Chapter 8

[English text for this chapter is available]

maitreya uvāca |
sanakādyā nāradaśca ṛbhurhaṃso'ruṇiryatiḥ |
naite gṛhān brahmasutā hyāvasan ūrdhvaretasaḥ || 1 ||
[Analyze grammar]

mṛṣādharmasya bhāryāsīd dambhaṃ māyāṃ ca śatruhan |
asūta mithunaṃ tattu nirṛtirjagṛhe'prajaḥ || 2 ||
[Analyze grammar]

tayoḥ samabhavallobho nikṛtiśca mahāmate |
tābhyāṃ krodhaśca hiṃsā ca yadduruktiḥ svasā kaliḥ || 3 ||
[Analyze grammar]

duruktau kalirādhatta bhayaṃ mṛtyuṃ ca sattama |
tayośca mithunaṃ jajñe yātanā nirayastathā || 4 ||
[Analyze grammar]

saṅgraheṇa mayā'khyātaḥ pratisargastavānagha |
triḥ śrutvaitatpumān puṇyaṃ vidhunotyātmano malam || 5 ||
[Analyze grammar]

athātaḥ kīrtaye vaṃśaṃ puṇyakīrteḥ kurūdvaha |
svāyambhuvasyāpi manoḥ hareraṃśāṃśajanmanaḥ || 6 ||
[Analyze grammar]

priyavratottānapādau śatarūpāpateḥ sutau |
vāsudevasya kalayā rakṣāyāṃ jagataḥ sthitau || 7 ||
[Analyze grammar]

jāye uttānapādasya sunītiḥ surucistayoḥ |
suruciḥ preyasī patyuḥ netarā yatsuto dhruvaḥ || 8 ||
[Analyze grammar]

ekadā suruceḥ putraṃ aṅkamāropya lālayan |
uttamaṃ nārurukṣantaṃ dhruvaṃ rājābhyanandata || 9 ||
[Analyze grammar]

tathā cikīrṣamāṇaṃ taṃ sapat‍nyāstanayaṃ dhruvam |
suruciḥ śṛṇvato rājñaḥ serṣyamāhātigarvitā || 10 ||
[Analyze grammar]

na vatsa nṛpaterdhiṣṇyaṃ bhavān āroḍhumarhati |
na gṛhīto mayā yattvaṃ kukṣau api nṛpātmajaḥ || 11 ||
[Analyze grammar]

bālo'si bata nātmānaṃ anyastrīgarbhasambhṛtam |
nūnaṃ veda bhavān yasya durlabhe'rthe manorathaḥ || 12 ||
[Analyze grammar]

tapasā'rādhya puruṣaṃ tasyaivānugraheṇa me |
garbhe tvaṃ sādhayātmānaṃ yadīcchasi nṛpāsanam || 13 ||
[Analyze grammar]

maitreya uvāca |
mātuḥ sapat‍nyāḥ sa duruktividdhaḥ |
śvasan ruṣā daṇḍahato yathāhiḥ |
hitvā miṣantaṃ pitaraṃ sannavācaṃ |
jagāma mātuḥ prarudan sakāśam || 14 ||
[Analyze grammar]

taṃ niḥśvasantaṃ sphuritādharoṣṭhaṃ |
sunītirutsaṅga udūhya bālam |
niśamya tatpauramukhānnitāntaṃ |
sā vivyathe yad‍gaditaṃ sapat‍nyā || 15 ||
[Analyze grammar]

sotsṛjya dhairyaṃ vilalāpa śoka |
dāvāgninā dāvalateva bālā |
vākyaṃ sapat‍nyāḥ smaratī saroja |
śriyā dṛśā bāṣpakalāmuvāha || 16 ||
[Analyze grammar]

dīrghaṃ śvasantī vṛjinasya pāraṃ |
apaśyatī bālakamāha bālā |
māmaṅgalaṃ tāta pareṣu maṃsthā |
bhuṅkte jano yatparaduḥkhadastat || 17 ||
[Analyze grammar]

satyaṃ surucyābhihitaṃ bhavānme |
yad durbhagāyā udare gṛhītaḥ |
stanyena vṛddhaśca vilajjate yāṃ |
bhāryeti vā voḍhumiḍaspatirmām || 18 ||
[Analyze grammar]

