Chapter 20

vaiśaṃpāyana uvāca etasminnantare prāptā lokaprāvṛttikā narāḥ || 1 ||
[Analyze grammar]

cakrāyudhagṛhaṃ sarve lokapālagṛ hopamam || 2 ||
[Analyze grammar]

teṣvātyayikaśaṃsīṣu lokaprāvṛttikeṣviha || 3 ||
[Analyze grammar]

kṛtasaṃjñā yaduśreṣṭhāḥ samīyuḥ kṛṣṇasaṃsadi || 4 ||
[Analyze grammar]

samāgateṣu sarveṣu yadumukhyeṣu saṃsadi || 5 ||
[Analyze grammar]

prāvṛttikā narāḥ prāhuḥ pārthivātyayikaṃ vacaḥ || 6 ||
[Analyze grammar]

janārdana narendrāṇāṃ pārthivānāṃ samāgamaḥ || 7 ||
[Analyze grammar]

bhavīṣyati kṣitīśānāṃ sumahānityanekaśaḥ || 8 ||
[Analyze grammar]

tvaritāstatra gacchanti nānājanapadeśvarāḥ || 9 ||
[Analyze grammar]

kuṇḍine puṇḍarīkākṣa bhojaputrasya śāsanāt || 10 ||
[Analyze grammar]

prakāśaṃ sma kathāstatra śrūyante manujeritāḥ || 11 ||
[Analyze grammar]

rukmiṇī kila nānmā strī rukmiṇaḥ prathitā svasā || 12 ||
[Analyze grammar]

bhāvī svayaṃvarastatra tasyāḥ kila janārdana || 13 ||
[Analyze grammar]

ityarthamete nṛvarā gacchanti sabalānugāḥ || 14 ||
[Analyze grammar]

tasyāstrilokasundaryāstṛtīye'hani yādava || 15 ||
[Analyze grammar]

rukmabhūṣaṇabhūṣiṇyā bhaviṣyati svayaṃvaraḥ || 16 ||
[Analyze grammar]

rājñāṃ tatra sametānāṃ hastyaśvarathagāminām || 17 ||
[Analyze grammar]

drakṣyāmaḥ śataśastatra śibirāṇi mahātmanām || 18 ||
[Analyze grammar]

siṃhaśārdūladarpāṇāṃ mattadviradagāminām || 19 ||
[Analyze grammar]

sadā yuddhapriyāṇāṃ hi parasparamamarṣiṇām || 20 ||
[Analyze grammar]

jayāya śīghraṃ sahitā balaughena samanvitāḥ || 21 ||
[Analyze grammar]

niruddhāḥ pṛthivīpālāḥ kimekāntacarā vayam || 22 ||
[Analyze grammar]

nirutsāhā bhaviṣyāmo gacchāmo yadusattama || 23 ||
[Analyze grammar]

śrutvaitatkeśavo vākyaṃ hṛdi śalyamivārpitam || 24 ||
[Analyze grammar]

nirjagāma yaduśreṣṭho yadūnāṃ sahito balaiḥ || 25 ||
[Analyze grammar]

yādavāste balodagrāḥ sarve saṃgrāmalālasāḥ || 26 ||
[Analyze grammar]

niryayuḥ syandanairdivyairgarvitāstridaśā iva || 27 ||
[Analyze grammar]

balāgreṇa niyuktena harirīśānasamitaḥ || 28 ||
[Analyze grammar]

cakrodyatakaraḥ kṛṣṇo gadāpāṇirvyarocata || 29 ||
[Analyze grammar]

kṛṣṇo'pi hi gadāpāṇiḥ śārṅgaśaṅkhagadāsibhṛt || 29 ||
[Analyze grammar]

yādavāścāpare tatra vāsudevānuyāyinaḥ || 30 ||
[Analyze grammar]

rathairādityasaṃkaśaiḥ kiṃkiṇīpratināditaiḥ || 31 ||
[Analyze grammar]

anvayuḥ puṇḍarīkākṣaṃ sa uvāca yaduprabhum || 31 ||
[Analyze grammar]

nānāśāktipraharaṇaiḥ svānugaiḥ parivāritaḥ || 31 ||
[Analyze grammar]

ugrasenaṃ tu govindaḥ prāha niścitadarśanaḥ || 32 ||
[Analyze grammar]

tiṣṭha tvaṃ nṛpaśārdūla bhrātrā me sahito'nagha || 33 ||
[Analyze grammar]

kṣatriyā nikṛtiprajñāḥ śāstrajñāśchidradarśinaḥ || 34 ||
[Analyze grammar]

purīṃ śūnyāmimāṃ vīra jaghanyāḥ pīḍayanti naḥ || 35 ||
[Analyze grammar]

asmākaṃ śaṅkitāḥ sarve jarāsaṃdhavaśānugāḥ || 36 ||
[Analyze grammar]

modante sukhinastatra devaloke yathāmarāḥ || 37 ||
[Analyze grammar]

tasya tadvacanaṃ śrutvā bhojarajo mahāyaśāḥ || 38 ||
[Analyze grammar]

kṛṣṇasnehena vikṛtaṃ babhāṣe vacanāmṛtam || 39 ||
[Analyze grammar]

kṛṣṇa kṛṣṇa mahābāho yadūnāṃ nandivardhana || 40 ||
[Analyze grammar]

śrūyatāṃ yadahaṃ tvadya vakṣyāmi ripusūdana || 41 ||
[Analyze grammar]

tvayā vihināḥ sarve sma na śaktāḥ sukhamāsitum || 42 ||
[Analyze grammar]

pure'sminviṣayānte vā patihīnā iva striyaḥ || 43 ||
[Analyze grammar]

tvatsanāthā vayaṃ tāta tvadbāhubalamāśritāḥ || 44 ||
[Analyze grammar]

bibhīmo na narendrāṇāṃ sendrāṇāmapi mānada || 45 ||
[Analyze grammar]

vijayāya yaduśreṣṭha yatra yatra gamiṣyasi || 46 ||
[Analyze grammar]

tatra tvaṃ sahito'smābhirgacchethā yādavarṣabha || 47 ||
[Analyze grammar]

tasya rājño vacaḥ śrutvā sasmitaṃ devakīsutaḥ || 48 ||
[Analyze grammar]

yatheṣṭaṃ bhavatāmadya tathā kartāsmyasaṃśayam || 49 ||
[Analyze grammar]

vaiśaṃpāyana uvāca evamuktvā tu kṛṣṇo hi jagāmāśu rathena vai || 50 ||
[Analyze grammar]

bhīṣmakasya gṛhaṃ prāpto lohitāyati bhāskare || 51 ||
[Analyze grammar]

prāpte rājasamāje tu śibirākīrṇabhūtale || 52 ||
[Analyze grammar]

raṅgaṃ suvipulaṃ dṛṣṭvā rājasīṃ tanumāviśat || 53 ||
[Analyze grammar]

vitrāsanārthaṃ bhūpānāṃ prakāśārthaṃ purātanam || 54 ||
[Analyze grammar]

manasā cintayāmāsa vainateyaṃ mahābalam || 55 ||
[Analyze grammar]

tataścintitamātrastu viditvā vinatātmajaḥ || 56 ||
[Analyze grammar]

sukhalakṣyaṃ vapuḥ kṛtvā nililye keśavāntike || 57 ||
[Analyze grammar]

tasya pakṣanipātena pavanodbhrāntakāriṇā || 58 ||
[Analyze grammar]

kampitā manujāḥ sarve nyubjāśca patitā bhuvi || 59 ||
[Analyze grammar]

śirobhiḥ patitāḥ sarve prāvepanta yathoragāḥ || 60 ||
[Analyze grammar]

tān saṃnipatitāndṛṣṭvā kṛṣṇo giririvācalaḥ || 61 ||
[Analyze grammar]

sa tadā pakṣavātena mene patagasattamam || 62 ||
[Analyze grammar]

dadarśa garuḍaṃ prāptaṃ divyasraganulepanam || 63 ||
[Analyze grammar]

pakṣavātena pṛthivīṃ cālayantaṃ muhurmuhuḥ || 64 ||
[Analyze grammar]

pṛṣṭāsaktaiḥ praharaṇairlelihadbhirivoragaiḥ || 65 ||
[Analyze grammar]

vaiṣṇavaṃ hastasaṃśleṣaṃ nāmyamānamadhomukham || 66 ||
[Analyze grammar]

caraṇābhyāṃ prakarṣantaṃ pāṇḍuraṃ bhogināṃ varam || 67 ||
[Analyze grammar]

hemapatrairupacitaṃ dhātumantamivācalam || 68 ||
[Analyze grammar]

amṛtārambhahartāraṃ dvijihvendravināśanam || 69 ||
[Analyze grammar]

trāsanaṃ daityasaṃghānāṃ vāhanaṃ dhvajalakṣaṇam || 70 ||
[Analyze grammar]

taṃ dṛṣṭvā sa dhvajaṃ prāptaṃ sacivaṃ sāṃparāyikam || 71 ||
[Analyze grammar]

dhṛtimantaṃ garutmantaṃ jagāda madhusūdanaḥ || 72 ||
[Analyze grammar]

dṛṣṭvā paramasaṃhṛṣṭaḥ sthitaṃ dehamivāparam || 73 ||
[Analyze grammar]

tulyasāmarthyayā vācā garutmantamupasthitam || 74 ||
[Analyze grammar]

jagāma tridivaśreṣṭhaṃ bhojasyāntaḥpuraṃ mahat || 74 ||
[Analyze grammar]

svāgataṃ khecaraśreṣṭha surasenārimardana || 75 ||
[Analyze grammar]

vinatāhṛdayānanda svāgataṃ keśavapriya || 76 ||
[Analyze grammar]

vraja patrivaraśreṣṭha kaiśikasya niveśanam || 77 ||
[Analyze grammar]

vayaṃ tatraiva gatvādya pratīkṣāmaḥ svayaṃvaram || 78 ||
[Analyze grammar]

rājñāṃ tatra sametānāṃ hastyaśvarathagāminām || 79 ||
[Analyze grammar]

drakṣyāmaḥ śataśastatra sametānāṃ mahātmanām || 80 ||
[Analyze grammar]

evamuktvā mahābāhurvainateyaṃ mahābalam || 81 ||
[Analyze grammar]

jagāmātha purīṃ kṛṣṇaḥ kaiśikasya mahātmanaḥ || 82 ||
[Analyze grammar]

vainateyasakhaḥ śrīmānyādavaiśca mahārathaiḥ || 83 ||
[Analyze grammar]

vidarbhanagarīṃ prāpte kṛṣṇe devakinandane || 84 ||
[Analyze grammar]

hṛṣṭāḥ pramuditāḥ sarve niveśāyopacakramuḥ || 85 ||
[Analyze grammar]

sarve śastrāyudhadharā rājāno balaśālinaḥ || 86 ||
[Analyze grammar]

etasminneva kale tu rājā nayaviśāradaḥ || 87 ||
[Analyze grammar]

kaiśikaḥ prati cotthāya prahṛṣṭenāntarātmanā || 88 ||
[Analyze grammar]

arghamācamanaṃ dattvā sa rājā kaiśikaḥ svayam || 89 ||
[Analyze grammar]

satkṛtya vidhivatkṛṣṇaṃ svapuraṃ saṃpraveśayat || 90 ||
[Analyze grammar]

pūrvameva tu kṛṣṇāya kāritaṃ divyamandiram || 91 ||
[Analyze grammar]

viveśa sabalaḥ śrīmān kailāsaṃ śaṃkaro yathā || 92 ||
[Analyze grammar]

khādyapānādiratnaughairarcito vāsavānujaḥ || 93 ||
[Analyze grammar]

sukhenaivoṣitaḥ kṛṣṇastasya rājño niveśane || 94 ||
[Analyze grammar]

pūjito bahumānena snehapūrṇena cetasā || 95 ||
[Analyze grammar]

vaiśaṃpāyana uvāca te kṛṣṇamāgataṃ dṛṣṭvā vaineteyaṃ mahādyutim || 96 ||
[Analyze grammar]

babhūvuścintayāviṣṭāḥ sarve nṛpatisattamāḥ || 97 ||
[Analyze grammar]

te sametya gatā rājan rājāno bhīmavikramāḥ || 98 ||
[Analyze grammar]

mantrāya mantrakuśalā nītiśāstrārthavittamāḥ || 99 ||
[Analyze grammar]

bhīṣmakasya sabhāṃ gatvā ramyāṃ hemapariṣkṛtām || 100 ||
[Analyze grammar]

siṃhāsaneṣu citreṣu vicitrāstaraṇeṣu ca || 101 ||
[Analyze grammar]

niṣeduste nṛpavarā devā devasabhāmiva || 102 ||
[Analyze grammar]

bhayasaṃvignamanaso babhūvuścintayāvitāḥ || 102 ||
[Analyze grammar]

athābravījjarāsaṃdho vacanaṃ vadatāṃ varaḥ || 102 ||
[Analyze grammar]

teṣāṃ madhye mahābāhurjarāsaṃdho mahābalaḥ || 103 ||
[Analyze grammar]

babhāṣe sumahātejā devāndeveśvaro yathā || 104 ||
[Analyze grammar]

śrūyatāṃ bho nṛpaśreṣṭhā bhīṣmakaśca mahāmatiḥ || 105 ||
[Analyze grammar]

kathyamānaṃ yathābuddhyā vacanaṃ vadatāṃ varāḥ || 106 ||
[Analyze grammar]

yo'sau kṛṣṇa iti khyāto vasudevasuto balī || 107 ||
[Analyze grammar]

vainateyasahāyena saṃprāpta iha kuṇḍinam || 108 ||
[Analyze grammar]

kanyāhetormahātejā yādavairabhisaṃvṛtaḥ || 109 ||
[Analyze grammar]

avaśyaṃ kurute yatnaṃ kanyāvāptiryathā bhavet || 110 ||
[Analyze grammar]

yadatra kāraṇaṃ kāryaṃ sunayopetavad hitam || 111 ||
[Analyze grammar]

kurudhvaṃ nṛpaśārdūlā viniścitya balābalam || 112 ||
[Analyze grammar]

pādātau tau mahāvīryau vasudevasutāv ubhau || 113 ||
[Analyze grammar]

vainateyaṃ vinā tasmin gomante parvatottame || 114 ||
[Analyze grammar]

yatkṛtaṃ sumahadghoraṃ bhavadbhirviditaṃ hi tat || 115 ||
[Analyze grammar]

kṛṣṇasya yādavaiścaiva bhojāndhakamahārathaiḥ || 116 ||
[Analyze grammar]

sametya yudhyamānasya kīdṛśo vigraho bhavet || 117 ||
[Analyze grammar]

kanyārthe yatamānena garuḍasthena viṣṇunā || 118 ||
[Analyze grammar]

kaḥ sthāsyati raṇe tasminnapi śakraḥ suraiḥ saha || 119 ||
[Analyze grammar]

yadā cāsmai nāpi sutā kadācitsaṃpradīyate || 120 ||
[Analyze grammar]

tato hyayaṃ balādenāṃ netuṃ śaktaḥ suraiḥ saha || 121 ||
[Analyze grammar]

purā ekārṇave ghore śrūyate medinī tviyam || 122 ||
[Analyze grammar]

pātālasya tale magnā viṣṇunā prabhaviṣṇunā || 123 ||
[Analyze grammar]

vārāhaṃ rūpamāsthāya uddhṛtā jagadādinā || 124 ||
[Analyze grammar]

hiraṇyākṣaśca daityendro varāheṇa nipātitaḥ || 125 ||
[Analyze grammar]

hiraṇyakaśipuścaiva mahābalaparākramaḥ || 126 ||
[Analyze grammar]

mahāvīryo mahānāsītsarvadaityapitāmahaḥ || 126 ||
[Analyze grammar]

avadhyo'maradaityānāmṛṣigandharvakiṃnaraiḥ || 127 ||
[Analyze grammar]

yakṣarākṣasanāgānāṃ nākāśe nāvanisthale || 128 ||
[Analyze grammar]

na cābhyantararātryahnorna śūṣkeṇārdrakena ca || 129 ||
[Analyze grammar]

avadhyastriṣu lokeṣu daityendro hyaparājitaḥ || 130 ||
[Analyze grammar]

nārasiṃhena rūpeṇa nihato viṣṇunā purā || 131 ||
[Analyze grammar]

vāmanena tu rūpeṇa kaśyapasyātmajo balī || 132 ||
[Analyze grammar]

adityā garbhasaṃbhūto baliṃ badhvāsurottamam || 133 ||
[Analyze grammar]

satyarajjumayaiḥ pāśaiḥ kṛtaḥ pātālasaṃśrayaḥ || 134 ||
[Analyze grammar]

kārtavīryo mahāvīryaḥ sahasrabhujavigrahaḥ || 135 ||
[Analyze grammar]

dattātreyaprasādena matto rājyamadena ca || 136 ||
[Analyze grammar]

jāmadagnyo mahātejā reṇukāgarbhasaṃbhavaḥ || 137 ||
[Analyze grammar]

tretādvāparayoḥ saṃdhau rāmaḥ śāstrabhṛtāṃ varaḥ || 138 ||
[Analyze grammar]

parśunā vajrakalpena saptadvīpeśvaro nṛpaḥ || 139 ||
[Analyze grammar]

viṣṇunā nihato bhūyaśchadmarūpeṇa haihayaḥ || 140 ||
[Analyze grammar]

ikṣvākukulasaṃbhūto rāmo dāśarathi purā || 141 ||
[Analyze grammar]

trilokajayinaṃ vīraṃ rāvaṇaṃ vinyapātayat || 142 ||
[Analyze grammar]

purā kṛtayuge viṣṇuḥ saṃgrāme tārakāmaye || 143 ||
[Analyze grammar]

