Chapter 2

sumanturuvāca |
śṛṇuṣvedaṃ mahābāho purāṇaṃ pañcalakṣaṇam |
yacchrutvā mucyate rājanpuruṣo brahmahatyayā || 1 ||
[Analyze grammar]

parvāṇi cātra vai pañca kīrtitāni svayambhuvā |
prathamaṃ kathyate brāhmaṃ dvitīyaṃ vaiṣṇavaṃ smṛtam || 2 ||
[Analyze grammar]

tṛtīyaṃ śaivamākhyātaṃ caturthaṃ tvāṣṭramucyate |
pañcamaṃ pratisargākhyaṃ sarvalokaiḥ supūjitam || 3 ||
[Analyze grammar]

etāni tāta parvāṇi lakṣaṇāni nibodha me |
sargaśca pratisargaśca vaṃśo manvantarāṇi ca || 4 ||
[Analyze grammar]

vaṃśānucaritaṃ caiva purāṇaṃ pañcalakṣaṇam |
caturdaśabhirvidyābhirbhūṣitaṃ kurunandana || 5 ||
[Analyze grammar]

aṅgāni caturo vedā mīmāṃsā nyāyavistaraḥ |
purāṇaṃ dharmaśāstraṃ ca vidyā hyetāścaturdaśa || 6 ||
[Analyze grammar]

āyurvedo dhanurvedo gāndharvaścaiva te trayaḥ |
arthaśāstraṃ caturthaṃ tu vidyā hyaṣṭādaśaiva tāḥ || 7 ||
[Analyze grammar]

prathamaṃ kathyate sargo bhūtānāmiha sarvaśaḥ |
yacchrutvā pāpanirmukto yāti śāntimanuttamām || 8 ||
[Analyze grammar]

jagadāsītpurā tāta tamobhūtamalakṣaṇam |
avijñeyamatarkyaṃ ca prasuptamiva sarvaśaḥ || 9 ||
[Analyze grammar]

tataḥ sa bhagavānīśo hyavyakto vyañjayannidam |
mahābhūtāni vṛttaujāḥ protthitastamanāśanaḥ 1 || 10 ||
[Analyze grammar]

yo'sāvatīndriyo'grāhyaḥ sūkṣmo'vyaktaḥ sanātanaḥ |
sarvabhūtamayo'cintyaḥ sa eṣa svayamutthitaḥ || 11 ||
[Analyze grammar]

yo'sau ṣaḍviṃśako loke tathā yaḥ puruṣottamaḥ |
bhāskaraśca mahābāho paraṃ brahma ca kathyate || 12 ||
[Analyze grammar]

so'bhidhyāya śarīrātsvātsisṛkṣurvividhāḥ prajāḥ |
ata eva sasarjādau tāsu vīryamavāsṛjat || 13 ||
[Analyze grammar]

yasmādutpadyate sarvaṃ sadevāsuramānuṣam |
bījaṃ śukraṃ tathā reta ugraṃ vīryaṃ ca kathyate || 14 ||
[Analyze grammar]

vīryasyaitāni nāmāni kathitāni svayambhuvā |
tadaṇḍamabhavaddhaimaṃ jvālāmālākulaṃ vibho || 15 ||
[Analyze grammar]

yasmiñjajñe svayaṃ brahmā sarvalokapitāmahaḥ |
surajyeṣṭhaścaturvaktraḥ parameṣṭhī pitāmahaḥ || 16 ||
[Analyze grammar]

kṣetrajñaḥ puruṣo vedhāḥ śambhurnārāyaṇastathā |
paryāyavācakaiḥ śabdaireva brahmā prakīrtyate || 17 ||
[Analyze grammar]

sadā manīṣibhistāta virañciḥ kañjajastathā || 2 ||
[Analyze grammar]

āpo nārā iti proktā āpo vai narasūnavaḥ || 18 ||
[Analyze grammar]

tā yadasyāyanaṃ pūrvaṃ tena nārāyaṇaḥ smṛtaḥ |
aramityeva śīghrāya niyatāḥ kavibhiḥ kṛtāḥ || 19 ||
[Analyze grammar]