ātiṣṭha tattāta vimatsarastvaṃ |
uktaṃ samātrāpi yadavyalīkam |
ārādhayādhokṣajapādapadmaṃ |
yadīcchase'dhyāsanamuttamo yathā || 19 ||
[Analyze grammar]

yasyāṅghripadmaṃ paricarya viśva |
vibhāvanāyāttaguṇābhipatteḥ |
ajo'dhyatiṣṭhatkhalu pārameṣṭhyaṃ |
padaṃ jitātmaśvasanābhivandyam || 20 ||
[Analyze grammar]

tathā manurvo bhagavānpitāmaho |
yamekamatyā purudakṣiṇairmakhaiḥ |
iṣṭvābhipede duravāpamanyato |
bhaumaṃ sukhaṃ divyamathāpavargyam || 21 ||
[Analyze grammar]

tameva vatsāśraya bhṛtyavatsalaṃ |
mumukṣubhirmṛgyapadābjapaddhatim |
ananyabhāve nijadharmabhāvite |
manasyavasthāpya bhajasva pūruṣam || 22 ||
[Analyze grammar]

nānyaṃ tataḥ padmapalāśalocanād |
duḥkhacchidaṃ te mṛgayāmi kañcana |
yo mṛgyate hastagṛhītapadmayā |
śriyetarairaṅga vimṛgyamāṇayā || 23 ||
[Analyze grammar]

maitreya uvāca |
evaṃ sañjalpitaṃ mātuḥ ākarṇyārthāgamaṃ vacaḥ |
sanniyamyātmanā'tmānaṃ niścakrāma pituḥ purāt || 24 ||
[Analyze grammar]

nāradastadupākarṇya jñātvā tasya cikīrṣitam |
spṛṣṭvā mūrdhanyaghaghnena pāṇinā prāha vismitaḥ || 25 ||
[Analyze grammar]

aho tejaḥ kṣatriyāṇāṃ mānabhaṅgamamṛṣyatām |
bālo'pyayaṃ hṛdā dhatte yatsamāturasadvacaḥ || 26 ||
[Analyze grammar]

nārada uvāca |
nādhunāpyavamānaṃ te sammānaṃ vāpi putraka |
lakṣayāmaḥ kumārasya saktasya krīḍanādiṣu || 27 ||
[Analyze grammar]

vikalpe vidyamāne'pi na hyasantoṣahetavaḥ |
puṃso mohamṛte bhinnā yalloke nijakarmabhiḥ || 28 ||
[Analyze grammar]

parituṣyet tatastāta tāvanmātreṇa pūruṣaḥ |
daivopasāditaṃ yāvad vīkṣyeśvaragatiṃ budhaḥ || 29 ||
[Analyze grammar]

atha mātropadiṣṭena yogenāvarurutsasi |
yatprasādaṃ sa vai puṃsāṃ durārādhyo mato mama || 30 ||
[Analyze grammar]

munayaḥ padavīṃ yasya niḥsaṅgenorujanmabhiḥ |
na vidurmṛgayanto'pi tīvrayogasamādhinā || 31 ||
[Analyze grammar]

ato nivartatāmeṣa nirbandhastava niṣphalaḥ |
yatiṣyati bhavān kāle śreyasāṃ samupasthite || 32 ||
[Analyze grammar]

yasya yad daivavihitaṃ sa tena sukhaduḥkhayoḥ |
ātmānaṃ toṣayan dehī tamasaḥ pāramṛcchati || 33 ||
[Analyze grammar]

guṇādhikānmudaṃ lipsed anukrośaṃ guṇādhamāt |
maitrīṃ samānādanvicchet na tāpairabhibhūyate || 34 ||
[Analyze grammar]

dhruva uvāca |
so'yaṃ śamo bhagavatā sukhaduḥkhahatātmanām |
darśitaḥ kṛpayā puṃsāṃ durdarśo'smadvidhaistu yaḥ || 35 ||
[Analyze grammar]

athāpi me'vinītasya kṣāttraṃ ghoramupeyuṣaḥ |
surucyā durvacobāṇaiḥ na bhinne śrayate hṛdi || 36 ||
[Analyze grammar]

padaṃ tribhuvanotkṛṣṭaṃ jigīṣoḥ sādhu vartma me |
brūhi asmat pitṛbhirbrahman anyairapyanadhiṣṭhitam || 37 ||
[Analyze grammar]

nūnaṃ bhavān bhagavato yo'ṅgajaḥ parameṣṭhinaḥ |
vitudannaṭate vīṇāṃ hitāya jagato'rkavat || 38 ||
[Analyze grammar]

maitreya uvāca |
ityudāhṛtamākarṇya bhagavān nāradastadā |
prītaḥ pratyāha taṃ bālaṃ sadvākyaṃ anukampayā || 39 ||
[Analyze grammar]

nārada uvāca |
jananyābhihitaḥ panthāḥ sa vai niḥśreyasasya te |
bhagavān vāsudevastaṃ bhaja taṃ pravaṇātmanā || 40 ||
[Analyze grammar]

