Chapter 24

vaiśaṃpāyana uvāca |
gāndhārī caiva mādrī ca kroṣṭorbhārye babhūvatuḥ |
gāndhārī janayāmāsa anamitraṃ mahābalam || 1 ||
[Analyze grammar]

mādrī yudhājitaṃ putraṃ tato vai devamīḍhuṣam |
teṣāṃ vaṃśastridhā bhūto vṛṣṇīnāṃ kulavardhanaḥ || 2 ||
[Analyze grammar]

mādryāḥ putrau tu jajñāte śrutau vṛṣṇyandhakāv ubhau |
jajñāte tanayau vṛṣṇeḥ śvaphalkaścitrakastathā || 3 ||
[Analyze grammar]

śvaphalkastu mahārāja dharmātmā yatra vartate |
nāsti vyādhibhayaṃ tatra nāvarṣabhayamapyuta || 4 ||
[Analyze grammar]

kadā citkāśirājasya vibhorbharatasattama |
trīṇi varṣāṇi viṣaye nāvarṣatpākaśāsanaḥ || 5 ||
[Analyze grammar]

sa tatra vāsayāmāsa śvaphalkaṃ paramārcitam |
śvaphalkaparivarte ca vavarṣa harivāhanaḥ || 6 ||
[Analyze grammar]

sā māturudarasthā tu bahūnvarṣagaṇān kila || 6 ||
[Analyze grammar]

nivasantī na vai jajñe garbhasthāṃ tāṃ pitābravīt || 6 ||
[Analyze grammar]

jāyasva śīghraṃ bhadraṃ te kimarthamiha tiṣṭhasi || 6 ||
[Analyze grammar]

provāca cainaṃ garbhasthā kanyā gāṃ ca dine dine || 6 ||
[Analyze grammar]

yadi dadyāṃ tato'dyāhaṃ jāyayiṣyāmi tāṃ pitā || 6 ||
[Analyze grammar]

tathetyuvāca taṃ cāsyāḥ pitā kāmamapūrayat || 6 ||
[Analyze grammar]

śvaphalkaḥ kāśirājasya sutāṃ bhāryāmavindata |
gāndinīṃ nāma sā gāṃ tu dadau vipreṣu nityaśaḥ || 7 ||
[Analyze grammar]

dātā yajvā ca dhīraśca śrutavānatithipriyaḥ |
akrūraḥ suṣuve tasmācchvaphalkādbhūridakṣiṇaḥ || 8 ||
[Analyze grammar]

upamadgustathā madgurmṛdaraścārimejayaḥ |
arikṣepastathopekṣaḥ śatrughno'thārimardanaḥ || 9 ||
[Analyze grammar]

carmabhṛd yudhivarmā ca gṛdhramojāstathāntakaḥ |
āvāhaprativāhau ca sundarā ca varāṅganā || 10 ||
[Analyze grammar]

viśrutā sāmbamahiṣī kanyā cāsyapunarnavā || 10 ||
[Analyze grammar]

rūpayauvanasaṃpannā sarvabhūtamanoharā || 10 ||
[Analyze grammar]

akrūrātkāśikanyāyāṃ satyaketurajāyata || 10 ||
[Analyze grammar]

akrūreṇaugrasenyāṃ tu sugātryāṃ kurunandana |
prasenaścopadevaśca jajñāte devavarcasau || 11 ||
[Analyze grammar]

citrakasyābhavanputrāḥ pṛthurvipṛthureva ca |
aśvagrīvo'śvabāhuśca supārśvakagaveṣaṇau || 12 ||
[Analyze grammar]

ariṣṭanemiraśvaśca sudharmā dharmabhṛttathā |
subāhurbahubāhuśca śraviṣṭhāśravaṇe striyau || 13 ||
[Analyze grammar]

aśmakyāṃ janayāmāsa śūraṃ vai devamīḍhuṣam |
mahiṣyāṃ jajñire śūrādbhojyāyāṃ puruṣā daśa || 14 ||
[Analyze grammar]

vasudevo mahābāhuḥ pūrvamānakadundubhiḥ |
jajñe yasya prasūtasya dundubhyaḥ prāṇadandivi || 15 ||
[Analyze grammar]

ānakānāṃ ca saṃhrādaḥ sumahānabhavaddivi |
papāta puṣpavarṣaṃ ca śūrasya bhavane mahat || 16 ||
[Analyze grammar]

manuṣyaloke kṛtsne'pi rūpe nāsti samo bhuvi |
yasyāsītpuruṣāgryasya kāntiścandramaso yathā || 17 ||
[Analyze grammar]

devabhāgastato jajñe tato devaśravāḥ punaḥ |
anādhṛṣṭiḥ kanavako vatsavānatha gṛñjimaḥ || 18 ||
[Analyze grammar]

śyāmaḥ śamīko gaṇḍūṣaḥ pañca cāsya varāṅganāḥ |
pṛthukīrtiḥ pṛthā caiva śrutadevā śrutaśravā |
rājādhidevī ca tathā pañcaitā vīramātaraḥ || 19 ||
[Analyze grammar]

pṛthāṃ duhitaraṃ vavre kuntistāṃkurunandana || 19 ||
[Analyze grammar]

