Chapter 10

[English text for this chapter is available]

maitreya uvāca |
prajāpaterduhitaraṃ śiśumārasya vai dhruvaḥ |
upayeme bhramiṃ nāma tatsutau kalpavatsarau || 1 ||
[Analyze grammar]

ilāyāmapi bhāryāyāṃ vāyoḥ putryāṃ mahābalaḥ |
putraṃ utkalanāmānaṃ yoṣid rat‍namajījanat || 2 ||
[Analyze grammar]

uttamastvakṛtodvāho mṛgayāyāṃ balīyasā |
hataḥ puṇyajanenādrau tanmātāsya gatiṃ gatā || 3 ||
[Analyze grammar]

dhruvo bhrātṛvadhaṃ śrutvā kopāmarṣaśucārpitaḥ |
jaitraṃ syandanamāsthāya gataḥ puṇyajanālayam || 4 ||
[Analyze grammar]

gatvodīcīṃ diśaṃ rājā rudrānucarasevitām |
dadarśa himavaddroṇyāṃ purīṃ guhyakasaṃkulām || 5 ||
[Analyze grammar]

dadhmau śaṅkhaṃ bṛhad‍bāhuḥ khaṃ diśaścānunādayan |
yenodvignadṛśaḥ kṣattaḥ upadevyo'trasanbhṛśam || 6 ||
[Analyze grammar]

tato niṣkramya balina upadevamahābhaṭāḥ |
asahantaḥ tanninādaṃ abhipeturudāyudhāḥ || 7 ||
[Analyze grammar]

sa tān āpatato vīra ugradhanvā mahārathaḥ |
ekaikaṃ yugapatsarvān ahan bāṇaistribhistribhiḥ || 8 ||
[Analyze grammar]

te vai lalāṭalagnaistaiḥ iṣubhiḥ sarva eva hi |
matvā nirastamātmānaṃ āśaṃsankarma tasya tat || 9 ||
[Analyze grammar]

te'pi cāmumamṛṣyantaḥ pādasparśamivoragāḥ |
śarairavidhyan yugapad dviguṇaṃ pracikīrṣavaḥ || 10 ||
[Analyze grammar]

tataḥ parighanistriṃśaiḥ prāsaśūlaparaśvadhaiḥ |
śaktyṛṣṭibhirbhuśuṇḍībhiḥ citravājaiḥ śarairapi || 11 ||
[Analyze grammar]

abhyavarṣan prakupitāḥ sarathaṃ sahasārathim |
icchantaḥ tatpratīkartuṃ ayutānāṃ trayodaśa || 12 ||
[Analyze grammar]

auttānapādiḥ sa tadā śastravarṣeṇa bhūriṇā |
na evādṛśyatācchanna āsāreṇa yathā giriḥ || 13 ||
[Analyze grammar]

hāhākārastadaivāsīt siddhānāṃ divi paśyatām |
hato'yaṃ mānavaḥ sūryo magnaḥ puṇyajanārṇave || 14 ||
[Analyze grammar]

nadatsu yātudhāneṣu jayakāśiṣvatho mṛdhe |
udatiṣṭhad rathastasya nīhārādiva bhāskaraḥ || 15 ||
[Analyze grammar]

dhanurvisphūrjayandivyaṃ dviṣatāṃ khedamudvahan |
astraughaṃ vyadhamad‍bāṇaiḥ ghanānīkamivānilaḥ || 16 ||
[Analyze grammar]

tasya te cāpanirmuktā bhittvā varmāṇi rakṣasām |
kāyān āviviśustigmā girīn aśanayo yathā || 17 ||
[Analyze grammar]

bhallaiḥ sañchidyamānānāṃ śirobhiścārukuṇḍalaiḥ |
ūrubhirhematālābhaiḥ dorbhirvalayavalgubhiḥ || 18 ||
[Analyze grammar]

hārakeyūramukuṭaiḥ uṣṇīṣaiśca mahādhanaiḥ |
āstṛtāstā raṇabhuvo rejurvīramanoharāḥ || 19 ||
[Analyze grammar]

hatāvaśiṣṭā itare raṇājirād |
rakṣogaṇāḥ kṣatriyavaryasāyakaiḥ |
prāyo vivṛkṇāvayavā vidudruvuḥ |
mṛgendravikrīḍitayūthapā iva || 20 ||
[Analyze grammar]

apaśyamānaḥ sa tadātatāyinaṃ |
mahāmṛdhe kañcana mānavottamaḥ |
purīṃ didṛkṣannapi nāviśad dviṣāṃ |
na māyināṃ veda cikīrṣitaṃ janaḥ || 21 ||
[Analyze grammar]

iti bruvaṃścitrarathaḥ svasārathiṃ |
yattaḥ pareṣāṃ pratiyogaśaṅkitaḥ |
śuśrāva śabdaṃ jaladheriveritaṃ |
nabhasvato dikṣu rajo'nvadṛśyata || 22 ||
[Analyze grammar]

kṣaṇenācchāditaṃ vyoma ghanānīkena sarvataḥ |
visphurattaḍitā dikṣu trāsayat stanayit‍nunā || 23 ||
[Analyze grammar]

vavṛṣū rudhiraughāsṛk pūyaviṇmūtramedasaḥ |
nipeturgaganādasya kabandhānyagrato'nagha || 24 ||
[Analyze grammar]

tataḥ khe'dṛśyata giriḥ nipetuḥ sarvatodiśam |
gadāparighanistriṃśa musalāḥ sāśmavarṣiṇaḥ || 25 ||
[Analyze grammar]

ahayo'śaniniḥśvāsā vamanto'gniṃ ruṣākṣibhiḥ |
abhyadhāvan gajā mattāḥ siṃhavyāghrāśca yūthaśaḥ || 26 ||
[Analyze grammar]

samudra ūrmibhirbhīmaḥ plāvayan sarvato bhuvam |
āsasāda mahāhrādaḥ kalpānta iva bhīṣaṇaḥ || 27 ||
[Analyze grammar]

evaṃvidhānyanekāni trāsanānyamanasvinām |
sasṛjustigmagataya āsuryā māyayāsurāḥ || 28 ||
[Analyze grammar]

dhruve prayuktāmasuraiḥ tāṃ māyāmatidustarām |
niśamya tasya munayaḥ śamāśaṃsan samāgatāḥ || 29 ||
[Analyze grammar]

munaya ūcuḥ |
auttānapāda bhagavān tava śārṅgadhanvā |
devaḥ kṣiṇotvavanatārtiharo vipakṣān |
yannāmadheyamabhidhāya niśamya cāddhā |
loko'ñjasā tarati dustaramaṅga mṛtyum || 30 ||
[Analyze grammar]

iti śrīmadbhāgavate mahāpurāṇe pāramahaṃsyāṃ saṃhitāyāṃ |
caturthaskandhe daśamo'dhyāyaḥ || 10 ||
[Analyze grammar]