Chapter 11

[English text for this chapter is available]

sūta uvāca |
ānartān sa upavrajya svṛddhāñjanapadān svakān |
dadhmau daravaraṃ teṣāṃ viṣādaṃ śamayanniva || 1 ||
[Analyze grammar]

sa uccakāśe dhavalodaro daro'pi |
urukramasya adharaśoṇa śoṇimā |
dādhmāyamānaḥ karakañjasampuṭe |
yathābjakhaṇḍe kalahaṃsa utsvanaḥ || 2 ||
[Analyze grammar]

tamupaśrutya ninadaṃ jagad‍bhayabhayāvaham |
pratyudyayuḥ prajāḥ sarvā bhartṛdarśanalālasāḥ || 3 ||
[Analyze grammar]

tatropanītabalayo raverdīpamivādṛtāḥ |
ātmārāmaṃ pūrṇakāmaṃ nijalābhena nityadā || 4 ||
[Analyze grammar]

prītyutphullamukhāḥ procuḥ harṣagad‍gadayā girā |
pitaraṃ sarvasuhṛdaṃ avitāraṃ ivārbhakāḥ || 5 ||
[Analyze grammar]

natāḥ sma te nātha sadāṅghripaṅkajaṃ |
viriñcavairiñcya surendra vanditam |
parāyaṇaṃ kṣemamihecchatāṃ paraṃ |
na yatra kālaḥ prabhavetparaḥ prabhuḥ || 6 ||
[Analyze grammar]

bhavāya nastvaṃ bhava viśvabhāvana |
tvameva mātātha suhṛtpatiḥ pitā |
tvaṃ sad‍gururnaḥ paramaṃ ca daivataṃ |
yasyānuvṛttyā kṛtino babhūvima || 7 ||
[Analyze grammar]

aho sanāthā bhavatā sma yadvayaṃ |
traiviṣṭapānāmapi dūradarśanam |
premasmita snigdha nirīkṣaṇānanaṃ |
paśyema rūpaṃ tava sarvasaubhagam || 8 ||
[Analyze grammar]

yarhyambujākṣāpasasāra bho bhavān |
kurūn madhūn vātha suhṛd didṛkṣayā |
tatrābdakoṭipratimaḥ kṣaṇo bhaved |
raviṃ vinākṣṇoriva nastavācyuta || 9 ||
[Analyze grammar]

iti codīritā vācaḥ prajānāṃ bhaktavatsalaḥ |
śṛṇvāno'nugrahaṃ dṛṣṭyā vitanvan prāviśatpuram || 10 ||
[Analyze grammar]

madhubhojadaśārhārha kukurāndhaka vṛṣṇibhiḥ |
ātmatulya balairguptāṃ nāgairbhogavatīmiva || 11 ||
[Analyze grammar]

sarvartu sarvavibhava puṇyavṛkṣalatāśramaiḥ |
udyānopavanārāmaiḥ vṛta padmākara śriyam || 12 ||
[Analyze grammar]

gopuradvāramārgeṣu kṛtakautuka toraṇām |
citradhvajapatākāgraiḥ antaḥ pratihatātapām || 13 ||
[Analyze grammar]

sammārjita mahāmārga rathyāpaṇaka catvarām |
siktāṃ gandhajalairuptāṃ phalapuṣpākṣatāṅkuraiḥ || 14 ||
[Analyze grammar]

dvāri dvāri gṛhāṇāṃ ca dadhyakṣata phalekṣubhiḥ |
alaṅkṛtāṃ pūrṇakumbhaiḥ balibhiḥ dhūpadīpakaiḥ || 15 ||
[Analyze grammar]

niśamya preṣṭhamāyāntaṃ vasudevo mahāmanāḥ |
akrūraścograsenaśca rāmaścād‍bhutavikramaḥ || 16 ||
[Analyze grammar]

pradyumnaḥ cārudeṣṇaśca sāmbo jāmbavatīsutaḥ |
praharṣavega ucchaśita śayanāsana bhojanāḥ || 17 ||
[Analyze grammar]

vāraṇendraṃ puraskṛtya brāhmaṇaiḥ sasumaṅgalaiḥ |
śaṅkhatūrya ninādena brahmaghoṣeṇa cādṛtāḥ |
pratyujjagmū rathairhṛṣṭāḥ praṇayāgata sādhvasāḥ || 18 ||
[Analyze grammar]

vāramukhyāśca śataśo yānaiḥ tat darśanotsukāḥ |
lasatkuṇḍala nirbhāta kapola vadanaśriyaḥ || 19 ||
[Analyze grammar]

naṭanartakagandharvāḥ sūta māgadha vandinaḥ |
gāyanti cottamaśloka caritāni ad‍bhutāni ca || 20 ||
[Analyze grammar]