ṣoḍaśārdhabhujo bhūtvā garuḍastho hi vīryavān || 144 ||
[Analyze grammar]

nijaghānāsurānyuddhe varadānena darpitān || 145 ||
[Analyze grammar]

kālanemiśca daityo vai devatānāṃ bhayapradaḥ || 146 ||
[Analyze grammar]

sahasrakiraṇābhena cakreṇa nihato yudhi || 147 ||
[Analyze grammar]

mahāyogabalenājau viśvarūpeṇa viṣṇunā || 148 ||
[Analyze grammar]

antaraṃ prāpya kālasya nihatā bahavo'surāḥ || 149 ||
[Analyze grammar]

vane vanacarā daityā mahābalaparākramāḥ || 150 ||
[Analyze grammar]

nihatā bālabhāvena pralambāriṣṭadhenukāḥ || 151 ||
[Analyze grammar]

śakunīṃ keśinaṃ caiva yamalārjunakāvapi || 152 ||
[Analyze grammar]

nāgaṃ kuvalayāpīḍaṃ cāṇūraṃ muṣṭikaṃ tathā || 153 ||
[Analyze grammar]

kaṃsaṃ ca balināṃ śreṣṭhaṃ sagaṇaṃ devakīsutaḥ || 154 ||
[Analyze grammar]

nihatya gopaveṣeṇa krīḍayāmāsa keśavaḥ || 155 ||
[Analyze grammar]

evamādīni divyāni chadmarūpāni viṣṇunā || 156 ||
[Analyze grammar]

kṛtāni tatra tatraiva viṣṇunā prabhaviṣṇunā || 157 ||
[Analyze grammar]

tenāhaṃ vaḥ pravakṣyāmi bhavatāṃ hitakāmyayā || 158 ||
[Analyze grammar]

taṃ manye keśavaṃ viṣṇuṃ surādyamasurāntakam || 159 ||
[Analyze grammar]

nārāyaṇaṃ jagadyoniṃ purāṇaṃ puruṣaṃ dhruvam || 160 ||
[Analyze grammar]

sraṣṭāraṃ sarvabhūtānāṃ vyaktāvyaktaṃ sanātanam || 161 ||
[Analyze grammar]

adhṛṣyaṃ sarvalokānāṃ sarvabhūtanamaskṛtam || 162 ||
[Analyze grammar]

anādimadhyanidhanaṃ kṣaramakṣaraśāśvatam || 163 ||
[Analyze grammar]

svayaṃbhuvamajaṃ sthāṇumajeyaṃ sacarācaraiḥ || 164 ||
[Analyze grammar]

trivikramaṃ trilokeśaṃ tridaśendrārināśanam || 165 ||
[Analyze grammar]

iti me niścitā buddhirjāto'yaṃ mathurādhipaḥ || 166 ||
[Analyze grammar]

kule mahati vai rājñāṃ vipule cakravartinām || 167 ||
[Analyze grammar]

kathamanyasya martyasya garuḍo vāhanaṃ bhavet || 168 ||
[Analyze grammar]

viśeṣeṇa tu kanyārthe vikramasthe janārdane || 169 ||
[Analyze grammar]

kaḥ sthāsyati pumānadya garuḍasyāgrato balī || 170 ||
[Analyze grammar]

svayaṃvarakṛtenāsau viṣṇuḥ svayamihāgataḥ || 171 ||
[Analyze grammar]

viṣṇorāgamane caiva mahāndoṣaḥ prakīrtitaḥ || 172 ||
[Analyze grammar]

bhavadbhiranucintyedaṃ kriyatāṃ yadanantaram || 173 ||
[Analyze grammar]

evaṃ bruvāṇaṃ taṃ bhūpaṃ magadhānāṃ janeśvaram || 174 ||
[Analyze grammar]

sunītho'tha mahāprājño vacanaṃ cedamabravīt || 175 ||
[Analyze grammar]

samyagāha mahābāhurmagadhādhipatirnṛpaḥ || 176 ||
[Analyze grammar]

samakṣaṃ naradevānāṃ yathā vṛttaṃ mahāhave || 177 ||
[Analyze grammar]

gomante rāmakṛṣṇābhyāṃ kṛtaṃ karma suduṣkaram || 178 ||
[Analyze grammar]

gajāśvarathasaṃbādhā pattidhvajasamākulā || 179 ||
[Analyze grammar]

nirdagdhā mahatī senā cakralāṅgalavahninā || 180 ||
[Analyze grammar]

tenāyaṃ māgadhaḥ śrīmānanāgatamacintayat || 181 ||
[Analyze grammar]

brūte ca rājasenāyāmanusmṛtya sudāruṇam || 182 ||
[Analyze grammar]

padātyoryudhyatostatra balakeśavayoryudhi || 183 ||
[Analyze grammar]

durnivāryataro ghoro hyabhavadvāhinīkṣayaḥ || 184 ||
[Analyze grammar]

viditaṃ vaḥ suparṇasya āgatasya nṛpottamāḥ || 185 ||
[Analyze grammar]

pakṣavegāniloddhūtā babhramurgaganecarāḥ || 186 ||
[Analyze grammar]

samudrāḥ kṣubhitāḥ sarve cacālādrirmahī muhuḥ || 187 ||
[Analyze grammar]

vayaṃ sarve susaṃtrastaḥ kimutpāteti viklavāḥ || 188 ||
[Analyze grammar]

yadā saṃnahya yudhyeta ārūḍhaḥ keśavena saḥ || 189 ||
[Analyze grammar]

kathamasmadvidhaḥ śaktaḥ pratisthātuṃ raṇājire || 190 ||
[Analyze grammar]

rājñāṃ svayaṃvare nāma sumahān harṣavardhanaḥ || 191 ||
[Analyze grammar]

kṛto naravarairādyairyaśodharmasya vai nidhiḥ || 192 ||
[Analyze grammar]

idaṃ tu kuṇḍinagaramāsādya manujeśvarāḥ || 193 ||
[Analyze grammar]

na purevaiṣyate nūnaṃ mahāpuruṣavigrahaḥ || 194 ||
[Analyze grammar]

yadi sā varayedanyaṃ rājñāṃ madhye nṛpātmajā || 195 ||
[Analyze grammar]

kṛṣṇasya bhujayorvīryaṃ kaḥ pumānprasahiṣyati || 196 ||
[Analyze grammar]

vikhyāpitastu doṣo'yaṃ svayaṃvaramahotsave || 197 ||
[Analyze grammar]

tadarthamāgataḥ kṛṣṇo vayaṃ caiva narādhipāḥ || 198 ||
[Analyze grammar]

kṛṣṇāsyāgamanaṃ caiva nṛpāṇāmatigarhitam || 199 ||
[Analyze grammar]

kanyāhetornarendrānāṃ yathā vadati māgadhaḥ || 200 ||
[Analyze grammar]

vaiśaṃpāyana uvāca ityevamukte vacane sunīthena mahātmanā || 201 ||
[Analyze grammar]

karūṣādhipatirvīro dantavaktro'bhyabhāṣata || 202 ||
[Analyze grammar]

yaduktaṃ māgadhendreṇa sunīthena narādhipāḥ || 203 ||
[Analyze grammar]

yuktapūrvamidaṃ manye yadasmākaṃ vaco hitam || 204 ||
[Analyze grammar]

na ca vidveṣaṇenāhaṃ na cāhaṃkāravādinā || 205 ||
[Analyze grammar]

na cātmavijigīṣutvāddūṣayāmi vaco'mṛtam || 206 ||
[Analyze grammar]

vākyārṇavaṃ mahāgādhaṃ nītiśāstrārthabṛṃhitam || 207 ||
[Analyze grammar]

ka eṣa nikhilaṃ vaktuṃ śakto vai rājasaṃsadi || 208 ||
[Analyze grammar]

kiṃ tvanusmaraṇārthe'haṃ yadbravīmi śṛṇuṣva me || 209 ||
[Analyze grammar]

āgato vāsudeveti kimāśvaryaṃ narādhipāḥ || 210 ||
[Analyze grammar]

yathāgatā vayaṃ sarve kṛṣṇo'pīha tathāgataḥ || 211 ||
[Analyze grammar]

kimatra doṣo gauṇo vā kanyāhetoḥ samāgatāḥ || 212 ||
[Analyze grammar]

yadasmābhiḥ sametyaiva kṛtaṃ gomantarodhanam || 213 ||
[Analyze grammar]

tatra yuddhakṛtaṃ doṣaṃ kathaṃ vaḥ kartumarhatha || 214 ||
[Analyze grammar]

vanavāse sthitau vīrau kaṃsavyāmohahetunā || 215 ||
[Analyze grammar]

devarṣivacanād rājanvṛndāvanataṭe sthitau || 216 ||
[Analyze grammar]

tāvāhūya vadhārthāya ubhau rāmajanārdanau || 217 ||
[Analyze grammar]

nāgenoddīpitau vīrau hatvā nāgaṃ viveśatuḥ || 218 ||
[Analyze grammar]

tataḥ svavīryamāśritya nihato raṅgasāgare || 219 ||
[Analyze grammar]

gatāsuriva cāsīno mathureśaṃ sahānugaḥ || 220 ||
[Analyze grammar]

kimatra vihito doṣo yenāsmābhirvayodhikaiḥ || 221 ||
[Analyze grammar]

uparodhaparā rājanvayaṃ sarve samāgatāḥ || 222 ||
[Analyze grammar]

senātibalamālokya vitrastau rāmakeśavau || 223 ||
[Analyze grammar]

puraṃ balaṃ samutsṛjya gomantaṃ parvataṃ gatau || 224 ||
[Analyze grammar]

tatrāpi gatamasmābhirhantuṃ samarayodhibhiḥ || 225 ||
[Analyze grammar]

aprāptayauvanābhyāṃ ca padātibhyāṃ raṇājire || 226 ||
[Analyze grammar]

rathāśvanaranāgena tatra vai vigrahaḥ kṛtaḥ || 227 ||
[Analyze grammar]

kṛtvoparodhaṃ śailaḥ sa kṣatradharmeṇa dīpitaḥ || 228 ||
[Analyze grammar]

dāvāgnimukhamāviśya mṛtau yadi tapasvinau || 229 ||
[Analyze grammar]

vinītāviti manyāmaḥ sarve kṣatriyapuṃgavāḥ || 230 ||
[Analyze grammar]

pratiyuddhe kṛte tvevaṃ dūṣayāmo janārdanam || 231 ||
[Analyze grammar]

yatra yatra prayāsyāmo vayaṃ tatra bhavetkaliḥ || 232 ||
[Analyze grammar]

prītyarthaṃ prayatiṣyāmaḥ kṛṣṇena saha bhūmipāḥ || 233 ||
[Analyze grammar]

idaṃ kuṇḍipuraṃ kṛṣṇo nāgataḥ kalihetunā || 234 ||
[Analyze grammar]

kanyānimittāgamane kasya yuddhaṃ prayacchati || 235 ||
[Analyze grammar]

martye'sminpuruṣendro'sau na kaścitprākṛto naraḥ || 236 ||
[Analyze grammar]

devaloke ca deveśaḥ pravaraḥ puruṣottamaḥ || 237 ||
[Analyze grammar]

devānāmapi kartāsau lokānāṃ ca viśeṣataḥ || 238 ||
[Analyze grammar]

na deve bāliśā buddhirna cerṣyā na ca matsaraḥ || 239 ||
[Analyze grammar]

na stabdho na kṛśo nārtaḥ praṇatārtiharaḥ sadā || 240 ||
[Analyze grammar]

eṣa viṣṇuḥ prabhurdevo devānāmapi daivatam || 241 ||
[Analyze grammar]

āgato garuḍeneha chadmaprākāśyahetunā || 242 ||
[Analyze grammar]

na senāsahito yāti kṛṣṇaḥ śatruvināśane || 243 ||
[Analyze grammar]

iyaṃ yātrā vijānīdhvaṃ prītyarthaṃ hyāgato hariḥ || 244 ||
[Analyze grammar]

sahīto yādavendraiśca bhojavṛṣṇyandhakairiha || 245 ||
[Analyze grammar]

arghamācamanīyaṃ ca dattvātithyaṃ narādhipāḥ || 246 ||
[Analyze grammar]

kariṣyāmo vayaṃ sarve keśavāya mahātmane || 247 ||
[Analyze grammar]

evaṃ saṃdhānataḥ kṛtvā kṛṣṇena sahitā vayam || 248 ||
[Analyze grammar]

vasāma vigatodvegā nirbhayā vigatajvarāḥ || 249 ||
[Analyze grammar]

tasya tadvacanaṃ śrutvā dantavaktrasya dhīmataḥ || 250 ||
[Analyze grammar]

sālvaḥ pravadatāṃ śreṣṭhastānuvāca narādhipān || 251 ||
[Analyze grammar]

kiṃ bhayenāsya naḥ sarve nyastaśastrā bhavāmahe || 252 ||
[Analyze grammar]

saṃdhānakaraṇe hetoḥ kṛṣṇasya bhayakampitāḥ || 253 ||
[Analyze grammar]

parastavena kiṃ kāryaṃ vinindya balamātmanaḥ || 254 ||
[Analyze grammar]

naiṣa dharmo narendrāṇāṃ kṣatradharme vyavasthitaḥ || 255 ||
[Analyze grammar]

mahatsu rājavaṃśeṣu saṃbhūtāḥ kulavardhanāḥ || 256 ||
[Analyze grammar]

teṣāṃ kāpuruṣā buddhiḥ kathaṃ bhavitumarhati || 257 ||
[Analyze grammar]

ahaṃ jānāmi vai kṛṣṇamādidevaṃ sanātanam || 258 ||
[Analyze grammar]

prabhuṃ sarvanarendrāṇāṃ nārāyaṇaparāyaṇam || 259 ||
[Analyze grammar]

vaikuṇṭhamajayaṃ loke carācaraguruṃ harim || 260 ||
[Analyze grammar]

saṃbhūtaṃ devakīgarbhe viṣṇuṃ lokanamaskṛtam || 261 ||
[Analyze grammar]

kaṃsarājavadhāyārthāya bhārāvataraṇāya ca || 262 ||
[Analyze grammar]

asmākaṃ ca vināśāya lokasaṃrakṣaṇāya ca || 263 ||
[Analyze grammar]

aṃśāvataraṇe kṛtsnaṃ jāne viṣṇorviceṣṭitam || 264 ||
[Analyze grammar]

saṃgrāmamatulaṃ kṛtvā viṣṇunā saha bhūmipāḥ || 265 ||
[Analyze grammar]

cakrānalavinirdagdhā yāsyāmo yamasādanam || 266 ||
[Analyze grammar]

taṃ ca jānāmi rājendrāḥ kālenāyuḥkṣayo bhavet || 267 ||
[Analyze grammar]

nākāle mriyate kaścitprāpte kāle na jīvati || 268 ||
[Analyze grammar]

evaṃ viniścayaṃ budhvā na kuryātkasyacidbhayam || 269 ||
[Analyze grammar]

sa eva bhagavānviṣṇurālokya tapasaḥ kṣayam || 270 ||
[Analyze grammar]

nihantā ditijendrāṇāṃ yathākālena yogavit || 271 ||
[Analyze grammar]

baliṃ vairocaniṃ caiva budhvāvadhyaṃ mahābalam || 272 ||
[Analyze grammar]

kṛtavāndevadeveśaḥ pātālatalavāsinam || 273 ||
[Analyze grammar]

evamādīni cānyāni viṣṇośceṣṭāni vai nṛpāḥ || 274 ||
[Analyze grammar]

tasmādayuktaṃ bhavatāṃ vigrahārthe vicāraṇam || 275 ||
[Analyze grammar]

tasmādasmāsu yuktaṃ tadbhavatāṃ vigrahe matiḥ || 275 ||
[Analyze grammar]

na ca saṃgrāmahetorhi kṛṣṇasyāgamanaṃ tviha || 276 ||
[Analyze grammar]

yasya vā tasya vā kanyā varayiṣyati tasya sā || 277 ||
[Analyze grammar]

kimatra vigraho rājñāṃ prītirbhavati vai dhruvam || 278 ||
[Analyze grammar]

evaṃ kathayamānānāṃ nṛpāṇāṃ buddhiśālinām || 279 ||
[Analyze grammar]

na kiṃcidabravīd rājā bhīṣṃakaḥ putrakāraṇāt || 280 ||
[Analyze grammar]

mahāvīryaṃ madotsiktaṃ bhārgavāstrābhirakṣitam || 281 ||
[Analyze grammar]

raṇe pracaṇḍātirathaṃ vicintya manasā sutam || 282 ||
[Analyze grammar]

kṛṣṇaṃ na sahate nityaṃ putro me baladarpitaḥ || 283 ||
[Analyze grammar]

nityābhimānī ca raṇe na bibheti ca kasyacit || 284 ||
[Analyze grammar]

kṛṣṇasya bhujavīryena hriyati nātra saṃśayaḥ || 285 ||
[Analyze grammar]

bhaviṣyati tato yuddhaṃ mahāpuruṣavigraham || 286 ||
[Analyze grammar]

dveṣī caivābhimānī ca kuto jīvati me sutaḥ || 287 ||
[Analyze grammar]

jīvitaṃ nātra paśyāmi mama putrasya keśavāt || 288 ||
[Analyze grammar]

kanyāhetoḥ sutaṃ jyeṣṭhaṃ pitṝṇāṃ nandivardhanam || 289 ||
[Analyze grammar]

kārayiṣye kathaṃ yuddhaṃ putreṇa saha keśavam || 290 ||
[Analyze grammar]

na ca nārāyaṇaṃ devaṃ varamicchati rukmiṇaḥ || 291 ||
[Analyze grammar]

