Chapter LXXVIII

śrīvasiṣṭha uvāca |
vātavarṣahimotpātapātabhagne dharātale |
jaḍavego'gamadvṛddhiṃ kalāviva mahīpatiḥ || 1 ||
[Analyze grammar]

gaṅgāpravāhapatitadhārāpātavivardhitaḥ |
saritsahasraiḥ sahasā merumandarabhāsuraiḥ || 2 ||
[Analyze grammar]

ādityapathasaṃprāptakandaro jaḍamantharaḥ |
ekārṇavaḥ samucchūna āsīnmūrkha iveśvaraḥ || 3 ||
[Analyze grammar]

vipulāvartavṛttyāttavivṛttādrijarattṛṇaḥ |
sphurattuṅgataraṅgāgranigīrṇādityamaṇḍalaḥ || 4 ||
[Analyze grammar]

merumandarakailāsavindhyasahyajalecaraḥ |
galitāvanipaṅkāntarlīnavyālamṛṇālakaḥ || 5 ||
[Analyze grammar]

ardhadagdhadrumavanavyūhaśaivalasaṃkaṭaḥ |
trailokyabhasmasaṃsṛṣṭa āsītkardamakutsitaḥ || 6 ||
[Analyze grammar]

nabhaḥstambhavṛhaddhānottālabhāskarapuṣkaraḥ |
dhārājālamahāmbhodavilīnanalinīdalaḥ || 7 ||
[Analyze grammar]

ḍiṇḍīraparvataprāntanadadunmattavāridaḥ |
bhramadindrānilārkendupurapattanapūraṇaiḥ || 8 ||
[Analyze grammar]

kāṣṭhavatprohyamāṇograsurāsurajanotkaraḥ |
śanaiḥ kramocchūnatayā lihannādityamaṇḍalam || 9 ||
[Analyze grammar]

tarattāratarārāvadhārādharasamudbhavaiḥ |
budbudaiḥ parisaṃdigdhaprohyamāṇamahācalaḥ || 10 ||
[Analyze grammar]

bhramadbudbudaviśrāntabhrāntakalpāntavāridaḥ |
uttālaistairanādhāraiḥ paśyannaparavāridam || 11 ||
[Analyze grammar]

mahāpravāhavāryoghaghoṣaghuṃghumitāmbaraḥ |
ekapravāhamahitasavyomakulaparvataḥ || 12 ||
[Analyze grammar]

caṇḍavātakṛtāpūrvajalaughakulaparvataiḥ |
mahāghuraghurārāvaghargharogramahārayaḥ || 13 ||
[Analyze grammar]

brahmāṇḍakhaṇḍasaṃghaṭṭaparāvṛttibhiruddhataḥ |
kurvanyojanalakṣāṇi vitatānyunnatāni ca || 14 ||
[Analyze grammar]

tṛṇairiva taraṅgeṣu dolāndolanamadribhiḥ |
kurvadbhirupalāghātabhagnabhāskaramaṇḍalaḥ || 15 ||
[Analyze grammar]

śūnyabrahmāṇḍaviṣulajalaghātakulāyake |
nīlānacalakākolāñjahansalilajālakaiḥ || 16 ||
[Analyze grammar]

mṛtāmṛtamahadbhūtamajjanonmajjanākulān |
taraṃgamakarāvartapratibimbānvitāniva || 17 ||
[Analyze grammar]

mṛtaśiṣṭānpurabhraṣṭānphenādritaṭikoṭiṣu |
dadhajjalabalaśrāntāṃstridaśānmaśakāniva || 18 ||
[Analyze grammar]

vipulādyatanākāśavipulānambubududān |
sadvasrasaṃkhyānkalayaṃllocanānīva vāsavaḥ || 19 ||
[Analyze grammar]

śaradvyomasamābhgegairvaladbhirbudgudekṣaṇaiḥ |
paśyanniva nadīdhārānbheghānātāmrapūrakān || 20 ||
[Analyze grammar]

puṣkarāvartakābhrāṇāṃ bahubhirvīcimaṇḍalaiḥ |
kurvannāliṅganānīva sapakṣādrivadutthitaiḥ || 21 ||
[Analyze grammar]

trijagadgrāsasaṃtṛptaḥ pragāyanniva ghargharaiḥ |
svairnṛtyanniva cogrādrikaṭakairvīcidordrumaiḥ || 22 ||
[Analyze grammar]

nadīdhārādharairūrdhve madhye dagdhairdharādharaiḥ |
adho dharādharairnāgairadharaḥ paṅkagairvṛtaḥ || 23 ||
[Analyze grammar]

dhārātripathagāpūrairnipatadbhirnirantaram |
magnonmagno hyamānādriśṛṅgaḍiṇḍīrabudbudaḥ || 24 ||
[Analyze grammar]

uhyamānadalatsvargakhaṇḍakrandannabhaścaraḥ |
vahadvidyādharīvṛndapadminīsundarāntaraḥ || 25 ||
[Analyze grammar]

ekārṇavapayaḥpūrairghargharārāvaraṃhasi |
trailokyakhaṇḍasaṃhāre prohyamāṇe mahāmbhasi || 26 ||
[Analyze grammar]

nāsītkaścitparitrātā hantā'vīcivaśo'pi ca |
śaknoti kaḥ paritrātuṃ kālena kavalīkṛtam || 27 ||
[Analyze grammar]

nākāśamāsīnna diganta āsīdadho'pi nāsīnna tadūrdhvamāsīt |
bhūtaṃ na āsīnna ca sarga āsīdāsītparaṃ kevalameva vāri || 28 ||
[Analyze grammar]