āpa 3 evārṇavībhūtvā suśīghrāstena tā narāḥ |
yattatkāraṇamavyaktaṃ nityaṃ sadasadātmakam || 20 ||
[Analyze grammar]

tadvisṛṣṭaḥ sa puruṣo loke brahmeti kīrttyate |
evaṃ sa bhagavānaṇḍe tattvameva nirūpya vai || 21 ||
[Analyze grammar]

dhyānamāsthāya rājendra tadaṇḍamakaroddvidhā |
śakalābhyāṃ ca rājendra divaṃ bhūmiṃ ca nirmame || 22 ||
[Analyze grammar]

antarvyoma diśaścāṣṭau vāruṇaṃ sthānameva hi |
ūrdhvaṃ mahāngato rājan samantāllokabhūtaye || 23 ||
[Analyze grammar]

mahataścāpyahaṃkārastasmācca triguṇā api |
triguṇā atisūkṣmāstu buddhigamyā hi bhārata || 24 ||
[Analyze grammar]

utpattihetubhūtā vai bhūtānāṃ mahatāṃ nṛpa |
teṣāmeva gṛhītāni śanaiḥ pañcendriyāṇi tu || 25 ||
[Analyze grammar]

tathaivāvayavāḥ sūkṣmāḥ ṣaṇṇāmapyamitaujasām || 26 ||
[Analyze grammar]

saṃniveśyātmamātrāsu sa rājanbhagavānvibhuḥ |
bhūtāni nirmame tāta sarvāṇi vidhipūrvakam || 27 ||
[Analyze grammar]

yanmūrtyavayavāḥ sūkṣmāstasyemānyāśrayāṇi ṣaṭ |
tasmāccharīramityāhustasya mūrtiṃ manīṣiṇaḥ || 28 ||
[Analyze grammar]

mahānti tāni bhūtāni āviśanti tato vibhum |
karmaṇā saha rājendra saguṇāścāpi vai guṇāḥ || 29 ||
[Analyze grammar]

teṣāmidaṃ tu saptānāṃ puruṣāṇāṃ mahaujasām |
sūkṣmābhyo mūrtimātrābhyaḥ sambhavatyavyayādvayam 1 || 30 ||
[Analyze grammar]

bhūtādimahatastāta yena vyāptamidaṃ jagat |
tasmādapi mahābāho puruṣāḥ pañca eva hi || 31 ||
[Analyze grammar]

kecidevaṃ parāṃ tāta sṛṣṭimicchanti paṇḍitāḥ |
anye'pyevaṃ mahābāho pravadanti manīṣiṇaḥ || 32 ||
[Analyze grammar]

yo'sāvātmā parastāta kalpādau sṛjate tanum |
prajanaśca mahābāho sisṛkṣurvividhāḥ prajāḥ || 33 ||
[Analyze grammar]

tena sṛṣṭaḥ pudgalastu pradhānaṃ viśate nṛpa |
pradhānaṃ kṣobhitaṃ tena vikārānyujate bahūn || 34 ||
[Analyze grammar]

utpadyate mahāṃstasmāttato bhūtādireva hi |
utpadyate viśālaṃ ca bhūtādeḥ kurunandana || 35 ||
[Analyze grammar]

viśālācca haristāta hareścāpi vṛkāstathā |
vṛkairmuṣṇanti ca budhāstasmātsarvaṃ bhavennṛpa || 36 ||
[Analyze grammar]

tathaiṣāmeva rājendra prādurbhavati vegataḥ |
mātrāṇāṃ kuruśārdūla vibodhastadanantaram 1 || 37 ||
[Analyze grammar]

tasmādapi hṛṣīkāṇi vividhāni nṛpottama |
tatheyaṃ sṛṣṭirākhyātā'rādhyataḥ kurunandana || 38 ||
[Analyze grammar]

bhūyo nibodha rājendra bhūtānāmiha vistaram |
guṇādhikāni sarvāṇi bhūtāni pṛthivīpate || 39 ||
[Analyze grammar]

ākāśamāditaḥ kṛtvā uttarottarameva hi |
ekaṃ dvau ca tathā trīṇi catvāraścāpi pañca ca || 40 ||
[Analyze grammar]

tataḥ sa bhagavānbrahmā padmāsanagataḥ prabhuḥ |
sarveṣāṃ tu sa nāmāni karmāṇi ca pṛthakpṛthak || 41 ||
[Analyze grammar]

vedaśabdebhya evādau pṛthaksaṃsthāśca nirmame |
karmodbhavānāṃ devānāṃ so'sṛjaddehināṃ prabhuḥ || 42 ||
[Analyze grammar]

tuṣitānāṃ gaṇaṃ rājanyajñaṃ caiva sanātanam |
dattvā 2 vīra samānebhyo guhyaṃ brahma sanātanam || 43 ||
[Analyze grammar]

dudoha yajñasiddhayarthamṛgyajuḥ sāmalakṣaṇam |
kālaṃ kālavibhaktīśca 3 grahānṛtūṃstathā nṛpa || 44 ||
[Analyze grammar]

