Chapter 50

sa tu rākṣasaśārdūlo nidrāmadasamākulaḥ |
rājamārgaṃ śriyā juṣṭaṃ yayau vipulavikramaḥ || 1 ||
[Analyze grammar]

rākṣasānāṃ sahasraiśca vṛtaḥ paramadurjayaḥ |
gṛhebhyaḥ puṣpavarṣeṇa kāryamāṇastadā yayau || 2 ||
[Analyze grammar]

sa hemajālavitataṃ bhānubhāsvaradarśanam |
dadarśa vipulaṃ ramyaṃ rākṣasendraniveśanam || 3 ||
[Analyze grammar]

sa tattadā sūrya ivābhrajālaṃ praviśya rakṣo'dhipaterniveśanam |
dadarśa dūre'grajamāsanasthaṃ svayambhuvaṃ śakra ivāsanastham || 4 ||
[Analyze grammar]

so'bhigamya gṛhaṃ bhrātuḥ kakṣyāmabhivigāhya ca |
dadarśodvignamāsīnaṃ vimāne puṣpake gurum || 5 ||
[Analyze grammar]

atha dṛṣṭvā daśagrīvaḥ kumbhakarṇamupasthitam |
tūrṇamutthāya saṃhṛṣṭaḥ saṃnikarṣamupānayat || 6 ||
[Analyze grammar]

athāsīnasya paryaṅke kumbhakarṇo mahābalaḥ |
bhrāturvavande caraṇāṃ kiṃ kṛtyamiti cābravīt |
utpatya cainaṃ mudito rāvaṇaḥ pariṣasvaje || 7 ||
[Analyze grammar]

sa bhrātrā saṃpariṣvakto yathāvaccābhinanditaḥ |
kumbhakarṇaḥ śubhaṃ divyaṃ pratipede varāsanam || 8 ||
[Analyze grammar]

sa tadāsanamāśritya kumbhakarṇo mahābalaḥ |
saṃraktanayanaḥ kopād rāvaṇaṃ vākyamabravīt || 9 ||
[Analyze grammar]

kimarthamahamādṛtya tvayā rājanprabodhitaḥ |
śaṃsa kasmādbhayaṃ te'sti ko'dya preto bhaviṣyati || 10 ||
[Analyze grammar]

bhrātaraṃ rāvaṇaḥ kruddhaṃ kumbhakarṇamavasthitam |
īṣattu parivṛttābhyāṃ netrābhyāṃ vākyamabravīt || 11 ||
[Analyze grammar]

adya te sumahān kālaḥ śayānasya mahābala |
sukhitastvaṃ na jānīṣe mama rāmakṛtaṃ bhayam || 12 ||
[Analyze grammar]

eṣa dāśarathī rāmaḥ sugrīvasahito balī |
samudraṃ sabalastīrtvā mūlaṃ naḥ parikṛntati || 13 ||
[Analyze grammar]

hanta paśyasva laṅkāyā vanānyupavanāni ca |
setunā sukhamāgamya vānaraikārṇavaṃ kṛtam || 14 ||
[Analyze grammar]

ye rākṣasā mukhyatamā hatāste vānarairyudhi |
vānarāṇāṃ kṣayaṃ yuddhe na paśyāmi kadā cana || 15 ||
[Analyze grammar]

sarvakṣapitakośaṃ ca sa tvamabhyavapadya mām |
trāyasvemāṃ purīṃ laṅkāṃ bālavṛddhāvaśeṣitām || 16 ||
[Analyze grammar]

bhrāturarthe mahābāho kuru karma suduṣkaram |
mayaivaṃ noktapūrvo hi kaścidbhrātaḥ paraṃtapa |
tvayyasti mama ca snehaḥ parā saṃbhāvanā ca me || 17 ||
[Analyze grammar]

devāsuravimardeṣu bahuśo rākṣasarṣabha |
tvayā devāḥ prativyūhya nirjitāścāsurā yudhi |
na hi te sarvabhūteṣu dṛśyate sadṛśo balī || 18 ||
[Analyze grammar]

kuruṣva me priyahitametaduttamaṃ yathāpriyaṃ priyaraṇabāndhavapriya |
svatejasā vidhama sapatnavāhinīṃ śaradghanaṃ pavana ivodyato mahān || 19 ||
[Analyze grammar]