Chapter 16 - Of Piety

āścarya dharmaḥ sugatena śrāvito na jātu asmābhiḥ śrutaiṣa pūrvam |
mahātmatā yādṛśi nāyakānāṃ āyuṣpramāṇaṃ ca yathā anantam || 1 ||
[Analyze grammar]

evaṃ ca dharmaṃ śruṇiyāna adya vibhajyamānaṃ sugatena saṃmukham |
prītisphuṭāḥ prāṇasahasrakoṭyo ya aurasā lokavināyakasya || 2 ||
[Analyze grammar]

avivartiyā keci sthitāgrabodhau keci sthitā dhāraṇiye varāyām |
asaṅgapratibhāṇi sthitāśca kecit koṭīsahasrāya ca dhāraṇīye || 3 ||
[Analyze grammar]

paramāṇukṣetrasya tathaiva cānye ye prasthitā uttamabuddhajñāne |
kecicca jātībhi tathaiva cāṣṭabhi jinā bhaviṣyanti anantadarśinaḥ || 4 ||
[Analyze grammar]

kecittu catvāri atikramitvā kecitribhiścaiva dvibhiśca anye |
lapsyanti bodhiṃ paramārthadarśinaḥ śruṇitva dharmaṃ imu nāyakasya || 5 ||
[Analyze grammar]

ke cāpi ekāya sthihitva jātyā sarvajña bhoṣyanti bhavāntareṇa |
śruṇitva āyu imu nāyakasya etādṛśaṃ labdhu phalaṃ anāsravam || 6 ||
[Analyze grammar]

aṣṭāna kṣetrāṇa yathā rajo bhavet evāpramāṇā gaṇanāya tattakāḥ |
yāḥ sattvakoṭyo hi śruṇitva dharmaṃ utpādayiṃsū varabodhicittam || 7 ||
[Analyze grammar]

etādṛśaṃ karma kṛtaṃ maharṣiṇā prakāśayantenima buddhabodhim |
anantakaṃ yasya pramāṇu nāsti ākāśadhātū ca yathāprameyaḥ || 8 ||
[Analyze grammar]

māndāravāṇāṃ ca pravarṣi varṣaṃ bahudevaputrāṇa sahasrakoṭyaḥ |
śakrāśca brahmā yathā gaṅgavālikā ye āgatā kṣetrasahasrakoṭibhiḥ || 9 ||
[Analyze grammar]

sugandhacūrṇāni ca candanasya agarusya cūrṇāni ca muñcamānāḥ |
caranti ākāśi yathaiva pakṣī abhyokirantā vidhivajjinendrān || 10 ||
[Analyze grammar]

upariṃ ca vaihāyasu dundubhīyo ninādayanto madhurā aghaṭṭitāḥ |
divyāna dūṣyāṇa sahasrakoṭyaḥ kṣipanti bhrāmenti ca nāyakānām || 11 ||
[Analyze grammar]

anarghamūlyasya ca dhūpanasya ratnāmayī ghaṭikasahasrakoṭyaḥ |
svayaṃ samantena viceru tatra pūjārtha lokādhipatisya tāyinaḥ || 12 ||
[Analyze grammar]

uccān mahantān ratanāmayāṃśca chatrāṇa koṭīnayutānanantān |
dhārantime paṇḍita bodhisattvāḥ avataṃsakān yāvat brahmalokāt || 13 ||
[Analyze grammar]

savaijayantāṃśca sudarśanīyān dhvajāṃśca oropayi nāyakānām |
gāthāsahasraiśca abhiṣṭuvanti prahṛṣṭacittāḥ sugatasya putrāḥ || 14 ||
[Analyze grammar]

etādṛśāścaryaviśiṣṭa adbhutā vicitra dṛśyantimi adya nāyakāḥ |
āyuṣpramāṇasya nidarśanena prāmodyalabdhā imi sarvasattvāḥ || 15 ||
[Analyze grammar]

vipulo 'dya artho daśasū diśāsu ghoṣaśca abhyudgatu nāyakānām |
saṃtarpitāḥ prāṇasahasrakoṭyaḥ kuśalena bodhāya samanvitāśca || 16 ||
[Analyze grammar]

yaśca pāramitāḥ pañca samādāyehi vartate |
idaṃ jñānaṃ gaveṣanto buddhajñānamanuttaram || 17 ||
[Analyze grammar]

kalpakoṭīsahasrāṇi aṣṭau pūrṇāni yujyate |
dānaṃ dadanto buddhebhyaḥ śrāvakebhyaḥ punaḥ punaḥ || 18 ||
[Analyze grammar]

pratyekabuddhāṃstarpento bodhisattvāna koṭiyaḥ |
khādyabhojyānnapānehi vastraśayyāsanehi ca || 19 ||
[Analyze grammar]

