Chapter 16 - grahabhaktiyogādhyāyaḥ [grahabhaktiyoga-adhyāya]

[English text for this chapter is available]

prāṅ narmadārdhaśoṇoḍravaṅgasuhmāḥ kaliṅgabāhlīkāḥ |
śakayavanamagadhaśabaraprāgjyotiṣacīnakāmbojāḥ || 1 ||
[Analyze grammar]

mekalakirātaviṭakā bahirantaḥ śailajāḥ pulindāśca |
draviḍānāṃ prāgardhaṃ dakṣiṇakūlaṃ ca yamunāyāḥ || 2 ||
[Analyze grammar]

campodumbarakauśāmbicedivindhyāṭavīkaliṅgāśca |
puṇḍrā golāṅgūlaśrīparvatavardhamānāni || 3 ||
[vardhamānāśca]
[Analyze grammar]

ikṣumatītyatha taskarapāratakāntāragopabījānām |
tuṣadhānyakaṭukatarukanakadahanaviṣasamaraśūrāṇām || 4 ||
[Analyze grammar]

bheṣajabhiṣakcatuṣpadakṛṣikaranṛpahiṃsrayāyicaurāṇām |
vyālāraṇyayaśoyutatīkṣṇāṇāṃ bhāskaraḥ svāmī || 5 ||
[Analyze grammar]

girisaliladurgakośalabharukacchasamudraromakatuṣārāḥ |
vanavāsitaṅgaṇahalastrīrājyamahārṇavadvīpāḥ || 6 ||
[tukhārāḥ]
[Analyze grammar]

madhurarasakusumaphalasalilalavaṇamaṇiśaṅkhamauktikābjānām |
śāliyavauṣadhigodhūmasomapākrandaviprāṇām || 7 ||
[Analyze grammar]

sitasubhagaturagaratikarayuvaticamūnāthabhojyavastrāṇām |
śṛṅginiśācarakārṣakayajñavidāṃ cādhipaścandraḥ || 8 ||
[Analyze grammar]

śoṇasya narmadāyā bhīmarathāyāśca paścimārdhasthāḥ |
nirvindhyā vetravatī siprā godāvarī veṇā || 9 ||
[Analyze grammar]

mandākinī payoṣṇī mahānadī sindhumālatīpārāḥ |
uttarapāṇḍyamahendrādrivindhyamalayopagāścolāḥ || 10 ||
[Analyze grammar]

draviḍavidehāndhrāśmakabhāsāparakauṅkaṇāḥ samantriṣikāḥ |
kuntalakeraladaṇḍakakāntipuramlecchasaṅkariṇaḥ || 11 ||
[bhāsāpura | saṅkarajāḥ]
[Analyze grammar]

nāsikyabhogavardhanavirāṭavindhyādripārśvagā deśāḥ |
ye ca pibanti sutoyāṃ tāpīṃ ye ca api gomatīsalilam || K(12) ||
[Analyze grammar]

nāgarakṛṣikarapāratahutāśanājīviśastravārtānām |
āṭavikadurgakarvaṭavadhikanṛśaṃsāvaliptānām || 12 ||
[śastravārttānām | vadhaka]
[Analyze grammar]

narapatikumārakuñjaradāmbhikaḍimbhābhighātapaśupānām |
raktaphalakusumavidrumacamūpaguḍamadyatīkṣṇānām || 13 ||
[Analyze grammar]

kośabhavanāgnihotrikadhātvākaraśākyabhikṣucaurāṇām |
śaṭhadīrghavairabahvāśināṃ ca vasudhāsuto'dhipatiḥ || 14 ||
[Analyze grammar]

lohityaḥ sindhunadaḥ sarayūrgāmbhīrikā rathākhyā ca |
gaṅgākauśikyādyāḥ sarito vaidehakāmbojāḥ || 15 ||
[Analyze grammar]

mathurāyāḥ pūrvārdhaṃ himavadgomantacitrakūṭasthāḥ |
saurāṣṭrasetujalamārgapaṇyabilaparvatāśrayiṇaḥ || 16 ||
[Analyze grammar]

udapānayantragāndharvalekhyamaṇirāgagandhayuktividaḥ |
ālekhyaśabdagaṇitaprasādhakāyuṣyaśilpajñāḥ || 17 ||
[Analyze grammar]

carapuruṣakuhakajīvakaśiśukaviśaṭhasūcakābhicāraratāḥ |
dūtanapuṃsakahāsyajñabhūtatantrendrajālajñāḥ || 18 ||
[Analyze grammar]

