Chapter 110

sā tvevamuktā vaidehī anasūyānasūyayā |
pratipūjya vaco mandaṃ pravaktumupacakrame || 1 ||
[Analyze grammar]

naitadāścaryamāryāyā yanmāṃ tvamanubhāṣase |
viditaṃ tu mamāpyetad yathā nāryāḥ patirguruḥ || 2 ||
[Analyze grammar]

yadyapyeṣa bhavedbhartā mamārye vṛttavarjitaḥ |
advaidhamupavartavyastathāpyeṣa mayā bhavet || 3 ||
[Analyze grammar]

kiṃ punaryo guṇaślāghyaḥ sānukrośo jitendriyaḥ |
sthirānurāgo dharmātmā mātṛvartī pitṛ priyaḥ || 4 ||
[Analyze grammar]

yāṃ vṛttiṃ vartate rāmaḥ kausalyāyāṃ mahābalaḥ |
tāmeva nṛpanārīṇāmanyāsāmapi vartate || 5 ||
[Analyze grammar]

sakṛddṛṣṭāsvapi strīṣu nṛpeṇa nṛpavatsalaḥ |
mātṛvadvartate vīro mānamutsṛjya dharmavit || 6 ||
[Analyze grammar]

āgacchantyāśca vijanaṃ vanamevaṃ bhayāvaham |
samāhitaṃ hi me śvaśrvā hṛdaye yat sthitaṃ mama || 7 ||
[Analyze grammar]

prāṇipradānakāle ca yat purā tvagnisaṃnidhau |
anuśiṣṭā jananyāsmi vākyaṃ tadapi me dhṛtam || 8 ||
[Analyze grammar]

navīkṛtaṃ tu tat sarvaṃ vākyaiste dharmacāriṇi |
patiśuśrūṣaṇānnāryāstapo nānyadvidhīyate || 9 ||
[Analyze grammar]

sāvitrī patiśuśrūṣāṃ kṛtvā svarge mahīyate |
tathā vṛttiśca yātā tvaṃ patiśuśrūṣayā divam || 10 ||
[Analyze grammar]

variṣṭhā sarvanārīṇāmeṣā ca divi devatā |
rohiṇī ca vinā candraṃ muhūrtamapi dṛśyate || 11 ||
[Analyze grammar]

evaṃvidhāśca pravarāḥ striyo bhartṛdṛḍhavratāḥ |
devaloke mahīyante puṇyena svena karmaṇā || 12 ||
[Analyze grammar]

tato'nasūyā saṃhṛṣṭā śrutvoktaṃ sītayā vacaḥ |
śirasyāghrāya covāca maithilīṃ harṣayantyuta || 13 ||
[Analyze grammar]

niyamairvividhairāptaṃ tapo hi mahadasti me |
tat saṃśritya balaṃ sīte chandaye tvāṃ śucivrate || 14 ||
[Analyze grammar]

upapannaṃ ca yuktaṃ ca vacanaṃ tava maithili |
prītā cāsmyucitaṃ kiṃ te karavāṇi bravīhi me |
kṛtamityabravīt sītā tapobalasamanvitām || 15 ||
[Analyze grammar]

sā tvevamuktā dharmajñā tayā prītatarābhavat |
saphalaṃ ca praharṣaṃ te hanta sīte karomyaham || 16 ||
[Analyze grammar]

idaṃ divyaṃ varaṃ mālyaṃ vastramābharaṇāni ca |
aṅgarāgaṃ ca vaidehi mahārhamanulepanam || 17 ||
[Analyze grammar]

mayā dattamidaṃ sīte tava gātrāṇi śobhayet |
anurūpamasaṃkliṣṭaṃ nityameva bhaviṣyati || 18 ||
[Analyze grammar]

aṅgarāgeṇa divyena liptāṅgī janakātmaje |
śobhayiṣyāmi bhartāraṃ yathā śrīrviṣṇumavyayam || 19 ||
[Analyze grammar]

sā vastramaṅgarāgaṃ ca bhūṣaṇāni srajastathā |
maithilī pratijagrāha prītidānamanuttamam || 20 ||
[Analyze grammar]

pratigṛhya ca tat sītā prītidānaṃ yaśasvinī |
śliṣṭāñjalipuṭā dhīrā samupāsta tapodhanām || 21 ||
[Analyze grammar]

tathā sītāmupāsīnāmanasūyā dṛḍhavratā |
vacanaṃ praṣṭumārebhe kathāṃ kāṃ cidanupriyām || 22 ||
[Analyze grammar]

svayaṃvare kila prāptā tvamanena yaśasvinā |
rāghaveṇeti me sīte kathā śrutimupāgatā || 23 ||
[Analyze grammar]

tāṃ kathāṃ śrotumicchāmi vistareṇa ca maithili |
yathānubhūtaṃ kārtsnyena tanme tvaṃ vaktumarhasi || 24 ||
[Analyze grammar]

evamuktā tu sā sītā tāṃ tato dharmacāriṇīm |
śrūyatāmiti coktvā vai kathayāmāsa tāṃ kathām || 25 ||
[Analyze grammar]

mithilādhipatirvīro janako nāma dharmavit |
kṣatradharmaṇyabhirato nyāyataḥ śāsti medinīm || 26 ||
[Analyze grammar]

