Bhagavad-gita with four Commentaries [sanskrit]
140,673 words | ISBN-10: 8189564072 | ISBN-13: 9788189564070
The Sanskrit edition of the Bhagavad Gita with four commentaries: (1) The Subodhini by Shridhara (Sridhara Swami), (2) The Gudharthadipika by Madhusudana (Saraswati), (3) The Sararthavarshini by Vishvanatha (Vishwanath Chakravarti) and (4) The Gitabhushana by Baladeva (Vidyabhushan). Original titles: Bhagavadgītā (भगवद्गीता), Śrīdhara (श्रीधर), Madhusūdana (मधुसूदन), Viśvanātha (विश्वनाथ), Baladeva (बलदेव)
Verse 10.39
yaccāpi sarvabhūtānāṃ bījaṃ tadahamarjuna |
na tadasti vinā yatsyānmayā bhūtaṃ carācaram ||39||
The Subodhinī commentary by Śrīdhara
yaccāpīti | yadapi ca sarvabhūtānāṃ bījaṃ prarohakāraṇaṃ tadaham | tatra hetuḥ mayā vinā yatsyādbhavettaccaramacaraṃ vā bhūtaṃ nāstyeveti ||39||
The Gūḍhārthadīpikā commentary by Madhusūdana
yadapi ca sarvabhūtānāṃ prarohakāraṇaṃ bījaṃ tanmāyopādhikaṃ caitanyamahameva | he arjuna ! mayā vinā yatsyādbhave caramacaraṃ vā bhūtaṃ vastu tannāstyeva yataḥ sarvaṃ matkāryamevetyarthaḥ ||39||
The Sārārthavarṣiṇī commentary by Viśvanātha
bījaṃ prarohakāraṇaṃ yattadahamasmi | tatra hetuḥ mayā vinā yatsyātcaramacaraṃ vā tannaivāsti mithyaivetyarthaḥ ||39||
The Gītābhūṣaṇa commentary by Baladeva
yacca sarvabhūtānāṃ bījaṃ prarohakāraṇaṃ tadapyaham | tatra hetuḥ na taditi | mayā sarvaśaktimatāṃ pareśena vinā yaccaramacaraṃ ca bhūtaṃ tattvaṃ syāttannāsti mṛṣaivetyarthaḥ ||39||
__________________________________________________________