Chapter 23

janamejaya uvāca |
pūrorvaṃśamahaṃ brahmañchrotumicchāmi tattvataḥ |
druhyoścānoryadoścaiva turvasośca dvijottama |
vistareṇānupūrvyā ca tadbhavānvaktumarhati || 1 ||
[Analyze grammar]

vaiśaṃpāyana uvāca |
vṛṣṇivaṃśaprasaṅgena svaṃ vaṃśaṃ pūrvameva hi |
śṛṇu pūrormahārāja vaṃśamagre mahātmanaḥ |
vistareṇānupūrvyā ca yatra jāto'si pārthiva || 2 ||
[Analyze grammar]

hanta te vartayiṣyāmi pūrorvaṃśamanuttamam |
druhyoścānoryadoścaiva turvasośca paraṃtapa || 3 ||
[Analyze grammar]

pūroḥ pravīraḥ putro'bhūnmanasyustasya cātmajaḥ |
rājā cābhayado nāma manasyorabhavatsutaḥ || 4 ||
[Analyze grammar]

tathaivābhayadasyāsītsudhanvā ca mahīpatiḥ |
sudhanvanaḥ subāhustu raudrāśvastasya cātmajaḥ || 5 ||
[Analyze grammar]

saṃpātistasya cātmajaḥ || 5c ||
[Analyze grammar]

saṃpātestu rahasyātī || 5c ||
[Analyze grammar]

raudrāśvasya daśārṇeyuḥ kṛkaṇeyustathaiva ca |
daśāpsarasi sūnavaḥ |
ṛceyuś prathamasteṣāṃ |
kakṣeyuḥ sthaṇḍileyuśca saṃnateyustathaiva ca || 6 ||
[Analyze grammar]

ṛceyuśca jaleyuśca sthaleyuśca mahābalaḥ |
ṣaṣṭhaścaiva ruceyuśca jaleyuścaivasaptamaḥ |
dharmeyuśca dṛḍheyuśca vaneyurdaśamaḥ smṛtaḥ |
vananityo vaneyuśca putrikāśca daśa striyaḥ || 7 ||
[Analyze grammar]

daśaite'psarasaḥ putrā vaneyuścāvamaḥ smṛtaḥ || 7 ||
[Analyze grammar]

ghṛtācyāmindriyāṇīva mukhyasya jagadātmanaḥ || 7 ||
[Analyze grammar]

bhadrā śūdrā ca madrā ca maladā malahā tathā |
khalā balā ca rājendra taladā surathāpi ca |
tathā gopabalā ca strī ratnakūṭā ca tā daśa || 8 ||
[Analyze grammar]

ṛṣirjāto'trivaṃśe ca tāsāṃ bhartā prabhākaraḥ |
rudrāyāṃ janayāmāsa somaṃ putraṃ yaśasvinam || 9 ||
[Analyze grammar]

svarbhānunā hate sūrye patamāne divo mahīm |
tamobhibhūte loke ca prabhā yena pravartitā || 10 ||
[Analyze grammar]

svasti te'stviti cokto vai patamāno divākaraḥ |
vacanāttasya viprarṣerna papāta divo mahīm || 11 ||
[Analyze grammar]

atriśreṣṭhāni gotrāṇi yaścakāra mahātapāḥ |
yajñeṣvatridhanaṃ caiva surairyasya pravartitam || 12 ||
[Analyze grammar]

sa tāsu janayāmāsa putrikāsu sanāmakān |
daśa putrānmahātmānastapasyugre ratān sadā || 13 ||
[Analyze grammar]

te tu gotrakarā rājannṛṣayo vedapāragāḥ |
svastyātreyā iti khyātāḥ kiṃ tvatridhanavarjitāḥ || 14 ||
[Analyze grammar]

kakṣeyutanayāstvāsaṃstraya eva mahārathāḥ |
sabhānaraścākṣuṣaśca paramekṣustathaiva ca || 15 ||
[Analyze grammar]

sabhānarasya putrastu vidvān kālānalo nṛpaḥ |
kālānalasya dharmajñaḥ sṛñjayo nāma vai sutaḥ || 16 ||
[Analyze grammar]

sṛñjayasyābhavatputro vīro rājā puraṃjayaḥ |
janamejayo mahārāja puraṃjayasuto'bhavat || 17 ||
[Analyze grammar]

puraṃjayānmahārāja putro'bhūjjanamejayaḥ || 17 ||
[Analyze grammar]

janamejayasya rājarṣermahāsālo'bhavatsutaḥ |
deveṣu sa parijñātaḥ pratiṣṭhitayaśāstathā || 18 ||
[Analyze grammar]

mahāmanā nāma suto mahāsālasya dhārmikaḥ |
jajñe vīraḥ suragaṇaiḥ pūjitaḥ sa mahāmanāḥ || 19 ||
[Analyze grammar]

mahāmanāstu putrau dvau janayāmāsa bhārata |
uśīnaraṃ ca dharmajñaṃ titikṣuṃ ca mahābalam || 20 ||
[Analyze grammar]

uśīnarasya patnyastu pañca rājarṣivaṃśajāḥ |
nṛgā kṛmī navā darvā pañcamī ca dṛṣadvatī || 21 ||
[Analyze grammar]

uśīnarasya putrāstu pañca tāsu kulodvahāḥ |
tapasā caiva mahatā jātā vṛddhasya cātmajāḥ || 22 ||
[Analyze grammar]

nṛgāyāstu nṛgaḥ putraḥ kṛmyāḥ kṛmirajāyata |
navāyāstu navaḥ putro darvāyāḥ suvrato'bhavat || 23 ||
[Analyze grammar]

dṛṣadvatyāstu saṃjajñe śibirauśīnaro nṛpa |
śibestu śibayastāta yaudheyāstu nṛgasya ha || 24 ||
[Analyze grammar]

navasya navarāṣṭraṃ tu kṛmestu kṛmilā purī |
suvratasya tathāmbaṣṭhā titikṣostu prajāḥ śṛṇu || 25 ||
[Analyze grammar]

śibiputrānnibodha me || 25c ||
[Analyze grammar]

śibeśca putrāścatvāro vīrā vai lokaviśrutāḥ || 25c ||
[Analyze grammar]

vṛṣadarbhaḥ suvīraśca kaikeyo madrakastathā || 25c ||
[Analyze grammar]

teṣāṃ janapadāḥ sphītāḥ kaikeyā madrakāstathā || 25c ||
[Analyze grammar]

vṛṣadarbhāḥ suvīrāśca || 25c ||
[Analyze grammar]

titikṣurabhavad rājā pūrvasyāṃ diśi bhārata |
uṣadratho mahābāhustasya phenaḥ suto'bhavat || 26 ||
[Analyze grammar]

phenāttu sutapā jajñe jajñe sutapasaḥ sutaḥ |
balirmānuṣayonau tu sa rājā kāñcaneṣudhiḥ || 27 ||
[Analyze grammar]

mahāyogī sa tu balirbabhūva nṛpatiḥ purā |
putrānutpādayāmāsa pañca vaṃśakarānbhuvi || 28 ||
[Analyze grammar]

aṅgaḥ prathamato jajñe vaṅgaḥ suhmastathaiva ca |
puṇḍraḥ kaliṅgaśca tathā bāleyaṃ kṣatramucyate |
bāleyā brāhmaṇāścaiva tasya vaṃśakarā bhuvi || 29 ||
[Analyze grammar]

balestu brahmaṇā datto varaḥ prītena bhārata |
mahāyogitvamāyuśca kalpasya parimāṇataḥ |
saṃgrāme cāpyajeyatvaṃ dharme caiva pradhānatām |
trailokyadarśanaṃ cāpi prādhānyaṃ prasave tathā |
balasyāpratimatvaṃ vai dharmatattvārthadarśanam |
caturo niyatānvarṇāṃstvaṃ ca sthāpayiteti ha || 30 ||
[Analyze grammar]