na ca nārāyaṇāddevo varadṛṣṭastu rukmiṇaḥ || 291 ||
[Analyze grammar]

mūḍhabhāvamadonmattaḥ saṃgrāmeṣvanivartakaḥ || 292 ||
[Analyze grammar]

niyataṃ bhasmasādyāti tūlarāśiryathānalāt || 293 ||
[Analyze grammar]

karavīreśvaraḥ śūraḥ sṛgālaścitrayodhinā || 294 ||
[Analyze grammar]

kṣaṇena bhasmasānnītaḥ keśavena balīyasā || 295 ||
[Analyze grammar]

vṛndāvane vasañchrīmān keśavo balināṃ varaḥ || 296 ||
[Analyze grammar]

uddhṛtyaikena hastena saptāhaṃ dhṛtavān girim || 297 ||
[Analyze grammar]

duṣkaraṃ karma saṃsmṛtya manaḥ sīdati me bhṛśam || 298 ||
[Analyze grammar]

nagendraṃ sahasāgamya daivataiḥ saha vṛtrahā || 299 ||
[Analyze grammar]

abhiṣicyābravītkṛṣṇamupendreti śacīpatiḥ || 300 ||
[Analyze grammar]

yathā vai damito nāgaḥ kāliyo yamunāhrade || 301 ||
[Analyze grammar]

viṣāgnijvalito ghoraḥ kālāntakasamaprabhaḥ || 302 ||
[Analyze grammar]

keśī caiva mahāvīryo dānavo hayavigrahaḥ || 303 ||
[Analyze grammar]

nihato vāsudevena devairapi durāsadaḥ || 304 ||
[Analyze grammar]

sāṃdīpanisutaścaiva ciranaṣṭo hi sāgare || 305 ||
[Analyze grammar]

daityaṃ pañcajanaṃ hatvā ānīto yamamandirāt || 306 ||
[Analyze grammar]

gomanto sumahad yuddhaṃ bahubhiścaiva tāv ubhau || 307 ||
[Analyze grammar]

kṛtvā vitrāsajananaṃ gajāśvarathasaṃkulam || 308 ||
[Analyze grammar]

gajena gajavṛndāni rathena rathayodhinaḥ || 309 ||
[Analyze grammar]

sādinaścāśvayodhānāṃ caraṇena padātinaḥ || 310 ||
[Analyze grammar]

jaghratustau mahāvīryau vasudevasutāv ubhau || 311 ||
[Analyze grammar]

na devāsuragandharvā na yakṣoragarākṣasāḥ || 312 ||
[Analyze grammar]

na nāgā na ca daityendrā na piśācā na guhyakāḥ || 313 ||
[Analyze grammar]

kṛtavantastathā ghoraṃ gajāśvarathasaṃkṣayam || 314 ||
[Analyze grammar]

tamanusmṛtya saṃgrāmaṃ bhṛśaṃ sīdati me manaḥ || 315 ||
[Analyze grammar]

kṛtvā govardhanaṃ veśma rakṣitā gā nṛbhiḥ saha || 315 ||
[Analyze grammar]

vātavṛṣṭisamākrāntāstena sīdati me manaḥ || 315 ||
[Analyze grammar]

na mayā śrutapūrvo vā dṛṣṭapūrvaḥ kuto'pi vā || 316 ||
[Analyze grammar]

tādṛśo bhuvi martye'sminvāsudevātsurottamāt || 317 ||
[Analyze grammar]

samyagāha mahābāhurdantavaktro mahīpatiḥ || 318 ||
[Analyze grammar]

sāntvayitvā mahāvīryaṃ saṃvidhāsyāma yatkṣamam || 319 ||
[Analyze grammar]

iti saṃcintya manasā balābalaviniścayam || 320 ||
[Analyze grammar]

gamanāya matiṃ cakre prasādayitumacyutam || 321 ||
[Analyze grammar]

cintyamāno narendraistu bahubhirbalaśālibhiḥ || 322 ||
[Analyze grammar]

sūtamāgadhabandībhirbodhitaḥ stutimaṅgalaiḥ || 323 ||
[Analyze grammar]

prabhātāyāṃ rajanyāṃ tu kṛtapūrvāhnikakriyāḥ || 324 ||
[Analyze grammar]

upaviṣṭā nṛpāḥ sarve sveṣu viśrāmaveśmasu || 325 ||
[Analyze grammar]

ye viśiṣṭāśca rājāno vidarbhāyāṃ narādhipaiḥ || 326 ||
[Analyze grammar]

tairāgamya svabhūpeṣu raho gatvā niveditam || 327 ||
[Analyze grammar]

śrutvā kṛṣṇābhiṣekaṃ tu keciddhṛṣṭā narādhipāḥ || 328 ||
[Analyze grammar]

keciddīnatarā bhītā udāsīnāstathāpare || 329 ||
[Analyze grammar]

tridhā prabhinnā sā senā naranāgāśvavāhinī || 330 ||
[Analyze grammar]

mahārṇava iva kṣubdhā abhiṣekeṇa cālitā || 331 ||
[Analyze grammar]

nṛpāṇāṃ bhedamālokya bhīṣmako rājasattamaḥ || 332 ||
[Analyze grammar]

vyatikramamacintyaṃ ca kṛtaṃ nṛpatinā svayam || 333 ||
[Analyze grammar]

vicintya manasā rājandahyamānena cetasā || 334 ||
[Analyze grammar]

jagāma naradevānāṃ samāje pratibodhitum || 335 ||
[Analyze grammar]

etasminnantare dūtāḥ saṃprāptāḥ kaiśikāntikāt || 336 ||
[Analyze grammar]

lekhamuddhṛtya śirasā viviśuste nṛpārṇavam || 337 ||
[Analyze grammar]

janamejaya uvāca hatvā kaṃsaṃ mahāvīryaṃ devairapi durāsadam || 338 ||
[Analyze grammar]

nābhiṣiktaḥ svayaṃ rājye nopaviṣṭo nṛpāsane || 339 ||
[Analyze grammar]

kanyārthenāgataḥ kṛṣṇastatrāpi na kṛto'tithiḥ || 340 ||
[Analyze grammar]

amānamatulaṃ prāpya kṣāntavān kena hetunā || 341 ||
[Analyze grammar]

vinatāyāḥ sutaścaiva mahābalaparākramaḥ || 342 ||
[Analyze grammar]

sa cāpi kṣamayā yuktaḥ kāraṇaṃ kimapekṣitam || 343 ||
[Analyze grammar]

etadākhyāhi bhagavanparaṃ kautūhalaṃ hi me || 344 ||
[Analyze grammar]

vaiśaṃpāyana uvāca vidarbhanagarīṃ prāpte vainateye sahācyute || 345 ||
[Analyze grammar]

manasā cintayāmāsa vāsudevasya kaiśikaḥ || 346 ||
[Analyze grammar]

dṛṣṭvāścaryaṃ hi naḥ sarvāndhruvaṃ pāpakṣayo bhavet || 347 ||
[Analyze grammar]

rājanyānpravadāmyaham || 347 ||
[Analyze grammar]

vasudevasute dṛṣṭe || 347 ||
[Analyze grammar]

viśuddhabhāvaḥ kṛṣṇasya āvayordṛṣṭa tattvataḥ || 348 ||
[Analyze grammar]

ataḥ pātrataraḥ ko'nyastriṣu lokeṣu vidyate || 349 ||
[Analyze grammar]

kṛṣṇātkamalapatrākṣāddevadevājjanārdanāt || 350 ||
[Analyze grammar]

tasyāvāṃ kiṃ pradāsyāva ātithyakaraṇe nṛpa || 351 ||
[Analyze grammar]

pātramāsādya vai rājanyathā dharmo na lupyate || 352 ||
[Analyze grammar]

evamanyonyaṃ saṃcintya bhrātarau krathakaiśikau || 353 ||
[Analyze grammar]

svaṃ rājyaṃ dātukāmau tau jagmatuḥ keśavāntikam || 354 ||
[Analyze grammar]

devamāsādya tau vīrau vidarbhanagarādhipau || 355 ||
[Analyze grammar]

ūcatustau mahātmānau praṇamya śirasā harim || 356 ||
[Analyze grammar]

adyāvāṃ saphalaṃ janma adyāvāṃ saphalaṃ yaśaḥ || 357 ||
[Analyze grammar]

adyāvāṃ pitarastṛptā deve tvayi gṛhāgate || 358 ||
[Analyze grammar]

cāmaraṃ vyajanaṃ chatraṃ dhvajaṃ siṃhāsanaṃ balam || 359 ||
[Analyze grammar]

sphītakośāṃ purīṃ caiva gajāśvarathasaṃyutām || 360 ||
[Analyze grammar]

upendrastvaṃ mahābāho devendreṇābhiṣiktavān || 361 ||
[Analyze grammar]

āvāmiha hi rājye tvāmabhiṣiñcāva vai prabho || 362 ||
[Analyze grammar]

āvayoryatkṛtaṃ kāryaṃ bahubhiḥ pārthivairapi || 363 ||
[Analyze grammar]

śakyate nānyathā kartuṃ jarāsaṃdhena vā svayam || 364 ||
[Analyze grammar]

śatruste māgadho rājā jarāsaṃdho mahādyutiḥ || 365 ||
[Analyze grammar]

kathāṃ te bruvate nityaṃ nṛpāṇāmabhayapradaḥ || 366 ||
[Analyze grammar]

siṃhāsanamanadhyāsya puraṃ cāsya na vidyate || 367 ||
[Analyze grammar]

kathaṃ rājasamāje'sminnāsate devakīsutaḥ || 368 ||
[Analyze grammar]

kṛṣṇo'pi sumahāvīryo hyabhimānī mahādyutiḥ || 369 ||
[Analyze grammar]

na cāgamiṣyate cāsmin kanyārthe ca svayaṃvare || 370 ||
[Analyze grammar]

pārthiveṣūpaviṣṭeṣu sveṣu siṃhāsaneṣu vai || 371 ||
[Analyze grammar]

kathamāsyati nīceṣu āsaneṣu mahādyutiḥ || 372 ||
[Analyze grammar]

iti saṃcodyamānastu śrutvāsau bhīṣmako nṛpaḥ || 373 ||
[Analyze grammar]

sarvaṃ tadvāsudevāgre jarāsaṃdhacikīrṣitam || 373 ||
[Analyze grammar]

nivedayāmāsa tadā tasyābhilaṣitaṃ tvidam || 373 ||
[Analyze grammar]

āvayoḥ saha saṃmantrya vigrahopaśamārthinā || 374 ||
[Analyze grammar]

tava viśrāmahetorhi kāritaṃ ca gṛhottamam || 375 ||
[Analyze grammar]

devānāmādidevo'si sarvalokanamaskṛtaḥ || 376 ||
[Analyze grammar]

mānuṣe martyaloke'smin rājendratvaṃ samācara || 377 ||
[Analyze grammar]

samāje manujendrāṇāṃ mā bhūdāsanasaṃkaṭam || 378 ||
[Analyze grammar]

vidarbhanagare cedaṃ rājendratvaṃ samācara || 379 ||
[Analyze grammar]

āsyatāmāsane śubhre śvaḥ prabhāte mahādyute || 380 ||
[Analyze grammar]

adhivāsyātmanātmānaṃ vidhidṛṣṭena karmaṇā || 381 ||
[Analyze grammar]

yathāgamiṣyanti nṛpāḥ kariṣye devaśāsanāt || 382 ||
[Analyze grammar]

evamuktvā suraśreṣṭhaṃ praṇipatya kṛtāñjalī || 383 ||
[Analyze grammar]

preṣayāmāsa tau vīrau raṅgamadhye nṛpairvṛte || 384 ||
[Analyze grammar]

devadūtasya vacanaṃ yathoktaṃ vajrapāṇinā || 385 ||
[Analyze grammar]

likhitvā sumahātejāḥ kaiśikaḥ śāpajādbhayāt || 386 ||
[Analyze grammar]

viditaṃ vo nṛpāḥ sarve vainateyasahācyutaḥ || 387 ||
[Analyze grammar]

āgato'tithirūpeṇa vidarbhanagarīṃ hariḥ || 388 ||
[Analyze grammar]

prāptamālokya pātro'yamiti saṃcintya bhūpatiḥ || 389 ||
[Analyze grammar]

pradadau vāsudevāya svaṃ rājyaṃ dharmahetunā || 390 ||
[Analyze grammar]

idamāsanamāssveti bhrātrā me sahito'naghāḥ || 391 ||
[Analyze grammar]

vāguvācāśarīreṇa kenāpi vyomacāriṇā || 392 ||
[Analyze grammar]

na yuktamāsanaṃ dātuṃ tvayāsīnaṃ narādhipa || 393 ||
[Analyze grammar]

idamasyāsanaṃ divyaṃ sarvaratnavibhūṣitam || 394 ||
[Analyze grammar]

jāmbūnadamayaṃ divyaṃ racitaṃ viśvakarmaṇā || 395 ||
[Analyze grammar]

preṣitaṃ devarājena siṃhalakṣaṇalakṣitam || 396 ||
[Analyze grammar]

atropaviṣṭaṃ deveśaṃ carācaranamaskṛtam || 397 ||
[Analyze grammar]

abhiṣiñcata rājendraṃ bahubhiḥ pārthivaiḥ saha || 398 ||
[Analyze grammar]

āgatāḥ kuṇḍinagare kanyāhetornarābhipāḥ || 399 ||
[Analyze grammar]

nāgamiṣyati yaḥ kaścitso'sya vadhyo bhaviṣyati || 400 ||
[Analyze grammar]

ime caivāṣṭakalaśā nidhīnāmaṃśasaṃbhavāḥ || 401 ||
[Analyze grammar]

akṣayā rājarājasya dhaneśasya mahātmanaḥ || 402 ||
[Analyze grammar]

divyāḥ kāñcanaratnāḍhyā divyābharaṇayonayaḥ || 403 ||
[Analyze grammar]

rājendrasyābhiṣekārthamāgacchanti nṛpairvṛtāḥ || 404 ||
[Analyze grammar]

eṣa śakrasya saṃdeśaḥ kathito vo narādhipāḥ || 405 ||
[Analyze grammar]

lekhenāhūya tān sarvānabhiṣiñcantu keśavam || 406 ||
[Analyze grammar]

kaiśika uvāca iti saṃcodya svastho'sau devadūto gato divam || 407 ||
[Analyze grammar]

dattvāsanaṃ ca kṛṣṇāya bālārkasadṛśaprabham || 408 ||
[Analyze grammar]

tenāhaṃ codayiṣyāmi bhavanto ye samāgatāḥ || 409 ||
[Analyze grammar]

durnivāryataraṃ ghoraṃ śakreṇa svayamīritam || 410 ||
[Analyze grammar]

yuṣmābhirdarśane yuktamadbhutaṃ bhuvi durlabham || 411 ||
[Analyze grammar]

kalaśairabhiṣicyantaṃ svayameva nabhastalāt || 412 ||
[Analyze grammar]

dṛṣṭvāścaryaṃ hi naḥ sarvāndhruvaṃ pāpakṣayo bhavet || 413 ||
[Analyze grammar]

snāpanārthaṃ ca kṛṣṇāya devadevāya viṣṇave || 414 ||
[Analyze grammar]

āgacchadhvāṃ nṛpaśreṣṭā na bhayaṃ kartumarhatha || 415 ||
[Analyze grammar]

āvayoḥ kṛtasaṃdhāno yuṣmadarthe janārdanaḥ || 416 ||
[Analyze grammar]

sarveṣāṃ manujendrāṇāmabhayaṃ kurute hariḥ || 417 ||
[Analyze grammar]

viśuddhabhāvaḥ kṛṣṇasya āvayordṛṣṭa tattvataḥ || 418 ||
[Analyze grammar]

māgadhasya viśeṣeṇa na vairaṃ hṛdi dṛśyate || 419 ||
[Analyze grammar]

yadatra kāraṇaṃ kāryaṃ tadbhavadbhirvicintyatām || 420 ||
[Analyze grammar]

vaiśaṃpāyana uvāva evaṃ saṃcintyamānāstu nṛpāḥ śāpabhayārditāḥ || 421 ||
[Analyze grammar]

bhūyaḥ śuśruvū rājendra rājānaḥ sarva eva te || 422 ||
[Analyze grammar]

meghagambhīranādena svareṇāpūrayannabhaḥ || 423 ||
[Analyze grammar]

vāguvācāśarīreṇa devarājasya śāsanāt || 424 ||
[Analyze grammar]

citrāṅgada uvāca trailokyādhipatiḥ śakraḥ prajāpālanahetunā || 425 ||
[Analyze grammar]