pratiśrayān vihārāṃśca candanasyeha kārayet |
ārāmān ramaṇīyāṃśca caṃkramasthānaśobhitān || 20 ||
[Analyze grammar]

etādṛśaṃ daditvāna dānaṃ citra bahūvidham |
kalpakoṭīsahasrāṇi datvā bodhāya nāmayet || 21 ||
[Analyze grammar]

punaśca śīlaṃ rakṣeta śuddhaṃ saṃbuddhavarṇitam |
akhaṇḍaṃ saṃstutaṃ vijñairbuddhajñānasya kāraṇāt || 22 ||
[Analyze grammar]

punaśca kṣānti bhāveta dāntabhūmau pratiṣṭhitaḥ |
dhṛtimān smṛtimāṃścaiva paribhāṣāḥ kṣame bahūḥ || 23 ||
[Analyze grammar]

ye copalambhikāḥ sattvā adhimāne pratiṣṭhitāḥ |
kutsanaṃ ca sahetteṣāṃ buddhajñānasya kāraṇāt || 24 ||
[Analyze grammar]

nityodyuktaśca vīryasmin abhiyukto dṛḍhasmṛtiḥ |
ananyamanasaṃkalpo bhaveyā kalpakoṭiyaḥ || 25 ||
[Analyze grammar]

araṇyavāsi tiṣṭhanto caṃkramaṃ abhiruhya ca |
styānamiddhaṃ ca varjitvā kalpakoṭyo hi yaścaret || 26 ||
[Analyze grammar]

yaśca dhyāyī mahādhyāyī dhyānārāmaḥ samāhitaḥ |
kalpakoṭyaḥ sthito dhyāyet sahasrāṇyaṣṭanūnakāḥ || 27 ||
[Analyze grammar]

tena dhyānena so vīraḥ prārthayed bodhimuttamām |
ahaṃ syāmiti sarvajño dhyānapāramitāṃ gataḥ || 28 ||
[Analyze grammar]

yacca puṇyaṃ bhavetteṣāṃ niṣevitvā imāṃ kriyām |
kalpakoṭīsahasrāṇi ye pūrvaṃ parikīrtitāḥ || 29 ||
[Analyze grammar]

āyuṃ ca mama yo śrutvā strī vāpi puruṣo 'pi vā |
ekakṣaṇaṃ pi śraddhāti idaṃ puṇyamanantakam || 30 ||
[Analyze grammar]

vicikitsāṃ ca varjitvā iñjitā manyitāni ca |
adhimucyenmuhūrtaṃ pi phalaṃ tasyedamīdṛśam || 31 ||
[Analyze grammar]

bodhisattvāśca ye bhonti caritāḥ kalpakoṭiyaḥ |
na te trasanti śrutvedaṃ mama āyuracintiyam || 32 ||
[Analyze grammar]

mūrdhena ca namasyanti ahamapyedṛśo bhavet |
anāgatasminnadhvāni tāreyaṃ prāṇikoṭiyaḥ || 33 ||
[Analyze grammar]

yathā śākyamunirnāthaḥ śākyasiṃho mahāmuniḥ |
bodhimaṇḍe niṣīditvā siṃhanādamidaṃ nadet || 34 ||
[Analyze grammar]

ahamapyanāgate 'dhvāni satkṛtaḥ sarvadehinām |
bodhimaṇḍe niṣīditvā āyuṃ deśeṣyamīdṛśam || 35 ||
[Analyze grammar]

adhyāśayena saṃpannāḥ śrutādhārāśca ye narāḥ |
saṃdhābhāṣyaṃ vijānanti kāṅkṣā teṣāṃ na vidyate || 36 ||
[Analyze grammar]

puṇyaskandho aparyanto varṇito me punaḥ punaḥ |
ya idaṃ dhārayetsūtraṃ nirvṛte naranāyake || 37 ||
[Analyze grammar]

pūjāśca me kṛtāstena dhātustūpāśca kāritāḥ |
ratnāmayā vicitrāśca darśanīyaḥ suśobhanāḥ || 38 ||
[Analyze grammar]

brahmalokasamā uccā chatrāvalibhiranvitāḥ |
pariṇāhavantaḥ śrīmanto vaijayantīsamanvitāḥ || 39 ||
[Analyze grammar]

paṭughaṇṭā raṇantaśca paṭṭadāmopaśobhitāḥ |
vāteritāstathā ghaṇṭā śobhanti jinadhātuṣu || 40 ||
[Analyze grammar]

pūjā ca vipulā teṣāṃ puṣpagandhavilepanaiḥ |
kṛtā vādyaiśca vastraiśca dundubhībhiḥ punaḥ puna || 41 ||
[Analyze grammar]

madhurā vādyabhāṇḍā ca vāditā teṣu dhātuṣu |
gandhatailapradīpāśca dattāste 'pi samantataḥ || 42 ||
[Analyze grammar]

ya idaṃ dhārayet sūtraṃ kṣayakāli ca deśayet |
īdṛśī me kṛtā tena vividhā pūjanantikā || 43 ||
[Analyze grammar]

agrā vihārakoṭyo 'pi bahuścandanakāritāḥ |
dvātriṃśatī ca prāsādā uccaistvenāṣṭavattalāḥ || 44 ||
[Analyze grammar]