ityukto vibhunā rājā baliḥ śāntiṃ parāṃ yayau |
tasya te tanayāḥ sarve kṣetrajāmunipuṃgavāḥ |
saṃbhūtā dīrghatapasaḥ sudeṣṇāyāṃ mahaujasaḥ |
balistānabhiṣicye ha pañca putrānakalmaṣān || kṛtārthaḥ so'pi yogātmā yogamāśritya sa prabhuḥ |
adhṛṣyaḥ sarvabhūtānāṃ kālāpekṣī caratyuta |
kālena mahatā rājan svaṃ ca sthānamupāgamat || 31 ||
[Analyze grammar]

teṣāṃ janapadāḥ pañca vaṅgāṅgāḥ suhmakāstathā |
kaliṅgāḥ puṇḍrakāścaiva prajāstvaṅgasya me śṛṇu || 32 ||
[Analyze grammar]

aṅgaputro mahānāsīd rājendro dadhivāhanaḥ |
dadhivāhanaputrastu rājā divirathastathā || 33 ||
[Analyze grammar]

putro divirathasyāsīcchakratulyaparākramaḥ |
vidvāndharmaratho nāma tasya citrarathaḥ sutaḥ || 34 ||
[Analyze grammar]

tena dharmarathenātha tadā viṣṇupade girau |
yajatā saha śakreṇa somaḥ pīto mahātmanā || 35 ||
[Analyze grammar]

atha citrarathasyāpi putro daśaratho'bhavat |
lomapāda iti khyāto yasya śāntā sutābhavat || 36 ||
[Analyze grammar]

tasya dāśarathirvīraścaturaṅgo mahāyaśāḥ |
ṛṣyaśṛṅgaprabhāvena jajñe kulavivardhanaḥ || 37 ||
[Analyze grammar]

caturaṅgasya putrastu pṛthulākṣa iti smṛtaḥ |
pṛthulākṣasuto rājā campo nāma mahāyaśāḥ |
campasya tu purī campā yā pūrvaṃ mālinī babhau || 38 ||
[Analyze grammar]

pūrṇabhadraprasādena haryaṅgo'sya suto'bhavat |
tato vibhāṇḍakastasya vāraṇaṃ śatruvāraṇam |
avatārayāmāsa mahīṃ mantrairvāhanamuttamam || 39 ||
[Analyze grammar]

haryaṅgasya sutaḥ karṇo vikarṇastasya cātmajaḥ |
rājā bhadrarathaḥ smṛtaḥ |
putro bhadrarathasyāsīdbṛhatkarmā prajeśvaraḥ |
bṛhaddarbhaḥ sutastasya yasmājjajñe bṛhanmanāḥ || bṛhanmanāstu rājendro janayāmāsa vai sutam |
nāmnā jayadrathaṃ nāma yasmāddṛḍharatho nṛpaḥ || āsīddṛḍharathasyāpi viśvajijjanamejaya |
dāyādastasya karṇastu |
tasya putraśataṃ tvāsīdaṅgānāṃ kulavardhanam || 40 ||
[Analyze grammar]

vikarṇasya sutastvāsīdaṅgadaḥkulavardhanaḥ || 40 ||
[Analyze grammar]

bṛhaddarbhasuto yastu rājā nāmnābṛhanmanāḥ || 40 ||
[Analyze grammar]

tasya patnīdvayaṃ cāsīccaidyasyaite sute śubhe || 40 ||
[Analyze grammar]

yaśodevī ca sattvī ca tābhyāṃ vaṃśaḥ sa bhidhyate || 40 ||
[Analyze grammar]

jayadrathastu rājendra yaśodevyāṃ vyajāyata || 40 ||
[Analyze grammar]

brahmakṣatrottaraḥ sattvyāṃ vijayo nāma viśrutaḥ || 40 ||
[Analyze grammar]

vijayasya dhṛtiḥ putrastasya putro dhṛtavrataḥ || 40 ||
[Analyze grammar]

dhṛtavratasya putrastu satyakarmā mahāvrataḥ || 40 ||
[Analyze grammar]

satyakarmasutaścāpi sūtastvadhirathastu vai || 40 ||
[Analyze grammar]

yaḥ karṇaṃ pratijagrāha tataḥ karṇastu sūtajaḥ || 40 ||
[Analyze grammar]

etadvaḥ kathitaṃ sarvaṃ karṇaṃ prati mahābalam || 40 ||
[Analyze grammar]

karṇasya vṛṣasenastu vṛṣastasyātmajaḥ smṛtaḥ || 40 ||
[Analyze grammar]

dhārmikaḥ sarvavarṇastu senastasyātmajo'bhavat || 40 ||
[Analyze grammar]

ete'ṅgavaṃśajāḥ sarve rājānaḥ kīrtitā mayā |
satyavratā mahātmānaḥ prajāvanto mahārathāḥ || 41 ||
[Analyze grammar]

ṛceyostu mahārāja raudrāśvatanayasya vai |
śṛṇu vaṃśamanuproktaṃ yatra jāto'si pārthiva || 42 ||
[Analyze grammar]

vaiśaṃpāyana uvāca |
anādhṛṣyastu rājarṣirṛceyuścaikarāṭ smṛtaḥ || 42 ||
[Analyze grammar]

ṛceyorjvalanā nāma bhāryā vai takṣakātmajā || 42 ||
[Analyze grammar]

ṛceyutanayo rājanmatināro mahīpatiḥ |
matinārasutāścāsaṃstrayaḥ paramadhārmikāḥ || 43 ||
[Analyze grammar]

taṃsurogho'pratirathaḥ subāhuścaiva dhārmikaḥ |
gaurī kanyā cavikhyātā māndhātṛjananī śubhā |
sarve vedavratasnātā brahmaṇyāḥ satyavādinaḥ || 44 ||
[Analyze grammar]

sarvekṛtāstrā balinaḥ sarve yuddhaviśāradāḥ || 44 ||
[Analyze grammar]

putro'pratirathasyāsītkaṇvaḥ samabhavannṛpaḥ || 44 ||
[Analyze grammar]

medhātithiḥ sutastasya yasmātkāṇvo'bhavaddvijaḥ || 44 ||
[Analyze grammar]

ilā nāma tu yasyāsītkanyā vai janamejaya |
brahmavādinyadhitrī ca taṃsustāmadhyagacchata || 45 ||
[Analyze grammar]

taṃsoḥ suraugho rājarṣirdharmanetro mahāyaśāḥ |
brahmavādī parākrāntastasya bhāryopadānavī || 46 ||
[Analyze grammar]

upadānavī sutāṃl lebhe caturastān suraughataḥ |
tataścotpādayāmāsa caturaḥ purunandanān |
duḥṣantamatha suḥṣantaṃ pravīramanaghaṃ tathā || 47 ||
[Analyze grammar]

duḥṣantasya tu dāyādo bharato nāma vīryavān |
sa sarvadamano nāma nāgāyutabalo mahān || 48 ||
[Analyze grammar]

cakravartī suto jajñe duḥṣantasya mahāyaśāḥ |
śakuntalāyāṃ bharato yasya nāmnā stha bhāratāḥ || 49 ||
[Analyze grammar]

duḥṣantaṃ prati rājāṇaṃ vāguvācāśarīriṇī || 49 ||
[Analyze grammar]

mātā bhastrā pituḥ putro yena jātaḥ sa eva saḥ || 49 ||
[Analyze grammar]

bharasva putraṃ duḥṣanta māvamaṃsthāḥ śakuntalām || 49 ||
[Analyze grammar]

retodhāḥ putra unnayati naradeva yamakṣayāt || 49 ||
[Analyze grammar]