tasya lāṅgalahastasya karṣataḥ kṣetramaṇḍalam |
ahaṃ kilotthitā bhittvā jagatīṃ nṛpateḥ sutā || 27 ||
[Analyze grammar]

sa māṃ dṛṣṭvā narapatirmuṣṭivikṣepatatparaḥ |
pāṃśu guṇṭhita sarvāṅgīṃ vismito janako'bhavat || 28 ||
[Analyze grammar]

anapatyena ca snehādaṅkamāropya ca svayam |
mameyaṃ tanayetyuktvā sneho mayi nipātitaḥ || 29 ||
[Analyze grammar]

antarikṣe ca vāguktāpratimā mānuṣī kila |
evametannarapate dharmeṇa tanayā tava || 30 ||
[Analyze grammar]

tataḥ prahṛṣṭo dharmātmā pitā me mithilādhipaḥ |
avāpto vipulāmṛddhiṃ māmavāpya narādhipaḥ || 31 ||
[Analyze grammar]

dattvā cāsmīṣṭavaddevyai jyeṣṭhāyai puṇyakarmaṇā |
tayā saṃbhāvitā cāsmi snigdhayā mātṛsauhṛdāt || 32 ||
[Analyze grammar]

patisaṃyogasulabhaṃ vayo dṛṣṭvā tu me pitā |
cintāmabhyagamaddīno vittanāśādivādhanaḥ || 33 ||
[Analyze grammar]

sadṛśāccāpakṛṣṭācca loke kanyāpitā janāt |
pradharṣaṇāmavāpnoti śakreṇāpi samo bhuvi || 34 ||
[Analyze grammar]

tāṃ dharṣaṇāmadūrasthāṃ saṃdṛśyātmani pārthivaḥ |
cinntārṇavagataḥ pāraṃ nāsasādāplavo yatha || 35 ||
[Analyze grammar]

ayonijāṃ hi māṃ jñātvā nādhyagacchat sa cintayan |
sadṛśaṃ cānurūpaṃ ca mahīpālaḥ patiṃ mama || 36 ||
[Analyze grammar]

tasya buddhiriyaṃ jātā cintayānasya saṃtatam |
svayaṃ varaṃ tanūjāyāḥ kariṣyāmīti dhīmataḥ || 37 ||
[Analyze grammar]

mahāyajñe tadā tasya varuṇena mahātmanā |
dattaṃ dhanurvaraṃ prītyā tūṇī cākṣayya sāyakau || 38 ||
[Analyze grammar]

asaṃcālyaṃ manuṣyaiśca yatnenāpi ca gauravāt |
tanna śaktā namayituṃ svapneṣvapi narādhipāḥ || 39 ||
[Analyze grammar]

taddhanuḥ prāpya me pitrā vyāhṛtaṃ satyavādinā |
samavāye narendrāṇāṃ pūrvamāmantrya pārthivān || 40 ||
[Analyze grammar]

idaṃ ca dhanurudyamya sajyaṃ yaḥ kurute naraḥ |
tasya me duhitā bhāryā bhaviṣyati na saṃśayaḥ || 41 ||
[Analyze grammar]

tacca dṛṣṭvā dhanuḥśreṣṭhaṃ gauravādgirisaṃnibham |
abhivādya nṛpā jagmuraśaktāstasya tolane || 42 ||
[Analyze grammar]

sudīrghasya tu kālasya rāghavo'yaṃ mahādyutiḥ |
viśvāmitreṇa sahito yajñaṃ draṣṭuṃ samāgataḥ || 43 ||
[Analyze grammar]

lakṣmaṇena saha bhrātrā rāmaḥ satyaparākramaḥ |
viśvāmitrastu dharmātmā mama pitrā supūjitaḥ || 44 ||
[Analyze grammar]

provāca pitaraṃ tatra rāghavo rāmalakṣmaṇau |
sutau daśarathasyemau dhanurdarśanakāṅkṣiṇau |
ityuktastena vipreṇa taddhanuḥ samupānayat || 45 ||
[Analyze grammar]

nimeṣāntaramātreṇa tadānamya sa vīryavān |
jyāṃ samāropya jhaṭiti pūrayāmāsa vīryavān || 46 ||
[Analyze grammar]

tena pūrayatā vegānmadhye bhagnaṃ dvidhā dhanuḥ |
tasya śabdo'bhavadbhīmaḥ patitasyāśaneriva || 47 ||
[Analyze grammar]

tato'haṃ tatra rāmāya pitrā satyābhisaṃdhinā |
udyatā dātumudyamya jalabhājanamuttamam || 48 ||
[Analyze grammar]

dīyamānāṃ na tu tadā pratijagrāha rāghavaḥ |
avijñāya pituśchandamayodhyādhipateḥ prabhoḥ || 49 ||
[Analyze grammar]

tataḥ śvaśuramāmantrya vṛddhaṃ daśarathaṃ nṛpam |
mama pitrā ahaṃ dattā rāmāya viditātmane || 50 ||
[Analyze grammar]

mama caivānujā sādhvī ūrmilā priyadarśanā |
bhāryārthe lakṣmaṇasyāpi dattā pitrā mama svayam || 51 ||
[Analyze grammar]

evaṃ dattāsmi rāmāya tadā tasmin svayaṃ vare |
anuraktā ca dharmeṇa patiṃ vīryavatāṃ varam || 52 ||
[Analyze grammar]