ājñāpayati yuṣmākaṃ nṛpāṇāṃ hitakāmyayā || 426 ||
[Analyze grammar]

na yuktaṃ vadatānyonyaṃ kṛṣṇena saha vairiṇā || 427 ||
[Analyze grammar]

vasadhvaṃ prītimutpādya svarāṣṭreṣu narādhipāḥ || 428 ||
[Analyze grammar]

praṇatārtiharaḥ kṛṣṇaḥ pratisenāntako'nalaḥ || 429 ||
[Analyze grammar]

anena saha saṃprītyā modadhvaṃ vigatajvarāḥ || 430 ||
[Analyze grammar]

mānuṣāṇāṃ nṛpā devā nṛpāṇāṃ devatāḥ surāḥ || 431 ||
[Analyze grammar]

surāṇāṃ daivataṃ śakraḥ śakrasyāpi janārdanaḥ || 432 ||
[Analyze grammar]

tasyāpi devaḥ sa śivaḥ śivasyāpi janārdanaḥ || 432 ||
[Analyze grammar]

eṣa viṣṇuḥ prabhurdevo devānāmapi daivatam || 433 ||
[Analyze grammar]

jāto'yaṃ mānuṣe loke nararūpeṇa keśavaḥ || 434 ||
[Analyze grammar]

ajeyaḥ sarvalokeṣu devadānavamānavaiḥ || 435 ||
[Analyze grammar]

kārttikeyasahāyasya api śūlabhṛtaḥ svayam || 436 ||
[Analyze grammar]

tasmai devātidevāya keśavāya mahātmane || 437 ||
[Analyze grammar]

abhiṣicya suraiḥ sārdhaṃ kimicchadhvamataḥ param || 438 ||
[Analyze grammar]

na cādhikāro devānāṃ rājendrasyābhiṣecane || 439 ||
[Analyze grammar]

tenāhaṃ nābhiṣiñcāmi sarvalokanamaskṛtam || 440 ||
[Analyze grammar]

nṛpāṇāmadhikāro'yaṃ rājendrasyābhiṣecane || 441 ||
[Analyze grammar]

gatvā yūyaṃ vidarbhāyāṃ krathakaiśikayoḥ saha || 442 ||
[Analyze grammar]

saṃcintya vidhidṛṣṭena kurudhvaṃ nṛpasattamāḥ || 443 ||
[Analyze grammar]

prītisaṃdhānakālo'yamiti saṃcintya vāsavaḥ || 444 ||
[Analyze grammar]

bodhanārthe visṛṣṭo'haṃ yuṣmākaṃ manujeśvarāḥ || 445 ||
[Analyze grammar]

vidarbhanagare kṛṣṇaḥ śrāvito'syādhivāsanam || 446 ||
[Analyze grammar]

rājendratvābhiṣekārthaṃ rājānau krathakaiśikau || 447 ||
[Analyze grammar]

tābhyāṃ saha nṛpaśreṣṭhāḥ kṛtvā sumahadutsavam || 448 ||
[Analyze grammar]

abhiṣekeṇa satkṛtya pratigṛhyāsya dakṣiṇām || 449 ||
[Analyze grammar]

āgamiṣyatha saṃhṛṣṭāḥ punareva svayaṃvaram || 450 ||
[Analyze grammar]

jarāsaṃdhaḥ sunīthaśca rukmiṇaśca mahārathaḥ || 451 ||
[Analyze grammar]

sālvaḥ saubhapatiścaiva catvāro rājasattamāḥ || 452 ||
[Analyze grammar]

raṅgasyāśūnyahetorhi tiṣṭhantu iti pārthivāḥ || 453 ||
[Analyze grammar]

vaiśaṃpāyana uvāca evamājñāṃ sureśasya śrutvā citrāṅgaderitām || 454 ||
[Analyze grammar]

gamanāya matiṃ cakruḥ sarva eva nṛpottamāḥ || 455 ||
[Analyze grammar]

anujñātā narendreṇa jarāsaṃdhena dhīmatā || 456 ||
[Analyze grammar]

bhiṣmakaṃ purataḥ kṛtvā prayātāḥ svabalairvṛtāḥ || 457 ||
[Analyze grammar]

bhiṣmakaśca mahābāhuḥ svabalena samanvitaḥ || 458 ||
[Analyze grammar]

jagāma pārthivaiḥ sārdhaṃ dahyamānena cetasā || 459 ||
[Analyze grammar]

yatra kṛṣṇo mahābāhuḥ kaiśikasya niveśane || 460 ||
[Analyze grammar]

dūrādeva prakāśāntī patākādhvajamālinī || 461 ||
[Analyze grammar]

śubhrā devasabhā ramyā snānahetorihāgatā || 462 ||
[Analyze grammar]

divyaratnaprabhākīrṇā divyadhvajasamākulā || 463 ||
[Analyze grammar]

divyāmbarapatākāḍhyā divyābharaṇabhūṣitā || 464 ||
[Analyze grammar]

divyasragdāmakalilā divyagandhādhivāsitā || 465 ||
[Analyze grammar]

vimānayānaiḥ śrīmadbhiḥ samantātparivāritā || 466 ||
[Analyze grammar]

divyāpsarogaṇāścaiva vidyādharagaṇāstathā || 467 ||
[Analyze grammar]

gandharvā munayaścaiva kiṃnarāśca samantataḥ || 468 ||
[Analyze grammar]

upagāyanti deveśamambarāntaramāśritāḥ || 469 ||
[Analyze grammar]

stuvanti munayaḥ sarve siddhāśca paramarṣayaḥ || 470 ||
[Analyze grammar]

devaduṃdubhayaścaiva svayamevānadandivi || 471 ||
[Analyze grammar]

karpūrāgarukastūrī kaṅkolaṃ candanāni ca || 471 ||
[Analyze grammar]

pañcayonisamutthāni gandhacūrṇānyanekaśaḥ || 472 ||
[Analyze grammar]

samantātpātyamānāni ākāśasthairdivaukasaiḥ || 473 ||
[Analyze grammar]

svayamāgamya rājendro devaiḥ saha śacīpatiḥ || 474 ||
[Analyze grammar]

vimānavaramāruhya saprakāśaḥ sthito'mbare || 475 ||
[Analyze grammar]

aṣṭabhirlokapālaistu svadigbhāgeṣu saṃsthitaiḥ || 476 ||
[Analyze grammar]

upagāyadbhirnṛtyadbhiḥ stuvadbhiśca samantataḥ || 477 ||
[Analyze grammar]

aṣṭau ye lokapālāste svāsu dikṣu samāsthitāḥ || 477 ||
[Analyze grammar]

upagāyanti nṛtyanti stuvanti ca samantataḥ || 477 ||
[Analyze grammar]

śrutvā sutumulaṃ nādaṃ sarva eva narādhipāḥ || 478 ||
[Analyze grammar]

vismayotphullanayanā viviśuste sabhāṃ śubhām || 479 ||
[Analyze grammar]

kaiśikaśca mahātejā upagamya narādhipān || 480 ||
[Analyze grammar]

praveśayāmāsa balī pratipūjya yathāvidhi || 481 ||
[Analyze grammar]

nivedite suraśreṣṭhaḥ pārthivānāṃ samāgame || 482 ||
[Analyze grammar]

nirjagāma hariḥ śrīmān sarvamaṅgalapūjitaḥ || 483 ||
[Analyze grammar]

tato'mbarasthāste divyāḥ kalaśāścailakaṇṭhinaḥ || 484 ||
[Analyze grammar]

sahakārasamāyuktā vavarṣurjaladā iva || 485 ||
[Analyze grammar]

divyakāñcanaratnaughairdivyapuṣpasamanvitaiḥ || 486 ||
[Analyze grammar]

gandhacūrṇavimiśraiśca rājendrasyābhiṣecane || 487 ||
[Analyze grammar]

yathoktavidhipūrveṇa abhiṣicya janārdanam || 488 ||
[Analyze grammar]

dīkṣayitvā narendrāṇāṃ divyairābharaṇaiḥ śubhaiḥ || 489 ||
[Analyze grammar]

divyāmbaravicitraiśca divyamālyānulepanaiḥ || 490 ||
[Analyze grammar]

satkṛtya vidhivad rājñāmupaviṣṭo janārdanaḥ || 491 ||
[Analyze grammar]

śubhe devasabhe ramye snānahetorihāgate || 492 ||
[Analyze grammar]

upāsyamāno yadubhirvibabhau ca narādhipaiḥ || 493 ||
[Analyze grammar]

vainateyaśca balavān kāmarūpī narākṛtiḥ || 494 ||
[Analyze grammar]

dakṣiṇaṃ pārśvamāśritya āsanastho babhūva ha || 495 ||
[Analyze grammar]

krathakaiśikau ca tau vīrau vāmapārśve sva āsane || 496 ||
[Analyze grammar]

upaviṣṭau mahātmānau devasyānumate nṛpau || 497 ||
[Analyze grammar]

tathaiva vāmapārśve tu vṛṣṇyandhakamahārathāḥ || 498 ||
[Analyze grammar]

sātyakipramukhā vīrā upaviṣṭā mahābalāḥ || 499 ||
[Analyze grammar]

bhāskarapratime divye divyāstaraṇasaṃvṛte || 500 ||
[Analyze grammar]

sukhopaviṣṭaṃ śrīmantaṃ devā iva śacīpatim || 501 ||
[Analyze grammar]

sacivaiḥ śrāvitāḥ pūrvaṃ praviṣṭāste narādhipāḥ || 502 ||
[Analyze grammar]

yathārheṇa ca saṃpūjya rājānaḥ sarva eva te || 503 ||
[Analyze grammar]

sukhopaviṣṭāste sveṣu āsaneṣu narādhipāḥ || 504 ||
[Analyze grammar]

kaiśikastu mahāprājñaḥ sarvaśāstrārthavittamaḥ || 505 ||
[Analyze grammar]

pūjayitvā yathānyāyamuvāca vadatāṃ varaḥ || 506 ||
[Analyze grammar]

avijñātā nṛpāḥ sarve mānuṣo'yāmiti prabho || 507 ||
[Analyze grammar]

bhavantamuparundhānā deva tvaṃ kṣantumarhasi || 508 ||
[Analyze grammar]

kṛṣṇa uvāca na me vairaṃ nivasati ekāhamapi kaiśika || 509 ||
[Analyze grammar]

viśeṣeṇa narendrāṇāṃ kṣatradharme vyavasthite || 510 ||
[Analyze grammar]

yoddhavyamiti dharmeṇa adharme'tiparāṅmukhe || 511 ||
[Analyze grammar]

teṣāṃ ko hetunā kopaḥ kartavyastvavanīśvarāḥ || 512 ||
[Analyze grammar]

yadgataṃ tadatikrāntaṃ ye mṛtāste divaṃ gatāḥ || 513 ||
[Analyze grammar]

eṣa dharmo nṛloke'smiñjāyanti ca mriyanti ca || 514 ||
[Analyze grammar]

tasmādaśocyaṃ bhavatāṃ mṛtānaṃ vai narādhipāḥ || 515 ||
[Analyze grammar]

kṣantavyaṃ bhavatāsmākaṃ vītavairā bhavantu vai || 516 ||
[Analyze grammar]

vaiśaṃpāyana uvāca evamuktvā narendrāṃstānāśvāsya madhusūdanaḥ || 517 ||
[Analyze grammar]

kaiśikasya mukhaṃ vīkṣya virarāma mahādyutiḥ || 518 ||
[Analyze grammar]

etasminneva kale tu bhīṣmako nayakovidaḥ || 519 ||
[Analyze grammar]

pūjayitvā yathānyāyamuvāca vadatāṃ varaḥ || 520 ||
[Analyze grammar]

bhīṣmaka uvāca putro me bālabhāvena bhaginīṃ dātumicchati || 521 ||
[Analyze grammar]

svayaṃvare narendrāṇāṃ na cāhaṃ dātumutsahe || 522 ||
[Analyze grammar]

atīva bālabhāvatvāddātumicchenmatirmama || 523 ||
[Analyze grammar]

ekā tvekaṃ samālokya varayiṣyati me matiḥ || 524 ||
[Analyze grammar]

ataḥ prasādayiṣye tvāṃ putradurnayahetunā || 525 ||
[Analyze grammar]

prasādaṃ kuru deveśa kṣantumarhasi me prabho || 526 ||
[Analyze grammar]

kṛṣṇa uvāca bālabhāvena putreṇa cālitaṃ nṛpamaṇḍalam || 527 ||
[Analyze grammar]

yadā bhavati vai prauḍhaḥ kīdṛśo'vinayo bhavet || 528 ||
[Analyze grammar]

sūryendusadṛśaṃl lokāṃstapasopārjitaśriyaḥ || 529 ||
[Analyze grammar]

loke'sminnaradevānāṃ mahākulasamudbhavān || 530 ||
[Analyze grammar]

ekasyāpi nṛpasyāgre mohādyo vitathaṃ vadet || 531 ||
[Analyze grammar]

na sa tiṣṭhati loke'sminnirdaheddaṇḍavāhninā || 532 ||
[Analyze grammar]

eṣa dharmo narendrāṇāmiti te viditaṃ prabho || 533 ||
[Analyze grammar]

lokadharmaṃ puraskṛtya purā gītaṃ svayaṃbhuvā || 534 ||
[Analyze grammar]

kathaṃ tava sutasteṣāmagrato manujeśvara || 535 ||
[Analyze grammar]

vaktumarhati rājendra vitathaṃ rājasaṃsadi || 536 ||
[Analyze grammar]

tādṛśaṃ raṅgamatulaṃ kārayaṃstanayastava || 537 ||
[Analyze grammar]

kathaṃ tvayā hyavijñāta iti me saṃśayo mahān || 538 ||
[Analyze grammar]

āgatānāṃ narendrāṇāmanalārkenduvarcasām || 539 ||
[Analyze grammar]

yathārheṇa tu saṃpūjya ātithyaṃ kṛtavānasi || 540 ||
[Analyze grammar]

rathāśvanaranāgānāṃ vimardamatulaṃ tviha || 541 ||
[Analyze grammar]

kathaṃ na jñātavān rājaṃstava putrasya ceṣṭitam || 542 ||
[Analyze grammar]

viṣādo na bhavedatra caturaṅgabalāgame || 543 ||
[Analyze grammar]

kathaṃ na jñāyate rājanniti me buddhisaṃśayaḥ || 544 ||
[Analyze grammar]

mamāgamanameveha prāyeṇa na hitaṃ tava || 545 ||
[Analyze grammar]

ato na kṛtamātithyamapātrāya narādhipa || 546 ||
[Analyze grammar]

pātrebhyo dīyatāṃ kanyā māmapāsya mahābhuja || 547 ||
[Analyze grammar]

mamāgamanadoṣeṇa kathaṃ kanyāṃ na dāsyasi || 548 ||
[Analyze grammar]

kanyāvighnaṃ prakurvāṇo narake paripacyate || 549 ||
[Analyze grammar]

iti manvādibhirgītaṃ dharmavidbhirnarottamaiḥ || 550 ||
[Analyze grammar]

ato'rthaṃ na praviṣṭo'haṃ raṅgamadhye viśāṃ pate || 551 ||
[Analyze grammar]

viditvā nakṛtātithyaṃ naradeva tavālayam || 552 ||
[Analyze grammar]

hriyābhibhūto rājendra prārthito'haṃ narādhipa || 553 ||
[Analyze grammar]

vidarbhanagare rājanbalaviśrāmahetunā || 554 ||
[Analyze grammar]

āvābhyāṃ kṛtamātithyaṃ kaiśikaḥ supriyātithiḥ || 555 ||
[Analyze grammar]

uṣitau ca yathā svarge purā garuḍakeśavau || 556 ||
[Analyze grammar]

vaiśaṃpāyana uvāca evamevaṃ bruvāṇaṃ taṃ kṛṣṇaṃ vāgvajracoditam || 557 ||
[Analyze grammar]

uvāca vadatāṃ śreṣṭaḥ keśavaṃ kaṃsasūdanam || 558 ||
[Analyze grammar]

ślakṣṇavācāmbunā sicya śamitāgnimivādhvare || 558 ||
[Analyze grammar]

bhīṣmaka uvāca prasīda devalokeśa martyalokeśa pāhi mām || 559 ||
[Analyze grammar]

ajñānatamasāviṣṭaṃ jñānacakṣuḥprado bhava || 560 ||
[Analyze grammar]

mānuṣye māṃsacakṣuṣṭvādasamyagviditā vayam || 561 ||
[Analyze grammar]

na prasidhyanti kāryāṇi kurvatāmavicāraṇāt || 562 ||
[Analyze grammar]

bhavantaṃ śaraṇaṃ prāpya devānāmapi daivatam || 563 ||
[Analyze grammar]

samyagbhavatu me dṛsṭiḥ saṃpatsyantu ca me kriyāḥ || 564 ||
[Analyze grammar]

āniṣpannāmapi kriyāṃ nayopetāṃ vicakṣaṇāḥ || 565 ||
[Analyze grammar]

phaladāṃ hi prakurvanti mahāsenāpatiryathā || 566 ||
[Analyze grammar]

bhavantaṃ śaraṇaṃ prāpya nātibādhati me bhayam || 567 ||
[Analyze grammar]

yanmayā cintitaṃ kāryaṃ tadbhavāñchrotumarhati || 568 ||
[Analyze grammar]

na dātumicche kanyāṃ vai pārthivebhyaḥ svayaṃvare || 569 ||
[Analyze grammar]

prasādaṃ kuru deveśa na kopaṃ kartumarhasi || 570 ||
[Analyze grammar]

pūrvameva hi govinda kathitaṃ nāradena yat || 570 ||
[Analyze grammar]

eṣā tavānujā bālā śrīreṣā hyavatāriṇī || 570 ||
[Analyze grammar]

kṛṣṇārthe janmamāsādya punarjātā tu sā svayam || 570 ||
[Analyze grammar]

purā vai jānakīreṣā rāmeṇārthe'vatāritā || 570 ||
[Analyze grammar]

adhunā rukmiṇī nāma punarjātā mahītale || 570 ||
[Analyze grammar]

putravātsalyadīnāsau kṛpaṇo hatavāniti || 570 ||
[Analyze grammar]

kṣantumarhasi deveśa raṇe'hataparākramaḥ || 570 ||
[Analyze grammar]

bhavitavyaṃ bhavatyeva vedavakyaṃ janārdana || 570 ||
[Analyze grammar]

nāradena yathoktaṃ vai vitathaṃ na vadeddvijaḥ || 570 ||
[Analyze grammar]

kṛṣṇa uvāca vacanena kimuktena tvayā rājanmahāmate || 571 ||
[Analyze grammar]

khakanyāṃ dāsyase neti ko'tra netā tavānagha || 572 ||
[Analyze grammar]

mā dehīti na cākhyeyaṃ dadasveti na me vacaḥ || 573 ||
[Analyze grammar]

rukmiṇyā divyamūrtitvātsaṃbandhe kāraṇaṃ kṣamam || 574 ||
[Analyze grammar]

merukūṭe purā devaiḥ kṛtamaṃśāvatāraṇam || 575 ||
[Analyze grammar]

tadā nisṛṣṭā sā pūrvaṃ gaccha tvaṃ patinā saha || 576 ||
[Analyze grammar]

mānuṣye kuṇḍinagare bhīṣmakasyāṅganodare || 577 ||
[Analyze grammar]

jāyestvaṃ vipulaśroṇi pratyavekṣasva keśavam || 578 ||
[Analyze grammar]

tenāhaṃ vaḥ pravakṣyāmi rājanna kṛtakaṃ vacaḥ || 579 ||
[Analyze grammar]

śrutvā svayaṃ viniścitya yad yuktaṃ tatkariṣyasi || 580 ||
[Analyze grammar]

rukmiṇī nāma te kanyā na sā prakṛtimānuṣī || 581 ||
[Analyze grammar]

śrīreṣā brahmavākyena jātā kenāpi hetunā || 582 ||
[Analyze grammar]

na ca sā manujendrāṇāṃ svayaṃvaravidhikṣamā || 583 ||
[Analyze grammar]

ekā tvekāya dātavyā iti dharmo vyavasthitaḥ || 584 ||
[Analyze grammar]

na ca tāṃ śakyase rājaṃl lakṣmīṃ dātuṃ svayaṃvare || 585 ||
[Analyze grammar]

sadṛśaṃ varamālokya dātumarhasi dharmataḥ || 586 ||
[Analyze grammar]

ato'rthaṃ vainateyo'yaṃ vighnakāraṇahetunā || 587 ||
[Analyze grammar]

āgataḥ kuṇḍinagare devarājena coditaḥ || 588 ||
[Analyze grammar]

ahaṃ caivāgato rājñāṃ draṣṭukāmo mahotsavam || 589 ||
[Analyze grammar]

tāṃ ca kanyāṃ varārohāṃ padmena rahitāṃ śriyam || 590 ||
[Analyze grammar]

kṣantavyamiti yatproktaṃ tvayā rājanmamepsayā || 591 ||
[Analyze grammar]

yuktapūrvamahaṃ manye kaluṣāya na pārthiva || 592 ||
[Analyze grammar]

pūrvameva mayā kṣāntaṃ yenāsmi viṣaye tava || 593 ||
[Analyze grammar]

āgataḥ saumyarūpeṇa tenaiva kṣāntavānprabho || 594 ||
[Analyze grammar]

kṣānteṣu guṇabāhulyaṃ doṣāpaharaṇaṃ kṣamā || 595 ||
[Analyze grammar]

kathamasmadvidhe rājan kaluṣo vasate hṛdi || 596 ||
[Analyze grammar]

kulaje sattvasaṃpanne dharmajño satyavādini || 597 ||
[Analyze grammar]

bhavādṛśe kathaṃ rājan kaluṣo hṛdi vartate || 598 ||
[Analyze grammar]

pālayasva purīṃ samyakkaluṣo yadi vartate || 598 ||
[Analyze grammar]

kṣānto'hamiti mantavyaṃ yena senāsahāgataḥ || 599 ||
[Analyze grammar]

na cāhaṃ senayā sārdhaṃ yāsyāmi ripuvāhinīm || 600 ||
[Analyze grammar]

akṣāntaścārisenāyāṃ yāsyāmi dvijavāhanaḥ || 601 ||
[Analyze grammar]

sthitaḥ sannarkasaṃkāśānyāyudhāni kare vahan || 602 ||
[Analyze grammar]

mānyo'smākaṃ bhavān rājanvayasā ca pituḥ samaḥ || 603 ||
[Analyze grammar]

pālayasva purīṃ samyakputreṣu pitṛvadvasa || 604 ||
[Analyze grammar]

kaluṣo nāma rājendra vasetkāpuruṣeṣu vai || 605 ||
[Analyze grammar]

śūreṣu śuddhabhāveṣu kaluṣo vasate katham || 606 ||
[Analyze grammar]

jānīdhvameṣā me vṛttiḥ putreṣu pitṛvaddhi saḥ || 607 ||
[Analyze grammar]

āvayorapi rājānau vidarbhanagarādhipau || 608 ||
[Analyze grammar]

ātithyakaraṇe'smākaṃ svaṃ rājyaṃ dadatuḥ śubhau || 609 ||
[Analyze grammar]

tena dānaphalenābhyāṃ daśa pūrve divaṃ gatāḥ || 610 ||
[Analyze grammar]

bhaviṣyāścaiva rājendra putrapautrā daśāvarāḥ || 611 ||
[Analyze grammar]

te'pi tatraiva yāsyanti devalokaṃ narādhipāḥ || 612 ||
[Analyze grammar]

anayoḥ suciraṃ kālaṃ bhuktvā rājyamakaṇṭakam || 613 ||
[Analyze grammar]

yadābhilāṣo bhokṣasya sukhaṃ yāsyanti nirvṛtim || 614 ||
[Analyze grammar]

narendrāśca mahābhāgā yo'bhiṣecitumāgatāḥ || 615 ||
[Analyze grammar]

kālena te'pi yāsyanto devalokaṃ triviṣṭapam || 616 ||
[Analyze grammar]

svasti vo'stu gāmiṣyāmi vainateyasahāyavān || 617 ||
[Analyze grammar]

nagarīṃ mathurāṃ ramyāṃ bhojarājena pālitām || 618 ||
[Analyze grammar]

vaiśaṃpāyana uvāca evamuktvā tu rājānaṃ bhīṣmakaṃ yadupuṃgavaḥ || 619 ||
[Analyze grammar]

rājñāṃ caiva upāmantrya vaidarbhābhyāṃ viśeṣataḥ || 620 ||
[Analyze grammar]

sabhāṃ niṣkramya deveśo jagāma rathamantikam || 621 ||
[Analyze grammar]

tataḥ sa dṛṣṭvā rājarṣirbhīṣmakaḥ kila keśavam || 622 ||
[Analyze grammar]

te tu sarve mahīpālā viṣaṇṇavadanābhavan || 623 ||
[Analyze grammar]

ādyaṃ svāyaṃbhuvaṃ rūpaṃ surāsuranamaskṛtam || 624 ||
[Analyze grammar]

sahasrapātsahasrākṣaṃ sahasrabhujavigraham || 625 ||
[Analyze grammar]

sahasraśirasaṃ devaṃ sahasramukuṭojjvalam || 626 ||
[Analyze grammar]

divyamālyāmbaradharaṃ divyagandhānulepanam || 627 ||
[Analyze grammar]

divyābharaṇasaṃyuktaṃ divyānekodyatāyudham || 628 ||
[Analyze grammar]

kṛṣṇaṃ raktāravindākṣaṃ candrasūryāgnilocanam || 629 ||
[Analyze grammar]

kaustubhābharaṇagrīvaṃ vanamālavibhūṣitam || 628 ||
[Analyze grammar]

dṛṣṭvā sa rājarājendraḥ praṇipatya kṛtāñjaliḥ || 630 ||
[Analyze grammar]

vāṅmanaḥkāyasaṃyuktaḥ stotumārabdhavāṃstadā || 631 ||
[Analyze grammar]

bhīṣmaka uvāca devadeva namastubhyamanādinidhanāya vai || 632 ||
[Analyze grammar]

śaśvatāyādidevāya nārāyaṇa parāyaṇa || 633 ||
[Analyze grammar]

svayaṃbhuvāya viśvāya sthāṇave vedhasāya ca || 634 ||
[Analyze grammar]

padmanābhāya jaṭine daṇḍine piṅgalāya ca || 635 ||
[Analyze grammar]

haṃsaprabhāya haṃsāya catrarūpāya vai namaḥ || 636 ||
[Analyze grammar]

vaikuṇṭhāya namastasmai ajāya paramātmane || 637 ||
[Analyze grammar]

sadasadbhāvayuktāya purāṇapuruṣāya ca || 638 ||
[Analyze grammar]

puruṣottamāya yuktāya nirguṇāya namo'stu te || 639 ||
[Analyze grammar]

varado bhava me nityaṃ tvadbhaktāya surottama || 640 ||
[Analyze grammar]

lokanātho'si nāthastvaṃ viṣṇustvaṃ viditātmanām || 641 ||
[Analyze grammar]

vaiśaṃpāyana uvāca evaṃ stutvā mahādevaṃ nṛpāṇāmagrato nṛpaḥ || 642 ||
[Analyze grammar]

mahārhamaṇimuktābhirvajravaidūryahāsinam || 643 ||
[Analyze grammar]

śātakumbhasya nicayaṃ kṛṣṇāya pradadau nṛpaḥ || 644 ||
[Analyze grammar]

punaścakre namaskāraṃ vainateye mahābale || 645 ||
[Analyze grammar]

bhīṣmaka uvāca namastasmai khagendrāya manomārutaraṃhase || 646 ||
[Analyze grammar]

kāmarūpāya divyāya kāśyapāya ca vai namaḥ || 647 ||
[Analyze grammar]

vaiśaṃpāyana uvāca iti saṃkṣepataḥ stutvā satkṛtya varabhūṣaṇaiḥ || 648 ||
[Analyze grammar]

tato visarjayāmāsa kṛṣṇaṃ kamalalocanam || 649 ||
[Analyze grammar]

anujagmurnṛpāścaiva prasthitaṃ vāsavānujam || 650 ||
[Analyze grammar]

pratigṛhya ca satkāraṃ nṛpānāmantrya vīryavān || 651 ||
[Analyze grammar]

jagāma mathurāṃ kṛṣṇo dyotayāno diśo daśa || 652 ||
[Analyze grammar]

vainateyaṃ puraskṛtya saumyarūpaṃ khagottamam || 653 ||
[Analyze grammar]

mahatā rathavṛndena parivārya samantataḥ || 654 ||
[Analyze grammar]

bherīpaṭahanādena śaṅkhaduṃdubhinisvanaiḥ || 655 ||
[Analyze grammar]

bṛṃhitena ca nāgānāṃ hayānāṃ heṣitena ca || 656 ||
[Analyze grammar]

siṃhanādena śūrāṇāṃ rathanemisvanena ca || 657 ||
[Analyze grammar]

tumulaḥ sumahānāsīnmahāmegharavopamaḥ || 658 ||
[Analyze grammar]

gate kṛṣṇo mahāvīrye ādāya paramāsanam || 659 ||
[Analyze grammar]

sabhāmādāya devāśca prayayustridaśālayam || 660 ||
[Analyze grammar]

mahatā caturaṅgeṇa balena parivāritāḥ || 661 ||
[Analyze grammar]

krośamātramanuvrajya anujñāte janārdane || 662 ||
[Analyze grammar]

prayayuste nṛpāḥ sarve punareva svayaṃvaram || 663 ||
[Analyze grammar]

vaiśaṃpāyana uvāca tataḥ prayāte vasudevaputre || 664 ||
[Analyze grammar]

narādhipā bhūṣaṇabhūṣitāṅgāḥ || 665 ||
[Analyze grammar]

parasparaṃ jagmu surendrakalpāḥ || 666 ||
[Analyze grammar]

prabodhanārtha gamanotsukāste || 667 ||
[Analyze grammar]

sabhāgatān somaraviprakāśān || 668 ||
[Analyze grammar]

sukhopaviṣṭān rucirāsaneṣu || 669 ||
[Analyze grammar]

samīkṣya rājā sunayārthavādī || 670 ||
[Analyze grammar]

jagāda vākyaṃ nararājasiṃhaḥ || 671 ||
[Analyze grammar]

svayaṃvarakṛto doṣo vidito vo narādhipāḥ || 672 ||
[Analyze grammar]

kṣantavyo mama vṛddhasya durṇayasya phalodayaḥ || 673 ||
[Analyze grammar]

evamābhāṣya tān sarvān satkṛtya ca yathāvidhi || 674 ||
[Analyze grammar]

tato visarjayāmāsa nṛpāṃstānmadhyadeśajān || 675 ||
[Analyze grammar]

pūrvapaścimajāṃścaiva uttarāpathikānapi || 676 ||
[Analyze grammar]

te'pi sarve maheṣvāsāḥ prahṛṣṭamanaso nṛpāḥ || 677 ||
[Analyze grammar]

yathārheṇa ca saṃpūjya jagmuste narapuṃgavāḥ || 678 ||
[Analyze grammar]

jarāsaṃdhaḥ sunīthaśca dantavaktraśca vīryavān || 679 ||
[Analyze grammar]

sālvaḥ saubhapatiścaiva mahākūrmaśca pārthivaḥ || 680 ||
[Analyze grammar]

krathakaiśikamukhyāśca nṛpāḥ pravaravaṃśajāḥ || 681 ||
[Analyze grammar]

veṇudāriśca rājarṣiḥ kaśmīrādhipatistathā || 682 ||
[Analyze grammar]

ete cānye ca bahavo dakṣiṇāpathikā nṛpāḥ || 683 ||
[Analyze grammar]

śrotukāmā raho vākyaṃ sthitā vai bhīṣmakāntike || 684 ||
[Analyze grammar]

tānvai samīkṣya rājendraḥ sa rājā bhīṣmako balo || 685 ||
[Analyze grammar]

snehapūrṇena manasā sthitāṃstānavanīśvarān || 686 ||
[Analyze grammar]

trivargasahitaṃ ślakṣṇaṃ ṣaḍguṇālaṃkṛtaṃ śubham || 687 ||
[Analyze grammar]

uvāca nayasaṃpannaṃ snigdhagambhīrayā girā || 688 ||
[Analyze grammar]

bhavatāmavanīśānāṃ samālokya nayānvitam || 689 ||
[Analyze grammar]

vacanaṃ vyāhṛtaṃ śrutvā kṛtaṃ me kāryamīdṛśam || 690 ||
[Analyze grammar]

sadbhirbhavadbhiḥ kṣantavyaṃ vayaṃ nityāparādhinaḥ || 691 ||
[Analyze grammar]

evamuktvā tu rājā sa bhīṣmako nayakovidaḥ || 692 ||
[Analyze grammar]

uvāca sutamuddiśya vacanaṃ rājasaṃsadi || 693 ||
[Analyze grammar]

putrasya ceṣṭāmālokya trāsākulitalocanaḥ || 694 ||
[Analyze grammar]

manye bālānimāṃl lokān sa eṣa puruṣaḥ prabhuḥ || 695 ||
[Analyze grammar]

kīrtiḥ kīrtimatāṃ śreṣṭo yaśaśca yaśabhāgbalī || 696 ||
[Analyze grammar]

sthāpitaṃ bhuvi martye'smin svabāhubalamūrjitam || 697 ||
[Analyze grammar]

dhanyā khalu mahābhāgā devakī yoṣitāṃ varā || 698 ||
[Analyze grammar]

putraṃ tribhuvanaśreṣṭhaṃ dhṛtvā garbheṇa keśavam || 699 ||
[Analyze grammar]

kṛṣṇaṃ padmapalāśākṣaṃ śrīpuñjamamarārcitam || 700 ||
[Analyze grammar]

netrābhyāṃ snehapūrṇābhyāmīkṣate mukhapaṅkajam || 701 ||
[Analyze grammar]

evaṃ lālapyamānaṃ taṃ rājānaṃ rājasaṃsadi || 702 ||
[Analyze grammar]

uvāca ślakṣṇayā vācā sālvarājo mahādyutiḥ || 703 ||
[Analyze grammar]

alaṃ khedena rājendra sutāya ripumardine || 704 ||
[Analyze grammar]

kṣatriyasya raṇe rājandhruvaṃ jayaparājayau || 705 ||
[Analyze grammar]

niyatā gatirmartyānāmeṣa dharmaḥ sanātanaḥ || 706 ||
[Analyze grammar]

balakeśavayoranyastṛtīyaḥ kaḥ pumāniha || 707 ||
[Analyze grammar]

raṇe yodhayituṃ śaktastava putraṃ mahābalam || 708 ||
[Analyze grammar]

rathātirathavṛndānāmeka eva raṇājire || 709 ||
[Analyze grammar]

ripuṃ vārayituṃ śakto dhanurgṛhya mahābhujaḥ || 710 ||
[Analyze grammar]

bhārgavāstraṃ mahāraudraṃ devairapi durāsadam || 711 ||
[Analyze grammar]

sṛjato bāhuvīryeṇa kaḥ pumānpresahiṣyati || 712 ||
[Analyze grammar]

ayaṃ tu puruṣaḥ kṛṣṇo hyanādinidhano'vyayaḥ || 713 ||
[Analyze grammar]

taṃ vijetā na loke'sminnapi śūladharaḥ svayam || 714 ||
[Analyze grammar]

tava putro mahāprājñaḥ sarvaśāstrārthatattvavit || 715 ||
[Analyze grammar]

viditvā devamīśānaṃ na yodhayati keśavam || 716 ||
[Analyze grammar]

asti tasya raṇe jetā yavanādhipatirnṛpaḥ || 717 ||
[Analyze grammar]

sa kālayavano namā avadhyaḥ keśavasya ha || 718 ||
[Analyze grammar]

taptvā sudāruṇaṃ ghoraṃ tapaḥ paramaduścaram || 719 ||
[Analyze grammar]

rudramārādhayāmāsa dvādaśābdānyayośanaḥ || 720 ||
[Analyze grammar]

dvādaśābdāni muninā purvaṃ tena prasāditaḥ || 720 ||
[Analyze grammar]

putrakāmena muninā toṣya rudrātsuto vṛtaḥ || 721 ||
[Analyze grammar]

māthurāṇāmavadhyo'yaṃ bhavediti ca śaṃkarāt || 722 ||
[Analyze grammar]

evamastviti rudro'pi pradadau munaye sutam || 723 ||
[Analyze grammar]

evaṃ gargasya tanayaḥ śrīmān rudravarodbhavaḥ || 724 ||
[Analyze grammar]

māthurāṇāmavadhyo'sau mathurāyāṃ viśeṣataḥ || 725 ||
[Analyze grammar]

kṛṣṇo'pi balavāneṣa māthure jātavānayam || 726 ||
[Analyze grammar]

sa jeṣyati raṇe kṛṣṇaṃ mathurāyāṃ samāgataḥ || 727 ||
[Analyze grammar]

manyadhvaṃ yadi vo yuktāṃ nṛpā vācaṃ mayeritām || 728 ||
[Analyze grammar]

tatra dūtaṃ visṛjadhvaṃ yavanendrapuraṃ prati || 729 ||
[Analyze grammar]