tvaṃ cāsya dhātā garbhasya satyamāha śakuntalā || 49 ||
[Analyze grammar]

bharatasya vinaṣṭeṣu tanayeṣu mahīpateḥ |
mātṝṇāṃ tāta kopeṇa yathā te kathitaṃ tadā || 50 ||
[Analyze grammar]

bṛhaspateraṅgirasaḥ putro rājanmahāmuniḥ |
ayājayadbharadvājo mahadbhiḥ kratubhirvibhuḥ || 51 ||
[Analyze grammar]

atraivodāharantīmaṃ bharadvājasya dhīmataḥ || 51 ||
[Analyze grammar]

dharmasaṃkramaṇaṃ cāpi marudbhirbharatāya vai || 51 ||
[Analyze grammar]

pūrvaṃ tu vitathe tasya kṛte vai putrajanmani |
tato'tha vitatho nāma bharadvājātsuto'bhavat || 52 ||
[Analyze grammar]

tato'tha vitathe jāte bharatastu divaṃ yayau || 52 ||
[Analyze grammar]

vitathaṃ cābhiṣicyātha bharadvājo vanaṃ yayau || 52 ||
[Analyze grammar]

vitathasya tu dāyādo bhuvamanyurbabhūva ha || 52 ||
[Analyze grammar]

mahābhūtopamāścāmī catvāro bhuvamanyujāḥ || 52 ||
[Analyze grammar]

bṛhatkṣatro mahāvīryo naro gārgyaśca vīryavān || 52 ||
[Analyze grammar]

narasya sāṃkṛtiḥ putrastasya putrau mahābalau || 52 ||
[Analyze grammar]

varavī rantidevaśca te ca kātyāyanāḥ smṛtāḥ || 52 ||
[Analyze grammar]

dāyādā api gārgyasya śibirvidvānbabhūva ha || 52 ||
[Analyze grammar]

smṛtāḥ śaibyāstato gārgyāḥ kṣatrotpannā dvijātayaḥ || 52 ||
[Analyze grammar]

mahāvīryasutaścāsīddhīmānnāmnā purukṣayaḥ || 52 ||
[Analyze grammar]

tasya bhāryā viśālā tu suṣuve tatsutatrayam || 52 ||
[Analyze grammar]

traiyākṣaṇaṃ puṣkariṇaṃ tṛtīyaṃ suṣuve kapim || 52 ||
[Analyze grammar]

kapīnāṃ pravarā hyete trayaḥ proktā maharṣayaḥ || 52 ||
[Analyze grammar]

gārgyāḥ saṃkṛtayaḥ kāpyāḥ kṣatrotpannā dvijātayaḥ || 52 ||
[Analyze grammar]

saṃśritāṅgirasaḥ pakṣaṃ sarve jātā mahābalāḥ || 52 ||
[Analyze grammar]

bṛhatkṣatrasya dāyādaḥ suhotro nāma dhārmikaḥ || 52 ||
[Analyze grammar]

suhotrasya tu dāyādo hastī nāma babhūva ha || 52 ||
[Analyze grammar]

tenedaṃ nirmitaṃ pūrvaṃ puraṃ gajasamāhvayam || 52 ||
[Analyze grammar]

hastinaścāpi dāyādāstrayaḥ paramakīrtayaḥ || 52 ||
[Analyze grammar]

ajamīḍhasya putrāstu jātāḥ kurukulodvaha || 52 ||
[Analyze grammar]

tapaso'nte sumahato rājño vṛddhasya dhārmikāḥ || 52 ||
[Analyze grammar]

bharadvājaprasādena jātā vaṃśavivardhanāḥ || 52 ||
[Analyze grammar]

ajamīḍhasya keśinyāṃ kaṇvaḥ samabhavatsutaḥ || 52 ||
[Analyze grammar]

medhātithiḥ sutastasya tasmātkāṇvāyanāḥ smṛtāḥ || 52 ||
[Analyze grammar]

sa cāpi vitathaḥ putrāñjanayāmāsa pañca vai |
suhotraṃ sutahotāraṃ gayaṃ gargaṃ tathaiva ca || 53 ||
[Analyze grammar]

suhotrasya ca putrastu cyavano nāma dhārmikaḥ || 53 ||
[Analyze grammar]

kapilaṃ ca mahātmānaṃ sutahotuḥ sutadvayam |
kāśikaśca mahāsattvastathā gṛtsamatiḥ prabhuḥ || 54 ||
[Analyze grammar]

tathā gṛtsamateḥ putrā brāhmaṇāḥ kṣatriyā viśaḥ |
kāśyasya kāśayo rājanputro dīrghatapāstathā || 55 ||
[Analyze grammar]

babhūva dīrghatapaso vidvāndhanvaṃtariḥ sutaḥ |
dhanvaṃtarestu tanayaḥ ketumāniti viśrutaḥ || 56 ||
[Analyze grammar]

athā ketumataḥ putro vīro bhīmarathaḥ smṛtaḥ |
suto bhīmarathasyāsīddivodāsaḥprajeśvaraḥ |
divodāsa iti khyātaḥ sarvarakṣaḥpraṇāśanaḥ || 57 ||
[Analyze grammar]

etasminneva kāle tu purīṃ vārāṇasīṃ nṛpaḥ |
śūnyāṃ niveśayāmāsa kṣemako nāma rākṣasaḥ || 58 ||
[Analyze grammar]

śaptā hi sā matimatā nikumbhena mahātmanā |
śūnyā varṣasahasraṃ vai bhavitrīti nararṣabha || 59 ||
[Analyze grammar]

tasyāṃ tu śaptamātrāyāṃ divodāsaḥ prajeśvaraḥ |
viṣayānte purīṃ ramyāṃ gomatyāṃ saṃnyaveśayat || 60 ||
[Analyze grammar]

bhadraśreṇyasya pūrvaṃ tu purī vārāṇasībhavat || 60 ||
[Analyze grammar]

yaduvaṃśaprasūtasya tapasyabhiratasya ca || 60 ||
[Analyze grammar]

bhadraśreṇyasya putrāṇāṃ śatamuttamadhanvinām |
hatvā niveśayāmāsa divodāsaḥ prajeśvaraḥ || 61 ||
[Analyze grammar]

divodāsasya putrastu vīro rājā pratardanaḥ |
pratardanasya putrau dvau vatso bhārgava eva ca || 62 ||
[Analyze grammar]

alarko rājaputraśca rājā saṃnatimānbhuvi |
hehayasya tu dāyādyaṃ hṛtavānvai mahīpatiḥ || 63 ||
[Analyze grammar]

ājahre pitṛdāyādyaṃ divodāsahṛtaṃ balāt |
tasyānvaye suhotro'bhūd rājā paramadhārmikaḥ |
bhadraśreṇyasya putreṇa durdamena mahātmanā |
divodāsena bālo hi ghṛṇayā sa visarjitaḥ || 64 ||
[Analyze grammar]

aṣṭāratho nāma nṛpaḥ suto bhīmarathasya vai |
tena putreṣu bāleṣu prahṛtaṃ tasya bhārata |
vairasyāntaṃ mahārāja kṣatriyeṇa vidhitsatā || 65 ||
[Analyze grammar]

so'pyevaṃ putrasaṃhāraṃ kurvanpañcatvamāgataḥ || 65 ||
[Analyze grammar]

alarkaḥ kāśirājastu brahmaṇyaḥ satyasaṃgaraḥ |
alarkaṃ prati rājānaṃ śloko gītaḥ purātanam |
ṣaṣṭiṃ varṣasahasrāṇi ṣaṣṭiṃ varṣaśatāni ca || 66 ||
[Analyze grammar]

tasyāsītsumahadrājyaṃ rūpayauvanaśālinaḥ || 66 ||
[Analyze grammar]

