Chapter 17 - grahayuddhādhyāyaḥ [grahayuddha-adhyāya]

[English text for this chapter is available]

yuddhaṃ yathā yadā vā bhaviṣyamādiśyate trikālajñaiḥ |
tadvijñānaṃ karaṇe mayā kṛtaṃ sūryasiddhānte || 1 ||
[bhaviṣyad | siddhāntāt]
[Analyze grammar]

viyati caratāṃ grahāṇāmuparyuparyātmamārgasaṃsthānām |
atidūrāddṛgviṣaye samatāmiva samprayātānām || 2 ||
[Analyze grammar]

āsannakramayogādbhedollekhāṃśumardanāsavyaiḥ |
yuddhaṃ catuṣprakāraṃ parāśarādyairmunibhiruktam || 3 ||
[asavyaḥ]
[Analyze grammar]

bhede vṛṣṭivināśo bhedaḥ suhṛdāṃ mahākulānāṃ ca |
ullekhe śastrabhayaṃ mantrivirodhaḥ priyānnatvam || 4 ||
[Analyze grammar]

amśuvirodhe yuddhāni bhūbhṛtāṃ śastrarukkṣudavamardāḥ |
yuddhe cāpyapasavye bhavanti yuddhāni bhūpānām || 05 ||
[Analyze grammar]

ravirākrando madhye pauraḥ pūrve'pare sthito yāyī |
paurā budhagururavijā nityaṃ śītāṃśurākrandaḥ || 6 ||
[ākrandraḥ]
[Analyze grammar]

ketukujarāhuśukrā yāyina ete hatā ghnanti |
ākrandayāyipaurān jayino jayadāḥ svavargasya || 7 ||
[grahā hanyuḥ | jayadā]
[Analyze grammar]

paure paureṇa hate paurāḥ paurānnṛpānvinighnanti |
evaṃ yāyyākrandā nāgarayāyigrahāścaiva || 8 ||
[yāyyākrandau]
[Analyze grammar]

dakṣiṇadiksthaḥ paruṣo vepathuraprāpya sannivṛtto'ṇuḥ |
adhirūḍho vikṛto niṣprabho vivarṇaśca yaḥ sa jitaḥ || 9 ||
[Analyze grammar]

uktaviparītalakṣaṇasampanno jayagato vinirdeśyaḥ |
vipulaḥ snigdho dyutimāndakṣiṇadikstho'pi jayayuktaḥ || 10 ||
[vinirdiṣṭaḥ]
[Analyze grammar]

dvāvapi mayūkhayuktau vipulau snigdhau samāgame bhavataḥ |
tatra anyonyaṃ prītirviparītāvātmapakṣaghnau || 11 ||
[anyonyaprītir]
[Analyze grammar]

yuddhaṃ samāgamo vā yadyavyaktau svalakṣaṇairbhavataḥ |
bhuvi bhūbhṛtāmapi tathā phalamavyaktaṃ vinirdeśyam || 12 ||
[tu lakṣaṇair]
[Analyze grammar]

guruṇā jite'vanisute bāhlīkā yāyino'gnivārtāśca |
śaśijena śūrasenāḥ kaliṅgaśālvāśca pīḍyante || 13 ||
[agnivārttāśca | sālvāś]
[Analyze grammar]

saureṇāre vijite jayanti paurāḥ prajāśca sīdanti |
koṣṭhāgāramlecchakṣatriyatāpaśca śukrajite || 14 ||
[koṣṭhāgāra]
[Analyze grammar]

bhaumena hate śaśije vṛkṣasarittāpasāśmakanarendrāḥ |
uttaradiksthāḥ kratudīkṣitāśca santāpamāyānti || 15 ||
[Analyze grammar]

guruṇā jite budhe mlecchaśūdracaurārthayuktapaurajanāḥ |
traigartapārvatīyāḥ pīḍyante kampate ca mahī || 16 ||
[budhe jite]
[Analyze grammar]

ravijena budhe dhvaste nāvikayodhābjasadhanagarbhiṇyaḥ |
bhṛguṇā jite'gnikopaḥ sasyāmbudayāyividhvaṃsaḥ || 17 ||
[Analyze grammar]

jīve śukrābhihate kulūtagāndhārakaikayā madrāḥ |
śālvā vatsā vaṅgā gāvaḥ sasyāni pīḍyante || 18 ||
[sālvā | naśyanti]
[Analyze grammar]

bhaumena hate jīve madhyo deśo nareśvarā gāvaḥ |
saureṇa cārjunāyanavasātiyaudheyaśibiviprāḥ || 19 ||
[Analyze grammar]

śaśitanayenāpi jite bṛhaspatau mlecchasatyaśastrabhṛtaḥ |
upayānti madhyadeśaśca saṃkṣayaṃ yacca bhaktiphalam || 20 ||
[Analyze grammar]

śukre bṛhaspatijite yāyī śreṣṭho vināśamupayāti |
brahmakṣatravirodhaḥ salilaṃ ca na vāsavastyajati || 21 ||
[hate]
[Analyze grammar]

kośalakaliṅgavaṅgā vatsā matsyāśca madhyadeśayutāḥ |
mahatīṃ vrajanti pīḍāṃ napuṃsakāḥ śūrasenāśca || 22 ||
[Analyze grammar]

kujavijite bhṛgutanaye balamukhyavadho narendrasaṃgrāmāḥ |
saumyena pārvatīyāḥ kṣīravināśo'lpavṛṣṭiśca || 23 ||
[Analyze grammar]

ravijena site vijite guṇamukhyāḥ śastrajīvinaḥ kṣatram |
jalajāśca nipīḍyante sāmānyaṃ bhaktiphalamanyat || 24 ||
[gaṇamukhyāḥ]
[Analyze grammar]

asite sitena nihate'rghavṛddhirahivihagamānināṃ pīḍā |
kṣitijena taṅgaṇāndhroḍrakāśibāhlīkadeśānām || 25 ||
[Analyze grammar]

saumyena parābhūte mande'ṅgavaṇigvihaṅgapaśunāgāḥ |
santāpyante guruṇā strībahulā mahiṣakaśakāśca || 26 ||
[Analyze grammar]

ayaṃ viśeṣo'bhihito hatānāṃ kujajñavāgīśasitāsitānām |
phalaṃ tu vācyaṃ grahabhaktito'nyad yathā tathā ghnanti hatāḥ svabhaktīḥ || 27 ||
[Analyze grammar]