Bhagavata Purana [sanskrit]

140,807 words

This Sanskrit edition of the Bhagavatapurana. It is one of the traditional eighteen Mahapuranas presented as an encyclopedia of ancient Indian history and knowledge. The extant edition contains 12 books originally written in 18,000 Sanskrit verses

[English text for this chapter is available]

maitreya uvāca |
niśamya gadatāmevaṃ ṛṣīṇāṃ dhanuṣi dhruvaḥ |
sandadhe'stramupaspṛśya yannārāyaṇanirmitam || 1 ||
[Analyze grammar]

sandhīyamāna etasmin māyā guhyakanirmitāḥ |
kṣipraṃ vineśurvidura kleśā jñānodaye yathā || 2 ||
[Analyze grammar]

tasyārṣāstraṃ dhanuṣi prayuñjataḥ |
suvarṇapuṅkhāḥ kalahaṃsavāsasaḥ |
viniḥsṛtā āviviśurdviṣad‍balaṃ |
yathā vanaṃ bhīmaravāḥ śikhaṇḍinaḥ || 3 ||
[Analyze grammar]

taistigmadhāraiḥ pradhane śilīmukhaiḥ |
itastataḥ puṇyajanā upadrutāḥ |
tamabhyadhāvan kupitā udāyudhāḥ |
suparṇaṃ unnaddhaphaṇā ivāhayaḥ || 4 ||
[Analyze grammar]

sa tān pṛṣatkairabhidhāvato mṛdhe |
nikṛttabāhūruśirodharodarān |
nināya lokaṃ paramarkamaṇḍalaṃ |
vrajanti nirbhidya yamūrdhvaretasaḥ || 5 ||
[Analyze grammar]

tān hanyamānānabhivīkṣya guhyakān |
anāgasaścitrarathena bhūriśaḥ |
auttānapādiṃ kṛpayā pitāmaho |
manurjagādopagataḥ saharṣibhiḥ || 6 ||
[Analyze grammar]

manuruvāca |
alaṃ vatsātiroṣeṇa tamodvāreṇa pāpmanā |
yena puṇyajanānetān avadhīstvaṃ anāgasaḥ || 7 ||
[Analyze grammar]

nāsmatkulocitaṃ tāta karmaitat sadvigarhitam |
vadho yadupadevānāṃ ārabdhaste'kṛtainasām || 8 ||
[Analyze grammar]

nanvekasyāparādhena prasaṅgād bahavo hatāḥ |
bhrāturvadhābhitaptena tvayāṅga bhrātṛvatsala || 9 ||
[Analyze grammar]

nāyaṃ mārgo hi sādhūnāṃ hṛṣīkeśānuvartinām |
yadātmānaṃ parāggṛhya paśuvadbhūtavaiśasam || 10 ||
[Analyze grammar]

sarvabhūtātmabhāvena bhūtāvāsaṃ hariṃ bhavān |
ārādhyāpa durārādhyaṃ viṣṇostatparamaṃ padam || 11 ||
[Analyze grammar]

sa tvaṃ hareranudhyātaḥ tatpuṃsāmapi sammataḥ |
kathaṃ tvavadyaṃ kṛtavān anuśikṣansatāṃ vratam || 12 ||
[Analyze grammar]

titikṣayā karuṇayā maitryā cākhilajantuṣu |
samatvena ca sarvātmā bhagavān samprasīdati || 13 ||
[Analyze grammar]

samprasanne bhagavati puruṣaḥ prākṛtairguṇaiḥ |
vimukto jīvanirmukto brahma nirvāṇamṛcchati || 14 ||
[Analyze grammar]

bhūtaiḥ pañcabhirārabdhaiḥ yoṣitpuruṣa eva hi |
tayorvyavāyāt sambhūtiḥ yoṣitpuruṣayoriha || 15 ||
[Analyze grammar]

evaṃ pravartate sargaḥ sthitiḥ saṃyama eva ca |
guṇavyatikarād rājan māyayā paramātmanaḥ || 16 ||
[Analyze grammar]

nimittamātraṃ tatrāsīt nirguṇaḥ puruṣarṣabhaḥ |
vyaktāvyaktamidaṃ viśvaṃ yatra bhramati lohavat || 17 ||
[Analyze grammar]

sa khalvidaṃ bhagavānkālaśaktyā |
guṇapravāheṇa vibhaktavīryaḥ |
karotyakartaiva nihantyahantā |
ceṣṭā vibhūmnaḥ khalu durvibhāvyā || 18 ||
[Analyze grammar]

so'nanto'ntakaraḥ kālo 'nādirādikṛdavyayaḥ |
janaṃ janena janayan mārayan mṛtyunāntakam || 19 ||
[Analyze grammar]

na vai svapakṣo'sya vipakṣa eva vā |
parasya mṛtyorviśataḥ samaṃ prajāḥ |
taṃ dhāvamānaṃ anudhāvantyanīśā |
yathā rajāṃsyanilaṃ bhūtasaṅghāḥ || 20 ||
[Analyze grammar]

