Chapter 1

nārāyaṇaṃ namaskṛtya naraṃ caiva narottamam |
devīṃ sarasvatīṃ caiva tato jayamudīrayet || 1 ||
[Analyze grammar]

jayati parāśarasūnuḥ satyavatīhṛdayanandano vyāsaḥ |
yasyāsyakamalagalitaṃ vāṅmayamamṛtaṃ jagatpibati || 2 ||
[Analyze grammar]

mūkaṅkaroti vācālaṃ paṅgu laṅghayate girim |
yatkṛpā tamahaṃ vande paramānandamādhavam || 3 ||
[Analyze grammar]

pārāśaryavacaḥ sarojamamalaṃ gītārthagandhotkaṭaṃ |
nānākhyānakakesaraṃ harikathāsambodhanābodhitam |
loke sajjanaṣaṭpadairaharahaḥ pepīyamānaṃ mudā |
bhūyādbhāratapaṅkajaṃ kalimalapradhvaṃsi naḥ śreyase || 4 ||
[Analyze grammar]

yo gośataṃ kanakaśṛṅgamayaṃ dadāti |
viprāya vedaviduṣe ca bahuśrutāya |
puṇyāṃ bhaviṣyasukathāṃ śṛṇuyātsamagrāṃ |
puṇyaṃ samaṃ bhavati tasya ca tasya caiva || 5 ||
[Analyze grammar]

kṛtvā purāṇāni parāśarātmajaḥ sarvāṇyanekāni sukhāvahāni |
tatrātmasaukhyāya bhaviṣyadharmān kalau yuge bhāvi lilekha sarvam || 6 ||
[Analyze grammar]

tatrāpi sarvarṣivarapramukhyaiḥ parāśarādyairmunibhiḥ praṇītān |
smṛtyuktadharmāgamasaṃhitārthān vyāsaḥ samāsādavadadbhaviṣyam || 7 ||
[Analyze grammar]

alpāyuṣo lokajanānsamīkṣya vidyāvihīnānpaśuvatsuceṣṭān |
teṣāṃ sukhārthaṃ pratibodhanāya vyāsaḥ purāṇaṃ prathitaṃ cakāra || 8 ||
[Analyze grammar]

jayati bhuvanadīpo bhāskaro lokakarttā |
jayati ca śitidehaḥ śārṅgaḥdhanvā murāriḥ |
jayati ca śaśimaulī rudranāmābhidheyo |
jayati ca sa tu devo bhānumāṃścitrabhānuḥ || 1 ||
[Analyze grammar]

śriyāvṛtaṃ tu rājānaṃ śatānīkaṃ mahābalam |
abhijagmurmahātmānaḥ sarve draṣṭuṃ maharṣayaḥ || 2 ||
[Analyze grammar]

bhṛguratrirvasiṣṭhaśca pulastyaḥ pulahaḥ kratuḥ |
parāśarastathā vyāsaḥ sumanturjaiministathā || 3 ||
[Analyze grammar]

muniḥ pailo yājñavalkyo gautamastu mahātapāḥ |
bhāradvājo munirdhīmāṃstathā nāradaparvatau || 4 ||
[Analyze grammar]

vaiśampāyano mahātmā śaunakaśca mahātapāḥ |
dakṣo'ṅgirāstathā gargo gālavaśca mahātapāḥ || 5 ||
[Analyze grammar]

tānāgatānṛṣīndṛṣṭvā śatānīko mahīpatiḥ |
vidhivatpūjayāmāsa abhigamya mahāmatiḥ || 6 ||
[Analyze grammar]

purohitaṃ puraskṛtya ardhyaṃ gāṃ svāgatena ca |
pūjayitvā tataḥ sarvānpraṇamya śirasā bhṛśam || 7 ||
[Analyze grammar]

sukhāsīnāṃstato rājā nirātaṅkān gataklamān |
uvāca praṇato bhūtvā bāhumuddhṛtya dakṣiṇam || 8 ||
[Analyze grammar]

idānīṃ saphalaṃ janma manye'haṃ bhuvi sattamāḥ |
ātmano dvijaśārdūlā tathā kīrtiryaśo balam || 9 ||
[Analyze grammar]

dhanyo'haṃ puṇyakarmā ca yato māṃ draṣṭumāgatāḥ |
yeṣāṃ smaraṇamātreṇa yuṣmākaṃ pūyate naraḥ || 10 ||
[Analyze grammar]