yuvā rūpeṇa saṃpanna āsītkāśikulodvahaḥ |
lopāmudrāprasādena paramāyuravāpa saḥ || 67 ||
[Analyze grammar]

vayaso'nte mahābāhurhatvā kṣemakarākṣasam |
ramyāṃ niveśayāmāsa purīṃ vārāṇasīṃ nṛpaḥ || 68 ||
[Analyze grammar]

alarkasya tu dāyādaḥ kṣemo nāma mahāyaśāḥ |
kṣemako nāma pārthivaḥ |
kṣemakasya tu putro vai |
kṣemasya ketumānputro varṣaketustato'bhavat || 69 ||
[Analyze grammar]

varṣaketostu dāyādo vibhurnāma prajeśvaraḥ |
ānartastu vibhoḥ putraḥ sukumārastato'bhavat || 70 ||
[Analyze grammar]

sukumārasya putrastu satyaketurmahārathaḥ |
suto'bhavanmahātejā rājā paramadhārmikaḥ |
karanturnāma nṛpatistasya putrau babhūvatuḥ |
brahmaṇyau satyasaṃpannau bhārgo vatsastathaiva ca |
vatsasya vatsabhūmistu bhārgabhūmistu bhārgavāt || 71 ||
[Analyze grammar]

ete tvaṅgirasaḥ putrā jātā vaṃśe'tha bhārgave |
brāhmaṇāḥ kṣatriyā vaiśyāḥ śūdrāśca bharatarṣabha || 72 ||
[Analyze grammar]

karmabhiste tapomūlaiḥ sthitāḥkurukulodvaha || 72 ||
[Analyze grammar]

suhotrasya bṛhatputro bṛhatastanayāstrayaḥ |
ajamīḍho dvimīḍhaśca purumīḍhaśca vīryavān || 73 ||
[Analyze grammar]

ajamīḍhasya patnyastu tisro vai yaśasānvitāḥ |
nīlī ca keśinī caiva dhūminī ca varāṅganā || 74 ||
[Analyze grammar]

ajamīḍhasya keśinyāṃ jajñe jahnuḥ pratāpavān |
ya ājahre mahāsattraṃ sarvamedhaṃ mahāmakham || 75 ||
[Analyze grammar]

patilobhena yaṃ gaṅgā vitate'bhisasāra ha |
necchataḥ plāvayāmāsa tasya gaṅgā ca tatsadaḥ || 76 ||
[Analyze grammar]

tayā ca plāvitaṃ dṛṣṭvā yajñavāṭaṃ samantataḥ |
sauhotrirabravīdgaṅgāṃ kruddho bharatasattama || 77 ||
[Analyze grammar]

eṣa te triṣu lokeṣu saṃkṣipyāpaḥ pibāmyaham |
asya gaṅge'valepasya sadyaḥ phalamavāpnuhi || 78 ||
[Analyze grammar]

tataḥ pītāṃ mahātmāno gaṅgāṃ dṛṣṭvā maharṣayaḥ |
upaninyurmahābhāgāṃ duhitṛtvāya jāhnavīm || 79 ||
[Analyze grammar]

yuvanāśvasya putrīṃ tu kāverīṃ jahnurāvahat |
gaṅgāśāpena dehārdhaṃ yasyāḥ paścānnadīkṛtam || 80 ||
[Analyze grammar]

jahnostu dayitaḥ putro ajako nāma vīryavān |
ajakasya tu dāyādo balākāśvo mahīpatiḥ || 81 ||
[Analyze grammar]

babhūva mṛgayāśīlaḥ kuśikastasya cātmajaḥ |
pahlavaiḥ saha saṃvṛddho rājā vanacaraiḥ sa ha || 82 ||
[Analyze grammar]

kuśikastu tapastepe putramindrasamaṃ prabhuḥ |
labheyamiti taṃ śakrastrāsādabhyetya jajñivān || 83 ||
[Analyze grammar]

sa gādhirabhavad rājā maghavān kauśikaḥ svayam |
viśvāmitrastu gādheyo rājā viśvarathaśca ha || 84 ||
[Analyze grammar]

viśvajidviśvakṛccaiva tathā satyavatī nṛpa |
ṛcīkājjamadagnistu satyavatyāmajāyata || 85 ||
[Analyze grammar]

viśvāmitrasya tu sutā devarātādayaḥ smṛtāḥ |
prakhyātāstriṣu lokeṣu teṣāṃ nāmāni me śṛṇu || 86 ||
[Analyze grammar]

devaśravāḥ katiścaiva yasmātkātyāyanāḥ smṛtāḥ |
śālāpatirhiraṇyākṣo reṇuryasyātha reṇukā || 87 ||
[Analyze grammar]

sāṃkṛtyo gālavo rājanmaudgalyaśveti viśrutāḥ |
teṣāṃ khyātāni gotrāṇi kauśikānāṃ mahātmanām || 88 ||
[Analyze grammar]

pāṇino babhravaścaiva dhānaṃjayyāstathaiva ca |
pārthivā devarātāśca sālaṅkāyanasauśravāḥ || 89 ||
[Analyze grammar]

lohityā yamadūtaśca tathā kārīṣayaḥ smṛtāḥ |
viśrutāḥ kauśikā rājaṃstathānye saindhavāyanāḥ |
ṛṣyantaravivāhyāśca kauśikā bahavaḥ smṛtāḥ || 90 ||
[Analyze grammar]

pauravasya mahārāja brahmarṣeḥ kauśikasya ca |
saṃbandho hyasya vaṃśe'sminbrahmakṣatrasya viśrutaḥ || 91 ||
[Analyze grammar]

viśvāmitrātmajānāṃ tu śunaḥśepo'grajaḥ smṛtaḥ |
bhārgavaḥ kauśikatvaṃ hi prāptaḥ sa munisattamaḥ || 92 ||
[Analyze grammar]

śabarādayaśca saptānye viśvāmitrasya vai sutāḥ |
dṛṣadvatīsutaścāpi viśvāmitrādathāṣṭakaḥ || 93 ||
[Analyze grammar]

aṣṭakasya suto lauhiḥ prokto jahnugaṇo mayā |
ājamīḍho'paro vaṃśaḥ śrūyatāṃ bharatarṣabha || 94 ||
[Analyze grammar]

ajamīḍhāttu nīlyāṃ vai suśāntirudapadyata |
purujātiḥ suśāntestu bāhyāśvaḥ purujātitaḥ || 95 ||
[Analyze grammar]

bāhyāśvatanayāḥ pañca babhūvuramaropamāḥ |
mudgalaḥ sṛñjayaścaiva rājā bṛhadiṣustathā || 96 ||
[Analyze grammar]

yavīnaraśca vikrāntaḥ kṛmilāśvaśca pañcamaḥ |
pañceme rakṣaṇāyālaṃ deśānāmiti viśrutāḥ || 97 ||
[Analyze grammar]

pañcānāṃ viddhi pāñcālān sphītānpuṇyajanāvṛtān |
alaṃ saṃrakṣaṇe teṣāṃ pāñcālā iti viśrutāḥ || 98 ||
[Analyze grammar]

mudgalasya tu dāyādo maudgalyaḥ sumahāyaśāḥ |
sarva ete mahātmānaḥ kṣatropetādvijātayaḥ |
ete hyaṅgirasaḥ pakṣaṃ saṃśritāḥ kaṇvamaudgalāḥ || mudgalasya suto jyeṣṭho brahmarṣiḥ sumahātapāḥ |
indrasenā yato garbhaṃ vadhryaśvaṃ pratyapadyata || 99 ||
[Analyze grammar]

vadhryaśvānmithunaṃjajñe menakāyāmiti śrutiḥ || 99 ||
[Analyze grammar]

divodāsaśca rājarṣirahalyā ca yaśasvinī || 99 ||
[Analyze grammar]

