatra bāṇaiḥ prāṇāṃśca tatyajuḥ |
cakraiśchinnabhujāśchinnakaṃdharāḥ patitāḥ pare || 25 ||
[Analyze grammar]

kecidvidāritā madhye khaḍgairbhāgena śerate |
vidāritā ardhabhāgāḥ svapanti bhuvi cāpare || 26 ||
[Analyze grammar]

vibhaktāḥ kaṭibhiścānye dvedhā bhūmau patanti hi |
kecidekākṣibhujapātkabandhāśca dvidhākṛtāḥ || 27 ||
[Analyze grammar]

kabandhā patitāstatrotthāyotthāya punaḥ punaḥ |
yuyudhurnanṛtuścānye khaḍgā'siśaktipāṇayaḥ || 28 ||
[Analyze grammar]

petuścānye madonmattāśceluśca tatyajuḥ raṇam |
durgāṃ tāṃ kālarātriṃ ca manyamānā vidudruvuḥ || 29 ||
[Analyze grammar]

agamyā sā'bhavat pṛthvī pātitai raṇagāmibhiḥ |
visusruvurmahānadyaḥ śoṇitā'dbhistadantare || 30 ||
[Analyze grammar]

evaṃ kṣayo mahān jāto hyasurāṇāṃ tadā bhuvi |
gajavājikharoṣṭrāṇāṃ mahiṣāṇāṃ raṇāṃgaṇe || 31 ||
[Analyze grammar]

hataṃ sainyaṃ svakaṃ dṛṣṭvā senānīścikṣurastadā |
kārmukaṃ dṛḍhamākṛṣya vavarṣa śarajālakam || 32 ||
[Analyze grammar]

tasya śarāṃstadā devī ciccheda svaśarairmuhuḥ |
sauvarṇapuṃkhānaparān śarān jagrāha ṣoḍaśa || 33 ||
[Analyze grammar]

jaghāna turagān bāṇaiścaturbhiścaturāṃstathā |
hatvā sārathimekena dhvajamekena cicchide || 34 ||
[Analyze grammar]

cicchedaikena cāpaṃ ca rathaṃ babhaṃja mudgaraiḥ |
sa chinnadhanvā viratho hatāśvo hatasārathiḥ || 35 ||
[Analyze grammar]

abhyadhāvata khaḍgaṃ ca carma prādāya vegataḥ |
śaraiścaturbhiściccheda khaḍgaṃ carma maheśvarī || 36 ||
[Analyze grammar]

tato jagrāha śūlaṃ ca prādravatpunarambikām |
cikṣepa ca tatastattu bhadrakālyāṃ sa daityarāṭ || 37 ||
[Analyze grammar]

khaḍgaṃ cā'nyaṃ samādāya jaghāna śāṃkarībhuje |
babhaṃja khaḍgo dvedhā'bhūt śūlaṃ tu śatadhā'bhinat || 38 ||
[Analyze grammar]

devyā śūlaṃ prahitaṃ svaṃ vakṣasi vidadāra tam |
pādau karau ca śīrṣaṃ ca sā ciccheda varāsinā || 39 ||
[Analyze grammar]

evaṃ senāpatiścikṣuro'patat ṣaḍvibhāgataḥ |
senānyaṃ naṣṭamālokya namaraḥ sainyamūrdhagaḥ || 40 ||
[Analyze grammar]

samāgamya ca vegena devyāṃ śaktiṃ mumoca ha |
huṃkārā'bhihatāṃ śaktiṃ bhasmasādakaroddhi sā || 41 ||
[Analyze grammar]

daityastriśūlamāsādya siṃhāya prāhiṇodraṇe |
devī kṣurapradhāraiśca bāṇaistadapi cā'cchinat || 42 ||
[Analyze grammar]

tataḥ siṃhaḥ samutpatya gajakuṃbhāntarasthitam |
namaraṃ jagṛhe kaṇṭhe daṃṣṭrābhistīkṣṇadhāribhiḥ || 43 ||
[Analyze grammar]

gatāsuṃ kuṃjaraskandhāt kṣiptvā devyaiḥ niveditaḥ |
gṛhītvā namaraṃ savyapāṇinā''bhrāmya mastake || 44 ||
[Analyze grammar]

avādayatpaṭahavat sā'ṭṭahāsaṃ tato'karot |
hāsyāt samudgatā nānā bhūtā vikṛtavigrahāḥ || 45 ||
[Analyze grammar]

vyāghrāsyāśca vṛkāsyāśca hayāsyā mahiṣānanāḥ |
varāhāsyāḥ kukkuṭāsyā ākhvāsyā avyajāmukhāḥ || 46 ||
[Analyze grammar]