śrutvā saubhapatervākyaṃ sarve te nṛpasattamāḥ || 730 ||
[Analyze grammar]

kurma ityabruvan hṛṣṭāḥ sālvarājaṃ mahābalam || 731 ||
[Analyze grammar]

sa teṣāṃ vacanaṃ śrutvā jarāsaṃdho mahīpatiḥ || 732 ||
[Analyze grammar]

babhūva vimanā rājanbrahmaṇo vacanaṃ smaran || 733 ||
[Analyze grammar]

jarāsaṃdha uvāca māṃ samāśritya pūrve'sminnṛpā nṛpabhayārditāḥ || 734 ||
[Analyze grammar]

prāpnuvanti hṛtaṃ rājyaṃ sabhṛtyabalavāhanam || 735 ||
[Analyze grammar]

iha māṃ nocyate bhūpaiḥ parasaṃśrayahetunā || 736 ||
[Analyze grammar]

kanyeva patividveṣādanyaṃ ratiparāyaṇā || 737 ||
[Analyze grammar]

aho subalavaddaivamaśakyaṃ vinivartitum || 738 ||
[Analyze grammar]

yadahaṃ kṛṣṇahetorhi saṃśrayāmi balādhikam || 739 ||
[Analyze grammar]

nūnaṃ yogavihīno'haṃ kārayiṣye parāśrayam || 740 ||
[Analyze grammar]

śreyo hi maraṇaṃ mahyaṃ na cānyaṃ saṃśraye nṛpāḥ || 741 ||
[Analyze grammar]

kṛṣṇo vā baladevo vā yo vā so vā naro'paraḥ || 742 ||
[Analyze grammar]

hantāhaṃ prahiyotsyāmi yathā brahmapracoditaḥ || 743 ||
[Analyze grammar]

eṣā me niścitā buddhiretatsupuruṣavratam || 744 ||
[Analyze grammar]

ato'nyathā na śakto'haṃ kartuṃ parasamāśrayam || 745 ||
[Analyze grammar]

bhavatāṃ sādhuvṛttānāmābādhaṃ na karoti saḥ || 746 ||
[Analyze grammar]

tena dūtaṃ pradāsyāmi nṛpāṇāṃ rakṣaṇāya vai || 747 ||
[Analyze grammar]

vyomamārgeṇa yātavyaṃ yathā kṛṣṇo na bādhate || 748 ||
[Analyze grammar]

gacchantamanucintyaivaṃ preṣayadhvaṃ nṛpottamāḥ || 749 ||
[Analyze grammar]

ayaṃ saubhapatiḥ śrīmānanalārkenduvikramaḥ || 750 ||
[Analyze grammar]

rathenādityavarṇena prayātu tatpuraṃ balī || 751 ||
[Analyze grammar]

yavanendro yathābhyeti narendrāṇāṃ samāgamam || 752 ||
[Analyze grammar]

vacanaṃ ca yathāsmābhirdautyena kṛṣṇavigrahe || 753 ||
[Analyze grammar]

vaiśaṃpāyana uvāca punarevābravīd rājā saubhasya patimūrjitam || 754 ||
[Analyze grammar]

gaccha sarvanarendrāṇāṃ sāhāyyaṃ kuru mānada || 755 ||
[Analyze grammar]

yavanendro yathābhyeti yathā kṛṣṇaṃ vijeṣyati || 756 ||
[Analyze grammar]

yathā vayaṃ ca tuṣyāmastathā nītirvidhīyatām || 757 ||
[Analyze grammar]

evaṃ saṃdiśya sarvāṃstānbhīṣmakaṃ pujya dharmataḥ || 758 ||
[Analyze grammar]

prayayau svapuraṃ rājā svena sainyena saṃvṛtaḥ || 759 ||
[Analyze grammar]

sālvo'pi nṛpatiśreṣṭhastāṃśca saṃpūjya vīryavān || 760 ||
[Analyze grammar]

jagāmākāśamārgeṇa rathenānilagāminā || 761 ||
[Analyze grammar]

te'pi sarve mahīpālā dakṣiṇāpathavāsinaḥ || 762 ||
[Analyze grammar]

anuvrajya jarāsaṃdhaṃ gatāḥ svanagareṣu vai || 763 ||
[Analyze grammar]

bhīṣmakaḥ saha putreṇa tāv ubhau cintya durṇayam || 764 ||
[Analyze grammar]

gṛhe viviśaturdīnau kṛṣṇamevānucintayan || 765 ||
[Analyze grammar]

rukmiṇī viditā sādhvī svayaṃvaranivartanam || 766 ||
[Analyze grammar]

kṛṣṇasyāgamane hetornṛpāṇāṃ doṣadarśanam || 767 ||
[Analyze grammar]

gatvā tu sā sakhīmadhye uvāca vrīḍitānanā || 768 ||
[Analyze grammar]

na cānyeṣāṃ narendrāṇāṃ patnī bhavitumutsahe || 769 ||
[Analyze grammar]

kṛṣṇātkamalapatrākṣātsatyametadvaco mama || 770 ||
[Analyze grammar]

vaiśaṃpāyana uvāca yavanānāṃ balodagraḥ sa kālayavano nṛpaḥ || 771 ||
[Analyze grammar]

babhūva rājadharmeṇa rakṣitā puravāsinām || 772 ||
[Analyze grammar]

trivargaviditaprajñaḥ ṣaḍguṇanupajīvakaḥ || 773 ||
[Analyze grammar]

saptavyasanasaṃmūḍho guneṣvabhirataḥ sadā || 774 ||
[Analyze grammar]

śrutimāndharmaśīlaśca satyavādī jitendriyaḥ || 775 ||
[Analyze grammar]

sāṃgrāmikavidhijñaśca durgalābhānusāraṇaḥ || 776 ||
[Analyze grammar]

śūro'pratibalaścaiva mantripravarasevakaḥ || 777 ||
[Analyze grammar]

sukhāsīnaḥ sabhāṃ ramyāṃ sacivaiḥ parivāritaḥ || 778 ||
[Analyze grammar]

upāsyamāno yavanairātmavidbhirvipaścitaiḥ || 779 ||
[Analyze grammar]

vividhāśca kathā divyāḥ kathyamānaiḥ parasparam || 780 ||
[Analyze grammar]

etasminneva kālo tu divyagandhavaho'nilaḥ || 781 ||
[Analyze grammar]

pravavau madanābodhastasya vai sukhaśītalaḥ || 782 ||
[Analyze grammar]

kasmādityevamanasaḥ sabhāyāṃ ye samāhatāḥ || 783 ||
[Analyze grammar]

utphullanayanāḥ sarve rājā caivāvalokya saḥ || 784 ||
[Analyze grammar]

apaśyata rathaṃ divyamāyāntaṃ bhāskaropamam || 785 ||
[Analyze grammar]

śātakumbhamayairdivyairathāṅgairupaśobhitam || 786 ||
[Analyze grammar]

divyaratnaprabhākīrṇaṃ divyadhvajapatākīnam || 787 ||
[Analyze grammar]

uhyantaṃ divyaturagairmanomārutaraṃhasaiḥ || 788 ||
[Analyze grammar]

candrabhāskarabimbāni kṛtvā jāmbūnadaṃ śubham || 789 ||
[Analyze grammar]

racitaṃ vai viśvakṛtā vaiyāghravarabhūṣitam || 790 ||
[Analyze grammar]

ripūṇāṃ trāsajananaṃ mitrāṇāṃ harṣavardhanam || 791 ||
[Analyze grammar]

dakṣiṇādikpathāyāntaṃ rathaṃ pararathārujam || 792 ||
[Analyze grammar]

tatropaviṣṭaṃ śrīmantaṃ saubhasya patimūrjitam || 793 ||
[Analyze grammar]

dṛṣṭvā paramasaṃhṛṣṭaścārghyapādyeti cāsakṛt || 794 ||
[Analyze grammar]

uvāca yavanendro vai mitraṃ pravadatāṃ varaḥ || 795 ||
[Analyze grammar]

tatrotthāya mahābāhuḥ svayameva nṛpāsanāt || 796 ||
[Analyze grammar]

pratyudnamyārghamādāya rathāvataraṇe sthitaḥ || 797 ||
[Analyze grammar]

sālvo'pi sumahātejā dṛṣṭvā rājānamāgatam || 798 ||
[Analyze grammar]

mudā paramayā yuktaḥ śakrapratimatejasam || 799 ||
[Analyze grammar]

avatīrya suvisrabdha eka eva rathottamāt || 800 ||
[Analyze grammar]

viveśa paramaprīto mitradarśanalālasaḥ || 801 ||
[Analyze grammar]

dṛṣṭvārghamudyātaṃ rājñā sa sālvo rājasattamaḥ || 802 ||
[Analyze grammar]

uvāca ślakṣṇayā vācā nārghārho'smi mahādyute || 803 ||
[Analyze grammar]

dūto'haṃ manujendrāṇāṃ sakāśādbhavato'ntikam || 804 ||
[Analyze grammar]

preṣito bahubhiḥ sārdhaṃ jarāsaṃghena dhīmatā || 805 ||
[Analyze grammar]

tena manye mahārāja nārghārho'smīti rājasu || 806 ||
[Analyze grammar]

kālayavana uvāca jānāmyahaṃ mahābāho dautyena tvāmihāgatam || 807 ||
[Analyze grammar]

saṃmite naradevānāṃ preṣitaṃ māgadhena vai || 808 ||
[Analyze grammar]

tena tvāmarcaye rājanviśeṣeṇa mahāmate || 809 ||
[Analyze grammar]

arghapādyādisatkārairāsanena yathāvidhi || 810 ||
[Analyze grammar]

bhavatyabhyarcite rājñāṃ sarveṣāmarcitaṃ bhavet || 811 ||
[Analyze grammar]

mānite tava rājendra sarveṣāṃ mānitaṃ bhavet || 811 ||
[Analyze grammar]

āsyatāmāsane divye mayā sārdhaṃ janeśvara || 812 ||
[Analyze grammar]

hastāliṅganakaṃ kṛtvā pṛṣṭvā ca kuśalamayam || 813 ||
[Analyze grammar]

sukhopaviṣṭhau sahitau śubhe siṃhāsane nṛpau || 814 ||
[Analyze grammar]

kālayavana uvāca yadbāhubalamaśritya vayaṃ sarve narādhipāḥ || 815 ||
[Analyze grammar]

vasāmo vigatodvegā devā iva śacīpatim || 816 ||
[Analyze grammar]

kimasādhyaṃ bhavedasya yenāsi preṣito mayi || 817 ||
[Analyze grammar]

vada satyaṃ vacastasya kimājñāpayati prabhuḥ || 818 ||
[Analyze grammar]

kariṣye vacanaṃ tasya api karma suduṣkaram || 819 ||
[Analyze grammar]

sālva uvāca yathā vadati rājendra magadhādhipatistava || 820 ||
[Analyze grammar]

tathāhaṃ saṃpravakṣyāmi śrūyatāṃ yavanādhipa || 821 ||
[Analyze grammar]

jarāsaṃdha uvāca jāto'haṃ jagatāṃ bādhī kṛṣṇaḥ paramadurjayaḥ || 822 ||
[Analyze grammar]

viditvā tasya durvṛttamahaṃ hantuṃ samudyataḥ || 823 ||
[Analyze grammar]

pārthavairbahubhiḥ sārdhaṃ samagrabalavāhanaiḥ || 824 ||
[Analyze grammar]

uparuddhā mahāsenā gomantamacalottamam || 825 ||
[Analyze grammar]

cedirājasya vacanaṃ mahārthaṃ śrutavānaham || 826 ||
[Analyze grammar]

padātābhyāṃ vināśāya hutāśanamayojayam || 827 ||
[Analyze grammar]

jvālāśatasahasrāḍhyaṃ yugāntāgnisamaprabham || 828 ||
[Analyze grammar]

dṛṣṭvā rāmo gireḥ kūṭādāpluto hematāladhṛk || 829 ||
[Analyze grammar]

viniṣpatya mahāsenāṃ madhye sāgarasaṃnibhām || 830 ||
[Analyze grammar]

ājaghāna durādharṣo narāśvarathadantinām || 831 ||
[Analyze grammar]

sarpantamiva sarpendraṃ vikṛṣyākṛṣya lāṅgalam || 832 ||
[Analyze grammar]

naranāgāśvavṛndāni musalena vyapothayat || 833 ||
[Analyze grammar]

gajena gajamāsphālya rathena rathayodhinam || 834 ||
[Analyze grammar]

hayena ca hayārohaṃ padātena padātinam || 835 ||
[Analyze grammar]

samare sumahātejā nṛpārkaśatasaṃkule || 836 ||
[Analyze grammar]

vicaranvividhānmārgānnidāghe bhāskaro yathā || 837 ||
[Analyze grammar]

rāmādanantaraṃ kṛṣṇaḥ pragṛhyārkasamaprabham || 838 ||
[Analyze grammar]

cakraṃ cakrabhṛtāṃ śreṣṭhaḥ siṃhaḥ kṣudramṛgaṃ yathā || 839 ||
[Analyze grammar]

cakraṃ sa ca mahātejāḥ kālīṃ caivāyasīṃ gadām || 839 ||
[Analyze grammar]

cakraṃ sudarśanaṃ cakrī gavāṃ caiva gadāgrajaḥ || 839 ||
[Analyze grammar]

pravicālya mahāvīryaḥ pādavegena taṃ girim || 840 ||
[Analyze grammar]

śatrusainye papātoccairyaduvīraḥ pratāpavān || 841 ||
[Analyze grammar]

pranṛtyanniva śailo'sau toyadhārābhiṣecitaḥ || 842 ||
[Analyze grammar]

ghurṇamāmo viveśorvīṃ vinirvāpya hutāśanam || 843 ||
[Analyze grammar]

ādīpyamānācchikharādavaplutya janārdanaḥ || 844 ||
[Analyze grammar]

jaghāna vāhinīṃ rājaṃścakravyagreṇa pāṇinā || 845 ||
[Analyze grammar]

vikṣipya vipulaṃ cakraṃ gadāpātādanantaram || 846 ||
[Analyze grammar]

naranāgāśvavṛndāni musalena vyacūrṇayat || 847 ||
[Analyze grammar]

krodhānalasamudbhūta cakralāṅgalavahninā || 848 ||
[Analyze grammar]

nirdagdhā mahatī senā narendrārkābhitāpitā || 849 ||
[Analyze grammar]

naranāgāśvakalilaṃ pattidhvajasamākulam || 850 ||
[Analyze grammar]

rathānīkaṃ padātābhyāṃ kṣaṇena viralīkṛtam || 851 ||
[Analyze grammar]

senāṃ prabhagnāmālokya cakrānalabhayārditām || 852 ||
[Analyze grammar]

mahatā rathavṛndena parivārya samantataḥ || 853 ||
[Analyze grammar]

tatrāhaṃ yudhyamānastu bhrātāsya balavānbalī || 854 ||
[Analyze grammar]

sthito mamāgrataḥ śuro gadāpāṇirhalāyudhaḥ || 855 ||
[Analyze grammar]

dvādaśākṣauhiṇīrhatvā prabhinna iva kesarī || 856 ||
[Analyze grammar]

halaṃ saunandamuddhṛtya gadayā māmatāḍayat || 857 ||
[Analyze grammar]

vajrapātanibhaṃ vegaṃ pātayitvā mamopari || 858 ||
[Analyze grammar]

bhūyaḥ prahartukāmo māṃ vaiśākhenāsthito mahīm || 859 ||
[Analyze grammar]

vaiśākhaṃ sthānamāsthāya guhaḥ krauñcaṃ yathā purā || 860 ||
[Analyze grammar]

tathā māṃ dīrghanetrābhyāmīkṣate nirdahanniva || 861 ||
[Analyze grammar]

tādṛgrūpaṃ samālokya baladevaṃ raṇājire || 862 ||
[Analyze grammar]

jīvitārthī nṛloke'smin kaḥ pumān sthātumarhati || 863 ||
[Analyze grammar]

dṛṣṭvā mahāgadāṃ bhīmāṃ kāladaṇḍamivoddhṛtām || 864 ||
[Analyze grammar]

kālāṅkuśena nirdhūtāṃ sthita evāgrato mama || 865 ||
[Analyze grammar]

tato jaladagambhīras vareṇāpurayannabhaḥ || 866 ||
[Analyze grammar]

vāguvācāśarīreṇa svayaṃ lokapitāmahaḥ || 867 ||
[Analyze grammar]

prahartavyo na rājāyamavadhyo'yaṃ tavānagha || 868 ||
[Analyze grammar]

kalpito'sya vadhaścānyādviramasva halāyudha || 869 ||
[Analyze grammar]

śrūtvāhaṃ tena vākyena cintāviṣṭo nivartitaḥ || 870 ||
[Analyze grammar]

sarvaprāṇaharaṃ ghoraṃ brahmaṇā svayamīritam || 871 ||
[Analyze grammar]

tenāhaṃ vaḥ pravakṣyāmi nṛpāṇāṃ hitakāmyayā || 872 ||
[Analyze grammar]