śaradvatasya dāyādamahalyā saṃprasūyata || 99 ||
[Analyze grammar]

śatānandamṛṣiśreṣṭhaṃ tasyāpi sumahāyaśāḥ || 99 ||
[Analyze grammar]

putraḥ satyadhṛtirnāma dhanurvedasya pāragaḥ || 99 ||
[Analyze grammar]

tasya satyadhṛte reto dṛṣṭvāpsarasamagrataḥ || 99 ||
[Analyze grammar]

atha skannaṃ śarastambe mithunaṃ samapadyata || 99 ||
[Analyze grammar]

kṛpayā tacca jagrāha śaṃtanurmṛgayāṃ gataḥ || 99 ||
[Analyze grammar]

kṛpaḥ smṛtaḥ sa vai tasmādgautamī ca kṛpī tathā || 99 ||
[Analyze grammar]

ete śāradvatāḥ proktā ete te gautamāḥ smṛtāḥ || 99 ||
[Analyze grammar]

ata ūrdhvaṃ pravakṣyāmi divodāsasya saṃtatim || 99 ||
[Analyze grammar]

divodāsasya dāyādo brahmarṣirmitrayurnṛpaḥ || 99 ||
[Analyze grammar]

maitreyāṇāṃ tataḥ somo maitreyāstu tataḥ smṛtāḥ || 99 ||
[Analyze grammar]

ete vipañcitāḥ pakṣāḥ kṣatropetāstu bhārgavāḥ || 99 ||
[Analyze grammar]

āsītpañcavanaḥ putraḥ sṛñjayasya mahātmanaḥ |
sutaḥ pañcavanasyāpi somadatto mahīpatiḥ || 100 ||
[Analyze grammar]

somadattasya dāyādaḥ sahadevo mahāyaśāḥ |
sahadevasutaścāpi somako nāma pārthivaḥ || 101 ||
[Analyze grammar]

ajamīḍhātpunarjātaḥ kṣīṇe vaṃśe tu somakaḥ || 101 ||
[Analyze grammar]

somakasya suto janturyasya putraśataṃ babhau |
teṣāṃ yavīyānpṛṣato drupadasya pitā prabhuḥ || 102 ||
[Analyze grammar]

dhṛṣṭadyumnaḥ tudrupadāddhṛṣṭaketuśca tatsutaḥ || 102 ||
[Analyze grammar]

ājamīḍhāḥ smṛtā hyete mahātmānastu somakāḥ || 102 ||
[Analyze grammar]

putrāṇāmajamīḍhasya somakatvaṃ mahātmanaḥ || 102 ||
[Analyze grammar]

mahiṣī tvajamīḍhasya dhūminī putragṛddhinī |
tṛtīyā tava pūrveṣāṃ jananī pṛthivīpate || 103 ||
[Analyze grammar]

sā tu putrārthinī devī vratacaryāsamāhitā |
tapo varṣāśataṃ tepe strībhiḥ paramaduścaram || 104 ||
[Analyze grammar]

hutvāgniṃ vidhivatsā tu pavitramitabhojanā |
agnihotrakuśeṣveva suṣvāpa janamejaya || 105 ||
[Analyze grammar]

dhūminyā sa tayā devyā ajamīḍhaḥ sameyivān |
ṛkṣaṃ sā janayāmāsa dhūmavarṇaṃ sudarśanam || 106 ||
[Analyze grammar]

ṛkṣātsaṃvaraṇo jajñe kuruḥ saṃvaraṇāttathā |
yaḥ prayāgādapakramya kurukṣetraṃ cakāra ha || 107 ||
[Analyze grammar]

tadvaitatsa mahābhāgo varṣāṇi subahūnyatha || 107 ||
[Analyze grammar]

tapyamāne tadā śakro yatrāsya varado babhau || 107 ||
[Analyze grammar]

puṇyaṃ ca ramaṇīyaṃ ca puṇyakṛdbhirniṣevitam |
tasyānvavāyaḥ sumahānyasya nāmnā stha kauravāḥ || 108 ||
[Analyze grammar]

kurośca putrāścatvāraḥ sudhanvā sudhanustathā |
parīkṣicca mahābāhuḥ pravaraścārimejayaḥ || 109 ||
[Analyze grammar]

sudhanvanastu dāyādaḥ suhotro matimān smṛtaḥ || 109 ||
[Analyze grammar]

cyavanastasya putrastu rājā dharmārthakovidaḥ || 109 ||
[Analyze grammar]

cyavanātkṛtayajñastu iṣṭvā yajñaiḥ sa dharmavit || 109 ||
[Analyze grammar]

viśrutaṃ janayāmāsa putramindrasakhaṃ nṛpaḥ || 109 ||
[Analyze grammar]

caidyoparicaraṃ vīraṃ vasuṃ nāmāntarikṣagam || 109 ||
[Analyze grammar]

caidyoparicarājjajñe girikā sapta mānavān || 109 ||
[Analyze grammar]

mahāratho magadharāḍviśruto yo bṛhadrathaḥ || 109 ||
[Analyze grammar]

pratyagrahaḥ kuśaścaiva yamāhurmaṇivāhanam || 109 ||
[Analyze grammar]

mārutaśca yaduścaiva matsyakālī ca sattamaḥ || 109 ||
[Analyze grammar]

bṛhadrathasya dāyādaḥ kuśāgro nāma viśrutaḥ || 109 ||
[Analyze grammar]

kuśāgrasyātmajo vidvānṛṣabho nāma vīryavān || 109 ||
[Analyze grammar]

dāyādastasya vikrānto rājā satyahitaḥ smṛtaḥ || 109 ||
[Analyze grammar]

tasya putraḥ sa dharmātmā nāmnā ūrjastu jajñivān || 109 ||
[Analyze grammar]

ūrjasya saṃbhavaḥ putro yasya jajñe sa vīryavān || 109 ||
[Analyze grammar]

śakale dve sa vai jāto jarayā saṃdhitaḥ sa tu || 109 ||
[Analyze grammar]

jarayā saṃdhito yasmājjarāsaṃdhastataḥ smṛtaḥ || 109 ||
[Analyze grammar]

sarvakṣatrasya jetāsau jarāsaṃdho mahābalaḥ || 109 ||
[Analyze grammar]

jarāsaṃdhasya putro vai sahadevaḥ pratāpavān || 109 ||
[Analyze grammar]

sahadevātmajaḥ śrīmānudāyiḥ sa mahāyaśāḥ || 109 ||
[Analyze grammar]

udāyirjanayāmāsa putraṃ paramadhārmikam || 109 ||
[Analyze grammar]

śrutadharmeti nāmānaṃ magadhānyo'vasadvibhuḥ || 109 ||
[Analyze grammar]

vṛṣabhasya tudāyādaḥ puṣpavānnāma dhārmikaḥ || 109 ||
[Analyze grammar]

parīkṣitastu tanayo dhārmiko janamejayaḥ |
janamejayasya dāyādāstraya eva mahārathāḥ |
jahnostukathayiṣyāmi yatra jāto'si pārthiva || jahnustvajanayatputraṃ surathaṃ nāma bhūmipam |
śrutaseno'grasenau ca bhīmasenaśca nāmataḥ || 110 ||
[Analyze grammar]

ete sarve mahābhāgā vikrāntā balaśālinaḥ || 110 ||
[Analyze grammar]

janamejayasya putrau tu suratho matimāṃstathā |
surathasya tu vikrāntaḥ putro jajñe vidūrathaḥ || 111 ||
[Analyze grammar]

vidūrathasya dāyāda ṛkṣa eva mahārathaḥ |
dvitīyaḥ sa babhau rājā nāmnā tenaiva saṃjñitaḥ || 112 ||
[Analyze grammar]

dvāv ṛkṣau tava vaṃśe'smindvāveva ca parīkṣitau |
bhīmasenāstrayo rājandvāveva janamejayau || 113 ||
[Analyze grammar]