nānāvaktrā'kṣicaraṇā nānā''yudhasamanvitāḥ |
gāyantyanye hasantyanye krīḍantyanye tu miśritāḥ || 47 ||
[Analyze grammar]

vādayantyapare tatra stuvantyanye maheśvarīm |
śātayāmāsa bhūtaiḥ sā śeṣaṃ yaddānavaṃ balam || 48 ||
[Analyze grammar]

samādravata vegena tadogrāsyo mahāsuraḥ |
bāṣkalaścoddhataścaiva biḍālanayano'paraḥ || 49 ||
[Analyze grammar]

durdharo durmukhaścaiva yuyudhire'tivegataḥ |
devyā raṇe hyudagrastu śilāvṛkṣādibhirhataḥ || 50 ||
[Analyze grammar]

dantamuṣṭiprahāraiśca bāṣkalo'pi nipātitaḥ |
gadāpātaistadā devī cūrṇayāmāsa coddhatam || 51 ||
[Analyze grammar]

biḍālaṃ bhindipālena tathā bāṇaiśca durdharam |
durmukhaṃ gadayā saṃcūrṇayāmāsa karālakam || 52 ||
[Analyze grammar]

tāmraṃ tathā'ndhakaṃ cogravīryaṃ mahāhanuṃ tathā |
trinetrā triśūladhāraistān jaghāna pareśvarī || 53 ||
[Analyze grammar]

evaṃ kṣaye gate sainye mahiṣo daityarāṭ tadā |
māhiṣaṃ rūpamāsthāya trāsayāmāsa tān gaṇān || 54 ||
[Analyze grammar]

kāṃścit tuṇḍaprahāreṇa kṣurakṣepaistathā'parān |
kāṃścillāṃgulaghātaiśca kāṃścicchṛṃgavidāraṇaiḥ || 55 ||
[Analyze grammar]

kāṃścidvegena nādena bhramaṇena tathā'parān |
netrāgnibhiśca phutkārairnipātya pramathān bahūn || 56 ||
[Analyze grammar]

abhyadhāvat prahantuṃ so'suraḥ siṃhaṃ tu tatkṣaṇe |
kopādbalānmahāvīryaḥ kṣurakṣuṇṇamahītalaḥ || 57 ||
[Analyze grammar]

śṛṃgābhyāṃ parvatānuccāṃścikṣepa ca nanāda ca |
vegabhramaṇaghātena pṛthvī tatra vyaśīryata || 58 ||
[Analyze grammar]

samudro lāṃgūlaghātādudvelo'plāvayajjagat |
śṛṃgapucchaviphāṇaiśca meghāśchinnā yayurlayam || 59 ||
[Analyze grammar]

śvāsairhatāstu girayo nipeturvyomamārgataḥ |
brahmāṇḍanāśasandehaṃ tadā hyajanayad balī || 60 ||
[Analyze grammar]

ityevaṃ balasarvasvaṃ darśitaṃ tena śatruṇā |
tadā devī tasya kāyaṃ pāśena prababandha vai || 61 ||
[Analyze grammar]

tadā tatyāja rūpaṃ tanmāhiṣaṃ ca kṣaṇātpunaḥ |
siṃho'bhavattadā devī yāvacchinatti mastakam || 62 ||
[Analyze grammar]

tāvat sa puruṣo bhūtvā khaḍgapāṇiradṛśyata |
yāvaddevī śaraistaṃ saṃvivyādha tāvadeva saḥ || 63 ||
[Analyze grammar]

khaḍgacarmadharaḥ śailasadṛśo hyabhavadgajaḥ |
śuṇḍhādaṇḍena siṃhaṃ taṃ cakarṣa ca jagarja ca || 64 ||
[Analyze grammar]

nirakṛntata tacchuṇḍhāṃ khaṅgenaiva maheśvarī |
māhiṣaṃ rūpamāsthāya sa daityaścaṇḍikāṃ prati || 65 ||
[Analyze grammar]

cikṣepa parvatān svīyaśṛṃgābhyāmatha caṇḍikā |
cūrṇayāmāsa gadayā parighaistomaraistadā || 66 ||
[Analyze grammar]

madhupānaṃ papau kruddhā babhūvā'ruṇalocanā |
balaujomadagarviṣṭā provāca mahiṣāsuram || 67 ||
[Analyze grammar]

garja garja kṣaṇaṃ daitya madhu yāvat pibāmi ca |
mayā tvayi hate'traiva garjiṣyantyāśu devatāḥ || 68 ||
[Analyze grammar]

garja garja kṣaṇaṃ bhīsstha śakṛt yāvanna muṃcasi |
mayā tvayi hate'traiva mariṣyantyāśu dānavāḥ || 69 ||
[Analyze grammar]

evamuktvā śūlamasya vyasṛjaddhṛdi vegataḥ |
śūlaṃ babhaṃja daityasya vakṣo'sthighaṭṭanābalāt || 70 ||
[Analyze grammar]