śrūtvā tvameva rājendra kartumarhasi madvacaḥ || 873 ||
[Analyze grammar]

tapasogreṇa mahatā putrārthī toṣya śaṃkaram || 874 ||
[Analyze grammar]

prāptavāndevadevāttvāmavadhyaṃ māthurairjanaiḥ || 875 ||
[Analyze grammar]

mahāmuniścāyasacūrṇamaśnann || 876 ||
[Analyze grammar]

upasthito dvādaśavārṣikaṃ vratam || 877 ||
[Analyze grammar]

surāsuraiḥ saṃstutapādapaṅkajaṃ || 878 ||
[Analyze grammar]

sa labdhvānīpsitakāmasaṃpadam || 879 ||
[Analyze grammar]

tapobalādgārgyamunermahātmano || 880 ||
[Analyze grammar]

varaprabhāvācchakalendumaulinaḥ || 881 ||
[Analyze grammar]

raṇe samāsādya janārdano himaṃ || 882 ||
[Analyze grammar]

vilīyate bhāskararaśminā yathā || 883 ||
[Analyze grammar]

yatasva rājñāṃ vacanapracodito || 884 ||
[Analyze grammar]

vrajasva yātrāṃ vijayāya keśavam || 885 ||
[Analyze grammar]

praviśya rāṣṭraṃ mathurāṃ vaśe naya || 886 ||
[Analyze grammar]

nihatya kṛṣṇaṃ prathayasva vai yaśaḥ || 887 ||
[Analyze grammar]

māthuro vāsudevo'yaṃ baladevaśca bāndhavaḥ || 888 ||
[Analyze grammar]

tau vijeṣyasi saṃgrāme gatvā tāṃ mathurāṃ purīm || 889 ||
[Analyze grammar]

sālva uvāca ityevaṃ narapatibhāskarapragītaṃ || 890 ||
[Analyze grammar]

vākyaṃ te kathitamidaṃ hitaṃ nṛpāṇām || 891 ||
[Analyze grammar]

tatsarvaṃ saha sacivairvimṛśya buddhayā || 892 ||
[Analyze grammar]

yad yuktaṃ kuru manujendra ātmaneṣṭam || 893 ||
[Analyze grammar]

vaiśaṃpāyana uvāca evaṃ kathayamānaṃ taṃ sālvarājaṃ nṛpājñayā || 894 ||
[Analyze grammar]

uvāca praramaprīto yavanādhipatirnṛpaḥ || 895 ||
[Analyze grammar]

dhanyo'smyanugṛhīto'smi saphalaṃ jīvitaṃ ca me || 896 ||
[Analyze grammar]

kṛṣṇanigrahahetoryanniyukto bahubhirnṛpaiḥ || 897 ||
[Analyze grammar]

durjayaṃ triṣu lokeṣu surāsuragaṇairapi || 898 ||
[Analyze grammar]

tasya nigrahahetormāmavadhārya jayāśiṣam || 899 ||
[Analyze grammar]

prahṛṣṭai rājasiṃhaistairavadhārya jayo mama || 900 ||
[Analyze grammar]

teṣāṃ vāgambuvarṣena vijayo me bhaviṣyati || 901 ||
[Analyze grammar]

karīṣye vacanaṃ teṣāṃ nṛpasattama coditam || 902 ||
[Analyze grammar]

parājayo'pi rājendra jayena sadṛśo mama || 903 ||
[Analyze grammar]

adyaiva tithinakṣatraṃ muhūrtakaraṇaṃ śubham || 904 ||
[Analyze grammar]

yāsyāmi mathurāṃ rājanvijetuṃ keśavaṃ raṇe || 905 ||
[Analyze grammar]

evamābhāṣya rājānaṃ saubhasya patimūrjitam || 906 ||
[Analyze grammar]

satkṛtya ca yathānyāyaṃ mahārhavarabhūṣaṇaiḥ || 907 ||
[Analyze grammar]

brāhmaṇebhyo dadau cittaṃ siddhādeśāya vai nṛpaḥ || 908 ||
[Analyze grammar]

purohitāya rājendra pradadau bahuśo dhanam || 909 ||
[Analyze grammar]

hutvāgniṃ vidhivad rājā kṛtakautukamaṅgalaḥ || 910 ||
[Analyze grammar]

prasthānaṃ kṛtavān samyagjetukāmo janārdanam || 911 ||
[Analyze grammar]

sālvo'pi bharataśreṣṭha kṛtārtho hṛṣṭamānasaḥ || 912 ||
[Analyze grammar]

yavanendraṃ pariṣvajya jagāma svapuraṃ nṛpaḥ || 913 ||
[Analyze grammar]

janamejaya uvāca vidarbhanagarīṃ yāte śakratulyaparākrame || 914 ||
[Analyze grammar]

kimarthaṃ garuḍo nītaḥ kiṃ ca karma cakāra saḥ || 915 ||
[Analyze grammar]

na cāruroha bhagavānvainateyaṃ mahābalam || 916 ||
[Analyze grammar]

etaṃ me saṃśayaṃ brahmanbrūhi tattvaṃ mahāmune || 917 ||
[Analyze grammar]

vaiśaṃpāyana uvāca śrṇu rājan suparṇena kṛtaṃ karma hyamānuṣam || 918 ||
[Analyze grammar]

vidarbhanagarīṃ yāto vainateye mahādyutau || 919 ||
[Analyze grammar]

asaṃprāpte ca nagarīṃ mathurāṃ madhusūdane || 920 ||
[Analyze grammar]

manasā cintayāmāsa vainateyo mahāmatiḥ || 921 ||
[Analyze grammar]

yaduktaṃ devadevena nṛpāṇāmagrataḥ prabho || 922 ||
[Analyze grammar]

yāsyāmi mathurāṃ ramyāṃ bhojarājena pālitām || 923 ||
[Analyze grammar]

iti tadvacanasyānte gamiṣyeti vicintayan || 924 ||
[Analyze grammar]

kṛtāñjalipuṭaḥ śrīmānpraṇipatyābravididam || 925 ||
[Analyze grammar]

deva yāsyāmi nagarīṃ raivatasya kuśasthalīm || 926 ||
[Analyze grammar]

raivataṃ ca giriṃ ramyaṃ nandanapratimaṃ vanam || 927 ||
[Analyze grammar]

rākṣasodvāsitāṃ ramyāṃ śailodadhitaṭāśritām || 928 ||
[Analyze grammar]

vṛkṣagulmalatākīrṇāṃ puṣpareṇuvibhūṣitām || 929 ||
[Analyze grammar]

gajendrabhujagākīrṇamṛkṣavānarasevitām || 930 ||
[Analyze grammar]

varāhamahiṣākrāntāṃ mṛgayūthairanekaśaḥ || 931 ||
[Analyze grammar]

tāṃ samantātsamālokya vāsārthaṃ te kṣamākṣamam || 932 ||
[Analyze grammar]

yadi syādbhavate ramyā praśastā nagarīti ca || 933 ||
[Analyze grammar]

kaṇṭakoddharaṇaṃ kṛtvā āgamiṣye tavāntikam || 934 ||
[Analyze grammar]

evaṃ vijñāpya deveśaṃ praṇipatya janārdanam || 935 ||
[Analyze grammar]

jagāma patagendro vai paścimābhimukho balī || 936 ||
[Analyze grammar]

kṛṣṇo'pi yadubhiḥ sārdhaṃ viveśa mathurāṃ purīm || 937 ||
[Analyze grammar]

svaireṇa cograsenaśca nāgarāścaiva sarvaśaḥ || 938 ||
[Analyze grammar]

pratyudgamyāgataṃ kṛṣṇamānarcurjanasaṃkulam || 939 ||
[Analyze grammar]

janamejaya uvāca śrutvābhiṣiktaṃ rājendraṃ bahubhirvasudhādhipaiḥ || 940 ||
[Analyze grammar]

kiṃ cakāra mahābāhurugraseno mahīpatiḥ || 941 ||
[Analyze grammar]

cāreṇaivograsenaśca nāgarāścaiva sarvaśaḥ || 941 ||
[Analyze grammar]

vaiśaṃpāyana uvāca śrutvābhiṣiktaṃ rājendraṃ bahubhirvasudhādhipaiḥ || 942 ||
[Analyze grammar]

indreṇa kṛtasaṃdhānaṃ dūtaṃ citrāṅgadaṃ kṛtam || 943 ||
[Analyze grammar]

ekaikaṃ nṛpaterbhāgaṃ śatasāhasrasaṃmitam || 944 ||
[Analyze grammar]

ekaikaṃ śatasāhasraṃ saṃmitaṃ rājamaṇḍalam || 944 ||
[Analyze grammar]

rājendreṣvarbudaṃ dattaṃ mānaveṣu ca vai daśa || 945 ||
[Analyze grammar]

najendraṃ cārghayuktaṃ ca kṛtvā vai mānuṣeṣu ca || 945 ||
[Analyze grammar]

ye tatra samanuprāptā narendrāste gṛhaṃ gatāḥ || 946 ||
[Analyze grammar]

śaṅko yādavarupeṇa pradadau haricintitam || 947 ||
[Analyze grammar]

evaṃ nidhipatiḥ śrīmāndaivatairanumoditaḥ || 948 ||
[Analyze grammar]

iti śrutvāntikajanāl lokaprāvṛttikānnarāt || 949 ||
[Analyze grammar]

cakāra mahatīṃ pūjāṃ devatāyataneṣu vai || 950 ||
[Analyze grammar]

vasudevasya bhavane toraṇobhayapār śvataḥ || 951 ||
[Analyze grammar]

naṭānāṃ nṛtyageyāni vādyāni ca samantataḥ || 952 ||
[Analyze grammar]

patākādhvajamālāḍhyaṃ kārayāmāsa sarvataḥ || 953 ||
[Analyze grammar]

kaṃsarājasya tu sabhāṃ vicitrāmbarasuprabhām || 954 ||
[Analyze grammar]

patākā vividhākārā dāpayāmāsa bhojarāṭ || 955 ||
[Analyze grammar]

toraṇaṃ gopuraṃ caiva sudhāpaṅkavilepanam || 956 ||
[Analyze grammar]

kārayāmāsa rājendra rājendrasyāsanālayam || 957 ||
[Analyze grammar]

naṭānāṃ nṛtyageyāni vādyāni ca samantataḥ || 958 ||
[Analyze grammar]

patākāvanamālāḍhyāḥ purṇakumbhāstatastataḥ || 959 ||
[Analyze grammar]

rājamārgeṣu rājendra candanodakasecite || 960 ||
[Analyze grammar]

vastrāstaraṇakaṃ rājā dāpayāmāsa bhūtale || 961 ||
[Analyze grammar]

dhūpapātropagāḥ pārśve candanāgaruguggulaiḥ || 962 ||
[Analyze grammar]

guḍasarjarasāścaiva dahyamānāḥ samantataḥ || 963 ||
[Analyze grammar]

vṛddhastrījanasaṃghaiśca gāyadbhiḥ stutimaṅgalam || 964 ||
[Analyze grammar]

alaṃkṛtvā pratīkṣante sveṣu sthāneṣu yoṣitaḥ || 965 ||
[Analyze grammar]

evaṃ kṛtvā purānandamugraseno narādhipaḥ || 966 ||
[Analyze grammar]

vasudevagṛhaṃ gatvā priyākhyānaṃ nivedya ca || 967 ||
[Analyze grammar]

rāmeṇa saha saṃmantrya nirgato rathamantikam || 968 ||
[Analyze grammar]

tasminnevāntare rājañchaṅkhadhvanirabhūnmahān || 969 ||
[Analyze grammar]

pāñcajanyasya ninadaṃ śrutvā mathuravāsinaḥ || 970 ||
[Analyze grammar]

striyo vṛddhās ca bālāśca sūtamāgadhabandinaḥ || 971 ||
[Analyze grammar]

te niryayurmahāsenā rāmaṃ kṛtvāgrato nṛpa || 972 ||
[Analyze grammar]

arghapādyaṃ puraskṛtya ugraseno mahīpatiḥ || 973 ||
[Analyze grammar]

dṛṣṭipanthānamāsādya ugraseno mahīpatiḥ || 973 ||
[Analyze grammar]

avatīrya rathācchubhrātpādamārgeṇa cāgrataḥ || 974 ||
[Analyze grammar]

dṛṣṭvāsīnaṃ rathe divye divyaratnavibhūṣite || 975 ||
[Analyze grammar]

aṅgeṣvābharaṇaṃ caiva divyaratnaprabhāyutam || 976 ||
[Analyze grammar]

vanamālorasaṃ divyaṃ tapantamiva bhāskaram || 977 ||
[Analyze grammar]

cāmaravyajanaṃ chatraṃ khagendradhvajamucchritam || 978 ||
[Analyze grammar]

rājalakṣaṇasaṃpannāmāsannārkamivojjvalam || 979 ||
[Analyze grammar]

śriyābhibhūtaṃ deveśaṃ durnirīkṣyataraṃ harim || 980 ||
[Analyze grammar]

dṛṣṭvā sa rājā rājendraṃ harṣagadgadayā girā || 981 ||
[Analyze grammar]

babhāṣe puṇḍarīkākṣaṃ rāmaṃ balaniṣūdanam || 982 ||
[Analyze grammar]

rathena na mayā gantuṃ yuktapūrvaṃ vicintya vai || 983 ||
[Analyze grammar]

avatīrṇo mahābhāga gaccha tvaṃ syandanena ca || 984 ||
[Analyze grammar]

viṣṇunā chadmarūpeṇa gatvemāṃ mathurāṃ purīm || 985 ||
[Analyze grammar]

atra prakāśitātmānaṃ devendratvaṃ nṛpārṇave || 986 ||
[Analyze grammar]

tamahaṃ stotumicchāmi sarvabhāvena keśavam || 987 ||
[Analyze grammar]

pratyuvāca mahātejā rājānaṃ kṛṇapūrvajaḥ || 988 ||
[Analyze grammar]

na yuktaṃ nṛpate stotuṃ vrajantaṃ devasattamam || 989 ||
[Analyze grammar]

astotreṇaiva saṃtuṣṭastava rājañjanārdanaḥ || 990 ||
[Analyze grammar]

tuṣṭasya stutibhiḥ kiṃ te darśanena tava stutiḥ || 991 ||
[Analyze grammar]

rājendratvamanuprāpya āgatastava veśmani || 992 ||
[Analyze grammar]

tattvaṃ kiṃ stutavān rājāndivyaiḥ stotrairamānuṣaiḥ || 993 ||
[Analyze grammar]

evamābruvamāṇau tau saṃprāptau keśevāntikam || 994 ||
[Analyze grammar]

arghodyatabhujaṃ dṛṣṭvā sthāpayitvā rathottamam || 995 ||
[Analyze grammar]

uvāca vadatāṃ śreṣṭha ugrasenaṃ narādhipam || 996 ||
[Analyze grammar]

yanmayā cābhiṣiktastvaṃ mathureśo bhavatviti || 997 ||
[Analyze grammar]

na yuktamanyathā kartuṃ mathurādhipate svayam || 998 ||
[Analyze grammar]

arghamācamanīyaṃ ca pādyaṃ cāsmannivedanam || 999 ||
[Analyze grammar]

na dātumarhase rājannetanme manasaḥ priyam || 1000 ||
[Analyze grammar]

tavābhiprāyaṃ vijñāya bravīmi nṛpate vacaḥ || 1001 ||
[Analyze grammar]

tvameva māthuro rājā nānyathā kartumarhasi || 1002 ||
[Analyze grammar]

sthānaṃ bhāgaṃ ca nṛpate dāsyāmi tava dakṣiṇam || 1003 ||
[Analyze grammar]

yathā nṛpāṇāṃ sarveṣāṃ tathā te sthāpito'grataḥ || 1004 ||
[Analyze grammar]

śatasāhasriko bhāgo vastrābharaṇavarjitaḥ || 1005 ||
[Analyze grammar]