ṛkṣasya tu dvitīyasya bhīmaseno'bhavatsutaḥ |
pratīpo bhīmasenasya pratīpasya tu śāṃtanuḥ |
devāpirbāhlikaścaiva traya eva mahārathāḥ || 114 ||
[Analyze grammar]

śāṃtanoḥ prasavastveṣa yatra jāto'si pārthiva |
bāhlikasya tu rājyaṃ vai saptabāhlyaṃ viśāṃ pate || 115 ||
[Analyze grammar]

bāhlikasya sutaścaiva somadatto mahāyaśāḥ |
jajñire somadattāttu bhūrirbhūriśravāḥ śalaḥ || 116 ||
[Analyze grammar]

upādhyāyastu devānāṃ devāpirabhavanmuniḥ |
cyavanasya putraḥ kṛtaka iṣṭaścāsīnmahātmanaḥ || 117 ||
[Analyze grammar]

śāṃtanustvabhavad rājā kauravāṇāṃ dhuraṃdharaḥ || 118 ||
[Analyze grammar]

śāṃtanoḥsaṃpravakṣyāmi yatra jāto'si pārthiva || 118 ||
[Analyze grammar]

gāṅgaṃ devavrataṃ nāma putraṃ so'janayatprabhuḥ || 118 ||
[Analyze grammar]

sa tu bhīṣma iti khyātaḥ pāṇḍavānāṃ pitāmahaḥ || 118 ||
[Analyze grammar]

kālī vicitravīryaṃ tu janayāmāsa bhārata |
śāṃtanordayitaṃ putraṃ dharmātmānamakalmaṣam || 119 ||
[Analyze grammar]

kṛṣṇadvaipāyanaccaiva kṣetre vaicitravīryake |
dhṛtarāṣṭraṃ ca pāṇḍuṃ ca viduraṃ cāpyajījanat || 120 ||
[Analyze grammar]

dhṛtarāṣṭrastu gāndhāryāṃ putrānajanayacchatam || 120 ||
[Analyze grammar]

teṣāṃ duryodhanaḥ śreṣṭhaḥ sarveṣāmeva sa prabhuḥ || 120 ||
[Analyze grammar]

pāṇḍordhanaṃjayaḥ putraḥ saubhadrastasya cātmajaḥ |
abhimanyoḥ parīkṣittu pitā tava janeśvara || 121 ||
[Analyze grammar]

eṣa te pauravo vaṃśo yatra jāto'si pārthiva |
turvasostu pravakṣyāmi druhyoścānoryadostathā || 122 ||
[Analyze grammar]

turvasostu suto vahnirvahnergobhānurātmajaḥ |
gobhānostu suto rājā triśānuraparājitaḥ || 123 ||
[Analyze grammar]

karaṃdhamastu triśānormaruttastasya cātmajaḥ |
anyastvāvikṣito rājā maruttaḥ kathitastava || 124 ||
[Analyze grammar]

anapatyo'bhavad rājā yajvā vipuladakṣiṇaḥ |
duhitā saṃmatā nāma tasyāsītpṛthivīpateḥ || 125 ||
[Analyze grammar]

dakṣiṇārthaṃ hi sā dattā saṃvartāya mahātmane |
duḥṣantaṃ pauravaṃ cāpi lebhe putramakalmaṣam || 126 ||
[Analyze grammar]

evaṃ yayāteḥ śāpena jarāsaṃkramaṇe tadā |
pauravaṃ turvasorvaṃśaḥ praviveśa nṛpottama || 127 ||
[Analyze grammar]

duḥṣantasya tu dāyādaḥ śarutthāmaḥ prajeśvaraḥ |
śarutthāmādathākrīḍaścatvārastasya cātmajāḥ || 128 ||
[Analyze grammar]

pāṇḍyaśca keralaścaiva kolaścolaśca pārthivaḥ |
teṣāṃ janapadāḥ sphītāḥ pāṇḍyaścolaśca keralāḥ || 129 ||
[Analyze grammar]

druhyostu tanayo rājanbabhrusenaśca pārthivaḥ |
aṅgārasetustatputro marutāṃ patirucyate || 130 ||
[Analyze grammar]

yauvanāśvena samare kṛcchreṇa nihato balī |
yuddhaṃ sumahadāsīddhi māsānpari caturdaśa || 131 ||
[Analyze grammar]

aṅgārasya tu dāyādo gāndhāro nāma pārthivaḥ |
khyāyate yasya nāmnā vai gāndhāraviṣayo mahān |
gāndhāradeśajāścaiva turagā vājināṃ varāḥ || 132 ||
[Analyze grammar]

anostu putro dharmo'bhūddhṛtastasyātmajo'bhavat |
dhṛtāttu duduho jajñe pracetāstasya cātmajaḥ |
pracetasaḥ sucetāstu kīrtitā hyanavo mayā || 133 ||
[Analyze grammar]

yadorvaṃśaṃpravakṣyāmi jyeṣṭhasyottamatejasaḥ || 133 ||
[Analyze grammar]

vistareṇanupūrvyā ca gadato me niśāmaya || 133 ||
[Analyze grammar]

yasya śravaṇamātreṇa pātakebhyaḥpramucyate || 133 ||
[Analyze grammar]

babhūvustu yadoḥ putrāḥ pañca devasutopamāḥ |
sahasradaḥ payodaśca kroṣṭā nīlo'ñjikastathā || 134 ||
[Analyze grammar]

sahasradasya dāyādāstrayaḥ paramadhārmikāḥ |
śatajinnāma pārthivaḥ |
śatajitaḥ sutāḥ khyātās |
hehayaśca hayaścaiva rājanveṇuhayastathā || 135 ||
[Analyze grammar]

hehayasyābhavatputro dharmanetra iti śrutaḥ |
dharmanetrasya kāntastu kāntaputrāstato'bhavan || 136 ||
[Analyze grammar]

sāhañjasya mahiṣmāṃstu bhadraśreṇyaścatatsutaḥ || 136 ||
[Analyze grammar]

sāhañjanī nāmapurī tena rājñā niveśitā || 136 ||
[Analyze grammar]

sāhañjasya tu dāyādo mahiṣmānnāma pārthivaḥ || 136 ||
[Analyze grammar]

māhiṣmatī nāma purī yena rājñā niveśitā || 136 ||
[Analyze grammar]

āsīnmahiṣmataḥ putro bhadraśreṇyaḥ pratāpavān || 136 ||
[Analyze grammar]

vārāṇasyadhipo rājā kathitaḥ pūrvameva tu || 136 ||
[Analyze grammar]

bhadraśreṇyasya dāyādo durdamo nāma viśrutaḥ || 136 ||
[Analyze grammar]

durdamasya suto dhīmān kanako nāma nāmataḥ || 136 ||
[Analyze grammar]

kanakasya tu dāyādāścatvāro lokaviśrutāḥ || 136 ||
[Analyze grammar]

kṛtavīryaḥ kṛtaujāśca kṛtadhanvā tathaiva ca |
kṛtāgniśca caturtho'bhūtkṛtavīryāttathārjunaḥ || 137 ||
[Analyze grammar]

yaḥ sa bāhusahasreṇa saptadvīpeśvaro'bhavat |
jigāya pṛthivīmeko rathenādityavarcasā || 138 ||
[Analyze grammar]

sa hi varṣaśataṃ taptvā tapaḥ paramaduścaram |
dattamārādhayāmāsa kārtavīryo'trisaṃbhavam || 139 ||
[Analyze grammar]

tasmai datto varānprādāccaturo bhūritejasaḥ |
pūrvaṃ bāhusahasraṃ tu prārthitaṃ paramaṃ varam || 140 ||
[Analyze grammar]