atha cikṣepa śaktiṃ sā kuṇṭhitā'grā'patad bhuvi |
atha cakraṃ prahitaṃ tat kuṇṭhadhāraṃ tadā'patat || 71 ||
[Analyze grammar]

atha kṣiptā gadā sāpi dvedhā bhinnā'patad bhuvi |
atha pāśastathā daṇḍaḥ kṣiptau bhinnau ca tāvubhau || 72 ||
[Analyze grammar]

vajraṃ gale hataṃ tatra kṣudratvamagamat tadā |
atha kruddhā mahādevī samutplutya mahāsuram || 73 ||
[Analyze grammar]

samārūḍhā pṛṣṭhabhāge daityo'pi pupluve tadā |
sāpi mamarda padbhyāṃ taṃ cakāra balavarjitam || 614 ||
[Analyze grammar]

kaṇṭhaṃ bibheda śūlena nirjagāmā'sidhṛk pumān |
sa evā'suravaryo'bhūt māhiṣātmā mahāsuraḥ || 75 ||
[Analyze grammar]

niṣkrāntamātraṃ hṛdye pattalena prahatya ca |
kopāt kaceṣu saṃgṛhya śiraściccheda cā'sinā || 76 ||
[Analyze grammar]

tato hāhākṛtaṃ daityabalaṃ śeṣitamityapi |
nanāśa pramathaiḥ prāyaḥ pātālaṃ praviveśa tat || 77 ||
[Analyze grammar]

devāḥ praharṣaṃ jagmuśca tuṣṭuvustāṃ tu caṇḍikām |
gandharvāśca jaguḥ kīrtiṃ nanṛtuścāpsarogaṇāḥ || 78 ||
[Analyze grammar]

vāditrāṇi hyavādyanta vijayadhvanayo'bhavan |
devā ūcurmahādevi mahimānto na te'sti vai || 79 ||
[Analyze grammar]

sa aikṣata bahu syāṃ sā cecchā tvaṃ pārameśvarī |
sundaratā haremūrtau bhavatī sā prakīrtitā || 80 ||
[Analyze grammar]

ārādhanā tathā bhaktirmuktiḥ sā tvaṃ pareśvarī |
nārāyaṇī mahālakṣmīrbrahmāṇī tvaṃ maheśvarī || 81 ||
[Analyze grammar]

triguṇātmā mahāmāyā prakṛtistvaṃ kṛtīśvarī |
tvaṃ ramā tvaṃ ca vairājñī lakṣmīḥ śrīḥ sukṛtigṛhe || 82 ||
[Analyze grammar]

tvamalakṣmīḥ puṇyahīnagṛhe buddhirhṛdambare |
tvaṃ śraddhā tvaṃ hrīśca bhīśca tvaṃ svāhā kratukarmaṇi || 8 ||
[Analyze grammar]

tvaṃ svadhā pitṛdoṣāya vidyā paramamuktaye |
tvaṃ vāṇī tvaṃ ca gāyatrī sāvitrī tvaṃ trayīmayī || 84 ||
[Analyze grammar]

vṛttirmedhā ca durgā ca gaṃgā cā'bhyudayapradā |
sarvendriyeṣu śaktistvaṃ tasyai cā'syai namonamaḥ || 85 ||
[Analyze grammar]

pāhyasmān sarvadā mātaḥ śastrāstraiḥ sarvadikṣu ca |
jahyasurāna sadā devi devavighnakarān sadā || 86 ||
[Analyze grammar]

stutvaivaṃ divyakusumairarcitā gandhalepanaiḥ |
dhūpadīpanivedyādibhūṣāṃ'śukādipūjitā || 87 ||
[Analyze grammar]

prasannā prāha devāṃśca vriyatāṃ cābhivāñcchitam |
devāḥ prāhuḥ saṃsmṛtā tvaṃ hiṃsayasva mahāpadaḥ || 88 ||
[Analyze grammar]

dhanavittardhivibhavaputradārādisampadām |
vṛddhaye'smatprasannā tvaṃ bhava vāribhavānane || 89 ||
[Analyze grammar]

tathetyuktvā surān sarvānāśvāsya ca muhurmuhuḥ |
prabhaviṣyāmyamarārthaṃ coktvā viveśa tānsurān || 90 ||
[Analyze grammar]

iti śrīlakṣmīnārāyaṇīyasaṃhitāyā prathame kṛtayugasantāne mahiṣāsurasainyadevasainyayoryuddhaṃ devyā''surasainyavināśana mahiṣāsuravināśanaṃ devakṛtastutyādi cetinirūpaṇanāmā catuḥṣaṣṭyadhikaśatatamo'dhyāyaḥ || 164 ||
[Analyze grammar]