Chapter 109

rāghavastvapayāteṣu tapasviṣu vicintayan |
na tatrārocayadvāsaṃ kāraṇairbahubhistadā || 1 ||
[Analyze grammar]

iha me bharato dṛṣṭo mātaraśca sanāgarāḥ |
sā ca me smṛtiranveti tānnityamanuśocataḥ || 2 ||
[Analyze grammar]

skandhāvāraniveśena tena tasya mahātmanaḥ |
hayahastikarīṣaiśca upamardaḥ kṛto bhṛśam || 3 ||
[Analyze grammar]

tasmādanyatra gacchāma iti saṃcintya rāghavaḥ |
prātiṣṭhata sa vaidehyā lakṣmaṇena ca saṃgataḥ || 4 ||
[Analyze grammar]

so'trerāśramamāsādya taṃ vavande mahāyaśāḥ |
taṃ cāpi bhagavānatriḥ putravat pratyapadyata || 5 ||
[Analyze grammar]

svayamātithyamādiśya sarvamasya susatkṛtam |
saumitriṃ ca mahābhāgāṃ sītāṃ ca samasāntvayat || 6 ||
[Analyze grammar]

patnīṃ ca tamanuprāptāṃ vṛddhāmāmantrya satkṛtām |
sāntvayāmāsa dharmajñaḥ sarvabhūtahite rataḥ || 7 ||
[Analyze grammar]

anasūyāṃ mahābhāgāṃ tāpasīṃ dharmacāriṇīm |
pratigṛhṇīṣva vaidehīmabravīdṛṣisattamaḥ || 8 ||
[Analyze grammar]

rāmāya cācacakṣe tāṃ tāpasīṃ dharmacāriṇīm |
daśa varṣāṇyanāvṛṣṭyā dagdhe loke nirantaram || 9 ||
[Analyze grammar]

yayā mūlaphale sṛṣṭe jāhnavī ca pravartitā |
ugreṇa tapasā yuktā niyamaiścāpyalaṃkṛtā || 10 ||
[Analyze grammar]

daśavarṣasahasrāṇi yayā taptaṃ mahattapaḥ |
anasūyāvrataistāta pratyūhāśca nibarhitāḥ || 11 ||
[Analyze grammar]

devakāryanimittaṃ ca yayā saṃtvaramāṇayā |
daśarātraṃ kṛtvā rātriḥ seyaṃ māteva te'nagha || 12 ||
[Analyze grammar]

tāmimāṃ sarvabhūtānāṃ namaskāryāṃ yaśasvinīm |
abhigacchatu vaidehī vṛddhāmakrodhanāṃ sadā || 13 ||
[Analyze grammar]

evaṃ bruvāṇaṃ tamṛṣiṃ tathetyuktvā sa rāghavaḥ |
sītāmuvāca dharmajñāmidaṃ vacanamuttamam || 14 ||
[Analyze grammar]

rājaputri śrutaṃ tvetanmunerasya samīritam |
śreyo'rthamātmanaḥ śīghramabhigaccha tapasvinīm || 15 ||
[Analyze grammar]

anasūyeti yā loke karmabhiḥ kyātimāgatā |
tāṃ śīghramabhigaccha tvamabhigamyāṃ tapasvinīm || 16 ||
[Analyze grammar]

sītā tvetadvacaḥ śrutvā rāghavasya hitaiṣiṇī |
tāmatripatnīṃ dharmajñāmabhicakrāma maithilī || 17 ||
[Analyze grammar]

śithilāṃ valitāṃ vṛddhāṃ jarāpāṇḍuramūrdhajām |
satataṃ vepamānāṅgīṃ pravāte kadalī yathā || 18 ||
[Analyze grammar]

tāṃ tu sītā mahābhāgāmanasūyāṃ pativratām |
abhyavādayadavyagrā svaṃ nāma samudāharat || 19 ||
[Analyze grammar]

abhivādya ca vaidehī tāpasīṃ tāmaninditām |
baddhāñjalipuṭā hṛṣṭā paryapṛcchadanāmayam || 20 ||
[Analyze grammar]

tataḥ sītāṃ mahābhāgāṃ dṛṣṭvā tāṃ dharmacāriṇīm |
sāntvayantyabravīddhṛṣṭā diṣṭyā dharmamavekṣase || 21 ||
[Analyze grammar]

tyaktvā jñātijanaṃ sīte mānamṛddhiṃ ca mānini |
avaruddhaṃ vane rāmaṃ diṣṭyā tvamanugacchasi || 22 ||
[Analyze grammar]

nagarastho vanastho vā pāpo vā yadi vāśubhaḥ |
yāsāṃ strīṇāṃ priyo bhartā tāsāṃ lokā mahodayāḥ || 23 ||
[Analyze grammar]

duḥśīlaḥ kāmavṛtto vā dhanairvā parivarjitaḥ |
strīṇāmārya svabhāvānāṃ paramaṃ daivataṃ patiḥ || 24 ||
[Analyze grammar]

nāto viśiṣṭaṃ paśyāmi bāndhavaṃ vimṛśantyaham |
sarvatra yogyaṃ vaidehi tapaḥ kṛtamivāvyayam || 25 ||
[Analyze grammar]

na tvevamavagacchanti guṇa doṣamasat striyaḥ |
kāmavaktavyahṛdayā bhartṛnāthāścaranti yāḥ || 26 ||
[Analyze grammar]

prāpnuvantyayaśaścaiva dharmabhraṃśaṃ ca maithili |
akārya vaśamāpannāḥ striyo yāḥ khalu tadvidhāḥ || 27 ||
[Analyze grammar]

tvadvidhāstu guṇairyuktā dṛṣṭalokaparāvarāḥ |
striyaḥ svarge cariṣyanti yathā puṇyakṛtastathā || 28 ||
[Analyze grammar]