śrotumicchāmyahaṃ kiñciddharmaśāstramanuttamam |
ānṛśaṃsyaṃ samāśritya kathayadhvam mahābalāḥ || 11 ||
[Analyze grammar]

yenāhaṃ dharmaśāstraṃ tu śrutvā gacche parāṃ gatim |
yathāgato mama pitā śrutvā vai bhārataṃ purā || 12 ||
[Analyze grammar]

tathoktāstena rājñā vai brāhmaṇāste samantataḥ |
samāgamya mithaste tu vimṛśya ca 1 bhṛśam tadā || 13 ||
[Analyze grammar]

pūjayitvā tato vyāsamidaṃ vacanamabruvan |
vyāsaṃ prasādaya vibho eṣa te kathayiṣyati || 14 ||
[Analyze grammar]

tiṣṭhatyasminmahābāho vayaṃ vaktuṃ na śaknumaḥ |
tiṣṭhamāne gurau śiṣyaḥ kathaṃ vakti mahāmate || 15 ||
[Analyze grammar]

2 ayaṃ guruḥ sadāsmākaṃ sākṣānnārāyaṇastathā |
kṛpāluśca tathā cāyaṃ tathā divyavidhānavit || 16 ||
[Analyze grammar]

caturṇāmapi varṇānāṃ pāvanāya mahātmanām |
dharmaśāstramanenoktaṃ dharmādyaiḥ susamanvitam || 17 ||
[Analyze grammar]

bibheti gahanācchāstrālloko vyādhirivauṣadhāt |
bhāratasya ca vistāro muninā vyāhṛtaḥ svayam || 18 ||
[Analyze grammar]

yathā svādu ca pathyaṃ ca dadyāstvaṃ bhiṣagauṣadham |
tathā ramyaṃ ca śāstraṃ ca bhārataṃ kṛtavānmuniḥ || 19 ||
[Analyze grammar]

āstikyārohasopānametadbhāratamucyate |
tacchrutvā svarganarakau lokaḥ sākṣādavekṣate || 20 ||
[Analyze grammar]

devatātīrthatapasāṃ bhāratādeva niścayaḥ |
na janyate nāstikatā tasya mīmāṃsakairapi || 21 ||
[Analyze grammar]

viṣṇau 1 deveṣu vedeṣu guruṣu brāhmaṇeṣu ca |
bhaktirbhavati kalyāṇī bhāratādeva dhīmatām || 22 ||
[Analyze grammar]

dharmārthakāmamokṣāṇāṃ bharatātsiddhireva hi |
ajihmo bhārataḥ panthā nirvāṇapadagāminām || 23 ||
[Analyze grammar]

mokṣadharmārthakāmānāṃ prapañco bhārate kṛtaḥ |
anityatāpasantaptā bhavanti tasya muktaye || 24 ||
[Analyze grammar]

vipattiṃ bhāratācchrutvā vṛṣṇipāṇḍavasampadām |
duḥkhāvasānādrājendra puṇyaṃ ca saṃśrayedbudhaḥ || 25 ||
[Analyze grammar]

evaṃvidhaṃ bhārataṃ vai proktaṃ yena mahātmanā |
so'yaṃ nārāyaṇaḥ sākṣāt vyāsarūpī mahāmuniḥ || 26 ||
[Analyze grammar]

sa teṣāṃ vacanaṃ śrutvā pratāpī yo mahīpatiḥ |
prasādayāmāsa muniṃ vyāsaṃ śāstraviśāradam || 27 ||
[Analyze grammar]