saritaḥ sāgarāñchailānsamāni viṣamāṇi ca |
kāmaṃ krodhaṃ tathā vācaṃ ratiṃ cāpi kurudvaha || 45 ||
[Analyze grammar]

sṛṣṭiṃ sasarja rājendra sisṛkṣurvividhāḥ prajāḥ |
dharmādharmau vivekāya karmaṇāṃ ca tathāsṛjat || 46 ||
[Analyze grammar]

sukhaduḥkhādibhirdvandvaiḥ prajāścemā nyayojayat |
aṇvyo mātrāvināśinyo daśārdhānāṃ tu yāḥ smṛtāḥ || 47 ||
[Analyze grammar]

tābhiḥ sarvamidaṃ vīra sambhavatyanupūrvaśaḥ |
yatkṛtaṃ tu purā karma sanniyuktena vai nṛpa || 48 ||
[Analyze grammar]

sa tadeva svayaṃ bheje sṛjyamānaṃ punaḥ punaḥ |
hiṃsrāhiṃsre mṛdukrūre dharmādharme ṛtānṛte || 49 ||
[Analyze grammar]

yadyathāsyābhavatsarge tattasya svayamāviśat |
yathā ca liṅgānyṛtavaḥ svayamevānuparyaye || 50 ||
[Analyze grammar]

svāni svānyabhipadyante tathā karmāṇi dehinaḥ |
lokasyeha vivṛddhyarthaṃ mukhabāhūrupādataḥ || 51 ||
[Analyze grammar]

brahma kṣatraṃ tathā cobhau vaiśyaśūdrau nṛpottama |
mukhāni yāni catvāri tebhyo vedā viniḥsṛtāḥ || 52 ||
[Analyze grammar]

ṛgvedasahitā tāta vasiṣṭhena mahātmanā |
pūrvānmukhānmahābāho dakṣiṇāccāpi vai śṛṇu || 53 ||
[Analyze grammar]

yajurvedo mahārāja yājñavalkyena vai saha |
sāmāni paścimāttāta gautamaśca mahānṛṣiḥ || 54 ||
[Analyze grammar]

atharvavedo rājendra mukhāccāpyuttarānnṛpa |
ṛṣiścāpi tathā rājañchaunako lokapūjitaḥ || 55 ||
[Analyze grammar]

yattanmukhaṃ mahābāho pañcamaṃ lokaviśrutam |
aṣṭādaśapurāṇāni setihāsāni bhārata || 56 ||
[Analyze grammar]

nirgatāni tatastasmānmukhātkurukulodvaha |
tathānyāḥ smṛtayaścāpi yamādyā lokapūjitāḥ || 57 ||
[Analyze grammar]

tataḥ sa bhagavāndevo dvidhā dehamakārayat |
dvidhā kṛtvātmano dehamardhena puruṣo'bhavat || 58 ||
[Analyze grammar]

ardhena nārī tasyāṃ ca virājamasṛjatprabhuḥ |
tapastaptvāsṛjadyaṃ tu sa svayaṃ puruṣo virāṭ || 59 ||
[Analyze grammar]

sa cakāra tapo rājansisṛkṣurvividhāḥ prajāḥ |
patīnprajānāmasṛjanmaharṣīnādito daśa || 60 ||
[Analyze grammar]

nāradaṃ ca bhṛguṃ tāta kaṃ pracetasameva hi |
pulahaṃ kratuṃ pulastyaṃ ca atrimaṅgirasaṃ tathā || 61 ||
[Analyze grammar]

marīciṃ cāpi rājendra yo'sāvādyaḥ prajāpatiḥ |
etāṃścānyāṃśca rājendra asṛjad bhūritejasaḥ || 62 ||
[Analyze grammar]

atha devānṛṣīndaityānso'sṛjatkurunandana |
yakṣarakṣaḥ piśācāṃśca gandharvāpsaraso'surān || 63 ||
[Analyze grammar]

manuṣyāṇāṃ pitṝṇāṃ ca sarpāṇāṃ caiva bhārata |
nāgānāṃ ca mahābāho sasarja vividhāngaṇān || 64 ||
[Analyze grammar]

kṣaṇaruco'śanigaṇānrohitendradhanūṃṣi ca |
dhūmaketūṃstathā colkā niryātāñjyotiṣāṃ gaṇān || 65 ||
[Analyze grammar]

manuṣyānkinnarānmatsyānvarāhāṃśca vihaṅgamān |
gajānaśvānatha paśūnmṛgānvyālāṃśca bhārata || 66 ||
[Analyze grammar]

kṛmikīṭapataṅgāṃśca yūkālikṣakamatkuṇān |
sarvaṃ ca daṃśamaśakaṃ sthāvaraṃ1 ca pṛthagvidham || 67 ||
[Analyze grammar]

evaṃ sa bhāskaro devaḥ sasarja bhuvanatrayam |
yeṣāṃ tu yādṛśaṃ karma bhūtānāmiha kīrtitam || 68 ||
[Analyze grammar]

kathayiṣyāmi tatsarvaṃ kramayogaṃ ca janmani |
gajā vyālā mṛgāstāta paśavaśca pṛthagvidhāḥ || 69 ||
[Analyze grammar]

piśācā mānuṣāstāta rakṣāṃsi ca jarāyujāḥ |
dvijāstu aṇḍajāḥ sarpā nakrā matsyāḥ sakacchapāḥ || 70 ||
[Analyze grammar]

evaṃvidhāni yānīha sthalajānyaudakāni ca |
svedajaṃ daṃśamaśakaṃ yūkālikṣakamatkuṇāḥ || 71 ||
[Analyze grammar]

ūṣmaṇā copajāyante yaccānyatkiñcidīdṛśam |
udbhijjāḥ sthāvarāḥ sarve bījakāṇḍaprarohiṇaḥ || 72 ||
[Analyze grammar]

oṣadhyaḥ phalapākāntā nānāvidhaphalopagāḥ |
apuṣpāḥ phalavanto ye te vanaspatayaḥ smṛtāḥ || 73 ||
[Analyze grammar]

puṣpiṇaḥ phalinaścaiva vṛkṣāstūbhayataḥ smṛtāḥ |
gucchagulmaṃ tu vividhaṃ tathaiva tṛṇajātayaḥ || 74 ||
[Analyze grammar]

bījakāṇḍaruhāṇyeva pratānā 1 vallya eva ca |
tamasā bahurūpeṇa veṣṭitāḥ karmahetunā || 75 ||
[Analyze grammar]

antaḥsaṃjñā bhavantyete sukhaduḥkhasamanvitāḥ |
etāvatyastu gatayaḥ prodbhūtāḥ kurunandana || 76 ||
[Analyze grammar]

tasmāddevāddīptimanto bhāskarācya mahātmanaḥ |
ghore'smiṃstāta saṃsāre nityaṃ satatayāyini || 77 ||
[Analyze grammar]

evaṃ sarvaṃ sa sṛṣṭvedaṃ rājaṃllokaguruṃ param |
tirobhūtaḥ sa bhūtātmā kālaṃ kālena pīḍayan || 78 ||
[Analyze grammar]

yadā sa devo jāgarti tadedaṃ ceṣṭate jagat |
yadā svapiti śāntātmā tadā sarvaṃ nimīlati || 79 ||
[Analyze grammar]

tasminsvapiti rājendra jantavaḥ karmabandhanāḥ |
svakarmabhyo nivartante manaśca glānimṛcchati || 80 ||
[Analyze grammar]

yugapattu pralīyante yadā tasminmahātmani |
tadāyaṃ sarvabhūtātmā sukhaṃ svapiti bhārata || 81 ||
[Analyze grammar]

tamo yadā samāśritya ciraṃ tiṣṭhati sendriyaḥ |
na navaṃ kurute karma tadotkrāmati mūrtitaḥ || 82 ||
[Analyze grammar]

yadāhaṃmātriko bhūtvā bījaṃ sthāsnu cariṣṇu ca |
samāviśati saṃsṛṣṭastadā mūtiṃ vimuñcati || 83 ||
[Analyze grammar]

evaṃ sa jāgratsvapnābhyāmidaṃ sarvaṃ jagatprabhuḥ |
saṃjīvayati cājasraṃ pramāpayati cāvyayaḥ || 84 ||
[Analyze grammar]

kalpādau sṛjate tāta ante kalpasya saṃharet |
dinaṃ tasyeha yattāta kalpāntamiti kathyate || 85 ||
[Analyze grammar]

kālasaṃkhyāṃ tatastasya 1 kalpasya śṛṇu bhārata |
nimeṣā daśa cāṣṭau ca akṣṇaḥ kāṣṭhā nigadyate || 86 ||
[Analyze grammar]

triṃśatkāṣṭhāḥ kalāmāhuḥ kṣaṇastriṃśatkalāḥ smṛtāḥ |
muhūrtamatha mauhūrtā vadanti dvādaśa kṣaṇam || 87 ||
[Analyze grammar]

triṃśanmuhūrtamuddiṣṭamahorātraṃ manīṣibhiḥ |
māsastriṃśadahorātraṃ dvau dvau māsāvṛtuḥ smṛtaḥ || 88 ||
[Analyze grammar]