āruhasva rathaṃ śubhraṃ cāmīkaravibhūṣitam || 1006 ||
[Analyze grammar]

cāmaravyajanaṃ chatraṃ dhvajaṃ ca manujeśvara || 1007 ||
[Analyze grammar]

divyābharaṇasaṃyuktaṃ mukuṭaṃ bhāskaraprabham || 1008 ||
[Analyze grammar]

dhārayasva mahābhāga pālayasva purīmimām || 1009 ||
[Analyze grammar]

putrapautraiḥ parikṛto mathurāṃ pratipālaya || 1010 ||
[Analyze grammar]

jitvārigaṇasaṃghāni bhojavaṃśaṃ vivardhaya || 1011 ||
[Analyze grammar]

devadevādyanantāya sīriṇe vajrapāṇinā || 1012 ||
[Analyze grammar]

preṣitaṃ devarājena divyābharaṇamambaram || 1013 ||
[Analyze grammar]

māthurāṇāṃ ca sarveṣāṃ bhāgā dīnārikā daśa || 1014 ||
[Analyze grammar]

sūtamāgadhabandīnāmekaikasya sahasrikam || 1015 ||
[Analyze grammar]

vṛddhastrījanasaṃghānāṃ gaṇikānāṃ śataṃ śatam || 1016 ||
[Analyze grammar]

nṛpena saha tiṣṭhanti vikadrupramukhāśca ye || 1017 ||
[Analyze grammar]

daśasāhasriko bhāgasteṣāṃ dhātrā prakalpitaḥ || 1018 ||
[Analyze grammar]

daśasāhastrikaṃ bhāgaṃ teṣāṃ dhātā prakalpayat || 1018 ||
[Analyze grammar]

evaṃ saṃpūjya rājendraṃ māthuraṇāṃ camūmukhe || 1019 ||
[Analyze grammar]

kṛtvā sumahadānandaṃ mathurāṃ madhusūdanaḥ || 1020 ||
[Analyze grammar]

divyābharaṇamālyaiśca divyām varavilepanaiḥ || 1021 ||
[Analyze grammar]

dīpyamānaḥ samantācca devā iva triviṣṭapam || 1022 ||
[Analyze grammar]

bherīpaṭahanādena śaṅkhaduṃdubhinisvanaiḥ || 1023 ||
[Analyze grammar]

bṛṃhitena ca nāgānāṃ hayānāṃ heṣitena ca || 1024 ||
[Analyze grammar]

siṃhanādena śūrāṇāṃ rathanemisvanena ca || 1025 ||
[Analyze grammar]

tumulaḥ sumahānāsīnnādo megharavopamaḥ || 1026 ||
[Analyze grammar]

bandibhiḥ stūyamānaṃ ca namaścakrurapi prajāḥ || 1027 ||
[Analyze grammar]

dattvā dānamananto'pi na yayau vismayaṃ hariḥ || 1028 ||
[Analyze grammar]

svabhāvonnatabhāvatvāddṛṣṭapūrvāttato'dhikam || 1029 ||
[Analyze grammar]

anahaṃkārabhāvācca vismayaṃ na jagāma ha || 1030 ||
[Analyze grammar]

dīpyamānaṃ svavapuṣā āyantaṃ bhāskaraprabham || 1031 ||
[Analyze grammar]

dṛṣṭvā mathuravāsinyo namaścakruḥ pade pade || 1032 ||
[Analyze grammar]

eṣa nārāyaṇaḥ śrīmān kṣīrārṇavaniketanaḥ || 1033 ||
[Analyze grammar]

nāgaparyaṅkamutsṛjya gato'yaṃ mathurāṃ purīm || 1034 ||
[Analyze grammar]

badhvā baliṃ mahāvīryaṃ durjayaṃ tridaśairapi || 1035 ||
[Analyze grammar]

śakrāya pradadau rājyaṃ trailokyaṃ vajrapāṇaye || 1036 ||
[Analyze grammar]

hatvā daityagaṇān sarvān kaṃsaṃ ca balināṃ varam || 1037 ||
[Analyze grammar]

bhojarājāya mathurāṃ dattvā keśiniṣūdanaḥ || 1038 ||
[Analyze grammar]

nābhiṣiktaḥ svayaṃ rājye nopaviṣṭo nṛpāsanam || 1039 ||
[Analyze grammar]

rājendratvamabhīpsanvai mathurāmāviśattataḥ || 1040 ||
[Analyze grammar]

evamanyonyasaṃjalpaṃ śrutvā puranivāsinām || 1041 ||
[Analyze grammar]

sūtamāgadhabandibhya idamucurgaṇā giraḥ || 1042 ||
[Analyze grammar]

kiṃ vā śakṣyāmahe vaktuṃ guṇānāṃ te guṇodadhe || 1043 ||
[Analyze grammar]

mānuṣeṇaikajihvena prabhāvotsāhasaṃbhavān || 1044 ||
[Analyze grammar]

sahasrabhogī nāgendraḥ kadāciddaivabuddhimān || 1045 ||
[Analyze grammar]

dvisahasreṇa jihvānāṃ vāsukiḥ prathayiṣyati || 1046 ||
[Analyze grammar]

kiṃ tvadbhutamidaṃ loke mānavendreṣu bhūtale || 1047 ||
[Analyze grammar]

na bhūtaṃ na bhaviṣyaṃ ca śakrādāsanamāgatam || 1048 ||
[Analyze grammar]

sabhāvataraṇaṃ caiva kalaśairāgataṃ svayam || 1049 ||
[Analyze grammar]

na śrutaṃ na ca dṛṣṭaṃ vā tena manyāmahe'dbhutam || 1050 ||
[Analyze grammar]

dhanyā devī mahābhāgā devakī yoṣitāṃ varā || 1051 ||
[Analyze grammar]

bhavantaṃ tridaśaśreṣṭhaṃ bhṛtvā garbheṇa keśavam || 1052 ||
[Analyze grammar]

kṛṣṇaṃ padmapalāśākṣaṃ śrīpuñjamamarārcitam || 1052 ||
[Analyze grammar]

netrābhyāṃ snehapūrṇābhyāṃ vīkṣate mukhapaṅkajam || 1052 ||
[Analyze grammar]

iti saṃjalpamānānāṃ śṛṇvantau pṛthagīritam || 1053 ||
[Analyze grammar]

ugrasenaṃ puraskṛtya bhrātarau rāmakeśavau || 1054 ||
[Analyze grammar]

prākāradvāri saṃprāptā varcayāmāsa vai tadā || 1055 ||
[Analyze grammar]

arghamācamanaṃ dattvā pādyṃ pādyeti cābravīt || 1056 ||
[Analyze grammar]

ugrasenastato dhīmān keśavasya rathāgrataḥ || 1057 ||
[Analyze grammar]

praṇamya śirasā kṛṣṇaṃ rathamāruhya vīryavān || 1058 ||
[Analyze grammar]

ghanena toyadhāreṇa vavarṣa karakāmbubhiḥ || 1059 ||
[Analyze grammar]

dhanaughairvarṣamāṇastu saṃprāptāḥ pitṛveśmani || 1060 ||
[Analyze grammar]

mathurābhipatiḥ śrīmānuvāca madhusūdanam || 1061 ||
[Analyze grammar]

rājendratvamanuprāpya na yuktaṃ pitṛveśmani || 1062 ||
[Analyze grammar]

sthāpitaṃ devarājena dattaṃ siṃhāsanaṃ prabho || 1063 ||
[Analyze grammar]

neṣyāmi mathureśasya sabhe bhujabalārjite || 1064 ||
[Analyze grammar]

prasādayiṣye bhagavanna kopaṃ kartumarhasi || 1065 ||
[Analyze grammar]

devakī vasudevaśca rohinī ca viśāṃ pate || 1066 ||
[Analyze grammar]

na kiṃcitkaraṇe śaktā harṣaklamavimohitāḥ || 1067 ||
[Analyze grammar]

kaṃsamātā tato rājannarghamādāya keśavam || 1068 ||
[Analyze grammar]

nānādigdeśajānītaṃ kaṃsenopārjitaṃ dhanam || 1069 ||
[Analyze grammar]

deśakālaṃ samālokya pādayugme nyavedayat || 1070 ||
[Analyze grammar]

ugrasenaṃ samāhūya uvāca ślakṣṇayā girā || 1071 ||
[Analyze grammar]

kṛṣṇa uvāca na cāhaṃ mathurākāṅkṣī na mayā vittakāṅkṣayā || 1072 ||
[Analyze grammar]

ghātitau tava putrau tau kālena nidhanaṃ gatau || 1073 ||
[Analyze grammar]

yajasva vividhānyajñāndadasva vipulaṃ dhanam || 1074 ||
[Analyze grammar]

jayasva ripusainyāni mama bāhubalāśrayāt || 1075 ||
[Analyze grammar]

tyajasva manasastāpaṃ kaṃsanāśodbhavaṃ bhayam || 1076 ||
[Analyze grammar]

nayasva vittanicayaṃ mayā dattaṃ punastava || 1077 ||
[Analyze grammar]

iti prāśvāsya rājānaṃ kṛṣṇo'tha halinā saha || 1078 ||
[Analyze grammar]

praviveśa tataḥ śrīmānmātāpitrorathāntakam || 1079 ||
[Analyze grammar]

ānandaparipurṇābhyāṃ hṛdayābhyāṃ mahābalau || 1080 ||
[Analyze grammar]

pitṛmātrostu pādau vai namaścakraturānatau || 1081 ||
[Analyze grammar]

tasminmuhūrte nagarī mathurā tu babhūva sā || 1082 ||
[Analyze grammar]

svargalokaṃ parityajyā vatīrṇevāmarāvatī || 1083 ||
[Analyze grammar]

vasudevasya bhavanaṃ samīkṣya puravāsinaḥ || 1084 ||
[Analyze grammar]

manasā cintayāmāsurdevalokaṃ na bhūtalam || 1085 ||
[Analyze grammar]

visṛjya mathureśaṃ tu mahiṣīsahitaṃ tadā || 1086 ||
[Analyze grammar]

bhavanaṃ vasudevasya praviśya balakeśavau || 1087 ||
[Analyze grammar]

nyastaśastrāv ubhau vīrau tasthatuḥ svairacāriṇau || 1088 ||
[Analyze grammar]

tataḥ kṛtāhnikau bhūtvā sukhāsīnau kathāntare || 1089 ||
[Analyze grammar]

etasminneva kāle tu mahotpāto babhūva ha || 1090 ||
[Analyze grammar]

babhramuśca ghanākāśe celuścāvaniparvatāḥ || 1091 ||
[Analyze grammar]

samudrāḥ kṣobhitāḥ sarve vibhrāntā bhogināṃ varāḥ || 1092 ||
[Analyze grammar]

kampitā yādavāḥ sarve nyubjāśca patitā bhūvi || 1093 ||
[Analyze grammar]

tau tānnipatitāndṛṣṭvā rāmakṛṣṇau ca niścalau || 1094 ||
[Analyze grammar]

mahatā pakṣavātena vijñātaḥ patagottamaḥ || 1095 ||
[Analyze grammar]

dadarśa samanuprāpto divyasraganulepanaḥ || 1096 ||
[Analyze grammar]

praṇamya śirasā tābhyāṃ saumyarūpī kṛtāsanaḥ || 1097 ||
[Analyze grammar]

taṃ dṛṣṭvā samanuprāptaṃ sacivaṃ sāṃparāyikam || 1098 ||
[Analyze grammar]

dhṛtimantaṃ garutmantaṃ jagāda madhūsūdanaḥ || 1099 ||
[Analyze grammar]

svāgataṃ khacaraśreṣṭha surasenārimardana || 1100 ||
[Analyze grammar]

vinatāhṛdayānanda svāgataṃ keśavapriya || 1101 ||
[Analyze grammar]

tamuvāca tataḥ kṛṣṇaḥ sthitaṃ dehamivāparam || 1102 ||
[Analyze grammar]

tulyasāmarthyayā vācā āsīnaṃ vinatātmajam || 1103 ||
[Analyze grammar]

yāsyāmaḥ patagaśreṣṭha bhojasyāntaḥpuraṃ mahat || 1104 ||
[Analyze grammar]

tatra gatvā sukhāsīnā mantrayāmo manogatam || 1105 ||
[Analyze grammar]

praviṣṭau tau mahāvīryau baladevajanārdanau || 1106 ||
[Analyze grammar]

vainateyatṛtīyau ca guhyaṃ mantramamantrayan || 1107 ||
[Analyze grammar]

avadhyo'sau kṛto'smākaṃ sumahacca riporbalam || 1108 ||
[Analyze grammar]

kṛtaḥ sainyakṣayaścāpi mahāniti narādhipaiḥ || 1109 ||
[Analyze grammar]

balāni ca sasainyāni hantuṃ varṣaśatairapi || 1110 ||
[Analyze grammar]

na śakṣyāmaḥ kṣayaṃ netuṃ jarāsaṃdhasya vāhinīm || 1111 ||
[Analyze grammar]

ato'rthaṃ vainateya tvāṃ bravīmi mathurāṃ purīm || 1112 ||
[Analyze grammar]

vasatorāvayoḥ śreyo na bhavediti me matiḥ || 1113 ||
[Analyze grammar]

garuḍa uvāca devadevaṃ namaskṛtya gato'haṃ bhavato'ntikāt || 1114 ||
[Analyze grammar]

vāsārthamīkṣituṃ bhūmiṃ tava deva kuśasthalīm || 1115 ||
[Analyze grammar]

gatvāhaṃ khe samāsthāya samantādavalokya tām || 1116 ||
[Analyze grammar]

dṛṣṭvā vai vibudhaśreṣṭha purīṃ lakṣaṇapūjitām || 1117 ||
[Analyze grammar]

sāgarānūpavipulāṃ prāgudakplavaśītalām || 1118 ||
[Analyze grammar]

parvatodadhimadhyasthāmabhedyāṃ tridaśairapi || 1119 ||
[Analyze grammar]

sarvaratnākaravatīṃ sarvakāmaphaladrumām || 1120 ||
[Analyze grammar]

sarvartukusumākīrṇāṃ sarvataḥ sumanoharām || 1121 ||
[Analyze grammar]

sarvāśramādhivāsāṃ ca sarvakāmaguṇairyutām || 1122 ||
[Analyze grammar]

naranārīgaṇākīrṇāṃ nityāmodavivardhanīm || 1123 ||
[Analyze grammar]

prākāraparikhopetāṃ gopurāṭṭālamālinīm || 1124 ||
[Analyze grammar]

vicitracatvarapathāṃ vipuladvāratoraṇām || 1125 ||
[Analyze grammar]

yantrārgalavicitrāḍhyāṃ hemaprākāraśobhitām || 1126 ||
[Analyze grammar]

naranāgāśvakalilāṃ rathasainyasamākulām || 1127 ||
[Analyze grammar]

nānādigdeśajākīrṇāṃ divyapuṣpaphaladrumām || 1128 ||
[Analyze grammar]

patākādhvajamālāḍhyāṃ mahābhavanaśālinīm || 1129 ||
[Analyze grammar]

bhīṣaṇīṃ ripusaṃghānāṃ mitrāṇāṃ harṣavardhanīm || 1130 ||
[Analyze grammar]

manujendrādhivāsebhyo viśiṣṭāṃ nagarottamām || 1131 ||
[Analyze grammar]

raivataṃ ca giriśreṣṭhaṃ kuru deva surālayam || 1132 ||
[Analyze grammar]

nandanapratimaṃ divyaṃ puradvārasya bhūṣaṇam || 1133 ||
[Analyze grammar]

kārayitvādhivāsaṃ taṃ tatra gatvā surottama || 1134 ||
[Analyze grammar]

kumārāṇāṃ pracāraśca suramānyo bhaviṣyati || 1135 ||
[Analyze grammar]

nāmnā dvāravatī nāma triṣu lokeṣu viśrutā || 1136 ||
[Analyze grammar]

bhaviṣyati purī ramyā śakrasyevāmarāvatī || 1137 ||
[Analyze grammar]

yadi syātsaṃvṛtāṃ bhūmiṃ pradāsyati mahodadhiḥ || 1138 ||
[Analyze grammar]

yatheṣṭaṃ vividhaṃ karma viśvakarmā kariṣyati || 1139 ||
[Analyze grammar]

maṇimuktāpravālaiśca vajravaidūryasaprabhaiḥ || 1140 ||
[Analyze grammar]

divyairabhiprāyayutairdivyaratnaistrilokajaiḥ || 1141 ||
[Analyze grammar]

divyastambhasamākīrṇān svarge devasabhopamān || 1142 ||
[Analyze grammar]

jāmbūnadamayāñchubhrān sarvaratnavibhūṣitān || 1143 ||
[Analyze grammar]

jāmbūnadamayāṃ śubhrāṃ sarvaratnavibhūṣitām || 1143 ||
[Analyze grammar]

divyadhvajapatākāḍhyāndevakiṃnarapālitān || 1144 ||
[Analyze grammar]

candrasūryapratīkāśānprāsādān kāraya prabho || 1145 ||
[Analyze grammar]

vaiśaṃpāyana uvāca evaṃ kṛtvātha saṃjalpaṃ vainateyo'tha keśavam || 1146 ||
[Analyze grammar]

praṇamya śirasā tābhyāṃ niṣasāda kṛtāsanaḥ || 1147 ||
[Analyze grammar]

kṛṣṇo'pi rāmasahito vicintya hitamīritam || 1148 ||
[Analyze grammar]

prakāśaṃ kartukāmau tau visṛjya vinatātmajam || 1149 ||
[Analyze grammar]

satkṛtya vidhivad rājanmahārhavarabhūṣaṇaiḥ || 1150 ||
[Analyze grammar]

praviveśa balī śrīmān svapiturbhavanaṃ nṛpa || 1150 ||
[Analyze grammar]

modete sukhinau tatra devaloke yathāmarau || 1151 ||
[Analyze grammar]

tasya tadvacanaṃ śrutvā bhojarājo mahāyaśāḥ || 1152 ||
[Analyze grammar]

kṛṣṇaṃ snehena visrabdhaṃ babhāṣe vacanāmṛtam || 1153 ||
[Analyze grammar]

krṣṇaṃ kṛṣṇa mahābāho yadūnāṃ nandivardhana || 1154 ||
[Analyze grammar]

śrūyatāṃ yadahaṃ tvādya vakṣyāmi ripusūdana || 1155 ||
[Analyze grammar]

tvayā vihīnāḥ sarve sma na śaktāḥ sukhamāsitum || 1156 ||
[Analyze grammar]

pure'sminviṣayānte vā patihīnā iva striyaḥ || 1157 ||
[Analyze grammar]

tvatsanāthā vayaṃ tāta tvadbāhubalamāśritāḥ || 1158 ||
[Analyze grammar]

bibhīmo na narendrāṇāṃ sendrāṇāmapi mānada || 1159 ||
[Analyze grammar]

vijayāya yaduśreṣṭha yatra yatra gāmiṣyasi || 1160 ||
[Analyze grammar]

tatra tvaṃ sahito'smābhirgacchethā yādavarṣabha || 1161 ||
[Analyze grammar]

tasya rājño vacaḥ śrutvā sasmitaṃ devakīsutaḥ || 1162 ||
[Analyze grammar]

yatheṣṭaṃ bhavatāmadya tathā kartāsmyasaṃśayam || 1163 ||
[Analyze grammar]