śūraḥ pūjyāya vṛddhāya kuntibhojāya tāṃ dadau || 19 ||
[Analyze grammar]

tasmātkuntīti vikhyātā kuntibhojātmajā pṛthā || 19 ||
[Analyze grammar]

kuntyasya śrutadevāyāmagṛdhnuḥ suṣuve nṛpaḥ |
śrutadevyāṃ kekayastu pañca putrānakalmaṣān |
sutardanapurogāṃstu janayāmāsa bhārata || rājādhidevī rājendra putrau paramadharmikau |
vindānuvindāvāvantyau suṣuve bharatarṣabha |
śrutaśravāyāṃ caidyastu śiśupālo mahābalaḥ || 20 ||
[Analyze grammar]

yo hato rājasūye vai kṛṣṇena sumahātmanā || 20 ||
[Analyze grammar]

hiraṇyakaśipuryo'sau daityarājo'bhavatpurā |
pṛthukīrtyāṃ tu saṃjajñe tanayo vṛddhaśarmaṇaḥ || 21 ||
[Analyze grammar]

karūṣādhipatervīro dantavaktro mahābalaḥ |
pṛthāṃ duhitaraṃ cakre kauntyastāṃ pāṇḍurāvahat || 22 ||
[Analyze grammar]

yasyāṃ sa dharmavid rājā dharmādjajñe yudhiṣṭhiraḥ |
bhīmasenastathā vātādindrāccaiva dhanaṃjayaḥ |
loke'pratiratho vīraḥ śakratulyaparākramaḥ || 23 ||
[Analyze grammar]

anamitrācchanirjajñe kaniṣṭhādvṛṣṇinandanāt |
śaineyaḥ satyakastasmād yuyudhānastu sātyakiḥ || 24 ||
[Analyze grammar]

asaṅgo yuyudhānasya bhūmistasyābhavatsutaḥ || 24 ||
[Analyze grammar]

bhūmeryugaṃdharaḥ putra iti vaṃśaḥ samāpyate || 24 ||
[Analyze grammar]

uddhavo devabhāgasya mahābhāgaḥ suto'bhavat |
paṇḍitānāṃ paraṃ prāhurdevaśravasamuddhavam || 25 ||
[Analyze grammar]

paṇḍitaṃ nāma rājendra lebhe devaśravāḥsutam || 25 ||
[Analyze grammar]

aśmakyalabhatāpatnyamanādhṛṣṭiṃ yaśasvinam |
nivṛttaśatruṃ śatrughnaṃ śrutadevā vyajāyata || 26 ||
[Analyze grammar]

śrutadevāprajātastu naiṣādiryaḥ pariśrutaḥ |
śrutadevāttu naiṣādiḥ so'smābhiryaḥpariśrutaḥ |
ekalavyo mahārāja niṣādaiḥ parivardhitaḥ || 27 ||
[Analyze grammar]

vasudevasya vai putro vāsudevaḥ pratāpavān || 27 ||
[Analyze grammar]

vatsāvate tvaputrāya vasudevaḥ pratāpavān |
adbhirdadau sutaṃ vīraṃ śauriḥ kauśikamaurasam || 28 ||
[Analyze grammar]

dadau putraṃ svakaṃ śauriḥ kumāramamitaujasam || 28 ||
[Analyze grammar]

gaṇḍūṣāya tvaputrāya viṣvakseno dadau sutam |
cārudeṣṇaṃ sucāruṃ ca pañcālaṃ kṛtalakṣaṇam || 29 ||
[Analyze grammar]

asaṃgrāmeṇa yo vīro nāvartata kadā cana |
raukmiṇeyo mahābāhuḥ kanīyānbharatarṣabha || 30 ||
[Analyze grammar]

vāyasānāṃ sahasrāṇi yaṃ yāntaṃ pṛṣṭhato'nvayuḥ |
cārūnadyopayokṣyāmaścārudeṣṇahatāniti || 31 ||
[Analyze grammar]

tantrijastantripālaśca sutau kanavakasya tu |
vīraścāśvahanuścaiva vīrau tāvatha gṛñjimau || 32 ||
[Analyze grammar]

śyāmaputraḥ sumitrastu śamīko rājyamāvahat |
jugupsamāno bhojatvād rājasūyamavāpa saḥ |
ajātaśatruḥ śatrūṇāṃ jajñe tasya vināśanaḥ || 33 ||
[Analyze grammar]

vasudevasya tu sutān kīrtayiṣyāmy tāñchṛṇu || 34 ||
[Analyze grammar]

vṛṣṇestrividhametaṃ tu bahuśākhaṃ mahaujasam |
prakṛtānupayuktatvādvistarānnānukīrtanam |
dhārayanvipulaṃ vaṃśaṃ nānarthairiha yujyate || 35 ||
[Analyze grammar]