śatānīka uvāca |
añjaliḥ śirasā brahman kṛto'yaṃ pādayostava |
brūhi me dharmaśāstraṃ 5 tu yenā pūtatāṃ vraje || 28 ||
[Analyze grammar]

samuddhara bhavādasmātkīrtayitvā kathāṃ śubhām |
yathā mama pitā pūrvaṃ kīrtayitvā tu bhāratam || 29 ||
[Analyze grammar]

vyāsa uvāca |
tasyaitadvacanaṃ śrutvā vyāso vacanamabravīt |
eṣa śiṣyaḥ sumanturme kathayiṣyati te prabho || 30 ||
[Analyze grammar]

yadicchasi mahābāho prītidaṃ cādbhutaṃ śubham |
śravyaṃ bharataśārdūla sarvapāpabhayāpaham || 31 ||
[Analyze grammar]

yathā vaiśampāyanena purā proktaṃ pitustava |
mahābhāratavyākhyānaṃ brahmahatyāvyapohanam || 32 ||
[Analyze grammar]

atha tamṛṣayaḥ sarve rājānamidamabruvan |
sādhu proktaṃ mahābāho vyāsenāmitabuddhinā || 33 ||
[Analyze grammar]

sumantuṃ pṛccha rājarṣe sarvaśāstraviśāradam |
asmākamapi rājendra śravaṇe jāyate matiḥ |
atha vyāso mahātejāḥ sumantumṛṣimabravīt || 34 ||
[Analyze grammar]

kathayāsmai kathāstāta yāḥ śrutvā modate nṛpaḥ |
bhāratādikathānāṃ tu yatrāsya ramate manaḥ || 35 ||
[Analyze grammar]

asāvapi mahātejāḥ śrutvā bhāvaṃ mahāmateḥ |
vyāsasya dvijaśārdūla ṛṣīṇāṃ cāpi sarvaśaḥ || 36 ||
[Analyze grammar]

cakāra vaktuṃ sa manastasmai rājñe mahāmatiḥ |
vyāsasya śāsanādvipra ṛṣīṇāṃ caiva sarvaśaḥ || 37 ||
[Analyze grammar]

atha rājā mahātejā ājamīḍho dvijottamam |
praṇamya śirasātyarthaṃ pravaktumupacakrame || 38 ||
[Analyze grammar]

śatānīka uvāca |
puṇyākhyānaṃ mama brahman pāvanāya prakīrtaya |
śrutvā yadbrāhmaṇaśreṣṭha mucye'haṃ sarvapātakāt || 39 ||
[Analyze grammar]

sumanturuvāca |
nānāvidhāni śāstrāṇi santi puṣpāni bhārata |
yāni śrutvā naro rājan mucyate sarvakilbiṣaiḥ || 40 ||
[Analyze grammar]

kimicchasi mahābāho śrotuṃ yattvāṃ bravīmi vai |
bhāratādikathānāṃ tu yāsu dharmādayaḥ sthitāḥ || 41 ||
[Analyze grammar]

śatānīka uvāca |
matāni kāni viprendra 1 dharmaśāstrāṇi suvrata |
yāni śrutvā naro vipra mucyate sarvakilbiṣaiḥ || 42 ||
[Analyze grammar]

sumanturuvāca |
śrūyantāṃ dharmaśāstrāṇi manurviṣṇuryamo'ṅgirāḥ |
vasiṣṭhadakṣasaṃvartaśātātapaparāśarāḥ || 43 ||
[Analyze grammar]

āpastambo'tha uśanā kātyāyanabṛhaspatī |
gautamaḥśaṅkhalikhitau hārīto'trirathāpi vā || 44 ||
[Analyze grammar]

etāni dharmaśāstrāṇi śrutvā jñātvā ca bhārata |
vṛndārakapuraṃ gatvā modate nātra saṃśayaḥ || 45 ||
[Analyze grammar]

śatānīka uvāca |
yānyetāni tvayoktāni dharmaśāstrāṇi suvrata |
necchāmi śrotuṃ viprendra 3 śrutānyetāni hi dvija || 46 ||
[Analyze grammar]

trayāṇāmapi varṇānāṃ proktānāmapi paṇḍitaiḥ |
śreyase na tu śūdrāṇāṃ tatra me vacanaṃ śṛṇu || 47 ||
[Analyze grammar]

caturṇāmiha varṇānāṃ śreyase yāni suvrata |
bhavanti dvijaśārdūla śrutāni bhuvanatraye || 48 ||
[Analyze grammar]

viśeṣataścaturthasya varṇasya dvijasattama || 49 ||
[Analyze grammar]

brāhmaṇādiṣu varṇeṣu triṣu vedāḥ prakalpitāḥ |
manvādīni ca śāstrāṇi tathāṅgāni samantataḥ || 50 ||
[Analyze grammar]