adharme dhīyamānasya sadbhiḥ syānme nibarhaṇam |
ugreṇa pṛthivīṃ jitvā dharmeṇaivānurañjanam || 141 ||
[Analyze grammar]

saṃgrāmān subahūñjitvā hatvā cārīn sahasraśaḥ |
saṃgrāme vartamānasya vadhaṃ cābhyadhikād raṇe || 142 ||
[Analyze grammar]

tasya bāhusahasraṃ tu yudhyataḥ kila bhārata |
yogād yogeśvarasyāgre prādurbhavati māyayā || 143 ||
[Analyze grammar]

teneyaṃ pṛthivī kṛtsnā saptadvīpā sapattanā |
sasamudrā sanagarā ugreṇa vidhinā jitā || 144 ||
[Analyze grammar]

tena saptasu dvīpeṣu sapta yajñaśatāni vai |
prāptāni vidhinā rājñā śrūyante janamejaya || 145 ||
[Analyze grammar]

sarve yajñā mahābāho tasyāsanbhūridakṣiṇāḥ |
sarve kāñcanayūpāśca sarve kāñcanavedayaḥ || 146 ||
[Analyze grammar]

sarve devairmahārāja vimānasthairalaṃkṛtāḥ |
gandharvairapsarobhiśca nityamevopaśobhitāḥ || 147 ||
[Analyze grammar]

yasya yajñe jagau gāthāṃ gandharvo nāradastathā |
varīdāsātmajo vidvānmahimnā tasya vismitaḥ || 148 ||
[Analyze grammar]

na nūnaṃ kārtavīryasya gatiṃ yāsyanti pārthivāḥ |
yajñairdānaistapobhirvā vikrameṇa śrutena vā || 149 ||
[Analyze grammar]

pañcāśītisahasrāṇi avyāhatabalaḥ samāḥ || 149 ||
[Analyze grammar]

akarodarjuno rājyaṃ hariṃ caivānvahaṃ smaran || 149 ||
[Analyze grammar]

anaṣṭavittasmaraṇe bubhuje'kṣayyaṣaḍvasu || 149 ||
[Analyze grammar]

sa hi saptasu dvīpeṣu khaḍgī carmī śarāsanī |
rathī dvīpānanucaranyogī saṃdṛśyate nṛbhiḥ || 150 ||
[Analyze grammar]

anaṣṭadravyatā caiva na śoko na ca vibhramaḥ || 150 ||
[Analyze grammar]

prabhāveṇa mahārājñaḥ prajā dharmeṇa rakṣataḥ || 150 ||
[Analyze grammar]

sa sarvaratnabhāksamrāṭ cakravartī babhūva ha || 150 ||
[Analyze grammar]

sa eva paśupālo'bhūtkṣetrapālaḥ sa eva ca || 150 ||
[Analyze grammar]

sa eva vṛṣṭyā parjanyo yogitvādarjuno'bhavat || 150 ||
[Analyze grammar]

sa vai bāhusahasreṇa jyāghātakaṭhinatvacā || 150 ||
[Analyze grammar]

bhāti raśmisahasreṇa śaradīva ca bhāskaraḥ || 150 ||
[Analyze grammar]

sa hi nāgānmanuṣyeṣu māhiṣmatyāṃ mahādyutiḥ || 150 ||
[Analyze grammar]

karkoṭakasutāñjitvā puryāṃ tasyāṃ nyaveśayat || 150 ||
[Analyze grammar]

sa vai vegaṃ samudrasya prāvṛṭkāle'mbujekṣaṇaḥ || 150 ||
[Analyze grammar]

krīḍanniva bhujodbhinnaṃ pratisrotaścakāra ha || 150 ||
[Analyze grammar]

luṇṭhitā krīḍatā tena phenasragdāmamālinī || 150 ||
[Analyze grammar]

caladūrmisahasreṇa śaṅkitābhyeti narmadā || 150 ||
[Analyze grammar]

tasya bāhusahasreṇa kṣubhyamāṇe mahodadhau || 150 ||
[Analyze grammar]

bhayānnilīnā niśceṣṭāḥ pātālasthā mahāsurāḥ || 150 ||
[Analyze grammar]

cūrṇīkṛtamahāvīciṃ calanmīnamahātimim || 150 ||
[Analyze grammar]

mārutāviddhaphenaughamāvartakṣobhaduḥsaham || 150 ||
[Analyze grammar]

prāvartayattadā rājā sahasreṇa ca bāhunā || 150 ||
[Analyze grammar]

devāsurasamākṣiptaḥ kṣīrodamiva mandaraḥ || 150 ||
[Analyze grammar]

mandarakṣobhacakitā amṛtotpādaśaṅkitāḥ || 150 ||
[Analyze grammar]

sahasotpatitā bhītā bhīmaṃ dṛṣṭvā nṛpottamam || 150 ||
[Analyze grammar]

natā niścalamūrdhāno babhūvuste mahoragāḥ || 150 ||
[Analyze grammar]

sāyāhne kadalīkhaṇḍaiḥ kampitāstasya vāyunā || 150 ||
[Analyze grammar]

sa vai baddhvā dhanurjyābhirutsiktaṃ pañcabhiḥ śaraiḥ || 150 ||
[Analyze grammar]

laṅkeśaṃ mohayitvā tu sabalaṃ rāvaṇaṃ balāt || 150 ||
[Analyze grammar]

nirjityaiva samānīya māhiṣmatyāṃ babandha tam || 150 ||
[Analyze grammar]

śrutvā tu baddhaṃ paulastyaṃ rāvaṇaṃ tvarjunena tu || 150 ||
[Analyze grammar]

tato gatvā pulastyastamarjunaṃ dadṛśe svayam || 150 ||
[Analyze grammar]

mumoca rakṣaḥ paulastyaṃ pulastyenānuyācitaḥ || 150 ||
[Analyze grammar]

yasya bāhusahasrasya babhūva jyātalasvanaḥ || 150 ||
[Analyze grammar]

yugānte tvambudasyeva sphuṭato hyaśaneriva || 150 ||
[Analyze grammar]

aho bata mṛdhe vīryaṃ bhārgavasya yadacchinat || 150 ||
[Analyze grammar]

rājño bāhusahasraṃ tu haimaṃ tālavanaṃ yathā || 150 ||
[Analyze grammar]

tṛṣitena kadā citsa bhikṣitaścitrabhānunā || 150 ||
[Analyze grammar]

pañcāśītisahasrāṇi varṣāṇāṃ vai narādhipaḥ || 150 ||
[Analyze grammar]

uvāsa tāmanusarannavagāḍhomahārṇavaṃ || 150 ||
[Analyze grammar]

cakāroddhatavelāntamakālaprāvṛḍuddhataṃ || 150 ||
[Analyze grammar]

sa bhikṣāmadadādvīraḥ sapta dvīpānvibhāvasoḥ |
purāṇigrāmaghoṣāṃśca viṣayāṃścaiva sarvaśaḥ |
jajvāla tasya sarvāṇi citrabhānurdidhakṣayā || sa tasya puruṣendrasya prabhāveṇa mahātmanaḥ |
dadāha kārtavīryasya śailāṃścaiva vanāni ca || sa śūnyamāśramaṃ ramyaṃ varuṇasyātmajasya vai |
dadāha balavadbhītaścitrabhānuḥ sa haihayaḥ |
yaṃ lebhe varuṇaḥ putraṃ purā bhāsvantamuttamam |
vasiṣṭhaṃ nāma sa muniḥ khyāta āpava ityuta |
yatrāpavastu taṃ krodhācchaptavānarjunaṃ vibhuḥ || 151 ||
[Analyze grammar]

yasmānna varjitamidaṃ vanaṃ te mama hehaya |
tasmātte duṣkaraṃ karma kṛtamanyo hariṣyati |
arjuno nāma kauravyaḥ pāṇḍavaḥ kuntinandanaḥ || 152 ||
[Analyze grammar]

rāmo nāmamahābāhurjāmadagnyaḥ pratāpavān || 152 ||
[Analyze grammar]

chittvā bāhusahasraṃ te pramathya tarasā balī |
tapasvī brāhmaṇaśca tvāṃ haniṣyati sa bhārgavaḥ || 153 ||
[Analyze grammar]

anaṣṭadravyatā yasya babhūvāmitrakarśana |
prabhāveṇa narendrasya prajā dharmeṇa rakṣataḥ || 154 ||
[Analyze grammar]

rāmāttato'sya mṛtyurvai tasya śāpānmahāmuneḥ |
varaścaiṣa hi kauravya svayameva vṛtaḥ purā || 155 ||
[Analyze grammar]

tasya putraśatasyāsanpañca śeṣā mahātmanaḥ |
kṛtāstrā balinaḥ śūrā dharmātmāno yaśasvinaḥ || 156 ||
[Analyze grammar]

