Chapter 94

vaiśaṃpāyana uvāca |
evamālokayāmāsa dvārakāṃ vṛṣabhekṣaṇaḥ |
apaśyatsvagṛhaṃ kṛṣṇaḥ prāsādaśataśobhitam || 1 ||
[Analyze grammar]

maṇistambhasahasrāṇāmayutairvidhṛtaṃ sitam |
toraṇairjvalanaprakhyairmaṇividrumarājataiḥ |
tatra tatra prabhāsadbhiścitrakāñcanavedikaiḥ || 2 ||
[Analyze grammar]

prāsādastatra sumahān kṛṣṇopasthāniko'bhavat |
sphāṭikastambhavidhṛto vistīrṇaḥ sarvakāñcanaḥ || 3 ||
[Analyze grammar]

padmākulajalopetā raktasaugandhikotpalāḥ |
maṇihemanibhāścitrā ratnasopānabhūṣitāḥ || 4 ||
[Analyze grammar]

mattabarhiṇasaṃghaiśca kokilaiśca sadāmadaiḥ |
babhūvuḥ paramopetā vāpyaśca vikacotpalāḥ || 5 ||
[Analyze grammar]

viśvakarmakṛtaḥ śailaḥ prākārastasya veśmanaḥ |
vyaktakiṣkuśatotsedhaḥ parikhāyūthaveṣṭitaḥ || 6 ||
[Analyze grammar]

tadgṛhaṃ vṛṣṇisiṃhasya nirmitaṃ viśvakarmaṇā |
mahendraveśmapratimaṃ samantādardhayojanam || 7 ||
[Analyze grammar]

tatastaṃ pāṇḍuraṃ śaurirmūrdhni tiṣṭhan garutmataḥ |
prītaḥ śaṅkhamupādhmāsīddviṣatāṃ lomaharṣaṇam || 8 ||
[Analyze grammar]

tasya śaṅkhasya śabdena sāgaraścukṣubhe bhṛśam |
rarāsa ca nabhaḥ kṛtsnaṃ taccitramabhacattadā || 9 ||
[Analyze grammar]

pāñcajanyasya nirghoṣaṃ saṃśrutya kukurāndhakāḥ |
viśokāḥ samapadyanta garuḍasya ca darśanāt || 10 ||
[Analyze grammar]

śaṅkhacakragadāpāṇiṃ garuḍasyopari sthitam |
dṛṣṭvā jahṛṣire bhaumā bhāskaropamatejasam || 11 ||
[Analyze grammar]

tatastūryapraṇādaśca bherīṇāṃ ca mahāsvanaḥ |
siṃhanādaśca saṃjajñe sarveṣāṃ puravāsinām || 12 ||
[Analyze grammar]

tataḥ sarve daśārhāśca sarve ca kukurāndhakāḥ |
prīyamāṇāḥ samājagmurālokya madhusūdanam || 13 ||
[Analyze grammar]

vasudevaṃ puraskṛtya bherīśaṅkharavaiḥ saha |
ugraseno yayau rājā vāsudevaniveśanam || 14 ||
[Analyze grammar]

anandinī paryacaratsveṣu veśmasu devakī |
rohiṇī ca yathoddeśamāhukasya ca yāḥ striyaḥ || 15 ||
[Analyze grammar]

tataḥ kṛṣṇaḥ suparṇena svaṃ niveśanamabhyayāt |
cacāra ca yathoddeśamīśvarānucaro hariḥ || 16 ||
[Analyze grammar]

avatīrya gṛhadvāri kṛṣṇastu yadunandanaḥ |
yathārhaṃ pūjayāmāsa yādavānyādavarṣabhaḥ || 17 ||
[Analyze grammar]

rāmāhukagadākrūra pradyumnādibhirarcitaḥ |
praviveśa gṛhaṃ śaurirādāya maṇiparvatam || 18 ||
[Analyze grammar]

taṃ ca śakrasya dayitaṃ pārijātaṃ mahādrumam |
praveśayāmāsa gṛhaṃ pradyumno rukmiṇīsutaḥ || 19 ||
[Analyze grammar]

te'nyonyaṃ dadṛśurbhaumā dehabandhānamānuṣān |
pārijātaprabhāvena tato mumudire janāḥ || 20 ||
[Analyze grammar]

taiḥ stūyamāno govindaḥ prahṛṣṭairyādaveśvaraiḥ |
praviveśa gṛhaṃ śrīmānvihitaṃ viśvakarmaṇā || 21 ||
[Analyze grammar]

tato'ntaḥpuramadhye tacchikharaṃ maṇiparvatam |
nyaveśayadameyātmā vṛṣṇibhiḥ sahito'cyutaḥ || 22 ||
[Analyze grammar]

taṃ ca divyaṃ drumaśreṣṭhaṃ pārijātamamitrajit |
arcyamarcitamavyagramiṣṭe deśe nyaveśayat || 23 ||
[Analyze grammar]

anujñāya tato jñātīn keśavaḥ paravīrahā |
tāḥ striyaḥ pūjayāmāsa saṃkṣiptā narakeṇa yāḥ || 24 ||
[Analyze grammar]

vastrairābharaṇairbhogairdāsībhirdhanasaṃcayaiḥ |
hāraiścandrāṃśusaṃkāśairmaṇibhiśca mahāprabhaiḥ || 25 ||
[Analyze grammar]

bhūṣaṇairvividhairapi || 25c ||
[Analyze grammar]

gandhaiśca vividhairdivyair || 25c ||
[Analyze grammar]

pūrvamabhyarcitāścaiva vasudevena tāḥ striyaḥ |
vedakyā saha rohiṇyā revatyā cāhukena ca || 26 ||
[Analyze grammar]

satyabhāmottamā strīṇāṃ saubhāgyenābhavattadā |
kuṭumbasyeśvarī tvāsīd rukmiṇī bhīṣmakātmajā || 27 ||
[Analyze grammar]

sarvakāryasamādhyakṣā keśavasyātivallabhā || 27 ||
[Analyze grammar]

tāsāṃ yathārhaṃ harmyāṇi prāsādaśikharāṇi ca |
ādideśa gṛhān kṛṣṇaḥ paribarhāṃśca puṣkalān || 28 ||
[Analyze grammar]

satyabhāmā sadā viṣṇoḥ pārśvasthā saṃsadi priyā || 28 ||
[Analyze grammar]