śūdrāścaiva bhṛśaṃ dīnāḥ pratibhānti dvijaprabho |
dharmārthakāmamokṣasya śastāḥ syuravane katham || 51 ||
[Analyze grammar]

āgamena vihīnā hi aho kaṣṭaṃ mataṃ mam |
kaścaiṣāmāgamaḥ proktaḥ purā dvijamanīṣibhiḥ |
trivargaprāptaye brahmañchreyase ca tathobhayoḥ || 52 ||
[Analyze grammar]

sumanturuvāca |
sādhu sādhu mahābāho śṛṇu me paramaṃ vacaḥ |
caturṇāmapi varṇānāṃ yāni proktāni śreyase || 53 ||
[Analyze grammar]

dharmaśāstrāṇi 1 rājendra śṛṇu tāni nṛpottama |
viśeṣataśca śūdrāṇāṃ pāvanāni manīṣibhiḥ || 54 ||
[Analyze grammar]

aṣṭādaśapurāṇāni caritaṃ rāghavasya ca |
rāmasya kuruśārdūla dharmakāmārthasiddhaye || 55 ||
[Analyze grammar]

tathoktaṃ bhārataṃ vīra pārāśaryeṇa dhīmatā |
vedārthasakalaṃ yojya3 dharmaśāstrāṇi ca prabho || 56 ||
[Analyze grammar]

kṛpālunā kṛtaṃ śāstraṃ caturṇāmiha śreyase |
varṇānāṃ bhavamagnānāṃ kṛtaṃ poto hyanuttamam || 57 ||
[Analyze grammar]

aṣṭādaśapurāṇāni aṣṭau vyākaraṇāni ca |
jñātvā satyavatīsūnuścakre bhāratasaṃhitām || 58 ||
[Analyze grammar]

yāṃ śrutvā puruṣo rājan mucyate brahmahatyayā |
prathamaṃ procyate brāhmaṃ dvitīyaṃ caindramucyate || 59 ||
[Analyze grammar]

yāmyaṃ proktaṃ tato raudraṃ vāyavyaṃ vāruṇaṃ tathā |
sāvitraṃ ca tathā proktamaṣṭamaṃ vaiṣṇavaṃ tathā || 60 ||
[Analyze grammar]

etāni vyākaraṇāni purāṇāni nibodha me |
brāhmaṃ pādmaṃ vaiṣṇavaṃ ca śaivaṃ bhāgavataṃ tathā || 61 ||
[Analyze grammar]

tathānyannāradīyaṃ ca mārkaṇḍeyaṃ ca saptamam |
āgneyamaṣṭamaṃ vīra bhaviṣyaṃ navamaṃ smṛtam || 62 ||
[Analyze grammar]

daśamaṃ brahmavaivarttaṃ laiṅgamekādaśaṃ smṛtam |
vārāhaṃ dvādaśaṃ proktaṃ skāndaṃ caiva trayodaśam || 63 ||
[Analyze grammar]

caturdaśaṃ vāmanaṃ ca kaurmaṃ pañcadaśaṃ smṛtam |
mātsyaṃ ca gāruḍaṃ caiva brahmāṇḍaṃ ca tataḥ param || 64 ||
[Analyze grammar]

etāni kuruśārdūla dharmaśāstrāṇi paṇḍitaiḥ |
sādhāraṇāni proktāni varṇānāṃ śreyase sadā || 65 ||
[Analyze grammar]

caturṇāmiha rājendra śrotumarhāṇi suvrata |
kimicchasi mahābāho śrotumeṣāṃ nṛpottama || 66 ||
[Analyze grammar]