śūrasenaśca śūraśca dhṛṣṭoktaḥ kṛṣṇa eva ca |
jayadhvajaśca nāmnāsīdāvantyo nṛpatirmahān |
kārtavīryasya tanayā vīryavanto mahārathāḥ || 157 ||
[Analyze grammar]

jayadhvajasya putrastu tālajaṅgho mahābalaḥ |
tasya putrāḥ śatākhyāstu tālajaṅghā iti śrutāḥ || 158 ||
[Analyze grammar]

teṣāṃ kule mahārāja hehayānāṃ mahātmanām |
vītihotrāḥ sujātāśca bhojāścāvantayastathā || 159 ||
[Analyze grammar]

tauṇḍikerā iti khyātāstālajaṅghāstathaiva ca |
bharatāśca sujātāśca bahutvānnānukīrtitāḥ || 160 ||
[Analyze grammar]

vṛṣaprabhṛtayo rājanyādavāḥ puṇyakarmiṇaḥ |
vṛṣo vaṃśadharastatra tasya putro'bhavanmadhuḥ |
madhoḥ putraśataṃ tvāsīdvṛṣaṇastasya vaṃśabhāk || 161 ||
[Analyze grammar]

vṛṣaṇādvṛṣṇayaḥ sarve madhostu mādhavāḥ smṛtāḥ |
yādavā yadunā cāgre nirucyante ca hehayāḥ || 162 ||
[Analyze grammar]

śūrāśca śūravīrāśca śūrasenāstathānagha || 162 ||
[Analyze grammar]

śūrasena iti khyātastasya deśo mahātmanaḥ || 162 ||
[Analyze grammar]

na tasya vittanāśaḥ syānnaṣṭaṃ pratilabhecca saḥ |
kārtavīryasya yo janma kathayediha nityaśaḥ || 163 ||
[Analyze grammar]

vittavāṃśca bhaveccaiva dharmaścaiva vivardhate || 163 ||
[Analyze grammar]

yathā sṛṣṭiryadorjātā tathā svarge mahīyate || 163 ||
[Analyze grammar]

janamejaya uvāca |
kimarthaṃ tadvanaṃ dagdhamāpavasya mahātmanaḥ || 163 ||
[Analyze grammar]

kārtavīryeṇa vikramya tanme brūhi prapṛcchataḥ || 163 ||
[Analyze grammar]

rakṣitā sa hi rājarṣiḥ prajānāmiti naḥ śrutam || 163 ||
[Analyze grammar]

kathaṃ sa rakṣitā bhūtvā nāśayāmāsa tadvanam || 163 ||
[Analyze grammar]

vaiśaṃpāyana uvāca |
ādityo viprarūpeṇa kārtavīryamupasthitaḥ || 163 ||
[Analyze grammar]

tṛptimekām prayacchasva ādityo'hamupasthitaḥ || 163 ||
[Analyze grammar]

arjuna uvāca |
bhagavan kena tṛptiste bhavedbrūhi vibhāvaso || 163 ||
[Analyze grammar]

kīdṛśaṃ bhojanaṃ dadmi śrutvā te vidadhāmyaham || 163 ||
[Analyze grammar]

vibhāvasuruvāca |
sthāvaraṃ dehi me sarvamāhāraṃ vadatāṃ vara || 163 ||
[Analyze grammar]

tena tṛpsirbhavenmahyaṃ tena tuṣṭiśca pārthiva || 163 ||
[Analyze grammar]

arjuna uvāca |
na śakyaṃ sthāvaraṃ sarvaṃ tejasā mānuṣeṇa tu || 163 ||
[Analyze grammar]

nirdagdhuṃ tapatāṃ śreṣṭha tvāmeva praṇamāmyaham || 163 ||
[Analyze grammar]

āditya uvāca |
tuṣṭaste'haṃ śarāndadmi cākṣayān sarvatomukhān || 163 ||
[Analyze grammar]

ye prakṣiptāḥ saṃjvalanti mama tejaḥsamanvitāḥ || 163 ||
[Analyze grammar]

āviṣṭastejasā me'dya sthāvaraṃ śoṣayiṣyasi || 163 ||
[Analyze grammar]

śuṣkaṃ bhasma kariṣyāmi tena tṛptirnarādhipa || 163 ||
[Analyze grammar]

tataḥ śarāṃstadādityo arjunāya tadā dadau || 163 ||
[Analyze grammar]

tataḥ sa prācyamadahatsthāvaraṃ sarvameva tat || 163 ||
[Analyze grammar]

āśramānatha grāmāṃśca ghoṣāṃśca nagarāṇyapi || 163 ||
[Analyze grammar]

tapovanāni ramyāṇi vanānyupavanāni ca || 163 ||
[Analyze grammar]

evaṃ sa prācyamadahattataḥ sarvaṃ pradakṣiṇam || 163 ||
[Analyze grammar]

nirvṛkṣā nistṛṇā bhūmirdagdhā sā yogatejasā || 163 ||
[Analyze grammar]

etasminneva kāle tu āpavo jalamāśritaḥ || 163 ||
[Analyze grammar]

daśa varṣasahasrāṇi jalavāsī mahānṛṣiḥ || 163 ||
[Analyze grammar]

pūrṇe vrate mahātejā udatiṣṭhanmahānṛṣiḥ || 163 ||
[Analyze grammar]

krodhācchaśāpa rājarṣiṃ kīrtitaṃ vai yathā mayā || 163 ||
[Analyze grammar]

ete yayātiputrāṇāṃ pañca vaṃśā viśāṃ pate |
kīrtitā lokavīrāṇāṃ ye lokāndhārayanti vai |
bhūtānīva mahārāja pañca sthāvarajaṅgamam || 164 ||
[Analyze grammar]

śrutvā pañcavisargaṃ tu rājā dharmārthakovidaḥ |
vaśī bhavati pañcānāmātmajānāṃ tatheśvaraḥ || 165 ||
[Analyze grammar]

labhetpañca varāṃścaiṣa durlabhāniha laukikān |
āyuḥ kīrtiṃ dhanaṃ putrānaiśvaryaṃ bhūya eva ca |
dhāraṇācchravaṇāccaiva pañcavargasya bhārata || 166 ||
[Analyze grammar]

lobhate manujaḥ śraiṣṭhyaṃ sarvapāpaiḥ pramucyate || 166 ||
[Analyze grammar]

kroṣṭostu śṛṇu rājendra vaṃśamuttamapūruṣam |
yadorvaṃśadharasyeha yajvanaḥ puṇyakarmaṇaḥ || 167 ||
[Analyze grammar]

kroṣṭorhi vaṃśaṃ śrutvemaṃ sarvapāpaiḥ pramucyate |
yasyānvavāyajo viṣṇurharirvṛṣṇikulaprabhuḥ || 168 ||
[Analyze grammar]