śayyāsanairupastabdhāḥ khādyabhojyaiḥ samanvitāḥ |
praveṇī praṇīta prajñaptā āvāsāśca sahasraśaḥ || 45 ||
[Analyze grammar]

ārāmāścaṃkramā dattāḥ puṣpārāmopaśobhitāḥ |
bahu ucchadakāścaiva bahurūpavicitritāḥ || 46 ||
[Analyze grammar]

saṃghasya vividhā pūjā kṛtā me tena saṃmukham |
ya idaṃ dhārayetsūtraṃ nirvṛtasmin vināyake || 47 ||
[Analyze grammar]

adhimuktisāro yo syādato bahutaraṃ hi saḥ |
puṇyaṃ labheta yo etatsūtraṃ vācellikheta vā || 48 ||
[Analyze grammar]

likhāpayennaraḥ kaścit suniruktaṃ ca pustake |
pustakaṃ pūjayettacca gandhamālyavilepanaiḥ || 49 ||
[Analyze grammar]

dīpaṃ ca dadyādyo nityaṃ gandhatailasya pūritam |
jātyutpalātimuktaiśca prakaraiścampakasya ca || 50 ||
[Analyze grammar]

kuryādetādṛśīṃ pūjāṃ pustakeṣu ca yo naraḥ |
bahu prasavate puṇyaṃ pramāṇaṃ yasya no bhavet || 51 ||
[Analyze grammar]

yathaivākāśadhātau hi pramāṇaṃ nopalabhyate |
diśāsu daśasū nityaṃ puṇyaskandho 'yamīdṛśaḥ || 52 ||
[Analyze grammar]

kaḥ punarvādo yaśca syāt kṣānto dāntaḥ samāhitaḥ |
śīlavāṃścaiva dhyāyī ca pratisaṃlānagocaraḥ || 53 ||
[Analyze grammar]

akrodhano apiśunaścaityasmin gaurave sthitaḥ |
bhikṣūṇāṃ praṇato nityaṃ nādhimānī na cālasaḥ || 54 ||
[Analyze grammar]

prajñavāṃścaiva dhīraśca praśnaṃ pṛṣṭo na kupyati |
anulomaṃ ca deśeti kṛpābuddhī ca prāṇiṣu || 55 ||
[Analyze grammar]

ya īdṛśo bhavetkaścid yaḥ sūtraṃ dhārayedidam |
na tasya puṇyaskandhasya pramāṇamupalabhyate || 56 ||
[Analyze grammar]

yadi kaścinnaraḥ paśyedīdṛśaṃ dharmabhāṇakam |
dhārayantamidaṃ sūtraṃ kuryādvai tasya satkriyām || 57 ||
[Analyze grammar]

divyaiśca puṣpaistatha okireta divyaiśca vastrairabhicchādayeta |
mūrdhena vanditva ca tasya pādau tathāgato 'yaṃ janayeta saṃjñām || 58 ||
[Analyze grammar]

dṛṣṭvā ca taṃ cintayi tasmi kāle gamiṣyate eṣa drumasya mūlam |
budhyiṣyate bodhimanuttarāṃ śivāṃ hitāya lokasya sadevakasya || 59 ||
[Analyze grammar]

yasmiṃśca so caṃkrami tādṛśo viduḥ tiṣṭheta vā yatra niṣīdayedvā |
śayyāṃ ca kalpeya kahiṃci dhīro bhāṣantu gāthāṃ pi tu ekasūtrāt || 60 ||
[Analyze grammar]

yasmiṃśca stūpaṃ puruṣottamasya kārāpayeccitrasudarśanīyam |
uddiśya buddhaṃ bhagavanta nāyakaṃ pūjāṃ ca citrāṃ tahi kārayettathā || 61 ||
[Analyze grammar]

mayā sa bhuktaḥ pṛthivīpradeśo mayā svayaṃ caṃkramitaṃ ca tatraṃ |
tatropaviṣṭo ahameva ca syāṃ yatra sthitaḥ so bhavi buddhaputraḥ || 62 ||
[Analyze grammar]