śatānīka uvāca |
bhārataṃ tu śrutaṃ vipra tātasyāṅkagatena tu |
rāmasya caritaṃ cāpi śrutaṃ brahmansamantataḥ || 67 ||
[Analyze grammar]

purāṇāni ca viprendra bhaviṣyaṃ na tu suvrata |
purāṇaṃ vada viprendra bhaviṣyaṃ kautukaṃ hi me || 68 ||
[Analyze grammar]

sumanturuvāca |
sādhu sādhu mahābāho sādhu pṛṣṭo'smi 4 mānada |
śṛṇu me vadato rājan purāṇaṃ navamaṃ mahat || 69 ||
[Analyze grammar]

yacchrutvā sarvapāpebhyo mucyate mānavo nṛpa |
aśvamedhaphalaṃ prāpya gacched bhānau na saṃśayaḥ || 70 ||
[Analyze grammar]

idaṃ tu brahmaṇā proktaṃ dharmaśāstramanuttamam |
viduṣā brāhmaṇenedamadhyetavyaṃ prayatnataḥ 5 || 71 ||
[Analyze grammar]

śiṣyebhyaścaiva vaktavyaṃ cāturvarṇyebhya eva hi |
adhyetavyaṃ na cānyena brāhmaṇaṃ kṣatriyaṃ vinā |
śrotavyameva śūdreṇa nādhyetavyaṃ kadācana 6 || 72 ||
[Analyze grammar]

devārcāṃ purataḥ 1 kṛtvā brāhmaṇaiśca nṛpottama |
śrotavyameva śūdraiśca tathānyaiśca dvijātibhiḥ || 73 ||
[Analyze grammar]

śrautaṃ smārtaṃ hi vai dharmaṃ proktamasminnṛpottama |
tasmācchūdrairvinā viprānna śrotavyaṃ kathañcana || 74 ||
[Analyze grammar]

idaṃ śāstramadhīyāno brāhmaṇaḥ saṃśitavrataḥ |
manovāgdehajairnityaṃ karmadoṣairna limpate || 75 ||
[Analyze grammar]

śṛṇvanti cāpi ye rājan bhaktyā vai brāhmaṇādayaḥ |
mucyante pātakaiḥ sarvairgacchanti ca divaṃ prabho || 76 ||
[Analyze grammar]

śrāvayeccāpi yo vipraḥ sarvānvarṇānnṛpottama |
sa guruḥ procyate tāta varṇānāmiha sarvaśaḥ || 77 ||
[Analyze grammar]

sa pūjyaḥ sarvakāleṣu sarvairvarṇairnarādhipa |
pṛthivīṃ ca tathaivemāṃ kṛtsnāmeko'pi so'rhati || 78 ||
[Analyze grammar]

idaṃ svastyayanaṃ śreṣṭhamidaṃ buddhivivardhanam |
idaṃ yaśasyaṃ satatamidaṃ niḥśreyasaṃ param || 79 ||
[Analyze grammar]

asmindharmo'khilenokto guṇadoṣau ca karmaṇām |
caturṇāmapi varṇānāmācāraścāpi śāśvataḥ || 80 ||
[Analyze grammar]

ācāraḥ prathamo dharmaḥ śrutyuktaśca narottama |
tasmādasminsamāyukto nityaṃ syādātmavāndvijaḥ || 81 ||
[Analyze grammar]

ācārādvicyuto vipro na vedaphalamaśnute |
ācāreṇa ca saṃyuktaḥ sampūrṇaphalabhāksmṛtaḥ || 82 ||
[Analyze grammar]

evamācārato dṛṣṭvā dharmasya munayo gatim |
sarvasya tapaso mūlamācāraṃ jagṛhuḥ param || 83 ||
[Analyze grammar]

anye ca mānavā rājannācāraṃ saṃśritā sadā |
evamasminpurāṇe tu ācārasya tu kīrtanam || 84 ||
[Analyze grammar]

vṛttāntāni ca rājendra tathā coktāni paṇḍitaiḥ |
trilokyāstu samutpattiḥ saṃskāravidhiruttamaḥ |
śravaṇaṃ cetihāsasya vidhānaṃ kathyate nṛpa || 85 ||
[Analyze grammar]

tathāsminkathyate rājanmāhātmyaṃ vācakasya tu |
vratacaryāśramācārāḥ snātakasya paro vidhiḥ || 86 ||
[Analyze grammar]

dārādigamanaṃ caiva vivāhānāṃ ca lakṣaṇam |
puṃsāṃ ca lakṣaṇaṃ rājanyoṣitāṃ cātra kathyate || 87 ||
[Analyze grammar]