dharmārthakāmamokṣākhyaṃ ya icchet śreya ātmanaḥ |
ekaṃ hyeva harestatra kāraṇaṃ pādasevanam || 41 ||
[Analyze grammar]

tattāta gaccha bhadraṃ te yamunāyāstaṭaṃ śuci |
puṇyaṃ madhuvanaṃ yatra sānnidhyaṃ nityadā hareḥ || 42 ||
[Analyze grammar]

snātvānusavanaṃ tasmin kālindyāḥ salile śive |
kṛtvocitāni nivasan ātmanaḥ kalpitāsanaḥ || 43 ||
[Analyze grammar]

prāṇāyāmena trivṛtā prāṇendriyamanomalam |
śanairvyudasyābhidhyāyen manasā guruṇā gurum || 44 ||
[Analyze grammar]

prasādābhimukhaṃ śaśvat prasannavadanekṣaṇam |
sunāsaṃ subhruvaṃ cāru kapolaṃ surasundaram || 45 ||
[Analyze grammar]

taruṇaṃ ramaṇīyāṅgaṃ aruṇoṣṭhekṣaṇādharam |
praṇatāśrayaṇaṃ nṛmṇaṃ śaraṇyaṃ karuṇārṇavam || 46 ||
[Analyze grammar]

śrīvatsāṅkaṃ ghanaśyāmaṃ puruṣaṃ vanamālinam |
śaṅkhacakragadāpadmaiḥ abhivyaktacaturbhujam || 47 ||
[Analyze grammar]

kirīṭinaṃ kuṇḍalinaṃ keyūravalayānvitam |
kaustubhābharaṇagrīvaṃ pītakauśeyavāsasam || 48 ||
[Analyze grammar]

kāñcīkalāpaparyastaṃ lasatkāñcana nūpuram |
darśanīyatamaṃ śāntaṃ manonayanavardhanam || 49 ||
[Analyze grammar]

pad‍bhyāṃ nakhamaṇiśreṇyā vilasad‍bhyāṃ samarcatām |
hṛtpadmakarṇikādhiṣṇyaṃ ākramyāt manyavasthitam || 50 ||
[Analyze grammar]

smayamānaṃ abhidhyāyet sānurāgāvalokanam |
niyatenaikabhūtena manasā varadarṣabham || 51 ||
[Analyze grammar]

evaṃ bhagavato rūpaṃ subhadraṃ dhyāyato manaḥ |
nirvṛtyā parayā tūrṇaṃ sampannaṃ na nivartate || 52 ||
[Analyze grammar]

japaśca paramo guhyaḥ śrūyatāṃ me nṛpātmaja |
yaṃ saptarātraṃ prapaṭhan pumān paśyati khecarān || 53 ||
[Analyze grammar]

oṃ namo bhagavate vāsudevāya |
mantreṇānena devasya kuryād dravyamayīṃ budhaḥ |
saparyāṃ vividhairdravyaiḥ deśakālavibhāgavit || 54 ||
[Analyze grammar]

salilaiḥ śucibhirmālyaiḥ vanyairmūlaphalādibhiḥ |
śastāṅkurāṃśukaiścārcet tulasyā priyayā prabhum || 55 ||
[Analyze grammar]

labdhvā dravyamayīmarcāṃ kṣityambvādiṣu vārcayet |
ābhṛtātmā muniḥ śānto yatavāṅmitavanyabhuk || 56 ||
[Analyze grammar]

svecchāvatāracaritaiḥ acintyanijamāyayā |
kariṣyati uttamaślokaḥ tad dhyāyed hṛdayaṅgamam || 57 ||
[Analyze grammar]

paricaryā bhagavato yāvatyaḥ pūrvasevitāḥ |
tā maṃtrahṛdayenaiva prayuñjyān maṃtramūrtaye || 58 ||
[Analyze grammar]

evaṃ kāyena manasā vacasā ca manogatam |
paricaryamāṇo bhagavān bhaktimatparicaryayā || 59 ||
[Analyze grammar]

puṃsāṃ amāyināṃ samyak bhajatāṃ bhāvavardhanaḥ |
śreyo diśatyabhimataṃ yaddharmādiṣu dehinām || 60 ||
[Analyze grammar]

viraktaścendriyaratau bhaktiyogena bhūyasā |
taṃ nirantarabhāvena bhajetāddhā vimuktaye || 61 ||
[Analyze grammar]

ityuktastaṃ parikramya praṇamya ca nṛpārbhakaḥ |
yayau madhuvanaṃ puṇyaṃ hareścaraṇacarcitam || 62 ||
[Analyze grammar]

tapovanaṃ gate tasmin praviṣṭo'ntaḥpuraṃ muniḥ |
arhitārhaṇako rājñā sukhāsīna uvāca tam || 63 ||
[Analyze grammar]

