Harivamsa [text] [sanskrit]
76,857 words
The Sanskrit edition of the Harivamsa, an important addition to the larger epic Mahabharata, existing in several editions. The text deals with the ancient Indian Solar and Lunar dynasties leading and recounts the history of Krishna.
Chapter 95
vaiśaṃpāyana uvāca |
tataḥ saṃpūjya garuḍaṃ vāsudevo'numānya ca |
sakhivaccopagṛhyainamanujajñe gṛhaṃ prati || 1 ||
[Analyze grammar]
so'nujñāto hi satkṛtya praṇamya ca janārdanam |
ūrdhvamācakrame pakṣī yatheṣṭaṃ gaganecaraḥ || 2 ||
[Analyze grammar]
sa pakṣavātasaṃkṣubdhaṃ samudraṃ makarālayam |
kṛtvā vegena mahatā yayau pūrvaṃ mahodadhim || 3 ||
[Analyze grammar]
kṛtyakāla upasthāsya ityuktvā garuḍe gate |
kṛṣṇo dadarśa pitaraṃ vṛddhamānakaduṃdubhim || 4 ||
[Analyze grammar]
ugrasenaṃ ca rājānaṃ baladevaṃ ca mādhavaḥ |
kāśyaṃ sāṃdīpaniṃ caiva brahmagārgyaṃ tathaiva ca || 5 ||
[Analyze grammar]
anyāṃśca vṛddhānvṛṣṇīnāṃ tāṃśca bhojāndhakāṃstathā |
ratnapravekairdāśārho vīryalabdhaistadārcayat || 6 ||
[Analyze grammar]
hatā brahmadviśaḥ sarve yajantyandhakavṛṣṇayaḥ |
raṇātpratinivṛtto'yamakṣato madhusūdanaḥ || 7 ||
[Analyze grammar]
prītāśca munayaḥ sarve rakṣitā yadusattamāḥ || 7 ||
[Analyze grammar]
iti prītā yaduvṛṣā vardhayanti janārdanam || 7 ||
[Analyze grammar]
iti catvararathyāsu dvāravatyāṃ supūjitaḥ |
cākriko ghoṣayāmāsa puruṣo mṛṣṭakuṇḍalaḥ || 8 ||
[Analyze grammar]
nirvighnaṃ munayo rājaṃścarantu vividhaṃ tapaḥ || 8 ||
[Analyze grammar]
nihato narako duṣṭaḥ sānugaḥ sabalānvitaḥ || 8 ||
[Analyze grammar]
tataḥ sāṃdīpaniṃ pūrvamupagamya janārdanaḥ |
vavande vṛṣṇinṛpatimāhukaṃ vinayānvitaḥ || 9 ||
[Analyze grammar]
athāśruparipūrṇākṣamānandagatacetasam |
vavande saha rāmeṇa pitaraṃ vāsavānujaḥ || 10 ||
[Analyze grammar]
tataḥ śeṣānabhikramya satkṛtya ca yathārhataḥ |
sarveṣāṃ nāma jagrāha dāśārhāṇāmadhokṣajaḥ || 11 ||
[Analyze grammar]
tataḥ sarvāṇi divyāni sarvaratnamayāni ca |
āsanāgryāṇi viviśurupendrapramukhāstadā || 12 ||
[Analyze grammar]
tatastaddhanamakṣayyaṃ kiṃkarairyatsamāhṛtam |
sabhāṃ samānayāmāsuḥ puruṣāḥ kṛṣṇaśāsanāt || 13 ||
[Analyze grammar]
tataḥ sa mānayāmāsa dāśārhānyadusattamān |
sarvānduṃdubhiśabdena pūjayiṣyañjanārdanaḥ || 14 ||
[Analyze grammar]
tāmāsanavatīṃ ramyāṃ maṇividrumatoraṇām |
sudāśārhīṃ sudāśārhā viviśuḥ kṛṣṇaśāsanāt || 15 ||
[Analyze grammar]
tataḥ puruṣasiṃhaiḥ sā yadubhiḥ sarvato vṛtā |
sarvārthaguṇasaṃpannā sā sabhā bharatarṣabha |
śuśubhe'bhyadhikaṃ śubhrā siṃhairgiriguhā yathā || 16 ||
[Analyze grammar]
rāmeṇa saha govindaḥ kāñcanaṃ mahadāsanam |
ugrasenaṃ puraskṛtya bheje vṛṣṇipuraskṛtaḥ || 17 ||
[Analyze grammar]
tatropaviṣṭāṃstānvīrānyathāprīti yathāvayaḥ |
samābhāṣya yaduśreṣṭhānuvāca madhusūdanaḥ || 18 ||
[Analyze grammar]
Other editions:
Also see the following editions of the Sanskrit text or (alternative) English translations of the Harivamsa Chapter 95
Harivamsa Purana in 3 Volumes
by Shanti Lal Nagar (2013)
Text with English Notes and Index; [Eastern Book Linkers]
Buy now!
Harivamsa Purana
by Ras Bihari Lal and Sons (2012)
Set of 10 Volumes; Transliterated Text with English Translation; [5425 pages]
Buy now!
Shri Harivamsa Purana in Marathi
by Jitendra Nath Thakur (2021)
श्रीहरिवंशपुराण [Dharmik Prakashan Sanstha, Mumbai]
Buy now!
Shri Harivamsha Purana (Telugu)
by Gollapudi Veeraswamy Son (2012)
శ్రీ వారివంశవ్రరాణం [Gollapudi Veeraswamy Son]
Buy now!
Shri Harivamsa Purana (Narayani Language)
by Ramtej Pandey (2013)
With Commentary (Set Of 3 Volumes); Sanskrit Text with Hindi Translation; [Chaukhamba Sanskrit Pratishthan]
Buy now!