mahāyajñavidhānaṃ ca śāstrakalpaṃ ca śāśvatam |
pṛthivyā lakṣaṇaṃ tāta devārcāyāḥ sulakṣaṇam || 88 ||
[Analyze grammar]

vṛttīnāṃ lakṣaṇaṃ caiva snātakasya vratāni ca |
bhakṣyābhakṣyaṃ ca śaucaṃ ca dravyāṇāṃ śuddhireva ca || 89 ||
[Analyze grammar]

strīdharmayogastāpasyaṃ mokṣaḥ saṃnyāsa eva ca |
rājñaśca dharmo hyakhilaḥ kāryāṇāṃ ca vinirṇayaḥ || 90 ||
[Analyze grammar]

māhātmyaṃ savituścātra tīrthānāṃ ca viśāmpate |
nārāyaṇasya māhātmyaṃ tathā rudrasya kathyate || 91 ||
[Analyze grammar]

mahābhāgyaṃ ca viprāṇāṃ māhātmyaṃ pustakasya ca |
durgādevyāstathā coktaṃ satyasya ca mahāmate || 92 ||
[Analyze grammar]

saṃkṣiptaṃ 1 saṃvidhānaṃ ca dharmaṃ strīpuṃsayorapi |
vibhāgaṃ dharmadyūtaṃ ca kathakānāṃ ca śodhanam || 93 ||
[Analyze grammar]

vaiśyaśūdropacāraṃ ca saṃkīrṇānāṃ ca saṃbhavam |
āpaddharmaṃ ca varṇānāṃ prāyaścittavidhiṃ tathā || 94 ||
[Analyze grammar]

saṃdhyāvidhiṃ pretaśuddhiṃ snānatarpaṇayorvidhim |
vaiśvadevavidhiṃ cāpi tathā bhojyavidhiṃ nṛpa || 95 ||
[Analyze grammar]

lakṣaṇaṃ dantakāṣṭhasya caraṇavyūhamuttamam |
saṃsāragamanaṃ caiva trividhaṃ karmasambhavam || 96 ||
[Analyze grammar]

naiḥśreyasaṃ karmaṇāṃ ca guṇadoṣaparīkṣaṇam |
dārāṇāṃ lakṣaṇaṃ proktaṃ tathā pātraparīkṣaṇam || 97 ||
[Analyze grammar]

prasūtiṃ cāpi garbhasya tathā karmaphalaṃ nṛpa |
jātidharmānkuladharmānvedadharmāṃśca 1 pārthiva || 98 ||
[Analyze grammar]

vaitānavratikānāṃ ca tathāsau proktavānvibhuḥ |
brahmā kurukulaśreṣṭha śaṃkarāya mahātmane || 99 ||
[Analyze grammar]

śaṃkareṇa tathā viṣṇoḥ kathitaṃ kurunandana |
viṣṇunāpi punaḥ proktaṃ nāradāya mahīpate || 100 ||
[Analyze grammar]

nāradātprāptavāñchakraḥ śakrādapi parāśaraḥ |
parāśarāttato vyāso vyāsādapi mayā vibho || 101 ||
[Analyze grammar]

evaṃ paramparāprāptaṃ purāṇamidamuttamam |
śṛṇu tvamapi rājendra matsakāśātparaṃ hitam || 102 ||
[Analyze grammar]

sarvāṇyeva purāṇāni saṃjñeyāni nararṣabha |
dvādaśaiva sahasrāṇi proktānīha manīṣibhiḥ || 103 ||
[Analyze grammar]

punarvṛddhiṃ gatānīha ākhyānairvividhairvṛṣa |
yathā skāndaṃ tathā cedaṃ bhaviṣyaṃ kurunandana || 104 ||
[Analyze grammar]

skāndaṃ śatasahasraṃ tu lokānāṃ jñātameva hi |
bhaviṣyametadṛṣiṇā lakṣārddhaṃ saṃkhyayā kṛtam 2 || 105 ||
[Analyze grammar]

tacchrutvā puruṣo bhaktyā idaṃ phalamavāpnuyāt |
ṛddhirvṛddhistathā śrīśca bhavanti tasya niścitam || 106 ||
[Analyze grammar]