ṛtutrayamapyayanamayane dve tu vatsaraḥ |
ahorātre vibhajate sūryo mānuṣadaivike || 89 ||
[Analyze grammar]

rātriḥ svapnāya bhūtānāṃ ceṣṭāyai karmaṇāmahaḥ |
pitrye rātryahanī māsaḥ pravibhāgastu pakṣayoḥ || 90 ||
[Analyze grammar]

karma ceṣṭāsvahaḥ kṛṣṇaḥ muktaḥ svapnāya śarvarī |
daive rātryahanī varṣaṃ pravibhāgastayoḥ punaḥ || 91 ||
[Analyze grammar]

ahastatrodagayanaṃ rātriḥ syāddakṣiṇāyanam |
brāhmasya tu kṣapāhasya yatpramāṇaṃ mahīpate || 92 ||
[Analyze grammar]

ekaikaśo yugānāṃ tu kramaśastantibodha me |
catvāryāhuḥ sahasrāṇi varṣāṇāṃ tatkṛtaṃ yugam || 93 ||
[Analyze grammar]

tasya tāvacchatī sandhyā sandhyāṃśaśca tathāvidhaḥ |
tretā trīṇi sahasrāṇi varṣāṇi ca vidurbudhāḥ || 94 ||
[Analyze grammar]

śatāni ṣaṭ ca rājendra sandhyāsandhyāṃśayoḥ pṛthak |
varṣāṇāṃ dve sahasre tu dvāpare parikīrtite || 95 ||
[Analyze grammar]

catvāri ca śatānyāhuḥ sandhyāsandhyāṃśayorbudhaḥ |
sahasraṃ kathitaṃ tiṣye śatadvayasamanvitam || 96 ||
[Analyze grammar]

eṣā caturyugasyāpi saṃkhyā proktā nṛpottama |
yadetatparisaṃkhyā tamādāveva caturyugam || 97 ||
[Analyze grammar]

etaddvādaśasāhasraṃ devānāṃ yugamucyate |
daivikānāṃ yugānāṃ tu sahasraparisaṃkhyayā || 98 ||
[Analyze grammar]

brāhmamekamaharjñeyaṃ tāvatī rātrirucyate |
etadyugasahasrāntaṃ brāhmaṃ puṇyamaharviduḥ || 99 ||
[Analyze grammar]

rātriṃ ca tāvatīmeva te'horātravido janāḥ |
tato'sau yugaparyante prasuptaḥ pratibudhyate || 100 ||
[Analyze grammar]

pratibuddhastu sṛjati manaḥ sadasadātmakam |
manaḥ sṛṣṭiṃ vikurute codyamānaṃ 1 sisṛkṣayā || 101 ||
[Analyze grammar]

vipulaṃ jāyate tasmāttasya śabdaṃ guṇaṃ viduḥ |
vipulāttu vikurvāṇātsarvagandhavahaḥ śuciḥ || 102 ||
[Analyze grammar]

balavāñjāyate vāyuḥ sa vai sparśaguṇo mataḥ |
vāyorapi vikurvāṇādvirociṣṇu tamonudam || 103 ||
[Analyze grammar]

utpadyate vicitrāṃśustasya rūpaṃ guṇaṃ viduḥ |
tasmādapi vikurvāṇādāpo jātāḥ smṛtā budhaiḥ || 104 ||
[Analyze grammar]

tāsāṃ guṇo raso jñeyaḥ sarvalokasya bhāvanaḥ || 2 ||
[Analyze grammar]

adbhyo gandhaguṇā bhūmirityeṣā sṛṣṭirāditaḥ || 105 ||
[Analyze grammar]

yatprāgdvādaśasāhasramuktaṃ saumanasaṃ yugam |
tadekasaptatiguṇaṃ manvantaramihocyate || 106 ||
[Analyze grammar]

manvantarāṇyasaṃkhyāni sargaḥ saṃhāra eva ca |
tathāpyahe sadā brāhme manavastu caturdaśa || 107 ||
[Analyze grammar]

kathyante kuruśārdūla 3 saṃkhyayā paṇḍitaiḥ sadā |
manoḥ svāyambhuvasyeha ṣaḍvaṃśyā 4 manavo'pare || 108 ||
[Analyze grammar]

sṛṣṭavantaḥ prajāḥ svāḥsvāḥ mahātmāno mahaujasaḥ |
sāvarṇeyastathā pañcabhautyo raucyastathāparaḥ || 109 ||
[Analyze grammar]