nārada uvāca |
rājan kiṃ dhyāyase dīrghaṃ mukhena pariśuṣyatā |
kiṃ vā na riṣyate kāmo dharmo vārthena saṃyutaḥ || 64 ||
[Analyze grammar]

rājovāca |
suto me bālako brahman straiṇenākaruṇātmanā |
nirvāsitaḥ pañcavarṣaḥ saha mātrā mahānkaviḥ || 65 ||
[Analyze grammar]

apyanāthaṃ vane brahman mā smādantyarbhakaṃ vṛkāḥ |
śrāntaṃ śayānaṃ kṣudhitaṃ parimlānamukhāmbujam || 66 ||
[Analyze grammar]

aho me bata daurātmyaṃ strījitasyopadhāraya |
yo'ṅkaṃ premṇā'rurukṣantaṃ nābhyanandamasattamaḥ || 67 ||
[Analyze grammar]

nārada uvāca |
mā mā śucaḥ svatanayaṃ devaguptaṃ viśāmpate |
tatprabhāvaṃ avijñāya prāvṛṅkte yadyaśo jagat || 68 ||
[Analyze grammar]

suduṣkaraṃ karma kṛtvā lokapālairapi prabhuḥ |
aiṣyatyacirato rājan yaśo vipulayaṃstava || 69 ||
[Analyze grammar]

maitreya uvāca |
iti devarṣiṇā proktaṃ viśrutya jagatīpatiḥ |
rājalakṣmīmanādṛtya putraṃ evānvacintayat || 70 ||
[Analyze grammar]

tatrābhiṣiktaḥ prayataḥ tāṃ upoṣya vibhāvarīm |
samāhitaḥ paryacara dṛṣyādeśena pūruṣam || 71 ||
[Analyze grammar]

trirātrānte trirātrānte kapitthabadarāśanaḥ |
ātmavṛttyanusāreṇa māsaṃ ninye'rcayan harim || 72 ||
[Analyze grammar]

dvitīyaṃ ca tathā māsaṃ ṣaṣṭhe ṣaṣṭhe'rbhako dine |
tṛṇaparṇādibhiḥ śīrṇaiḥ kṛtānno'bhyarcayan vibhum || 73 ||
[Analyze grammar]

tṛtīyaṃ cānayan māsaṃ navame navame'hani |
abbhakṣa uttamaślokaṃ upādhāvatsamādhinā || 74 ||
[Analyze grammar]

caturthamapi vai māsaṃ dvādaśe dvādaśe'hani |
vāyubhakṣo jitaśvāso dhyāyan devamadhārayat || 75 ||
[Analyze grammar]

pañcame māsyanuprāpte jitaśvāso nṛpātmajaḥ |
dhyāyan brahma padaikena tasthau sthāṇurivācalaḥ || 76 ||
[Analyze grammar]

sarvato mana ākṛṣya hṛdi bhūtendriyāśayam |
dhyāyan bhagavato rūpaṃ nādrākṣīt kiṃcanāparam || 77 ||
[Analyze grammar]

ādhāraṃ mahadādīnāṃ pradhānapuruṣeśvaram |
brahma dhārayamāṇasya trayo lokāścakampire || 78 ||
[Analyze grammar]

yadaikapādena sa pārthivārbhakaḥ |
tasthau tadaṅguṣṭhanipīḍitā mahī |
nanāma tatrārdhamibhendradhiṣṭhitā |
tarīva savyetarataḥ pade pade || 79 ||
[Analyze grammar]

tasmin abhidhyāyati viśvamātmano |
dvāraṃ nirudhyāsumananyayā dhiyā |
lokā nirucchvāsanipīḍitā bhṛśaṃ |
salokapālāḥ śaraṇaṃ yayurharim || 80 ||
[Analyze grammar]

devā ūcuḥ |
naivaṃ vidāmo bhagavan prāṇarodhaṃ |
carācarasyākhilasattvadhāmnaḥ |
vidhehi tanno vṛjinādvimokṣaṃ |
prāptā vayaṃ tvāṃ śaraṇaṃ śaraṇyam || 81 ||
[Analyze grammar]

śrībhagavānuvāca |
mā bhaiṣṭa bālaṃ tapaso duratyayān |
nivartayiṣye pratiyāta svadhāma |
yato hi vaḥ prāṇanirodha āsīt |
auttānapādirmayi saṅgatātmā || 82 ||
[Analyze grammar]

iti śrīmadbhāgavate mahāpurāṇe pāramahaṃsyāṃ saṃhitāyāṃ |
caturthaskandhe dhruvacarite aṣṭamo'dhyāyaḥ || 8 ||
[Analyze grammar]