Chapter 100

te rāvaṇavadhaṃ dṛṣṭvā devagandharvadānavāḥ |
jagmustaistairvimānaiḥ svaiḥ kathayantaḥ śubhāḥ kathāḥ || 1 ||
[Analyze grammar]

rāvaṇasya vadhaṃ ghoraṃ rāghavasya parākramam |
suyuddhaṃ vānarāṇāṃ ca sugrīvasya ca mantritam || 2 ||
[Analyze grammar]

anurāgaṃ ca vīryaṃ ca saumitrerlakṣmaṇasya ca |
kathayanto mahābhāgā jagmurhṛṣṭā yathāgatam || 3 ||
[Analyze grammar]

rāghavastu rathaṃ divyamindradattaṃ śikhiprabham |
anujñāya mahābhāgo mātaliṃ pratyapūjayat || 4 ||
[Analyze grammar]

rāghaveṇābhyanujñāto mātaliḥ śakrasārathiḥ |
divyaṃ taṃ rathamāsthāya divamevāruroha saḥ || 5 ||
[Analyze grammar]

tasmiṃstu divamārūḍhe surasārathisattame |
rāghavaḥ paramaprītaḥ sugrīvaṃ pariṣasvaje || 6 ||
[Analyze grammar]

pariṣvajya ca sugrīvaṃ lakṣmaṇenābhivāditaḥ |
pūjyamāno hariśreṣṭhairājagāma balālayam || 7 ||
[Analyze grammar]

abravīcca tadā rāmaḥ samīpaparivartinam |
saumitriṃ sattvasaṃpannaṃ lakṣmaṇaṃ dīptatejasaṃ || 8 ||
[Analyze grammar]

vibhīṣaṇamimaṃ saumya laṅkāyāmabhiṣecaya |
anuraktaṃ ca bhaktaṃ ca mama caivopakāriṇam || 9 ||
[Analyze grammar]

eṣa me paramaḥ kāmo yadimaṃ rāvaṇānujam |
laṅkāyāṃ saumya paśyeyamabhiṣiktaṃ vibhīṣaṇam || 10 ||
[Analyze grammar]

evamuktastu saumitrī rāghaveṇa mahātmanā |
tathetyuktvā tu saṃhṛṣṭaḥ sauvarṇaṃ ghaṭamādade || 11 ||
[Analyze grammar]

ghaṭena tena saumitrirabhyaṣiñcadvibhīṣaṇam |
laṅkāyāṃ rakṣasāṃ madhye rājānaṃ rāmaśāsanāt || 12 ||
[Analyze grammar]

abhyaṣiñcat sa dharmātmā śuddhātmānaṃ vibhīṣaṇam |
tasyāmātyā jahṛṣire bhaktā ye cāsya rākṣasāḥ || 13 ||
[Analyze grammar]

dṛṣṭvābhiṣiktaṃ laṅkāyāṃ rākṣasendraṃ vibhīṣaṇam |
rāghavaḥ paramāṃ prītiṃ jagāma sahalakṣmaṇaḥ || 14 ||
[Analyze grammar]

sa tad rājyaṃ mahat prāpya rāmadattaṃ vibhīṣaṇaḥ |
prakṛtīḥ sāntvayitvā ca tato rāmamupāgamat || 15 ||
[Analyze grammar]

akṣatānmodakāṃl lājāndivyāḥ sumanasastathā |
ājahruratha saṃhṛṣṭāḥ paurāstasmai niśācarāḥ || 16 ||
[Analyze grammar]

sa tān gṛhītvā durdharṣo rāghavāya nyavedayat |
maṅgalyaṃ maṅgalaṃ sarvaṃ lakṣmaṇāya ca vīryavān || 17 ||
[Analyze grammar]

kṛtakāryaṃ samṛddhārthaṃ dṛṣṭvā rāmo vibhīṣaṇam |
pratijagrāha tat sarvaṃ tasyaiva priyakāmyayā || 18 ||
[Analyze grammar]

tataḥ śailopamaṃ vīraṃ prāñjaliṃ pārśvataḥ sthitam |
abravīd rāghavo vākyaṃ hanūmantaṃ plavaṃgamam || 19 ||
[Analyze grammar]

anumānya mahārājamimaṃ saumya vibhīṣaṇam |
praviśya rāvaṇagṛhaṃ vinayenopasṛtya ca || 20 ||
[Analyze grammar]

vaidehyā māṃ kuśalinaṃ sasugrīvaṃ salakṣmaṇam |
ācakṣva jayatāṃ śreṣṭha rāvaṇaṃ ca mayā hatam || 21 ||
[Analyze grammar]

priyametadudāhṛtya maithilyāstvaṃ harīśvara |
pratigṛhya ca saṃdeśamupāvartitumarhasi || 22 ||
[Analyze grammar]