ete bhaviṣyā manavaḥ sapta proktā nṛpottama |
svasve'ntare sarvamidaṃ pālayanti carācaram || 110 ||
[Analyze grammar]

evaṃvidhaṃ dinaṃ tasya viriñcestu mahātmanaḥ |
tasyānte kurute sargaṃ yathedaṃ kathitaṃ tava || 111 ||
[Analyze grammar]

krīḍannivaitatkurute parameṣṭhī narādhipa |
catuṣpātsakalo dharmaḥ satyaṃ caiva kṛte yuge || 112 ||
[Analyze grammar]

nādharmeṇāgamaḥ kaścinmanuṣyāṇāṃ pravartate |
itareṣvāgamāstāta dharmaśca kurunandana || 113 ||
[Analyze grammar]

yādṛśāḥ parihīyante yathāha bhagavānmanuḥ || 1 ||
[Analyze grammar]

cauryāccāpyanṛtādrājanmāyābhiramitadyute || 114 ||
[Analyze grammar]

pādena hīyate dharmastretādiṣu yugeṣu vai |
arogāḥ sarvasiddhārthāścaturvarṣaśatāyuṣaḥ || 115 ||
[Analyze grammar]

kṛtatretādiṣu tveṣāṃ vayo hrasati pādaśaḥ |
vedoktamāyurāśīśca martyānāṃ kurunandana || 116 ||
[Analyze grammar]

karmaṇāṃ tu phalaṃ tāta phalatyanuyugaṃ sadā |
prabhāvaśca tathā loke phalatyeva śarīriṇām || 117 ||
[Analyze grammar]

anye kṛtayuge dharmāstretāyāṃ dvāpare pare |
anye kaliyuge nṛṇāṃ yugadharmānurūpataḥ || 118 ||
[Analyze grammar]

tapaḥ paraṃ kṛtayuge tretāyāṃ jñānamucyate |
dvāpare yajñamityāhurdānamekaṃ kalau yuge || 119 ||
[Analyze grammar]

sarvasya rājansargasya guptyarthaṃ ca mahādyute |
mukhabāhūrupādānāṃ pṛthakkarmāṇyakalpayat || 120 ||
[Analyze grammar]

adhyāpanamadhyayanaṃ yajanaṃ yājanaṃ tathā |
dānaṃ pratigrahaṃ caiva brāhmaṇānāmakalpayat || 121 ||
[Analyze grammar]

prajānāṃ pālanaṃ rājandānamadhyayanaṃ tathā |
viṣayeṣu prasaktiṃ ca tathejyāṃ kṣatriyasya tu || 122 ||
[Analyze grammar]

paśūnāṃ rakṣaṇaṃ dānamijyādhyayanameva ca |
vaṇikpathaṃ 1 kusīdaṃ ca vaiśyasya kṛṣireva ca || 123 ||
[Analyze grammar]

ekameva tu śūdrasya karma loke prakīrtitam |
eteṣāmeva varṇānāṃ śuśrūṣāmanupūrvaśaḥ || 124 ||
[Analyze grammar]

puruṣasya sadā śreṣṭhaṃ nābherūrdhvaṃ nṛpottama |
tasmādapi śucitaraṃ mukhaṃ tāta svayambhuvaḥ || 125 ||
[Analyze grammar]

tasmānmukhāddvijo jāta itīyaṃ vaidikī śrutiḥ |
sarvasyaivāsya dharmasya dharmato brāhmaṇaḥ prabhuḥ || 126 ||
[Analyze grammar]

sa sṛṣṭo brahmaṇā pūrvaṃ tapastaptvā kurūdvaha |
havyānāmiva kavyānāṃ sarvasyāpi ca guptaye || 127 ||
[Analyze grammar]

aśnanti ca mukhenāsya havyāni tridivaukasaḥ |
kavyāni caiva pitaraḥ kimbhūtamadhikaṃ tataḥ || 128 ||
[Analyze grammar]

bhūtānāṃ prāṇinaḥ śreṣṭhāḥ prāṇināṃ buddhijīvinaḥ |
buddhimatsu narāḥ śreṣṭhā nareṣu brāhmaṇāḥ smṛtāḥ || 129 ||
[Analyze grammar]

brāhmaṇeṣu ca vidvāṃso vidvatsu kṛtabuddhayaḥ |
kṛtabuddhiṣu kartāraḥ kartṛṣu brahmavedinaḥ || 130 ||
[Analyze grammar]

janma viprasya rājendra dhamārthamiha kathyate |
utpannaḥ sarvasiddhayarthaṃ4 yāti brahmasado nṛpa || 131 ||
[Analyze grammar]