āyuṣo'pacayaṃ jantoḥ tathaivopacayaṃ vibhuḥ |
ubhābhyāṃ rahitaḥ svastho duḥsthasya vidadhātyasau || 21 ||
[Analyze grammar]

kecitkarma vadantyenaṃ svabhāvamapare nṛpa |
eke kālaṃ pare daivaṃ puṃsaḥ kāmamutāpare || 22 ||
[Analyze grammar]

avyaktasyāprameyasya nānāśaktyudayasya ca |
na vai cikīrṣitaṃ tāta ko vedātha svasambhavam || 23 ||
[Analyze grammar]

na caite putraka bhrātuḥ hantāro dhanadānugāḥ |
visargādānayostāta puṃso daivaṃ hi kāraṇam || 24 ||
[Analyze grammar]

sa eva viśvaṃ sṛjati sa evāvati hanti ca |
athāpi hyanahaṅkārāt nājyate guṇakarmabhiḥ || 25 ||
[Analyze grammar]

eṣa bhūtāni bhūtātmā bhūteśo bhūtabhāvanaḥ |
svaśaktyā māyayā yuktaḥ sṛjatyatti ca pāti ca || 26 ||
[Analyze grammar]

tameva mṛtyumamṛtaṃ tāta daivaṃ |
sarvātmanopehi jagatparāyaṇam |
yasmai baliṃ viśvasṛjo haranti |
gāvo yathā vai nasi dāmayantritāḥ || 27 ||
[Analyze grammar]

yaḥ pañcavarṣo jananīṃ tvaṃ vihāya |
mātuḥ sapat‍nyā vacasā bhinnamarmā |
vanaṃ gatastapasā pratyagakṣaṃ |
ārādhya lebhe mūrdhni padaṃ trilokyāḥ || 28 ||
[Analyze grammar]

tamenamaṅgātmani muktavigrahe |
vyapāśritaṃ nirguṇamekamakṣaram |
ātmānamanviccha vimuktamātmadṛg |
yasmin idaṃ bhedamasatpratīyate || 29 ||
[Analyze grammar]

tvaṃ pratyagātmani tadā bhagavatyananta |
ānandamātra upapannasamastaśaktau |
bhaktiṃ vidhāya paramāṃ śanakairavidyā |
granthiṃ vibhetsyasi mamāhamiti prarūḍham || 30 ||
[Analyze grammar]

saṃyaccha roṣaṃ bhadraṃ te pratīpaṃ śreyasāṃ param |
śrutena bhūyasā rājan agadena yathāmayam || 31 ||
[Analyze grammar]

yenopasṛṣṭātpuruṣāt loka udvijate bhṛśam |
na budhastadvaśaṃ gacched icchan abhayamātmanaḥ || 32 ||
[Analyze grammar]

helanaṃ giriśabhrātuḥ dhanadasya tvayā kṛtam |
yajjaghnivān puṇyajanān bhrātṛghnānityamarṣitaḥ || 33 ||
[Analyze grammar]

taṃ prasādaya vatsāśu sannatyā praśrayoktibhiḥ |
na yāvanmahatāṃ tejaḥ kulaṃ no'bhibhaviṣyati || 34 ||
[Analyze grammar]

evaṃ svāyambhuvaḥ pautraṃ anuśāsya manurdhruvam |
tenābhivanditaḥ sākaṃ ṛṣibhiḥ svapuraṃ yayau || 35 ||
[Analyze grammar]

iti śrīmadbhāgavate mahāpurāṇe pāramahaṃsyāṃ saṃhitāyāṃ |
caturthaskandhe ekādaśo'dhyāyaḥ || 11 ||
[Analyze grammar]

Other editions:

Also see the following editions of the Sanskrit text or (alternative) English translations of the Chapter 11

Cover of edition (2012)

Shrimad Bhagavat Maha Puranam
by (2012)

Publisher: Gita Press, Gorakhpur; 768 pages.

Buy now!
Cover of edition (1999)

Bhagavata Purana: With the Commentary of Sridhara Svamin
by (1999)

Publisher: Motilal Banarsidass Publishers Pvt. Ltd.; 829 pages. Edited By: Prof. J.L. Shastri

Buy now!
Cover of edition (2011)

The Bhagavata Purana (5 Volumes)
by G. P. Bhatt (2011)

Publisher: Motilal Banarsidass Publishers Pvt. Ltd.; 2241 pages. Edited By: Prof. J.L. Shastri

Buy now!
Cover of edition (2013)

The Srimad Bhagavata Purana: Hindi Translation and Detailed Explanation
by Bhaktivedanta Swami Prabhupada (2013)

Publisher: The Bhaktivedanta Book Trust; 17691 pages; 18 volumes; Sanskrit Text, Word-to-Word Meaning, Hindi Translation and Detailed Explanation

Buy now!
Cover of Bengali edition

Srimad Bhagavat Mahapurana in Bengali
by (2018)

Publisher: Gita Press, Gorakhpur; 2035 pages.

Buy now!
Let's grow together!

I humbly request your help to keep doing what I do best: provide the world with unbiased sources, definitions and images. Your donation direclty influences the quality and quantity of knowledge, wisdom and spiritual insight the world is exposed to.

Let's make the world a better place together!

Like what you read? Consider supporting this website: