Akshayamatinirdesha [sanskrit]
18,273 words
The Sanskrit edition of the Akshayamatinirdesha: an ancient Mahayana Sutra devoted to the Bodhisattva Akshayamati, recognized as one of the sixteen bodhisattvas of the Bhadrakalpa (fortunate aeon). The text expounds the practices and ethics of the Bodhisatva way of life. Original titles: Akṣayamatinirdeśa (अक्षयमतिनिर्देश), Akṣayamatinirdeśasūtra (अक्षयमतिनिर्देशसूत्र), Akṣayamati-nirdeśa-sūtra (अक्षयमति-निर्देश-सूत्र).
71st akṣaya, Śamatha
[English text for this chapter is available]
tatra katamā śamathākṣayatā?
yā cittasya śāntiḥ praśantir upaśāntiḥ | avikṣepakendriyasamyamaḥ | anuddhatatā anunnahanatā | amukharatā | acapalatā | acañcalatā | saumyatā, guptatā, ājāneyatā, karmaṇyatā, ekāgratā, ekāramatā, saṃgaṇikāvivarjanatā, vivekaratiḥ, kāyavivekaś, cittāvibhramaḥ, araṇyamukhamanasikāratā, alpecchatā, anabhilāṣatā, abahvicchatā, saṃtuṣṭiḥ, ājīvapariśuddhiḥ, cāritrasaṃpannatā, īryāpathaguptiḥ, kālajñatā, velājñatā, asamayajñatā, mātrajñatā, subhāratā, supoṣatā, pratisaṃkhyānabalenānunnāmāvanāmanatā, duruktadurāgatavacanapathādhivāsanatā.
yogābhimukhacittotpādaḥ, pratisaṃlayanābhiratiḥ, dhyānāṅgamanasikāratā, maitryutpādaḥ, karuṇābhinirhāraḥ, muditāsthāpanā, upekṣābhāvanā.
prathamadhyānaṃ dvitīyadhyānaṃ tṛtīyadhyānaṃ caturthadhyānam ākāśānantyāyatanaṃ vijñānānantyāyatanam akiṃcanyāyatanaṃ naivasaṃjñānāsaṃjñāyatanaṃ saṃjñaveditanirodha imā navānupūrvasamāpattaya ucyate śamathaḥ.
evaṃ śamathasaṃbhārā aprameyāḥ | yas teṣu śamathasaṃbhāreṣv udyogo'yam ucyate'kṣayaḥ śamathaḥ.