ārakṣakanaṭanartakaghṛtatailasnehabījatiktāni |
vratacārirasāyanakuśalavesarāścandraputrasya || 19 ||
[Analyze grammar]

sindhunadapūrvabhāgo mathurāpaścārdhabharatasauvīrāḥ |
srughnaudīcyavipāśāsaricchatadrū ramaṭhaśālvāḥ || 20 ||
[udīcya | sālvāḥ]
[Analyze grammar]

traigartapauravāmbaṣṭhapāratā vāṭadhānayaudheyāḥ |
sārasvatārjunāyanamatsyārdhagrāmarāṣṭrāṇi || 21 ||
[pauraba]
[Analyze grammar]

hastyaśvapurohitabhūpamantrimāṅgalyapauṣṭikāsaktāḥ |
kāruṇyasatyaśaucavratavidyādānadharmayutāḥ || 22 ||
[Analyze grammar]

pauramahādhanaśabdārthavedaviduṣo'bhicāranītijñāḥ |
manujeśvaropakaraṇaṃ chatradhvajacāmarādyaṃ ca || 23 ||
[Analyze grammar]

śaileyakuṣṭhamāṃsītagararasasaindhavāni vallījam |
madhurarasamadhūcchiṣṭāni corakaśceti jīvasya || 24 ||
[kaṣṭha]
[Analyze grammar]

takṣaśilamartikāvatabahugirigāndhārapuṣkalāvatakāḥ |
prasthalamālavakaikayadāśārṇośīnarāḥ śibayaḥ || 25 ||
[mārtikāvata]
[Analyze grammar]

ye ca pibanti vitastāmirāvatīṃ candrabhāgasaritaṃ ca |
ratharajatākarakuñjaraturagamahāmātradhanayuktāḥ || 26 ||
[Analyze grammar]

surabhikusumānulepanamaṇivajravibhūṣaṇāmburuhaśayyāḥ |
varataruṇayuvatikāmopakaraṇamṛṣṭānnamadhurabhujaḥ || 27 ||
[Analyze grammar]

udyānasalilakāmukayaśaḥ sukhaudāryarūpasampannāḥ |
vidvadamātyavaṇigjanaghaṭakṛccitrāṇḍajāstriphalāḥ || 28 ||
[Analyze grammar]

kauśeyapaṭṭakambalapatraurṇikarodhrapatracocāni |
jātīphalāguruvacāpippalyaścandanaṃ ca bhṛgoḥ || 29 ||
[Analyze grammar]

ānartārbudapuṣkarasaurāṣṭrābhīraśūdraraivatakāḥ |
naṣṭā yasmindeśe sarasvatī paścimo deśaḥ || 30 ||
[Analyze grammar]

kurubhūmijāḥ prabhāsaṃ vidiśā vedasmṛtī mahītaṭajāḥ |
khalamalinanīcatailikavihīnasattvopahatapuṃstvāḥ || 31 ||
[Analyze grammar]

bāndhanaśākunikāśucikaivartavirūpavṛddhasaukarikāḥ |
gaṇapūjyaskhalitavrataśabarapulindārthaparihīnāḥ || 32 ||
[bandhana]
[Analyze grammar]

kaṭutiktarasāyanavidhavayoṣito bhujagataskaramahiṣyaḥ |
kharakarabhacaṇakavātalaniṣpāvāścārkaputrasya || 33 ||
[vātula]
[Analyze grammar]

giriśikharakandaradarīviniviṣṭā mlecchajātayaḥ śūdrāḥ |
gomāyubhakṣaśūlikavokkāṇāśvamukhavikalāṅgāḥ || 34 ||
[Analyze grammar]

kulapāṃsanahiṃsrakṛtaghnacauraniḥsatyaśaucadānāśca |
kharacaraniyuddhavittīvraroṣagarttāśrayā nīcāḥ || 35 ||
[garbhāśayā]
[Analyze grammar]

upahatadāmbhikarākṣasanidrābahulāśca jantavaḥ sarve |
dharmeṇa ca saṃtyaktā māṣatilāścārkaśaśiśatroḥ || 36 ||
[Analyze grammar]

giridurgapahlavaśvetahūṇacolāvagāṇamarucīnāḥ |
pratyantadhanimahecchavyavasāyaparākramopetāḥ || 37 ||
[Analyze grammar]

paradāravivādaratāḥ pararandhrakutūhalā madotsiktāḥ |
mūrkhādhārmikavijigīṣavaśca ketoḥ samākhyātāḥ || 38 ||
[Analyze grammar]

udayasamaye yaḥ snigdhāṃśurmahānprakṛtisthito yadi ca na hato nirghātolkārajograhamardanaiḥ |
svabhavanagataḥ svoccaprāptaḥ śubhagrahavīkṣitaḥ sa bhavati śivasteṣāṃ yeṣāṃ prabhuḥ parikīrtitaḥ || 39 ||
[Analyze grammar]

abhihitaviparītalakṣaṇe kṣayamupagacchati tatparigrahaḥ |
ḍamarabhayagadāturā janā narapatayaśca bhavanti duḥkhitāḥ || 40 ||
[lakṣanaiḥ]
[Analyze grammar]

yadi na ripukṛtaṃ bhayaṃ nṛpāṇāṃ svasutakṛtaṃ niyamādamātyajaṃ vā |
bhavati janapadasya cāpyavṛṣṭyā gamanamapūrvapurādrinimnagāsu || 41 ||
[Analyze grammar]