sa cāpi jāyamānastu pṛthivyāmiha jāyate |
bhūtānāṃ prabhavāyaiva dharmakośasya guptaye || 132 ||
[Analyze grammar]

sarvaṃ hi brāhmaṇasyedaṃ yatkiñcitpṛthivīgatam |
janmanā cottamenedaṃ sarvaṃ vai brāhmaṇo'rhati || 133 ||
[Analyze grammar]

svakīyaṃ brāhmaṇo bhuṅkte vidadhāti ca suvrata |
karuṇāṃ kurvatastasya bhuñjantī hetare janāḥ || 134 ||
[Analyze grammar]

trayāṇāmiha varṇānāṃ bhāvābhāvāya vai dvijaḥ |
bhavedrājanna sandehastuṣṭo bhāvāya vai dvijaḥ || 135 ||
[Analyze grammar]

abhāvāya bhavetkruddhastasmātpūjyatamo hi saḥ |
brāhmaṇe sati nānyasya prabhutvaṃ vidyate nṛpa || 136 ||
[Analyze grammar]

kāmātkarotyasau karma kāmagaśca nṛpottama |
tasmādvṛndārakapurī tasmādapi mahaḥ punaḥ || 137 ||
[Analyze grammar]

maharlokājjanolokaṃ brahmalokaṃ ca gacchati |
brahmatvaṃ ca mahābāho yāti vipro na saṃśayaḥ || 138 ||
[Analyze grammar]

śatānīka uvāca |
brahmatvaṃ nāma duṣprāpaṃ brahmalokeṣu suvrata || 139 ||
[Analyze grammar]

brahmatvaṃ kīdṛśaṃ vipro brahmalokaṃ ca gacchati |
nāmamātro'tha kiṃ vipro brahmatvaṃ brahmaṇaḥ sadā |
yāti brahmanguṇāḥ ke syurbrahmaprāptau mamocyatām || 140 ||
[Analyze grammar]

sumanturuvāca |
sādhusādhu mahābāho śṛṇu me paramaṃ vacaḥ || 141 ||
[Analyze grammar]

ye proktā vedaśāstreṣu saṃskārā brāhmaṇasya tu |
garbhādhānādayo ye ca 1 saṃskārā yasya pārthiva || 142 ||
[Analyze grammar]

catvāriṃśatathāṣṭau ca nirvṛttāḥ śāstrato nṛpa |
sa yāti brahmaṇaḥ sthānaṃ brāhmaṇatvaṃ ca mānada || 1 ||
[Analyze grammar]

saṃskārāḥ sarvathā heturbrahmatve nātra saṃśayaḥ || 143 ||
[Analyze grammar]

śatānīka uvāca |
saṃskārāḥ ke matā brahmanbrahmatve brāhmaṇasya tu |
śaṃsa me dvijaśārdūlaṃ kautukaṃ hi mahanmama || 144 ||
[Analyze grammar]

sumanturuvāca |
sādhusādhu mahābāho śṛṇu me paramaṃ vacaḥ |
ye proktā vedaśāstreṣu saṃskārā brāhmaṇasya tu |
manīṣibhirmahābāho śṛṇu sarvānaśeṣataḥ || 145 ||
[Analyze grammar]

garbhādhānaṃ puṃsavanaṃ sīmantonnayanaṃ tathā |
jātakarmānnāśanaṃ ca cūḍopanayanaṃ 2 nṛpa || 146 ||
[Analyze grammar]

brahmavratāni catvāri snānaṃ ca tadanantaram |
sadharmacāriṇīyogo yajñānāṃ 3 karma mānada || 147 ||
[Analyze grammar]

pañcānāṃ kāryamityāhurātmanaḥ śreyase nṛpa |
devapitṛmanuṣyāṇāṃ bhūtānāṃ brāhmaṇastathā || 148 ||
[Analyze grammar]

eteṣāṃ cāṣṭakākarma pārvaṇaśrāddhameva hi |
śrāvaṇī cāgrahāyaṇī caitrī cāśvayujī tathā || 149 ||
[Analyze grammar]

pākayajñāstathā sapta agnyādhānaṃ ca satkriyā |
agnihotraṃ tathā rājandarśaṃ ca vidhusañkṣaye || 150 ||
[Analyze grammar]

paurṇamāsaṃ ca rājendra cāturmāsyāni cāpi hi |
nirūpaṇaṃ 5 paśuvadhaṃ tathā sautrāmaṇīti ca || 151 ||
[Analyze grammar]

