![Yoga Vasistha [sanskrit] - book cover](/uploads/a/Yoga-Vasistha.jpg)
Yoga Vasistha [sanskrit]
223,437 words | ISBN-10: 8171101519
The Sanskrit edition of the Yoga-vasistha including English translation and grammatical analysis. The Yogavasistha is a Hindu spiritual text written by Valmiki (who also authored the Ramayana) dealing with the philosophical topics from the Advaita-vedanta school. Chronologically it precedes the Ramayana.
Chapter CLIV
muniruvāca |
iti nirṇīya dṛśye'sminsthito'smi vigatajvaraḥ |
vītarāgo nirāśaṅko nirvāṇo nirahaṃkṛtiḥ || 1 ||
[Analyze grammar]
nirādhāro nirādheyo nirmāno nirupāśrayaḥ |
svabhāvasthaḥ svayaṃ śāntaḥ sargātmā sarvathoditaḥ || 2 ||
[Analyze grammar]
yathāprāptasya kartāsmi na kartāsmi kadācana |
svayameva hi yo vyoma kartṛtā tasya kīdṛśī || 3 ||
[Analyze grammar]
dyauḥ kṣamā vāyurākāśaṃ parvatāḥ sarito diśaḥ |
ityekātma nabhaḥ sarvaṃ bhūtajālaikacidvapuḥ || 4 ||
[Analyze grammar]
śāmyāmi parinirvāmi sukhamāse ca kevalam |
na vidhipratiṣedhau me na me bāhyaṃ na me'ntaram || 5 ||
[Analyze grammar]
iti me tiṣṭhata iha yathāsaṃsthānasaṃsthiteḥ |
adyāyaṃ tvamanuprāptaḥ kākatālīyavatpuraḥ || 6 ||
[Analyze grammar]
iti te sarvamākhyātaṃ yathā svapno yathā vayam |
yathā jagadyathā ca tvaṃ yathā dṛśyamidaṃ tathā || 7 ||
[Analyze grammar]
tvaṃ ca yādṛgdṛśyamidaṃ yathā dṛśyamidaṃ puraḥ |
yathā bhāvā yathā brahma yathemā janatāḥ puraḥ || 8 ||
[Analyze grammar]
etadbuddhvā bhavāñchānto mithyā lubdhaka lubdhaka |
śāntaivaivamiyaṃ sattā cinmātravyomarūpiṇī || 9 ||
[Analyze grammar]
lubdhaka uvāca |
svayamābhāti nirvāṇā naiva vābhāti kiṃcana |
evaṃ cettadahaṃ tvaṃ ca sarve vā vibudhādayaḥ || 10 ||
[Analyze grammar]
muniruvāca |
sarva eva mithaḥ svapnapuruṣāḥ sadasanmayāḥ |
evametadidaṃ sarvamanyonyaṃ svapnavatsthitam || 11 ||
[Analyze grammar]
anyonyamātmani tathā sadasaccānubhūyate |
dṛśyaṃ yena yathā buddhaṃ tathā tenānubhūyate || 12 ||
[Analyze grammar]
nānaikaṃ vastvato'nekaṃ na sannāsanna madhyagam |
jāgrati svapnanagaramiva vedanamātrakam || 13 ||
[Analyze grammar]
adṛṣṭapūrvadūrasthadṛśyamānapuropamam |
iti te sarvamākhyātaṃ bodhito'si nirantaram || 14 ||
[Analyze grammar]
svayaṃ prājño'si jānāsi yathecchasi tathā kuru |
evaṃ prabodhitasyāpi tava vyādha mate matiḥ || 15 ||
[Analyze grammar]
kṣaṇaṃ prabodhaviśrāntā na viśrāntā pare pade |
nābhyāsena vinā bodha eṣa yāti manohṛdi || 16 ||
[Analyze grammar]
parāṃ pariṇatiṃ prājña dāruṇīvāmbudhāraṇe || 17 ||
[Analyze grammar]
abhyāsādbodhaviśrāntau guruśāstraikasevanāt |
dvaitādvaitadṛśoḥ śāntyā nirvāṇaṃ cittamucyate || 18 ||
[Analyze grammar]
nirmānamohā jitasaṅgadoṣā adhyātmanityā vinivṛttakāmāḥ |
dvandvairvimuktāḥ sukhaduḥkhasaṃjñaigacchantyamūḍhāḥ padamavyayaṃ tat || 19 ||
[Analyze grammar]
Other editions:
Also see the following editions of the Sanskrit text or (alternative) English translations of the Yoga Vasistha Chapter CLIV
Yoga Vasistha English (four volumes)
by Vihari-Lala Mitra (1891)
Yoga Vasistha Maha Ramayana (Gujarati)
by Sahitya Sangam, Allahabad (0)
[યોગ વસિષ્ઠએ] 9788192776460.
Buy now!
Vasishtha Rama Samvadam (Telugu)
by Ramakrishna Math, Hyderabad (2019)
Set of 4 Volumes; 9789383972142.
Buy now!
The Yogavasistha (Hindi translation)
by Khemraj Shrikrishnadass (2009)
Set of 2 Volumes; Khemraj Edition.
Buy now!