bhagavān tatra bandhūnāṃ paurāṇāṃ anuvartinām |
yathāvidhi upasaṅgamya sarveṣāṃ mānamādadhe || 21 ||
[Analyze grammar]

prahvābhivādana āśleṣa karasparśa smitekṣaṇaiḥ |
āśvāsya cāśvapākebhyo varaiśca abhimatairvibhuḥ || 22 ||
[Analyze grammar]

svayaṃ ca gurubhirvipraiḥ sadāraiḥ sthavirairapi |
āśīrbhiḥ yujyamāno'nyaiḥ vandibhiścāviśat puram || 23 ||
[Analyze grammar]

rājamārgaṃ gate kṛṣṇe dvārakāyāḥ kulastriyaḥ |
harmyāṇyāruruhurvipra tadīkṣaṇa mahotsavāḥ || 24 ||
[Analyze grammar]

nityaṃ nirīkṣamāṇānāṃ yadapi dvārakaukasām |
na vitṛpyanti hi dṛśaḥ śriyo dhāmāṅgamacyutam || 25 ||
[Analyze grammar]

śriyo nivāso yasyoraḥ pānapātraṃ mukhaṃ dṛśām |
bāhavo lokapālānāṃ sāraṅgāṇāṃ padāmbujam || 26 ||
[Analyze grammar]

sitātapatravyajanaiḥ upaskṛtaḥ |
navarṣaiḥ abhivarṣitaḥ pathi |
piśaṅgavāsā vanamālayā babhau |
yathārkoḍupa cāpa vaidyutaiḥ || 27 ||
[Analyze grammar]

praviṣṭastu gṛhaṃ pitroḥ pariṣvaktaḥ svamātṛbhiḥ |
vavande śirasā sapta devakīpramukhā mudā || 28 ||
[Analyze grammar]

tāḥ putramaṅkaṃ āropya snehasnuta payodharāḥ |
harṣavihvalitātmānaḥ siṣicuḥ netrajairjalaiḥ || 29 ||
[Analyze grammar]

athāviśat svabhavanaṃ sarvakāmamanuttamam |
prāsādā yatra pat‍nīnāṃ sahasrāṇi ca ṣoḍaśa || 30 ||
[Analyze grammar]

pat‍nyaḥ patiṃ proṣya gṛhānupāgataṃ |
kya sañjāta manomahotsavāḥ |
uttasthurārāt sahasāsanāśayāt |
vrataiḥ vrīḍita locanānanāḥ || 31 ||
[Analyze grammar]

taṃ ātmajaiḥ dṛṣṭibhirantarātmanā |
durantabhāvāḥ parirebhire patim |
niruddhamapyāsravadambu netrayoḥ |
vilajjatīnāṃ bhṛguvarya vaiklavāt || 32 ||
[Analyze grammar]

yadyapyasau pārśvagato rahogataḥ |
tathāpi tasyāṅghriyugaṃ navaṃ navam |
pade pade kā virameta tatpadāt |
calāpi yacchrīrna jahāti karhicit || 33 ||
[Analyze grammar]

evaṃ nṛpāṇāṃ kṣitibhārajanmanāṃ |
akṣauhiṇībhiḥ parivṛttatejasām |
vidhāya vairaṃ śvasano yathānalaṃ |
mitho vadhenoparato nirāyudhaḥ || 34 ||
[Analyze grammar]

sa eṣa naraloke'smin avatīrṇaḥ svamāyayā |
reme strīrat‍nakūṭastho bhagavān prākṛto yathā || 35 ||
[Analyze grammar]

uddāmabhāva piśunāmala valguhāsa |
vrīḍāvalokanihato madano'pi yāsām |
sammuhya cāpamajahāt pramadottamāstā |
yasyendriyaṃ vimathituṃ kuhakairna śekuḥ || 36 ||
[Analyze grammar]

tamayaṃ manyate loko hyasaṅgamapi saṅginam |
ātmaupamyena manujaṃ vyāpṛṇvānaṃ yato'budhaḥ || 37 ||
[Analyze grammar]

etat īśanamīśasya prakṛtistho'pi tad‍guṇaiḥ |
na yujyate sadā'tmasthaiḥ yathā buddhistadāśrayā || 38 ||
[Analyze grammar]

taṃ menire'balā mūḍhāḥ straiṇaṃ cānuvrataṃ rahaḥ |
apramāṇavido bhartuḥ īśvaraṃ matayo yathā || 39 ||
[Analyze grammar]

iti śrīmadbhāgavate mahāpurāṇe pāramahaṃsyāṃ saṃhitāyāṃ |
prathamaskandhe naimiṣīyopākhyāne śrīkṛṣṇadvārakāpraveśo nāma ekādaśo'dhyāyaḥ || 11 ||
[Analyze grammar]