haviryajñāstathā sapta teṣāṃ cāpi hi satkriyā |
agniṣṭomo'tyagniṣṭomastathokthyaḥ ṣoḍaśīṃ viduḥ || 152 ||
[Analyze grammar]

vājapeyo'tirātraśca āptoryāmeti vai smṛtaḥ || 1 ||
[Analyze grammar]

saṃskāreṣu sthitāḥ sapta somāḥ kurukulodvaha || 153 ||
[Analyze grammar]

ityete dvijasaṃskārāścatvāriṃśannṛpottama |
aṣṭau cātmaguṇāstāta śṛṇu tānapi bhārata || 154 ||
[Analyze grammar]

anasūyā dayā kṣāntiranāyāsaṃ ca maṅgalam |
akārpaṇyaṃ tathā śaucamaspṛhā ca kurūdvaha || 155 ||
[Analyze grammar]

ya ete'ṣṭaguṇāstāta kīrtyante vai manīṣibhiḥ |
eteṣāṃ lakṣaṇaṃ vīra śṛṇu sarvamaśeṣataḥ || 156 ||
[Analyze grammar]

na guṇānguṇino hanti na stautyātmaguṇānapi |
prahaṣyante nānyadoṣairanasūyā prakīrtitā || 157 ||
[Analyze grammar]

apare bandhuvarge vā mitre dveṣṭari vā sadā |
ātmavadvartanaṃ yatsyātsā dayā parikīrtitā || 158 ||
[Analyze grammar]

vācā manasi kāye ca duḥkhenotpāditena ca |
na kupyati na cāprītiḥ sā kṣamā parikīrtitā || 159 ||
[Analyze grammar]

abhakṣyaparihāraśca saṃsargaścāpyaninditaiḥ |
ācāre ca vyavasthānaṃ śaucametatprakīrtitam || 160 ||
[Analyze grammar]

śarīraṃ pīḍyate yena śubhenāpi ca karmaṇā |
atyantaṃ tanna kurvīta anāyāsaḥ sa ucyate || 161 ||
[Analyze grammar]

praśastācaraṇaṃ nityamapraśastavivarjanam |
etaddhi maṅgalaṃ proktaṃ munibhirbrahmavādibhiḥ || 162 ||
[Analyze grammar]

stokādapi pradātavyamadīnenāntarātmanā |
ahanyahani yatkiṃcidakārpaṇyaṃ taducyate || 163 ||
[Analyze grammar]

yathotpannena santuṣṭaḥ svalpenāpyatha vastunā |
ahiṃsayā parasveṣu 3 sā'spṛhā parikīrtitā || 164 ||
[Analyze grammar]

vapuryasya tu ityetaiḥ saṃskāraiḥ saṃskṛtaṃ dvijaḥ |
brahmatvamiha samprāpya brahmalokaṃ ca gacchati || 165 ||
[Analyze grammar]

vaidikaiḥ karmabhiḥ puṇyairniṣekādyairdvijanmanām |
kāryaḥ śarīrasaṃskāraḥ pāvanaḥ pretya ceha ca || 166 ||
[Analyze grammar]

garbhaśuddhiṃ tataḥ prāpya dharmaṃ cāśramalakṣaṇam |
yāti muktiṃ na sandehaḥ purāṇe'sminnṛpottama || 167 ||
[Analyze grammar]

uśanti kuruśārdūla brāhmaṇā nātra saṃśayaḥ |
1 āśritānāṃ viśeṣeṇa ye nityaṃ svastivādinaḥ || 168 ||
[Analyze grammar]

nikaṭasthāndvijānhitvā yo'nyānpūjayati dvijān |
siddhaṃ pāpaṃ tadapamānāttadvaktuṃ naiva śakyate || 169 ||
[Analyze grammar]

tasmātsadā samīpasthaḥ sampūjyo vidhivannṛpa |
pūjayedatithīṃstadvadannapānādidānataḥ || 170 ||
[Analyze grammar]

brāhmaṇaḥ sarvavarṇānāṃ jyeṣṭhaḥ śreṣṭhastathottamaḥ |
evamasminpurāṇe tu saṃskārānbrāhmaṇasya tu || 171 ||
[Analyze grammar]

śṛṇoti yaśca jānāti yaścāpi paṭhate sadā |
ṛddhiṃ vṛddhiṃ tathā kīrtiṃ prāpyeha śriyamuttamām || 172 ||
[Analyze grammar]

dhanaṃ dhānyaṃ yaśaścāpi putrānbandhūnsurūpatām |
sāvitraṃ lokamāsādya brahmalokamavāpnuyāt || 173 ||
[Analyze grammar]